aysor.am: Չինաստանի ծովային ոստիկանության չորս պարեկանավ մտել է անբնակ Սենկակու (Դյաոյուդաո) կղզիների գոտի Արևելաչինական ծովում. գոտին Ճապոնիան համարում է իր տարածքային ջրերը, հայտնում են տեղի լրատվամիջոցները։
Այս տեղեկատվության համաձայն՝ ափամերձ պահպանության ներկայացուցիչները պահանջել են չինական նավերից հեռանալ տարածքից։
Սենկակուն փաստորեն գտնվում է Տոկիոյի հսկողության ներքո, բայց Պեկինը դրանք համարում է ապօրինաբար զավթված տարածքներ։ Չինական նավերը մշտապես նավարկում են վիճելի կղզիների մոտ և երբեմն ցուցադրաբար մտնում են ափամերձ գոտի։ Վերջին նման դեպքից հետո Ճապոնիայի վարչապետի գրասենյակն անգամ ճգնաժամային արձագանքման շտաբ է ստեղծել։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)