Հոկտեմբերի 1-ից ուժի մեջ կմտնի կորոնավիրուսի տարածումը կանխարգելող օրենսդրական կարգավորումը. Վարչապետ Նիկոլ Փաշինյանի գլխավորությամբ կայացած խորհրդակցության ընթացքում քննարկվել են հանրապետությունում կորոնավիրուսի համավարակով պայմանավորված իրավիճակը և պատվաստումային գործընթացը: Առողջապահության նախարար Անահիտ Ավանեսյանը տեղեկացրեց, որ այս պահին Covid-ով վարակված պացիենտներին սպասարկում է 18 բժշկական կազմակերպություն: Ունենք 25 երեխայի և շուրջ 30 հղի կանանց հոսպիտալացման դեպքեր, նրանց վիճակը գտնվում է մշտական խիստ հսկողության ներքո: Ծայրահեղ ծանր վիճակում է գտնվում 169 քաղաքացի, թոքերի արհեստական օդափոխման սարքին միացված է 68 քաղաքացի: [ՀՀ կառավարություն]

Սպիտակ տանը տեղի է ունեցել ԱՄՆ նախագահ Բայդենի անվտանգության գծով խորհրդական Ջեք Սալիվանի և Թուրքիայի նախագահ Էրդողանի խոսնակ Իբրահիմ Քալընի հանդիպումը: Հանդիպման գլխավոր թեմաներից են եղել 44-օրյա պատերազմից հետո կովկասյան տարածաշրջանում տեղի ունեցող իրադարձություններն ու տարածաշրջանում խաղաղության և կայունության հաստատման ուղղությամբ կատարվելիք քայլերը: |armenpress.am|

Վերջին օրերին Հայաստանի բարեկամ Իրանի հասցեին Ադրբեջանից տարբեր մակարդակներով հնչում են անընդունելի և սադրիչ հայտարարություններ, արվում են ակնհայտ հակաիրանական քայլեր, որոնք միտված են տարածաշրջանում ապակայունացման հերթական ալիքի և նոր ռիսկերի ու մարտահրավերների ձևավորմանը։ Ադրբեջանում թուրքական կողմի հետ համատեղ անցկացվող պարբերական զորավարժություննեըը ևս հստակորեն ցույց են տալիս, որ պաշտոնական Բաքուն և Անկարան որևէ ցանկություն չունեն իրենց երկարաժամկետ քաղաքականությունը կառուցելու տարածաշրջանային խաղաղության հասնելու տրամաբանության շրջանակներում և ռազմատենչ ծավալապաշտական նկրտումներ ունեն ոչ միայն ՀՀ-ի ու Արցախի հանրապետությունների նկատմամբ։ [«Պատիվ ունեմ» խմբակցության ղեկավար Արթուր Վանեցյան]

Նիկոլ Փաշինյանի լուսանկարի տակ վիրավորանք պարունակող գրառում կատարելու փաստի առթիվ այսօր հարուցվել է քրեական գործ՝ ՀՀ քրեական օրենսգրքի 137.1-րդ հոդվածի 2-րդ մասի 2-րդ կետով՝ անձի հանրային գործունեությամբ պայմանավորված՝ նրան ծանր վիրավորանք հասցնելու հատկանիշներով։ Այս մասին հայտնել են ՀՀ ոստիկանությունից։ Ֆեյսբուքյան օգտատիրոջ՝ Նիկոլ Փաշինյանի լուսանկարի տակ վիրավորանք պարունակող գրառում կատարելու հանգամանքը իրավապահ մարմիններն արձանագրել են իրականացված մոնիթորինգի արդյունքում՝ առանց ենթադրյալ տուժողի բողոքն ստանալու։ |pastinfo.am|

Սյունիքի մարզպետ Մելիքսեթ Պողոսյանի՝ սպանության փորձ կատարելու և ապօրինի զենք պահելու մեջ մեղադրվող որդին՝ Կարեն Պողոսյանը, ինքնակամ ներկայացել է Քննչական կոմիտե: Այս մասին հայտնեց ՔԿ մամուլի քարտուղար Վարդան Թադևոսյանը: Նա նշեց, որ Պողոսյանը տեղափոխվել է «Արմավիր» քրեակատարողական հիմնարկ: |armenpress.am|

Եթե մարտ ամսին պատվաստման նկատմամբ հակվածության ցուցանիշը բնակչության մոտ 10 տոկոս էր, ապա այսօր դա 40 տոկոսից բարձր է: Մենք տեսնում ենք տեմպը, օրական պատվաստումների բավականին աճող ցուցանիշները: Երեկ իրականացվել է 9 924 պատվաստում: Ընդհանուր առմամբ, իրականացվել է 377 հազար 405 պատվաստում։ [Առողջապահության նախարար Անահիտ Ավանեսյան] |armenpress.am|

Նյու Յորքում գտնվող ԱԳ նախարար Արարատ Միրզոյանը հանդիպում է ունեցել Ֆրանսիայի ԱԳ նախարար Ժան-Իվ Լը Դրիանի հետ։ Անդրադարձ է կատարվել 44-օրյա պատերազմի հետևանքով ստեղծված հումանիտար խնդիրներին և ԼՂ հակամարտության կարգավորման հեռանկարներին։ Միրզոյանն առանձնահատուկ կարևորել է Ադրբեջանում պահվող հայ ռազմագերիների և քաղաքացիական պատանդների շուտափույթ հայրենադարձումը։ Երկուստեք կարևորվել է ԵԱՀԿ Մինսկի խմբի համանախագահության շրջանակներում ԼՂ հակամարտության խաղաղ կարգավորման գործընթացի վերսկսման անհրաժեշտությունը։

Սեպտեմբերի 23-ի դրությամբ հաստատվել է կորոնավիրուսի ընդհանուր 255 648 դեպք, որոնցից 237 855-ն` առողջացած, 5200-ը` մահվան ելքով: Այս պահին փաստացի բուժում է ստանում 11396 պացիենտ: Ընդհանուր առմամբ, կատարվել է 1 669 977 թեստավորում: Երեկ կատարվել է 5823 թեստավորում, որից հաստատվել է կորոնավիրուսի 939 նոր դեպք: Ունենք 592 առողջացած, 19 մահվան դեպք:

Տրանսպորտային միջոցների երթևեկության հապաղումներից և խցանումներից խուսափելու համար 2021թ. սեպտեմբերի 23-ից Գայի պողոտայից դեպի աջ՝ դեպի Ստեփանյան փողոց երթևեկությունը կթույլատրվի անընդհատ, որի համար հիմնական և կրկնող լուսացույցների վրա կտեղադրվեն աջ սեկցիաներ: [ՃՈ]

ԱՄՆ Ներկայացուցիչների պալատն ընդունել է կոնգրեսականներ Թոնի Կարդենասի, Ադամ Շիֆի և Բրեդ Շերմանի ներկայացրած ուղղումը, որն Ադրբեջանից պահանջում է անհապաղ ազատ արձակել հայ ռազմագերիներին և կոչ է անում զեկույց կազմել Բաքվի ռազմական հանցագործությունների, այդ թվում՝ հայ բնակիչների դեմ անօրինական զենքի և սպիտակ ֆոսֆորի օգտագործման մասին: Փոփոխությամբ պահանջվում է նաև հետաքննություն անցկացնել թուրքական աթս-ներում ամերիկյան տեխնոլոգիաների օգտագործման վերաբերյալ: Նշվում է, որ 44-օրյա պատերազմի ժամանակ դրանք օգտագործվել են հայ բնակիչներին թիրախավորելու համար: |1lurer.am|

Ադրբեջանական ԶՈՒ ստորաբաժանումները կրակ են արձակվել թիկունքային ապահովման մեքենայի վրա․ հայկական կողմից տուժածներ չկան

23:50 - 31 հուլիսի,2021

Էրդողանը հայտարարել է Թուրքիայում անտառներ հրկիզելու համար կասկածվողի ձերբակալման մասին |tert.am|

23:16 - 31 հուլիսի,2021

Մեկնարկել են Condor ավիուղիների Ֆրանկֆուրտ-Երևան-Ֆրանկֆուրտ երթուղով չվերթերը

22:23 - 31 հուլիսի,2021

Սահմանային վերահսկողությունն ամբողջությամբ երրորդ պետությանը հանձնելը խոսում է ինքնիշխանության նվազման մասին․ Նարեկ Գալստյան

21:23 - 31 հուլիսի,2021

Թուրքիայում անտառային հրդեհներից տուժածների թիվը հասել է 410-ի |tert.am|

19:34 - 31 հուլիսի,2021

Փարիզում բողոքի ակցիա է. քաղաքացիները դեմ են համաճարակային կանոնների խստացմանը |armenpress.am|

19:30 - 31 հուլիսի,2021

ՌԴ-ում Սու-35Ս է կործանվել. ըստ նախնական տվյալների` կործանիչն ընկել է Օխոտի ծովը |tert.am|

18:38 - 31 հուլիսի,2021

ԱՄՆ-ն վերսկսում է անօրինական միգրանտների արագացված արտաքսումն իրենց հայրենիք |armenpress.am|

17:48 - 31 հուլիսի,2021

Տիգրան Ավինյանն աշխատանքից ազատել է իր խորհրդական Աբգար Բուդաղյանին

17:34 - 31 հուլիսի,2021

Հայկական ավիաընկերությունը դատի է տվել սկանդալի մեջ հայտնված օդանավի շվեյցարական սեփականատիրոջը |hetq.am|

17:06 - 31 հուլիսի,2021
Ադրբեջանական ԶՈՒ ստորաբաժանումները կրակ են արձակվել թիկունքային ապահովման մեքենայի վրա․ հայկական կողմից տուժածներ չկան

Ադրբեջանական ԶՈՒ ստորաբաժանումները կրակ են արձակվել թիկունքային ապահովման մեքենայի վրա․ հայկական կողմից տուժածներ չկան

23:50 - 31 հուլիսի,2021
Էրդողանը հայտարարել է Թուրքիայում անտառներ հրկիզելու համար կասկածվողի ձերբակալման մասին |tert.am|

Էրդողանը հայտարարել է Թուրքիայում անտառներ հրկիզելու համար կասկածվողի ձերբակալման մասին |tert.am|

23:16 - 31 հուլիսի,2021
Մեկնարկել են Condor ավիուղիների Ֆրանկֆուրտ-Երևան-Ֆրանկֆուրտ երթուղով չվերթերը

Մեկնարկել են Condor ավիուղիների Ֆրանկֆուրտ-Երևան-Ֆրանկֆուրտ երթուղով չվերթերը

22:23 - 31 հուլիսի,2021
Սահմանային վերահսկողությունն ամբողջությամբ երրորդ պետությանը հանձնելը խոսում է ինքնիշխանության նվազման մասին․ Նարեկ Գալստյան

Սահմանային վերահսկողությունն ամբողջությամբ երրորդ պետությանը հանձնելը խոսում է ինքնիշխանության նվազման մասին․ Նարեկ Գալստյան

21:23 - 31 հուլիսի,2021
Թուրքիայում անտառային հրդեհներից տուժածների թիվը հասել է 410-ի |tert.am|

Թուրքիայում անտառային հրդեհներից տուժածների թիվը հասել է 410-ի |tert.am|

19:34 - 31 հուլիսի,2021
Փարիզում բողոքի ակցիա է. քաղաքացիները դեմ են համաճարակային կանոնների խստացմանը |armenpress.am|

Փարիզում բողոքի ակցիա է. քաղաքացիները դեմ են համաճարակային կանոնների խստացմանը |armenpress.am|

19:30 - 31 հուլիսի,2021
ՌԴ-ում Սու-35Ս է կործանվել. ըստ նախնական տվյալների` կործանիչն ընկել է Օխոտի ծովը
 |tert.am|

ՌԴ-ում Սու-35Ս է կործանվել. ըստ նախնական տվյալների` կործանիչն ընկել է Օխոտի ծովը |tert.am|

18:38 - 31 հուլիսի,2021
ԱՄՆ-ն վերսկսում է անօրինական միգրանտների արագացված արտաքսումն իրենց հայրենիք |armenpress.am|

ԱՄՆ-ն վերսկսում է անօրինական միգրանտների արագացված արտաքսումն իրենց հայրենիք |armenpress.am|

17:48 - 31 հուլիսի,2021
Տիգրան Ավինյանն աշխատանքից ազատել է իր խորհրդական Աբգար Բուդաղյանին

Տիգրան Ավինյանն աշխատանքից ազատել է իր խորհրդական Աբգար Բուդաղյանին

17:34 - 31 հուլիսի,2021
Հայկական ավիաընկերությունը դատի է տվել սկանդալի մեջ հայտնված օդանավի շվեյցարական սեփականատիրոջը |hetq.am|

Հայկական ավիաընկերությունը դատի է տվել սկանդալի մեջ հայտնված օդանավի շվեյցարական սեփականատիրոջը |hetq.am|

17:06 - 31 հուլիսի,2021
Երկար զրույց գիտության շուրջ [12]․ Ռուբեն Մկրտչյան | Արամ Ջիվանյան

Երկար զրույց գիտության շուրջ [12]․ Ռուբեն Մկրտչյան | Արամ Ջիվանյան

«Գիտուժ» նախաձեռնության անդամ, կրիպտոգրաֆեր, FIRO ընկերության համահիմնադիր Արամ Ջիվանյանի և Ֆիզմաթ գիտությունների դոկտոր, Արտեմ Ալիխանյանի անվան Երևանի ֆիզիկայի ինստիտուտի նախկին տնօրեն Ռուբեն Մկրտչյանի զրույցը՝ - Հայաստան առաջին անգամ ինտերնետ բերելու, - կրթություն-գիտություն շղթայի, - գործող գիտնականների՝ կրթության վրա ունեցած ազդեցության, - Գիտության կոմիտեի աշխատանքի, - գիտության կառավարման անբավարար վիճակում լինելու, - 90-ական թվականներին գիտության նկատմամբ եղած վերաբերմունքի, - «Սեզամ» նախագծից դուրս գալու, - գիտական ինստիտուտ-համալսարաններ, գիտական ինստիտուտ-մասնագիտացված դպրոցներ կապի անհրաժեշտության, - գիտության առողջացման և զարգացման համար անհրաժեշտ քայլերի, - առանց կառավարման ուղղությամբ փոփոխությունների իրականացման՝ գիտության ֆինանսավորման ավելացման բացասական կողմերի մասին։ «Երկար զրույց գիտության շուրջ» շարքը «Գիտուժ» նախաձեռնության և Infocom-ի համատեղ նախագիծն է։
Երկար զրույց գիտության շուրջ [11]․ Արեգ Դանագուլյան | Արամ Ջիվանյան

Երկար զրույց գիտության շուրջ [11]․ Արեգ Դանագուլյան | Արամ Ջիվանյան

«Գիտուժ» նախաձեռնության անդամ, կրիպտոգրաֆեր, FIRO ընկերության համահիմնադիր Արամ Ջիվանյանի և Մասաչուսեթսի տեխնոլոգիական ինստիտուտի(MIT) պրոֆեսոր Արեգ Դանագուլյանի զրույցը․ - ֆիզիկական կրիպտոգրաֆիայի կիրառությունը կրիմինալիստիկայում,- ցածր էներգիաների միջուկային ֆիզիկայի դերը միջուկային զենքի զինաթափման պայմանագրերի ստուգման գործիքակազմում,- հաշվողական և ֆիզիկական կրիպտոգրաֆիաների տարբերությունները,- ատոմակայան ունենալուց ատոմային զենք սարքելու տեխնոլոգիական ճանապարհի երկարությունը,- ԱՄՆ-ում բարձրագույն կրթության և բանակաշինության կապը,- ամերիկյան ռազմական կրթությունը,- ռազմական խնդիրների՝ գիտական, տեխնոլոգիական կողմերը,- Ֆիզիկայի ինստիտուտի՝ ինքն իրեն վերաստեղծելու անհրաժեշտությունը,- սփյուռքի գիտական համայնքի դերը Հայաստանում գիտության զարգացման գործում։
ՊՆ-ն ՀՀ ինքնիշխան տարածքում գտնվող հակառակորդի անձնակազմի անհատական եւ քանակական հաշվառում չի իրականացնում

ՊՆ-ն ՀՀ ինքնիշխան տարածքում գտնվող հակառակորդի անձնակազմի անհատական եւ քանակական հաշվառում չի իրականացնում

ՀՀ պաշտպանության նախարարությունը ՀՀ ինքնիշխան տարածքում գտնվող հակառակորդի անձնակազմի անհատական եւ քանակական հաշվառում չի իրականացնում։ Այս մասին մեր գրավոր հարցմանն ի պատասխան՝ հայտնել են պաշտպանական գերատեսչությունից։ Արդեն 4 ամիս է՝ ադրբեջանական զինված ուժերի զինծառայողները Հայաստանի Հանրապետության ինքնիշխան տարածքում են։ Նրանց տեղակայման վայրի, մեր տարածք ներթափանցման խորության, թվի մասին պաշտոնական տեղեկատվությունը գրեթե բացակայում է։ Միայն մի քանի հայտարարություններ են հնչել այս ամիսների ընթացքում․ մայիսի 13-ին, օրինակ, ՀՀ վարչապետ Նիկոլ Փաշինյանը հայտնել էր, որ ՀՀ սահմաններից ներս գտնվում են շուրջ 250 ադրբեջանցիներ, իսկ նույն ամսվա 20-ին նա այլ թիվ էր ասել՝ 500-600։ Մոտ մեկ ամիս անց՝ հունիսի 22-ին, ՀՀ ՊՆ ԶՈՒ ԳՇ պետ Արտակ Դավթյանը հայտարարել էր, որ ՀՀ տարածքում գտնվում են շուրջ 1000 ադրբեջանցիներ։  Պաշտոնական հստակ տեղեկատվության բացակայության ֆոնին Infocom-ը նախ հուլիսի 22-ից գրավոր հարցումներ էր ուղարկել ՀՀ պաշտպանության նախարարություն՝ խնդրելով տեղեկություն տրամադրել կոնկրետ օրվա դրությամբ (հուլիսի 22 - օգոստոսի 12) ՀՀ ինքնիշխան տարածքում գտնվող ադրբեջանցիների թվի, նրանց տեղակայման վայրի մասին  Պաշտպանական գերատեսչությունը մերժել էր տեղեկություն տրամադրել՝ հիմք ընդունելով մի շարք իրավական ակտերի դրույթներ եւ պնդելով, որ հայցված տեղեկությունները գաղտնիք են պարունակում։ Նախարարության պատասխանի համաձայն՝ այդ տեղեկությունների բացահայտումն ուղղակիորեն կարող է հանգեցնել պետական գաղտնիք հանդիսացող՝ ԶՈՒ կիրառման եւ օպերատիվ ծրագրերի, ռազմավարական ծավալման, պաշտպանության եւ անվտանգության ապահովման նպատակով ենթակառուցվածքն օգտագործելու հետ կապված, ինչպես նաեւ հետախուզական բնույթի տեղեկությունների բացահայտման: Քանի որ ՊՆ-ն գաղտնիք պարունակելու հիմքով չէր տրամադրել հակառակորդի զորքի թվի մասին տեղեկություններ, մեկ այլ հարցմամբ խնդրեցինք հստակեցնել՝ Փաշինյանի եւ ԳՇ պետի՝ ավելի վաղ արված հայտարարությունները, որոնք պարունակում էին տվյալ պահի դրությամբ ադրբեջանցիների թվի մասին տեղեկություններ, արդյոք համարվո՞ւմ են գաղտնիք պարունակող, եւ այդ թվերի հրապարակումը համարվո՞ւմ է գաղտնիքի բացահայտում, թե՞ ոչ։  Նախարարությունից պատասխանել են, որ նշված հայտարարություններում գաղտնիքի տարր պարունակող արտահայտություններ չկան, իսկ հայտարարությունը գաղտնիքի բացահայտում չի համարվում, քանի որ չի վնասում ՀՀ եւ ՀՀ ԶՈՒ անվտանգությունը։ Առաջնորդվելով վերոբերյալ պատասխանով՝ ՊՆ-ին խնդրեցինք տեղեկություն տալ մայիսի 13-ի (հակառակորդի զորքի թվի մասին Փաշինյանի առաջին հայտարարության օրը) եւ հունիսի 22-ի (հակառակորդի զորքի թվի մասին ԳՇ պետի հայտարարության օրը), ապա նաեւ այդ օրերի միջեւ ընկած ամսաթվերի դրությամբ ՀՀ տարածքում գտնվող ադրբեջանցիների թվի մասին, քանի որ, փաստացի, այդ ընթացքում արդեն բարձրագույն ղեկավարության ներկայացուցչի եւ պաշտպանական կառույցի ղեկավար կազմի ներկայացուցչի հայտարարություններում թվեր հնչել էին։ Այս դեպքում, պարզվում է, ՊՆ-ն չի համարում, որ մեր հայցած տեղեկությունների տրամադրումը կարող է հանգեցնել գաղտնիք պարունակող՝ վկայակոչված տեղեկությունների բացահայտման, այլեւ ՊՆ-ն առհասարակ չի էլ հաշվում ու արձանագրում, թե մեր ինքնիշխան տարածքում որ օրվա դրությամբ հակառակորդի քանի զինծառայող կա։  Այսպիսով, Պաշտպանության նախարարությանը նախ լրացուցիցիչ ժամանակ անհրաժեշտ եղավ՝ հայտնելու, որ ՀՀ սուվերեն տարածք ներթափանցած ադրբեջանցիների թվի ու նրանց տեղակայման վայրի մասին տեղեկությունները գաղտնիք են պարունակում, եւ որ դրանց տրամադրումը կարող է բացահայտել ԶՈՒ կիրառման, ռազմավարական ծավալման, պաշտպանության եւ անվտանգության ապահովման նպատակով ենթակառուցվածքն օգտագործելու ու հետախուզական բնույթի տեղեկություններ։  Այնուհետեւ ՊՆ-ն հայտնեց, որ հակառակորդի զինվորների թվի մասին պաշտոնյաների հայտարարություններում գաղտնիք չկա, եւ այդ հայտարարությունները չեն վնասում ՀՀ եւ ՀՀ ԶՈՒ անվտանգությունը։ Իսկ երբ խնդրեցինք տալ այդ հայտարարությունների եւ դրանց միջեւ ընկած օրերի դրությամբ հակառակորդի զորքի թվի մասին տեղեկություն, ՊՆ-ն մեր հարցմանը պատասխանեց, որ այդպիսի թիվ չունի։ Այդ դեպքում հարց է առաջանում՝ վարչապետն ու ԳՇ պետը ի՞նչ հիմքով են հնչեցրել շուրջ 250, 500-600 եւ շուրջ 1000 թվերը, եւ ինչու է մի դեպքում կոնկրետ օրվա դրությամբ տվյալը համարվում գաղտնի, մի դեպքում՝ ոչ, եւ մեկ այլ դեպքում՝ անհայտ։ Հայարփի Բաղդասարյան

Loading...