ՌԴ-ում ուկրաինական դիվերսիոն խմբի մասին պատմությունը դասական միտումնավոր սադրանք է: Այս մասին Թվիթերյան իր էջում գրել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը։
«ՌԴ-ն ցանկանում է վախեցնել իր ժողովրդին՝ արդարացնելու հարձակումը մեկ այլ երկրի վրա և պատերազմից հետո աճող աղքատությունը», - նշել է նա։
Հիշեցնենք, որ Ռուսաստանի Բրյանսկի շրջանի նահանգապետ Ալեքսանդր Բոգոմազը հայտնել է, թե ուկրաինացի դիվերսանտները ներթափանցել են Լյուբեչանե գյուղ։
Արտակարգ իրավիճակների ծառայության ներկայացուցիչը «Ռիա նովստի»-ին ասել է, որ Բրյանսկի շրջանում մի քանի մարդ պատանդ է վերցվել։
«ՏԱՍՍ»-ին ՌԴ ԱԴԾ-ից հայտնել են, որ ԱԴԾ-ն և զինվորականները միջոցներ են ձեռնարկում «պետական սահմանը խախտած ուկրաինացի զինված ազգայնականներին ոչնչացնելու համար»։
comment.count (0)