Բեռլինում անցորդներին վրաերթի ենթարկած ավտոմեքենայի վարորդը ձերբակալվել է դեպքի վայրում, BBC-ի փոխանցմամբ, ասել է տեղի ոստիկանության ներկայացուցիչ Թիլո Կաբլիցը։ Միջադեպը տեղի էր ունեցել Բեռլինի Շարլոտենբուրգ մարդաշատ թաղամասում։ Ավտոմեքենան մխրճվել էր ամբոխի մեջ։ Մեկ զոհ կա, տասնյակ վիրավորներ։
Տեղի ոստիկանությունը հայտնել է նաև, որ մեքենայի վարորդը 29-ամյա տղամարդ է, որը և Գերմանիայի, և Հայաստանի քաղաքացի է։
Ըստ հաղորդագրությունների՝ Renault Clio արծաթագույն մեքենան փողոցի երթևեկելի մասից դուրս էր եկել և հայտնվել մայթին, այնուհետև մխրճվել մոտակա խանութի տարածք։
Բեռլինի ոստիկանության տվյալներով՝ դեպքի վայրում շուրջ 130 փրկարար է աշխատում։
Բեռլինի քաղաքապետ Ֆրանցիսկա Գիֆայը Թվիթերում գրել է, որ «խորապես ցնցված է միջադեպի պատճառով» և հայտնել, որ օրվա ընթացքում պատկերացում կկազմի իրավիճակի մասին։
Նորա Վանյան
comment.count (0)