Կիևի քաղաքապետ Վիտալի Կլիչկոն այսօր առավոտյան հաղորդել է, որ Ուկրաինայի մայրաքաղաքի Դարնիցկի և Դնեպրովսկի թաղամասերը հրթիռակոծվել են, մեկ մարդ է տուժել, հայտնում է Meduza-ն։
Հարվածներն, ըստ քաղաքապետի, հասցվել են ենթակառուցվածքային օբյեկտներին։
Ուկրաինական «ՆՎ» պարբերականի տվյալներով՝ վերջին անգամ Ռուսաստանը հրթիռակոծել է Կիևն ապրիլի 28-ին։
Ռուսաստանի պաշտպանության նախարարության պաշտոնական ներկայացուցիչ Իգոր Կոնաշենկովը հայտնել է, որ ՌԴ ռազմատիեզերական ուժերը Կիևի ծայրամասում՝ վագոնավերանորոգման ձեռնարկության տարածքում, բարձր ճշգրտության հրթիռներով ոչնչացրել են արևելաեվրոպական երկրների մատակարարած Տ-72 տանկերն ու այլ զրահատեխնիկա, գրում է ՏԱՍՍ-ը։
Ուկրաինական շրջանների և բնակավայրերի ղեկավարները հաղորդել են նաև Կիևի շրջանի Կրամատորսկ, Լիսիչանսկ բնակավայրերին և Բրովարիի մերձակայքին հասցված հրթիռային հարվածների մասին։ Լուգանսկի շրջանի վարչակազմի ղեկավար Սերգեյ Գայդայի խոսքով՝ Լիսիչանսկի հրթիռակոծման հետևանքով զոհվել է մեկ կին, վիրավորվել՝ երկու տղամարդ, գրում է Meduza-ն։
Նորա Վանյան
comment.count (0)