armtimes.com: Ռուս-ուկրաինական պատերազմի հետևանքով տնտեսական լրջագույն մարտահրավերներ են ի հայտ եկել: Կառավարության նիստից հետո լրագրողների հետ զրույցում հայտարարեց ՀՀ բարձր տեխնոլոգիական արդյունաբերության նախարար Վահագն Խաչատուրյանը։

«Սա ինձ հիշեցնում է 90–ականների սկիզբը, երբ ՀՀ ֆինանսական համակարգը նոր–նոր էր ձևավորվում, և ֆինանսական հոսքերն ապահովում էին ոչ թե էլեկտրոնային ժամանակակից միջոցներով, այլ հին, տրադիցիոն ձևով` ճամպրուկով գումարներ էին տեղափոխում»,– ասաց Խաչատուրյանը։

Նրա խոսքով՝ մինչև «իքս» ժամանակ, որը կարող է տևել մինչև տարվա վերջ, դեռևս պրոբլեմներ ենք ունենալու:

«Հայաստանի Կենտրոնական բանկն ամենօրյա ռեժիմով հետևում է, թե ինչէ տեղի ունենում միջազգային շուկաներում, որ կարողանա կառավարելի դարձնել մեր ֆինանսական համակարգը», - ասաց նա։

Նա նշեց, որ տնտեսագիտական ոչ մի չափանիշի մեջ չի մտնում այսօրվա ստեղծված իրավիճակը, և եթե իրենք այդ տրամաբանության մեջ վերլուծական գնահատականներ տան, ապա այսօրվա տված գնահատականը վաղը կարող է փոխվել։ 

Սա, ըստ Խաչատուրյանի, ստեղծված տնտեսական բարդ իրավիճակի միայն մի դրվագն է` ֆինանսական հատվածը։

Ինչ վերաբերում է տնտեսության այլ ճյուղերին` առևտրին, արդյունաբերությանը, դրանց հնարավոր զարգացումներն այսօր գրեթե հնարավոր չէ կանխատեսել։

Վերջինս նշեց, որ առկա գնաճը կառավարության կողմից կանխատեսելի էր դեռ հունվարից՝ անկախ նրանից՝ կսկվե՞ր ռուս– ուկրաինական պատերազմը, թե՞ ոչ։