Ուկրաինայում ռազմական գործողությունների նպատակը Կիեւի ռազմական պոտենցիալի չեզոքացումն է, ասել է ՌԴ նախագահի խոսնակ Դմիտրի Պեսկովը, փոխանցում է ria.ru-ն։
«Դա, անխոս, նշանակում է չեզոքացնել ռազմական ներուժը, որը վերջին շրջանում բավականին աճել է, այդ թվում՝ շնորհիվ օտար երկրների ակտիվ գործունեության»,- ասել է Պեսկովը՝ պատասխանելով հարցին՝ Ուկրաինայի ապառազմականացումը նշանակո՞ւմ է արդյոք այդ պետության բանակի չեզոքացում եւ ոչնչացում։
Պեսկովը հավելել է՝ գործողությունը, որն իրականացնում է ՌԴ-ն, իր նպատակներն ունի, «որոնց պետք է հասնել»․ «Բոլոր որոշումները կայացված են եւ բոլոր եւ բոլոր նպատակները կիրականացվեն»,- ասել է Պեսկովը։
comment.count (0)