factor.am: Ֆրանսիայում վերջին 24 ժամվա ընթացքում գրանցվել է COVID-19-ով վարակման ավելի քան 73 հազար նոր դեպք։ Սա նոր ռեկորդ է համաճարակի սկզբից ի վեր, գրում է korrespondent-ը՝ հղում կատարելով BFMTV-ին:
«Սուրբ Ծննդյան և Ամանորի միջև ընկած ժամանակահատվածում Ֆրանսիայում գերակշռող կլինի կորոնավիրուսի «օմիկրոն» շտամը»,- հայտնել է Ֆրանսիայի առողջապահության նախարար Օլիվյե Վերանը։ Նա հավելել է, որ երկրի իշխանությունները կանխատեսում են, որ հիվանդների թիվը կավելանա։
«Ամսվա վերջին մենք կգերազանցենք մեկ օրում 100 հազար դեպքը»,- ասել է նախարարը։
Վերանի խոսքով՝ «օմիկրոն»-ն արագ է տարածվում, այժմ այն կազմում է նոր դեպքերի շուրջ 20%-ը, իսկ Փարիզում ու դրա արվարձաններում՝ շուրջ 35%-ը։
comment.count (0)