10:46 - 14 մարտի, 2019
Հայաստանն ակտիվ մասնակցություն է ունեցել Սիրիայում խաղաղ կյանքի վերականգնմանը. Վալերի Գերասիմով |news.am|
Հայաստանն ակտիվ մասնակցություն է ունեցել Սիրիայում խաղաղ կյանքի վերականգնմանը: Այդ մասին հայտարարել է Ռուսաստանի Զինված ուժերի Գլխավոր շտաբի պետ, Պաշտպանության նախարարի առաջին տեղակալ, բանակի գեներալ Վալերի Գերասիմովը, հաղորդում է ՌԴ ՊՆ մամուլի ծառայությունը:
«Երախտապարտ եմ ձեզ Սիրիայում խաղաղ կյանքի վերականգնման գործում ցուցաբերած օգնության համար: Հայաստանն առաջիններից էր, որ արձագանքեց մեր կոչին եւ ակտիվ մասնակցություն ունեցավ այդ երկրի տարածքում հումանիտար խնդիրնմերի լուծմանը», –– ՀՀ ԶՈՒ Գլխավոր շտաբի պետ, գեներալ-լեյտենանտ Արտակ Դավթյանի հետ հանդիպմանն ասել է Գերասիմովը:
Ռուսաստանի Գլխավոր շտաբի պետը նշել է, որ Հայաստանը Անդրկովկասում Ռուսաստանի դաշնակիցն է եւ գլխավոր գործընկերը:
Ընդ որում համագործակցությունն իրականացվում է ինչպես երկկողմ ձեւաչափով, այնպես էլ միջազգային կառույցների, նախեւառաջ ՀԱՊԿ շրջանակում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)