15:08 - 29 հունիսի, 2021
Ջո Բայդենը հայտարարել է, որ անվերապահորեն սատարում է Իսրայելին |azatutyun.am|
azatutyun.am: Սպիտակ տանն ընդունելով պաշտոնավարումն ավարտող Իսրայելի նախագահ Ռեուվեն Ռիվլինին, ԱՄՆ նախագահ Ջո Բայդենը հույս է հայտնել առաջիկայում հանդիպել Իսրայելի նոր վարչապետ Նաֆտալի Բեննետին:
Բայդենը հավաստիացրել է, որ Միացյալ Նահանգներն անվերապահորեն և ամենայն վճռականությամբ սատարելու է Իսրայելին:
«Իսրայելին իմ հավատարմությունն անբեկանելի է, մեկ բան կարող եմ ձեզ փոխանցել՝ Իրանը երբեք չի ունենա միջուկային զենք», - ասել է Բայդենը:
ԱՄՆ ղեկավարը նաև նշել է, որ սատարում է Մերձավոր Արևելքի երկրների հետ հարաբերությունները բարելավելու Իսրայելի դիրքորոշմանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)