13:10 - 26 օգոստոսի, 2020
22 մլն դրամի դրամաշնորհ է հատկացվել 5 լավագույն նախագծեր ներկայացրած ընկերություններին. Հակոբ Արշակյան |armenpress.am|
armenpress.am: Բարձր տեխնոլոգիական արդյունաբերության նախարարությունը կորոնավիրուսի տնտեսական հետևանքների չեզոքացման 17-րդ միջոցառման շրջանակում 22 մլն դրամի դրամաշնորհ է տրամադրել լավագույն 5 նախագծերով ընկերություններին:
Այս մասին օգոստոսի 26-ին տեղի ունեցած մամուլի ասուլիսի ընթացքում ասաց Բարձր տեխնոլոգիական արդյունաբերության նախարար Հակոբ Արշակյանը:
«Նախարարությունը նախաձեռնել և իրականացրել է կորոնավիրուսի տարածման կանխարգելմանն ուղղված կառավարության դրամաշնորհային ծրագիրը՝ պետական աջակցության 17-րդ միջոցառման տեսքով: Առաջին դրամաշնորհային մրցույթի ընդհանուր բյուջեն կազմել է 22 մլն դրամ և տրամադրվել է 5 լավագույն նախագծեր ներկայացրած ընկերություններին: Դրանց շրջանակներում որոշ սարքեր են նախագծվել, իսկ որոշներն արտադրության փուլում են»,- ասաց Արշակյանը:
Նախարարը նշեց, որ իրենք լավագույն գաղափարներն իդենտիֆիկացրել և տրամադրել են նաև պարետատանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)