Ազգային ժողովը Տնտեսական մրցակցության պաշտպանության պետական հանձնաժողովի անդամի թափուր պաշտոնում քննարկում է կառավարության կողմից առաջադրված Կարեն Սեդրակյանի թեկնածությունը:
Սեդրակյանն իր ելույթում նշեց, որ մեկ տարվա ընթացքում հարուցվել են հակամրցակցային համաձայնությունների և գերիշխող դիրքի չարաշահման մեկ տասնյակից ավելի վարչական վարույթներ, որոնցից մի քանիսն արդեն արձանագրվել են չարաշահման դրսևորման դեպքերով:
«Դրանց գերիշխող մասը գտնվում է ընթացիկ վարույթում: Հանձնաժողովի ուշադրության կենտրոնում են նաև պետական և տեղական ինքնակառավարման մարմինների համակենտրոնացման գործողությունները։ Վերջերս հանձնաժողովի որոշմամբ օրենքի խախտման համար պատասխանատվության միջոց է կիրառվել նախարարության և համայնքի ղեկավարի նկատմամբ»,- ասաց Սեդրակյանը։
ՏՄՊՊՀ անդամն ընտրվում է գաղտնի քվեարկությամբ, պատգամավորների ընդհանուր թվի ձայների մեծամասնությամբ։ Հաշվիչ հանձնախմբի նախագահ Վահագն Հովակիմյանը տեղեկացրեց, որ ՏՄՊՊՀ անդամի ընտրությունը անցկացվելու է այսօր ժամը 12։10-13։10 ժամանակահատվածի ընթացքում։
comment.count (0)