tert.am: Ազգային ժողովի արտահերթ նիստը կայանալու է վաղը, ժամը 11:00-ին: Այս մասին լրագրողների հետ զրույցում հայտնեց «Իմ քայլը» խմբակցության ղեկավար Լիլիթ Մակունցը:
Հիշեցնենք, որ ԱԺ «Իմ քայլը» խմբակցությունը հրավիրել էր խորհրդի նիստ, որտեղ քննարկվել էր պատգամավոր Վահագն Հովակիմյանի ներկայացրած՝ «Ազգային ժողովի կանոնակարգ», «Հանրաքվեի մասին» և «Սահմանադրական դատարանի մասին» սահմանադրական օրենքներում փոփոխություններ և լրացումներ կատարելու մասին օրենքների նախագիծերը:
Նշենք, որ այսօր խորհրդի նիստը երկու անգամ հետաձգվել է: Լիլիթ Մակունցն ասաց, որ հետաձգումները պայմանավորված էին տեխնիկական պատճառներով:
«Վաղը կունենանք երկար ժամանակ հանգամանալից և երկար քննարկելու բոլոր հարցերը: Վստահ եմ, որ խորքային քննարկում է տեղի ունենալու, բոլորս կհասցնենք ծանոթանալ խմբակցությունների դիրքորոշումներին»,-ասաց նա և կոչ արեց սպասել վաղվա քննարկումներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)