09:40 - 22 հոկտեմբերի, 2019
«Իմ քայլը» Վճռաբեկ եւ Սահմանադրական դատարանները միավորելու հարցը դեռ չի քննարկել. Մակունց |news.am|
news.am: Վճռաբեկ եւ Սահմանադրական դատարանները միավորելու հարցը դեռ չի քննարկվել։ Այս մասին այսօր՝ հոկտեմբերի 22-ին, լրագրողների հետ զրույցում ասաց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով այն լուրերին, թե որ «Իմ քայլը» խմբակցությունը դատաիրավական բարեփոխումների շրջանակում մտադիր է Վճռաբեկ եւ Սահմանադրական դատարանները միացնել իրար եւ ունենալ մեկ բարձր դատարան:
«Հովիկ Աղազարյանը պետաիրավական հարցերի հանձնաժողովին է ներկայացրել այդ նախագիծը, որը դեռեւս չի քննարկվել։ Շատ տարբեր հարցեր են քննարկվում, եւ եթե հանգենք այս կամ այն մոտեցմանը, անպայման կհրապարակենք», - ասաց Մակունցը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)