tert.am: Լիբիայի նավթային ընկերությունն արտակարգ դրություն է հայտարարել երկրի հինգ նավահանգիստներից նավթի արտահանման կասեցման պատճառով:
«Լիբիական նավթային ընկերությունն արտակարգ դրություն է հայտարարում՝ Ալ-Բարիկա, Ռաս Լյանուֆ, Ալ Հարիկա, Զայթունիա և Աս-Սադրա նավահանգիստներում նավթի առաքման դադարեցմամբ»,- ասվում է հայտարարության մեջ:
Ընկերության տվյալներով՝ նավահանգիստներում առաքումների դադարի մասին տեղեկությունը ստացվել է նավթահանքերի հարցեով վարչության ղեկավար, գեներալ Նաջի ալ-Մագրիբիից:
Լիբիական ընկերության հայտարարության համաձայն՝ Լիբիայի ազգային բանակի հրամանատար Հաֆթար Խալիֆան ավելի վաղ հրահանգել էր դադարեցնել բեռնաթափման գործընթացը հինգ նավահանգիստներում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)