10:03 - 16 հունվարի, 2020
Առաջիկայում ԱԺ կբերվի Հանրային հեռուստաընկերության եթերում գովազդի թույլտվության հարցը. Հովհաննես Մովսիսյան |aysor.am|
aysor.am: Հանրային հեռուստառադիոխորհուրդը գումար է ստացել վարչապետի աշխատակազմի պահուստային ֆոնդից, որպեսզի վարկանիշ չափող ընկերությունում աուդիտ անցկացվի, «Աուդիովիզուալ մեդիածառայությունների ոլորտում օրենսդրական փոփոխություններ» թեմայով խորհրդարանական լսումների ժամանակ ասաց «Կառավարության տեղեկատվական-վերլուծական կենտրոն» ՊՈԱԿ-ի տնօրեն Հովհաննես Մովսիսյանը։
«Սա շատ կարևոր է ընդհանուր դաշտի զարգացման համար, քանի որ չափումներից շատ բան է կախված։ Աուդիտի գործընթացը կսկսվի առաջիկայում։ Մենք, ի վերջո, կիմանանք՝ ինչ է կատարվել։ Ինչպես ամբողջ քաղաքակիրթ աշխարհում, Հայաստանում ևս ռեյթինգ չափող ընկերությունը պետք է ընտրվի անկախ, միջազգային մրցույթի միջոցով», - ասաց նա։
Հովհաննես Մովսիսյանը հիշեցրեց, որ առաջիկայում ԱԺ կբերվի Հանրային հեռուստաընկերության եթերում գովազդի թույլտվության հարցը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)