14:37 - 17 հունվարի, 2020
Թուրքիան գյուղատնտեսության բնագավառում իր փորձը կիսում է Վրաստանի հետ |ermenihaber.am|
ermenihaber.am: Թուրքական համագործակցության և կոորդինացիայի գործակալության ղեկավարությունը (TİKA), Գյուղատնտեսության և անտառատնտեսության նախարարությունը Վրաստանի Շրջակա միջավայրի պահպանման և գյուղատնտեսության նախարարության հետ համատեղ ծրագիր է իրականացնում։
Ծրագրի շրջանակներում Թուրքիան գյուղատնտեսության ասպարեզում իր փորձը մտադիր է կիսել Վրաստանի հետ։
Այդ նպատակով 25 վրացի մասնագետներ Թուրքիայի Անկարա, Ստամբուլ և Բուրսա քաղաքներում վերապատրաստման դասընթացների են մասնակցելու։
Դեռևս 2019 թվականի հոկտեմբեր ամսին Թուրքիայի և Վրաստանի միջև ստորագրվել էր գյուղատնտեսության բնագավառում համագործակցության վերաբերյալ հուշագիր, որով նախատեսվում է զարգացնել Վրաստանում գյուղատնտեսության ոլորտը նաև Թուրքիայից ձեռք բերված փորձի միջոցով։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)