20:48 - 16 ապրիլի, 2024
Վրաստանի խորհրդարանին հարակից փողոցում ցուցարարների և ոստիկանների միջև բախում է տեղի ունեցել |news.am|
news.am: Վրաստանում բողոքի ակցիաները շարունակվում են։ Խորհրդարանի հարակից տարածքում՝ Ճիճինաձե փողոցում, ցույցի մասնակիցների և ոստիկանների միջև ֆիզիկական բախում է տեղի ունեցել։ Այս մասին հայտնում է 1tv.ge-ն։
Հանրահավաքի մասնակիցներն ասում են, որ իրավապահները փորձում են ստիպել նրանց լքել Ճիճինաձեի փողոցը, որտեղ գտնվում են այժմ։
«Արդեն ձեռքերը թափահարում են, խուլիգանության են անցել։ Մենք դա թույլ չենք տա։ Այսօրվա գիշերն այլ կերպ կավարտվի, ես դա խոստանում եմ վրաց բնակչությանը»,- ասել է հանրահավաքի մասնակիցներից մեկը։
Տեղում ներկա են ընդդիմադիր կուսակցությունների առաջնորդներ Նիկա Մելիան, Նիկա Գվարամիան, Սոփո Ջափարիձեն և այլք։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)