16:07 - 16 հունվարի, 2024
ՀՀ նախագահը Դավոսում մասնակցել է Համաշխարհային տնտեսական համաժողովի բացման արարողությանը
Հայաստանի Հանրապետության նախագահ Վահագն Խաչատուրյանն, ով աշխատանքային այցով գտնվում է Շվեյցարիայի Համադաշնությունում, մասնակցել է Դավոսի Համաշխարհային տնտեսական համաժողովի բացման հանդիսավոր արարողությանը։
ՀՀ նախագահի աշխատակազմից հայտնում են, որ Վահագն Խաչատուրյանը կմասնակցի նաև համաժողովի շրջանակում կազմակերպվող պանելային քննարկումներին։ Նախատեսված են նաև նախագահի երկկողմ հանդիպումները մի շարք երկրների առաջնորդների հետ։
Հայաստանի Հանրապետության նախագահ Վահագն Խաչատուրյանը հունվարի 15-18-ը աշխատանքային այցով գտնվում է Շվեյցարիայի Համադաշնությունում՝ Դավոսի համաշխարհային տնտեսական համաժողովին մասնակցելու նպատակով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)