15:11 - 31 հոկտեմբերի, 2023
Ատոմակայանի աշխատանքի կրկնակի երկարացման համար կհատկացվի 20,2 մլրդ դրամ |1lurer.am|
1lurer.am: Ատոմակայանի մասով ունենք 2 պրոցես. ծրագրերից մեկը վերաբերում է շահագործման նախագծային ժամկետի երկարացմանը, որն արդեն մեկնարկել է: Այդ մասին ԱԺ տնտեսական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստի ժամանակ՝ «ՀՀ 2024 թվականի պետական բյուջեի մասին» ՀՀ օրենքի նախագիծը քննարկելիս, ասաց ՀՀ ՏԿԵ նախարար Գնել Սանոսյանը՝ հավելելով, որ վերջինիս շրջանակում 7 միլիարդ դրամ է նախատեսված մի շարք աշխատանքներ շարունակելու և ավարտելու համար:
Ըստ Սանոսյանի՝ մյուս ծրագիրը վերաբերում է ատոմակայանի աշխատանքի կրկնակի երկարացմանը:
«Հաջորդ տարի նախատեսում ենք սկսել [ատոմակայանի աշխատանքի] կրկնակի երկարացման ծրագիրը, որի նպատակն է, որպեսզի մեր ատոմակայանի աշխատանքի ժամկետը երկարացվի համապատասխան լիցենզիաներով, թույլտվություններով մինչև 2036 թվականը: Ահա, հաջորդ տարի այդ նպատակի համար արդեն նախատեսվել է 20,2 միլիարդ դրամ»,- ասաց նախարարը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)