tert.am: Նիկոլ Փաշինյանը թող բացի կանոնադրությունը և կարդա, թե ես որտեղ գտնվելու իրավունք ունեի, ինքն է այդ կանոնադրությունը հաստատել։
Tert.am-ի հետ զրույցում ԶՈՒ գլխավոր շտաբի նախկին պետ, ՊՆ ռազմական վերսկողության ծառայության նախկին պետ Մովսես Հակոբյանն այսպես արձագանքեց Նիկոլ Փաշինյանի հայտարարությունը, թե պետք է ստուգվի՝ ինչո՞ւ է Մովսես Հակոբյանը 44-օրյա պատերազմի ժամանակ գտնվել «բունկերում»։
Նիկոլ Փաշինյանը ԱԺ 44-օրյա պատերազմի հանգամանքերը քննող հանձնաժողովի նիստին նաև հայտարարել էր, որ ԼՂ 7-րդ պաշտպանական շրջանը էվակուացնել՝ զորքերը դուրս բերելու «ռեկամենդացիան» տվել է Մովսես Հակոբյանը։
Լսելով հարցը, թե ինքը նման խորհուրդ տվե՞լ է, Հակոբյանը պատասխանեց․ «Մանկապարտեզի երեխային չեմ մեկնաբանում»։
Ճշտող հարցին, թե 7-րդ պաշտպանական շրջանի պաշտպանության հետ կապված որևէ առնչություն ունեցե՞լ է, նախկին բարձրաստիճան զինվորականն ասաց, որ ինքը որոշում կայացնելու իրավասություն չի ունեցել։
Մովսես Հակոբյանն ի պատասխան տեղեկացրեց, որ չի գնալու և մասնակցելու Քննիչ հանձնաժողովի նիստերին․ «Ես այդ ցիրկին չեմ գնա և մասնակցի»,-ասաց նա։
comment.count (0)