ՀՀ առողջապահության նախարարություն

Գործադիր իշխանության հանրապետական մարմին է, որը մշակում եւ իրականացնում է առողջապահության բնագավառում ՀՀ կառավարության քաղաքականությունը։ Նախարարության ենթակայության տակ են գտնվում Առողջապահության ազգային ինստիտուտը, Դեղերի եւ բժշկական տեխնոլոգիաների փորձագիտական կենտրոնը, Հանրապետական գիտաբժշկական գրադարանը, Ստացիոնար բուժօգնություն իրականացնող կազմակերպությունները, Առաջնային բուժօգնություն իրականացնող կազմակերպությունները, այլ կազմակերպություններ։

ՀՀ առողջապահության նախարարն է Անահիտ Ավանեսյան, տեղակալներն են՝ Լենա Նանուշյանը, Գեւորգ Սիմոնյանը, Արտյոմ Սմբատյանը։

Այսօրվա դրությամբ հաստատվել է կորոնավիրուսի ընդհանուր 112680 դեպք, մեկ օում գրանցվել է 2132 նոր դեպք

ՀՀ Առողջապահության նախարարությունը հայտնում է, որ նոյեմբերի 12-ի դրությամբ հաստատվել է կորոնավիրուսի ընդհանուր 112680 դեպք, որոնցից 70130-ն` առողջացած, 1668-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 40452 պացիենտ: Ընդհանուր առմամբ կատարվել է 453033 թեստավորում: Այսպիսով` երեկ կատարվել է 4583 թեստավորում, որից հաստատվել է կորոնավիրուսի 2132 նոր դեպք: Ունենք 1794 առողջացած և 32 մահվան դեպք: Նախորդ օրն արձանագրվել է մահվան 11 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 430 է:

11:03 - 12 նոյեմբերի, 2020

ԱԱԾ տնօրենը սրտի իշեմիկ նոպայով տեղափոխվել է հիվանդանոց |armenpress.am|

armenpress.am: Ազգային անվտանգության ծառայության նորանշանակ տնօրեն Արմեն Աբազյանը սրտի իշեմիկ նոպայով տեղափոխվել է հիվանդանոց: Այս տեղեկությունը հաստատեցին Առողջապահության նախարարությունից:Լրացում․ Հարգելի գործընկերներ, տեխնիկական խնդրի ու թյուրըմբռնման պատճառով ժամը 23։26-ին հրապարակված «ԱԱԾ տնօրենը սրտի իշեմիկ նոպայով տեղափոխվել է հիվանդանոց» վերնագրով նյութը խնդրում ենք համարել առ ոչինչ ու հեռացնել լրահոսից։ Հայցում ենք ձեր ներողամտությունը։

23:38 - 11 նոյեմբերի, 2020

Այսօրվա դրությամբ հաստատվել է կորոնավիրուսի ընդհանուր 110548 դեպք, մեկ օրում գրանցվել է 1861 նոր դեպք

ՀՀ Առողջապահության նախարարությունը հայտնում է, որ նոյեմբերի 11-ի դրությամբ հաստատվել է կորոնավիրուսային հիվանդության ընդհանուր 110548 դեպք, որոնցից 68336-ն` առողջացած, 1636-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 40157 պացիենտ: Ընդհանուր առմամբ կատարվել է 448450 թեստավորում: Այսպիսով` երեկ կատարվել է 4226 թեստավորում, որից հաստատվել է կորոնավիրուսային հիվանդության 1861 նոր դեպք: Ունենք 1501 առողջացած և 27 մահվան դեպք: Նախորդ օրն արձանագրվել է մահվան 7 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 419 է:

11:07 - 11 նոյեմբերի, 2020

Նոյեմբերի 10-ի դրությամբ հաստատվել է կորոնավիրուսի 1221 նոր դեպք, ունենք 1925 առողջացած և 29 մահվան դեպք

Նոյեմբերի 10-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 108687 դեպք, որոնցից 66835-ն` առողջացած, 1609-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 39831 պացիենտ: Ընդհանուր առմամբ կատարվել է 444224 թեստավորում: Այսպիսով` երեկ կատարվել է 3050 թեստավորում, որից հաստատվել է կորոնավիրուսային հիվանդության 1221 նոր դեպք: Ունենք 1925 առողջացած և 29 մահվան դեպք: Նախորդ օրն արձանագրվել է մահվան 5 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 412 է:

11:02 - 10 նոյեմբերի, 2020

Նախարար Արսեն Թորոսյանն այցելել է «Ռեֆերենս լաբորատոր ծառայությունների կենտրոն»

Առողջապահության նախարար Արսեն Թորոսյանն այցելել է հիվանդությունների վերահսկման և կանխարգելման ազգային կենտրոնի «Ռեֆերենս լաբորատոր ծառայությունների կենտրոն» մասնաճյուղ և գործադիր տնօրեն Արտավազդ Վանյանի ուղեկցությամբ շրջել է լաբորատորիայի տարածքում: Նախարարին են ներկայացվել կորոնավիրուսային հիվանդության վերահսկման, ինչպես նաև նմուշառման գործընթացի, հետազոտությունների կազմակերպման աշխատանքներն ու առաջիկա անելիքները: Մանրամասնելով աշխատանքների ընթացքը` Արտավազդ Վանյանն ընդգծել է, որ առաջիկայում նախատեսվում է ստեղծել նաև «Զանգերի կենտրոն», որի միջոցով հնարավորություն կստեղծվի իրականացնելու ինչպես դրական դեպքերի համաճարակաբանական հետազտություններ, այնպես էլ իրազեկման աշխատանքներ կոնտակտավորների և գործատուների հետ՝ հնարավորինս նվազեցնելով կորոնավիրուսային հիվանդության տարածումը և նպաստելով հիվանդության դեմ պայքարի շրջանակներում իրականացվող աշխատանքներն առավել արդյունավետ կազմակերպելուն: Այնուհետև Արսեն Թորոսյանը ծանոթացել է Սպառողների իրավունքների պաշտպանության և մարդու բարեկեցության ոլորտում վերահսկողության ՌԴ դաշնային ծառայության (Ռոսպոտրեբնադզոր) կողմից Հայաստանի Հանրապետության առողջապահության նախարարությանը նվիրաբերված շարժական լաբորատորիայի կարողություններին: Լաբորատորիան նախատեսված է հատուկ վտանգավոր վարակների հարուցիչների հատնաբերման նպատակով դասական կենսաբանական, ինչպես նաև ՊՇՌ մեթոդներով հետազոտություններ իրականացնելու համար և հնարավորություն է տալիս համաճարակաբանական և էպիզոտոլոգիական օջախներում 3-4-րդ խմբի միկրոօրգանիզմների նկատմամբ միկրոկենսաբանական հետազոտություններ իրականացնելու հեռավոր, դժվար հասանելի և ստացիոնար լաբորատոր ցանցով չհամալրված վայրերում: Բացի այդ, լաբորատորիան ունի բացասական ճնշում ստեղծելու հնարավորություն, 2-րդ, 3-րդ կարգի կենսանվտանգության պահարաններ, ինչպես նաև հագեցված է օդափոխության համակարգով։ Հարկ է նշել, որ լաբորատորիայի տրամադրման համար հիմք է ծառայել 2 տարի առաջ Սարատովում կայացած հանդիպման ժամանակ` Արսեն Թորոսյանի և Սպառողների իրավունքների պաշտպանության և մարդու բարեկեցության ոլորտում վերահսկողության ՌԴ դաշնային ծառայության (Ռոսպոտրեբնադզոր) ղեկավար Աննա Պոպովայի պայմանավորվածությունը:

20:09 - 09 նոյեմբերի, 2020

2021 թվականին ՀՀ-ն նախատեսում է COVID-19-ի դեմ պատվաստանյութի 60000 դեղաչափ ձեռք բերել |24news.am|

24news.am: Հայաստանը նախատեսում է 2021 թվականին COVID-19-ի դեմ պատվաստանյութի 60000 դեղաչափ ձեռք բերել: Այս մասին ՀՀ ԱԺ-ում ֆինանսավարկային եւ բյուջետային, ինչպես նաեւ առողջապահական եւ սոցիալական հարցերի մշտական խորհրդարանական հանձնաժողովների համատեղ նիստին հայտարարեց ՀՀ առողջապահության նախարար Արսեն Թորոսյանը: Ըստ նրա` բնակչության իմունիզացիայի ծրագրի շրջանակներում արդեն այս տարի ֆինանսավորումն ավելացել է, եւ կորոնավիրուսի դեմ պատվաստանյութեր գնելու համար 890 միլիոն դրամ կանխավճար է կատարվել: Նախարարը նշել է, որ գնումը նախատեսվում է իրականացնել պատվաստանյութերի միասնական գնման եւ բաշխման միջազգային պլատֆորմի շրջանակներում, որը դեռ հաստատված չէ: «Մասնակցությունն այս ծրագրին հնարավորություն կտա Հայաստանին պատվաստանյութ ձեռք բերել, որը կհաստատվի համաշխարհային մակարդակով եւ հասանելի կլինի նաեւ այլ երկրների համար»,- ասաց Թորոսյանը: Միաժամանակ նա նշեց, որ նախատեսված 890 միլիոն դրամը միայն կանխավճար է` պահանջվող գումարի 30 տոկոսի չափով: Հաջորդ տարի վճարները պետք է ավելացվեն, ինչը թույլ կտա իմունիզացնել Հայաստանի բնակչության 10 տոկոսին: «Այս ցուցանիշն ընտրվել է, որպեսզի պատվաստանյութը հնարավոր լինի ձեռք բերել, այդ թվում, ուղիղ բանակցությունների միջոցով»,- պարզաբանեց նախարարը: Նրա խոսքով`գնումը պլանավորված է 2021-ի երկրորդ եռամսյակի սկզբին, ենթադրաբար` ապրիլին:

17:13 - 09 նոյեմբերի, 2020

Հայաստանի ողջ տարածքում դիտվում է սուր շնչառական վարակների և սեզոնային գրիպի աշխուժացում. ԱՆ-ն հորդորում է պատվաստվել

ՀՀ Առողջապահության նախարարությունը հայտարարություն է տարածել, որում ասվում են․ «Այս օրերին հանրության ողջ ուշադրությունը սևեռված է Ադրբեջանի կողմից սանձազերծված լայնածավալ պատերազմի հետևանքով ստեղծված իրավիճակին, և այս համատեքստում մյուս խնդիրները կարծես մղվում են հետին պլան: Միևնույն ժամանակ, Հայաստանի ողջ տարածքում դիտվում է ինչպես կորոնավիրուսային հիվանդության նկատելի աճ, այնպես էլ սուր շնչառական վարակների և սեզոնային գրիպի աշխուժացում` պատերազմի պայմաններում էլ ավելի ծանրաբեռնելով առողջապահական համակարգը:Առողջապահական համակարգի գերծանրաբեռնվածության արդյունքում արդեն իսկ առկա է հիվանդանոցների մահճակալային ֆոնդի անբավարարություն, և այդ միտումները շարունակվելու դեպքում կարող է ստեղծվել մի իրավիճակ, երբ ռիսկի խմբի անձանց, նույնիսկ հիվանդության ծանր և կյանքին սպառնացող դեպքերում, հնարավոր չի լինի հոսպիտալացնել և համարժեք բուժում տրամադրել, որը, ցավոք, կնպաստի մահվան դեպքերի աճին:Եթե հանրության շրջանում կորոնավիրուսային հիվանդության առումով կան որոշակի մտահոգություններ, թե ինչպես խուսափել և կանխարգելել կորոնավիրուսային հիվանդությունը, ապա այս իրավիճակում սեզոնային գրիպը կարծես մոռացության է մատնվել, այն դեպքում, երբ վերջինիս կանխարգելման լավագույն և արդյունավետ միջոցը՝ պատվաստումը, հասանելի է և կիրառվում է արդեն տասնյակ տարիներ:Հիշեցնենք, որ հանրապետության բոլոր պոլիկլինիկաներն ապահովված են սեզոնային գրիպի պատվաստանյութով, և ռիսկի խմբի բոլոր անձինք, ովքեր դեռ չեն ստացել սեզոնային գրիպի դեմ պատվաստում, կարող են դիմել իրենց հաշվառման պոլիկլինիկա և պատվաստվել: Պատվաստումները կատարվում են անվճար, պետական պատվերի շրջանակներում՝ առաջնահերթություն տալով ռիսկի խմբերին՝ հղիներ, 6 ամսականից մինչև 5 տարեկան երեխաներ, 65 տարեկանից բարձր անձինք, շաքարային դիաբետ, շնչառության օրգանների, սրտանոթային համակարգի, լյարդի, երիկամների քրոնիկ հիվանդություններ ունեցող անձինք, բուժաշխատողներ, զինծառայողներ, փակ կազմակերպություններում գտնվող անձինք և սպասարկող անձնակազմ: Բնակչության այլ խմբերի համար ևս պատվաստումը կլինի հասանելի, սակայն սույն թվականի նոյեմբերի վերջին, եթե ռիսկի խմբերի անձինք հրաժարվեն իրենց համար նախատեսված պատվաստումից։Մեկ անգամ ևս հորդորում ենք՝ եթե դեռ չեք պատվաստվել սեզոնային գրիպի դեմ, դիմե'ք պոլիկլինիկա և պատվաստվեք՝ պաշտպանելով Ձեզ և Ձեր մտերիմներին»:

14:56 - 09 նոյեմբերի, 2020

Հայաստանում Covid-19-ով ծայրահեղ ծանր վիճակում է 180, ծանր՝ 897 քաղաքացի |armenpress.am|

armenpress.am: Հայաստանում կորոնավիրուսով վարակված՝ծանր և ծայրահեղ ծանր վիճակում գտնվող քաղաքացիների թիվը մոտ է 1100-ին: Այս մասին խորհրդարանում լրագրողների հետ զրույցում հայտնեց ՀՀ առողջապահության նախարար Արսեն Թորոսյանը: «Ծայրահեղ ծանր վիճակում է 180, ծանր՝ 897 քաղաքացի, գումարային առումով փաստացի մոտ 1100 ծայրահեղ ծանր և ծանր հիվանդներ կան: Այս պահին 73-ը միացված են արհեստական շնչառության սարքերի»,-ասաց Թորոսյանը: Անդրադառնալով հարցին, թե 14-օրյա բուժումից հետ ինչու՞ քաղաքացիներին դուրսգրումից առաջ չեն թեստավորում՝ նախարարն ասաց, որ ոչ բոլոր դեպքերում է, որ բուժումը լինում է 14-օրյա: Լինում է, երբ բուժումն ավելի կարճատև է տևում՝ 5-6 օր կամ ավելի կարճ, և լինում է, որ բուժումը շատ ավելի երկար է տևում՝ նույնիսկ ամիսներ: Սակայն, եթե քաղաքացին դուրս է գրվում, օրինակ, 14 օրը լրանալուց ավելի վաղ, այնուամենայնիվ, նրան ցուցվում է մինչև 14 օրվա ավարտը մնալ տանը: Վերջնական բուժման փաստն արձանագրելու թեստավորման նպատակահարմարությունը բացատրվել և հանվել է: Բուժված լինելու փաստը արձանագրվում է ոչ թե թեստավորմամբ, այլ կլինիկական լավացմամբ:

12:54 - 09 նոյեմբերի, 2020

Հայաստանը կստանա կորոնավիրուսի հայտնաբերման 50 հազար հակագենային թեստ |armenpress.am|

armenpress.am: Հայաստանը 50 հազար հակագենային նոր թեստ կստանա, որոնք ՊՇՌ թեստերից ավելի արագ են հայտնաբերում մարդու օրգանիզմում առկա կորոնավիրուսը: Այս մասին նոյեմբերի 9-ին ՀՀ ազգային ժողովի մշտական հանձնաժողովների համատեղ նիստի ընթացքում ասաց Առողջապահության նախարար Արսեն Թորոսյանը: «Ուզում եմ մի լուր հայտնել, որը, հավանաբար, կհանգեցնի ՊՇՌ թեստերի գների իջեցման, դա նոր տեսակի հակագենային թեստերի ներմուծումն է Հայաստան: Այդ թեստերն ավելի արագ են հայտնաբերում վիրուսը և, հավանաբար, կբերեն շուկայի կառուցվածքի փոփոխության, և մարդիկ ու բժշկական կազմակերպությունները կսկսեն դրանք օգտագործել: Աշխարհում այդ միտումը կա, և մենք 50 հազար նման թեստ ենք ստանալու շուտով: Այդ ստացված թեստերն արվելու են անվճար»,- ասաց Թորոսյանը: Առողջապահության նախարարը հավելեց, որ այժմ ՊՇՌ թեստերից աշխարհում անցում է կատարվում հակագենային թեստերի:

12:13 - 09 նոյեմբերի, 2020

Նոյեմբերի 9-ի դրությամբ հաստատվել է կորոնավիրուսի 1042 նոր դեպք, ունենք 731 առողջացած, 21 մահվան դեպք

Նոյեմբերի 9-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 107466 դեպք, որոնցից 64910-ն` առողջացած, 1580-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 40569 պացիենտ: Ընդհանուր առմամբ կատարվել է 441174 թեստավորում: Այսպիսով` երեկ կատարվել է 2358 թեստավորում, որից հաստատվել է կորոնավիրուսային հիվանդության 1042 նոր դեպք: Ունենք 731 առողջացած և 21 մահվան դեպք: Նախորդ օրն արձանագրվել է մահվան 2 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 407 է:

11:01 - 09 նոյեմբերի, 2020

Հաստատվել է կորոնավիրուսային հիվանդության 2175 նոր դեպք․ գրանցվել է 26 մահվան դեպք․ ԱՆ

Նոյեմբերի 8-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 106424 դեպք, որոնցից 64179-ն` առողջացած, 1559-ը` մահվան ելքով։ Կորոնավիրուսային հիվանդությամբ այս պահին փաստացի բուժում է ստանում 40281 պացիենտ: Ընդհանուր առմամբ կատարվել է 438816 թեստավորում:Այսպիսով` երեկ կատարվել է 4790 թեստավորում, որից հաստատվել է կորոնավիրուսային հիվանդության 2175 նոր դեպք: Ունենք 921 առողջացած և 26 մահվան դեպք։Նախորդ օրն արձանագրվել է մահվան 2 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 405 է:

11:05 - 08 նոյեմբերի, 2020

Առաջնահերթությունը կտրվի ռազմական գործողությունների հետևանքով տուժածների բուժօգնությանը․ Արսեն Թորոսյանը նոր հրաման է ստորագրել

Առողջապահության նախարար Արսեն Թորոսյանը նոյեմբերի 6-ին հրաման է ստորագրել Հայաստանի Հանրապետությունում ռազմական դրությամբ պայմանավորված բժշկական կազմակերպություններում բժշկական օգնությունն ու սպասարկումը կազմակերպելու վերաբերյալ։ Հրամանում ասվում է․ «1. Լիցենզավորված բժշկական օգնություն և սպասարկում իրականացնող կազմակերպություններում (անկախ սեփականության ձևից), բացառությամբ Հայաստանի Հանրապետության պաշտպանության նախարարության զինվորական հոսպիտալների (այսուհետ` բժշկական կազմակերպություն) տնօրեններին՝ 1) Հայաստանի Հանրապետությունում հայտարարված ռազմական դրությամբ պայմանավորված՝ բժշկական կազմակերպությունում առաջնահերթություն տալ ռազմական գործողությունների արդյունքում տուժած անձանց բժշկական օգնությանն ու սպասարկմանը, ինչպես նաև մշտապես ունենալ ազատ մահճակալներ՝ անհրաժեշտության դեպքում ռազմական գործողությունների արդյունքում տուժած անձանց բժշկական օգնությունն ու սպասարկումը անխափան և ժամանակին կազմակերպելու համար, 2) բժշկական կազմակերպությունում մատուցել պացիենտների շտապ և անհետաձգելի, ինչպես նաև պլանային բժշկական օգնության ու սպասարկման ծառայություններ՝ ոլորտը կարգավորող իրավական ակտերի դրույթներին համապատասխան, 3) սույն կետի 2-րդ ենթակետում նշված բժշկական օգնությունն ու սպասարկումը կազմակերպել ըստ առաջնահերթության՝ հիմք ընդունելով պացիենտի նախնական ախտորոշումը, առողջական վիճակի գնահատումը և բժշկական օգնության և սպասարկման մատուցման հրատապությունը»։

16:33 - 07 նոյեմբերի, 2020

Հաստատվել է կորոնավիրուսի 2476 նոր դեպք

Նոյեմբերի 7-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 104249 դեպք, որոնցից 63258-ն` առողջացած, 1533-ը` մահվան ելքով։ Կորոնավիրուսային հիվանդությամբ այս պահին փաստացի բուժում է ստանում 39055 պացիենտ: Ընդհանուր առմամբ կատարվել է 434026 թեստավորում: Այս մասին հաղորդում է ՀՀ Առողջապահության նախարարությունը։ «Այսպիսով` երեկ կատարվել է 5339 թեստավորում, որից հաստատվել է կորոնավիրուսային հիվանդության 2476 նոր դեպք: Ունենք 1476 առողջացած և 27 մահվան դեպք։ Նախորդ օրն արձանագրվել է մահվան 6 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 403 է»,- նշված է ԱՆ հաղորդագրության մեջ։

10:54 - 07 նոյեմբերի, 2020

ԱՀԿ-ն կոչ Է արել պատրաստվել նոր համավարակի |armenpress.am|

armenpress.am: Առողջապահության համաշխարհային կազմակերպությունը (ԱՀԿ) ամբողջ աշխարհի կառավարություններին կոչ Է արել պատրաստվել նոր համավարակի: Համապատասխան հաղորդագրությունը ԱՀԿ-ի կայքում հրապարակվել Է Առողջապահության համաշխարհային ասամբլեայի 73-րդ ամենամյա նստաշրջանի նախաշեմին: «Անցյալ տարի մենք տեսանք, որ ամուր ենթակառուցվածք ունեցող երկրները «…» արտակարգ դրության նախապատրաստման առումով կարող են արագորեն գործել SARC-CoV-2 վիրուսի զսպան եւ տարածման համար»,-նշվում Է հաղորդագրության մեջ: ԱՀԿ-ի տվյալներով՝ ամբողջ աշխարհում գրանցվել Է կորոնավիրուսով վարակման ավելի քան 48,1 միլիոն դեպք: Համավարակը 1,23 միլիոնից ավելի մարդու կյանք Է խլել, հաղորդել Է ՌԻԱ Նովոստին:

18:46 - 06 նոյեմբերի, 2020

Կորոնավիրուսով վարակման դեպքերի թիվը հատեց 100000-ը․ մեկ օրում գրանցվել է մահվան 30 դեպք

Նոյեմբերի 6-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 101773 դեպք, որոնցից 61782-ն` առողջացած, 1506-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 38088 պացիենտ: Ընդհանուր առմամբ կատարվել է 428687 թեստավորում: Այս մասին հայտնում է Առողջապահության նախարարությունը։ Այսպիսով` երեկ կատարվել է 5202 թեստավորում, որից հաստատվել է կորոնավիրուսային հիվանդության 2210 նոր դեպք: Ունենք 1647 առողջացած և 30 մահվան դեպք: Նախորդ օրն արձանագրվել է մահվան 7 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 397 է:

11:00 - 06 նոյեմբերի, 2020

Մարտական գործողություններին մասնակցած, այդ թվում կամավոր սկզբունքով մեկնած անձանց բուժօգնությունը անվճար է․ ԱՆ

Կառավարության 318-Ն որոշման համաձայն` մարտական գործողություններին մասնակցած, այդ թվում կամավոր սկզբունքով մեկնած անձանց բուժօգնությունն ու հիմնական դեղերի ցանկում առկա դեղերը տրամադրվում են անվճար: Դեղերը տրամադրվում են տեղամասային պոլիկլինիկաների կողմից:Կամավորների դեպքում անձը պետք է իր տեղամասային պոլիկլինիկա ներկայացնի պահեստազորում հաշվառված զինապարտի զորակոչման վերաբերյալ տեղեկանք:

14:32 - 05 նոյեմբերի, 2020