Տիգրան Խաչատրյան

ՀՀ ֆինանսների նախարարն է․ այս պաշտոնին նշանակվել է 2021թ․ օգոստոսի 3-ին։

Ծնվել է 1970թ․ դեկտեմբերի 11-ին։ 1987-1992 թթ. սովորել է  Երևանի ժողովրդական տնտեսության ինստիտուտում, 1993-1996 թթ.  ՀՀ Գիտությունների ազգային ակադեմիայի տնտեսագիտության ինստիտուտի ասպիրանտուրայում, 1996 թ.  Վիեննայի միացյալ ինստիտուտում։

1999-2001 թթ.  եղել է ՀՀ ֆինանսների և էկոնոմիկայի նախարարության պետական եկամուտների քաղաքականության գլխավոր վարչության պետ։ 2001-2006 թթ. աշխատել է ՀՀ ֆինանսների և էկոնոմիկայի նախարարի տեղակալ, 2016-2018 թթ․ ՀՀ տնտեսական զարգացման և ներդրումների նախարարի տեղակալ։

2018-2019 թթ.- ՀՀ տնտեսական զարգացման և ներդրումների նախարար։

2019-2020 թթ. - ՀՀ էկոնոմիկայի նախարար

Հայաստանում կհիմնվի իտալական կերամիկայի արտադրություն. ՀՀ էկոնոմիկայի նախարար |armenpress.am|

Հայաստանում կհիմնվի իտալական կերամիկայի արտադրություն. ՀՀ էկոնոմիկայի նախարար |armenpress.am|

armenpress.am։ Հայաստանի Հանրապետությունում իտալական կերամիկայի արտադրություն կհիմնվի։ Այս մասին հունիսի 10-ին տեղի ունեցած Հայ-իտալական առաջին գործարար համաժողովի ընթացքում ասաց ՀՀ էկոնոմիկայի նախարար Տիգրան Խաչատրյանը։ «Մի քանի ամիս առաջ Իտալիայի դեսպանի հետ խոսում էինք մի կազմակերպության մասին, որը կերամիկական արտադրանք արտադրող ընկերություն էր, և նախատեսում էր Հայաստանում հիմնել իր արտադրական գործունեությունը և շուկաներ ունենալ ԱՄՆ-ում ու Եվրոպայում։ Այսօր ընկերությունն արդեն ներկրել է իր սարքավորումները, այն աշխատակիցներին, ովքեր գործունեություն են ծավալելու արտադրամասում, ուղարկել է Իտալիայի Հանրապետություն՝ վերապատրաստվելու, արդեն 2-3 ամսվա ընթացքում կսկսի արտադրանք թողարկել և արտահանել»,- ասաց Խաչատրյանը։Հայ-իտալական բիզնես ֆորումը, որին մասնակցում են բնագավառների տեղական հաստատությունների, իտալական ասոցիացիաների և Simest-ի ներկայացուցիչներ, նպատակ ունի ներկայացնելու իտալական ձեռնարկություններին Հայաստանի ենթակառուցվածքներին վերաբերող բնագավառի առավել հետաքրքիր ծրագրերը և համագործակցության հնարավորություն ստեղծելու ենթակառուցվածքների և տրանսպորտի իտալական ընկերությունների համար։ Ֆորումի նպատակներից է նաև ICE Գործակալության ներքո ստեղծել համացանց՝ իտալական ասոցիացիաների և դրանց օտարերկրյա համարժեքների միջև։
07:52 - 10 հունիսի, 2019
Տիգրան Խաչատրյանը Հարկային օրենսգրքի առաջարկվող փաթեթում տեսնում է ներդրումային միջավայրը բարելավող երկու դրույթ |armenpress.am|

Տիգրան Խաչատրյանը Հարկային օրենսգրքի առաջարկվող փաթեթում տեսնում է ներդրումային միջավայրը բարելավող երկու դրույթ |armenpress.am|

armenpress.am։ Հարկային օրենսգրքի փոփոխությունների փաթեթով առաջարկվող եկամտային հարկի և շահութահարկի նվազեցումը կնպաստեն Հայաստանի ներդրումային գրավչության բարձրացմանը: Ազգային ժողովում լրագրողների հետ զրույցում նման տեսակետ հայտնեց ՀՀ էկոնոմիկայի նախարար Տիգրան Խաչատրյանը` անդրադառնալով հարցին, թե արդյոք այդ փոփոխություններով հնարավոր կլինի ներգրավել նոր ներդրումներ:«Կարծում եմ, որ Հարկային օրենսգրքի առաջարկվող նախագծում երկու կարևորագույն փոփոխություն կա, որոնք ուղղակիորեն ուղղված են ներդրումային գրավչությունը բարձրացնելուն: Դրանք շահութահարկի երկարաժամկետ առումով նվազեցման և եկամտային հարկի նվազեցման դրույթներն են: Գաղտնիք չէ, որ ցանկացած ներդրում կատարվում է շահույթների ակնկալիքով: Եկամտային հարկը ներդրողի ծախսի մի մասն է, և եթե նախորդ տարիների արդյունավետ միջին դրույքաչափը՝ 26 տոկոսը, նվազեցնում ենք` դարձնելով 23 տոկոս, այնուհետև տարեցտարի նվազեցնելով հասցնում 20 տոկոսի, ներդրողների ծախսերն այս առումով էապես կրճատվում են»,-ասաց Խաչատրյանը:Նա նշեց նաև, որ օտարերկրյա ներդրողների համար շահաբաժինների հարկման դրույքաչափը ևս առաջարկվում է նվազեցնել: Նախարարի կարծիքով` դա այն խթանն է, որ նպաստելու է ներդրողներին ավելի մեծ շահույթների ակնկալիքով գալ Հայաստան:«Երբ նվազեցնում ենք կատարված ներդրումների դիմաց ստացած եկամուտների հարկային բեռը, հետաքրքիր են դառնում ավելի ցածր եկամտաբերությամբ ծրագրերը: Երկու փոփոխություններն, իմ համոզմամբ, ներդումային միջավայրը բարելավող կարևորագույն քայլեր են»,-նշեց նախարարը:Անդրադառնալով հարցին, թե արդյոք դատական համակարգում կատարվող փոփոխությունները ազդեցություն չեն ունենա ներդրումային միջավայրի վրա` Խաչատրյանն ասաց, որ այդ առումով մտահոգություններ չի տեսնում: Նրա կարծիքով` տեղի են ունենում պարզապես դատական համակարգի նկատմամբ վստահություն պահանջող և արդարության խոչընդոտները վերացնող գործողություններ:
10:01 - 07 հունիսի, 2019
Եթե առկա հիմնական մտահոգությունները փարատվեն, ապա Լիդիանը կշարունակի գործել. Էկոնոմիկայի նախարար |aysor.am|

Եթե առկա հիմնական մտահոգությունները փարատվեն, ապա Լիդիանը կշարունակի գործել. Էկոնոմիկայի նախարար |aysor.am|

aysor.am։ Եթե «Լիդիան Արմենիա» ընկերության գործունեության շուրջ առկա հիմնական մտահոգությունները փարատվեն, ապա կազմակերպությունը կշարունակի գործել, այսօր խորհրդարանում լրագրողների հետ ճեպազրույցում ասաց ՀՀ էկոնոմիկայի նախարար Տիգրան Խաչատրյանը։ ««Լիդիան Արմենիանիայի» վերաբացումն այն է, ինչ տեղի կունենա, երբ փորձաքննությունը կավարտվի, վերջնական եզրակացություն կտրվի արդյունքների վերաբերյալ։ Դրանք կլինեն հրապարակային։ Եվ եթե այն հիմնական մտահոգությունները, որոնք առկա էին, կփարատվեն, ապա կազմակերպությունը կշարունակի գործել», - ասաց Տիգրան Խաչատրյանը։Քննչական կոմիտեից տեղեկացրել են, որ եզրակացությունը բաղկացած է 150 էջից և այս պահին գտնվում է թարգմանության փուլում: Համալիր փորձաքննության եզրակացությունն ամբողջությամբ ՀՀ Քննչական կոմիտեին կտրամադրվի պայմանագրով սահմանված ժամկետում:
09:07 - 07 հունիսի, 2019
Եթե առկա հիմնական մտահոգությունները փարատվեն, ապա Լիդիանը կշարունակի գործել. Էկոնոմիկայի նախարար |aysor.am|

Եթե առկա հիմնական մտահոգությունները փարատվեն, ապա Լիդիանը կշարունակի գործել. Էկոնոմիկայի նախարար |aysor.am|

aysor.am։ Եթե «Լիդիան Արմենիա» ընկերության գործունեության շուրջ առկա հիմնական մտահոգությունները փարատվեն, ապա կազմակերպությունը կշարունակի գործել, այսօր խորհրդարանում լրագրողների հետ ճեպազրույցում ասաց ՀՀ էկոնոմիկայի նախարար Տիգրան Խաչատրյանը։ ««Լիդիան Արմենիանիայի» վերաբացումն այն է, ինչ տեղի կունենա, երբ փորձաքննությունը կավարտվի, վերջնական եզրակացություն կտրվի արդյունքների վերաբերյալ։ Դրանք կլինեն հրապարակային։ Եվ եթե այն հիմնական մտահոգությունները, որոնք առկա էին, կփարատվեն, ապա կազմակերպությունը կշարունակի գործել», - ասաց Տիգրան Խաչատրյանը։Քննչական կոմիտեից տեղեկացրել են, որ եզրակացությունը բաղկացած է 150 էջից և այս պահին գտնվում է թարգմանության փուլում: Համալիր փորձաքննության եզրակացությունն ամբողջությամբ ՀՀ Քննչական կոմիտեին կտրամադրվի պայմանագրով սահմանված ժամկետում:
08:07 - 07 հունիսի, 2019
Հայաստանում մշակող արդյունաբերության ոլորտում ստեղծվելու են նոր աշխատատեղեր |armenpress.am|

Հայաստանում մշակող արդյունաբերության ոլորտում ստեղծվելու են նոր աշխատատեղեր |armenpress.am|

armenpress.am։ Հայաստանը տնտեսության արտահանելի ճյուղը զարգացնելու նպատակով նախատեսում է մշակող արդյունաբերության ոլորտում նոր աշխատատեղեր ստեղծել: Այս մասին ԱԺ եվրասիական ինտեգրական հարցերի ու ֆինանսավարկային և բյուջետային հարցերի մշտական հանձնաժողովի համատեղ նիստում ասաց ՀՀ էկոնոմիկայի նախարար Տիգրան Խաչատրյանը:«Բարգավաճ Հայաստան» խմբակցության պատգամավոր Տիգրան Խաչատրյանը հիշեց, որ վերջերս 51 հազար նոր աշխատատեղի մասին էր հայտարարվել, որոնց մի մասը պարզապես դուրս էր եկել ստվերից: Նա հետաքրքրվեց, թե արդյոք ստվերում կրկին կան աշխատատեղեր և որտեղ կձևավորվեն նոր իրական աշխատատեղեր:«Աշխատատեղեր ավելանալու են: Դրանք ավելանալու են մշակող արդյունաբերության մեջ, որովհետև մշակող արդյունաբերությունն է , որ պետք է ապահովի արտահանումը»,-ասաց նախարարն ու նշեց` վերջինս էլ լինելու է տնտեսության շարժիչ ուժը:
13:34 - 06 հունիսի, 2019
Փոխհատուցելու համար պետք է մոտավոր պատկերացում ունենանք կարկուտի հասցրած վնասի աստիճանից. Էկոնոմիկայի նախարար |news.am|

Փոխհատուցելու համար պետք է մոտավոր պատկերացում ունենանք կարկուտի հասցրած վնասի աստիճանից. Էկոնոմիկայի նախարար |news.am|

news.am։ Համայնքներում տեղացած կարկուտի հետեւանքների վերաբերյալ տվյալներն ամփոփելուց հետո նոր կկարողանանք փոխհատուցման մասին որեւէ բան ասել: Այս մասին այսօր՝ հունիսի 6-ին, լրագրողների հետ զրույցում ասաց Էկոնոմիկայի նախարար Տիգրան Խաչատրյանը՝ անդրադառնալով վերջին շրջանում, հաճախակի տեղացող կարկուտին:Նախարարի խոսքով՝ համայնքին փոխհատուցմանը չափը կախված կլինի մշակաբույսի տեսակից, եւ տվյալ մշակաբույսի վնասվածության աստիճանից: Նա նշեց, որ համայնքային եւ մարզային հանձնաժողովներ են ստեղծվել, որոնք աշխատանքներ են տանում տեղերում, գնահատում են չափը, այնուհետեւ գնահատված վնասի այդ չափը փոխանցում նախարարությանը՝ ամփոփելու եւ հետագա որոշումները ներկայացնելու համար.«Որպեսզի մենք կարողանանք ասել, ո՞ր դեպքում, ո՞ր չափով կաջակցենք, պետք է մոտավոր պատկերացում ունենանք, թե տարվա ընթացքում, որքան հաճախ կարող են լինել նման դեպքերը: Եթե հիշում եք, նախորդ տարի նույնպես, ըստ էության փոխհատուցումը տեղի ունեցավ աշնանը, ինչը նշանակում է, որ այն ամիսներին, որոնք ամռան ամիսներն էին, հանձնաժողովներն աշխատեցին, եւ իրենց գնահատականները ձեւավորեցին: Անցյալ տարի առաջին անգամ նման դեպք եղավ, եւ եղավ գումարային աջակցություն. 500 միլիոն դրամը չգերազանցող գումար էր նախատեսված»,- ասաց Տիգրան Խաչատրյանը:
08:53 - 06 հունիսի, 2019
Քննարկվել են Հայաստանից ցամաքային ճանապարհով ապրանքների արտահանման խնդիրները

Քննարկվել են Հայաստանից ցամաքային ճանապարհով ապրանքների արտահանման խնդիրները

ՀՀ էկոնոմիկայի նախարար Տիգրան Խաչատրյանն ընդունել է ԵԱՀԿ Սլովակիայի նախագահության Հարավային Կովկասի հարցերով հատուկ ներկայացուցիչ դեսպան Ռուդոլֆ Միխալկային։ Այս մասին հայտնում են նախարարության մամուլի ծառայությունից:Հանդիպման ընթացքում քննարկվել են Հայաստանում ստարտափ ընկերությունների գործեունությանն առնչվող մի շարք հարցեր։ Հատուկ ուշադրություն է հատկացվել բարձր տեխնոլոգիաների ոլորտում գործող ընկերություններին։ Ռուդոլֆ Միխալկան ներկայացրել է ԵԱՀԿ նախագահության կողմից մշակվող մի շարք ծրագրեր, որոնք, մասնավորապես, նախատեսում են աջակցություն տարածաշրջանային ստարտափ կազմակերպություններին: Դեսպանի խոսքով՝ դրանք կարող են նպաստել տարածաշրջանում խաղաղության և երկխոսության հաստատմանը, գործարարների միջև շփումներին համատեղ ծրագրերի միջոցով։Հանդիպման ընթացքում անդրադարձ է եղել Հայաստանից ցամաքային ճանապարհով ապրանքների արտահանման խնդիրներին, մաքսային անցակետերի խոչընդոտներին և հնարավոր կարգավորումներին։
09:23 - 04 հունիսի, 2019
«Լիդիան Արմենիա»-ի գործունեությունը շարունակելու վերաբերյալ կառավարության պատասխանը պետք է չուշանա, նաև չլինի անորոշ. Տիգրան Խաչատրյան |tert.am|

«Լիդիան Արմենիա»-ի գործունեությունը շարունակելու վերաբերյալ կառավարության պատասխանը պետք է չուշանա, նաև չլինի անորոշ. Տիգրան Խաչատրյան |tert.am|

tert.am: Տնտեսական զարգացման և ներդրումների նախարար Տիգրան Խաչատրյանը, անդրադառնալով ՀՀ արտաքին պարտքի հնարավոր ավելացմանը, նշել է, որ եթե այնպիսի ծրագրեր են իրականացնում ավելացվող պետական պարտքի հաշվին, որը երկարաժամկետ տնտեսական ավելի բարձր արդյունքներ է խոստանում, պետք է գնալ այդ ճանապարհով: Խոսելով ներդրումների` մասնավորապես «Լիդիան Արմենիա»-ի գործունեության հեռանկարի մասին՝ նա մատնանշել է երեք հիմնական տարբերակ կա, թե ինչպես կարող է խնդիրը լուծվել: - Պարո՛ն Խաչատրյան, նախ կխնդրեմ անդրադառնալ դատական համակարգի հետ կապված վերջին իրադարձությունների ազդեցությանը տնտեսության վրա, քանի որ կա գնահատական, որ սա հարված էր տնտեսական հեղափոխությանը: – Սկզբունքորեն ճիշտ չէ այդ գնահատականը, ընդհակառակը, իմ խորը համոզմամբ՝ այն, ինչ տեղի է ունեցել, վերաբերում է նրան, որ դատական համակարգում պետք է արդարության աստիճանը բարձրանա: Ես նույնիսկ համաձայն չեմ, որ դա կարճաժամկետ առումով կարող է վատ անդրադառնալ, հնարավոր է՝ կարճաժամկետ առումով ճիշտ չընկալվի, բայց ինձ համար՝ որպես տնտեսական քաղաքականության պատասխանատուի, չափազանց կարևոր է, որ դատական համակարգում կայացված որոշումները լինեն արդար: – Վարչապետ Նիկոլ Փաշինյանը հայտարարել էր, որ կքննարկվի ՀՆԱ-ի նկատմամբ պետական պարտքի թույլատրելի շեմի հնարավոր վերանայումը, արդյոք դա մտահոգիչ չե՞ք համարում՝ հաշվի առնելով արտաքին պարտք-ՀՆԱ ներկայիս հարաբերակցությունը: – 2018 թվականի արդյունքով հարաբերակցությունը 51,3% է և դա մի քիչ ավելի լավ է, քան նախորդ տարիների ցուցանիշը: Այսինքն՝ անցած տարի մենք ունեցանք նվազում, դա նշանակում է, որ պետությունն ավելի քիչ է պարտք վերցրել իր ծրագրերը ֆինանսավորելու համար, քան նախորդ տարիների ընթացքում: Պետական պարտքը վերցնում ենք, երբ չենք կարողանում հարկերը հավաքել և ստիպված ենք թոշակ, աշխատավարձ բաժանել: Այդպիսի մոտեցումները չեն խրախուսվում, բայց երբ մենք կառուցում ենք ենթակառուցվածքներ, օրինակ` ճանապարհներ, ջրամբարներ, կապիտալ ներդրումներ, դրանք այս պահին շատ ծախս են առաջացնում, բայց ապագայում խոստանում են խնայողություններ, կամ ավելի քիչ ծախսեր: – Այսինքն՝ մինչև հիմա պետական պարտքը սխալ ուղղությա՞մբ է գնացել: – Ես այդպիսի բան չեմ ուզում ասել, ուզում եմ ասել, որ վարչապետի ասածը վերաբերում է նրան, որ եթե այսուհետ կատարելու ենք այնպիսի կապիտալ ծախսեր, որոնք խոստանում են երկարաժամկետ խնայողություններ, ապա չենք վախենալու պետական պարտքը ավելացնելուց: Այստեղ շատ կարևոր է, որ այդպիսի եղանակով ավելացվող պետական պարտքը իր հետագա խոստացած բարձր տնտեսական աճով արագ փոխհատուցվելու է: – Դուք նախկին կառավարության հետ էլ եք աշխատել, նույն սկզբունքներով չէ՞ր առաջնորդվում կառավարությունը, պետական պարտքի նպատակահարմարության առումով, արդյունավետ չի՞ եղել: – Ինձ թվում է՝ երկուսն էլ եղել են, այսինքն՝ եղել են լավ ծրագրեր, եղել են ձախողված ծրագրեր: Բայց այստեղ երկրորդ հանգամանքն էլ կա`լավ հաշվարկել և որակով կառուցել: Կարծում եմ, որ եթե մենք այնպիսի ծրագրեր ենք իրականացնում ավելացվող պետական պարտքի հաշվին, որը երկարաժամկետ տնտեսական, ավելի բարձր արդյունքներ է խոստանում, ապա պետք է գնալ այդ ճանապարհով: – Իսկ այս համատեքստում արդարացվա՞ծ եք համարում Նիկոլ Փաշինյանի մոտեցումը, ով պատգամավորական տարիներին բոլոր վարկային համաձայնագրերին քվեարկել է դեմ, քանի որ կառավարությանը համարել է կոռումպացված, այդ մեղադրանքը նաև Ձեզ էր ուղղված: – Ես կարծում եմ, որ բոլոր ժամանակներում կառավարության պատասխանատվությունը ստանձնող մարդը իրավունք ունի հաստատել, որ իր ղեկավարած կառավարության կողմից ներգրավվող միջոցները կօգտագործվեն արդյունավետ: Իմ կարծիքով՝ ապագայում ցանկացած կառավարություն պատճառներ է ունենալու իրենից առաջ նախորդ կառավարությունների թերությունները, որոնք նկատել է, մատնացույց անել: Եկող կառավարությունը միշտ ասելու է, թե ինչով է լավ նախորդ կառավարություններից, և դա թող լինի օբյեկտիվ և թող ասեն: – Ներդրումային դաշտում պասիվություն նկատո՞ւմ եք, և արդյոք արդարացա՞ն ձեր սպասումները, երբ ասում էիք, որ ընտրություններից հետո ներդրումային բում է լինելու, կարծես չնկատվեց այդ բումը: – Բազմաթիվ որոշումներ կան ընթացքի մեջ, բայց քանի որ իրենք տարբեր փուլերում են գտնվում մեկ ամսաթվի դրությամբ չենք կարող ֆիքսել, որ այլևս այնքան լավ է, որ հետագա անելիքներ չունենք: Չի լինելու երբևէ այնպիսի ժամանակ կառավարության համար, որ կառավարությունը համարի, որ եղածը բավարար է, եղած վիճակը ինձ բավարար չի թվում, մենք դեռ շատ անելիքներ ունենք և դա պետք է անենք ամեն օր: Մենք կարծում ենք, որ մենք գնում ենք բնականոն զարգացման սպասումներին համապատասխան: Շարունակությունը՝ այստեղ
17:03 - 28 մայիսի, 2019
Արմավիրում կենցաղային տեխնիկա արտադրող գործարանում արդեն հեռուստացույցներ են հավաքում. Տիգրան Խաչատրյան |news.am|

Արմավիրում կենցաղային տեխնիկա արտադրող գործարանում արդեն հեռուստացույցներ են հավաքում. Տիգրան Խաչատրյան |news.am|

news.am: Կենցաղային տեխնիկա արտադրող ընկերությունում արդեն այս շաբաթ աշխատանքները սկսվել են: Այս մասին այսօր՝մայիսի 23-ի նիստում հայտարարեց ՀՀ տնտեսական զարգացման եւ ներդրումների նախարար Տիգրան Խաչատրյանը: Վարչապետ Նիկոլ Փաշինյանը նկատեց, որ այս հարցը նաեւ քաղաքական նեթատեքստ ունի, հետաքրքրությունը մեծ է, քանի որ նշվում էր, որ իրենք գնացել բացում են արել եւ այդ գործարանը չի աշխատում:Տիգրան Խաչատրյանը փարատեց այդ կասկածները. «Այս պահին այնտեղ 15 մարդ հեռուստացույցներ են հավաքում: Ինձ հրավիրել էին, ես ասացի՝ մինչեւ 70 մարդ էնտեղ միաժամանակ աշխատանքային պրոցեսում չլինեն, չեմ գնա: Սա կատակով, իհարկե, բայց հաջորդ շաբաթներին, երբ արդեն կգան լվացքի մեքենաների եւ մնացած տեխնիկայի մասերը, որոնք ճանապարհին են, եւ 70 մարդ աշխատանքի մեջ կլինի, ես կգնամ այնտեղ եւ լայն հանրային լուսաբանում կլինի: Այս պահին 1200 հատ հեռուստացույցների համար անհրաժեշտ մասերը գտնվում են այստեղ»:Նիկոլ Փաշինյանն էլ նկատեց, որ սա Հայաստանում առաջին փորձն է կենցաղային տեխնիկա հավաքելու, նման փորձ չի եղել նաեւ խորհրդարային տարիներին: Նա հույս հայտնեց, որ ժամանակի ընթացքում հեռուստացույցներ եւ այլ կենցաղային տեխնիկա Հայաստանում կարտադրվի նաեւ ոչ թե ներկրված սարքերով, այլ տեղում արտադրված. «Որպեսզի լիարժեք այդ արտադրանքը կարողանանք համարել հայկական»:ՊԵԿ նախագահ Դավիթ Անանյանը կատակով նկատեց, որ պետք է ստուգել այդ աշխատողների աշխատանքային պայմանագրերը, որովհետեւ «կարելի է մեկ օրում 70-80 հոգու բերել ցույց տալ»: Սկզբնական փուլում գործարանը կունենա 70-80 աշխատատեղ և տարեկան կարտադրի 126 հազար միավոր կենցաղային տեխնիկա՝ հեռուստացույց, լվացքի մեքենա, օդափոխիչ, սառնարան և տեխնիկա:
08:43 - 23 մայիսի, 2019
Տիգրան Խաչատրյանը Վրաստանի դեսպանի հետ քննարկել է տնտեսական փոխգործակցության ամրապնդման հնարավորությունները

Տիգրան Խաչատրյանը Վրաստանի դեսպանի հետ քննարկել է տնտեսական փոխգործակցության ամրապնդման հնարավորությունները

ՀՀ տնտեսական զարգացման և ներդրումների նախարար Տիգրան Խաչատրյանը հանդիպել է Վրաստանի Արտակարգ և լիազոր դեսպան Գիորգի Սագանելիձեի հետ, տեղեկացնում է նախարարության մամուլի ծառայությունը։ Կողմերն ընդգծել են համատեղ նպատակաուղղված գործողությունների իրականացման կարևորությունը այն ոլորտներում, որոնք ազդում են ազգաբնակչության բարեկեցության վրա։ Նախարար Խաչատրյանը և դեսպանը քննարկել են առաջիկայում սպասվող տնտեսական միջոցառումների և հանդիպումների շրջանակը։ Մասնավորապես քննարկվել են առաջիկա հայ-վրացական տնտեսական համագործակցության միջկառավարական հանձնաժողովի նիստի օրակարգին առնչվող հարցեր։ Կողմերն անդրադարձել են նաև հայ-վրացական գործարարների համաժողովի կազմակերպչական հարցերին՝ կարևորելով երկկողմ հետաքրքրություն ներկայացնող ոլորտների, գործարար շրջանակների ներգրավումը, որոնք համագործակցության առավել մեծ հեռանկար և ներուժ են պարունակում։ Դեսպան Սագանելիձեն Վրաստանում տեղի ունենալիք տնտեսական որոշ միջոցառումների վերաբերյալ ներկայացրել է տեղեկատվություն։Կողմերը մտքեր են փոխանակել նաև Հայաստանի և Վրաստանի միջև առևտրաշրջանառության ծավալների մեծացման հեռանկարների վերաբերյալ, այդ թվում՝ տարածաշրջանային ծրագրերի իրականացման հնարավորությունները և արտոնյալ ռեժիմներից առավել արդյունավետ օգտվելու ճանապարհները։
06:33 - 23 մայիսի, 2019
Որն է կառավարության մեկ տարվա աշխատանքի հիմնական արդյունքը |lragir.am|

Որն է կառավարության մեկ տարվա աշխատանքի հիմնական արդյունքը |lragir.am|

lragir.am։ Կառավարության գործունեության մեկ տարվա աշխատանքի հիմնական արդյունք է համարվում այն, որ տնտեսական գործունեության ոլորտներում մուտքն ազատ է: Այս մասին «Տնտեսական հեղափոխություն. հիմնարար ուղենինշերը Հայաստանում» խորագրով գիտաժողովի ժամանակ ասաց տնտեսական զարգացման և ներդրումների նախարար Տիգրան Խաչատրյանը: «Երկրորդ, երկրում մրցակցային պայմանները հավասար են: Այս երկու կարևոր նախադրյալները պետք է տնտեսվարողների համար լինեն այն հիմնական ազդակը, որ ժամանակն է ներդրումներ կատարել տեխնոլոգիաներում, ժամանակն է դառնալ ավելի մրցունակ և ժամանակն է երկարաժամկետ առումով ամրապնդել դիրքերը թե ներքին տնտեսության, և թե արտաքին շուկաներում»,- ասաց նախարարը: Անդրադառնալով տեխնոլոգիական ոլորտում ներդրումների մասին գիտաժողովին մասնակցող մասնագետների առաջարկներին՝ նախարարն ասաց, որ տեխնոլոգիական ճեղքը տարբեր ոլորտներում նույնը չէ: Ավելի ցածր արտադրողականություն կա հատկապես գյուղատնտեսության բանագավառում:   «Շատ կարևոր է խոսել՝ ինչպես նաև արտադրել տեխնոլոգիաներ, ոչ թե աշխարհում առկա տոխնոլոգիաները ինտեգրել մեր տնտեսությունում առկա տարբեր ոլորտներ: Հետագայում պետք է շարունակենք այս երկխոսությունը և գտնենք այդ լուծումները»,- հավելեց նախարարը:
10:07 - 21 մայիսի, 2019
2018-ի հուլիսից $31 մլն-ի և 432 աշխատատեղով ներդրումային 7 ծրագիր է ավարտվել |panarmenian.net|

2018-ի հուլիսից $31 մլն-ի և 432 աշխատատեղով ներդրումային 7 ծրագիր է ավարտվել |panarmenian.net|

panarmenian.net։ ՀՀ տնտեսական զարգացման և ներդրումների նախարար Տիգրան Խաչատրյանը վարչապետ Նիկոլ Փաշինյանի գլխավորությամբ տեղի ունեցած խորհրդակցությանը հայտնել է, որ 2015 թվականից առ այօսր ներմուծման մաքսատուրքից ազատման արտոնություն է ստացել 106 ընկերություն:Դրանց ընդհանուր ներդրումների ծավալը կազմում է մոտ $1.1 մլրդ, որից փաստացի ներդրումների ծավալը կազմել է $554 մլն: Նախատեսված 9230 աշխատատեղից փաստացի մինչև օրս ստեղծվել է 5351 աշխատատեղ:41 ծրագիր՝ $481 մլն ընդհանուր արժեքով և 3400 նախատեսվող աշխատատեղով, հաստատվել է 2018 թվականի երկրորդ կիսամյակից հետո ընկած ժամանակահատվածում: Այս պահի դրությամբ ավարտված է 7 ծրագիր՝ $31 մլն-ի ընդհանուր արժեքով, ստեղծվել է 432 աշխատատեղ:2009 թվականից թվականից գործող ավելացված արժեքի հարկից ազատման արտոնություն է տրվել 121 ներդրումային ծրագրի, նախատեսված ներդրումների ծավալը կազմում է 750 մլրդ դրամ, աշխատատեղերի թիվը՝ 9782 մարդ: Ըստ կարգով նախատեսված 2018 թվականի տարեկան հաշվետվությունների՝ փաստացի ներդրումների ծավալը կազմել է 651 մլրդ դրամ, աշխատատեղերի թիվը՝ 9175: Ավարտվել է 56 ծրագիր:30 ներդրումային ծրագիր արտոնություն է ստացել ինչպես ԱԱՀ-ի հետաձգման, այնպես էլ մաքսատուրքից ազատման մասով:
13:03 - 17 մայիսի, 2019
Հայաստանում պետք է ապահովվի մինչեւ աշխատաշուկա համակարգի նորմալ գործունեություն. Տիգրան Խաչատրյան |news.am|

Հայաստանում պետք է ապահովվի մինչեւ աշխատաշուկա համակարգի նորմալ գործունեություն. Տիգրան Խաչատրյան |news.am|

news.am։ Պետությունը պետք է ապահովի կրթությունից մինչեւ աշխատաշուկա համակարգի նորմալ գործունեություն։ Այս մասին մայիսի 15-ին «Աշխատիր, Հայաստան» ծրագրի մեկնարկի շրջանակում ասել է տնտեսական զարգացման եւ ներդրումների նախարար Տիգրան Խաչատրյանը։Նրա խոսքով՝ իշխանությունները պետք է ապահովեն կապ կրթության, գիտության, տեխնոլոգիաների եւ աշխատաշուկայի միջեւ, որն, իր հերթին, պահանջներ կներկայացնի գիտությանը։ «Սա խոսում է այն մասին, որ մենք պետք է աշխատենք այն ուղղությամբ, որպեսզի ապահովենք այս համակարգի նորմալ գործունեությունը եւ լուծենք խնդիրները, որոնք կարող են ծագել դրա առանձին տարրերում։ Պետք է աշխատել որակյալ կադրերի եւ մրցունակ աշխատաշուկայի ձեւավորման ուղղությամբ»,- նշել է նախարարը։ Տիգրան Խաչատրյանը պարզաբանել է, որ կառավարության ուշադրության կենտրոնում պետք է լինի այն խնդիրների լուծումը, որոնք կապված են ծառայությունների մատուցման մակարդակի, աշխատանքի արտադրողականության բարձրացման եւ ինովացիոն տեխնոլոգիաների օգտագործման հետ։ «Աշխատիր, Հայաստան» նախաձեռնությունն ուղղված է հենց այն հարցերի շուրջ երկխոսություն վարելուն, որոնք կարող են նպաստել այս խնդիրների լուծմանը»,- ամփոփել է նա։
10:34 - 15 մայիսի, 2019
10 միլիոն դոլարի ներդրում կարվի գյուղատնտեսական, կրթական, սպասարկման ոլորտներում. Նախարարություն

10 միլիոն դոլարի ներդրում կարվի գյուղատնտեսական, կրթական, սպասարկման ոլորտներում. Նախարարություն

ՀՀ տնտեսական զարգացման եւ ներդրումների նախարար Տիգրան Խաչատրյանը ՏԶՆՆ Զբոսաշրջության կոմիտեի նախագահ Սուսաննա Սաֆարյանի հետ այցելել է «Երեմյան փրոջեքթս» խոհարարական արվեստի եւ հյուրընկալության ակադեմիա՝ ծանոթանալու նորաստեղծ հաստատության գործունեությանը։ Նախարարը շրջայց է կատարել ակադեմիայում, ծանոթացել ուսուցման առարկաների ցանկին, ուսումնառողների համար ստեղծված պայմաններին, ինչպես նաեւ ակադեմիայի զարգացման ծրագրերին։ Ըստ հիմնադրի, Խոհարարական արվեստի եւ հյուրընկալության ակադեմիայի նպատակն է նպաստել Հայաստանում հյուրընկալության ինստիտուտի կայացմանը, ծառայությունների որակի բարձրացմանը, հայկական խոհանոցի միջազգայնացմանը։ Ակադեմիայի ղեկավարությունը մտադիր է այն դարձնել տարածաշրջանում գերազանցության կենտրոն: Նախարար Տիգրան Խաչատրյանը «Երեմյան փրոջեքթս» ընկերության գլխավոր տնօրեն Դավիթ Երեմյանի հետ քննարկել է ընկերության ներդրումային ծրագրերը տարբեր ուղղություններով։ Դավիթ Երեմյանը նշել է, որ «Երեմյան փրոջեքթս» ընկերությունն իրականացնում է 3 խոշոր նախագիծ, որոնցից մեկն էլ հենց ակադեմիան է։ Երկրորդ ուղղությունը գյուղատնտեսությունն է, երրորդն էլ՝ նոր ձեւաչափի ռեստորանները։ «Այս տարվա ներդրումների ծավալը մոտ 10 միլիոն ԱՄՆ դոլար կկազմի եւ կստեղծվի 250 նոր աշխատատեղ», - նշել է Դավիթ Երեմյանը։Նախարարին տեղեկացվել է, որ Դիլիջանում նոր խոզաբուծական ֆերմա է բացվել, եւ Հայաստան են բերվել կանադական հայտնի Genesus Genetics ընկերության մաքրացեղ խոզատեսակներ: Ընկերությունն օգտվել է մաքրացեղ խոշոր եղջերավոր կենդանիների համար տրվող պետական սուբսիդավորման արտոնությունից։ Ֆերման համապատասխանեցված է արտադրության եւ որակի միջազգային սահմանված բոլոր չափանիշներին: Նշվել է նաեւ, որ Ջերմուկում արդեն գործում է խոշոր անասնաֆերմա, որտեղ պահվում են մաքրացեղ անասուններ. մեծածավալ ներդրումներ են իրականացվում այն նորարարական տեխնոլոգիաներով հագեցնելու համար։
08:20 - 10 մայիսի, 2019
Նորաստեղծ բիզնեսի համար պետությունը կստեղծի տեղեկատվական կայք

Նորաստեղծ բիզնեսի համար պետությունը կստեղծի տեղեկատվական կայք

Բիզնես սկսել ցանկացող քաղաքացիների համար սեպտեմբեր ամսից կգործարկվի կայք, որում կտեղադրվեն ձեռնարկատիրական գործունեության պլանավորման, մեկնարկի, կառավարման և ընդլայնման փուլերում գտնվող ՓՄՁ-երի համար անհրաժեշտ ողջ տեղեկությունն ու խորհրդատվությունը: Ասուլիսում այս մասին հայտնեց ՀՀ տնտեսական զարգացման և ներդրումների նախարար Տիգրան Խաչատրյանը: «Աշխատանքի մեջ է և շուտով կհրապարակվի նոր էլեկտրոնային կայք, որտեղ ինտերակտիվ կերպով պարզաբանող նյութեր, տեղեկություններ կհրապարակվեն, որոնք հետաքրքրված կազմակերպություններին կհուշեն, թե ինչպես կարող են ավելի արագ անցնել այն ճանապարհը, որն անհրաժեշտ է գաղափարից մինչ բիզնես ստեղծելը»,-ասաց նախարարը: Հարթակի բաժիններում պարբերաբար կպատրաստվեն և կտեղադրվեն ձեռնարկատիրությանն առնչվող թեմատիկ ուսուցողական և պարզաբանող նյութեր, օրինակելի բիզնես մոդելներ և ձեռնարկներ: Հարթակը կունենա գործարար ծրագրերի մշակման առցանց գործիքներ
14:07 - 03 մայիսի, 2019