Վրաստան

Վերին Լարսի անցակետի չեզոք գոտում սպասող որևէ քաղաքացի չկա. Վրաստանում ՀՀ դեսպանություն

Վրաստանում Հայաստանի դեսպանությունը հերքում է լրատվամիջոցներում տեղ գտած այն տեղեկատվությունը, թե ՀՀ որոշ քաղաքացիներ, հատելով Ռուսաստանի Դաշնության սահմանը փորձել են մուտք գործել Վրաստանի տարածք, սակայն չեն կարողացել և արդեն մեկ ամիս է գտնվում են Վերին Լարսի չեզոք գոտում: Վրաստանում ՀՀ-ի դեսպանությունը տեղեկացնում է, որ դեսպանության դիվանագետները կապ են հաստատել Վերին Լարսի վրացական անցակետի ղեկավարության հետ, ովքեր նշել են, որ չեզոք գոտում սպասող որևէ քաղաքացի այս պահին չկա։ «Դեսպանությունը Վերին Լարսի չեզոք գոտում ՀՀ քաղաքացիների գտնվելու վերաբերյալ որևէ ահազանգ չի ստացել վերջին մեկ ամսվա ընթացքում, դեսպանության որևէ աշխատակից չեզոք գոտում հայտնված որևէ քաղաքացու չի ասել հերթագրվեք ու ինքնաթիռով եկեք և, ի վերջո, դեսպանության որևէ ներկայացուցիչ տեղում չի եղել (և չէր էլ կարող լինել, քանի որ վրացական կողմը թույլ չի տալիս ՌԴ քաղաքացիներից բացի, որևէ այլ երկրի քաղաքացի հատի վրաց-ռուսական սահմանը և մտնի չեզոք գոտի) և չի հանդիպել հրապարակման մեջ նշված քաղաքացիների հետ»,-նշված դեսպանության պարզաբանման մեջ:

11:29 - 09 մայիսի, 2020

COVID-19. Աշխարհում վարակվածների թիվն անցել է 4 միլիոնը |armenpress.am|

armenpress.am: Աշխարհում նոր տիպի կորոնավիրուսային վարակով՝ COVID-19-ով վարակվածների թիվն անցել է 4 միլիոնը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 276 հազարը: Ապաքինվել է 1 միլիոն 387 հազար 259 մարդ: Վիրուսով վարակվածների թվով առաջին տեղում հայտնված ԱՄՆ-ում 1 մլն 322 հազար 163 հաստատված դեպք կա: Այստեղ մահացածների թիվը 78 հազար 616 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 260 հազար 117 է: Մահացության ցուցանիշը կազմում է 26 հազար 299: Իտալիան վարակվածների թվով երրորդն է: Այստեղ հաստատված դեպքերի ընդհանուր թիվը 217 հազար 185 է: Վարակից մահացել է 30 հազար 201 մարդ։ Կորոնավիրուսից վարակվածության ցուցանիշով հաջորդը Մեծ Բրիտանիան է, որտեղ հաստատված դեպքերի թիվը կազմում է 211 հազար 364: Վարակի հետևանքով մահացել է 31 հազար 241 մարդ: Մահացության ցուցանիշով Մեծ Բրիտանիան շրջանցել է Իտալիային՝ Եվրոպայում դառնալով առաջինը, աշխարհում՝ երկրորդը, ԱՄՆ-ից հետո: Վարակվածության թվով հաջորդում է Ռուսաստանը, որը շրջանցեց Գերմանիային և Ֆրանսիային: Ռուսաստանում վարակվածների ընդհանուր թիվը հասել է 187 հազար 859-ի: Մահերի թիվը կազմում է 1723: Վարակվածության թվով հաջորդ երկիրը Ֆրանսիան է, որտեղ գրանցվել է 176 հազար 079 հաստատված դեպք, մահացել է 26 հազար 230 մարդ: Գերմանիայում 170 հազար 588 հաստատված դեպք կա, մահացածների ընդհանուր թիվը 7 հազար 510 է: Վարակվածների ընդհանուր թվով Գերմանիային հաջորդում է Բրազիլիան, որը շրջանցեց Թուրքիային: Բրազիլիայում հաստաված դեպքերի թիվը կազմում է 146 հազար 894, վարակի հետևանքով մահացածներինը՝ 10 հազար 017: Թուրքիայում վարակակիրների թիվը հասել է 135 հազար 569-ի, մահացածներինը՝ 3 հազար 689-ի: Իրանում վարակվածների թիվը հասել է 104 հազար 691 է: Երկրում վարակի բռնկումից ի վեր կորոնավիրուսի հետևանքով մահացել է 6 հազար 541 մարդ: Վարակվածության ընդհանուր ցուցանիշով վարակի ծագման երկիր Չինաստանն առանձնանում է 82 հազար 887 ընդհանուր, 1 նոր դեպքով։ Չինաստանում մահացել է 4 հազար 633 մարդ։ Վերջին օրերին այստեղ վարակի հետևանքով մահ չի գրանցվել: Վրաստանում հաստատված դեպքերի թիվը հասել է 623-ի, վարակի բռնկումից ի վեր այստեղ մահացել է 10 մարդ: Առողջապահության համաշխարհային կազմակերպության տվյալներով՝ վարակ արձանագրած երկրների և տարածքների թիվն անցել է 212-ը:

10:35 - 09 մայիսի, 2020

Զբոսաշրջային սեզոնը Վրաստանում. որտեղ կարելի է հանգստանալ |aliq.ge|

aliq.ge: Ներքին տուրիզմի սեզոնի բացումից հետո Վրաստանի քաղաքացիներն իրավունք կունենան հանգիստ կազմակերպել երկրի ողջ տարածքում, իսկ հյուրերի համար հանգստի կանաչ գոտիներ կլինեն: Այս մասին հայտնել է Զբոսաշրջության ազգային գործակալության ղեկավար Մարիամ Կվրիվիշվիլին: Ներքին տուրիզմի համար Վրաստանը կբացվի հունիսի 15-ին, իսկ օտարերկրյա զբոսաշրջիկների համար երկրի մուտքը կբացվի հուլիսին: Ներքին տուրիզմը կվերաբերի ողջ Վրաստանին, հակաճգնաժամային ծրագրով արդեն ամրագրվել են այն չափորոշիչները, որոնց պետք է բավարարեն հյուրանոցներն ու սննդի օբյեկտները, տուրիստական կազմակերպություններն ու գիդերը (էքսկուրսավարներ): Արտերկրից ժամանածների համար կորոնավիրուսից ազատ կանաչ գոտիներ կլինեն՝ Ծղալտուբոյում, Բորջոմիում, Աբասթումաիում, Բակուրիանիում, Գուդաուրիում, Բաթումիում ու այ վայրերում: Դրանք այն գոտիներն են, որոնք գործել են նաև կարանտինային ֆորմատում: Ըստ կառավարության մշակած ծրագրի՝ պանդեմիայով պայմանավորված մարտահրավերների ֆոնին Վրաստանը ներկայանալու է որպես անվտանգ երկիր: Զբոսաշրջիկների ժամանումից առաջ ապահովվելու են անվտանգության ստանդարտները, որոնք ընդունված են Առողջապահության համաշխարհային կազմակերպության և Զբոսաշրջության համաշխարհային կազմակերպության կողմից: Սա վերաբերելու է ինչպես անցակետերին ու օդանավակայաններին, այնպես էլ հյուրանոցներին, գիդերի ծառայություններին, ցանկացած տիպի տրանսպորտին: Բացի այդ, Վրաստանն աշխատում է երկրների հետ՝ սահմանները բացելու և անվտանգության միջացնքներ ստեղծելու ուղղությամբ, որոնք հնարավորություն կտան տեղաշարժվել կոնկրետ երկրներով: Հայտնի է, որ կորոնավիրուսով պայմանավորված ընդհատված ավիաչվերթները վերականգնվելու են մայիսի վերջին՝ առայժմ միայն թուրքական ավիափոխադրողների համար՝ հատուկ պայմաններով ու անվտանգության կանոններ պահպանելով: Հիշեցնենք՝ ըստ հակաճգնաժամային կառավարական պլանի՝ հունիսի 15-ից կբացվեն տեղական տուրիստական ծառայությունները, իսկ հուլիսի 1-ից Վրաստանը պատրաստ կլինի ընդունել արտասահմանցի զբոսաշրջիկների: Վրաստանում զբոսաշրջության ոլորտը 2020 թվականին կազատվի հարկերից:

13:30 - 08 մայիսի, 2020

Կորոնավիրուսը Վրաստանում. մայիսի 7-ի տվյալները |aliq.ge|

aliq.ge: Վրաստանում մայիսի 7-ի դրությամբ կորոնավիրուսով վարակվածների թիվը կազմել է 615: Վերջին 24 ժամվա ընթացքում արձանագրվել է վարակման 5 նոր դեպք: Այս մասին տեղեկությունը հրապարակվել է կառավարության կողմից ստեղծված stopcov.ge պաշտոնական կայքում: Կարանտինի ռեժիմում է 4948, հատուկ վերահսկողության ներքո՝ 491 մարդ: Հատկանշական է, որ աճել է առողջացածների թիվը: 615 վարակակիրներից 275-ն ապաքինվել է, արձանագրվել է 9 մահ: Արտասահմանից բուժման նպատակով հայրենիք է վերադարձել 3 հիվանդ:

13:41 - 07 մայիսի, 2020

COVID-19. ԱՄՆ-ում վարակվածների թիվն անցել է 1 մլն 263 հազարը |armenpress.am|

10:10 - 07 մայիսի, 2020

Զորակոչի ենթակա քաղաքացիների վերաբերյալ Վրաստանում ՀՀ դեսպանությունը հայտարարություն է արել

Վրաստանում ՀՀ դեսպանությունը հայտարարություն է տարածել՝ երկրում գտնվող և ՀՀ Զինված ուժերում պարտադիր զինվորական ծառայության զորակոչի ենթակա ՀՀ քաղաքացիների վերաբերյալ: Ստորև ներկայացնում ենք դեսպանության հայտարարությունը՝ անփոփոխ. «Հարգելի հայրենակիցներ, Վրաստանում գտնվող և ՀՀ Զինված ուժերում պարտադիր զինվորական ծառայության զորակոչի ենթակա ՀՀ այն քաղաքացիները, ովքեր համավարակի պատճառով կիրառված սահմանափակումների պատճառով չեն կարողացել ժամանակին վերադառնալ հայրենիք, իրենց հաշվառման վայրի զինվորական կոմիսարիատ ներկայանալու նպատակով, պետք է իրենց տվյալներն ուղարկեն [email protected] էլ-փոստի հասցեին՝հետագա իրավական գործընթացները կանոնակարգելու և ըստ հնարավորության՝ նրանց տեղափոխումը Հայաստանի Հանրապետություն կազմակերպելու համար: Դեսպանությանը ուղղված նամակում անհրաժեշտ է նշել անունը, ազգանունը, հայրանունը, անձնագրի սերիան և համարը, ծննդյան ամսաթիվը, հաշվառման վայրի զինկոմիսարիատի անվանումը կամ ՀՀ-ում հաշվառման հասցեն, տվյալ երկրում գտնվելու վայրն ու բջջային հեռախոսահամարը, էլեկտրոնային փոստի հասցեն, Viber, WhatsApp հավելվածների համարները։ Առաջին իսկ հնարավորության դեպքում Վրաստանում ՀՀ դեսպանությունը կապ կհաստատի գրանցված քաղաքացիների հետ և կտեղեկացնի Հայաստան վերադառնալու հնարավոր տարբերակների մասին։ Հիշեցնում ենք, որ անձնագրի ժամկետը լրացած լինելու դեպքում, պարտադիր զինվորական ծառայության զորակոչվելու նպատակով հայրենիք վերադարձող քաղաքացիներին ՀՀ վերադարձի վկայականը տրամադրվում է անվճար»:

17:51 - 06 մայիսի, 2020

COVID-19. Չինաստանում գրանցվել է վարակվածության 2 նոր դեպք |armenpress.am|

17:47 - 06 մայիսի, 2020

Հայ-ռուսական հարաբերությունները գնահատում եմ լավ․ Փաշինյանը խոսեց նաեւ Իրանի եւ Վրաստանի հետ հարաբերություննեի մասին |armtimes.com|

17:06 - 06 մայիսի, 2020

Կորոնավիրուսով վարակված ևս 29 քաղաքացի առողջացել է |aliq.ge|

aliq.ge: Վրաստանում կորոնավիրուսից առողջացել է ևս 29 պացիենտ և առողջացածների ընդհանուր թիվը կազմում է 269: Այս մասին տեղեկությունը հրապարակվել է կառավարության կողմից ստեղծված stopcov.ge պաշտոնական կայքում: Կարանտինի ռեժիմում է 5082, հատուկ վերահսկողության ներքո՝ 505 մարդ: Մայիսի 6-ի տվյալներով՝ վերջին 24 ժամվա ընթացքում արձանագրվել է վարակման 6 նոր դեպք: Վրաստանում ընդհանուր թվով 610 վարակի դեպք է գրանցվել:

11:19 - 06 մայիսի, 2020

COVID-19. Մեծ Բրիտանիան մահացության ցուցանիշով շրջանցել է Իտալիային |armenpress.am|

10:00 - 06 մայիսի, 2020

COVID-19. Աշխարհում ապաքինվել է 1 միլիոն 200 հազարից ավելի մարդ |armenpress.am|

10:16 - 05 մայիսի, 2020

Կորոնավիրուսը Վրաստանում. մայիսի 4-ի տվյալները |aliq.ge|

aliq.ge: Մայիսի 4-ի ժամը 10:00-ի դրությամբ Վրաստանում կորոնավիրուսով վարակի 4 նոր դեպք է գրանցվել, ընդհանուր դեպքերի թիվը երկրում կազմում է 593: Այս մասին ասվում է կառավարության կողմից ստեղծված կայք էջում: Վրաստանում կորոնավիրուսից պաշտոնապես բուժված է համարվում 223 մարդ: Կորոնավիրուսից երկրում մահացել է 9 մարդ: Այս պահի դրությամբ կարանտինային գոտում է գտնվում 5028 քաղաքացի, հատուկ ստացիոնար հսկողության տակ է 537 պացիենտ: Արտերկրից կորոնավիրուսով վարակված 3 քաղաքացի է տեղափոխվել Վրաստան բուժվելու նպատակով: Ընդհանուր հաշվարկով Վրաստանի տարբեր շրջաններում գործող կլինիկաներում այս պահին կորոնավիրուսից բուժվում է 364 պացիենտ:

10:49 - 04 մայիսի, 2020

COVID-19. Աշխարհում վարակվածների թիվը 3.5 միլիոնից ավելին է |armenpress.am|

10:22 - 04 մայիսի, 2020

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Արտակարգ իրավիճակների նախարարությունը տեղեկացնում է, որ մայիսի 4-ի ժամը 08:15-ի դրությամբ ՀՀ տարածքում ավտոճանապարհները հիմնականում անցանելի են: Արագածոտնի մարզի Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն: Լարսի մասինՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը ձնամաքրման ինտենսիվ աշխատանքներից հետո բաց է միայն բեռնատար տրանսպորտային միջոցների համար։ Միաժամանակ հայտնում ենք, որ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին։ Վարորդներին խորհուրդ է տրվում երթևեկել բացառապես ձմեռային անվադողերով:

09:52 - 04 մայիսի, 2020

Երկրաշարժ Ադրբեջան-Վրաստան սահմանային գոտում. ցնցումները զգացվել են ՀՀ Տավուշի և Լոռու մարզերում

Մայիսի 4-ին, տեղական ժամանակով ժամը 00:04-ին (Գրինվիչի ժամանակով մայիսի 3-ին 20:04-ին) ՀՀ ԱԻՆ Սեյսմիկ պաշտպանության տարածքային ծառայության սեյսմիկ ցանցի կայանները գրանցել են 4.1 մագնիտուդով երկրաշարժ, որի էպիկենտրոնը գտնվում է Ադրբեջան-Վրաստան սահմանային գոտում` Գյանջա քաղաքից 38 կմ դեպի հյուսիս: Էպիկենտրոնի աշխարհագրական կոորդինատներն են հյուսիսային լայնության 41.02 աստիճան և արևելյան երկայնության 46.32 աստիճան։ Երկրաշարժի հիպոկենտրոնը գտնվում է 10 կմ խորության վրա: Երկրաշարժի ուժգնությունն էպիկենտրոնային գոտում կազմել է 5-6 բալ: Երկրաշարժը զգացվել է Տավուշի և Լոռու մարզերի բնակավայրերում՝ 2-3 բալ ուժգնությամբ:

09:32 - 04 մայիսի, 2020

Վրաստանում կորոնավիրուսով վարակման դեպքերի թիվը հասել է 589-ի |tert.am|

tert.am: Վրաստանում վերջին օրվա ընթացքում գրանցվել է կորոնավիրուսով վարակման 7 նոր դեպք, վարակման դեպքերի ընդհանուր թիվը հասել է 589-ի: Այս մասին տեղեկացնում է pia.ge կայքը` հղում տալով երկրի կառավարության ներկայացրած տվյալներին: Երկրում կորոնավիրուսով վարակման հետևանքով մահացել է 8 մարդ: Վրաստանում կարանտինային գոտիներում է գտնվում 5066 մարդ, հիվանդանոցներում` 528 մարդ:

12:26 - 03 մայիսի, 2020