Առողջապահության համաշխարհային կազմակերպություն

Առողջապահության Համաշխարհային Կազմակերպությունը (ԱՀԿ) Միավորված Ազգերի Կազմակերպությանը պատկանող միջկառավարական կազմակերպություն է։ Կենտրոնական գրասենյակը Ժնեւում է։

Հիմնվել է 1948 թվականի ապրիլի 7-ին, երբ ՄԱԿ-ի անդամ 26 երկրի կողմից ընդունվեց եւ հաստատվեց ԱՀԿ կանոնադրությունը։ Ամեն տարի ապրիլի 7-ը աշխարհում նշվում է որպես «Առողջության համաշխարհային օր»։ ԱՀԿ-ն, հաշվելով 193 անդամ պետություններ, նպատակ ունի բոլոր ժողովուրդներին բարձրացնել առողջապահության ամենաբարձր մակարդակի։

Ըստ իր սահմանադրության ԱՀԿ-ն ունի երկու գլխավոր ֆունկցիա՝

գործել որպես ղեկավար մարմին առողջապահության բնագավառում
նպաստել տեխնիկական համագործակցությանը անդամ պետությունների ներսում՝ ի հօգուտ առողջապահության համակարգի զարգացման։

ԱՀԿ-ն իր ֆունկցիաներն իրականացնում է երեք հիմնական մարմինների միջոցով՝ Առողջապահության համաշխարհային ժողով, Գործադիր խորհուրդ եւ Քարտուղարություն։

Հայաստանի Հանրապետությունը ԱՀԿ անդամ է 1994 թվականի օգոստոսից, եւ այդ ժամանակից էլ Հայաստանում ստեղծվել է ԱՀԿ-յան ներկայացուցչություն։

ԱՀԿ-ն քիչ հավանական է համարում, որ զոհվածների դիերը մարտադաշտում թողնելը հիվանդությունների բռնկման հանգեցնի |hetq.am|

hetq.am: Առողջապահության համաշխարհային կազմակերպությունը (ԱՀԿ) քիչ հավանական է համարում, որ ռազմական գործողությունների հետեւանքով զոհվածների մարմինները մարտի դաշտում թողնելը հիվանդությունների բռնկման պատճառ դառնա: «Եթե անձը չի մահացել խիստ վարակիչ հիվանդությունից, հասարակության համար ռիսկն աննշան է»,-այս մասին հայտնել են կազմակերպության տարածաշրջանային գրասենյակից՝ ի պատասխան մեր հարցի, թե ինչ առողջապահական ռիսկեր է պարունակում հակամարտության գոտում դիակները թողնելը։ ԱՀԿ-ն ընդգծել է, որ որոշակի հանգամանքներում դիակների առկայությունը կարող է դիարեայի (փորլուծություն) վտանգ առաջացնել, օրինակ՝ այն դեպքում, երբ մարդիկ խմեն դիակների կղանքից աղտոտված ջուրը։ Սակայն, ըստ կազմակերպության, խմելու ջրի սովորական վարակազերծումը բավարար է ջրային հիվանդությունները կանխելու համար: «Համաձայն միջազգային մարդասիրական իրավունքի, որը կարգավորում է զինված հակամարտությունները, հակամարտոող կողմերը պարտավոր են հավաքել և տարհանել զոհվածներին` առանց տարբերակելու, թե որ կողմի համար են նրանք պայքարել: Կարդալ ավելին՝ hetq.am-ում։

12:24 - 21 հոկտեմբերի, 2020

ԱՀԿ-ն մեկ շաբաթում վարակման ավելի քան 2,2 մլն դեպք Է արձանագրել աշխարհում. առավելագույն աճ |armenpress.am|

armenpress.am: Առողջապահության համաշխարհային կազմակերպությունը (ԱՀԿ) արձանագրել Է կորոնավիրուսով վարակումների թվի՝ համավարակից սկզբից ի վեր ամենաբարձր աճը՝ ավելի քան 2,2 միլիոն դեպք մեկ շաբաթում: Ընդհանուր առմամբ, ԱՀԿ-ի հաշվարկներով՝ հոկտեմբերի 13-ի առավոտյան աշխարհում վարակումների թիվը գերազանցել Է 37,42 միլիոնը, մահացել Է 1,07 միլիոն մարդ: Վարակի տարածման տեմպերով առաջատարների եռյակում են Հնդկաստանը, ԱՄՆ-ը եւ Բրազիլիան: Եվրոպայում վարակումների աճով անցալ շաբաթ առաջատարներն են եղել Մեծ Բրիտանիան եւ Ֆրանսիան, երրորդ հորիզոնականում Է հայտնվել Ռուսաստանը: Կորոնավիրուսի հետ կապված մահացու վախճանների թիվն ավելացել Է ավելի քան 39 հազարով, ինչը մոտավորապես համապատասխանում Է նախորդ շաբաթվա ցուցանիշին: Առավել բարձր մահացություն Է գրանցվել Հնդկաստանում, հետեւում են Մեքսկան, ԱՄՆ-ը եւ Բրազիլիան: Անցյալ շաբաթ, ԱՀԿ-ի տվյալների համաձայն՝ առավել մեծ թվով մահացու վախճաններ՝ ավելի քան 6,5 հազար, արձանագրվել Է Հնդկաստանում: 5 հազարից ավելի մարդ Է մահացել Մեքսիկայում, ԱՄՆ-ում մահացել Է 4,8 հազարից ավելի կորոնավիրուսով հիվանդ, Բրազիլիայում՝ ավելի քան 4,2 հազար: Այս նույն երկրները, միայն այլ հաջորդականությամբ՝ ԱՄՆ, Բրազիլիա, Հնդկաստան, Մեքսիկա, պահպանում են առաջնությունը մահացածների ընդհանուր քանակով: Տարածաշրջանների թվում կորոնավիրուսի պատճառով մահացածների թվի աճով առաջատարը Հյուսիսային եւ Հարավային Ամերիկան Է, որտեղ յոթ օրում արձանագրվել Է 20 հազարից ավելի մահացու վախճան: Եվրոպայում մեկ շաբաթում մահացել Է 6,1 հազարից ավելի մարդ, հաղորդել Է ՏԱՍՍ-ը:

15:29 - 13 հոկտեմբերի, 2020

Ադրբեջանի ագրեսիան տեղի է ունենում համաշխարհային առողջապահական ճգնաժամի ֆոնին․ Արսեն Թորոսյանի բաց նամակը ԱՀԿ տնօրենին

23:12 - 11 հոկտեմբերի, 2020

Ֆրանսիայում կորոնավիրուսի դեպքերի աննախադեպ բարձր թիվ է հաստատվել |azatutyun.am|

azatutyun.am: Ֆրանսիայում վերջին 24 ժամվա ընթացքում հաստատվել է կորոնավիրուսի վարակակիրների աննախադեպ բարձր թիվ՝ 13 հազար 498։ Սա մեկ օրվա կտրվածքով ամենաբարձր ցուցանիշն է երկրում համաճարակի բռնկումից ի վեր: Ֆրանսիայում վարակակիրների ընդհանուր թիվը կազմում է 442 հազար 194, վերջին յոթ օրվա ընթացքում միջինում հաստատվում է 9 հազար 700 դեպք, մայիսի վերջին` սահմանափակումների թուլացումից երկու շաբաթ անց, վարակակիրների օրական ցուցանիշը 272 էր: Մինչ օրս Ֆրանսիայում համաճարակի հետևանքով մահացել է 31 հազար 274 մարդ: Առողջապահության համաշխարհային կազմակերպության (ԱՀԿ) կանխատեսումների համաձայն` Եվրոպայում համաճարակի երկրորդ ալիքով պայմանավորված վարակի տարածմանը զուգահեռ հոկտեմբեր և նոյեմբեր ամիսներին կարող է աճել նաև մահերի թիվը: «Իրավիճակը բարդանում է, հոկտեմբերին և նոյեմբերին մենք կտեսնենք ավելի բարձր մահացություն»,- անցած շաբաթ հայտարարել է ԱՀԿ-ի Եվրոպական տարածաշրջանային բյուրոյի ղեկավար Հանս Կրյուգեն:

18:25 - 20 սեպտեմբերի, 2020

ԱՀԿ-ն Եվրոպայում կանխատեսում է մահացության ցուցանիշների աճ, իսկ Մեծ Բրիտանիայում պացիենտներին կտան սինթետիկ հակամարմիններ |hetq.am|

hetq.am: Առողջապահության համաշխարհային կազմակերպության Եվրոպայի գծով տնօրեն Հանս Կլյուգեն, «Ֆրանսպրես» գործակալությանը տված հարցազրույցի ժամանակ, հայտարարել է, որ Եվրոպայում հոկտեմբեր և նոյեմբեր ամիսներին կաճի կորոնավիրուսից մահվան դեպքերի թիվը։ «Դժվար կլինի .... հոկտեմբերին և նոյեմբերին մենք կտեսնենք մահացության բարձր ցուցանիշներ»,- նշել է Կլյուգեն։ Վարակման ցուցանիշների աճը հատկապես տեսանելի է Իսպանիայում և Ֆրանսիայում։ Առողջապահության համաշխարհային կազմակերպության ղեկավար Թեդրոս Ադհան Գեբրեյեսուսն էլ սեպտեմբերի 14-ին հայտարարել է, որ ծանր իրավիճակը դեռ ոչ մի տեղ չի անհետացել։ Անգլիայում ուժի մեջ է մտնում վեց հոգուց ավելի մարդկանց մի վայրում հավաքվելու արգելքի մասին որոշումը։ Սեպտեմբերի 14-ի առավոտյան պետական պաշտոնյաները և ոստիկանության ներկայացուցիչները հերթական անգամ զգուշացրել են, որ բոլոր նրանք, որոնք կխախտեն այս պայմանը, կտուգանվեն։ Սահմանափակումը տարածվում է ինչպես փակ վայրերում, այնպես էլ փողոցում։ Ընդ որում, արգելքը տարածվում է միայն սոցիալական շփումների մասով հավաքների վրա, ինչը ենթադրում է, որ այն չի տարածվի գրասենյակների աշխատանքի վրա։ Ընդ որում, Անգլիայի մի շարք շրջաններում գործում են ինչպես ավելի խիստ, այնպես էլ ավելի մեղմ կանոններ, որոնք ընդունվել են քաղաքային կամ շրջանային իշխանությունների մակարդակով։ Կանոնն առաջին անգամ խախտելու դեպքում՝ անձը կտուգանվի 100 ֆունտով, սակայն յուրաքանչյուր հաջորդ խախտման դեպքում տուգանքը կրկնապատկվի, ընդհուպ մինչև 3200 ֆունտ։ Ընդ որում, հնարավոր է, որ Մեծ Բրիտանիայում առաջիկա ամիսներին կորոնավիրուսով պայմանավորված իրավիճակը բարելավվի։ Իշխանությունները հայտարարել են, որ առաջիկա շաբաթներին կփորձեն հիվանդներին տալ սինթետիկ հակամարմիններ, որոնք արտադրվել են ամերիկյան «Regeneron» ընկերության կողմից։ Դրանք գործում են ինչպես բնական հակամարմինները և կարող են օգնել կրճատելու կորոնավիրուսից մահացության ցուցանիշները։ Ավստրալիայի Քվինսլենդ նահանգի առողջապահության դեպարտամենտի ղեկավար Ջանեթ Յանգը, սպանության սպառնալիքների պատճառով, անցել է ոստիկանության պահպանության տակ։ Նա նշում է, որ այդպես իրեն ավելի անվտանգ է զգում։ Սպառնալիքները, հավանաբար, պայմանավորված են նահանգային իշխանությունների որոշմամբ, որը ենթադրում է կորոնավիրուսի պատճառով հարևան նահանգների հետ սահմանների փակում։

10:54 - 15 սեպտեմբերի, 2020

Կորոնավիրուսի դեպքերի թիվն աշխարհում մոտենում է 29 միլիոնին, մահվան դեպքերինը՝ 924 հազարին, բուժվել է ավելի քան 19,6 միլիոն մարդ |azatutyun.am|

azatutyun.am: Աշխարհում COVID-19-ով վարակվածների թիվը մոտենում է 29 միլիոնին, հիվանդությունից մահվան դեպքերինը՝ 924 հազարին, ապաքինվել է ավելի քան 19,6 միլիոն մարդ, վկայում են ԱՄՆ Ջոնս Հոփքինսի համալսարանի հրապարակած տվյալները: Վերջին մեկ օրվա ընթացքում աշխարհում գրանցվել է կորոնավիրուսի դեպքերի ռեկորդային աճ՝ 307,9 հազար նոր դեպք, հաղորդում է Առողջապահության համաշխարհային կազմակերպությունը (ԱՀԿ): Նախորդ ռեկորդը սեպտեմբերի 6-ին էր՝ 306.9 նոր դեպք: Վարակվածների թվի աճ է նկատվում եվրոպական շատ երկրներում, մասնավորապես՝ Չեխիայում, Իսրայելը սեպտեմբերի 18-ից երեք շաբաթով վերադառնում է խիստ սահմանափակումների: Սա հավանաբար երկրորդ ալիքն է, որի մասին այդքան շատ է խոսվել գարնանից ի վեր: AstraZeneca- ն վերսկսել է կորոնավիրուսի պատվաստանյութի փորձարկումները, որոնք կասեցվել էին հետազոտության մասնակցի հիվանդության պատճառով: Ընկերությունը շեշտել է, որ Մեծ Բրիտանիայի կարգավորող մարմինները հաստատել են պատվաստանյութի անվտանգությունը՝ հետազոտություն անցկացնելով: AstraZeneca-ի պատվաստանյութի փորձարկումները կասեցվել էին սեպտեմբերի 6-ին՝ այն բանից հետո, երբ կամավորներից մեկի մոտ ոսկրածուծի բորբոքում էր սկսվել: Ընկերությունը չէր բացառել, որ հիվանդության պատճառը կարող է լինել պատվաստանյութը: Կորոնավիրուսի դեմ AstraZeneca-ի պատվաստանյութը մեկն է փորձարկումների երրորդ՝ հազարավոր կամավորների վրա լայնածավալ ուսումնասիրությունների փուլին հասած մի քանի պատվաստանյութերից:

10:47 - 14 սեպտեմբերի, 2020

COVID-19. Չինաստանում վարակման 6 նոր դեպք է հաստատվել |armenpress.am|

15:36 - 12 սեպտեմբերի, 2020

Զարուհի Բաթոյանն առցանց հանդիպում է ունեցել ՄԱԿ-ի մանկական հիմնադրամի նորանշանակ ներկայացուցչի հետ

ՀՀ աշխատանքի և սոցիալական հարցերի նախարար Զարուհի Բաթոյանը առցանց քաղաքավարական հանդիպում է ունեցել ՄԱԿ-ի մանկական հիմնադրամի նորանշանակ ներկայացուցիչ տիկին Մարիեն Քլարկ Հաթինգի հետ: «Ես հատուկ վերաբերմունք ունեմ ՄԱԿ-ի մանկական հիմնադրամի նկատմամբ, ինչը պայմանավորված է այն համագործակցությամբ, որ ունեցել ենք՝ հանուն երեխաների իրավունքների պաշտպանության և իրացման: Վստահ եմ, որ տիկին Մարիան Քլարկ–Հաթինգը, ով ստանձնում է հիմնադրամի հայաստանյան գրասենյակի ղեկավարի պաշտոնը, շատ կարճ ժամանակում կդառնա մեր լավագույն գործընկերներից մեկը»,- ասել է նախարարը՝ հիմնադրամի նորանշանակ ղեկավարին ներկայացնելով համագործակցության արդյունքում իրականացված ծրագրերը: Նախարարը նշել է, որ սոցիալական պաշտպանության ոլորտում խնդիրներն առավել զգալի են դարձել համավարակի հետևանքով, և դրանց համակարգային լուծումը առաջնահերթություն է Աշխատանքի և սոցիալական հարցերի նախարարության համար. «Մեզ համար շարունակում են առաջնահերթություն մնալ երեխայի՝ ընտանիքում ապրելու իրավունքի իրացմանն ուղղված ծրագրերը, հաստատություններում ապրող մարդկանց ապաինստիտուցիոնալացումը՝ այդ թվում՝ հաշմանդամություն ունեցող անձանց, ինչպես նաև՝ նպաստի համակարգի գաղափարական վերանայումը, և այս գործընթացներում մենք ակնկալելու ենք ՄԱԿ-ի մանկական հիմնադրամի աջակցությունը»,- ասել է նախարարը: Մարիան Քլարկ–Հաթինգը բարձր է գնահատել ապաինստիտուցիոնալացման և երեխայի իրավունքների ոլորտում Հայաստանի գրանցած առաջընթացը՝ միևնույն ժամանակ նշելով, որ անելիքներ դեռ շատ կան. «Կարծում եմ՝ խնամատար ընտանիքների ինստիտուտի զարգացումը, որդեգրման կարգի բարելավումը, ինչպես նաև համայնքային ծառայությունների ընդլայնմանը և որակի բարելավմանն ուղղված ջանքերը պետք է շարունակական լինեն: Մենք ուրախ կլինենք աջակցել այս գործընթացում ևս՝ կիսելով Ձեզ հետ մեր կողմից իրականացված հետազոտությունների և ուսումնասիրությունների արդյունքները: Երկու ամսից պատրաստ կլինի նաև մեր մասնակցությամբ իրականացվող հետազոտության արդյունքները, որն ուղղված է խոցելի ընտանիքների վրա համավարակի ազդեցության ուսումնասիրությանը: Կարծում եմ՝ սա օգտակար կլինի խոցելի խմբերին ուղղված պետական քաղաքականության և քայլերի մշակման համար»,- ասել է ՅՈՒՆԻՍԵՖ-ի հայաստանյան գրասենյակի ղեկավարը: Նախարար Բաթոյանը արդյունավետ աշխատանք է մաղթել տիկին Մարիան Քլարկ–Հաթինգին և հույս հայտնել, որ համավարակով պայմանավորված իրավիճակը չի խանգարի ՅՈՒՆԻՍԵՖ-ի հայաստանյան գրասենյակի նորանշանակ ղեկավարին վայելել Հայաստանի գեղեցկությունն ու հայերի ջերմ հյուրընկալությունը:

19:46 - 11 սեպտեմբերի, 2020

ԵՄ-ն և ԱՀԿ-ն Հայաստան են առաքում COVID-19-ի ախտորոշման թեստեր և անհրաժեշտ բժշկական պարագաներ |armenpress.am|

armenpress.am: Եվրոպական միությունը և ԱՀԿ-ն ՀՀ առողջապահության նախարարությանն են փոխանցել 100 թթվածնի խտացուցիչ, 20 էլեկտրասրտագրության սարք և 10,000 ՊՇՌ թեստ՝ COVID-19-ի ախտորոշման համար: Այս մասին հայտնեցին ՀՀ-ում ԵՄ գրասենյակից: ԱՀԿ-ի կողմից ԵՄ աջակցությամբ ձեռք բերված պարագաները կօգնեն բարձրացնել թեստավորման կարողությունները և օգնել հիվանդներին ապաքինվել COVID-19-ի հետևանքով առաջացած ծանր հիվանդությունից: Թթվածնի խտացուցիչները COVID-19-ով հոսպիտալացված հիվանդներին թթվածնով ապահովելու ոչ ինվազիվ միջոց են: Նման հավելյալ թթվածինն առաջին անհրաժեշտ քայլն է COVID-19-ի ծանր ընթացքի դեպքում արյան մեջ թթվածնի ցածր մակարդակ ունեցող հիվանդների բուժման համար: Էլեկտրասրտագրության սարքն օգնում է բուժաշխատողներին լսել հիվանդի սիրտը և հետևել, որ բարդություններ չառաջանան: ԷՍԳ սարքը հատկապես կարևոր է ինտենսիվ թերապիայի բաժանմունքներում բուժվող հիվանդների համար: Առաքված 10,000 թեստերը կապահովեն հիվանդների ժամանակին հայտնաբերում, մեկուսացում և կառավարում, ինչը կարևոր է ինչպես հիվանդների խնամքի, այնպես էլ երկրում համաճարակի զսպման համար: Թեստերը պատկանում են ԱՀԿ-ի կողմից երաշխավորված որակի պարագաների ցանկում ընդգրկված տեսակին և ճշգրիտ արդյունքներ են ապահովում ընդամենը 75 րոպեում: Մշակման այս կարճ ընթացքը խնայում է բուժանձնակազմի ժամանակն ու էներգիան, օգնում է նվազեցնել մարդկային սխալների հավանականությունը և թույլ է տալիս մեկ օրվա ընթացքում թեստավորել ավելի շատ քաղաքացիների: Հայաստանում Եվրամիության պատվիրակության ղեկավար, դեսպան Անդրեա Վիկտորինը, ԱՀԿ հայաստանյան ներկայացուցիչ Եգոր Զայցևը, ՀՀ առողջապահության փոխնախարար Լենա Նանուշյանն այցելել են «Մարդասիրական օգնության հանրապետական կենտրոն» ՊՈԱԿ՝ թեստերի և սարքավորումների առաքանին ստանալու համար: ԵՄ դեսպանը և ԱՀԿ ներկայացուցիչը թեստերն ու սարքավորումները փոխանցել են ՀՀ առողջապահության նախարարությանը՝ երկրում COVID-19-ի տարածումը կանխելու ուղղությամբ տրամադրվող օժանդակության առավել լայն փաթեթի շրջանակում: Թեստերն ու սարքավորումները կտրամադրվեն ազգային լաբորատորիային և առողջապահական հաստատություններին:

17:42 - 08 սեպտեմբերի, 2020

ԱՀԿ ղեկավարը հորդորում է աշխարհին նախօրոք պատրաստվել հաջորդ պանդեմիային |armenpress.am|

armenpress.am: Նոր կորոնավիրուսի պանդեմիան վերջինը չէ, ուստի աշխարհը պետք է նախապես պատրաստվի հաջորդին: Ինչպես հայտնում է TASS-ը, այս մասին ճեպազրույցում ասել է Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբերյեսուսը: «Սա վերջին պանդեմիան չէ: Պատմությունը մեզ սովորեցնում է, որ հիվանդությունների բռնկումներն ու համաճարակները, ըստ էության, կյանքի մի մասն են կազմում: Երբ գա հաջորդ պանդեմիան, աշխարհը պետք է պատրաստ լինի դրան ավելի մեծ չափով, քան այս անգամ էր»,- ասել է ԱՀԿ ղեկավարը: Նրա խոսքով՝ COVID-19 պանդեմիան «բոլորին մեծ դասեր է տալիս»: Դրանցից մեկն այն է, որ առողջությունը շքեղ իր չէ նրանց համար, ովքեր կարող են դա իրենց թույլ տալ, դա անհրաժեշտություն է և մարդու իրավունք:

21:41 - 07 սեպտեմբերի, 2020

COVID-19-ի դեմ պատվաստանյութը առաջին հերթին պետք է ստանան բարձր ռիսկի տակ գտնվողները․ ԱՀԿ |azatutyun.am|

azatutyun.am: Առողջապահության համաշխարհային կազմակերպության գխավոր (ԱՀԿ) տնօրեն Թեդրոս Գեբրեյեսուսն ասել է, որ COVID-19-ի դեմ պատվաստանյութը ստանալու դեպքում առաջնահերթությունը պետք է տրվի ամենաբարձր ռիսկի տակ գտնվող մարդկանց՝ տարեցներին, կողմնակի հիվանդություններ ունեցող անձանց։ Ժնևում կայացած ասուլիսում նա նաև հայտարարել է, որ ԱՀԿ-ն որևէ պատվաստանյութի օգտագործմանը հավանություն չի տա, քանի դեռ չի ապացուցվի դրա անվտանգությունը։

15:12 - 05 սեպտեմբերի, 2020

ԱՀԿ. «Համատարած պատվաստումը հնարավոր է ոչ շուտ, քան 2021-ի կեսին» |azatutyun.am|

azatutyun.am: Առողջապահության համաշխարհային կազմակերպության մասնագետների համոզմամբ, կորոնավիրուսի դեմ զանգվածային պատվաստումները հնարավոր կլինեն հաջորդ տարվա կեսերին: Անհրաժեշտ է համոզվել, որ վակցինան արդյունավետ է և անվտանգ, ինչի համար փոձարկումներ են պետք: «Իրատեսական ժամանակացույցի առումով մենք չենք ակնկալում, թե մինչև հաջորդ տարվա կեսը զանգվածային պատվաստումներ կանցկացվեն»,- ասել է Առողջապահության համաշխարհային կազմակերպության խոսնակ Մարգարեր Հարրիսը: Նրա փոխանցմամբ, հիմա փորձարկվող վակցինաներից և մեկը չի տվել ԱՀԿ-ի չափանիշով պահանջվող առնվազն 50 տոկոսի արդյունավետություն: Ռուսաստանը սկսել է վակցինա արտադրել երկու ամսից քիչ տևած փորձարկումներից հետո: Արևմուքի մասնագետները կասկածի տակ են առնում ռուսական վակցինայի արդյունավետությունը: Ամերիկացիները հուսով են, որ Pfizer ընկերությունը կկարողանա պատվաստանյութ արտադրել այս տարվա հոկտեմբերի վերջին:

19:18 - 04 սեպտեմբերի, 2020

ԱՀԿ-ն հույս ունի՝ մինչև 2021-ի վերջը կարտադրվի COVID-19-ի դեմ պատվաստանյութի 2 մլրդ դեղաքանակ |civilnet.am|

12:11 - 25 օգոստոսի, 2020

COVID-19. Աշխարհում հաստատված դեպքերի թիվը գերազանցել է 23 միլիոնը |armenpress.am|

13:07 - 22 օգոստոսի, 2020

ԱՀԿ-ում նշել են կորոնավիրուսի համավարակի ավարտի հնարավոր ժամկետները |armenpress.am|

armenpress.am: Առողջապահության համաշխարհային կազմակերպությունում կարծում են, որ կորոնավիրուսի համավարակը կավարտվի ոչ ուշ, քան երկու տարվա ընթացքում: Այս մասին ճեպազրույցի ընթացքում հայտնել է ԱՀԿ գլխավոր տնօրեն Թեդրոս Ադանոմ Գեբրեյսուսը: «Մեր իրավիճակում ունենք մեծ քանակի տեխնոլոգիաներ: Մեծ շփումների ընթացքում վարակն ավելի արագ է տարածվում, սակայն մենք ունենք տեխնոլոգիաներ, ինչը հնարավորություն է տալիս կասեցնել վարակի տարածումը: Մենք հույս ունենք, որ կհաջողվի համավարակի ավարտին հասնել ոչ ուշ, քան երկու տարվա ընթացքում»,- ասել է ԱՀԿ ղեկավարը՝ համեմատելով 1918թ. իսպանական գրիպ համավարակն ու կորոնավիրուսը:

21:58 - 21 օգոստոսի, 2020

Կորոնավիրուսի դեպքերի թիվն աշխարհում մոտենում է 22,7 միլիոնին, մահվան դեպքերինը՝ 794 հազարին, բուժվել է շուրջ 14,5 միլիոն մարդ |azatutyun.am|

azatutyun.am: Կորոնավիրուսով վարակվածների թիվն աշխարհում մոտենում է 22,7 միլիոնին, հիվանդությունից մահացածներինը՝ 794 հազարին, բուժվել է շուրջ 14,5 միլիոն մարդ, վկայում են ԱՄՆ Ջոնս Հոփքինսի համալսարանի հրապարակած տվյալները: Ռուսաստանյան Գամալեյայի անվան գիտական կենտրոնի և Ուղղակի ներդրումների հիմնադրամի ղեկավարները Մոսկվայում ճեպազրույցի ժամանակ հայտարարել են, որ արդեն գրանցված Sputnik V պատվաստանյութը կլինիկական փորձարկումների ևս մեկ փուլ է անցնում՝ 40 հազար կամավորների մասնակցությամբ, և միևնույն ժամանակ կկատարվի ռիսկային խմբերի պատվաստում: Ռուսաստանցիների զանգվածային պատվաստումները սկսվելու են հոկտեմբերից: Պատվաստանյութի վերաբերյալ որևէ հրապարակումներ չկան գիտական հանդեսներում: Եվրոպայում օրեցօր ավելի ու ավելի է մեծանում կորոնավիրուսով վարակվածների թիվը, գրեթե ամենուրեք այդ ցուցանիշը մոտենում է ապրիլյան ցուցանիշներին, հնարավոր է, որ սա հիվանդության նոր ալիքի սկիզբ է: Առողջապահության համաշխարհային կազմակերպության (ԱՀԿ) տվյալներով՝ Եվրոպայում ներկայումս օրական գրանցվում է վարակի 26 հազար նոր դեպք: «Ես շատ անհանգստացած եմ, որ գրանցված դեպքերի թիվը մեծանում է երիտասարդների շրջանում: Ցածր ռիսկը չի նշանակում, որ ռիսկ չկա: Անխոցելիներ չկան», - ասել է ԱՀԿ Եվրոպայի տարածաշրջանային տնօրեն Հանս Հենրի Քլուգեն:

10:15 - 21 օգոստոսի, 2020