Լիլիթ Մակունց

Ամերիկայի Միացյալ Նահանգներում ՀՀ արտակարգ եւ լիազոր դեսպանն է։ 7-րդ գումարման Ազգային ժողովում «Իմ քայլը» խմբակցության ղեկավարն էր, դրանից առաջ՝ ՀՀ մշակույթի նախարարը։

Ծնվել է 1983թ․ նոյեմբերի 7-ին։ 1999-2003 թվականներին սովորել է Երեւանի պետական համալսարանի ռոմանագերմանական բանասիրության ֆակուլտետում, ստացել է բակալավրի աստիճան։

Նույն ֆակուլտետում 2003-2005 թվականներին սովորել է մագիստրատուրայում: 2014 թվականին ստացել է բանասիրական գիտությունների թեկնածուի կոչում: 2015 թվականի ամռանը անցել է դիպլոմավորված դասընթաց Ամերիկայի Թաֆթս համալսարանի Ֆլետչերի ամառային դպրոցի շրջանակներում: 2005 թվականից մինչ օրս դասավանդում է Հայ-ռուսական համալսարանում:

2018 թվականի փետրվարին զբաղեցրել է Հայ-ռուսական համալսարանի միջազգային կապերի եւ համագործակցության բաժնի ղեկավարի պաշտոնը: 2018 թվականի դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի թիվ 2 ընտրատարածքի տարածքային ընտրական ցուցակով:

2021 թվականի օգոստոսին նշանակվել է ԱՄՆ-ում ՀՀ արտակարգ եւ լիազոր դեսպան։

ԱԺ պատգամավոր Լիլիթ Ստեփանյանը վարակվել է կորոնավիրուսով |armenpress.am|

ԱԺ պատգամավոր Լիլիթ Ստեփանյանը վարակվել է կորոնավիրուսով |armenpress.am|

armenpress.am: Ազգային ժողովի «Իմ քայլը» խմբակցության պատգամավոր Լիլիթ Ստեփանյանը վարակվել է կորոնավիրուսով:  Ստեփանյանը նշեց, որ թեստի պատասխանը ստացել է հունիսի 29-ին: «Ախտանշաններ զգացել եմ ուրբաթ օրը, օրվա երկրորդ կեսից: Թուլություն եմ զգացել, ուրբաթ օրն ունեցել եմ ջերմություն, մկանային ցավեր եմ ունեցել և գլխացավ: Դրանք շարունակվել են երեք օր, ջերմիջեցնող եմ խմել ընդամենը, մի փոքր էլ ծանր շնչառություն եմ ունեցել, որն էլ ստիպել է թեստ հանձնել»,- ասաց Ստեփանյանը: Պատգամավորը նշեց, որ չգիտի, թե որտեղից է վարակվել: «Գաղափար չունեմ, թե որտեղից եմ վարակվել: Հունիսի 21-ին` կիրակի օրը, գտնվել եմ Հրազդան քաղաքում, այցելել եմ հատուկ կարիք ունեցող երեխաների՝ մոտ 22 ընտանիք: Խոսել եմ ծնողների հետ, հասկանալու համար, թե այս ընթացքում ինչ խնդիրներ ունեն, ցերեկային խնամքի կենտրոններն ինչ են անում: 22 ընտանիք մտել և դուրս եմ եկել, մեքենա չունեմ, օգտվում եմ տաքսիներից, խանութ եմ մտնում-դուրս գալիս, Ազգային ժողովում եմ լինում, այնպես որ վարակի հնարավոր աղբյուրի մասին որևէ բան ասել չեմ կարող»,- նշեց նա: Լիլիթ Ստեփանյանը հավելեց, որ այսօր իրեն արդեն համեմատաբար ավելի լավ է զգում:  
13:28 - 30 հունիսի, 2020
Մեր պետության քայլերը խորը անհանգստություն եւ խուճապ են առաջացնում Ադրբեջանի նախագահի մոտ. Մակունց

Մեր պետության քայլերը խորը անհանգստություն եւ խուճապ են առաջացնում Ադրբեջանի նախագահի մոտ. Մակունց

Ադրբեջանի բռնապետ նախագահ Իլհամ Ալիեւն իր վերջին ելույթում Հայաստանի Հանրապետության ժողովրդավարության եւ լեգիտիմ ձեւավորված իշխանության մասին խոսելիս իրեն թույլ է տվել հնչեցնել որակումներ եւ գնահատականներ, որոնք հարիր են բացառապես իր իշխանությանը։ Այս մասին Ֆեյսբուքյան  իր էջում գրել է ԱԺ «Իմ քայլը» խմբակցության ղեկավար Լիլիթ Մակունցը: Նա, մասնավորապես, գրել է. «Հիմա մի քանի դրույթով անդրադառնամ Ալիևի դիտարկումներին։ - Նախ, Ալիևը մոռացության է տալիս, որ ինքը հաղթանակած և Արցախում սեփական հայրենակիցների ազատ ապրելու իրավունքը միասնաբար պաշտպանած պետության մասին է խոսում։- Երկրորդ, մեր պետության ներսում ժողովրդավարությունն ամրապնդելու և բյուրեղացնելու ճանապարհին մենք կարող ենք ունենալ տարբեր մոտեցումներ քաղաքական տարբեր ուժերի հետ, ընդհուպ մինչև ամբողջությամբ չհամընկնող և հակասող մոտեցումներ, սակայն մի անգամ չէ, որ ապացուցել ենք, որ մեր ժողովրդի և հայրենիքի անվտանգությունը և ապրելու իրավունքը պաշտպանելու ճանապարհին չունենք արգելակներ և հանդես ենք գալիս միասնական ճակատով։- Սեփական ժողովրդի հետ ուղղակի հաղորդակցումից խուսափող Ալիևը փորձում է իր բռնապետությունը արդարացնելու նպատակով ապատեղեկատվության հիման վրա նսեմացնել իրական ժողովրդավարության դերն ու նշանակությունը, ինչը վստահ եմ չի վրիպում Ադրբեջանում Ալիևին քննադատող հասարակության որոշակի շրջանի, ինչպես նաև միջազգային հանրության ուշադրությունից։ Այս քայլով Ալիևը ի ցույց է դնում ժողովրդավարական պրոցեսների նկատմամբ իր բոլորը վախերը։ Փաստացի, Ալիևի ելույթից կարելի է հանգել այն եզրակացության, որ անվտանգությանը, բանակի հզորացմանը և ժողովրդավարության ամրապնդմանը միտված մեր պետության քայլերը խորը անհանգստություն և խուճապ են առաջացնում Ադրբեջանի նախագահի մոտ, որից նա պետք է հստակ գիտակցի, որ խաղաղությանն այլընտրանք չկա, իսկ Ադրբեջանի կողմից ցանկացած ոտնձգություն և սադրանք արժանանալու է ավելի քան համարժեք հակահարվածի։
18:26 - 26 հունիսի, 2020
Եթե ՍԴ դատավորները գտնում են, որ ԱԺ որոշմամբ իրենց իրավունքները ոտնահարվել են, ապա կան բողոքարկման բոլոր իրավական մեխանիզմները․ Լիլիթ Մակունց |lragir.am|

Եթե ՍԴ դատավորները գտնում են, որ ԱԺ որոշմամբ իրենց իրավունքները ոտնահարվել են, ապա կան բողոքարկման բոլոր իրավական մեխանիզմները․ Լիլիթ Մակունց |lragir.am|

lragir.am: Հարցազրույց ԱԺ «Իմ քայլը» խմբակցության ղեկավար Լիլիթ Մակունցի հետ։ Տիկին Մակունց, ինչպե՞ս եք գնահատում ՍԴ ից դիմումը հետ վերցնելու Քոչարյանի փաստաբանների քայլը, նաեւ կոչը ԼՀԿ–ին՝ Սահմանադրական դատարան դիմելու համար միանալու ԲՀԿ-ին: Ես կարծում եմ, որ փաստաբաններն այդ քայլով դուրս եկան իրավական դաշտից և արեցին քաղաքական քայլ՝ փորձելով ԼՀԿ-ի արած հայտարարությանն ի պատասխան պարտադրել նրանց դիմել ՍԴ։ Սակայն Լուսավոր Հայաստանի կողմից արված այդ քաղաքական հայտարարությունն, այնուամենայնիվ, միտված էր իրավական գործընթացներին չմիջամտելու և քաղաքական երանգավորումներից խուսափելու համար։ Ստացվում է, որ պաշտպանները հակված են ոչ միայն գործի քննությանն առնչվող իրենց գործողություններն իրականացնելուն, այլև փորձում են քաղաքական երանգ տալ պրոցեսներին։ Լուսավոր Հայաստանը հրաժարվեց՝ հիմնավորելով, որ, այնուամենայնիվ, հուլիսի 7-ին քննվելու է գործը: Լուսավորի այս քայլը ինչպե՞ս եք գնահատում: Լուսավոր Հայաստան խմբակցության արձագանքը փաստաբաններին, կարծում եմ, այլընտրանք չուներ։ ԼՀԿ-ն իր պատասխանով արձանագրեց, որ հստակ գիծ պետք է քաշվի քաղաքական և իրավական պրոցեսների միջև, և որ իրենք մնում են հավատարիմ այդ մոտեցմանը։ Տիկին Մակունց, Սահմանադրական Դատարանի ճգնաժամը այսպիսով հանգուցալուծվե՞ց՝ հաշվի առնելով ՍԴ դատավորների տարածած հայտարարությունը և պատասխանը նախարար Բադասյանին, որ չեն պատրաստվում լքել իրենց պաշտոնը։ Շարունակում եմ մտածել, որ լավագույն լուծումն, այնուամենայնիվ, հանրաքվեն էր, բայց այս իրավիճակում առավել ընդունելի և միջազգային գործընկերների հետ համաձայնեցված տարբերակը սա էր։ Ինչ վերաբերում է հայտարարություններին, ապա եթե ՍԴ դատավորները գտնում են, որ ԱԺ որոշմամբ իրենց իրավունքները ոտնահարվել են, ապա կան բողոքարկման բոլոր իրավական մեխանիզմները, սակայն իրավական պրոցեսներին քաղաքական մեկնաբանություններ տալը և անհարկի լարվածություն առաջացնելը՝ օրենքին չենթարկվելու հաստատակամությամբ, չեմ կարծում, որ լավագույն որոշումն է։ Հաշվի առնելով կորոնավիրուսի տարածումը և նաև Ձեր խմբակցությունում կորոնավիրուսով վարակված պատգամավորների թիվը, ինչ եք կարծում դժվարություն չի՞ լինելու Սահմանադրական Դատարանի դատավորների ընտրության ժամանակ ապահովել անհրաժեշտ թիվը: Խմբակցությունում վարակակիրների թիվն այս պահին մտահոգիչ չէ, ուստի այս պահին նման խնդիր չեմ տեսնում։ Ըստ իրավիճակի կպլանավորենք մեր անելիքները։ Շարունակությունը՝ lragir.am-ում
13:16 - 26 հունիսի, 2020
Սահմանադրական կարգի տապալման մասին խոսք լինել չի կարող, և «Իմ քայլը» խմբակցությունը որևէ կերպ չի կարող մասնակից լինել նման պրոցեսի․ Լիլիթ Մակունց

Սահմանադրական կարգի տապալման մասին խոսք լինել չի կարող, և «Իմ քայլը» խմբակցությունը որևէ կերպ չի կարող մասնակից լինել նման պրոցեսի․ Լիլիթ Մակունց

Սահմանադրական կարգի տապալման մասին խոսք լինել չի կարող, և «Իմ քայլը» խմբակցությունը որևէ կերպ չի կարող մասնակից լինել նման պրոցեսի: «Իմ քայլը» խմբակցության պատգամավորներն իրականացնում են ժողովրդի քվեով տրված իրենց պարտականությունները, մասնավորապես, 2015թ. սահմանադրությանը համապատասխանեցնել ՍԴ ներկայիս մոդելը, որ այժմ չի համապատասխանում, և անում է դա օրենքին համապատասխան: Այս մասին այսօր լրագրողների հետ զրույցում ասաց «Իմ քայլը» խմբացության ղեկավար Լիլիթ Մակունցը։  Վերջինս նշեց, որ ՍԴ-ն որպես դատական իշխանության կարևոր կենտրոններից մեկը, առնվազն մթնոլորտի առումով մեծ ազդեցություն ունի դատական համակարգի վրա: Հարցին, թե միջազգային հանրությունն ինչպե՞ս կընդունի այն հանգամանքը, որ  սահմանադրության փոփոխությունները խորհրդարանը քննարկեց ընդդիմադիր խմբակցությունների բացակայության պայմաններում, պատգաամվորը պատասխանեց․ «Եթե խոսում ենք միջազգային գործընկերների կարծիքի մասին, ի դեմս Վենետիկի հանձնաժողովի եզրակացության, ապա ամեն ինչ առավել քան հստակ է. եզրակացության առանցքային, կոնցեպտուալ հատվածի հետ կապված տարաձայնություններ չկան, իսկ մնացյալ դետալների առումով ընտրել ենք ճանապարհը, որ կարող է թուլացնել լարված իրավիճակը: Եվ հիշեցնեմ՝ Վենետիկի հանձնաժողովի կարծիքը խորհրդատվական է և պարտադիր բնույթ չի կրում: Ինչ վերաբերում է խորհրդարանական մեծամասնության քվեարկությանը, ապա ընդդիմության իրավունքն է՝ մասնակցել կամ չմասնակցել: Եվ քաղաքական մեծամասնությունն այստեղ որոշում չի կայացնում: Մյուս կողմից ԱԺ կանոնակարգ օրենքով, սահմանադրությամբ սահմանվում են, թե ինչպես են ընդունվում ԱԺ որոշումները»: Լրագրողների այն հարցին, թե արդյոք խորհրդարանական մեծամասնությունն արդեն ունի ՍԴ դատավաորների թեկանծուներ, Մակունցը պատասխանեց, որ սահմանադրական դատարանի դատավորի թեկնածուները ներկայացվում են ՀՀ նախագահի, կառավարության և դատավորների ընդհանուր ժողովի կողմից: «Ինչպես գիտեք հանրապետության նախագահի կողմից ստորագրության հրապարակման պահից հետո 24 ժամ անց ԱԺ նախագահը արդեն կարող է հրապարակել պատգամավորների կողմից իրականացրած քվեարկության արդյունքները։ Դրանից հետո, դարձյալ 24 ժամ անց քվեարկությունը կմտնի ուժի մեջ։ Երբ նրանք ներկայացնեն, այդ ժամանակ էլ կքննարկենք: Դա «Իմ քայլը» խմբակցության տիրույթում չէ»,- ասաց խմբակցության ղեկավարը։
15:33 - 24 հունիսի, 2020
Սահմանադրական դատարանում փոփոխություններ անելու համար այս պահին անցումային փուլ պետք չէ․ Լիլիթ Մակունց

Սահմանադրական դատարանում փոփոխություններ անելու համար այս պահին անցումային փուլ պետք չէ․ Լիլիթ Մակունց

Ցանկացած  առիթով, երբ մենք փորձում ենք ՍԴ-ի շուրջ ձևավորված այս թնջուկը բացել և հաղթահարել, չգիտես ինչու ընդդիմությունը միշտ այն որակում է որպես հակապետական քայլ։ Ընդ որում, երբ փորձ էր արվում դա անել հանրաքվեի միջոցով նույն  որակավորումներ էին հնչում։ Այս մասին այսօր լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը։  «Այն ժամանակ էլ կար հակառակ կարծիքը, որ լավագույն տարբերակը Ազգային ժողովում քննարկելն է և ԱԺ-ում որոշումներ կայացնելը։ Շատ ուրախ կլինեի, որ ընդդիմության այն ներկայացուցիչները, ովքեր նման կարծիք են հայտնել այսօր ներկա լինեին և իրենց դիրքորոշումը հայտնեին քաղաքացիներին, այդ թվում այն քաղաքացիներին, ովքեր իրենց ձայն են տվել։ ՀՀ սահմանադրությամբ, օրենքներով, ԱԺ կանոնակարգ օրենքով հստակ սահմանվում է բոլոր այն լիազորությունները  և գործառույթները, որը կարող է կատարել ԱԺ պատագամվորը  և այդ լիազորություններից և օրենքի շրջանակից դուրս որևէ գործողություն չի կատարվում։ Մեզ միշտ  հետաքրքրում է ընդդիմության կարծիքը , քաղաքացիական հասարակության և միջազգային գործընկերների կարծիքը։ Այդ միջազգային գործընկերների հետ խորհրդակցությունների արդյունքում է, որ ԱԺ ներկայացավել է այն նախագիծը, որը ներկայացվել է։ Ի սկզբանե  մեր մոտեցումը բոլորովին այլ էր , բայց ԱԺ քննարկման դատի ներկայացվել է այլ նախագիծ։  «Իմ քայլը» խմբակցությունը համաձայն է այն կարծիքին, որ  Սահմանադրական դատարանում փոփոխություններ անելու համար այս պահին անցումային փուլ պետք չէ։ Հանձնաժողովի կարծիքում նշվում է, որ ՀՀ իշխանությունները, իրավիճակը գնահատելով, պետք է որոշումներ կատարեն անցումային փուլի տևողության համար։ Իրականում 2018-ից հետո է սկսվել անցումային փուլը և 1.5 տարի անցել է այդ շրջանից։ Բացի այդ, Վենետիկի կարծիքը խորհրդատվական է, և պարտադիր բնույթ չի կրում»։
16:44 - 22 հունիսի, 2020
Քաղաքական հայտարարություններ անելը ենթադրում էր, որ դառնալու է  վահան՝ պաշտպանվելու և այս ամենը որպես քաղաքական հետապնդում որակելու․ Լիլիթ Մակունց

Քաղաքական հայտարարություններ անելը ենթադրում էր, որ դառնալու է վահան՝ պաշտպանվելու և այս ամենը որպես քաղաքական հետապնդում որակելու․ Լիլիթ Մակունց

Արտահերթ ընտրությունների մասին հուշագիր ստորագրելու որոշումը, քաղաքական որոշ հարցերում համաձայնություն ունենալու  և մյուս հարցերում համաձայնություն չունենալու հանգամանքը  որևէ կերպ չի կարող  կաշկանդել իրավապահ մարմիններին ինչ-որ իրավական գործընթացներ իրականացնել, եթե իրավապահ մարմինները տեսնում են դրա անհրաժեշտությունը։ Ես կարծում եմ, որ մենք խնդիր ունենք քաղաքական և իրավական պրոցեսները զատելու։Այս մասին այսօր Ազգային ժողովում լրագրողների հետ ճեպազրույցում ասաց «Իմ քայլը» խմբակցության ղեկավար Լիլիթ Մակունցը։  Պատգամավորն իր խոսքում նշեց․ «Այսինքն, տեղի է ունեցել իրավական գործընթաց, որի առնչությամբ, հիմքեր ունենալու հանգամանքով պայմանավորված դատախազությունը իր գործառույթների, լիազորությունների շրջանակում միջնորդություն է ներկայացրել Ազգային ժողով ։ Ազգային ժողովը իր գործառույթների և լիզորությունների շրջանակում՝ առաջնորդվելով օրենքի հավասարության սկզբունքից և ՀՀ սահմանված օրենքներով, Սահմանադրությամբ, պետք է կայացի որոշում, թե արդյոք հնարավորություն տալիս  է լիարժեք քննության, թե ոչ»։  Լրագրողների հարցին, թե ինչու ընտրակաշառք բաժանելու մեղադրանքով քրգործ չի հարուցվում Սամվել Ալեքսանյանի և Արտակ Սարգսյանի  նկատմամբ, Մակունցը նշեց «Ազգային ժողովը և պատգամավորները այն անձինք չեն, ովքեր վերհսկողություն են սահմանում,թելադրում են և  ճնշում են գործադրում իրավապահ համակարգի վրա կամ պետք է որոշումներ կայացնեն այս կամ այն գործը ինչպես պետք է քննվի, պետք է քննվի, թե ոչ։ Մենք այս պահին իրականացնում ենք բացառապես մեկ գործառույթը, որը բխում է մեր լիազորություններից՝ տալ այդ  հնարավորությունը, թե ոչ։  Երեկ ես և իմ գործընկերները, ինչպես նաև այսօր՝ գլխավոր դատախազը հանգամանալից տվել ենք բոլոր հարցերի պատասխանները։ Քաղաքական և իրավական գործընթացները բոլորովին միմյանց հետ չեն առնչվում։ Ինչ վերաբերում է քաղաքական հայտարարություններին, ապա ես վերահաստատում եմ իմ կողմից երեկ արված հայտարարությունները, որ ես չեմ բացառում այն համոզմունքը, որ ԲՀԿ առաջնորդի կողմից այդ հայտարարությունները հնչել են այն բանից հետո, երբ ինչ-ինչ հանգամանքներում, չգիտեմ ում կողմից տեղեկություն է հասել այն մասին, որ կան որոշակի իրավական խնդիրներ և , բնականաբար քաղաքական հայտարարություններ անելը ենթադրում էր վահան՝ պաշտպանվելու և այս ամենը որպես քաղաքական հետապնդում որակելու։ Ես կարծում եմ, որ մենք բոլորս պետք է ցուցաբերենք համբերություն և իրավապահներին թույլ տանք անկաշկանդ կերպով իրականացնեն գործողությունները, որևէ կերպ ճնշում չգործադրելով, զսպվածություն դրսևորեն նաև քաղաքական ուժերը։
15:56 - 16 հունիսի, 2020
Որպես անձ, որն իսկապես ականատես է եղել՝ ինչպիսին է լինում ոստիկանության ոչ իրավաչափ գործողությունը, այդ թվում՝ կանանց նկատմամբ, այդտեղ ոչ իրավաչափ գործողություն չեմ տեսել․ Մակունց |aysor.am|

Որպես անձ, որն իսկապես ականատես է եղել՝ ինչպիսին է լինում ոստիկանության ոչ իրավաչափ գործողությունը, այդ թվում՝ կանանց նկատմամբ, այդտեղ ոչ իրավաչափ գործողություն չեմ տեսել․ Մակունց |aysor.am|

aysor.am: Որքանով հետևել եմ ուղիղ եթերով տեղի ունեցող գործընթացներին՝ ոչ իրավաչափ գործողություններ չեմ տեսել իրավապաների կողմից, լրագրողների հետ ճեպազրույցում ասաց «Իմ քայլը» խմբակցության ղեկավար Լիլիթ Մակունցն՝ անդրադառնալով երեկ ԱԱԾ դիմաց ակցիայի ժամանակ ԲՀԿ կին պատգամավորների նկատմամբ ոստիկանության գործողություններին։ «Սա ասում եմ որպես անձ, ով իսկապես ականատես է եղել, թե ինչպիսին է լինում ոստիկանության ոչ իրավաչափ գործողությունը, այդ թվում՝ կանանց, այդ թվում՝ լրագրողների նկատմամբ», - ասաց նա։ Մակունց ընգծեց՝ ինքը հակառակն է տեսել․«Ոստիկաններն իրենց լիազորությունների շրջանակներում փորձում էին համոզել ակցիայի մասնակցիներին պահպանել կարգը»։
19:53 - 15 հունիսի, 2020
Հավանաբար իրավապահ համակարգից արտահոսք է եղել, որին հետեւել է Ծառուկյանի հայտարարությունը. Մակունց
 |news.am|

Հավանաբար իրավապահ համակարգից արտահոսք է եղել, որին հետեւել է Ծառուկյանի հայտարարությունը. Մակունց |news.am|

news.am: Չկա որեւէ քաղաքական պատվեր, կան իրավապահների դաշտում գտնվող որոշակի գործեր, որոնք անհրաժեշտություն ունեն բացահայտման: Այս մասին, այսօր՝ հունիսի 5-ին, ԱԺ-ում լրագրողների հետ զրույցում նշեց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով ԲՀԿ առաջնորդ Գագիկ Ծառուկյանի հետ կապված քրեական գործերին եւ նրա հայտարարությանը, թե սա քաղաքական պատվերով քրեական գործերի հորինում է»: «Ես կարծում եմ՝ հիմա հակառակ գործընթացն է տեղի ունենում եւ այնպիսի տպավորություն է, որ փորձ է կատարվում խոչնդոտել իրավապահ մարմինների անկաշկանդ գործողություններին: Որեւէ ուժի կողմից նման որեւէ ճնշումն անթույլատրելի է»,-ասաց Մակունցը՝ հավելելով, որ փորձ է արվում քրեական գործին քաղաքական երանգ տալ: «Սկսվել է որոշակի իրավական պրոցես, որի մասին ի դեպ, «Իմ քայլը» խմբակցությունը տեղեկացել է մամուլից եւ ԱԱԾ հաղորդագրությունից, փորձում են այդ պրոցեսներին տալ քաղաքական երանգ: Քանի որ իրվապահները ձեռնարկել են գործողություններ ինչ-որ բաների բացահայտման առումով, իրենք որակում են հենց այդպես»,- ընդգծեց «Իմ քայլի» ղեկավարը: Հարցին, թե համընկնումները շատ չե՞ն, երբ Ծառուկյանը հայտարարեց կառավարության 100 տոկոս հրաժարականի մասին, եղան քրեական գործեր, Մակունցը արձագանքեց. «Իմ խորին համոզմամբ եւ վերջին շրջանի հրապարակումները հենց այդ մասին են վկայում, որ որոշակի արտահոսք է հավանաբար տեղի ունեցել իրավապահ համակարգից, որին տեղեկացել են ԲՀԿ-ի առանձին անդամներ կամ միգուցե մեկ անդամ, գուցե հենց խմբակցության ղեկավարը, ես չգիտեմ, որից պաշտպանվելու առաջին քայլը եղել է քաղաքական հայտարարությամբ հանդես գալը, որը իրենք կկարողանային որակել որպես քաղաքական պրոցես կամ քաղաքական ազդեցություն: Սա է ամբողջը: Պատահական չէ, որ ԲՀԿ ղեկավարի հայտարարությունից անմիջապես հետո վարչապետի խոսնակի հաղորդագրությունը հրապարակվեց, որը գուցե շատերիս ինչ-որ բան ասաց, բայց առանձնապես մանրամասները չհասկացանք: Հաջորդող իրադարձությունները եկան վկայելու, որ, այո, փաստացի որոշակի տեղեկատվություն հասանելի է դարձել ԲՀԿ-ին եւ փորձ է արվում քաղաքական երանգի ներքո ներկայացնել իրավական պրոցեսները: Ինչ վերաբերում է, թե ինչպես է այդ տեղեկատվությունը հասանելի դարձել ԲՀԿ-ին, ես հիմա ճիշտ չեմ համարում րեւէ կոնկրետ կառույցի անուն հնչեցնել»,-ասաց նա: Մակունցը դրական եւ ճիշտ համարեց այն, որ «Իմ քայլը» խմբակցությունը բացարձակ անտեղյակ է եղել նման իրավական զարգացումներից:
19:41 - 15 հունիսի, 2020
Բարգավաճ Հայաստան խմբակցության ղեկավարն իրեն դիտարկում է  մերժված, բայց վերականգնվել ցանկացող քաղաքական խմբերի մի մասնիկ․ Լիլիթ Մակունց

Բարգավաճ Հայաստան խմբակցության ղեկավարն իրեն դիտարկում է մերժված, բայց վերականգնվել ցանկացող քաղաքական խմբերի մի մասնիկ․ Լիլիթ Մակունց

ԱԺ «Իմ քայլ»-ը խմբակցության ղեկավար Լիլիթ Մակունցը իր ֆեյսբուքյան էջում գրում է. «Որոշ քաղաքական ուժերի մոտ այդպես էլ չի ստացվում ճիշտ քաղաքական հաշվարկ անել: Վարչապետի՝ կորոնավիրուսով վարակված լինելու հանգամանքի վրա բոլոր խաղադրույքները դնելը և կառավարող ուժի դեմ համավարակի պայմաններում կոնսոլիդացիայի կոչ անելը՝ քաղաքական ու անձնական մղումներին հագուրդ տալու նպատակով, նույնն է, ինչ պատերազմական վիճակում դավադիր գործողություններ ձեռնարկելը պետության դեմ: Բայց իհարկե որոշ մարդիկ դա փորձում են հրամցնել «երկրի մասին մտածողների, հանուն ժողովրդի ու պետության» բարձրագոչ ելույթներով: Այո՛, չունենք թալանի ու կոռուպցիայի մեջ թաթախված լինելու փորձ: Այո՛, չունենք ապարանքներ և մեր պաշտոնը չենք օգտագործել բիզնեսներ հիմնելու ու խլելու համար: Այո՛, չենք կեղեքում ու չենք թալանում: Եվ այո՛, հաղթահարելու ենք այս վիճակը: Ափսոսում եմ, որ Բարգավաճ Հայաստան խմբակցության ղեկավարն իրեն դիտարկում է ոչ թե Հայաստանի իշխանությունների և քաղաքացիների հետ այս ծանր իրավիճակը հաղթահարողի դիրքերից, այլ որպես մերժված, բայց վերականգնվել ցանկացող քաղաքական խմբերի մի մասնիկ»:
12:30 - 06 հունիսի, 2020
Այս համավարակն է ստիպել մեզ մտածել ՝ ԱԺ նիստերը հեռավար անցկացնելու  հետ կապված օրենսդրական նախաձեռնությունների շուրջ․ Լիլիթ Մակունց

Այս համավարակն է ստիպել մեզ մտածել ՝ ԱԺ նիստերը հեռավար անցկացնելու  հետ կապված օրենսդրական նախաձեռնությունների շուրջ․ Լիլիթ Մակունց

Ըստ էության, վարչապետը հայտնեց, որ իր և  իր ընտանիքի մոտ հաստատվել է կորոնավիրուս, առողջություն եմ մաղթում նրանց և այն մարդկանց, ովքեր այս օրերին հաղթահարում են կորոնավիրուսի հետ կապված խոչընդոտները, խնդիրները։ Այս մասին լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը։  Պատգամավորն ասաց, որ նախորդ քառօրյային վարչապետը եղել է Ազգային ժողովում և աշխատակազմը,  Առողջապահության նախարարությունը պետք է ասեն, թե արյդո՞ք խնդիր է առաջացել։ «Մենք բոլորս դիմակով ենք եղել, և ես կարծում եմ, որ պետք է խնդիր առաջացած չլինի։ Մենք բոլորս կրում ենք դիմակներ, եթե նախարարությունը գտնի, որ անրաժեշտություն կա, որ բոլոր պատգամավորները թեստ հանձնեն, ապա կհանձնենք»։  Այն  հարցին, թե արդյո՞ք հնարավոր է, որ Ազգային ժողովի նիստերը չեղաչկվեն կամ դրանք ընթանան հեռավար, Մակունցը պատասխանեց․ «Այս համավարակն է ստիպել մտածել մեզ՝  ԱԺ նիստերը հեռավար անցկացնելու  հետ կապված օրենսդրական նախաձեռնությունների շուրջ , այս պահին քննարկում ենք, թե դա ինչպես կարող ենք անել։ Մենք որևէ կերպ չենք կանգնեցնելու  մեր աշխատանքը։ Անհրաժեշտ բոլոր միջոցներ ը կձեռնարկվեն, և ամեն ինչ կարվի, որպեսզի մեր աշխատանքները որևէ կերպ չխաթարվեն։ Մեր հայրենակիցներին կրկին կոչ եմ անում հետևել պարետատան և Առողջապահության նախարարության կողմից առաջարկվող ցուցումներին , դրանք պարտադիր են,  և բոլորս պետք է խիստ կերպով հետևենք այդ կոնոններին»։ 
12:14 - 01 հունիսի, 2020
Ցանկացած պահի Ադրբեջանի սանձազերծած ագրեսիայի պատասխանը լինելու է ավելի քան համարժեք և ուժգին․ Լիլիթ Մակունց

Ցանկացած պահի Ադրբեջանի սանձազերծած ագրեսիայի պատասխանը լինելու է ավելի քան համարժեք և ուժգին․ Լիլիթ Մակունց

Ուզում եմ անդրադառնալ վերջին օրերին Ադրբեջանի ղեկավարության  կողմից արվող հայտարարություններին, ընդ որում ամենաբարձր ղեկավարության կողմից արվող։ Այս մասին այսօր Ազգային ժողովում ասաց «Իմ քայլը» խմբակցության ղեկավար Լիլիթ Մակունցը։ Խմբակցության ղեկավարը իր ելույթում մասնավորապես նշեց․ «Օրերս Ալիևը հերթական ռազմատենչ հայտարարությամբ է հանդես եկել, ինչին հաջորդել է այսօր Ադրբեջանի պաշտպանության նախարար Զաքիր Հասանովի սպառնալից հայտարարությունը, որտեղ նախարարը, ըստ էության, հայտարարել է, որ 2016 թվականին ապրիլյան քառօրյան սանձազերծվել է Ադրբեջանի կողմից։ Ցանկանում եմ ընդգծել, որ ինչպես 90-ականներին, 2016-ին, այնպես էլ ցանկացած պահի Ադրբեջանի սանձազերծած ագրեսիայի պատասխանը լինելու է ավելի քան համարժեք և ուժգին։ Մենք՝ մեր ապրելու իրավունքի առաջ չենք ընկրկելու՝ անկախ կուսակցական պատկանելիությունից և քաղաքական հայացքների տարբերություններից։ Այդուհանդերձ մեր կարևոր խնդիրն է միջազգային հանրության ուշադրությունը հրավիրել այս հայտարարությունների վրա, որովհետև Ադրբեջանը շարունակաբար խախտում  է Մինսկի խմբի կողմից սահմանաված երեք սկզբունքներից մեկը։ Այն է՝ ուժի և ուժի սպառնալիքի  բացառման սկզբունքը։ Իմ համոզմամբ, միջազգային հանրությունը, և առավել ևս այն միջազգային կազմակերպությունները, որոնք պատասխանատու են  աշխարհում խաղաղության պահպանման համար այս օրերին  Covid-19- ը համավարակի հետ կապված լրացուցիչ  հայտարարություններով։  Չպետք է անտարբեր լինեն այդ հայտարարությունների հանդեպ, որովհետև անտարբերությունը, որը կարող է ազատ արձակել Ալիևի ձեռքերը և նոր էսկալացիայի հանգեցնել տարածաշրջանում, ուժգին պատասխան, արձագանք է ստանալու և  աղետալի հետևանքներ է ունենալու առաջին հերթին Ադրբեջանի համար»։   
11:53 - 01 հունիսի, 2020
Առաջարկում եմ՝ նախ սպասենք Վենետիկի հանձնաժողով ուղարկված հարցման արձագանքին. Լիլիթ Մակունցը՝ ՍԴ-ի շուրջ առաջացած խնդիրների հանգուցալուծման մասին

Առաջարկում եմ՝ նախ սպասենք Վենետիկի հանձնաժողով ուղարկված հարցման արձագանքին. Լիլիթ Մակունցը՝ ՍԴ-ի շուրջ առաջացած խնդիրների հանգուցալուծման մասին

ՍԴ-ի շուրջ ստեղծված իրավիճակի լուծման առումով կլսենք շատ տարբեր տեսակետներ, այդ թվում իրարամերժ։ Նկատի չունեմ Դավիթ Հարությունյանին, բայց չեմ բացառում, որ մենք կլսենք տեսակետներ, որը հակասում է նույն մարդկանց նախկինում արած հայտարարություններին։  Այս մասին այսօր ԱԺ-ում լրագրողների հետ զրույցի ընթացքում ասաց «Իմ քայլը» խմբակցության ղեկավար Լիլիթ Մակունցը՝ պատասխանելով այն հարցին, թե ՍԴ ճգնաժամը ԱԺ տիրույթում լուծելու ի՞նչ ելքեր է տեսնում։ Լրագրողի դիտարկմանը, որ րդարադատության նախկին նախարար Դավիթ Հարությունյանն ասում է, որ այն ԱԺ տիրույթից դուրս է, Լիլիթ Մակունցը պատասխանեց․ «Իրականությունը հետևյալն է, որ այսօր ՀՀ-ում և ամբողջ աշխարհում կան կորոնավիրուսով պայմանավորված սահմանափակումներ և մեր ամենամեծ պատասխանատվությունը, որև է կերպ չվտանգել ՀՀ քաղաքացիների առողջությունը և կյանքը։ Ինչ վերաբերում է հանգուցալուծման ճանապարհներին և թե ինչ պետք է լինի հանգուցալուծումը, ես առաջարկում եմ նախ սպասենք նախևառաջ Վենետիկի հանձնաժողով ուղարկված հարցման արձագանքին, այնուհետև մենք կներկայացնենք մեր դիրքորոշումը, թե ինչպես ենք առաջ շարժվելու։ Հարցման բովանդակության տեղյակ չեմ, արդարադատության նախարարությունն է ուղարկել այն»,- ասաց պատգամավորը։ Լրագրողի այն դիտարկմանը, որ տեսակետներ կան, որ դուք հաշվարկել էիք, որ հանրաքվեն կարող էիք ձախողել, դրա եք համար կրկին բերում ԱԺ տիրույթ, Մակունցը պատասխանեց, որ իր կարծիքով տեղին չեն նման հայտարարությունները։ «Մենք լայն քարոզարշավ անցկացնելու մտադրություն ունեինք, ունեինք նաև նախնական գնահատականներ իրավիճակի վերաբերյալ և ամենը բացառապես պայմանավորված է կորոնավիրուսով»,- հավելեց պատգամավորը:  
16:23 - 26 մայիսի, 2020
Ձախողելու կամ հաջողելու մասին  դեռ վաղ է խոսել, որովհետև կորոնավիրուսը դեռ հաղթահարված չէ․ Լիլիթ Մակունց

Ձախողելու կամ հաջողելու մասին դեռ վաղ է խոսել, որովհետև կորոնավիրուսը դեռ հաղթահարված չէ․ Լիլիթ Մակունց

Դիմակ կրելու պահանջը պայամանավորված է առաջին հերթին  պարետատան այն  որոշումներով, որոնք հստակ մատնանշում են վիճակագրություն, ինչպես նաև հետազոտություննեի արդյունքները։ Նման թվերի առկայությունը նույնպես, խոսում է այն մասին, որ մենք բոլորս անկախ նրանից մեզ վարակակիր համարում ենք, թե ոչ , հարկ է, որ ձեռնարկենք բոլոր միջոցները, որպեսզի հնարավորինս կանխենք վարակի տարածումը։ Այս մասին ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Լիլիթ Մակունցը։  Պատգամավորը շեշտեց, որ առնվազն այս պահին առողջապահության նախարարության և պարետատան ունեցած տվյալներով դիմակները կատարում են կանխարգելիչ գործառույթ։  Լրագրողների այն դիտարկմանը, որ ըստ ընդդիմության կառավարող ուժը ձախողել է համավարակի դեմ պայքարը, ինչով պայմանավորաված են ամենօրյա վարակման թվերը։ Մակունցը պատասխանեց․ «Ձախողելու կամ հաջողելու մասին կարծում եմ , դեռ վաղ է խոսել։ Կորոնավիրուսը դեռ հաղթահարված չէ, ինչպես Հայաստանում, այնպես էլ ամբողջ աշխարհում և այս պահին խոսել  ձախողումների և հաջողությունների մասին տեղին չէ։ Այն ինչի վրա պետք է կենտրոնանալ՝ անել ամեն ինչ, որպեսզի ՀՀ-ում վարակի թվերը նվազեն և տարածումը հանվորինս նվազեցնենք։ Ես կարծում եմ, որ նմանատիպ իրավիճակներում չպետք է լինի տարանջատում իշխանության և ընդդիմության ներկայացուցիչների մոտեցումների մեջ, որովհետև բոլորիս գերագույն նպատակը պետք է լինի այն, որ ՀՀ-ում բոլոր քաղաքացիները, անկախ իրենք քաղաքական դիրքորոշումից, հաջողեն»։ Խոսելով այսօվա քննարկման մասին, որտեղ Արարատ Միրզոյանը նշեց, որ դահլիճից դուրս են հրավիրվելու այն պատգամավորները, որոնք չեն կրում դիմակ։ Մակունցն ասաց․ «Ես կարծում եմ, որ այս պահին չարժե կենտրոնանալ, թե օրենքի որ  տառը ինչ է ասում, քանի որ կա արտակարգ դրություն, կան թվեր, որոնք մտահոգիչ են բոլորիս համար և բոլորիս ուշադրությունը պետք է սևեռված լինի այդ հանգամանքի վրա։ Իսկ, եթե մենք կարողանում ենք մեր վարքագծով օրինակ ծառայել մեր հայրենակիցների համար և վտանգ չհանդիսանալ մեր գործընկերների համար։ Բնականաբար միջոցներ պետք է ձեռնարկվեն և  Աժ նախագահը կիրառում է դրանք»։  Լրագրողների այն դիտարկմանը, որ օրեր առաջ կառավարող ուժի ներկայացուցիչները առանց դիմակների մասնակցում էին խնջույքի  և հասարակության արձագանքը, երբ մարդիկ նշում էին, որ ինչո՞ւ պետք է իրենք պարտադրված լինեն կրել դիմակներ, իսկ կառավարության ներկայացուցիչները՝ ոչ։ Խմբակցության ղեկավարն ասաց՝ «Համաձայն չեմ այն ձևակերպման հետ, որ մասնակցել ենք ինչ-որ խնջույքի, դա ինչ-որ խնջույք չէր, այլ Արցախի Հանրապեստության նախագահի երդմնակալության արարողությունն էր և մեր ձևակերպումներում պետք է հարգալից լինենք Արցախի Հանրապետության իշանությունների նկատմամբ և այն միջոցառումների նկատմամբ, որոնք իրենք կազմակերպել էին։ Ինչ վերաբերում է մեր կողմից դիմակներ չկրելու հանգամանքին, պետք  է վկայակոչեմ ԱՀ-ում գործող իրավական ռեժիմին, քանի որ պետությունները տարբեր են, և չենք կարող դա հաշվի չառնել։ Մենք ընդունել ենք, որ այնուամենայնիվ , արժեր դիմակներ կրել, ինչի համար ես անձամբ հայցում եմ քաղաքացիների ներողամտությունը, բայց դա որևէ կերպ չիփոխու ՀՀ-ում գոյություն ունեցող իրավիճակը։ Հորդորս, կոչս , խնդրանքս է հետևել կանոներին»,- եզրափակեց Լիլիթ Մակունցը։ 
15:56 - 26 մայիսի, 2020