Սահման

Էլեկտրաէներգիայի պլանային անջատումներ կլինեն մի շարք հասցեներում

«Հայաստանի էլեկտրական ցանցեր» ընկերությունը տեղեկացնում է, որ ապրիլի 13-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-16:00 Սպենդիարովի փ. 4, 6 շենքեր, Կորյունի փ. 2 շենք, Հերացի փ. 2 շենքեր և հարակից ոչ բնակիչ-բաժանորդներ, Նոր Նորք 1-ին զանգ.՝ Նանսենի փ. 1Ա, 1, 2, 3, 4, 5, 5/1, 5/2, 5/3, 7 շենքեր, Սաֆարյան փ. 2, 4, 10 շենքեր, Գայի պող. 8, 10 շենքեր, թիվ 1 վարժարան, թիվ 106 դպրոց, թիվ 98 մսուր-մանկապարտեզ և հարակից ոչ բնակիչ-բաժանորդներ, 11:00-17:00 Արաբկիր 37փ. 3/2 շենք, Ռուբինյանց փ. 2/1, 4 շենքեր, Կոմիտասի պող. 30, 39 շենքեր, Շովրոյան փողոցի սեփական տներ և հարակից ոչ բնակիչ-բաժանորդներ, Նոր Խարբերդ՝ 7-14; 12-23; 24-26; 23-26; 24-31 փողոցներ, Ս․Զորավարի փ․ 40, 42, 48 շենքեր և սեփական տներ, Արշակունյաց պող․ 53/33, Գարեգին Նժդեհի փ․ 35 շենքեր, Բագրատունյաց պող․ 43, 47 շենքեր, ՙՙԳոռ Նան՚՚ ՍՊԸ, քաղ. Բ. Կառնազյան, քաղ. Մ. Սարգսյան, ջրային կառույցներ, արագաչափ և հարակից ոչ բնակիչ- բաժանորդներ, Արարատի մարզում՝ 10:00-12:00 Արարատ, Գոռավան և Սիսավան գյուղեր մասնակի, 10:30-13:00 Մխչյան գյուղ մասնակի, 10:30-16:00 Կանաչուտ և Արևշատ գյուղեր մասնակի, 11:00-12:00 Սուրենավան գյուղ և Զինմաս, 11:00-17:00 Այնթափ գյուղ մասնակի, 12:00-15:00 Լուսառատ գյուղ մասնակի, 12:00-16:00 Դաշտաքար գյուղ մասնակի, Վայոց Ձորի մարզում՝ 10։00-13։00 Վայք քաղաք՝ Շահումյան փողոց մասնակի, 10։00-14։00 Մալիշկա գյուղ, Կոտայքի մարզում՝ 11։00-14։00 Ջրվեժի և Ձորաղբյուրի ամառանուցներ, Ջրվեժ և Ձորաղբյուր գյուղեր մասնակի, 11։00-17։00 Կապուտան, Կամարիս, Գեղաշեն, Նոր-Գյուղ գյուղեր մասնակի, Ջրվեժ՝ Մայակ, թաղամաս մասնակի, Գառնի, Գողթ, Գեղադիր, Հացավան, Ողջաբերդ և Գեղարդ գյուղեր, Գեղարքունիքի մարզում՝ 10։30-11։30 Սևան քաղաք՝ Նաիրյան, Մյասնիկյան, Հրազդան, Ազնավուր, Շիրազի, Լճափնյա, Չարենցի, Արա Գեղեցիկ, Շահումյան, Կարմիր Բանակի, Ելենովկա, Պռոշյան, Օրբելի, Աշոտ Երկաթի փողոցներ, Ավագ դպրոց, թիվ 4 դպրոց, “Մեծեփասար”, “Էս Քոմպանի”, “Գոլդ Մաստեր” ՍՊԸ-ներ, “Հ.Ասատրյան”, “Հ. Սանեյան” ԱՁ-ներ, “Սևանի հոգեբուժական հիվանդանոց” ՓԲԸ, Ազգային Պարկ և հարակից ոչ բնակիչ-բաժանորդներ, 12։00-14։00 Հայրավանք, Բերդկունք, Լճափ և Ծովազարդ գյուղեր, “ԱԼԻՔ” ՍՊԸ, Գազալցակայան, Լճափ գյուղին հարակից գազալցակայան, “Յուքոմ” ընկերության բջջային կայան, “Աքվատիք” ՍՊԸ, Ծովազարդ գյուղին հարակից “Պալունի Հայրապետյան” գազալցակայան և “Օնիկ Գասպարյան” ԱՁ, Լոռու մարզում՝ 11:00-17:00 Ալավերդի քաղաք՝ Զորավար Անդրանիկի, Մարքսի, Մադան, Էնգելսի և Փիրուզյան թաղամասեր, Տավուշի մարզում՝ 12:00-14:00 Դիլիջան համայնք՝ Հովք գյուղ, Շիրակի մարզում՝ 11:00-17:00 Ախուրյանի տարածաշրջան՝ Կառնուտ, Հովիտ, Բասեն, Ջրառատ գյուղեր, Ախուրյան գյուղ՝ Ջրաշինարարների և Ճանշին բանավաններ, Նոր Ախուրյան թաղամաս, Ախուրյան գյուղի հարավային մաս, “Ճանշին”, “Մերձմոսկովյան”, “ԱՐԳԻԳ”, Ախուրյանի հացի գործարան “ՅՈՒՄՍ”, Ախուրյանի գազալցակայան, Ախուրյանի նավթաբազա, Ախուրյանի բենզալցակայան ձեռնարկություններ, “Ախուրյանի մոր և մանկան” կենտրոն, Ախուրյանի առողջության կենտրոն, ոստիկանության Ախուրյանի բաժին, Սյունիքի մարզում՝ 10:30-15:30 Գորիս քաղաք` 6-րդ թաղամաս, 11:00-16:00 Խոտ գյուղ մասնակի:

09:15 - 13 ապրիլի, 2021

Մայրաքաղաքում և մարզերում էլեկտրաէներգիայի պլանային անջատումներ են սպասվում

«Հայաստանի էլեկտրական ցանցեր» ընկերությունը տեղեկացնում է, որ ապրիլի 9-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաքում՝ 10:00-16:00 Պետական եկամուտների Կոմիտե, Ֆիրդուսի սեփական տներ, Հանրապետության փ. 32, 49 շենքեր, Տիգրան Մեծի պող. 1-15 շենքեր, Խանջյան նրբ. 5-10 սեփական տներ, Ֆիրդուսի սեփական տներ մասնակի, Ամիրյան փ. 20-28 շենքեր և 76-80 սեփական տներ, Բուզանդի փ. 85-107 սեփական տներ, Խորենացի փ. 2, 4, 7, 9 շենքեր, Մաշտոցի պող. 14 շենք և հարակից ոչ բնակիչ-բաժանորդներ, Նոր Նորքի 1-ին զանգ.՝ Նանսենի փ. 6, Նանսենի 1-ին նրբանցք 4, 5, 6, 8 շենքեր, Գայի պող. 2, 4, 6 շենքեր, Լվովյան փ. 1, 3, 3/1, 5, 10 շենքեր, Նոր Նորքի 3-րդ զանգ.՝ Գյուրջյան փ. 5 շենք, Նոր Նորք 8-րդ զանգ.՝ Մինսկի փ. 22, 24, 26, 29, 30, 31, 34 շենքեր, թիվ 62 և 165 դպրոցներ, թիվ 242 և 251 մսուր-մանկապարտեզներ և հարակից ոչ բնակիչ-բաժանորդներ, 11:00-17:00 Նոր Խարբերդ 7-14, 12-23, 23-26, 24-26, 24-31 փողոցներ, Նոր Խարբերդ փողոցներ, Դավթաշեն 1, 2, 9, 10 փողոցներ և հարակից ոչ բնակիչ-բաժանորդներ, Արշակունյաց պող․ 51, 53, Ս․Զորավարի փ․ 44, 46 շենքեր, Մանանդյան փ․ 1, 1Ա, 1/2, 3 շենքեր, Մայիսի 9-ի փ․ 15 շենք, Նիզամի փ․ 1, 55 շենքեր և հարակից ոչ բնակիչ բաժանորդներ, Ադոնցի փ. 9, 15 շենքեր, Ազատության պող. 7, 7ա շենքեր, Կիևյան փ. 14/3, 18 շենքեր, Շրջանցիկ Թունել սեփական տներ և հարակից ոչ բնակիչ-բաժանորդներ, Մանկական Քաղաք սեփական տներ և հարակից ոչ բնակիչ-բաժանորդներ, 12:00-13:00 Ավան՝ Նարեկացի թաղ. 31, 32, 33, 37, 44 շենքեր և հարակից ոչ բնակիչ-բաժանորդներ, Արագածոտնի մարզում՝ 12:00-14:00 Կարբի գյուղ, Արարատի մարզում՝ 10:00-12:00 Դարակերտ գյուղ մասնակի, 10:00-14:00 Խաչփառ գյուղ մասնակի, 10:30-16:00 Կանաչուտ գյուղ մասնակի, 11:00-17:00 Խարբերդ գյուղ մասնակի, Վայոց Ձորի մարզում՝ 10։00-15։00 Ագարակաձոր գյուղ մասնակի, 10։00-16։00 Վայք քաղաք Շահումյան, Մայիսյան, Ազատության փողոցներ, Ջերմուկի խճուղի մասնակի, 11:00-15:00 Եղեգնաձոր քաղաք` Ավագյան և Բաղրամյան փողոցներ մասնակի, Կոտայքի մարզում՝ 11։00-17։00 Կապուտան, Կամարիս, Գեղաշեն, Նոր-Գյուղ գյուղեր մասնակի, Ջրվեժ՝ Մայակ, թաղամաս մասնակի, Ջրվեժ և Ձորաղբյուրի ամառանուցներ, Ջրվեժ և Ձորաղբյուր գյուղեր մասնակի, Սյունիքի մարզում՝ 10:30-16:30 Գորիս քաղաք` Անկախության, Սյունիք փողոցներ, 11:00-14:00 Վերիշեն գյուղ մասնակի:

09:19 - 09 ապրիլի, 2021

Կապան-Գորիս ավտոճանապարհի մոտակայքում հայտնաբերվել են հակատանկային արկեր և ականանետի ականներ

Ապրիլի 8-ին՝ ժամը 17։16-ին, Սյունիքի մարզային ճգնաժամային կառավարման կենտրոն ահազանգ է ստացվել, որ Կապան-Գորիս ավտոճանապարհի 43-րդ կմ-ի մոտակայքում՝ դաշտամիջյան հատվածում, արկ է հայտնաբերվել, հայտնում են ՀՀ ԱԻՆ-ից: Դեպքի վայր է մեկնել ԱԻՆ ՓԾ մարզային փրկարարական վարչության Շուռնուխի հենակետից մեկ մարտական հաշվարկ։ Տեղազննման արդյունքում հայտնաբերվել են հակատանկային արկեր, ականանետի ականներ և նմանատիպ զինամթերքի մնացորդներ։ Փրկարարները սահմանազատել են տարածքը և հանձնել համապատասխան ծառայության աշխատակիցներին։

20:09 - 08 ապրիլի, 2021

Էլեկտրաէներգիայի պլանային անջատումներ կլինեն Երևանի և մի շարք մարզերի որոշ հասցեներում

09:18 - 08 ապրիլի, 2021

Ադրբեջանցի զինվորականների կողմից Սյունիքում մեքենայի ուղղությամբ քարեր նետելը հիմնավորում է անվտանգության գոտու անհրաժեշտությունը․ ՄԻՊ

21:55 - 06 ապրիլի, 2021

Սյունիքի մարզում հրշեջ-փրկարարական կամավորական հենակետ է բացվել

Շիկահող բնակավայրում հրշեջ-փրկարարական հենակետը հիմնվել է Շրջակա միջավայրի նախարարության կողմից իրականացվող «Պահպանվող Տարածքների Աջակցման Ծրագիր-Հայաստան» (ՊՏԱԾ-Հ) ծրագրի ֆինանսավորմամբ՝ ՀՀ Սյունիքի մարզում գրանցված «Խուստուփ» փրկարար ջոկատ ՀԿ-ի կողմից: Այս մասին հայտնում են ՀՀ շրջակա միջավայրի նախարարությունից: Ծրագրի դոնորն է հանդիսանում գերմանական KfW բանկը: Հատկացված դրամաշնորհային միջոցների հաշվին իրականացվել է շինության վերակառուցում և բարեկարգում, կամավորական հրշեջ-փրկարարների ուսուցում, ինչպես նաև ձեռք է բերվել համապատասխան հանդերձանքը և հրդեհաշիջման աշխատանքների իրականացման համար անհրաժեշտ գույք և սարքավորումներ: Ծրագրի շրջանակներում գրանցվել են հետևյալ արդյունքները․ «Շիկահող» պետական արգելոցին հարակից Շիկահող գյուղում հրշեջ-փրկարարական կետի հիմնման նպատակով համայնքի կողմից ՀԿ-ին անհատույց և անժամկետ տրամադրվել է տարածք և շինություն։ Վերջինս վերակառուցվել, վերանորոգվել և ձևափոխվել է որպես հրշեջ-փրկարարական հենակետի, որը ցանկացած հրդեհային իրավիճակում արագ արձագանքման կետ է հանդիսանում ոչ միայն Շիկահողի, այլ նաև Ծավ, Սրաշեն և Ներքին Հանդ գյուղերի, «Զանգեզուր» Կենսոլորտային համալիր» ՊՈԱԿ-ի պահպանության ներքո գտնվող «Շիկահող» պետական արգելոցի, «Սոսու պուրակ» և «Խուստուփ» պետական արգելավայրերի, ինչպեսև հարակից անտառային տարածքների համար։ Հրշեջ-փրկարարակն կետն համալրվել է Արտակարգ իրավիճակների նախարարության կողմից տրամադրված ԶԻԼ 130ԱԲ40 մակնիշի 2տ ջրատարողությամբ հրշեջ մեքենայով։ Հրդեհաշիջման աշխատանքների իրականացման համար ձեռք է բերվել հանդերձանք, անհրաժեշտ գույք և սարքավորումներ` մասնավորապես լրակազմ համազգեստ, սաղավարտ, կիսաճտքավոր կոշիկ, հրակայուն ձեռնոց, սաղավարտի լապտեր, ձեռքի լապտեր, բահ, քլունգ, 16լ տարողությամբ ջրացրիչ, փոքր կացին, խոտհնձիչ։ Հենակետը նաև կահավորվել է առաջին անհրաժեշտության գույքով։ Ստեղծվել է ընդհանուր 25 կամավորներից բաղկացած հրշեջ-փրկարարների ջոկատներ, ովքեր անցել են ուսուցողական պարապունքներ և ստացել են համապատասխան հանդերձանք։ Հրշեջ-փրկարարական հենակետի հիմնումը պետական կառավարման, տեղական ինքնակառավարման մարմինների և հասարակական կազմակերպության համագործակցությամբ իրականացված միջազգային ծրագրի հաջողված օրինակ է, որի հիմնական նպատակն է հրդեհների կանխարգելման և հրդեհաշիջման աշխատանքներում ներգրավված կառույցների և անձնակազմի կարողությունների հզորացումը:

18:15 - 06 ապրիլի, 2021

Կապան-Երևան ճանապարհին ադրբեջանցիները քար են շպրտել հային պատկանող մեքենայի ուղղությամբ. Կապանի քաղաքապետ |armdaily.am|

armdaily.am: Տեղեկություններ էին տարածվել, որ Կապան-Երեւան ճանապարհին՝ Գորիսից ներքև, ադրբեջանցի զինվորականները քարեր էին նետել։ Կապանի քաղաքապետ Գևորգ Փարսյանը հաստատեց տեղեկությունը։ Նա տեղեկացրեց, որ միջադեպը տեղի է ունեցել Կապանից Երևան գնացող մեքենայի հետ։ «Դեպքը տեղի է ունեցել Կապանից գնալուց՝ Դավիթ Բեկ-Շուռնուխ ճանապարհի հատվածում։ Այն հատվածում, որը որ գտնվում է ռուս սահմանապահների վերահսկողության տիրույթում։ Դիրքավորված հատվածից ադրբեջանցիները քար են նետել ճանապարհի ուղղությամբ՝ մեքենայի վրա»,-ասաց Փարսյանը։ Կապանի քաղաքապետը նշեց, որ քարը չի դիպել մեքենային, այն չի վնասվել, սակայն ուղևորները վախեցել են։ Փարսյանը նշեց, որ ռուս սահմանապահները տեղեկացվել են միջադեպի վերաբերյալ և համապատասխան գործողություններ կատարել են և ավելի զգոն են իրականացնում իրենց ծառայությունը։

14:00 - 06 ապրիլի, 2021

Երկրաշարժ՝ Սյունիքի մարզի Դաստակերտ քաղաքից 8 կմ հարավ

Երկրաշարժ Սյունիքի մարզի Դաստակերտ քաղաքից 8 կմ հարավ։ Սույն թվականի ապրիլի 3-ին, տեղական ժամանակով ժամը 12:15-ին (Գրինվիչի ժամանակով` ժամը 08:15-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39.30⁰ և արևելյան երկայնության 46.03⁰ աշխարհագրական կոորդինատներով` Հայաստան` Դաստակերտ քաղաքից 8 կմ հարավ, օջախի 10 կմ խորությամբ, 2.2 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 2-3 բալ: Երկրաշարժը զգացվել է Սյունիքի մարզի Դաստակերտ քաղաքում` 2-3 բալ ուժգնությամբ:

12:50 - 03 ապրիլի, 2021

Դեռեւս երկու շաբաթ առաջ ադրբեջանցիները Շուռնուխ համայնքից առեւանգել են 13 կով․ Շուռնուխի գյուղապետ |ArmLur.am|

ArmLur.am։ Դեռեւս երկու շաբաթ առաջ ադրբեջանցիները Սյունքի մարզի սահմանամերձ Շուռնուխ համայնքից առեւանգել են 13 կով: Այս մասին հայտնել է Շուռնուխի գյուղապետ Հակոբ Արշակյանը: Նրա խոսքով անասունների հետքերով ֆերմերի որդին ռուս խաղաղապահների հետ գնացել է ադրբեջանական Սեյթազ գյուղը, որտեղ նրանց հայտնել են, որ անասուններին հետ կվերադարձնեն, բայց մինչ օրս չեն վերադարձրել։ Հիշեցնենք, որ այս մասին ավելի վաղ ֆեյսբուքյան իր էջում հայտնել էր ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։

14:36 - 30 մարտի, 2021

Պատերազմի հետևանքով Սյունիքի մարզում վնասվել է 142 միավոր անշարժ գույք |hetq.am|

hetq.am: 2020թ. սեպտեմբերի 27-ին Ադրբեջանի կողմից Արցախում սանձազերծված 44-օրյա պատերազմի հետևանքով Սյունիքի մարզում վնասվել է 142 շենք-շինություն: Նշված տները վնասվել են Դավիթ Բեկ և Ներքին Խնձորեսկ բնակավայրերում: Այս տեղեկատվությունը փոխանցեցին Սյունիքի մարզպետարանից: Ամենաշատ տները վնասվել են Կապան համայնքի Դավիթ Բեկ բնակավայրում: Վնասվել են 93 տուն, շենք-շինություն՝ պատճառելով 36 մլն 537 հազար դրամի վնաս: Իսկ Ներքին Խնձորեսկում վնասվել է 49 անշարժ գույք, որի հետևանքով քաղաքացիներին պատճառվել է 13 մլն 605 հազար դրամի վնաս: Սյունիքի մարզպետարանի քաղաքաշինության վարչության ճարտարապետաշինարարական բաժնի գլխավոր մասնագետ Սամվել Աղալոյանը նշեց, որ հիմնականում վնասվել են տների պատուհանների ապակիները, տանիքներն ու պատերը: Գերակշռել են թեթև վնասները: Այդ է պատճառը, որ քիչ թիվ են կազմում 1 մլն դրամը գերազանցող փոխհատուցումները: Մասնավորապես, Դավիթ Բեկ բնակավայրում 93-ից 11 ընտանիքի փոխհատուցվել է 1 մլն դրամ և ավելի: Ամենամեծ փոխհատուցվող գումարը եղել է 2 մլն 627 հազար դրամ, ամենաքիչը՝ 11 հազար 700 դրամ: Նույնը նաև Ներքին Խնձորեսկում: Այստեղ 1 մլն դրամից ավելի փոխհատուցման գումար ստացել է 49 ընտանիքից 5-ը: Ամենամեծ փոխհատուցված գումարի չափը կազմել է 1 մլն 731 հազար դրամ, ամենաքիչը՝ 30 հազար դրամ: Սամվել Աղալոյանն ասաց, որ ներկայացված վնասները չեն ներառում Շուռնուխ և Որոտան բնակավայրերում իրենց տունը կորցրած ընտանիքների գույքային վնասները: Այս բնակավայրերում քաղաքացիները տնից զրկվել են ոչ թե ռմբակոծության հետևանքով, այլ տարածքների ճշգրտման պատճառով: Պատերազմի օրերին մարզի այլ բնակավայրեր ևս հայտնվել են Ադրբեջանի զինված ուժերի թիրախում: Սակայն, ըստ Ս. Աղալոյանի, քաղաքացիները դրանից անշարժ գույքի մասով վնասներ չեն կրել: Նրա ասելով՝ օրինակ՝ Կոռնիձորի հատվածում արկեր ընկել են, սակայն վնասներ չկան: Նշենք, որ Կոռնիձորը 2016-ից Տեղ, Արավուս, Խնածախ, Խոզնավար, Վաղատուր և Քարաշեն գյուղերի հետ խոշորացվել է և այժմ կոչվում է Տեղ համայնք: Պետությունն ամբողջությամբ պետական բյուջեի միջոցներով փոխհատուցել է քաղաքացիներին պատճառված վնասը: Ըստ Ս. Աղալոյանի՝ փոխհատուցման հարցով Կառավարություն դիմել են երկու անգամ՝ մեկը Նոր տարուց առաջ, մյուսը՝ վերջերս: Սամվել Աղալոյանն ասաց, որ Դավիթ Բեկ և Ներքին Խնձորեսկ բնակավայրերում անշարժ գույքի վնասները գնահատել են մարզպետարանի աշխատակիցները, սակայն դժգոհություն չեն ստացել քաղաքացիներից: Մարզպետարանի պաշտոնյան ասաց՝ իրենց համար կարևոր է, որ այդ բնակավայրերից քաղաքացիները դուրս չգան և շարունակեն տեղում ապրել: Այդ է պատճառը, որ վնասների հատուցումն առաջնահերթություն է եղել: Դավիթ Բեկ բնակավայրի վարչական ղեկավար Բենյամին Պողոսյանն ասաց, որ վնաս կրած բոլոր քաղաքացիները փոխհատուցվել են: Նրա խոսքերով՝ չի եղել տուն, որ վնասվածության պատճառով հնարավոր չլիներ այնտեղ ապրել: Շարունակությունը՝ hetq.am-ում

17:05 - 29 մարտի, 2021

Սյունիքի սահմանամերձ համայնքներում կատարվում է կարիքների գնահատում՝ ներդրումների ակնկալիքով |armenpress.am|

armenpress.am: Սյունիքի սահմանամերձ համայնքներում անցկացվում են քննարկումներ կարիքների գնահատման, բիզնես գաղափարներ վերհանելու համար: Նպատակը մեկն է՝ բնակիչների շրջանում բացահայտել բիզնես հնարավորությունները, որոնք նրանք պատրաստակամ են իրականացնել: Վերջին քննարկումն անցկացվել է Ներքին Խնձորեսկում: Գորիս համայնքի ղեկավարի տեղակալ Իրինա Յոլյանը նշեց, որ հնարավորությունները տարբեր ուղղություններով են՝ պտղատու այգիներ, մեղվաբուծություն, ցեղական կովերի բուծում և այլն: «Շեշտը դնում ենք հենց բնակիչների հնարավորությունների վրա: Այլ բան է, որ համայնքն է առաջարկում, մեկ այլ բան է, երբ այդ առաջարկությունը բխում է բնակչի կարիքներից, հնարավորություններից և պատրաստ է ներդրում ունենալ այդ գաղափարը մինչև վերջ առաջ տանելու համար: Հանդիպումներից կառանձնացնեի այն, որ փոխօգնության մեխանիզմը հրաշալի աշխատում է, մարդիկ ուզում են, միմյանց աջակցելով, ոտքի կանգնեցնել գյուղը»,-ասաց Իրինա Յոլյանը: Համայնքի կարիքները գնահատելուց հետո, Իրինա Յոլյանը նշեց, որ փորձում են գտնել ներդրողներ, դոնորներ, որոնք պատրաստակամ են սահմանամերձ բնակավայրերում զարգացնել, որևէ ոլորտ: Տվյալ դեպքում գյուղատնտեսություն, անասնապահություն, հողագործություն: Արդեն իսկ կան գաղափարներ, բնակիչները միմյանց հետ քննարկել են և գիտեն, թե ինչ են ուզում, որն է բնակավայրի զարգացման տեսլականը: «Մենք նաև պետք է աշխատենք զբոսաշրջային երթուղիների զարգացման ուղղությամբ: Գիտենք, որ պատերազմից հետո տուրիզմն ամենաշատ տուժած ոլորտներից է: Պետք է քայլեր ձեռնարկենք իրավիճակը բարելավելու, քիչ-քիչ վերականգնելու ուղղությամբ»,-ասաց Իրինա Յոլյանն՝ ընդգծելով, որ բնակավայրերի կողքին են, նրանց հետ աշխատում են, փորձում են ծրագրերը ներկայացնել տարբեր կազմակերպությունների, դոնորների, անհատների, որոնք պատրաստ են օժանդակել: Նրա խոսքով, եթե մի տնտեսությանը որևէ մեկը կամ կազմակերպությունը պատրաստ լինի խրախուսել, այնտեղ, թեկուզ, փոքր բյուջե ներդնել, ապա մեծ օժանդակություն կլինի: Գաղափարները կան, գյուղացիների կողմից պատրաստակամությունը կա, սպասվում են ներդրումներ: Շարունակությունը՝ armenpress.am-ում

09:53 - 26 մարտի, 2021

«ՍՈՒ-30»-ները չկիրառվեցին, որովհետև առկա հրթիռներն ունեին սահմանափակ կարողություններ, որևէ այլ խնդիր, «ՍՈՒ-30»-ների հետ կապված, չենք ունեցել․ ԱԽ քարտուղար |tert.am|

tert.am: Լ րագրողների հետ ճեպազրույցի ժամանակ Արմեն Գրիգորյանը անդրադարձավ Սյունիքում առկա անվտանգային խնդիրներին։ Գրիգորյանը պատասխանեց․ «Որևիցէ հանրությունում չկա անվտանգության որևիցէ մակարդակ, որ գոհացուցիչ կլինի։ Նոր ստեղծված իրավիճակի ուղղությամբ մենք բազմաթիվ աշխատանքներ ենք տանում, որպեսզի անվտանգությունը հնարավորության շրջանակում բարձր լինի»։ ԱԽ քարտուղարը անդրադարձավ նաև «ՍՈՒ-30»-ների մասին Փաշինյանի հայտարարություններին և այն հարցին, թե ինչու չկիրառվեցին զինանոցում առկա հրթիռները։ «ՍՈՒ-30»-ներ գնելու գործընթացը դիտարկվել է որպես երկար ժամանակի գործընթաց։ Ըստ պլանավորման՝ «ՍՈՒ-30»-ների զինամթերքի և մնացած կարողությունների ձեռքբերման գործընթացը դիտարկվել է որպես երկարաժամկետ գործընթաց, քան պատերազմի սկսվելն էր։ Որևէ այլ խնդիր, «ՍՈՒ-30»-ի հետ կապված, մենք չենք ունեցել։ Կան տարբեր կարողությունների հրթիռներ, խնդիրը լավագույնն ունենալն էր, որն ամենամեծ ազդեցությունը կարող էր ունենալ։ Այն, ինչ մենք ունեցել ենք, որոշակի սահմանափակումներ են ունեցել»,-նշեց ԱԽ քարտուղարը։

13:09 - 25 մարտի, 2021