Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Իրանը կշրջանցի ամերիկյան դեսպանատների վիզային պատժամիջոցները |epress.am|

Իրանը կշրջանցի ամերիկյան դեսպանատների վիզային պատժամիջոցները |epress.am|

epress.am: Իրանի նախագահ Հասան Ռոհանին հրաման է տվել չեղարկել երկրիր տարած մուտք գործող և այն լքով օտարերկրացիների անձնագրերում կնիքներ դնելու պրակտիկան, հաղորդում է Tasnimnews լրատվական գործակալությունը։ Այժմ Իրան այցելող օտարերկրացիների ելումուտի կնիքը կդրվի էլեկտրոնային վիզայի առկայությունը հաստատող փաստաթղթի պատճենի վրա։Իրանի կառավարությունն արդեն մեկ տարուց ավելի է՝ մշակում է այս ծրագրի նախագիծը, որն, ըստ էության, կնպաստի զբոսաշրջության զարգացմանը և կազատի զբոսաշրջիկներին ամերիկյան վիզայից հետագայում զրկվելու վտանգներից։Հիշեցնենք, որ անցյալ տարի ԱՄՆ իշխանությունները հայտարարեցին, որ զբոսաշրջիկները, որոնց անձնագրի մեջ կա որոշ երկիրների՝ այդ թվում նաև Իրանի, մուտքի կնիք, կարող են խնդիրներ ունենալ ամերիկյան վիզա ստանալու գործում։ Իրանի մուտքի արտոնագիրը կամ անցակետում անձնագրի մեջ դրված կնիքը ամերիկյան վիզա ստանալու գործում խոչընդոտ էր հանդիսանում այս հայտարարությունից առաջ ևս, ինչի մասին մշտապես նախազգուշացնում էին տուրիստական և վիզային գործակալությունները: Իրանի իշխանությունները կարծում են, որ կնիքի չեղարկման արդյունքում ամերիկյան դեսպանատների կողմից կիրառվող «վիզային պատժամիջոցը» կդառնա շրջանցելի։
05:00 - 27 հունիսի, 2019
Իրանը հունիսի 27-ից սկսած կարագացնի ուրանի հարստացման գործընթացը |tert.am|

Իրանը հունիսի 27-ից սկսած կարագացնի ուրանի հարստացման գործընթացը |tert.am|

tert.am։ Իրանը հունիսի 27-ից հետո կարագացնի ուրանի հարստացման տեմպերը, գրում է ՏԱՍՍ գործակալությունը՝ Իրանի ատոմային էներգիայի կազմակերպության ներկայացուցիչ Բեհրուզ Քամալվանդիին հղումով: «Եվրոպան չի կարող կամ չի ցանկանում կատարել Գործողությունների համատեղ համապարփակ ծրագրի (ԳՀՀԾ) շրջանակում իր ստանձնած պարտավորությունները, սակայն դեռ միջուկային գործարքը պահպանելու շանս ունի»,- ընդգծել է Քամալվանդին: Ներկայացուցիչը հավելել է, որ հարստացված ուրանի պաշարներն արդեն զգալիորեն մեծացել են, իսկ հունիսի 27-ին կգերազանցեն 300 կիլոգրամը: Միջուկային գործարքի համաձայն՝ Իրանը պետք է հարստացված ուրանի ավելցուկն այլ երկրներ արտահանի, եթե դրա ծավալը գերազանցի 300 կիլոգրամը: Հունիսի 17-ին իրանական կողմը հայտարարել էր, որ ներկա պայմաններում իրեն պարտավորված չի զգում այդ պայմանը կատարել:  
10:59 - 26 հունիսի, 2019
Դեսպան. ՀՀ-ն շարունակում է Իրանի հետ եղած տնտեսական ծրագրերը |panarmenian.net|

Դեսպան. ՀՀ-ն շարունակում է Իրանի հետ եղած տնտեսական ծրագրերը |panarmenian.net|

panarmenian.net։ Հայաստանը կողմնակից է Իրանի շուրջ ստեղծված խնդիրների խաղաղ և բանակցային ճանապարհով լուծմանը և պատրաստ է հնարավորինս աջակցել հարևան Իրանին և բարեկամ իրանցի ժողովրդին: Այս մասին ասաց Իրանում ՀՀ արտակարգ և լիազոր դեսպան Արտաշես Թումանյանը:Հարցին, թե ինչպես է պատկերացնում Հայաստան-Իրան հարաբերությունների զարգացումը ներկա պայմաններում, դեսպանն ասել է, որ տնտեսական հարաբերությունների առումով՝ ՀՀ-ն շարունակում է գոյություն ունեցող ծրագրերի իրականացումը և նոր պայմաններում փորձում է գտնել գործակցության լրացուցիչ հնարավորություններ:«Առկա ծրագրերը, հատկապես ենթակառուցվածքների հետ կապված (էներգետիկա, գազ, ճանապարհներ և այլն) անպայմանորեն պետք է իրագործվեն: Ինչ վերաբերում է առևտրի և փոխադարձ ներդրումներին առնչվող ծրագրերին, պատժամիջոցների հետ կապված լուրջ խոչընդոտների առկայության պայմաններում (բավական է վկայակոչել միայն բանկային սահմանափակումները) անհրաժեշտ է լավագույնս օգտագործել ստեղծված նոր հնարավորությունները: Խոսքը առաջին հերթին ԵԱՏՄ-Իրան ազատ առևտրի համաձայնագրին է վերաբերում: Այստեղ հիմնական խնդիրը ԵԱՏՄ 180 մլն և Իրանի 80 մլն բնակչությամբ շուկաների փոխկապակցման իրական հնարավորությունն է, և այս համատեքստում Հայաստանի բարենպաստ դիրքը՝ որպես կապող օղակ», - մասնավորեցրել է դեսպանը:Թումանյանը նշել է, որ այս օրերին շարունակում է իր հանդիպումները իրանական գործարար շրջանակների հետ և, ԵԱՏՄ-Իրան գործակցության մեջ Հայաստանի դրական դերակատարմանը զուգահեռ, ներկայացնում եմ մի շարք քաղաքական նպաստավոր գործոններ:«Հայաստանը բարձր մակարդակի քաղաքական հարաբերություններ ունի Իրանի հետ, ՌԴ-ի ռազմավարական գործընկերն է և լավ հարաբերություններ ունի ԵԱՏՄ անդամ մյուս երկրների հետ, Հայաստանը լավագույնս գործակցում է ԵՄ-ի հետ, բարեկամական և գործընկերային հարաբերություններ ունի ԱՄՆ-ի հետ: Այսպիսով Հայաստան-Իրան հարաբերությունների հետագա զարգացման համար առկա են որոշակի նախադրյալներ, որոնք ստեղծված չափազանց բարդ պայմաններում կարող են դրական ազդեցություն ունենալ», - ասել է դեսպանը:
10:13 - 24 հունիսի, 2019
Իրանը վերսկսում է ուրանի հարստացումը |azatutyun.am|

Իրանը վերսկսում է ուրանի հարստացումը |azatutyun.am|

azatutyun.am: «Իրանը այսօրվանից վերսկսում է ուրանի հարստացումը», - այսօր Թեհրանում կայացած մամուլի ասուլիսի ժամանակ հայտարարել է Իրանի ատոմային էներգիայի կազմակերպության պաշտոնական ներկայացուցիչ Բեհրուզ Քամալվանդին:«Այս քայլի նպատակն է, որպեսզի հունիսի 27-ին մեր տրամադրության տակ եղած հարստացված ուրանի ծավալները գերազանցեն [միջուկային համաձայնագրով նախատեսված] 300 կիլոգրամը: Մենք նաև դադարեցնում ենք «ծանր ջրի» արտահանումը երկրի տարածքից», - հայտարարել է Քամալվանդին:Իրանցի պաշտոնյայի խոսքով Թեհրանում ակնկալում են, որ 2015-ին կնքված համաձայնագիրը ստորագրած եվրոպական պետությունները կսկսեն կատարել այդ փաստաթղթով ստանձնած պարտավորությունները:«Մեր համբերությունը անսահման չէ: Միջուկային համաձայնագիրը լքելու վերաբերյալ ԱՄՆ որոշումից հետո մենք սպասեցինք ավելի քան մեկ տարի», - նշել է Քամալվանդին:
10:39 - 17 հունիսի, 2019
Իրանը այսօր կհայտարարի միջուկային համաձայնագրից ևս մեկ հետքայլի մասին |azatutyun.am|

Իրանը այսօր կհայտարարի միջուկային համաձայնագրից ևս մեկ հետքայլի մասին |azatutyun.am|

azatutyun.am։  Պաշտոնական Թեհրանն այսօր կհայտարարի 2015 թվականի միջուկային համաձայնագրի կատարումից ևս մեկ հետքայլի մասին: Այսօր նման տեղեկություն է հաղորդել կիսապաշտոնական «Թասնիմ» լրատվական գործակալությունը: Լրատվամիջոցի տեղեկություններով Իրանի ատոմային էներգիայի գործակալությունը այսօր պատրաստվում է հայտարարել ուրանի հարստացման և այսպես կոչված «ծանր ջրի» արտադրության ծավալների մեծացմանն ուղղված նախապատրաստական աշխատանքների մեկնարկի մասին:Իրանի ատոմային էներգիայի գործակալության այս հայտարարությունը կհրապարակվի երկրի նախագահ Հասան Ռոհանիի շաբաթ օրը հնչեցրած հայտարարությունների ֆոնին:Դուշանբեում հնչեցրած ելույթում Իսլամական Հանրապետության նախագահը նշում էր, որ իր երկիրը չի կարող միակողմանիորեն հավատարիմ մնալ 2015-ին կնքված միջուկային համաձայնագրի դրույթներին:  
07:48 - 17 հունիսի, 2019
Իրանը կհրաժարվի միջուկային պայմանագրով ստանձնած պարտավորություններից |azatutyun.am|

Իրանը կհրաժարվի միջուկային պայմանագրով ստանձնած պարտավորություններից |azatutyun.am|

azatutyun.am: Իրանի նախագահ Հասան Ռոհանին ասել է, որ քանի դեռ 2015 թվականի միջուկային համաձայնությունը կնքած պետությունների կողմից դրական ազդակներ չեն լինի, իր երկիրն աստիճանաբար կսահմանափակի այդ փաստաթղթով ստանձնած պարտավորությունները: Այդ մասին Ռոհանին հայտարարել է Դուշանբեում ասիական երկրների գումարած միջազգային համաժողովում: Ռոհանին չի հստակեցրել, թե Իրանը կոնկրետ որ պարտավորություններից կհրաժարվի կամ ինչն է համարում «դրական ազդակներ»: Մայիսին Իրանը որոշ պարտավորություններից արդեն հրաժարվել է՝ դա պատճառաբանելով համաձայնությունից դուրս գալու ԱՄՆ նախագահ Դոնալդ Թրամփի որոշմամբ: «Բնական է, որ Իրանը չի կարող միայնակ հավատարիմ մնալ պայմանագրին», - այսօր Դուշանբեում Ասիայում փոխգործողության և վստահության միջոցների ստեղծման խորհրդակցության համաժողովում ասել է Իրանի ղեկավարը: Դուշանբեում գագաթնաժողով գումարած այդ տարածաշրջանային կառույցին անդամակցում են 27 պետություններ:
14:08 - 15 հունիսի, 2019
Իրանում ստեղծված ծանր վիճակը բացասական ազդեցություն ունի Հայաստանի տնտեսության վրա․ Դեսպան |hetq.am|

Իրանում ստեղծված ծանր վիճակը բացասական ազդեցություն ունի Հայաստանի տնտեսության վրա․ Դեսպան |hetq.am|

hetq.am։ Հարցազրույց Իրանի Իսլամական Հանրապետությունում ՀՀ արտակարգ եւ լիազոր դեսպան Արտաշես Թումանյանի հետ։ Պարոն Թումանյան, տարածաշրջանում լարված ռազմաքաղաքական իրավիճակ է ստեղծվել. մի կողմից՝ թուրք-իրանական սահմանային բախումը, ռուս-թուրքական ռազմական համագործակցությունը, մյուս կողմից՝ ԱՄՆ-ի հետ Իրանի չլուծվող խնդիրներն ու պատժամիջոցները, որոնք վերջերս Իրանի արտգործնախարարը որակեց «տնտեսական պատերազմ»՝ նշելով, որ Իրանը որեւէ կապ չունի միջուկային ծրագրի հետ, եւ որ ԱՄՆ-ի հետ երկխոսություն չի կարող լինել, մինչեւ պատժամիջոցները չվերացվեն, իսկ ավելի ուշ Իրանի խորհրդարանում նշեց, որ Թեհրանը չունի Վաշինգտոնի կարիքը եւ նրա հետ հարաբերությունները բարելավելու առանձնակի ձգտում: Առհասարակ ի՞նչ է կատարվում Իրանի շուրջ, եւ ի՞նչ հնարավոր ազդեցություն կարող է ունենալ այդ ամենը Հայաստանի վրա: Այո, տարածաշրջանում ներկայումս բավական լարված իրավիճակ է տիրում: Այդ լարվածությունը հատկապես մեծացել է 2015թ. Իրանի և Վեցյակի (ԱՄՆ, ՌԴ, Չինաստան, Մեծ Բրիտանիա, Ֆրանսիա և Գերմանիա) միջև ստորագրված միջուկային համաձայնագրից Միացյալ Նահանգների դուրս գալուց և Իրանի նկատմամբ ամերիկյան պատժամիջոցների վերականգնումից հետո: Սրա հետևանքով գործնականում դադարել է իրանական նավթի արտահանումը՝ ԻԻՀ-ին զրկելով միլիարդավոր դոլարների ֆինանսական մուտքերից, կրճատվել են ապրանքների ներմուծման և արտահանման ծավալները, խստագույն սահմանափակումների է ենթարկվել ԻԻՀ բանկային համակարգը, շեշտակիորեն արժեզրկվել է իրանական ռիալը, բարձրացել են ապրանքների (այդ թվում նաև՝ առաջին անհրաժեշտության) գները: Ներկայումս ստեղծվել է չափազանց բարդ և պայթյունավտանգ իրավիճակ: ԱՄՆ-ը հրաժարվել է միջուկային համաձայնագրից, իսկ մյուս անդամները (ՌԴ, Չինաստան, Մեծ Բրիտանիա, Ֆրանսիա և Գերմանիա) չեն կարողանում հատուցել Իրանին հասցված կորուստները, լրջագույն սպառնալիքներ են ստեղծվել տարածաշրջանային խաղաղության և անվտանգության ապահովման համար:Ստեղծված կացությունը անհանգստություն է պատճառում նաև Հայաստանին, ինչպես տարածաշրջանային համատեքստում, այնպես էլ մեր հարևան երկրի և բարեկամ ժողովրդի առջև ծառացած մարտահրավերների առումով:Իրանում ստեղծված ծանր վիճակը բացասական ազդեցություն ունի Հայաստանի տնտեսության վրա (առևտրի պայմանների վատթարացում, ներդրումային ծրագրերի իրականացման դժվարություններ, բանկային սահմանափակումներ և այլն): Այս մտահոգությունները ՀՀ ղեկավարությունը հայտնել է գործընկեր երկրներին, այդ թվում նաև ԱՄՆ-ին: Հայաստանի դիրքորոշումն այս հարցում առկա հակասությունների խաղաղ և բանակցային ճանապարհով հանգուցալուծումն է:Ի դեպ, իրանաամերիկյան հարաբերություններում լարվածության նվազման որոշակի սպասումներ կային Ճապոնիայի վարչապետ Շինզո Աբեի՝ Թեհրան կատարած այցի նախօրյակին: Այցի ավարտից հետո լրատվամիջոցներում առկա արձագանքներից կարելի է ենթադրել, որ առայժմ առաջընթացի որևէ միտում չկա: Դեռ ավելին՝ հունիսի 13-ին Պարսից ծոցում երկու նավթատար տանկերների վրա տեղի ունեցած պայթյուններն, ամենայն հավանականությամբ, էլ ավելի կխորացնեն ներկա առճակատումը: Դեռեւս նախորդ տարի խոսակցություններ կային Իրանի ու Ադրբեջանի միջեւ ռազմաքաղաքական համագործակցության մասին, ինչն արտահայտվել էր Իրանի պաշտպանության նախարար Ամիր Հաթամիի՝ Ադրբեջան կատարած այցի ժամանակ: Պաշտոնական Բաքուն մեկ անգամ չէ, որ հայտարարել է իրանական հրթիռներ ձեռք բերելու մասին, ինչը Իրանի կողմից առայժմ արձագանք չի ստացել: Ի՞նչ դիրքորոշում ունի Իրանը Ղարաբաղյան հակամարտության հարցում: ԻԻՀ ղեկավարությունը բազմիցս հայտարարել է, որ հարևան երկրների հետ համագործակցության խորացումն իր արտաքին քաղաքականության առաջնահերթություններից է: Սա մասնավորապես վերաբերում է նաև Իրանի՝ Հայաստանի և Ադրբեջանի հետ ունեցած հարաբերություններին: Հասկանալի է, որ այս համատեքստում առանձնահատուկ նշանակություն ունի Ղարաբաղյան հակամարտության նկատմամբ Իրանի վերաբերմունքը: Տվյալ պարագայում կարելի է պնդել, որ Իրանը գործնականում ցուցաբերում է հավասարակշռված վերաբերմունք և իր այդ վարքով էականորեն նպաստում է տարածաշրջանային կայունության ապահովմանը: Շարունակությունը՝ hetq.am
10:15 - 14 հունիսի, 2019
Անհրաժեշտ է կանխել ԱՄՆ-ի և Իրանի ռազմական առճակատումը. Ճապոնիայի վարչապետ |azatutyun.am|

Անհրաժեշտ է կանխել ԱՄՆ-ի և Իրանի ռազմական առճակատումը. Ճապոնիայի վարչապետ |azatutyun.am|

azatutyun.am: Ճապոնիայի վարչապետ Սինձո Աբեի փոխանցմամբ, հարկ է ամեն ինչ անել, որ Միացյալ Նահանգների և Իրանի հակամարտությունը չվերածվի ռազմական առճակատման:Այդ մասին Աբեն երեկ ասել է Թեհրանում Իրանի նախագահ Հասան Ռոհանիի հետ հանդիպելուց հետո:Ռոհանին գովեստով է խոսել Աբեի հետ բանակցությունների մասին, որոնց ընթացքում քննարկվել են երկկողմ տնտեսական կապերը և 2015 թվականին կնքված միջուկային համաձայնությունը:«Իրանը հավատարիմ է այդ համաձայնությանը, որը կարևոր նշանակություն ունի տարածաշրջանի և աշխարհի կայունության համար», - ասել է Ռոհանին և ավելացրել.- «Ե՛վ Թեհրանը, և՛ Տոկիոն դեմ են միջուկային զենքին»:«Կա ռազմական կոնֆլիկտի պատահական բռնկման հնարավորություն, և անհրաժեշտ է ցանկացած գնով դա կանխել», - ասել է Սինձո Աբեն:«Աշխարհում հետզհետե աճող լարվածության պայմաններում չափազանց կարևոր է, որ Թեհրանը կառուցողական դեր կատարի Մերձավոր Արևելքում խաղաղություն և կայունություն հաստատելու գործում», - ասել է Ճապոնիայի կառավարության ղեկավարը:Նախագահ Ռոհանին, իր հերթին, ասել , որ «Իրանը չի սկսի պատերազմ Միացյալ Նահանգների հետ, սակայն եթե Ամերիկան այն նախաձեռնի, Իրանը վճռական պատասխան կտա»:Ճապոնիան լավ հարաբերություններ ունի և՛ Իրանի, և՛ Միացյալ Նահանգների հետ: Շաբաթներ առաջ ԱՄՆ նախագահ Դոնալդ Թրամփը նկատել է տվել, որ կողջունի Տոկիոյի միջնորդությունը Միացյալ Նահանգների և Իրանի ճգնաժամը մեղմելու հարցում:
09:43 - 13 հունիսի, 2019
Ռոուհանին հայտարարել է, որ Իրանը պատերազմ չի սկսի ԱՄՆ-ի դեմ |tert.am|

Ռոուհանին հայտարարել է, որ Իրանը պատերազմ չի սկսի ԱՄՆ-ի դեմ |tert.am|

tert.am։ Իրանի նախագահ Հասան Ռոուհանին հայտարարել է, որ իր երկիրն առաջինը չի սկսի պատերազմ, սակայն ցանկացած ագրեսիային պատրաստ է տալ ջախջախիչ պատասխան: Այդ մասին նա հայտարարել է Ճապոնիայի վարչապետ Սինձո Աբեի հետ հանդիպումից հետո, որը Թեհրան է ժամանել Իրանի և Միացյալ Նահանգների միջև լարվածությունը թուլացնելու նպատակով: «Իրանը հավատարիմ է մնալու Թեհրանի միջուկային ծրագրի վերաբերյալ գործարքին, որը կարևոր է տարածաշրջանի և աշխարհի անվտանգության համար»,- ТАСС-ի փոխանցմամբ՝ ասել է Ռոուհանին՝ հավելելով, որ թե՛ Թեհրանը, և՛ թե Տոկիոն դեմ են միջուկային զենքի կիրառմանը:Իրանի նախագահը հույս է հայտնել, որ Մերձավոր Արևելքի տարածաշրջանում դրական փոփոխություններ տեղի ունենան, եթե Միացյալ Նահանգները դադարեցնի Իրանի դեմ տնտեսական պատերազմը: «Եթե մենք այսօր տարածաշրջանում լարվածություն ենք տեսնում, դրա հիմնական պատճառն ԱՄՆ-ի կողմից Իրանի ժողովրդի դեմ ուղղված տնտեսական պատերազմն է: Երբ այդ պատերազմն ավարտվի, մենք շատ դրական իրադարձություններ կտեսնենք թե՛ տարածաշրջանում, թե՛ աշխարհում»,- ընդգծել է Ռոուհանին:
06:00 - 13 հունիսի, 2019
Իրանի խորհրդարանը վավերացրել է ԵԱՏՄ-ի հետ ազատ առևտրի գոտու ստեղծման մասին համաձայնագիրը |armenpress.am|

Իրանի խորհրդարանը վավերացրել է ԵԱՏՄ-ի հետ ազատ առևտրի գոտու ստեղծման մասին համաձայնագիրը |armenpress.am|

armenpress.am։ Իրանի Իսլամական Հանրապետության Մեջլիսը վավերացրել է ԵԱՏՄ-ի հետ ազատ առևտրի գոտու ստեղծման մասին համաձայնագիրը: Այս մասին հայտնեց ՀՀ էկոնոմիկայի նախարարի մամուլի խոսնակ Աննա Օհանյանը: Աննա Օհանյանը փոխանցեց, որ փաստաթուղթն Իրանի և ԵԱՏՄ-ի միջև ազատ առևտրի գոտու ստեղծման առաջին փուլն է: Ժամանակավոր համաձայնագիրը կնքվում է երեք տարի ժամկետով, որի ընթացքում կողմերը պետք է համաձայնության գան ազատ առևտրի գոտու մասին լիարժեք համաձայնագրի կնքման հարցում:Համաձայնագրով նախատեսված է ԻԻՀ սակագնային պարտավորությունների նվազեցում մինչև գործող մաքսատուրքերի 75%-ի չափով: Համաձայնագրում ներառված ՀՀ-ի համար արտահանման հետաքրքրություն ունեցող հիմնական ապրանքներն են տավարի միսը (նախատեսվում է մաքսատուրքը 26-ից նվազեցնել 10 տոկոսի), հանքային և գազավորված ջրերը (նախատեսվում է մաքսատուրքը նվազեցնել 55-ից 14 տոկոսի), հանքային և գազավորված ջրերը, որոնք պարունակում են շաքարի կամ այլ քաղցրացնող կամ համաբուրավետիչ նյութեր (նախատեսվում է մաքսատուրքը նվազեցնել 55-ից 14 տոկոսի), ոչ ոգելից խմիչքները (նախատեսվում է մաքսատուրքը 55-ից նվազեցնել 14 տոկոսի), շոկոլադ և կակաո պարունակող սննդամթերքը (նախատեսվում է մաքսատուրքը նվազեցնել 55-ից 20 տոկոսի), հրուշակեղենը (նախատեսվում է մաքսատուրքը նվազեցնել 55-ից 20 տոկոսի), դեղամիջոցները (նախատեսվում է մաքսատուրքը նվազեցնել 25-ից 12.5 տոկոսի), կուտակիչները (նախատեսվում է մաքսատուրքը նվազեցնել 55-ից 38.5 տոկոսի) և տրիկոտաժե արտադրանքը (նախատեսվում է մաքսատուրքը նվազեցնել 55-ից 38.5 տոկոսի):
06:59 - 10 հունիսի, 2019
Գերմանիայի ԱԳ նախարարը այսօր ժամանում է Թեհրան |azatutyun.am|

Գերմանիայի ԱԳ նախարարը այսօր ժամանում է Թեհրան |azatutyun.am|

azatutyun.am: Եվրամիության առաջատար երկրի՝ Գերմանիայի արտգործնախարար Հեյկո Մաասը այսօր կժամանի Թեհրան՝ Իրանի միջուկային ծրագրի շուրջ 2015 թվականին կնքված գործարքը պահպանելու համար:Չորս տարի առաջ վեց գերտերությունների հետ ստորագրած այդ համաձայնագրով Իրանը պարտավորվել էր սառեցնել միջուկային փորձարկումները՝ Արևմուտքի տնտեսական պատժամիջոցները վերանայելու դիմաց: Անցած տարի, սակայն, Միացյալ Նահանգները միակողմանիորեն դուրս եկավ համաձայնագրից՝ վերականգնելով կոշտ պատժամիջոցները Իրանի նկատմամբ:Ի տարբերություն Վաշինգտոնի, եվրոպական դաշինքը, այդ թվում՝ համաձայնագրի տակ ստորագրած Գերմանիան, ձգտում են ուժի մեջ թողնել գործարքը:Թեհրան ժամանելուց առաջ Գերմանիայի արտգործնախարարը այցելել էր Հորդանան, Իրաք, ԱՄԷ և բոլոր կանգառներում ընդգծել՝ Իրանի հետ հնարավոր ռազմական բախումը լուրջ հետևանքներ կունենա ողջ տարածաշրջանի համար: «Մենք՝ եվրոպացիներս, վստահ ենք, որ պետք է ուժի մեջ թողնել Իրանի հետ ստորագրված միջուկային համաձայնագիրը և բանակցել, անգամ երբ տարաձայնությունները թվում են անհաղթահարելի», - ասել էր Հեյկո Մաասը:Իրանի արտգործնախարար Մոհամադ Ջավադ Զարիֆը երեկ հստակ ընդգծել է՝ Թեհրանը ոչ թե հայտարարություններ, այլ՝ կոնկրետ արդյունքներ է ակնկալում:Անցած ամիս արդեն Իրանը ժամանակավորապես սառեցրել է միջուկային համաձայնագրով ստանձնած պարտավորություններից երկուսը:
06:33 - 10 հունիսի, 2019
Իրանը վճռական հակահարված կհասցնի անհրաժեշտության դեպքում. Ռոուհանի |armenpress.am|

Իրանը վճռական հակահարված կհասցնի անհրաժեշտության դեպքում. Ռոուհանի |armenpress.am|

armenpress.am: Թեհրանը հակամարտության չի ձգտում այլ երկրների հետ, բայց վճռական պատասխան կտա անհրաժեշտության դեպքում: Այդ մասին Իրանի նախագահ Հասան Ռոուհանին հայտարարել Է Կատարի Էմիր Թամիմ բեն Հադամ ալ Թանիի հետ ունեցած հեռախոսազրույցի ընթացքում: «Իրանը ձգտում Է հասնել տարածաշրջանի անվտանգության ամրապնդման, նա ոչ մի ցանկություն չունի եւ հակված չԷ բախումների մեջ մտնել այլ երկրների կամ խոշոր ուժերի հետ: Բայց եթե նրանք խելամիտ չվարվեն, ապա, անկասկած, կբախվեն վճռական պատասխանի, որը նրանց կստիպի զղջալ»,-ասել Է Ռոուհանին, որի խոսքը մեջբերված Է նրա պաշտոնական կայքում: Խոսակցության ընթացքում Իրանի նախագահը եւ Կատարի Էմիրը նաեւ քննարկել են Մերձավոր Արեւելքի խնդիրները. Ռոուհանին հայտարարել Է, որ դրանք չի կարելի լուծել ռազմական ճանապարհով, իսկ Կատարի Էմիրը երկխոսությունը համարել Է հարցերի լուծման միակ հնարավոր ուղին, հաղորդել Է ՌԻԱ Նովոստին:
12:37 - 05 հունիսի, 2019