Իլհամ Ալիև

Ղարաբաղը Ադրբեջան է և բացականչական նշան․ Ալիևը՝ Սոչիում |civilnet.am|

civilnet.am։ «Ղարաբաղը Ադրբեջան է և բացականչական նշան»․ հոկտեմբերի 3-ին Սոչիում «Վալդայ» միջազգային ակումբի հերթական նիստի շրջանակում իր ելույթում հայտարարել է Ադրբեջանի նախագահ Իլհամ Ալիևը։ Ինչպես բոլոր միջազգային հարթակներում, այնպես էլ երեկվա ելույթում Ադրբեջանի ղեկավարը խոսել է ղարաբաղյան հակամարտության կարգավորման վերաբերյալ ՄԱԿ-ի չորս բանաձևերից, որոնք «չեն կատարվում»։ Նա անդրադարձել է ՀՀ վարչապետ Նիկոլ Փաշինյանի՝ Ստեփանակերտում արած հայտարարությանը, թե «Արցախը Հայաստան է և վերջ»։ «Ղարաբաղը պատմականորեն ադրբեջանական տարածք է։ Այնպես որ՝ Ղարաբաղը Ադրբեջան է և բացականչական նշան»,- ասել է Ալիևը։ Շարունակությունը՝ civilnet.am-ում

06:49 - 04 հոկտեմբերի, 2019

Իլհամ Ալիևը հանդիպում է ունեցել ՀԱՊԿ ապագա գլխավոր քարտուղար Ստանիսլավ Զասի հետ |tert.am|

tert.am։ Ադրբեջանի նախագահ Իլհամ Ալիևն այսօր ընդունել է Հավաքական անվտանգության պայմանագրի կազմակերպության ապագա գլխավոր քարտուղար, Բելառուսի Անվտանգության խորհրդի պետքարտուղար Ստանիսլավ Զասին, գրում են տեղական լրատվամիջոցները: Հիշեցնենք, որ Ստանիսլավ Զասը 2020 թ. հունվարի 1-ից կստանձնի ՀԱՊԿ գլխավոր քարտուղարի պաշտոնը:Ավելի վաղ՝ մայիսին հաղորդվել էր, որ վարչապետ Նիկոլ Փաշինյանն ընդունել է Հավաքական անվտանգության պայմանագրի կազմակերպության գլխավոր քարտուղարի թեկնածու Ստանիսլավ Զասին: Հանդիպմանը ներկա էր գտնվել նաև Հայաստանում Բելառուսի արտակարգ և լիազոր դեսպան Իգոր Նազարուկը: Վարչապետը ողջունել էր հյուրերին ՀՀ կառավարությունում և կարևորել ՀԱՊԿ գլխավոր քարտուղարի թեկնածության հարցում կազմակերպության անդամ երկրների միջև համաձայնության գալու փաստը:«Ուրախալի է, որ համաձայնության եկանք, որ 2020 թ. հունվարի 1-ից ռոտացիոն սկզբունքով Դուք կստանձնեք ՀԱՊԿ գլխավոր քարտուղարի պաշտոնը: ՀԱՊԿ-ն հանդիսանում է ՀՀ անվտանգության համակարգի կարևորագույն տարրերից մեկը, և Հայաստանը շահագրգռված է այդ կառույցի արդյունավետ աշխատանքում: ՀԱՊԿ գործունեությունը մեր տարածաշրջանում պետք է նպաստի հավասարակշռության և խաղաղության պահպանմանը», - նշել էր Նիկոլ Փաշինյանը:

10:25 - 18 սեպտեմբերի, 2019

Ալիևը Բաքվում ընդունել է ՌԴ Անվտանգության խորհրդի քարտուղարին |azatutyun.am|

azatutyun.am։ Ադրբեջանի նախագահ Իլհամ Ալիևը Բաքվում ընդունել է Ռուսաստանի Անվտանգության խորհրդի քարտուղար Նիկոլայ Պատրուշևին:ՌԴ Անվտանգության խորհրդի մամուլի ծառայությունը հաղորդում է, որ հանդիպմանը քննարկվել են ռուս-ադրբեջանական փոխգործակցության, անվտանգության, տնտեսական համագործակցության, մշակութային և հումանիտար կապերի զարգացման, ՄԱԿ-ում, ԵԱՀԿ-ում և միջազգային այլ կազմակերպություններում համագործակցության հարցեր:

11:11 - 04 սեպտեմբերի, 2019

Հայաստանի հետ պատերազմը չի ավարտվել․ Ալիև |panarmenian.net|

panarmenian.net։ Ադրբեջանի նախագահ Իլհամ Ալիևը հայտարարել է, որ Հայաստանի հետ պատերազմն ավարտված չէ, ուստի Ադրբեջանը պետք է հզորացնի իր զինուժը:«Մենք ապրում ենք պատերազմի պայմաններում: Այն դեռ չի ավարտվել և մենք ամեն վայրկյան պետք է պատրաստ լինենք ազատելու գրավյալ տարածքները: Վստահ եմ, որ այդ օրը կգա և Ադրբեջանը կվերականգնի իր տարածքային ամբողջականությունը»,-ասել է Ադրբեջանի նախագահը Նախիջևանում, հայտնում է Interfax.az-ը:Նա նշել է, որ Ադրբեջանի հնարավորություններն ավելանում են, բարելավվում է ֆինանսական վիճակը, գնվում է զենք, ռազմատեխնիկա և զինամթրեք:

09:11 - 27 հունիսի, 2019

Ալիևն ու ԵԱՀԿ ՄԽ համանախագահները քննարկել են ԼՂ բանակցային հեռանկարները |panarmenian.net|

panarmenian.net։ Ադրբեջանի նախագահ Իլհամ Ալիևը Բաքվում ընդունել է ԵԱՀԿ Մինսկի խմբի համանախագահներ Իգոր Պոպովին (ՌԴ), Ստեֆան Վիսկոնտիին (Ֆրանսիա), Էնդրյու Շոֆերին (ԱՄՆ):Հանդիպմանը մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը, հայտնում է Interfax.az-ը:Հանդիպմանը քննարկվել են ղարաբաղյան հակամարտության կարգավորման ընթացիկ վիճակն ու բանակցությունների հեռանկարները:

08:53 - 30 մայիսի, 2019

Ալիևը մահմեդական երկրների դեսպանների հետ հանդիպմանը կոչ է արել խստացնել Հայաստանի նկատմամբ ճնշումները |azatutyun.am|

azatutyun.am: Ադրբեջանի նախագահ Իլհամ Ալիևը Բաքվում՝ մահմեդական երկրների դեսպանների հետ հանդիպմանը, կոչ է արել խստացնել Հայաստանի նկատմամբ ճնշումները՝ «ղարաբաղյան հակամարտության կարգավորման և ադրբեջանական օկուպացված տարածքներն ազատագրելու համար», փոխանցում է «Ինտերֆաքս» լրատվական գործակալությունը։«Օկուպանտի նկատմամբ չի գործադրվում համարժեք ճնշում՝ ադրբեջանական գրավյալ տարածքները ազատագրելու հարցով: Հակամարտությունը կկարգավորվի միայն Ադրբեջանի տարածքային ամբողջականության շրջանակներում»,-ըստ «Ինտերֆաքս»-ի հայտարարել է Ալիևը:

11:00 - 17 մայիսի, 2019

Բաքուն հավանություն չի տվել Արևելյան Գործընկերության հռչակագրին. |panarmenian.am|

panarmenian.net: Մայիսի 14-ին Բրյուսելում կայանալու է «Արևելյան գործընկերության» անդամ երկրների ղեկավարների մասնակցությամբ բարձր մակարդակի խորհրդաժողովը, որին մասնակցելու են Ուկրաինայի, Վրաստանի և Մոլդովայի ղեկավարներն ու ՀՀ, Ադրբեջանի և Բելառուսի ԱԳ նախարարները:Եվրամիությունը հանդիպմանն ընդառաջ հանդիսավոր հռչակագիր էր պատրաստել կոնֆերանսի մասնակիցների համար, սակայն Բաքուն հրաժարվել է հավանություն տալ դրան՝ պահանջելով ընդգրկել Ադրբեջանի տարածքային ամբողջականության մասին կետը: Այսինքն, Ադրբեջանն ակնկալում էր, որ «բոլոր անդամ երկրները փաստացի սատարեն ադրբեջանական կողմին Լեռնային Ղարաբաղի հակամարտության հարցում»,-գրում է ՏԱՍՍ-ը:Ուստի՝ կոնֆերանսի ավարտին հանդիպումը նախագահող Եվրամիությունն ուղղակի եզրափակիչ հայտարարություն կտարածի:

06:54 - 14 մայիսի, 2019

ՀՀ-ն «գրավել է մեր պատմական հողերը՝ ԼՂ-ն ու Ադրբեջանի ևս 7 շրջան»․ Իլհամ Ալիև

Ադրբեջանի նախագահ Իլհամ Ալիևը հայտարարել է, որ բացակայաում է ՄԱԿ ԱԽ բանաձևերի իրականացման մեխանիզմ, այդ թվում ղարաբաղյան հակամարտությանն առնչվող: Նա հայտարարել է,թե ԱՄԿ ԱԽ բանաձևերը թղթի վրա են մնացել: «Հայաստանը շարունակում է օկուպացնել մեր պատամական հողերը՝ Լեռնային Ղարաբաղն ու Ադրբեջանի ևս 7 շրջան»,-ասել է նա Բաքվում ընթացող Միջմշակութային երկխոսության համաշխարհային համաժողովում, հայտնում է Interfax.az-ը:

06:46 - 03 մայիսի, 2019

Պատերազմը դեռ չի ավարտվել, ավարտվել է առաջին փուլը. Իլհամ Ալիև |aysor.am|

aysor.am։ Ադրբեջանի դիրքորոշման փոփոխություն ղարաբաղյան հակամարտության կարգավորման հարցում չի եղել, հայտարարել է Ադրբեջանի նախագահ Իլհամ Ալիևը: «Այս հակամարտությունը պետք է գտնի իր լուծումը Ադրբեջանի տարածքային ամբողջականության շրջանակներում: Բանակցությունների նպատակն ադրբեջանական տարածքների ազատագրումն է», - ասել է Ի.Ալիևը՝ Ադրբեջանի պաշտպանության նախարարության հատուկ նշանակության ուժերի զորամաս այցի ժամանակ, հայտնում է «Интерфакс»-ը: Նրա խոսքով՝ Հայաստանի հետ հակամարտությունը դեռ չի ավարտվել: «Մենք ապրում ենք պատերազմի պայմաններում: Պատերազմը դեռ չի ավարտվել: Առաջին փուլն է ավարտված», - ասել է Ի.Ալիևը: Նա նաև հայտարարել է, որ Վիեննայում Հայաստանի վարչապետ Նիկոլ Փաշինյանի հետ հանդիպումը կարևոր էր «այդ թվում`բանակցությունների գոյություն ունեցող ձևաչափի հաստատման տեսանկյունից»: «Սա հակամարտություն է Հայաստանի և Ադրբեջանի միջև: Բանակցությունները պետք է անցկացվեն և անցկացվում են Հայաստանի և Ադրբեջանի միջև», - ասել է Ադրբեջանի նախագահը:

10:27 - 02 ապրիլի, 2019

Ղարաբաղյան հակամարտության կարգավորման բանակցությունների ձևաչափը պետք է մնա անփոփոխ. Ալիև

Ադրբեջանի նախագահ Իլհամ Ալիևը հայտարարել է ղարաբաղյան հակամարտության կարգավորման բանակցային ձևաչափի փոփոխման անընդունելի լինելու մասին: «Հայկական կողմը հարցեր է բարձրացրել բանակցությունների ձևաչափի փոփոխման մասին: Սակայն, Ադրբեջանը, բնականաբար, չի կարող դա ընդունել: Միևնույն ժամանակ, Մինսկի խմբի համանախագահ երկրների դեսպանները`հանդես գալով լուրջ հայտարարությամբ՝ նշել են, որ ձևաչափը պետք է մնա անփոփոխ: Նման հայտարարություններ են արել Եվրամիության բարձրաստիճան պաշտոնյաները: Այսինքն, դա լուրջ ազդանշան է Հայաստանի համար, ինչպես նաև վկայում է, որ Ադրբեջանի դիրքորոշումը ավելի մեծ աջակցություն է ստանում», - ասվում է Նովրուզի առթիվ քաղաքացիներին ուղղված Ադրբեջանի նախագահի շնորհավորական ուղերձում: Նա նշել է, որ հակամարտության կարգավորման հարցում Ադրբեջանի դիրքորոշումը մնում է անփոփոխ: «Այս հակամարտությունը պետք է լուծվի միայն մեր երկրի տարածքային ամբողջականության շրջանակներում», - ասել է նա: aysor.am

07:43 - 20 մարտի, 2019

ԼՂ հակամարտության կարգավորման բանակցային ձևաչափը փոխելը անընդունելի է․ Իլհամ Ալիև |tert.am|

Ադրբեջանի նախագահ Իլհամ Ալիևը, մեկնաբանելով ՀՀ կառավարության՝ արցախյան հակամարտության կարգավորման բանակցային ձևաչափի փոփոխմանն ուղղված փորձերը, նշել է, որ դա «անընդունելի» է, գրում է minval.az-ը: «Հայաստանի կառավարությունը փորձում է փոխել բանակցային ձևաչափը: Դա անընդունելի է ու հակամարտության կարգավորման գործընթացի արգելափակման փորձ»,- Բաքվում միջազգային համաժողովի շրջանակում ելույթի ժամանակ հայտարարել է նա: Ալիևն իր խոսքում հիշեցրել է, որ Եվրոպական միության բարձրաստիճան պաշտոնյաները, ինչպես նաև ԵԱՀԿ Մինսկի խմբի համանախագահները «ևս դեմ են հանդես եկել ձևաչափի փոփոխմանը»: «Բանակցությունները պետք է արդյունավետ, այլ ոչ թե լինելու համար լինեն»,-ասել է Ալիևը: Անդրադառնալով ստատուս-քվոյին՝ Ադրբեջանի ղեկավարը նշել է, որ դա «անընդունելի» է և որ ստատուս-քվոն պետք է փոխվի: tert.am

09:13 - 14 մարտի, 2019

Ալիևը դրական է գնահատել ԵԱՀԿ Մինսկի խմբի վերջին հայտարարությունը |Tert.am|

Ադրբեջանի նախագահ Իլհամ Ալիևն ընդունել է Բաքվում ԱՄՆ նորանշանակ դեսպան Էռլ Լիթցենբերգերի հավատարմագրերը և քննարկել Արցախի հակամարտության կարգավորման ուղիները, գրում է minval.az կայքը: Ինչպես նշում է կայքը, Ալիևը Լիթցենբերգերի ուշադրությունը հրավիրել է Ադրբեջանի դիրքորոշմանը, որը հիմնված է «միջազգային իրավունքի նորմերի և սկզբունքների և հակամարտության արդար լուծման» վրա: Նա նշել է, որ ԵԱՀԿ Մինսկի խմբի համանախագահների վերջին հայտարարությունը, ինչպես նաև բանակցային գործընթացի ձևաչափի վերաբերյալ նրանց դիրքորոշումը դրականորեն են ընդունվել Ադրբեջանում: Խոսքը համանախագահների այն հայտարարության մասին է, որ հակամարտության ազատ և տևական կարգավորումը պետք է հիմնված լինի Հելսինկիի եզրափակիչ ակտի սկզբունքների վրա, ինչը ներառում է ուժի չկիրառում կամ դրա հետ կապված սպառնալիք, տարածքային ամբողջականություն, ժողովուրդների համար հավասար իրավունքներ և ինքնորոշում: Զրուցակիցները փոխանակվել են ադրբեջանա-ամերիկյան հարաբերությունների զարգացման հեռանկարների շուրջ կարծիքներով: tert.am

12:35 - 12 մարտի, 2019