Գազպրոմ Արմենիա

«Գազպրոմ Արմենիա» (նախկին անվանում՝ «ՀայՌուսգազարդ»), ռուսական փակ բաժնետիրական ընկերություն է, որը զբաղվում է ՀՀ-ում գազի մատակարարմամբ և իրացմամբ։ Ստեղծվել է ՀՀ էներգետիկայի նախարարության, ԲԲԸ «Գազպրոմ»-ի, «ԻՏԵՌԱ» Միջազգային էներգետիկ ՍՊԸ-ի կողմից՝ 1997 թվականին։

Ընկերությունն ունի տարածքային սկզբունքով կազմակերպված 15 գազիֆիկացման և գազամատակարարման մասնաճյուղ (ԳԳՄ), «Ինժեներական կենտրոն» մասնաճյուղ, 5 դուստր ընկերություն, ինչպես նաև «Հրազդան-5» և «Ուսումնա-սպորտային համալիր» հիմնարկները:

Կենտրոն վարչական շրջանի մի հատվածի գազամատակարարումը կդադարեցվի

Վերատեղադրված գազատարը գործող գազատարի հետ ներմիացման աշխատանքներ իրականացնելու նպատակով ապրիլի 14-ին ժամը 09:00-19:00-ն կդադարեցվի Երևան քաղաքի Կենտրոն վարչական շրջանի Սարյան, Ֆրիկի, Կոնդի, Սիմեոն Երևանցու (Չկալովի) փողոցներով պարփակված թաղամասի գազասպառողների և հարակից տարբեր նշանակության հանրային օբյեկտների գազամատակարարումը: Այս մասին հայտնում են «Գազպրոմ Արմենիա» ՓԲԸ-ից՝ խնդրելով պահպանել անվտանգության կանոնները:

10:22 - 13 ապրիլի, 2022

ՀՀ գազի մուտքը ժամանակավորապես ընդհատվել է. գազամատակարարումը կիրականացվի պահեստավորված գազի հաշվին

«Գազպրոմ Արմենիա» ՓԲԸ-ն տեղեկացնում է, որ Կարմիր կամուրջ-Սևքար-Բերդ մայրուղային գազատարի վրա վերականգնողական աշխատանքներ իրականացնելու նպատակով ապրիլի 12-ին՝ ժամը 10։00-ից մինչև ապրիլի 13-ը՝ ժամը 19։00-ը, դեպի Հայաստանի Հանրապետություն բնական գազի մուտքը կընդհատվի։ Նշված ժամանակահատվածում հանրապետության սպառողների գազամատակարարումը կիրականացվի առանց սահմանափակումների՝ Աբովյանի գազի ստորգետնյա պահեստավորման կայանում (ԳՍՊԿ) պահեստավորված բնական գազի հաշվին:

11:46 - 12 ապրիլի, 2022

Ապրիլի 4-ին հինգ ժամ գազ չի լինի Նուբարաշեն վարչական շրջանի մի շարք հասցեներում

Պլանային վերանորոգման աշխատանքներ իրականացնելու նպատակով ապրիլի 4-ի ժամը 10:00-ից մինչև ժամը 15:00-ը կդադարեցվի Երևան քաղաքի Նուբարաշեն վարչական շրջանի, Նուբարաշեն 11 փողոցի թիվ 14 բազմաբնակարան շենքի 1-ին, 2-րդ, 3-րդ, 4-րդ մուտքերի գազասպառողների գազամատակարարումը: Այս մասին տեղեկացնում են «Գազպրոմ Արմենիա» ընկերությունից։ «Հայցում ենք գազասպառողների ներողամտությունը և խնդրում ենք պահպանել անվտանգության կանոնները: Լրացուցիչ տեղեկություններ ստանալու նպատակով կարող եք զանգահարել 1-04 հեռախոսահամարով»,- ասվում է հաղորդագրության մեջ:

12:26 - 03 ապրիլի, 2022

Գորիս-Կապան-Քաջարան մայրուղային գազատարի վնասված հատվածի վթարավերականգնման աշխատանքներն ավարտվել են

Գորիս-Կապան-Քաջարան մայրուղային գազատարի վնասված հատվածի վթարավերականգնման աշխատանքներն ավարտվել են: Այս մասին հայտնում են «Գազպրոմ Արմենիա» ՓԲԸ-ից։ Ապրիլի 2-ին ճանապարհաշինարարական աշխատանքների ընթացքում վնասված Գորիս-Կապան-Քաջարան մայրուղային գազատարի հատվածի վթարավերականգնման աշխատանքներն ավարտվել են ապրիլի 3-ին։ Իրականացվում են գազաթողարկման աշխատանքներ։

11:36 - 03 ապրիլի, 2022

Վնասվել է Գորիս-Կապան-Քաջարան մայրուղային գազատարը. դադարեցվել է Գորիսի, Կապանի և Արցախի գազմանատակարարումը

«Գազպրոմ Արմենիա» ՓԲԸ-ն տեղեկացնում է, որ ս․թ․ ապրիլի 2-ին ճանապարհաշինարարական աշխատանքների ընթացքում վնասվել է Գորիս-Կապան-Քաջարան մայրուղային գազատարը՝ 13,5 կմ հատվածում։ Վթարավերականգնման աշխատանքներ իրականացնելու նպատակով ժամը 11։10-ից դադարեցվել է Սյունիքի մարզի Գորիս, Կապան քաղաքների, Գորիսի և Կապանի տարածաշրջանների բնակավայերի, ինչպես նաև Արցախի Հանրապետության գազամատակարարումը: «Վթարավերականգնման աշխատանքների ավարտի ժամկետի մասին լրացուցիչ կտեղեկացվի»,- ասված է հաղորդագրությունում:

13:38 - 02 ապրիլի, 2022

Երևանի Մալաթիա–Սեբաստիա վարչական շրջանի որոշ հատվածներում գազամատակարարումը դադարեցվել է․ «Գազպրոմ Արմենիա»

«Գազպրոմ Արմենիա» ՓԲԸ-ն տեղեկացնում է, որ վթարավերականգնման աշխատանքներ իրականացնելու նպատակով մարտի 19-ին ժամը 17։45-ից դադարեցվել է Երևան քաղաքի Մալաթիա-Սեբաստիա վարչական շրջանի Հաղթանակ թաղամասի 18-րդ փողոցի 2-րդ, 3-րդ, 4-րդ նրբանցքների, 3-րդ փողոցի մի հատվածի (վերջնամաս), 5-րդ փողոցի մի հատվածի (վերջնամաս) գազասպառողների գազամատակարարումը:

20:23 - 19 մարտի, 2022

Ժամանակավորապես կդադարեցվի Քանաքեռ-Զեյթուն վարչական շրջանի մի շարք հասցեների գազամատակարարումը

«Գազպրոմ Արմենիա» ՓԲԸ-ն տեղեկացնում է, որ ներմիացման աշխատանքներ իրականացնելու նպատակով մարտի 17-ին ժամը 10:00-ից մինչև ժամը 17:00-ն կդադարեցվի Երևան քաղաքի Քանաքեռ-Զեյթուն վարչական շրջանի Ներսիսյան փողոցի թիվ 1, 2, 4, 6, 6ա, 8, 10, 14/1, Դ.Անհաղթ փողոցի թիվ 3, 5, 7, 9, Ազատության պողոտայի թիվ 16, 20 բազմաբնակարան շենքերի, Վ.Վահյան փողոցի առանձնատների գազասպառողների և հարակից տարբեր նշանակության հանրային օբյեկտների գազամատակարարումը: Հայցում ենք գազասպառողների ներողամտությունը և խնդրում ենք պահպանել անվտանգության կանոնները: Լրացուցիչ տեղեկություններ ստանալու նպատակով կարող եք զանգահարել 1-04 հեռախոսահամարով:

11:40 - 16 մարտի, 2022

Ապրիլի 1-ից գազը կթանկանա․ ՀԾԿՀ-ն որոշումն ընդունեց

12:46 - 01 մարտի, 2022

Ժամանակավորապես դադարեցվել է Լոռու և Արագածոտնի մարզերի մի շարք բնակավայրերի գազամատակարարումը

Վթարավերականգնման աշխատանքներ իրականացնելու նպատակով փետրվարի 13-ի ժամը 09։00-ից մինչև ժամը 18:00-ն դադարեցվել է Լոռու մարզի Սպիտակ քաղաքի «Շվեյցարական» և «Ուզբեկական» թաղամասերի, Ջրաշեն, Սարամեջ, Լեռնավան գյուղերի գազասպառողների, «Մերուժան Ալեն» ՍՊԸ-ի ԱԳԼՃԿ-ի, Արագածոտնի մարզի Ապարան քաղաքի, Նիգավան, Մուլքի, Վարդենիս, Չքնազ, Քուչակ, Ծաղկաշեն, Արագած, Վարդենուտ, Արայի, Ափնա, Լուսագյուղ, Սարալանջ, Հարթավան, Երնջատապ, Նորաշեն, Լեռնավան, Ծաղկահովիտ, Սադունց, Կանիաշիր, Վարդաբլուր, Ալագյազ, Ռիա Թազա, Ջամշլու, Ավշեն, Սիփան, Գեղարոտ, Ծիլքար, Լեռնապար գյուղերի գազասպառողների, տարածաշրջանում գործող ԱԳԼՃԿ-ների և տարբեր նշանակության հանրային օբյեկտների գազամատակարարումը: Այս մասին տեղեկացրին «Գազպրոմ Արմենիա» ընկերությունից։

12:10 - 13 փետրվարի, 2022

Այսօրվանից ՀՀ քաղաքացիները մեկ կիլովատ էլեկտրաէներգիայի համար միջինում 4.7 դրամ ավելի շատ կվճարեն |azatutyun.am|

azatutyun.am: Այսօրվանից Հայաստանի քաղաքացիները մեկ կիլովատ էլեկտրաէներգիայի համար միջինում 4.7 դրամ ավելի շատ կվճարեն։ Ուժի մեջ է մտնում Հանրային ծառայություննեը կարգավորող (ՀԾԿՀ) հանձանժողովի դեռ տարեվեջին ընդունած թանկացման որոշումը։ Արդեն նախկին ցերեկային 45 ու գիշերային 35 դրամ սակագները, կախված սպառած էլեկտաէներգիայի չափից, ավելանում են 1.5-ից 5.5 դրամով։ Այսպես՝ ամսական մինչև 200 կիլովատ սպառող բնակիչների հոսանքը թանկանում է 1.5 դրամով, 201-ից 400 կիլովատ ծախսողների համար՝ 3.5, ավելի շատ օգտագործողների, այսինքն, հիմնականում բիզնեսի համար՝ 5.5 դրամով։ Հոսանքը չի թանկանում անապահով խավերի համար։ Շարունակությունը՝ azatutyun.am-ում

10:25 - 01 փետրվարի, 2022

Գազի միասնական գնի շուրջ կոնսենսուս կա, բայց գազի մատակարարման սակագների շուրջ բանավեճեր, քննարկումներն ընթանում են․ Մհեր Գրիգորյան |tert.am|

tert.am: Գազի սակագինն անապահովների համար չի բարձրանալու։ Այս մասին Եռաբլուրում լրագրողների հետ զրույցում ասաց ՀՀ փոխվարչապետ Մհեր Գրիգորյանը՝ անդրադառնալով գազի գնին։ «Սահմանին գազի գինը չի փոփոխվելու 2022 թվականի համար, բայց մենք ունենք մի իրավիճակ, որ դեռևս 2013 թվականի կնքված պայմանագրով կար բանաձև, որի կիրարկումը սկվսում է 2022 թվականին»,–ասաց նա։ Ինչ վերաբերում է հարցին, թե բիզնեսի, արտադրողների համար ինչ հետևանքներ կունենա գազի գնի բարձրացումը, նա պատասխանեց․ «Կան երկրներ, որտեղ գազի գինը բարձրացել է անհամեմատելի շատ, քան պոտենցիալ կարող է բարձրանալ Հայաստանում, և այդ իմաստով չեմ կարծում, որ դա մրցակցային շոկային ազդեցություն կունենա մեր այն բիզնեսների համար, որոնք շատ են սպառում գազ կամ էլէկտրաէներգիա։ Գազի միասնական գնի շուրջ, ըստ էության, կոնսեսուս կա, և բարդ չի լինելու այդ կոնսեսուսին գալ, բայց գազի, տրանսպորտի, այսինքն` մատակարարման սակագների շուրջ բանավեճեր, քննարկումներ ընթանում են, և հույս ունեմ՝ ԵԱՏՄ տարածքում միասնականություն կլինի այդ հարցի շուրջ»։ Անդրադառնալով փոխվարչապետի հանձնաժողովի աշխատանքներին՝ նա հայտնեց, որ երկաթգծի մասով կա փոխըմբռնում, ինչը պոզիտիվ առաջընթաց է համարում։

11:00 - 28 հունվարի, 2022

Երևանի մի շարք փողոցներում գազամատակարարումը դադարեցվել է

«Գազպրոմ Արմենիա» ՓԲԸ-ն տեղեկացնում է, որ վթարավերականգնման աշխատանքներ իրականացնելու նպատակով հունվարի 24-ին ժամը 01:30-ից դադարեցվել է Երևան քաղաքի Սարյան, Մոսկովյան, Դեմիրճյան,Ալիխանյան, Զառուբյան, Անտառային, Սարմենի, Ջրաշատ, Կապուտիկյան, Լեռ Կամսար, Սոսեի, Գ.Հարությունյան, Պռոշյան փողոցների, Արամի նրբանցքի, Ֆրիկի փողոցի թիվ 10 բազմաբնակարան շենքի, Բաղրամյան պողոտայի թիվ 1-ից թիվ 23 և թիվ 2-ից թիվ 50 բազմաբնակարան շենքերի, Վաղարշյան փողոցի թիվ 2,4 բազմաբնակարան շենքերի, Թամանյան փողոցի թիվ 1,3 բազմաբնակարան շենքերի, «Կոզեռն» թաղամասի, հարակից տարբեր նշանակության հանրային օբյեկտների և հաստատությունների գազասպառողների գազամատակարարումը: Այս մասին հայտնում են «Գազպրոմ Արմենիագազ» ՓԲԸ Հասարակայնության և ԶԼՄ-ներիի հետ կապերի ծառայությունից։

09:46 - 24 հունվարի, 2022

Տիչինայի փողոցում պայթյունը տեղի է ունեցել ստորգետնյա գազատարից արտահոսքի պատճառով․ «Գազպրոմ Արմենիա» ընկերություն

«Գազպրոմ Արմենիա» ընկերությունը պարզաբանմամբ է հանդես եկել այսօր Երևանի Տիչինայի փողոցում տեղի ունեցած պայթյունի վերաբերյալ։ Պարզաբանման մեջ ասվում է․«Գազպրոմ Արմենիա» ՓԲԸ-ն տեղեկացնում է, որ հունվարի 23-ին Երևան քաղաքի Մալաթիա-Սեբաստիա վարչական շրջանի Տիչինայի փողոցով անցնող ստորգետնյա միջին ճնշման գազատարից տեղի է ունեցել արտահոսք, որի արդյունքում հարակից առանձնատներում առաջացել է գազաօդային պայթյունավտանգ խառնուրդի կուտակում և տեղի է ունեցել պայթյուն։ Նշված գազատարով դադարեցվել է գազամատակարարումը՝ արտահոսքի տեղը հայտնաբերելու և հետագա վթարավերականգնման աշխատանքներն իրականացնելու նպատակով։ Ներկայում հողային աշխատանքներն ավարտվել են, կատարվում է ուսումնասիրություն արտահոսքի հստակ տեղի հայտնաբերման և վթարավերականգնման աշխատանքների համար, որից հետո «Անվտանգության կանոնները գազի տնտեսությունում» տեխնիկական կանոնակարգի պահանջներին համապատասխան և համաձայն Գազի մատակարարման և օգտագործման կանոնների փուլային տարբերակով կվերականգնվի գազասպառողների գազամատակարարումը»։

16:31 - 23 հունվարի, 2022

Ժամանակավորապես դադարեցվել է Համբարձումյան և Ավետիսյան փողոցների մի շարք հասցեների գազամատակարարումը

«Գազպրոմ Արմենիա» ՓԲԸ-ն տեղեկացնում է, որ հունվարի 18-ին ավտոմեքենայի հարվածից վնասվել է Արաբկիր վարչական շրջանի Համբարձումյան փողոցով անցնող վերգետնյա գազատարը։ Վթարավերականգնման աշխատանքներ իրականացնելու նպատակով ժամը 17։20-ից դադարեցվել է Համբարձումյան փողոցի թիվ 97, 97/3, 12/5, 14, 111/3 բազմաբնակարան շենքերի և հարակից առանձնատների, Ավետիսյան փողոցի թիվ 74, 76, 78, 80, 112 բազմաբնակարան շենքերի և հարակից առանձնատների գազասպառողների գազամատակարարումը։Լրացուցիչ տեղեկություններ ստանալու նպատակով կարող եք զանգահարել 1-04 հեռախոսահամարով։

20:53 - 18 հունվարի, 2022

«Գազպրոմ Արմենիա»-ն ՀԾԿՀ է ներկայացրել սպառողներին վաճառվող բնական գազի սակագների վերանայման հայտ

Հունվարի 13-ին «Գազպրոմ Արմենիա» ՓԲԸ-ն ՀՀ հանրային ծառայությունները կարգավորող հանձնաժողով է ներկայացրել սպառողներին վաճառվող բնական գազի սակագների վերանայման հայտ, որը սահմանված կարգով կընդունվի ուսումնասիրության, կիրականացվի համապատասխան հաշվարկներ և դրանք մինչև հանձնաժողովի նիստի քննարկմանը ներկայացնելը կքննարկվի շահագրգիռ կողմերի, այդ թվում՝ սպառողների շահերը պաշտպանող ՀԿ-ների հետ: Այս մասին հաղորդագրություն է տարածել ՀՀ հանրային ծառայությունները կարգավորող հանձնաժողովը: «Հաշվի առնելով մամուլում շահարկվող հրապարակումներն՝ առ այն, որ «սոցիալապես անապահով ընտանիքների և որոշ այլ խմբերի համար կտրուկ թանկանալու է գազի սակագինը», Հանձնաժողովը հայտնում է, որ նշված առաջարկը «Գազպրոմ Արմենիա» ՓԲԸ-ի կողմից հայտով ներկայացված մոտեցումն է: Մասնավորապես, ընկերությունն առաջարկել է բոլոր սպառողների համար սահմանել միասնական 282.6 ԱՄՆ դոլար/հազ. խմ կամ 135648.85 դրամ/հազ. Խմ սակագին՝ բնական գազի 8500 կկալ/խմ ստորին ջերմատվության պայմաններում: Ընկերության առաջարկությամբ միջին կշռված սակագնի աճը գործողի (266.71 ԱՄՆ դոլար/հազ. խմ կամ 128020.7 դրամ/հազ. խմ) նկատմամբ հաշվարկվել է 6%, որը ենթակա է ճշգրտման բնական գազի փաստացի ջերմատվությունից կախված: Հարկ է նշել, որ գազամատակարարման համակարգում սակագների վերանայման և սահմանման գործառույթը Հանձնաժողովի իրավասության տիրույթում է, ուստի սակագնային քաղաքականությունը իրականացնում է Հանձնաժողովը: Հետևաբար, բնական գազի համար սահմանվող սպառողական խմբերի ընտրությունը և հաստատումը կիրականացվի հայտն ուսումնասիրության ընդունելուց հետո՝ սահմանված ժամկետներում և շահագրգիռ կողմերի հետ դրանք քննարկելուց հետո՝ հաշվի առնելով նաև ՀՀ կառավարության կողմից տնտեսության առանձին ճյուղերին (սպառողական խմբերին) աջակցություն տրամադրելու վերաբերյալ առաջարկությունները»,-նշված է հաղորդագրության մեջ:

17:41 - 14 հունվարի, 2022

Գազի վերջնական սակագնի վերաբերյալ ՀԾԿՀ առաջիկա նիստերի ընթացքում բաց քննարկումներ կլինեն

Այս տարվա համար սահմանին գազի գնի հարցը կարգավորված է «Գազպրոմ Արմենիա» ՓԲԸ և «Գազպրոմ Էքսպորտ» ՍՊԸ միջև դեռևս 2013թ. կնքված պայմանագրին կից լրացուցիչ համաձայնագրով, ըստ որի սահմանին գազի գինը 2022թ. համար պահպանվում է: Այս մասին հաղորդագրություն է տարածել ՀՀ տարածքային կառավարման և ենթակառուցվածքների նախարարությունը: Հաղորդագրության մեջ, մասնավորապես, նշված է. «Լրատվամիջոցներում տեղ են գտել մի շարք իրարամերժ և անհիմն հրապարակումներ իբրև «գաղտնի կնքված հերթական գազային համաձայնագրի» վերաբերյալ։ Մանիպուլյատիվ մեկնաբանությունները և ապատեղեկատվության տարածումը կանխելու նպատակով կրկին տեղեկացնում ենք. 1.2022թ. համար սահմանին գազի գնի հարցը կարգավորված է «Գազպրոմ Արմենիա» ՓԲԸ և «Գազպրոմ Էքսպորտ» ՍՊԸ միջև դեռևս 2013թ. կնքված պայմանագրին կից լրացուցիչ համաձայնագրով, ըստ որի սահմանին գազի գինը 2022թ. համար պահպանվում է: Նշված լրացուցիչ համաձայնագիրը կնքվել է 2021թ. հոկտեմբերի 29-ին: Դեռևս 2013թ. կնքված պայմանագրով, որը հրապարակային փաստաթուղթ է, կողմերի միջև համաձայնեցված և հաստատված է եղել փաստացի կալորիականությամբ գազի գնի մեծության ճշգրտման բանաձևը, որը կիրառվելու է 2022 թվականի ապրիլի 1-ից: 2.Միևնույն ժամանակ, ՀՀ կառավարությունը 2021թ. դեկտեմբերի 23-ի նիստում հավանության է արժանացրել ՀՀ կառավարության և ՌԴ կառավարության միջև «ՀայՌուսգազարդ» փակ բաժնետիրական ընկերության բաժնետոմսերի առուվաճառքի և հետագա գործունեության պայմանների մասին 2013 թվականի դեկտեմբերի 2-ի Համաձայնագրում փոփոխություններ կատարելու արձանագրության ստորագրման առաջարկությունը: Նշված որոշումը հրապարակվել է դեռևս 2021թ. դեկտեմբերին և տեղադրված է եղել ՀՀ կառավարության պաշտոնական կայքէջում: Ներկայումս Հայաստանի Հանրապետության տարածքային կառավարման և ենթակառուցվածքների և Հայաստանի Հանրապետության արտաքին գործերի նախարարություններին հանձնարարված է կազմակերպել արձանագրության ստորագրումը: Գազի վերջնական սակագինը սպառողների համար ևս կորոշվի թափանցիկ ընթացակարգով, և այդ մասով կլինեն բաց քննարկումներ ՀԾԿՀ առաջիկա նիստերի ընթացքում»:

16:07 - 14 հունվարի, 2022