Եվրախորհրդարան

Եվրախորհրդարանը Եվրամիության օրենսդիր մարմին, որն ուղղակի ընտրվում է ԵՄ անդամ-պետությունների քաղաքացիների կողմից: Եվրոպական խորհուրդի հետ խորհրդարանը կազմավորում է ԵՄ իշխանության երկպալատ օրենսդրական ճյուղը եւ համարվում է աշխարհի ամենաազդեցիկ օրենսդրական մարմիններից մեկը:

Եվրախորհրդարանը ստեղծվել է 1957 թվականին: Ի սկզբանե անդամները նշանակվում էին ԵՄ անդամ-պետությունների խորհրդարանների կողմից: 1979 թվականից ընտրվում են բնակչության կողմից: Ընտրությունները տեղի են ունենում 5 տարին մեկ անգամ:

Եվրախորհրդարանի 29 պատգամավոր կոչ է արել Ադրբեջանին կիրառել ԵԱՀԿ հրադադարի խախտումների հետաքննության մեխանիզմը

Եվրախորհրդարանի 29 պատգամավոր կոչ է արել Ադրբեջանին կիրառել ԵԱՀԿ հրադադարի խախտումների հետաքննության մեխանիզմը

Եվրախորհրդարանի պատգամավորները կոչ են անում Ադրբեջանին կիրառել ԵԱՀԿ հրադադարի խախտումների հետաքննության մեխանիզմը:  Եվրոպական խորհրդարանի 29 պատգամավոր 7 գլխավոր քաղաքական խմբակցությունից նամակ է հղել Եվրոպական հանձնաժողովի փոխնախագահ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ջոզեպ Բորելին: Նամակում Եվրախորհրդարանի անդամները շեշտում են, որ Եվրամիությունը պետք է օգտագործի իր լծակները տարածաշրջանում վստահության ամրապնդման իրական և արդյունավետ միջոցներ գործի դնելու համար և կոչ են անում Ադրբեջանի իշխանություններին կիրառել ԵԱՀԿ հրադադարի խախտումների հետաքննության մեխանիզմը:Տեղեկատվությունը ֆեյսբուքյան գրառմամբ հայտնել է ՀՅԴ Եվրոպայի Հայ դատի գրասենյակը եւ ներկայացրել Եվրախորհրդարանի պատգամավորների նամակը հայերեն թարգմանությամբ։ «Բարձր ներկայացուցիչ/Եվրոպական հանձնաժողովի փոխնախագահհարգելի պարոն Բորել,2020 թվականի հուլիսի 12-ից ի վեր մենք ականատես ենք լինում համաճարակի պայմաններում Հայաստանի և Ադրբեջանի սահմանին իրավիճակի վտանգավոր սրացման, որն արդեն հանգեցրել է ողբերգական կորուստների երկուստեք: Իրավիճակը հղի է պատերազմի վերածվելու վտանգով, ինչը կապակայունացնի ողջ տարածաշրջանը, այսինքն՝ Եվրամիության արևելյան հարևանությունը:Մենք մեր լիակատար աջակցությունն ենք հայտնում ԵԱՀԿ Մինսկի խմբի ջանքերին և 2009 թվականի հիմնարար սկզբունքներին, այն է՝ ուժի չկիրառումը, տարածքային ամբողջականությունը և ժողովրդների ազատ ինքնորոշման իրավունքը: Դրա հետ մեկտեղ, անհրաժեշտ է ակտիվորեն աշխատել ատելության խոսքի և ռազմատենչ հռետորաբանության դեմ:Անչափ կարևոր է, որ ԵՄ-ն իր լծակներն օգտագործի վստահության՝ իրական և արդյունավետ միջոցներ կիրառելու համար: Խոսքը վերաբերում է մասնավորապես ԵԱՀԿ հրադադարի խախտումների հետաքննության մեխանիզմին, ինչը կկանխի կողմերի երկուստեք մեղադրանքները մահաբեր հարձակումներ նախաձեռնելու վերաբերյալ: Հայաստանն արդեն համաձայնել է քննարկել մեխանիզմի մանրամասները: Ադրբեջանը ևս պարտավոր է համաձայնել:Կողմերը պետք է անհապաղ վերսկսեն բանակցությունները և աշխատեն հակամարտության տևական և խաղաղ կարգավորման ուղղությամբ: Ակնհայտ է, որ Արցախյան հակամարտությունը ռազմական լուծում չի կարող ունենալ: Մեր նպատակն է ունենալ խաղաղ, բարգավաճ և ապահով ԵՄ հարևանություն, և մենք պետք է հստակ քայլեր ձեռնարկենք այդ ուղղությամբ»:
20:08 - 24 հուլիսի, 2020
Եվրախորհրդարանի 3 պատգամավորի համատեղ հայտարարության իրական արժեքը և ազդեցությունը |armenpress.am|

Եվրախորհրդարանի 3 պատգամավորի համատեղ հայտարարության իրական արժեքը և ազդեցությունը |armenpress.am|

armenpress.am: Եվրամիություն-Հայաստան գործընկերության հանձնաժողովի համանախագահ Մարինա Կալյուրանդին, Հայաստանի հարցով զեկուցող Տրայան Բեսեսկուն և Ադրբեջանի հարցով զեկուցող Ժելենա Զովկոն հունիսի 10-ին համատեղ հայտարարություն են տարածել «Հայաստանի և ԼՂ միջև նոր ճանապարհի կառուցման վերաբերյալ»: Այն փաստացի դատապարտում է Հայաստանն Արցախին կապող Կապան-Հադրութ մայրուղու կառուցումը և պարունակում է մի շարք բացահայտ հակահայկական ձևակերպումներ, այդ թվում` «Լեռնային Ղարաբաղի ապօրինի օկուպացիայի և հակամարտությունն Ադրբեջանի միջազգայնորեն ճանաչված սահմաններում կարգավորելու» վերաբերյալ: Եվրախորհրդարանի 3 պատգամավորի այս հայտարարությունը Հայաստանում դարձել է տարաբնույթ (հիմնականում պարտվողական) մեկնաբանությունների առարկա, իսկ ադրբեջանական քարոզչամեքենան փորձում է այն մատուցել որպես «դիվանագիտական փայլուն հաղթանակ»: Բաքվի տեղեկատվական-քարոզչական լայնածավալ արշավի և հայաստանյան ներքաղաքական շահարկումների ֆոնին այս հայտարարության իրական դերն ու ազդեցությունը լիարժեքորեն չի դիտարկվում, ուստի անհրաժեշտություն կա այն ենթարկել համակողմանի վերլուծության: Եվրախորհրդարանի 3 պատգամավորի հայտարարությունը դիտարկենք իրավական հարթության մեջ: Այս առումով կարիք կա հստակ արձանագրել, որ հայտարարությունը չունի որևէ իրավական ուժ, ավելին` այն չունի նաև քաղաքական բավարար կշիռ, քանի որ ոչ թե Եվրախորհրդարանի կողմից քվեարկությամբ ընդունված բանաձև կամ հայտարարություն է, այլ պարզապես 3 անհատ պատգամավորի նախաձեռնությամբ տարածված հայտարարություն: Հաշվի առնելով, որ տվյալ անձինք զբաղեցնում են հստակ իրավասություններ ենթադրող պաշտոններ (ԵՄ-Հայաստան գործընկերության հանձնաժողովի համանախագահ, Հայաստանի հարցով զեկուցող, Ադրբեջանի հարցով զեկուցող) ոչ միանշանակ է, թե արդյոք հայտարարության հեղինակները գործել են իրենց իրավասությունների շրջանակում` հայտարարություն տարածելով Ղարաբաղյան հակամարտության վերաբերյալ, առավել ևս` նման միակողմանի բովանդակությամբ: Չենք կարող բացառել, որ նրանց գործողությունները կարող են անգամ որակվել որպես պաշտոնական դիրքի չարաշահում և ոչ կոմպետենտության արտահայտություն:   Եթե հայտարարությունը դիտարկենք քաղաքական հարթության մեջ, պետք է ընդգծել, որ տեքստում տեղ գտած ձևակերպումներն ու շեշտադրումները չեն համապատասխանում ո´չ Եվրամիության պաշտոնական դիրքորոշմանը, ո´չ Եվրախորհրդարանի կողմից ավելի վաղ ընդունված բանաձևերին և հայտարարություններին: Հատկանշական է, որ Ղարաբաղյան հիմնախնդրի վերաբերյալ պաշտոնական Բրյուսելի դիրքորոշումն արտահայտող  միակ իրավական ուժ ունեցող փաստաթուղթը ՀՀ-ԵՄ Համապարփակ և ընդլայնված գործընկերության համաձայնագիրն է, որն, ի դեպ, վավերացվել է նաև Եվրախորհրդարանի կողմից: Համաձայնագրում նշված է, որ Լեռնային Ղարաբաղի հակամարտության կարգավորումը պետք է հիմնված լինի ՄԱԿ-ի կանոնադրությունում և ԵԱՀԿ Հելսինկյան եզրափակիչ ակտում ամրագրված նպատակների և սկզբունքների վրա, մասնավորապես, ուժի սպառնալիքից կամ գործադրումից զերծ մնալու, պետությունների տարածքային ամբողջականության և ժողովուրդների հավասար իրավունքների և ինքնորոշման սկզբունքների վրա` հաշվի առնելով նաև կարգավորման գործընթացին աջակցելու Եվրամիության հանձնառությունը: Ինչ վերաբերում է Եվրախորհրդարանի 3 պատգամավորի հայտարարության բովանդակային կողմին, ապա այն խիստ միակողմանի է և հակասական: Հայտարարության հեղինակները վերահաստատում են իրենց «հաստատակամ աջակցությունը ԵԱՀԿ ՄԽ համանախագահների ջանքերին և 2009թ. հիմնարար սկզբունքներին», սակայն նույն տեքստում, փաստացի աղավաղում են այդ հիմնարար սկզբունքները:Բացի այդ, հայտարարությունում կիրառված «օկուպացված», «գրավյալ» եզրույթների կիրառումն անընդունել է, քանի որ դրանք կանխորոշում են Արցախի վերջնական կարգավիճակը և հակասում են հիմնարար սկզբունքների տրամաբանությանը: Ավելին, հայտարարության մեջ զուտ հումանիտար նշանակություն ունեցող մայրուղու կառուցումը պատգամավորների կողմից քաղաքականացվել է` անտեսելով, որ Ադրբեջանի կողմից շրջափակման մեջ և ագրեսիայի սպառնալիքի պայմաններում գտնվող Արցախի բնակչության համար նման մայրուղին կյանքի ճանապարհ է և իր հիմնարար իրավունքների իրացման ևս մեկ հնարավորություն: Թե ինչու են Եվրախորհրդարանի 3 պատգամավոր որոշել «ադրբեջանական ձևակերպումներով» համեմված հայտարարությամբ հանդես գալ, կարելի է կռահել, առավել ևս եթե հաշվի առնենք եվրոպական միջխորհրդարանական համագործակցության ձևաչափերում Ադրբեջանի խավիարային դիվանագիտության պրակտիկան և հայտարարության որոշ հեղինակների (օրինակ` Տրայան Բեսեսկուի) ավելի վաղ արտահայտած բացահայտ ադրբեջանամետ հայտարարությունները: Հայկական կողմն արդեն իսկ արձագանքել է Եվրախորհրդարանի 3 պատգամավորի հայտարարությանը: Հայաստան-Եվրամիություն (ԵՄ) խորհրդարանական գործընկերության կոմիտեի անդամները հայտարարություն են տարածել` խոր մտահոգություն հայտնելով հունիսի 10-ին արված հայտարարության վերաբերյալ, մանրամասն անդրադառնալով դրա բովանդակությանը և հեղինակների գործելաոճի անընդունելիությանը: Նշված է նաև, որ ԵՄ-Հայաստան խորհրդարանական գործընկերության կոմիտեում Հայաստանի պատվիրակությունն իրեն իրավունք է վերապահում վերագնահատել և վերանայել իր հետագա փոխգործակցությունը տիկին Մարինա Կալյուրանդիի, պարոն Տրայան Բեսեսկուի և տիկին Զելյանա Զովկոյի հետ` իրենց ներկա կարգավիճակում: Արցախի Հանրապետության Ազգային ժողովի խմբակցությունները ևս համատեղ հայտարարություն են տարածել՝ ընդգծելով, որ «Եվրախորհրդարանի երեք պատգամավորների վերոհիշյալ հայտարարությունը խիստ սուբյեկտիվ և կողմնակալ է իր բնույթով, իսկ նման մոտեցումները, ինչպես ցույց է տվել փորձը, միշտ էլ բացասական ազդեցություն են թողել տարածաշրջանում խաղաղության և կայունության պահպանմանն ուղղված ջանքերին, որոնց ուղղությամբ տարիներ շարունակ իրենց գործունեությունն են իրականացնում ԵԱՀԿ Մինսկի խմբի համանախագահող երկրները»: Հայաստանի և Արցախի խորհրդարանների հայտարարությունները և դրանցում առկա մտահոգությունները հիմնավոր են և բավական կարևոր է այս հարցում դրսևորել հետևողականություն` հասնելով հունիսի 10-ի հակասական հայտարարության բոլոր կամ առնվազն որոշ հեղինակների հեռացման նրանց զբաղեցրած պաշտոններից: Եթե ամփոփենք Եվրախորհրդարանի 3 պատգամավորի համատեղ հայտարարության վերլուծությունը, կարող ենք նշել, որ այն իրավական կամ քաղաքական առումով լուրջ հետևանքներ չի կարող ստեղծել Ղարաբաղյան հիմնախնդրի կարգավորման գործընթացի համար: Սակայն, միևնույն ժամանակ կարևոր է չթերագնահատել նաև այդ հայտարարությունը, քանզի այն հստակ ցուցիչ է, որ եվրոպական ուղղությամբ, հատկապես խորհրդարանական ձևաչափով, շատ անելիքներ ունենք: Անհրաժեշտ է հետևողական աշխատանք տանել եվրոպական և ընդհանրապես միջազգային գործընկերների հետ, որպեսզի բացառվեն նման միակողմանի նախաձեռնությունները, քանզի դրանք կարող են նպաստել Ադրբեջանի ռազմատենչ հռետորաբանությանն ու կեցվածքին` սպառնալիքներ ստեղծելով տարածաշրջանային անվտանգության համար:
14:46 - 13 հունիսի, 2020
Իտալիան դադարեցնում է բոլոր մարզական միջոցառումները մինչև ապրիլի 3-ը, Եվրախորհրդարանը ևս կրճատում է աշխատանքային շաբաթը |tert.am|

Իտալիան դադարեցնում է բոլոր մարզական միջոցառումները մինչև ապրիլի 3-ը, Եվրախորհրդարանը ևս կրճատում է աշխատանքային շաբաթը |tert.am|

tert.am: Իտալիայում մինչև ապրիլի 3-ը կդադարեցվեն «բոլոր մակարդակներում» անցկացվելիք բոլոր մարզական միջոցառումները: CNN-ի փոխանցմամբ՝ երկուշաբթի նման որոշում է կայացրել երկրի Ազգային օլիմպիական կոմիտեն: Որոշումն ընդունվել է կոմիտեի նախագահ Ջիովանի Մալագոյի և թիմի ներկայացուցիչների հանդիպման ժամանակ: Կոմիտեի հայտարարության մեջ նշվում է, որ այս որոշումը չի տարածվում միջազգային մրցաշարերի վրա, որոնց մասնակցում են ակումբներն ու ազգային հավաքականները, քանի որ նման մրցումները կոմիտեի իրավասության տակ չեն գտնվում: Հեռուստաալիքի հաղորդմամբ՝ Եվրախորհրդարանը կրճատել է իր լիագումար նիստն այս շաբաթ: Խորհրդարանը Բրյուսելում կաշխատի միայն մարտի 9-ին և 10-ին, և այս շաբաթ որևէ քվեարկություն չի անցկացնի: Երկու որոշումներն էլ ընդունվել են կորոնավիրուսի տարածումը կանխելու նպատակով:   
09:28 - 10 մարտի, 2020
Դոնալդ Տուսկը կոչ է արել Թուրքիային դադարել անօրինական հորատումը Կիպրոսի ափերի մոտ |news.am|

Դոնալդ Տուսկը կոչ է արել Թուրքիային դադարել անօրինական հորատումը Կիպրոսի ափերի մոտ |news.am|

news.am: Եվրախորհրդի նախագահը կոչ է արել Թուրքիային դադարել անօրինական հորատումը Կիպրոսի ափերի մոտ՝ հայտարարելով, որ այդ գործողությունները վնաս են հասցնում էթնիկ առումով պառակտված կղզիական պետության վերամիավորման ջանքերին եւ քայքայում են ԵՄ-ի հետ Անկարայի հարաբերությունները, հաղորդում է AP-ը: Տուսկը հայտարարել է, որ նրա ներկայությունը Կիպրոսի մայրաքաղաքում Եվրամիության կողմից իր անդամ Կիպրոսի նկատմամբ սոլիդարության լիարժեք դրսեւորում է: Անցած շաբաթ Թուրքիան ակտիվացրել էր իր գործողությունները՝ ռազմածովային հորատման նավ ուղարկելով բացառիկ տնտեսական գոտի, որտեղ Կիպրոսի կառավարությունը արտոնագիր էր տրամադրել իտալական Eni էներգետիկ ընկերությանը եւ դրա գործընկեր Total of France-ին նավթի եւ գազի որոնումներն իրականացնելու համար: Տուսկը հայտարարել է, որ ԵՄ առաջնորդները կտրուկ դատապարտել են Թուրքիայի կողմից անցկացվող հորատման աշխատանքները տարածաշրջանում, որտեղ Կիպրոսն ունի բացառիկ տնտեսական իրավունքներ: Կիպրոսի նախագահ Նիքոս Անաստասիադեսը հայտարարել է, որ ԵՄ-ն ունի գործիքներ իր իշխանությունն ապահովելու համար եւ «օրենքը պետք է գերիշխի ջունգլիների կանոնների նկատմամբ», որոնք Թուրքիան ցանկանում է պարտադրել Միջերկրական ծովի արեւելյան հատվածում:
06:12 - 12 հոկտեմբերի, 2019
Կարծիքների արտահայտման ազատությունն Ադրբեջանում նախկինի պես սպառնալիքի տակ է. ԵԽ հանձնակատար |news.am|

Կարծիքների արտահայտման ազատությունն Ադրբեջանում նախկինի պես սպառնալիքի տակ է. ԵԽ հանձնակատար |news.am|

news.am: Արդբեջանում կարծիքի արտահայտման ազատությունը նախկինի պես սպառնալիքի տակ է։ Այս մասին ասել է Եվրոպայի խորհրդի մարդու իրավունքների հանձնակատար Դունյա Միյատովիչը Ադրբեջան կատարած քառօրյա այցի ավարտին, տեղեկացնում է contact.az-ը։ Նա հիշեցրել է Մարդու իրավունքների եվրոպական դատարանի որոշումների մասին, որոնցում ընդգծվում է կամայական ձերբակալությունների եւ կառավարությանը քննադատողների, քաղաքացիական հասարակության ակտիվիստների կալանումների տագնապալի պատկերն անիրավաչափ քրեական հետապնդումների միջոցով։ Միյատովիչն ընդգծել է, որ «արտահայտած մոտեցումների պատճառով կալանքի տակ գտնվող բոլոր անձանց ազատ արձակումը պետք է առաջնահերթ մնա»։ Նա նաեւ կրկնել է իր կոչը՝ ապաքրեականացնել դիֆամացիան։ Բացի այդ, հանձնակատարը իշխանությունների առջեւ բարձրացրել է լրագրողների, փաստաբանների, քաղաքական ակտիվիստների եւ իրավապաշտպանների ուղեւորությունների արգելքի հարցը։ Հանձնակատարի այցի ուղղություններից մեկն էլ Ադրբեջանում փաստաբանների դրությունն է։ Հանձնակատարը նշել է, որ Եվրոպայի խորհրդի երկրների մեջ Ադրբեջանում իրավաբանների թիվն ամենափոքրն է 100 հազար բնակչի հաշվով։ Դա խափանում է արդարադատության հասանելիությունը, մանավանդ գյուղական շրջաններում, որտեղ փաստաբանների թիվը շատ քիչ է։ Ընդգծելով, որ փաստաբանների կարծիքի արտահայտման ազատությունը կապված է փաստաբանության անկախության հետ, հանձնակատարը մտահոգությամբ նշեց պաշտպանների կարծիքի արտահայտման ազատության մի շարք խախտումներ, այդ թվում կարգապահական վարույթ հարուցելու միջոցով։ «Փաստաբանները պետք է հետեւեն էթիկայի նորմերին եւ հնարավորություն ունենա զբաղվելու մասնագիտական գործունեությամբ՝ չվախենալով վրեժից»,- ասել է հանձնակատարը։ Նա նաեւ խոսել է ներքին տեղահանվածների մասին։ Բաքվում գտնվելով՝ հանձնակատարն այցելել է Սաբունչիի շրջան, ինչպես նաեւ Յասամալի շրջանի Տեխնիկական համալսարանի հին հանրակացարաններ, որտեղ կարողացել է խոսել մի քանի տեղահանված անձանց հետ։ «Շատ մարդիկ ցանկություն են հայտնել վերադառնալ իրենց տները։ Միեւնույն ժամանակ, կարեւոր է հիմա եւս ապահովել գոյության միջոցներ ստանալու հնարավորությունը»,- ասել է Միյատովիչը։ Այս առնչությամբ հանձնակատարն ընդգծել է ղարաբաղյան հակամարտության խաղաղ կարգավորման հասնելու կարեւորությունը, որպեսզի ներքին տեղահանվածները, որոնք ցանկանում են վերադառնալ այնտեղ, կարողանան դա անել կամովին, անվտանգության պայմաններում։ Հուլիսի 9-12-ը հանձնակատարը հանդիպել է իշխանությունների ներկայացուցիչների, այդ թվում արտգործնախարար Էլմար Մամեդյարովի, արդարադատության նախարար Ֆիքրեթ Մամեդովի, ներքին գործերի նախարար Վիլայաթ Էյվազովի հետ։ Քաղաքական հարցերը նա քննարկել է նախագահի աշխատակազմում։ Հանձնակատարի հանգամանալից զեկույցն Ադրբեջանի մասին կպատրաստվի հրապարակման։
15:50 - 12 հուլիսի, 2019
Յագլանդը նամակ է հղել Փաշինյանին. ԵԽ-ն գնահատում է դատական բարեփոխումների օրակարգին հետամուտ լինելու ՀՀ վարչապետի հանձնառությունը |armenpress.am|

Յագլանդը նամակ է հղել Փաշինյանին. ԵԽ-ն գնահատում է դատական բարեփոխումների օրակարգին հետամուտ լինելու ՀՀ վարչապետի հանձնառությունը |armenpress.am|

armenpress.am։ Եվրոպայի խորհրդի գլխավոր քարտուղար Թյորբորն Յագլանդը նամակ է հղել ՀՀ վարչապետ Նիկոլ Փաշինյանին` ընդգծելով, որ Եվրոպայի խորհուրդը մեծապես գնահատում է դատական բարեփոխումների օրակարգին հետամուտ լինելու ՀՀ վարչապետի հանձնառությունը: «Հարգելի պարոն վարչապետ,Ուզում եմ շնորհակալություն հայտնել Ձեզ եւ Ձեր կառավարությանն այն ջերմ ընդունելության համար, որ ցուցաբերվեց Եվրոպայի խորհրդի պատվիրակության անդամներին, ովքեր այցելեցին Հայաստան մայիսի 30-ին եւ 31-ին, ինչպես նաեւ նրանց հետ ունեցած կառուցողական քննարկումների համար:Եվրոպայի խորհուրդը մեծապես գնահատում է դատական բարեփոխումների օրակարգին հետամուտ լինելու Ձեր հանձնառությունը: Մենք նաեւ կիսում ենք Ձեր գնահատականն առ այն, որ պետք է բազմապատկել կոռուպցիայի դեմ պայքարին ուղղված ջանքերը եւ բարեփոխել ու վերակառուցել դատական համակարգը՝ Հայաստանի Սահմանադրությանը եւ Հայաստանի միջազգային պարտավորություններին համապատասխան:Արագ եւ վճռականորեն իրականացված համապարփակ եւ հեռանկարային դատական բարեփոխումների ռազմավարությունը պատշաճ կերպով իրականություն կդարձնի Ձեր կառավարության օրինական նպատակները: Այդ ռազմավարությունը կարող է կառուցվել երեք հենասյուների վրա` կոռուպցիայի դեմ ուղղված եռանդուն ջանքեր, դատական համակարգի անկախության եւ արդյունավետության բարձրացում եւ մարդու իրավունքների խախտումների շտկում: Այն կարող է առաջնորդվել Եվրոպայի խորհրդի համապատասխան կառույցների եւ մոնիթորինգի մեխանիզմների, մասնավորապես՝ Մարդու իրավունքների եվրոպական դատարանի, Վենետիկի հանձնաժողովի եւ GRECO- ի եզրակացություններով: Նման ռազմավարությունը կապահովի վստահություն բարեփոխումների նկատմամբ, դրանց կանխատեսելիությունը եւ միջազգային աջակցության շարունակականությունը:Եվրոպայի խորհուրդը պատրաստ է ակտիվորեն մասնակցել այդ բարեփոխումների իրականացմանը Գործողությունների այն ծրագրի շրջանակներում, որի մեկնարկը մի քանի օրից կտրվի Երեւանում գլխավոր քարտուղարի տեղակալի մասնակցությամբ: Շարունակական համագործակցության ակնկալիքով,Անկեղծորեն Ձեր, Թորբյորն Յագլանդ»:
07:02 - 13 հունիսի, 2019
Եվրախորհրդարանը կոչ է անում դադարեցնել ԵՄ-ին Թուրքիայի անդամակցության գործընթացը

Եվրախորհրդարանը կոչ է անում դադարեցնել ԵՄ-ին Թուրքիայի անդամակցության գործընթացը

Եվրոպական միությունը պետք է պաշտոնապես դադարեցնի ԵՄ-ին անդամակցելու Թուրքիայի բանակցությունները՝ հայտարարել են եվրախորհրդարանականները։ Ինչպես հայտնում է Reuters-ը, ԵՄ-ին Թուրքիայի անդամակցության գործընթացի սառեցման կողմ են քվեարկել 370, դեմ՝ 109, ձեռնպահ՝ 143 խորհրդարանականներ։ Վերջին խոսքը ԵՄ կառավարություններինն է։ Օրենսդիրներն ընդունել են, որ ԵՄ-ն, որպես ՆԱՏՕ-ում իր դաշնակցի, վստահում է Թուրքիային, քանի որ ԵՄ-ի եւ Անկարայի համաձայնագիրը դադարեցրել է սիրիացի փախստականների հոսքը դաշինք։ «Ոչ ոք չի ժխտում, ու Թուրքիան կարեւոր դեր է խաղում, մասնավորապես, միգրացիոն ճգնաժամի եւ Սիրիայում պատերազմի հարցում։ Սակայն դա չի նշանակում, որ Եվրոպան կարող է պատանդ դառնալ համակարգին, որը քննադատում է բոլորին, ով այլ կերպ է մտածում»,- նշել է պորտուգալացի եվրապատգամավոր Լիլիանա Ռոդրիգեսը։
05:44 - 14 մարտի, 2019