ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

«Ռոսատոմը» դեմ չէ ՀԱԷԿ-ին տրամադրված վարկի սպասարկման ժամկետը երկարաձգելու Հայաստանի առաջարկին |aysor.am|

aysor.am: «Ռոսատոմ» կորպորացիան կողմ է ՀԱԷԿ-ի վերանորոգման համար տրամադրված վարկի սպասարկման ժամկետները երկարաձգելու հայկական կողմի առաջարկին, Սոչիում «Atomexpo-2019» միջազգային համաժողովի ժամանակ լրագրողների հետ զրույցում ասաց ՀԱԷԿ-ի էներգաբլոկի շահագործման ժամկետի երկարաձգման աշխատանքներն իրականացնող «Ռուսատոմ Սերվիս» ընկերության տնօրեն Եվգենի Սալկովը: «Մենք հասկանում ենք, որ պետք է ավարտին հասցնել այն խնդիրները, որոնց լուծման ուղղությամբ աշխատանքներ ենք սկսել», - ասաց նա։ Սալկովն ընդգծեց, որ ՀՀ ֆինանսների նախարարությունը արդեն դիմել է ՌԴ ֆիննախին այս հարցով։ «Այս պահի դրությամբ տրամադրված ոչ բոլոր միջոցներն են յուրացված։ Անկեղծ ասաց, դրված չէ նման խնդիր՝ յուրացնել տրամադրված բոլոր միջոցները։ Կա հստակ նպատակ՝ իրականացնել աշխատանքների այն ծավալները, որոնք թույլ կտան բլոկն անվտանգ և արդյունավետ շահագործել մինչև 2026 թվականը», - ասաց Սալկովը։ Նա նշեց, որ այս պահին կողմերի միջև երկխողություն է ընթանում։ Սալկովի խոսքով՝ վարկի սպասարկման երկարաձգման անհրաժեշտությունը ծագել է, քանի որ աշխատանքների արդյունքում նոր հանգամանքներ են ի հայտ եկել, որոնց լուծման համար ժամանակ է պետք։ «Չէի ցանկանա այստեղ օգտագործել «խնդիրներ են ծագել» արտահայտությունը, ուղղակի նոր առաջադրանքներ են ի հայտ եկել, որոնց մանրամասն ուսումնասիրությունը ցույց տվեց, որ մենք դրանց կյանքի կոչման համար 2019 թվականի շրջանակներում չենք տեղավորվում»։ Հարցին՝ արդյոք տրամադրված 300 մլն դոլարը բավարար է բլոկի արդյունավետ և անվտանգ շահագործման ուղղված անհրաժեշտ նախապայմաններ ստեղծելու համար՝ Սալկովն ընդգծեց․ «Այն խնդիրների լուծման համար, որոնք գտնվում են ՌԴ իրավասության տակ՝ այդ միջոցները բավարար են, այլ հարց է, որ կան խնդիրներ, որոնք պետք է հայկական ատոմակայանն ինքը իրականացնի։ Գիտեմ նաև, որ կան նախագծեր, որոնց իրականացման համար ԵՄ-ն և այլ գործընկերներ են օգնություն ցուցաբերում, դրա համար, այս հարցին պատասխանելով, միայն կարող եմ ասել, որ «Ռոսատոմի» պատասխանատվության տակ գտնվող նախագծերի իրականացման համար այս միջոցները բավարար կլինեն, իսկ մնացած խնդիրների լուծմանն ուղղված աշխատանքների համար ատոմակայանն ինքը կֆինանսնավորի», - ասաց նա։

11:05 - 18 ապրիլի, 2019

Ռուս սահմանապահները կանխել են Հայաստան թմրանյութ անցկացնելու փորձը |armenpress.am|

armenpress.am: Հայաստանում Ռուսաստանի Դաշնության Դաշնային անվտանգության ծառայության սահմանապահ վարչության աշխատակիցները «Ագարակ» անցակետում կանխել են Իրանից Հայաստան թմրանյութ անցկացնելու փորձը: Ինչպես հայտնեցին Հայաստանում Ռուսաստանի Դաշնության Դաշնային անվտանգության ծառայության սահմանապահ վարչության մամուլի ծառայությունից, ապրիլի 15-ին տրանսպորտային միջոցներից մեկի խուզարկության ընթացքում Մեղրիի ջոկատի զինծառայողները Իրանի քաղաքացու անձնական իրերի մեջ հայտնաբերել են մեթադոն տեսակի թմրամիջոց պարունակող 40 հաբ, ինչպես նաև մուգ շագանակագույն գույնի զանգված պարունակող փաթեթ՝ ենթադրաբար ափիոն տեսակի թմրամիջոց: Նշվում է, որ հայտնաբերված իրերը համարվում են թմրանյութ և արգելված է դրանց շրջանառությունը՝ համաձայն Հայաստանի օրենսդրության:Տրանսպորտային միջոցի ձերբակալված վարորդը փոխանցվել է Հայաստանի իրավապահ մարմիններին ՝ իրավախախտման բոլոր հանգամանքները պարզելու համար:

07:29 - 18 ապրիլի, 2019

Մոսկվայի դատարանը երկարաձգել է ուկրաինացի 24 նավաստիների կալանքը |azatutyu.am|

azatutyun.am: Մոսկվայի Լեֆորտովոյի շրջանային դատարանը երկարաձգել է Կերչի նեղուցում անցած տարվա նոյեմբերին ձերբակալված ուկրաինացի 24 նավաստիների նախնական կալանքի ժամկետը։ Դատարանի մամուլի ծառայությունը «Ինտերֆաքս» լրատվական գործակալությանը տեղեկացրել է, որ նրանք կալանքի տակ կմնան մինչև հուլիսի 24-ը կամ հուլիսի 26-ը: Մոսկվան պնդում է, որ մոտենալով Ղրիմի թերակղզուն՝ ուկրաինական երեք ռազմական նավերի անձնակազմերը միտումնավոր խախտել են Ռուսաստանի սահմանը:

06:16 - 18 ապրիլի, 2019

Ընդունվել է օրենքի նախագիծ. Ռուսաստանը սահմանափակում է համացանցը |armtimes.com|

ՌԴ Պետդուման երեքշաբթի ընդունել է ռուսաստանյան համացանցի «մեկուսացման» մասին օրինագիծ, որն անցել է երրորդ ընթերցմամբ: Ապրիլի 22-ին այն պետք է հաստատվի Դաշնային խորհրդի կողմից: Փաստաթուղթն ուժի մեջ կմտնի նոյեմբերի 1-ին:ԻՆչպես հայտնում է Ամերկայի ձայնը, երեքշաբթի օրը Ռուսաստանի Պետդումայի կողմից երրորդ եւ վերջնական ընթերցմամբ ընդունվեց «Համացանցի անվտանգ եւ կայուն գործունեության ապահովման մասին» օրենքի նախագիծը: Փաստաթղթին կողմ են քվեարկել 307 պատգամավորներ, դեմ `68: Օրինագծի հեղինակները պնդում են, որ այն անհրաժեշտ է այսպես կոչված «արտաքին սպառնալիքներից» պաշտպանվելու համար, օրինակ, եթե Ռուսաստանը հանկարծ որոշեն անջատել համաշխարհային ցանցից: Այս դեպքում Ռոսկոմնադզորը կսկսի կառավարել համացանցային հոսքը հատուկ արգելափակող համակարգերի միջոցով`փաստորեն սահմանափակելով այն ներսում: Այնուամենայնիվ, դեռ պարզ չէ, թե ինչպես է գերատեսչությունը պատրաստվում անել դա:

09:13 - 17 ապրիլի, 2019

Ռուսաստանն ու ՆԱՏՕ-ն ամբողջությամբ դադարեցրել են համագործակցությունը |aysor.am|

aysor.am: Ռուսաստանն այժմ ոչ մի ոլորտում չի համագործակցում ՆԱՏՕ-ի հետ, հայտարարել է ՌԴ արտաքին գործերի փոխնախարար Ալեքսանդր Գրուշկոն: «Քաղաքացիական և ռազմական ուղղությամբ համագործակցությունը լիովին դադարեցված Է»,- ասել է դիվանագետը: Նրա խոսքով, շփումների կասեցման նախաձեռնողը դարձել է Հյուսիսատլանտյան դաշինքը: Գրուշկոն ավելացրել է, որ ՆԱՏՕ-ն չունի հարաբերությունների ստեղծված ճգնաժամից դուրս գալու պլան, մինչդեռ Մոսկվան հույս ունի, որ դաշինքի հետ ռազմական հակամարտությունից կհաջողվի խուսափել: «Դա աղետալի կլիներ ամբողջ մարդկության համար»,- հայտարարել է դիվանագետը: Նա նաև անհանգստություն է հայտնել այն կապակցությամբ, որ դաշինքի ռազմական ծախսերը Ռուսաստանի համապատասխան ծախսերը գերազանցում են 22 անգամ:

16:26 - 15 ապրիլի, 2019

Ռուսաստանում խստացնում են քրեական հեղինակությունների համար պատիժը |news.am|

news.am: Ապրիլի 12-ից ուժի մեջ է մտնում քրեական հեղինակությունների եւ կազմակերպված հանցավոր խմբերի ղեկավարների համար քրեական պատասխանատվությունը զգալիորեն խստացնող օրենքը: Այժմ նրանց, ով հանցավոր հիերարխիայում բարձր դիրք է զբաղեցնում, կարող է մինչեւ 15 տարի ազատազրկում սպառնալ, հաղորդում է ՏԱՍՍ-ը: Դաշնության խորհրդի Սահմանադրական օրենսդրության եւ քաղաքաշինության հարցերի կոմիտեի նախագահ Անդրեյ Կլիշասն ավելի վաղ նշել էր, որ եթե նոր հոդվածով նախատեսված հանցագործություն է կատարվել, պատժի նշանակման դեպքում ազատազրկման ժամկետը չի կարող 30 տարուց ավելի լինել, իսկ ընդհանուր դատավճռներով՝ 35 տարուց: Սենատորը նշել էր, որ այժմ այդ ժամկետը կազմում է 25 եւ 30 տարի համապատասխանաբար: Բացի այդ օրենքով նախատեսվում է, որ հանցավոր հիերարխիայում բարձր դիրք զբաղեցնող անձանց չի կարող նվազագույն շեմից ցածր պատիժ կամ պայմանական դատապարտում նշանակվել:

08:06 - 12 ապրիլի, 2019

Ռուսաստանի ԱԳՆ-ն հաստատել է Լեռնային Ղարաբաղի կարգավորման վերաբերյալ հանդիպման անցկացումը |news.am|

news.am: ՌԴ ԱԳՆ-ն հաստատել է ապրիլի 15-ին Մոսկվայում Լեռնային Ղարաբաղի հակամարտության կարգավորման հարցով Ռուսաստանի, Ադրբեջանի եւ Հայաստանի արտաքին գործերի նախարարների եռակողմ հանդիպան անցկացումը: «Ռուսաստանի ԱԳ նախարար Սերգեյ Լավրովը, ինչպես նաեւ Ադրբեջանի ԱԳ նախարարը (Էլմար Մամեդյարով) եւ Հայաստանի արտգործնախարարը (Զոհրաբ Մնացականյան) ապրիլի 15-ին Մոսկվայում հանդիպում կանցկացնեն, այն նվիրված կլինի Լեռնային Ղարաբաղի հակամարտության կարգավորման հարցերին», - ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան: Նա նշել է, որ այս հանդիպմանը կմասնակցեն ԵԱՀԿ Մինսկի խմբի համանախագահները` Ռուսաստանը, ԱՄՆ-ն եւ Ֆրանսիան:

13:24 - 11 ապրիլի, 2019

Երևանին ու Բաքվին աջակցություն կցուցաբերվի Վիեննայում ձեռք բերված պայմանավորվածությունները կյանքի կոչելու համար. ՌԴ ԱԳՆ |armtimes.com|

armtimes.com: Ողջունում ենք բանակցություններում կառուցողական մոտեցման գերակայությունը: Այս մասին հայտարարել էր Ռուսաստանի Դաշնության արտգործնախարարության պաշտոնական ներկայացուցիչ Մարիա Զախարովան: Այսպես նա մեկնաբանել է մարտի 29-ին Ավստրիայի մայրաքաղաք Վիեննայում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև կայացած հանդիպումը՝ ընդգծելով դրա դրական բնույթը, գրում է ՏԱՍՍ-ը: Նրա խոսքով, կողմերին անհրաժեշտ աջակցություն կցուցաբերեն, որպեսզի կյանքի կոչվեն այն գաղափարները, որոնց շուրջ համաձայնություն է ձեռք բերվել Ավստրիայի մայրաքաղաքում: ՌԴ ԱԳՆ պաշտոնական ներկայացուցիչն ընդգծել է, որ Ռուսաստանի արտաքին քաղաքականության հայեցակարգում Լեռնային Ղարաբաղի հակամարտության կարգավորման հարցում կողմերին աջակցություն ցուցաբերելը երկրի արտաքին քաղաքականության կարևորագույն առաջնահերթություններից է: Զախարովան հավելել է, որ իրենք սերտորեն համագործակցում են ԵԱՀԿ Մինսկի խմբի մյուս անդամ պետությունների հետ: ՌԴ ԱԳՆ ներկայացուցիչը նշել է, որ բանակցային գործընթացը շարունակվում է, և կողմերը հակամարտության խաղաղ կարգավորմանը հասնելուն ուղղված աշխատանքը շարունակելու պատրաստակամություն են հայտնել: Ըստ Զախարովայի՝ այս տրամադրվածությունն արձանագրվել է նաև Փաշինյան-Ալիև վերջին հանդիպումից հետո արված հայտարարությունում: Միևնույն ժամանակ Զախարովան ևս մեկ անգամ ընդգծել է, որ հակամարտությանը վերջ դնելու պատասխանատվությունը կրում են միայն դրանում ներգրավված կողմերը: «Կարևորը քաղաքական կամքի դրսևորումն է»,-եզրափակել է պաշտոնյան:

13:01 - 04 ապրիլի, 2019

Վենեսուելա ուղարկված ռուսական զորքը որևէ մեկին չի սպառնում. Զախարովա |azatutyun.am|

azatutyun.am: Վենեսուելա ուղարկված ռուսական զորքը որևէ մեկին չի սպառնում, հայտարարել է արտգործնախարարության խոսնակ Մարիա Զախարովան՝ Միացյալ Նահանգների նախագահ Դոնալդ Թրամփի հայտարարությանն ի պատասխան: Սպիտակ տան ղեկավարը նախօրեին հորդորել էր Կրեմլին դուրս բերել իր զորքը Կարակասից՝ զգուշացնելով, որ Վաշինգտոնը կարող է ցանկացած քայլի դիմել՝ այդ նպատակին հասնելու համար: «Մեր մասնագետները Վենեսուելա են մեկնել ռազմական ոլորտում համագործակցության մասին պայմանագրով», - ասել է Զախարովան՝ ընդգծելով, որ ռուսները Կարակասում կմնան այնքան, որքան անհրաժեշտ կլինի: Ռուսական ռազմական ինքնաթիռները՝ մոտ հարյուր զինվորների հետ, Վենեսուելա էին ժամանել այս շաբաթասկզբին՝ էլ ավելի խորացնելով երկրի ներքաղաքական ճգնաժամը:

15:15 - 28 մարտի, 2019

Մադուրոն հայտարարել է Ռուսաստանի հետ 20 համաձայնագիր ստորագրելու մասին |news.am|

news.am: Ռուսաստանը եւ Վենեսուելան մտադիր են ապրիլին մոտ 20 համաձայնագիր ստորագրել համագործակցության տարբեր ոլորտներում, ասել է Վենեսուելայի նախագահ Նիկոլաս Մադուրոն, տեղեկացնում է ՏԱՍՍ-ը։ Նրա խոսքով՝ ապրիլին տեղի կունենա Ռուսաստանի եւ Վենեսուելայի միջեւ միջկառավարական համագործակցության բարձր մակարդակի աշխատանքային խորհրդաժողով։ «Մենք կստորագրենք ավելի քան 20 փաստաթուղթ տնտեսության, առեւտրի, մշակույթի, էներգետիկայի եւ կրթության ոլորտներում համագործակցության մասին»,- ասել է նա։ Վենեսուելայի նախագահի խոսքով՝ երկու երկրների միջեւ կապն ուժեղացել է վերջին 20 տարիներին։ «Մեր համագործակցությունը փոխշահավետ է, եւ ժամանակի ընթացքում մեր հարաբերություններն ավելի կբարելավվեն»,- կարծում է նա։

07:52 - 27 մարտի, 2019

«Ֆեյսբուք»-ը 2632 էջ է ջնջել, որոնց մեծ մասը կապ ունեն Ռուսաստանի հետ|azatutyun.am|

azatutyun.am: «Ֆեյսբուք»-ը 2 հազար 632 էջ, խումբ, օգտահաշիվ է ջնջել, որոնց մեծ մասը կապ ունեն Ռուսաստանի հետ: Սոցիալական ցանցի տարածած պաշտոնական հաղորդագրության համաձայն, կասկածելի օգտատերերի կողմից տարածվող նյութերը վերաբերում էին ուկրաինական լուրերին և քաղաքականությանը, Ղրիմին, Դոնբասի հակամարտությանը: Բացի Ռուսաստանից, ջնջված էջերի մի մասը կապ ունեն Իրանի, Հյուսիսային Մակեդոնիայի և Կոսովոյի հետ: «Ֆեյսբուք»-ն անցյալ տարի մի քանի անգամ Ռուսաստանի և Իրանի կառավարությունների հետ կապ ունեցող հարյուրավոր օգտահաշիվներ ջնջելու մասին էր հայտնել, որոնք, ըստ սոցիալական ցանցի, փորձել են ազդել Մեծ Բրիտանիայի, ԱՄՆ-ի, Մերձավոր Արևելքի և Լատինական Ամերիկայի քաղաքական գործընթացների վրա:

14:19 - 26 մարտի, 2019

Գոլանի վերաբերյալ ԱՄՆ-ի որոշումը հետևանքներ կունենա. Պեսկով

Իսրայելի տարածքային ամբողջականությունում Գոլանի ճանաչման վերաբերյալ ԱՄՆ նախագահ Դոնալդ Թրամփի որոշումը բացասական հետևանքներ կունենա տարածաշրջանի համար, հայտարարել է ՌԴ նախագահի մամուլի քարտուղար Դմիտրի Պեսկովը: «Նմանատիպ որոշումները միանշանակ բացասական հետևանքներ են ունենում և մերձարևելյան կարգավորման, և Սիրիայի քաղաքական կարգավորման ընդհանուր մթնոլորտի տեսանկյուններից դիտարկելիս», — մեջբերում է РИА Новости-ին Պեսկովի խոսքերը: «Մենք շատ ենք ցավում այդ որոշման համար», - հավելել է նա:

12:27 - 26 մարտի, 2019

ՌԴ ԱԳՆ-ը հայկական արմատներով ռուսաստանցիներին նախազգուշացրել է Ադրբեջան մեկնելու վտանգների մասին |news.am|

ՌԴ ԱԳՆ-ը նախազգուշացում է հրապարակել Ադրբեջան մեկնելու մտադրություն ունեցող ռուսաստանցիների համար, որոնք հայկական ծագման անուղղակի կամ ուղղակի նշաններ ունեն՝ հայտնում է ՌԻԱ Նովոստին։ «Չնայած ռուսական կողմի բազմաթիվ կոչերին, շարունակվում է հայկական արմատներով Ռուսաստանի քաղաքացիների մուտքի արգելումը Ադրբեջանի Հանրապետություն»,- ասվում է Ռուսաստանի ԱԳՆ կայքի «Նախազգուշացումներ ռուսաստանցիների համար» բաժնում։ Խորհրդատվության մեջ ասվում է, որ «լեռնայինղարաբաղյան հակամարտության կարգավորված չլինելու պատրվակով Ադրբեջանի սահմանապահ ծառայությունը շարունակում է մերժել երկրի տարածք մուտք գործել այն անձանց, անկախ քաղաքացիությունից, ովքեր հայկական ծագման ուղիղ կամ անուղղակի նշաններ ունեն»։ «Դա բացատրվում է այդ անձանց անձնական անվտանգությունը ապահովելու անհնարինությամբ»,- նշում է ՌԴ ԱԳՆ-ը։ Ինչպես ասվում է փաստաթղթում, «Ադրբեջանի Հանրապետություն Ռուսաստանի Դաշնության քաղաքացիների այցելությունների հանդեպ էթնիկ ցուցանիշներով խտրական գործողությունների անթույլատրելիության մասին ադրբեջանական կողմին ռուսական կողմի բազմաթիվ դիմումները անտեսվում են»։ «Հաշվի առնելով նշված հանգամանքները՝ հաստատակամորեն խորհուրդ ենք տալիս ռուսաստանցիներին Ադրբեջան մեկնելու դեպքում հանգամանորեն մտածել հնարավոր վտանգների մասին»,- ասվում է փաստաթղթում։ news.am

05:47 - 13 մարտի, 2019

Մոսկվան հույս ունի, որ շուտով Ռուսաստան-Ադրբեջան-Իրան ձևաչափով հանդիպում տեղի կունենա. Զախարովա |armenpress.am|

armenpress.am: Մոսկվան ակնկալում է, որ մոտ ժամանակներս կհաջողվի հանդիպում կազմակերպել Ռուսաստան-Իրան-Ադրբեջան եռակողմ ձևաչափի շրջանակներում: Այս մասին այսօր կայացած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Հուսով ենք, որ մոտ ապագայում հնարավոր կլինի հասնել փոխհամաձայնության եռակողմ հանդիպման օրակարգի և ժամկետների շուրջ: Մենք մեր հերթին պատրաստ ենք աջակցելու դրան», - ասել է դիվանագետը՝ պատասխանելով եռակողմ ձևաչափի հեռանկարները մեկնաբանելու խնդրանքին։ Զախարովան ուշադրություն է հրավիրել այն փաստին, որ Մոսկվան կարևոր նշանակություն է տալիս Ռուսաստան-Ադրբեջան-Իրան ձևաչափին։ «Այն արդեն իրեն դրսևորել է որպես փոխգործակցության արդյունավետ հարթակ՝ շեշտը դնելով տնտեսության, տրանսպորտի և էներգետիկայի ոլորտում համատեղ նախագծերի գործնական իրականացման վրա։ Մենք ակնկալում ենք, որ եռակողմ համագործակցությունը այսուհետ ևս ծանրակշիռ ավանդ կներդնի մեր երկրների միջև փոխշահավետ կապերի ամրապնդման և արդի պայմաններում մեծ պահանջարկ ունեցող կայուն տրանսպորտային ենթակառուցվածքի ստեղծման բնագավառում, ներառյալ՝ Հյուսիս-Հարավ միջազգային փոխադրամիջանցքը», - ասել է Զախարովան: Դիվանագետը նշել է, որ «դա կարևոր է ինչպես «եռյակի» ապրանքաշրջանառության հետագա մեծացման, այնպես էլ անխափան տարանցիկ փոխադրումների ապահովման տեսանկյունից՝ ելնելով երեք պետությունների շահերից»:

00:00 - 01 հունվարի, 0001

Կազմակերպիչը Հայաստանն է․ Պեսկովը՝ ՀԱՊԿ ղեկավարների առաջիկա գագաթնաժողովի մասին |hetq.am|

hetq.am: Ռուսաստանը դեռևս տեղեկություն չունի Ղազախստանում առկա իրավիճակի շուրջ Հավաքական անվտանգության պայմանագրի կազմակերպության (ՀԱՊԿ) անդամ երկրների առաջնորդների առցանց գագաթնաժողովի ժամկետների վերաբերյալ։ Այդ մասին TACC գործակալությանը հայտնել է ՌԴ նախագահի մամուլի քարտուղար Դմիտրի Պեսկովը։ «Դեռևս՝ ոչ։ Կազմակերպիչը Հայաստանն է»,- նշել է նա՝ պատասխանելով գործակալության լրագրողի հարցին։ Ավելի վաղ, Ռուսաստանի նախագահ Վլադիմիր Պուտինը Ղազախստանում առկա իրավիճակը հեռախոսով քննարկել էր այդ երկրի նախագահ Կասիմ-Ժոմարտ Տոկաևի հետ։ Ղազախստանի առաջնորդը նշել էր, որ մտադիր է հանդես գալ առաջիկա օրերին Հայաստանի նախագահությամբ ՀԱՊԿ Հավաքական անվտանգության խորհրդի առցանց հանդիպման իրականացման նախաձեռնությամբ։ Պուտինը իր աջակցությունն էր հայտնել այդ առաջարկին։ Շարունակությունը՝ hetq.am կայքում

00:00 - 01 հունվարի, 0001