Հեռուստատեսության և ռադիոյի հանձնաժողով

2000 թ. հոկտեմբերի 9-ին Ազգային ժողովն ընդունում է «Հեռուստատեսության և ռադիոյի մասին» ՀՀ օրենքը, որի մեջ շարադրված են ոլորտը կարգավորող հոդվածները: Մասնավորապես, սահմանվում է հեռուստառադիոընկերությունների կարգավիճակը, տրվում են հեռուստառադիոընկերությունների հիմնադրման, դրանց լիցենզավորման և ղեկավարման կարգը, իրավունքների ու պարտականությունների առաջացման հիմքերը և կանոնակարգվում են, հեռուստառադիոընկերությունների ստեղծման ու գործունեության ընթացքում ծագող հարաբերությունները:

Օրենքի հիման վրա 2001թ. ստեղծվեց գործադիր գործառույթներ իրականացնող և կարգավորող պետական անկախ մարմին՝ Հեռուստատեսության և ռադիոյի Ազգային հանձնաժողովը՝ ներկայումս, ըստ գործող ՀՀ Սահմանադրության՝ Հեռուստատեսության և ռադիոյի հանձնաժողով:

Հանձնաժողովի առաջին կազմը նշանակվել է 2001 թվականի մարտի 19-ին՝ Հայաստանի Հանրապետության Նախագահի ՆՀ-839 հրամանագրով:

Հեռուստատեսության և ռադիոյի հանձնաժողովի լիազորությունները սահմանվում են ՀՀ Սահմանադրության 196-րդ հոդվածով, համաձայն որի՝ այն անկախ պետական մարմին է, որն ապահովում է հեռարձակվող լրատվության միջոցների ազատությունը, անկախությունը և բազմազանությունը, վերահսկում է հեռուստաընկերությունների և ռադիոընկերությունների գործունեությունը:

ՀՌՀ-ն բաշխեց մարզային սլոթերի համար դիմած հեռուստաընկերությունների միավորները |armenpress.am|

armenpress.am: Հեռուստատեսության և ռադիոյի հանձնաժողովի անդամները փակ և գաղտնի ռեժիմով բաշխեցին մարզային սլոթերի համար դիմած հեռուստաընկերությունների միավորները: Մրցույթի վերջնական արդյունքները կամփոփվեն երեք օրվա ընթացքում: «Չեն դիմել միայն Արարատի մարզից և Վայոց ձորից, և մենք նոր մրցույթ ենք հայտարարել, որն ավարտվելու է փետրվարի 1-ին, իսկ մյուս մարզերի վերաբերյալ որոշումը կկայացվի երեք օրվա ընթացքում, մրցույթի արդյունքները կհայտարարվեն հունվարի 18-ից հետո»,- ասաց ՀՌՀ նախագահ Տիգրան Հակոբյանը: Մարզային սլոթերի համար դիմած հեռուստաընկերությունների միավորները բաշվեցին հետևայլ կերպ. Արագածոտնի մարզ- «Պրոգրես մեդիա»- 619, «Դելտա TV»- 674 Արմավիրի մարզ- «ԱԼՏ հեռուստախմբագրություն» ՍՊԸ- 292, «Արամեա ՍՊԸ»- 435 Գեղարքունիքի մարզ- «Գեղամա մեդիահոլդինգ»- 622 Լոռու մարզ- «Ֆորտունա» ՍՊԸ- 673, «Անկյուն+3» ՍՊԸ- 482, «Լոռի TV» ՍՊԸ- 529 Կոտայք- «Կոտայք TV» ՍՊԸ- 498 Շիրակի մարզ- «Շանթ թիմ» ՍՊԸ- 492, «Ցայգ» ՍՊԸ- 559 Սյունիք- «Զանգեզուր հեռուստաընկերություն» ՍՊԸ- 573 Տավուշի մարզ- «Տավուշ մեդիա» ՍՊԸ- 502:

13:51 - 14 հունվարի, 2021

ՀՌՀ-ն կոչ է անում ոստիկանությանը՝ բացառել լրագրողների մասնագիտական գործունեությունը խոչընդոտող միջադեպերը

Հեռուստատեսության և ռադիոյի հանձնաժողովը, որպես հեռարձակվող լրատվամիջոցների գործունեությունը կարգավորող լիազոր մարմին, իր մտահոգությունն է հայտնում «Երկիր Մեդիա» հեռուստաընկերության նկարահանող խմբի հանդեպ ոստիկանության կողմից նախօրեին իրականացված գործողությունների առնչությամբ: Հանձնաժողովը ցանկանում է ևս մեկ անգամ հիշեցնել ոստիկանությանը և ուժային այլ կառույցներին. յուրաքանչյուր լրագրող իրավունք ունի ներկա լինելու հանրային վայրերում կազմակերպված կամ ինքնաբուխ հավաքների՝ անկախ կատարվող գործողությունների բնույթից: Իրադարձությունների լուսաբանման համար որևէ մարմնի՝ իշխանական տարբեր կառույցների կողմից, իրազեկում և հավատարմագրում չի նախատեսում: Լրագրողների մասնագիտական գործունեությունը խոչընդոտելու հետևանքով խախտվում է Հայաստանի քաղաքացիների՝ երկրում ընթացող գործընթացների մասին օպերատիվ և բազմակողմանի տեղեկատվություն ստանալու իրավունքը: Հանձնաժողովը կոչ է անում ոստիկանությանը՝ քայլեր ձեռնարկել նման միջադեպերը բացառելու համար, իսկ հեռարձակվող կազմակերպություններին՝ Հանձնաժողովին տեղեկացնել ուժային կառույցների կողմից հեռարձակողների նկատմամբ ցանկացած ուժային գործողության վերաբերյալ:

16:42 - 02 դեկտեմբերի, 2020

ՀՌՀ-ին լիցենզավորման մրցույթին մասնակցության հայտ է ներկայացրել 38 ընկերություն

Հանրային մուլտիպլեքսում սլոթի օգտագործման լիցենզավորման մրցույթի 6 հանրապետական, 9 մայրաքաղաքային և 10 մարզային սլոթերին մասնակցության համար ներկայացվել են հանրապետական՝ 12, մայրաքաղաքային՝ 13 և մարզային սփռման մրցույթներին մասնակցության 13 հայտեր։ Այս մասին տեղեկացրին Հեռուստատեսության և ռադիոյի հանձնաժողովից։ «Հեռուստատեսության և ռադիոյի հանձնաժողովում նոյեմբերի 17-ին, 18-ին և 19-ին տեղի են ունեցել նիստեր, օրակարգում ունենալով հետևալ հարցը՝ Հանրային մուլտիպլեքսում սլոթի օգտագործման լիցենզավորման մրցույթի մասնակիցների հայտերի հրապարակում: Հիշեցնենք, որ համաձայն «Տեսալսողական մեդիայի մասին» օրենքի, դեռևս սեպտեմբերին հայտարարվել էին հանրային մուլտիպլեքսում սլոթի օգտագործման լիցենզավորման մրցույթներ: Հայտարարվել էր մրցույթ 25 սլոթի համար, որոնցից 6-ը՝ հանրապետական, 9-ը՝ մայրաքաղաքային և 10-ը՝ մարզային: Հայտարարված սլոթի համար ներկայացվել են հանրապետական՝ 12, մայրաքաղաքային՝ 13 և մարզային սփռման մրցույթների համար 13 մրցութային հայտեր: Նշենք, որ Վայոց ձորի և Արարատի մարզերում մրցույթները անվավեր են ճանաչվել, հայտեր չներկայացվելու պատճառով: Երեք օրերի ընթացքում հրապարակվել են հայտերը և հեռուստաընկերությունները ներկայացրել են իրենց հետագա գործունեության մասին ծրագրերը: Համաձայն օրենքի՝ Հանձնաժողովը հայտերն ուսումնասիրելու համար ունենալու է 60 օր, իսկ հունվարին՝ վարկանիշային գնահատման միջոցով, կհայտարարի հաղթող ընկերությունների անունները»,- ասվում է հաղորդագրության մեջ:

18:34 - 19 նոյեմբերի, 2020

Հեռուստատեսային լիցենզիա ստանալու համար դիմել է տարիներ առաջ եթերազրկված «Ա1+»-ը, նաեւ 2 լրատվական կայք |armtimes.com|

armtimes.com: Շարունակվում է հանրային մուլտիպլեքսում սլոթի օգտագործման լիցենզավորման հանրապետական եւ մայրաքաղաքային սփռման մրցույթի մասնակիցների հայտերի հրապարակումը: Ընկերությունները կմրցակցեն՝ հեռուստատեսային հեռարձակում ապահովելու հնարավորության համար։ Նոյեմբերի 18-ին հրապարակվեց հանրապետական սփռման մրցույթի մասնակից եւս 6 ընկերությունների հայտեր, որոնցից երկուսը լրատվական կայքեր են՝ «Սկիզբ Մեդիա կենտրոն» ՍՊ-ն (Առաջին լրատվական կայքեջ) եւ «Ֆրի Նյուզ» ՍՊԸ-ն՝ համանուն կայքով։ Այս երկու կայքերը դիմել են հանրապետության ողջ տարածքով հեռուստատեսային հաճախականություն ստանալու համար։Հանրապետական սփռման մրցույթի մասնակից ընկերություններից «Մելտեքս» ՍՊ-ն (Ա1+ հեռուստաընկերություն) դիմել է լիցենզիան վերականգնելու համար, որից նախկինում զրկվել է։ Տարիներ առաջ «Ա1+» հեռուստաընկերությունը փակվեց քաղաքական դրդապատճառներով։ Մյուս չորս մասնակիցները գործող հեռուստաընկերություններ են՝«Հայաստանի հանրային հեռուստաընկերություն» ՓԲԸ«Հուսաբեր» ՓԲԸ«Շանթ» ՍՊԸ Այսօր հրապարակվել են նաեւ 4 հեռուստաընկերության հայտեր, որոնք մրցում են մայրաքաղաքային սփռման լիցենզովրման համար։ Հեռուստատեսության եւ ռադիոյի հանձնաժողովի նախագահ Տիգրան Հակոբյանն անդրադառնալով հայտատուներից «Շանթ» ՍՊԸ-ին նկատեց․ «Յուրաքանչյուր հեռուստատեսային կազմակերպություն իրավունք ունի մասնակցել մեկ հանրապետական եւ մեկ մայրաքաղաքային սփռման մրցույթի, դրանով է պայմանավորված «Շանթ» ՍՊԸ-ն երկու ծրագիր է տվել մեկը հանրապետական ծածկույթի, մյուսը՝ մայրաքաղաքային»։ Նշենք, որ Շանթի մայրաքաղաքային սփռման համար դիմած ծրագիրը սպորտային է։ Ավելին՝ armtimes.com-ում

23:47 - 18 նոյեմբերի, 2020

ՀՀ-ն Ռուսաստանի հետ կկնքի պայմանագիր հեռուստահեռարձակման վերաբերյալ |armenpress.am|

armenpress.am: Հայաստանի Հանրապետության Հեռուստատեսության և ռադիոյի հանձնաժողովի նախագահ Տիգրան Հակոբյանը հայտարարել է ռուսական հեռուստաալիքների հեռարձակման վերաբերյալ ՌԴ-ի հետ պայմանագիր կնքելու մասին: Ինչպես հաղորդում է «ՌԻԱ Նովոստի»-ին, Տիգրան Հակոբյանն ընդգծել է, որ ամենայն հավանականությամբ ՌԴ-ի հետ կկնքվի միջպետական պայմանագիր, և մեկ կամ երկու հանրային և մայրաքաղաքային սլոթեր (հաճախականություններ) կհատկացվեն ռուսական հեռուստաընկերություններին: Հակոբյանը, դիտարկելով արտոնագիր ստանալ ցանկացող հեռուստաընկերությունների դիմումները, նշել է, որ մրցույթը հայտարարվել է 25 հաճախականության համար: «6 հանրապետական սլոթին հավակնում է 12 հեռուստաընկերություն, 9 մայրաքաղաքային սլոթին՝ 4 հեռուստաընկերություն, իսկ 10 տարածաշրջանայինին՝ 13 հեռուստաընկերություն»,-տեղեկացրել է նա: Տիգրան Հակոբյանը հավելել է, որ օտարերկրյա հեռարձակողները սլոթերի օգտագործման արտոնագիր են ստանում ըստ միջպետական պայմանագրերի՝ առանց մրցույթի: Նրա խոսքով՝ մրցույթի արդյունքները կհայտարարվեն հունվարին:

14:23 - 17 նոյեմբերի, 2020

Տուրք չտալ հաճախ արդարացի հուզմունքներին, եթեր չտրամադրել սադրիչ կոչերով հանդես եկող անձերին. ՀՌՀ-ն դիմել է բոլոր հեռարձակողներին

Հեռուստատեսության և ռադիոյի հանձնաժողովը (ՀՌՀ) դիմել է բոլոր հեռարձակողներին․ «Երկրում ստեղծվել է ճգնաժամային իրավիճակ: Այս պայմաններում իշխանության երեք ճյուղերի գործողությունները, ցավոք, թերի են, անբովանդակ եւ չեն նպաստում ճգնաժամի հաղթահարմանը, իսկ մի շարք քաղաքական ուժերի եւ քաղաքացիական խմբերի գործունեությունը զուրկ է կառուցողական բնույթից, ինչը հաճախ նպաստում է իրավիճակի էլ ավելի ապակայունացմանը: Այս ամենը հղի է ամենածանր հետեւանքներով ժողովրդի եւ պետության համար:Փոխադարձ անվստահության, մեղադրանքների մթնոլորտում Հանձնաժողովը կարեւորում է լրատվամիջոցների՛ որպես ոչ ֆորմալ բայց չափազանց ազդեցիկ չորրորդ իշխանության դերը սրված իրավիճակը մեղմելու գործում:Ուստի, Հեռուստատեսության եւ ռադիոյի հանձնաժողովի անունից դիմում եմ մեր գործընկեր հեռուստա եւ ռադիոընկերությունների ղեկավարներին, խմբագրակազմին, ինչպես նաեւ հեռարձակողների հիմնադիրներին հետեւյալ խնդրանքով, հորդորով, պահանջով.Խմբագրական քաղաքականությունն իրականացնելիս առաջնորդվել միայն պետության եւ քաղաքացիների շահերով, տուրք չտալ ավելորդ հուզմունքներին, լինել սթափ, պահպանել զսպվածություն: Բացառել եթերում ատելության խոսքի, սպառմալիքների, ասեկոսեների տարածումից, զերց մնալ բամբասանքներից: Տուրք չտալ հաճախ արդարացի հուզմունքներին, եթեր չտրամադրել սադրիչ կոչերով հանդես եկող անձերին: Լրատվական հաղորդումներով, հարցազրույցներով նպաստել քաղաքացիական համերաշխության հաստատմանը, բացառել բռնության կոչերը իշխանական ինստիտուտների, քաղաքական ուժերի եւ գործիչների, քաղաքացիական տարբեր խմբերի, պարզապես այլ կարծիք ունեցող մարդկանց նկատմամբ: Ուզում եմ հավատալ, որ բոլոր հեռարձակողները խորությամբ գիտակցում են իրենց պատասխանատվությունը բազմահազարանոց լսարանի առջեւ եւ հատկապես այս օրերին գերակա չեն համարի կուսակցական, անձնային կամ այլ, պետության անվտանգությունը խաթարող շահերը:Եւ վերջում ցանկանում եմ հիշեցնել, որ Հանձնաժողովը շարունակում է կատարել Սահմանադրությամբ եւ օրենքով սահմանված իր լիազորությունները: Քաղաքացիական բախումներ հրահրելու ցանկացած կոչ, մարդկանց խուճափի մատնելու ցանկացած գործողություն հեռարձակողների եթերում կանխվելու ՀՌՀ կողմից ընդհուպ մինչեւ հեռարձակողի գործունեության ժամանակավոր կասեցում, կամ լիցենզիայի գործողության դադարեցում: Անկախ նրանից, թե որ ճամբարի կողմից են կատարվում հակաօրինական գործողությունները: Տ.Հակոբյան,ՀՌՀ նախագահ»

18:13 - 16 նոյեմբերի, 2020

Ռազմական դրության ընթացքում կասեցվել է մեկ հեռուստածրագրի գործունեություն. ՀՌՀ նախագահ |1lurer.am|

1lurer.am: ՀՌՀ նախագահ Տիգրան Հակոբյանն անդրադարձել է ռազմական դրության ընթացքում հեռուստառադիոեթերի մշտադիտարկմանը: «Այնպիսի սխալներ, որի համար մենք էլի կարող էինք վարույթ բացել, կասեցնել կամ նույնիսկ լիցենզիան հետ ստանալ, մենք կարծես չունենք: Եվ ուզում եմ բոլորի ուշադրությունը հրավիրել, որ այս ֆեյքային, ապատեղեկատվության միջավայրում ամենկարգապահն այն ընկերություններն են, որոնք հանձնաժողովի կողմից ստացել են լիցենզիա և կարգավորվում են հենց հանձնաժողովի կողմից»,- նշեց Հակոբյանը ԱԺ մշտական հանձնաժողովներում 2021 թ. պետական բյուջեի նախագծի քննարկումների ժամանակ: ՀՌՀ նախագահը տեղեկացրեց, որ այս ընթացքում մեկ ամսով կասեցվել է մեկ ծրագրի գործունեությունը, որ շտկվի դրա բովանդակությունը: Կասեցման ժամկետն ավարտվում է նոյեմբերի 10-ին: «Ամեն դեպքում, այդ հեռուստաընկերության եթերում այն այլևս չի լինի: Մենք փաստաթղթեր ստացանք, որ պայմանագիրը խզվել է, և այդ հաղորդումը էլ չենք ունենա»,- նշեց Հակոբյանը:

18:38 - 09 նոյեմբերի, 2020

Հեռուստատեսության և ռադիոյի հանձնաժողովում հաջորդ տարի կավելացվեն նոր հաստիքներ |armenpress.am|

17:11 - 09 նոյեմբերի, 2020

Դադարեցվել է «ՇԱՆԹ» ընկերության հեռուստառադիոծրագրերի կաբելային (մալուխային) հեռարձակման լիցենզիայի գործողությունը

Այսօր` սեպտեմբերի 4-ին, Հեռուստատեսության և ռադիոյի հանձնաժողովում գումարվել է հանձնաժողովի նիստ: Օրակարգում ընդգրկված էր չորս հարց՝ «ԱԼՖԱ ՏԵԼԵԿՈՄ» ՍՊ ընկերության ՀՀ Կոտայքի մարզի տարածքում ցանցային օպերատորի գործունեության լիցենզիա ստանալու, «ՇԱՆԹ» ՍՊ ընկերության հեռուստառադիոծրագրերի կաբելային (մալուխային) հեռարձակման լիցենզիայի գործողությունը դադարեցնելու դիմումների, «ՇԱՆԹ» և «ՄԵԴԻԱ ՆՅՈՒԶ» ՍՊ ընկերությունների հեղինակազորման հայտերի վերաբերյալ: Նիստի օրակարգի հաստատումից հետո Իրավաբանական և լիցենզավորման վարչության պետը Հանձնաժողովի անդամներին ներկայացնելով«ԱԼՖԱ ՏԵԼԵԿՈՄ» ՍՊ ընկերության ներկայացրած դիմումը և կից ներկայացված փատաթղթերը նշել է, որ ներկայացված փաստաթղթերն ամբողջական են, դրանցում չեն հայտնաբերվել ակնհայտ կեղծ տվյալներ, իսկ «ՇԱՆԹ» ընկերությունը հեռուստառադիոծրագրերի կաբելային (մալուխային) հեռարձակման լիցենզիայի գործողությունը դադարեցնելու վերաբերյալ դիմումին կից Հանձնաժողով է ներկայացրել Ընկերության լիցենզիայի բնօրինակը (տրման ամսաթիվը՝ 29.12.2016թ., սփռման տարածքը՝ Հայաստանի Հանրապետություն): Հանձնաժողովը բավարարել է բոլոր դիմումների պահանջները:

15:37 - 04 սեպտեմբերի, 2020

ՀՌՀ-ում սկսվել է հեղինակազորման հայտերի ընդունման գործընթացը

Այսօր` օգոստոսի 21-ին, Հեռուստատեսության և ռադիոյի հանձնաժողովում գումարվել է հանձնաժողովի նիստ: Օրակարգում ընդգրկված էր ինը հարց՝ «ԳԵՂԱՄԱ ՄԵԴԻԱ ՀՈԼԴԻՆԳ», «ՖՈՐՏՈՒՆԱ», «ՑԱՅԳ», «ՄՈՒԼՏԻ ՄԵԴԻԱ-ԿԵՆՏՐՈՆ ԹԻՎԻ», «ԼՈՌԻ ԹԻ-ՎԻ», «ՇԱՐԿ», «ԿՈՏԱՅՔ ԹԻ ՎԻ» ՍՊ ընկերությունների հեղինակազորման հայտերի, «ՇԱՐԿ» ՍՊ ընկերության հեռուստառադիոծրագրերի կաբելային (մալուխային) հեռարձակման լիցենզիայի գործողությունը դադարեցնելու դիմումի և ««ՌԱԴԻՈ ԱՎՐՈՐԱ» ՍՊ ընկերության նկատմամբ հարուցված վարչական վարույթը կարճելու մասին» հարցի վերաբերյալ։ Օրակարգային հարցերի քննարկման ժամանակ հանձնաժողովի անդամները քննարկելով «ԳԵՂԱՄԱ ՄԵԴԻԱ ՀՈԼԴԻՆԳ», «ՖՈՐՏՈՒՆԱ», «ՑԱՅԳ», «ՄՈՒԼՏԻ ՄԵԴԻԱ-ԿԵՆՏՐՈՆ ԹԻՎԻ», «ԼՈՌԻ ԹԻ-ՎԻ», «ՇԱՐԿ», «ԿՈՏԱՅՔ ԹԻ ՎԻ» ՍՊ ընկերությունների ներկայացված հեղինակազորման հայտերը և ղեկավարվելով «Տեսալսողական մեդիայի մասին» օրենքի 32-րդ հոդվածի 1-ին մասի 2-րդ կետի, 43-րդ հոդվածի դրույթներով, բավարարել են բոլոր հայտերի պահանջները և ընկերություններին հեղինակազորել՝ տալով տեսալսողական մեդիածառայություն մատուցողի կարգավիճակ: Հանձնաժողովի Իրավաբանական և լիցենզավորման վարչության պետը ներկայացնելով «ՇԱՐԿ» ՍՊ ընկերության հեռուստառադիոծրագրերի կաբելային (մալուխային) հեռարձակման լիցենզիայի գործողությունը դադարեցնելու դիմումը նշել է, որ Ընկերությունը դիմումին կից ներկայացրել է լիցենզիայի բնօրինակը (տրման ամսաթիվը՝ 05.11.2019թ., սփռման տարածքը՝ Հայաստանի Հանրապետություն), հետևաբար դիմումն ենթակա է բավարարման: Իսկ ««ՌԱԴԻՈ ԱՎՐՈՐԱ» ՍՊ ընկերության նկատմամբ հարուցված վարչական վարույթը կարճելու մասին» հարցը ներկայացնելիս նշել՝ արարքը, որի համար Ընկերության նկատմամբ բացվել է վարույթ, համապատասխանում է «Հեռուստատեսության և ռադիոյի մասին» ՀՀ օրենքի 60-րդ հոդվածի 18-րդ մասի հատկանիշներին, իսկ օգոստոսի 7-ին ուժի մեջ մտած «Տեսալսողական մեդիայի մասին» ՀՀ օրենքով վարույթի համար հիմք հանդիսացած արարքի վերաբերյալ կա այլ իրավական կարգավորում։ Հաշվի առնելով այս հանգամանքը Հանձնաժողովը որոշել է Ընկերության նկատմամբ հարուցված վարչական վարույթը կարճել:

10:10 - 22 օգոստոսի, 2020

Կայացել է հանդիպում տեսալսողական ծրագրերի դիստրիբյուտորների հետ

Այսօր՝ օգոստոսի 10-ին, Հեռուստատեսութայն և ռադիոյի հանձնաժողովում կայացել է հանդիպում տեսալսողական ծրագրերի դիստրիբյուտորների հետ: Հանդիպման նպատակը, որին մասնակցել են ՀՌՀ նախագահ Տիգրան Հակոբյանը, գլխավոր քարտուղար Սմբատ Խաչատրյանը, իրավաբանական և լիցենզավորման վարչության ներկայացուցիչները, «Տեսալսողական մեդիայի մասին» օրենքի մեկնաբանությունն էր՝ մասնավորապես այն դրույթները, որոնցով կարգավորվելու է դիստրիբյուտորների գործունեությունը: Տիգրան Հակոբյանն իր խոսքում նշել է, որ համաձայն օրերս ուժի մեջ մտած «Տեսալսողական մեդիայի մասին» օրենքի այսուհետ նրանց գործունեությունը կարգավորվելու է Հանձնաժողովի կողմից, որը նոր է երկու կողմի համար: Այնուհետ իրավաբանական և լիցենզավորման վարչության պետ Դավիթ Մարգարյանը մանրամասնել է օրենքի դրույթները, պատասխանելով ներկաների հարցերին: Հիշեցնենք, որ «Տեսալսողական մեդիայի մասին» օրենքը ՀՀ նախագահի կողմից ստորագրվել է օգոստոսի 5-ին, ուժի մեջ մտել՝ 7-ին:

14:46 - 10 օգոստոսի, 2020

Մենք չէ, որ սև ու սպիտակ ենք անում մեդիայի հարցում, դուք եք խտրականություն դնում և չեք ընդունում մեդիայի հրավերները․ Անի Սամսոնյանը՝ «Իմ քայլին» |tert.am|

tert.am: Հանրային հեռուստաընկերությանը կրծքով ինձանից պաշտպանելու որևէ կարիք չկա, որովհետև ես որևէ մեղադրանք չեմ ներկայացնում։ Այս մասին այսօր Ազգային ժողովում իր ելույթում ասաց «Լուսավար Հայաստան» խմբակցության անդամ Անի Սամսոնյանը՝ անդրադառնալով ՀՌԱՀ-ի զեկույցին։«Հարգելի գրոծընկերներ, մենք չէ, որ սև ու սպիտակ ենք անում մեդիայի հարցում, չար ու բարի անում մեդիայի հարցում, դուք եք խտրականություն դնում և չեք ընդունում մեդիայի հրավերները։ Եթե դա ձեզ անհանգստացնում է, որ ընդդիմադիր ներկայացուցիչները կարող են հայտնվել այդ եթերներում, ապա դուք էլ քաջ եղեք, գնացեք և ձեր տեսակետը պաշտպանեք այդ եթերներում, կռիվ տվեք ձեր համոզմունքների համար։ Ես կարծում եմ, որ դա ձեր կողմից ավելի խելամիտ կլինի, քան թե այս Ազգային ժողովի ամբիոնից անընդհատ խտրական կոչեր հնչեցնելու Զանգվածային լրատվամիջոցների նկատմամբ»,-ասաց նա։Ինչ վերաբերում է իշխանական պատգամավորներից մեկի դիտարկմանը, թե երեկ Գագիկ Ծառուկյանը զրկվեց անձեռմխելիությունից, բայց հանրայինի եթերում հայտնվեց Էդմոն Մարուքյանը, ապա Անի Սամսոնյանը նշեց, որ իշխանության բոլոր ներկայացուցիչները մերժել են գնալ Հանրային հեռուստաընկերության եթեր։

16:38 - 17 հունիսի, 2020