Մայք Պոմպեո

Մայք Ռիչարդ Պոմպեոն ամերիկացի քաղաքական գործիչ եւ փաստաբան է, ծնվել է 1963 թվականի դեկտեմբերի 30-ին։ 2018-ի ապրիլից ծառայում է որպես Միացյալ Նահանգների 70-րդ պետքարտուղար: Նա ԱՄՆ բանակի նախկին սպա է։ Կենտրոնական հետախուզական գործակալության տնօրեն էր 2017-ի հունվարից մինչեւ 2018-ի ապրիլ:

Պոմպեոն Միացյալ Նահանգների Ներկայացուցիչների պալատի անդամ էր 2011 թվականից մինչեւ 2017 թվականը՝ ներկայացնելով Կանզասի 4-րդ կոնգրեսական շրջանը: Եղել է Կանզասի ներկայացուցիչ հանրապետական ազգային կոմիտեում։

Նախագահ Դոնալդ Թրամփը առաջադրել է Պոմպեոյին պետքարտուղարի պաշտոնում 2018-ի մարտին, իսկ Սենատի կողմից հաստատվել է 2018-ի ապրիլի 26-ին ՝ 57–42 քվեարկությամբ։

ԱՄՆ-ը մտադիր Է միջին եւ փոքր հեռահարության հրթիռներ ստեղծել |armenpress.am|

ԱՄՆ-ը մտադիր Է միջին եւ փոքր հեռահարության հրթիռներ ստեղծել |armenpress.am|

armenpress.am: Միացյալ Նահանգները մտադիր Է ստեղծել միջին եւ փոքր հեռահարության հրթիռներ: Այդ մասին հայտարարել Է ԱՄՆ-ի պետքարտուղար Մայքլ Փոմպեոն կառավարող Հանրապետական կուսակցության համազգային համագումարի մասնակիցների առջեւ ունեցած իր ճառում: Ելույթը հեռարձակվել Է տեսագրությամբ օգոստոսի 25-ի երեկոյան: Այն տեսագրվել Է Երուսաղեմում, որտեղ ԱՄՆ-ի արտաքին քաղաքական գերատեսչության ղեկավարը գտնվել Է օգոստոսի 24-ին մերձավորարեւելյան շրջագայության շրջանակում: «Այսօր նախագահ Թրամփի շնորհիվ ՆԱՏՕ-ն դարձել Է ավելի ուժեղ, Ուկրաինան զենքի պաշտպանական համակարգեր ունի, իսկ Ամերիկան հրաժարվել Է վնասակար պայմանագրից, որպեսզի մեր երկիրը կարողանա հրթիռներ կառուցել՝ ռուսական ագրեսիան զսպելու համար»,- հայտարարել Է Փոմպեոն՝ նկատի ունենալով միջին եւ փոքր հեռահարության հրթիռների վերացման ռուս-ամերիկյան պայմանագիրը, որից ԱՄՆ-ը դուրս եկավ անցած տարվա օգոստոսին: Բացի դրանից, ամերիկյան դիվանագիտության ղեկավարը քննադատության տարափ Է թափել Չինաստանի հասցեին: Ըստ որում Փոմպեոն կրկին մեղադրել Է Պեկինի խշխանություններին, որ նրանք իբր համապատասխան միջոցներ չեն ձեռնարկել նոր կորոնավիրուսի տարածումը կանխելու համար: Մինչդեռ, ԱՄՆ-ի նախագահի հանրապետականների թեկնածու Դոնալդ Թրնափը վճականորեն պաշտպանում Է ամերիկյան շաերը ՉԺՀ-ի հետ հարաբերություններում, համոզված Է Փոմպեոն: ԱՄՆ-ի վարչակազմը, հիշեցրել Է պետքարտուղարը, վերանայել Է Վաշինգտոնի համար «ծիծաղելիորեն անարդարացի» առեւտրական համաձայնությունները Պեկինի հետ, որոնք նախկինում «ճեղքվածք Էին առաջացնում» ամերիկյան տնտեսությունում: Փոմպեոյի տեսակետով՝ Թրամփը, 2017 թվականի հունվարին դառնալով ԱՄՆ-ի վարչակազմի ղեկավար եւ որը ձգտում Է հասնելու վերընտրման, իրականացրել Է «հանդուգն նախաձեռնությռւուններ գործնականում աշխարհի բոլոր մասերում»: «Ամերիկան պաշտպանված Է ավելի լավ, քանի որ նախագահ Թրամփը կենագործեց իր «Ամերիկան առաջին տեղում» հայեցակարգը: Դա Էլ, հնարավոր Է, նրան չդարձրեց ամենից շատ ժողովրդականություն վայելող (մարդը) այլ երկրի ցանկացած մայրաքաղաքում: Սակայն դա գործեց (ի շահ ամերիկացիների)»,- կարծում Է Փոմպեոն: ԱՄՆ-ում հերթական նախագահական ընտրությոնները տեղի կունենան նոյեմբերի 3-ին: Ընտրություններում Թրամփի մրցակիցը կլինի դեմոկրատ Ջոզեֆ Բայդենը, հաղորդել Է ՏԱՍՍ-ը:

13:47 - 26 օգոստոսի, 2020

ԱՄՆ Պետքարտուղարության աշխատակիցը հանդիպել է Տիխանովսկայայի հետ |tert.am|

ԱՄՆ Պետքարտուղարության աշխատակիցը հանդիպել է Տիխանովսկայայի հետ |tert.am|

tert.am: ԱՄՆ պետքարտուղարի առաջին տեղակալ Սթիվեն Բիգենը Լիտվայի մայրաքաղաքում հանդիպում է ունեցել Բելառուսի նախագահի նախկին ընդդիմադիր թեկնածու Սվետլանա Տիխանովսկայայի հետ, Պետդեպարտամենտի մամուլի ծառայությանը հղումով գրում է barrons.com-ը։ «Պետքարտուղարի առաջին տեղակալը հանդիպել է Բելառուսի ընդդիմության առաջնորդ Սվետլանա Տիխանովսկայայի հետ՝ քննարկելու հանրապետությունում տիրող իրավիճակը և այն, թե ինչպես քաղաքացիական հասարակությունը կարող է երկրում ամրապնդել ժողովրդավարությունը և մարդու իրավունքները»,- ասված է հաղորդագրության մեջ: Նշվում է, որ Բիգենը նաև հաստատել է ԱՄՆ-ի հավատարմությունը Բելառուսի ինքնիշխանությանն ու տարածքային ամբողջականությանը, ինչպես նաև «երկրի ժողովրդի՝ սեփական առաջնորդներին ընտրելու և իրենց ապագան որոշելու ինքնիշխան իրավունքին»։ «Նա շատ տպավորիչ անձնավորություն է, և ես հասկանում եմ, թե ինչու է այդքան հայտնի իր երկրում»,- Տիխանովսկայայի հետ հանդիպման մասին ասել է Պետքարտուղարության աշխատակիցը։ Նշվում է, որ Լիտվա կատարած այցի ժամանակ ԱՄՆ պետքարտուղարի տեղակալը հանդիպել է նաև երկրի արտաքին գործերի և պաշտպանության նախարարներ Լինաս Լինկյավիչուսի և Ռայմունդաս Կարոբլիսի հետ, որպեսզի նրանց հետ քննարկի Բելառուսի ճգնաժամը, «Ռուսաստանի և ՉԺՀ-ի կողմից սպառնալիքների դիմակայությունը, ինչպես նաև Մարդու իրավունքների և ժողովրդավարության առաջխաղացումը»։

10:25 - 25 օգոստոսի, 2020

ԱՄՆ-ը ՌԴ-ի ու Չինաստանի դեմ պատժամիջոցներ կսահմանի Իրանի նկատմամբ ՄԱԿ պատժամիջոցների դեմ հանդես գալու դեպքում. ԱՄՆ պետքարտուղար |factor.am|

ԱՄՆ-ը ՌԴ-ի ու Չինաստանի դեմ պատժամիջոցներ կսահմանի Իրանի նկատմամբ ՄԱԿ պատժամիջոցների դեմ հանդես գալու դեպքում. ԱՄՆ պետքարտուղար |factor.am|

factor.am: ԱՄՆ-ն առանց երկմտելու պատժամիջոցներ կսահմանի ցանկացած պետության դեմ, որը հանդես կգա Իրանի նկատմամբ ՄԱԿ պատժամիջոցներ կիրառելու ջանքերի դեմ, հայտարարել է ԱՄՆ պետքարտուղար Մայք Պոմպեոն Fox News հեռուստաալիքի Special Report ծրագրի եթերում։ Ի պատասխան հաղորդավարի հարցին՝ արդյոք ԱՄՆ-ը պատժամիջոցներ կկիրառի՞ Ռուսաստանի և Չինաստանի դեմ, եթե վերջիններս դեմ լինեն Իրանի նկատմամբ պատժամիջոցներին՝ Պոմպեոն ասել է. «Երբ տեսնում ենք, որ որևէ երկիր խախտում է մեր ընթացիկ պատժամիջոցները՝ ամերիկյան պատժամիջոցները, մենք այդ երկրին պատասխանատվության կոչ ենք անում։ Նույնը կանենք նաև ՄԱԿ-ի Անվտանգության խորհրդի ավելի ընդարձակ պատժամիջոցների հարցում»: Ավելի վաղ ԱՄՆ Նախագահ Դոնալդ Թրամփը հայտարարել էր, որ Պոմպեոյին հանձնարարել է «ՄԱԿ-ի Անվտանգության խորհրդին ծանուցել, որ ԱՄՆ-ը Իրանի նկատմամբ ՄԱԿ-ի պատժամիջոցները վերականգնելու գործընթաց է նախաձեռնում՝ 2015 թվականին կնքված միջուկային գործարքի համաձայն»:

12:50 - 20 օգոստոսի, 2020

Քաջատեղյակ ենք, որ Ռուսաստանը նախկինում զինել է թալիբներին․ Փոմփեո |azatutyun.am|

Քաջատեղյակ ենք, որ Ռուսաստանը նախկինում զինել է թալիբներին․ Փոմփեո |azatutyun.am|

azatutyun.am: Ցանկացած երկիր, որ վճարում է երրորդ ուժերին ամերիկացիների սպանության համար, պատասխան է տալու նման պահվածքի համար, «Ազատություն» ռադիոկայանին տված բացառիկ հարցազրույցում այս մասին նշել է Միացյալ Նահանգների պետքարտուղար Մայք Փոմփեոն` մեկնաբանելով ամերիկյան մամուլում վերջերս ի հայտ եկած տեղեկությունները, որոնց համաձայն Ռուսաստանի ռազմական հետախուզությունը գումար է առաջարկել «Թալիբան» շարժման զինյալներին՝ Աֆղանստանում տեղակայված ամերիկացի զինվորականների դեմ հարձակումների դիմաց։ «Եթե Ռուսաստանը գումար է առաջարկում ամերիկացիների կամ արևմտյան այլ պետության քաղաքացիների սպանության համար, ապա ստիպված է լինելու շատ լուրջ պատասխանատվություն կրել դրա համար։ Ես հենց դա եմ փոխանցել Ռուսաստանի արտաքին գործերի նախարար Լավրովին։ Դրա հետ մեկտեղ մենք քաջատեղյակ ենք պատմությունից և հիշում ենք, որ Ռուսաստանը նախկինում զինում էր «Թալիբանին», - նշում էր Փոմփեոն։

13:26 - 13 օգոստոսի, 2020

Պոմպեոն հավանական է համարում, որ Բելառուսի դեմ պատժամիջոցներ սահմանվեն |tert.am|

Պոմպեոն հավանական է համարում, որ Բելառուսի դեմ պատժամիջոցներ սահմանվեն |tert.am|

tert.am: ԱՄՆ պետքարտուղար Մայք Պոմպեոն հայտարարել է, որ Բելառուսի դեմ կարող են պատժամիջոցներ սահմանվել, և որ հավանական է նավթի մատակարարման դադարեցումը, հաղորդում է ТАСС-ը: «Ի՞նչ պետք է անենք թե՛ միակողմանի, թե՛ բազմակողմանի հարթությունում, որպեսզի Բելառուսի քաղաքացիների համար նպաստավոր արդյունքների հասնենք, գնալ այդ քայլին պատժամիջոցների՞ թե՞ մատակարարումների դադարեցման միջոցով․ պետք է որոշում կայացնել այս հարցում»,- նշել է Պոմպեոն: Պետքարտուղարն ասել է, որ Բելառուսում տեղի ունեցած իրադարձություններին արձագանքելու հարցում պետք է աշխատեն Եվրամիության հետ:

09:25 - 13 օգոստոսի, 2020

Բելառուսի ընտրություններն ազատ չեն եղել. ԱՄՆ պետքարտուղար

|armenpress.am|

Բելառուսի ընտրություններն ազատ չեն եղել. ԱՄՆ պետքարտուղար |armenpress.am|

armenpress.am: Բելառուսում տեղի ունեցած նախագահական ընտրություններն ազատ չեն եղել։ Չեխական հեռուստաընկերությանը տված հարցազրույցում հայտարարել է ԱՄՆ պետքարտուղար Մայք Փոմպեոն։ «Բելառուսում ընտրություններն ազատ չեն եղել։ Այժմ սկսվել են կոշտ գործողություններ խաղաղ ցուցարարների դեմ։ Ինչ այժմ տեղի է ունենում այնտեղ, ողբերգություն է»,- ասել է Փոմպեոն։ Բելառուսում օգոստոսի 9-ին տեղի ունեցած նախագահական ընտրություններում, ըստ երկրի Կենտրոնական ընտրական հանձնաժողովի տվյալների, գործող նախագահ Ալեքսանդր Լուկաշենկոն ստացել է ձայների 80 տոկոսը։

20:28 - 12 օգոստոսի, 2020

Մայքլ Փոմպեոն ժամանել Է Չեխիա |armenpress.am|

Մայքլ Փոմպեոն ժամանել Է Չեխիա |armenpress.am|

armenpress.am: ԱՄՆ-ի պետական քարտուղար Մայքլ Փոմպեոն ժամանել Է Չեխիա: Ամերիկյան հատուկ ինքնաթիռն օգոստոսի 11-ին վայրԷջք Է կատարել Պրահայի Վացլավ Հավելի անվան օդանավակայանում: Քաղաքական գործչին ուղեկցող պատվիրակության անդամներն ինքնաթիռից դուրս են եկել բժշկական դիմակներով, իսկ պետքարտուղարն ինքը եւ նրա տիկինն՝ առանց դիմակի, հայտնել Է CTK լրատավարան գործակալությունը: Բանակցությունների գլխավոր թեմաներ կդառնան Չեխիայի եւ ԱՄՆ-ի համագործակցության հեռանկարներն անվտանգության եւ առեւտրի բնագավառներում, 5G ցանցերի զարգացումը, ինչպես նաեւ իրադրությունը Եվրոպայում եւ աշխարհում՝ հաշվի առնելով Չինաստանի եւ Ռուսաստանի ակտիվությունը միջազգային ասպարեզում, հաղորդել Է ՏԱՍՍ-ը:

14:59 - 11 օգոստոսի, 2020

ԱՄՆ-ը կպատասխանի Չինաստանի կողմից ամերիկացիների նկատմամբ սահմանված պատժամիջոցներին. Պոմպեո
|tert.am|

ԱՄՆ-ը կպատասխանի Չինաստանի կողմից ամերիկացիների նկատմամբ սահմանված պատժամիջոցներին. Պոմպեո |tert.am|

tert.am: ԱՄՆ-ը մտադիր է պատասխանել Չինաստանի իշխանությունների կողմից ամերիկացիների, այդ թվում՝ օրենսդիրների նկատմամբ սահմանված պատժամիջոցներին, ТАСС-ի փոխանցմամբ՝ հայտարարել է պետքարտուղար Մայք Պոմպեոն: «Կարող եք վստահ լինել, որ ԱՄՆ-ը գնահատական կտա, կպատասխանի դրանց և կօգնի Չինաստանի Կոմունիստական կուսակցությանը հասկանալ, որ նախագահ Թրամփը չի կարող անպատասխան թողնել ԱՄՆ-ի կամ ամերիկացիների դեմ ուղղված գործողություններին»,- նշել է Պոմպեոն: Նա չի հստակեցրել, թե կոնկրետ ինչ ձևաչափով է լինելու ամերիկյան «հակահարվածը»:

09:35 - 11 օգոստոսի, 2020

Իրանին զենքի մատակարարումների էմբարգոյի գործողության ժամկետը պետք է երկարաձգվի․ Փոմփեո |azatutyun.am|

Իրանին զենքի մատակարարումների էմբարգոյի գործողության ժամկետը պետք է երկարաձգվի․ Փոմփեո |azatutyun.am|

azatutyun.am: Պաշտոնական Վաշինգտոնը պատրաստվում է դիմել ՄԱԿ-ի Անվտանգության խորհրդին՝ Իրանի դեմ սահմանված զենքի մատակարարումների էմբարգոյի գործողության ժամկետը երկարաձգելու առաջարկով։ Անցած գիշեր ԱՄՆ մայրաքաղաքում նման հայտարարությամբ է հանդես եկել Պետքարտուղար Մայք Փոմփեոն՝ համոզմունք հայտնելով, որ Թեհրանը պետք է զուրկ լինի սպառազինությունների համաշխարհային շուկայում գործարքներ կնքելու անսահմանափակ հնարավորությունից։ «Հաջորդ շաբաթ Միացյալ Նահանգները ՄԱԿ-ի Անվտանգության խորհրդին Իրանին զենքի մատակարարումների էմբարգոյի ժամկետը երկարաձգելու պաշտոնական առաջարկ կներկայացնի։ Անվտանգության խորհրդի առաքելությունը միջազգային խաղաղության և անվտանգության ապահովումն է։ Անվտանգության խորհուրդը խեղկատակության կվերածի իր իսկ առաքելությունը, եթե հնարավորություն տա ահաբեկչության թիվ մեկ հովանավոր հանդիսացող պետությանը ազատորեն զենք գնել», - հայտարարում էր Փոմփեոն։ ՄԱԿ-ի կողմից Իրանին զենքի մատակարարումների էմբարգոյի ժամկետը լրանում է հոկտեմբերի 18-ին։ Սահմանված արգելքը զրկում է Իրանին մի շարք զինատեսակներ, այդ թվում` տանկեր ու ռազմական օդանավեր գնելու հնարավորությունից։

14:18 - 06 օգոստոսի, 2020

ԱՄՆ-ն Իրանի նկատմամբ նոր պատժամիջոցներ է սահմանել |tert.am|

ԱՄՆ-ն Իրանի նկատմամբ նոր պատժամիջոցներ է սահմանել |tert.am|

tert.am: ԱՄՆ-ն նոր պատժամիջոցներ է սահմանել Իրանի դեմ, որով սահմանափակվել է մետաղների և այն նյութերի մատակարարումը, որոնք կարող են օգտագործվել այդ երկրի միջուկային, հրթիռային և ռազմական ծրագրերում: Այս մասին հայտնում է РИА Новости-ն՝ հղում տալով ԱՄՆ պետքարտուղար Մայք Պոմպեոյին: «22 մետաղ, որոնք կիրառվում են Իրանի միջուկային, ռազմական կամ բալիստիկ հրթիռային ծրագրերում: Նրանք, որոնք գիտակցաբար այդ նյութերը կհատկացնեն Իրանին, այդ երկրի ազատության և տարածման հակազդեցության մասին ԱՄՆ օրենքի համապատասխան կհայտնվեն պատժամիջոցների տակ»,- նշվում է Պոմպեոյի հայտարարությունում: Բացի դա, Պոմպեոն հայտնել է, որ արգելվում է նաև Իրանի շինարարական արդյունաբերության համար նյութերի մատակարարումը:

09:16 - 31 հուլիսի, 2020

ԱՄՆ պետքարտուղար. «Կարևոր է, որ Վրաստանի 2020 թվականի ընտրությունները լինեն ազատ, արդար և թափանցիկ» |aliq.ge|

ԱՄՆ պետքարտուղար. «Կարևոր է, որ Վրաստանի 2020 թվականի ընտրությունները լինեն ազատ, արդար և թափանցիկ» |aliq.ge|

aliq.ge: Վրաստանի վարչապետ Գիորգի Գախարիայի և ԱՄՆ պետքարտուղար Մայք Պոմպեոյի միջև հեռախոսազրույց է տեղի ունեցել: Պաշտոնական տեղեկության համաձայն՝ Գիորգի Գախարիան պետքարտուղարի հետ քննարկել է Վրաստան-ԱՄՆ-ի ռազմավարական գործընկերության խարտիայի՝ Վաշինգտոնում ծրագրված լիագումար նիստը, որը հետաձգվել է քովիդ-19-ի պատճառով: Կառավարության հաղորդմամբ՝ վարչապետը և ԱՄՆ-ի պետքարտուղարը խոսել են երկրի գլխավոր մարտահրավերների՝ օկուպացիայի և օկուպացված տարածքներում գոյություն ունեցող ծանր իրավիճակի, տարածաշրջանի և ընդհանրապես, Եվրաատլանտյան անվտանգության մեջ Սև ծովի անվտանգության դերի մասին, ինչպես նաև անդրադարձել Աֆղանստանում ՆԱՏՕ-ի առաքելության շրջանակներում Վրաստանի մասնակցությանն ու հոկտեմբերին անցկացվելիք ընտրություններին: Պոմպեոյի խոսքով՝ կարևոր է, որ 2020 թվականի ընտրությունները լինեն ազատ, արդար և թափանցիկ: Հեռախոսազրույցի ընթացքում Պոմպեոն ևս մեկ անգամ նշել է, որ աջակցում է Վրաստանի ինքնիշխանությանն ու տարածքային ամբողջականության և որ Ռուաստանը պետք է կատարի 2008 թվականի՝ կրակի դադարեցման մասին ստանձնած պարտավորությունները:

13:55 - 28 հուլիսի, 2020

Փոմփեոն Հյուսթոնում Չինաստանի հյուպատոսարանի փակումը կապում է մտավոր սեփականության համակարգված գողության հետ |azatutyun.am|

Փոմփեոն Հյուսթոնում Չինաստանի հյուպատոսարանի փակումը կապում է մտավոր սեփականության համակարգված գողության հետ |azatutyun.am|

azatutyun.am: ԱՄՆ պետքարտուղարը Տեքսասում Չինաստանի դիվանագիտական առաքելության փակումը մտավոր սեփականության համակարգված գողության հետ է կապել: Միացյալ Նահանգները որոշում է կայացրել փակել Հյուսթոնում Չինաստանի գլխավոր հյուպատոսարանը՝ ամերիկյան մտավոր սեփականության համակարգված գողության պատճառով, երեկ հայտարարել է պետքարտուղար Մայք Փոմփեոն: «Գողացվում է ոչ միայն ամերիկյան մտավոր սեփականությունը, սա նաև եվրոպական մտավոր սեփականություն է, որը հարյուր հազարավոր աշխատատեղեր է արժենում, լավ աշխատատեղեր աշխատասեր մարդկանց համար Եվրոպայում և Ամերիկայում, որոնք գողացվել են Չինաստանի կոմունիստական կուսակցության կողմից», - ասել է պետքարտուղաը: Չինական կողմին վերջնաժամկետ է տրվել մինչև ուրբաթ երեկո՝ ԱՄՆ-ի իշխանությունների կարգադրությունը կատարելու և Հյուսթոնում դիվանագիտական առաքելության աշխատանքը դադարեցնելու համար: Այնտեղ աշխատում է շուրջ վեց տասնյակ մարդ: Պաշտոնական Պեկինը, հիշեցնենք, Վաշինգտոնին մեղադրել է իրավիճակն «աննախադեպ սրելու» մեջ և սպառնացել պատասխան քայլերով, եթե Միացյալ Նահանգները չհրաժարվի տվյալ որոշումից:

13:36 - 23 հուլիսի, 2020

Բրիտանիայի վարչապետն ընդունել է ԱՄՆ պետքարտուղարին |azatutyun.am|

Բրիտանիայի վարչապետն ընդունել է ԱՄՆ պետքարտուղարին |azatutyun.am|

azatutyun.am: ԱՄՆ պետքարտուղար Մայք Փոմփեոն այցելել է Բրիտանիա։ Դաունինգ սթրիթում այսօր նա հանդիպել է վարչապետ Բորիս Ջոնսոնին։ Բրիտանիայի վարչապետը մարտի 17-ից հետո առաջին անգամ ֆիզիկապես մասնակցել է կառավարության նիստին, հաղորդում է «Ռոյթերս» գործակալությունը։ Համավարակի տարածման սկզբնական փուլում Բորիս Ջոնսոնը, առողջապահության նախարարը, բարձրաստիճան այլ պաշտոնյաներ վարակվել էին կորոնավիրուսով: Ջոնսոնը, մասնակցելով կառավարության նիստին, աշխատանքի վերադառնալու օրինակ է ծառայել՝ պահպանելով ձեռքերն ախտահանելու և սոցիալական հեռավորություն պահպանելու պայմանները։

19:45 - 21 հուլիսի, 2020

ԱՄՆ 4 կոնգրեսականներ դիմել են Պոմպեոյին և Էսպերին խնդրանքով՝ վերանայել անվտանգության համար Ադրբեջանին տրամադրվող ֆինանսական միջոցները

ԱՄՆ 4 կոնգրեսականներ դիմել են Պոմպեոյին և Էսպերին խնդրանքով՝ վերանայել անվտանգության համար Ադրբեջանին տրամադրվող ֆինանսական միջոցները

ԱՄՆ կոնգրեսականներ Ֆրենք Փըլոնը, Գաս Բիլիրակիսը, Ջեքի Սփիրը և Ադամ Շիֆը դիմել են Պետքարտուղար Մայք Պոմպեոյին և Պաշտպանության քարտուղար Մարկ Էսպերին՝ արտահայտելով իրենց մտահոգությունը վերջին օրերին հայ-ադրբեջանական սահմանին առկա լարվածության առնչությամբ և համարել այն Ադրբեջանի հետևողական ռազմատենչ հռետորաբանության ու քարոզչության մաս:Նրանք նաև դիմել են խնդրանքով՝ վերանայել անվտանգության համար Ադրբեջանին տրամադրվող ֆինանսական միջոցները, քանի որ մտահոգված են, որ դրանք օգտագործվում են Հայաստանի դեմ: Այս մասին ֆեյսբուքյան իր էջում գրել է ՀՀ ԱԺ «Իմ քայլը» խմբակցության ղեկավար Լիլիթ Մակունցը։ Հիշեցնենք՝ հուլիսի 12-ին, ժամը 12։30, Տավուշի մարզում գտնվող մեր դիրքերից մեկին մոտեցել է ադրբեջանական ՈՒԱԶ ավտոմեքենա, զինծառայողներն անհասկանալի պատճառներով դուրս են եկել մեքենայից, եւ շարժվել դեպի մեր դիրքը։ Հայկական կողմի նախազգուշացումից հետո, թողնելով մեքենան, վերադարձել են: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը՝ կիրառելով հրետանային կրակ, սակայն ճնշվել են եւ, կորուստներ կրելով, հետ շպրտվել:Ադրբեջանական կողմը պարբերաբար նոր գործողությունների էր դիմում՝ մինչեւ հուլիսի 14-ի, լույս 15-ի գիշերը։ Հուլիսի լույս 16-ի գիշերը 03:40-ի սահմաններում ՀՀ ԶՈՒ դիրքապահները նկատել են հակառակորդի շարժ։ Անցնելով շրջանաձև պաշտպանության՝ հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։ Այնուհետև ադրբեջանական ստորաբաժանումները ժամը 05:20-ին սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից: Կրակը այս պահին էլ շարունակվում է։Հակառակորդն ունի տեխնիկայի զգալի եւ մարդկային տասնյակ կորուստներ՝ այդ թվում՝ բարձր սպայական կազմից․ պաշտոնապես հայտարարվել է 12 զոհի մասին։ Հայկական կողմն ունի 4 զոհ, 10 վիրավոր, որոնցից մեկի վիճակը հուլիսի 15-ի դրությամբ գնահատվում է ծայրահեղ ծանր։

09:31 - 16 հուլիսի, 2020

Կոչ ենք անում Հայաստանին և Ադրբեջանին վերսկսել բովանդակային երկխոսությունն ու պահպանել հրադադարը․ Փոմպեո |24news.am|

Կոչ ենք անում Հայաստանին և Ադրբեջանին վերսկսել բովանդակային երկխոսությունն ու պահպանել հրադադարը․ Փոմպեո |24news.am|

24news.am: ԱՄՆ-ն կոչ է անում Հայաստանին և Ադրբեջանին սահմանին անհապաղ ապաէսկալացիա իրականացնել։ Այս մասին մամուլի ասուլիսի ժամանակ հայտարարել է պետքարտուղար Մայք Փոմպեոն: Պետքարտուղարկը հորդորել է վերսկսել բանակցությունները և դադարեցնել փոխհրաձգությունը։ «ԱՄՆ-ն խորապես անհանգստացած է Հայաստանի և Ադրբեջանի միջազգային սահմանին տեղի ունեցած մահացու բռնությամբ, մենք ցավակցում ենք բոլոր զոհերի հարազատներին և կոչ անում կողմերին անհապաղ սկսել ապաէսկալացիա, վերսկսել բովանդակային երկխոսությունն ու պահպանել հրադադարը, որպեսզի սկսեն բանակցությունները՝ Մինսկի խմբի համանախագահությամբ», - նշել է Փոմպեոն:

19:55 - 15 հուլիսի, 2020

ԱՄՆ-ը չեղարկեց Իրանի դեմ պատժամիջոցների՝ 2015-ի միջուկային պայմանագրից բխող բացառությունները |azatutyun.am|

ԱՄՆ-ը չեղարկեց Իրանի դեմ պատժամիջոցների՝ 2015-ի միջուկային պայմանագրից բխող բացառությունները |azatutyun.am|

azatutyun.am: Միացյալ Նահանգները չեղարկում է Իրանի հետ միջուկային պայմանագրից բխող գրեթե բոլոր բացառությունները Թեհրանի դեմ պատժամիջոցների հարցում: Պետքարտուղար Մայք Փոմփեոյի խոսքով՝ Իրանը շարունակում է միջուկային առճակատումը: Վաշինգտոնը 60 օր ժամանակ է տալիս ռուսաստանյան, չինական և եվրոպական ընկերություններին՝ դադարեցնելու Իրանի միջուկային օբյեկտեների հետ աշխատանքը: 2018 թվականի մայիսին Միացյալ Նահանգների նախագահ Դոնալդ Թրամփը հայտարարեց, թե Վաշինգտոնը միակողմանիորեն դուրս է գալիս Իրանի և աշխարհի գերտերությունների միջև մոտ երեք տարի առաջ կնքված պատմական համաձայնագրից՝ «նոր թափով վերականգնելով» Թեհրանի դեմ սառեցված պատժամիջոցները, ինչպես նաև սպառնալով պատժել այն երկրներին և ընկերություններին, որոնք տնտեսական համագործակցություն կծավալեն Թեհրանի հետ:

14:14 - 28 մայիսի, 2020