Կորոնավիրուս

Հուլիսի 25-ի դրությամբ Հայաստանում պատվաստումների ընդհանուր թիվը 2 225 916 է

ՀՀ-ում պատվաստումային գործընթացը շարունակվում է: Առողջապահության նախարարությունը թարմացված վիճակագրություն է ներկայացրել, համաձայն որի` հուլիսի 25-ի դրությամբ` պատվաստումների ընդհանուր թիվը 2 225 916 է, առաջին դեղաչափ ստացածների թիվը` 1 141 151, ամբողջապես պատվաստվածներինը` 1 017 950: Խթանիչ պատվաստումների թիվը 62007 է:

10:56 - 25 հուլիսի, 2022

Իրանում մեկ օրում գրանցվել է կորոնավիրուսի ավելի քան 6900 նոր դեպք |armenpress.am|

armenpress.am: Իրանում մեկ օրում գրանցվել է կորոնավիրուսի 6921 դեպք, մահացել է 26 քաղաքացի: Այս մասին հայտնում է IRNA-ն: Իրանում վիրուսից մահերի թիվը հասել է 141 հազար 650-ի: Գրանցված 6921 նոր դեպքից 726-ը հոսպիտալացվել է: Իրանի առողջապահության նախարարությունից տեղեկացրել են, որ երկրում արձանագրված ընդհանուր 7 մլն 319 հազար 322 դեպքից 7 մլն 72 հազար 359-ը առողջացել կամ դուրս է գրվել հիվանդանոցներից: 834 քաղաքացի ծայրահեղ ծանր վիճակում բուժում է ստանում ինտենսիվ թերապիայի բաժանմունքներում: Երկրում կորոնավիրուսի դեմ պատվաստանյութի առաջին չափաբաժինը ստացել է 64 մլն 738 հազար 288 քաղաքացի, երկրորդ չափաբաժինը՝ 58 մլն 102 հազար 579 քաղաքացի, իսկ երրորդ՝ խթանիչ դեղաչափ ստացածների թիվը հասել է 28 մլն 919 հազար 75-ի:

17:16 - 23 հուլիսի, 2022

Կորոնավիրուսի հիվանդացության աճը պայմանավորված է ճամփորդությունների ակտիվացման հետ. Ավանեսյան |armenpress.am|

armenpress.am: Հայաստանում վերջին մեկ ամսվա ընթացքում կորոնավիրուսի հիվանդացության ցուցանիշի աճ է նկատվում: ՀՀ կառավարության նիստից հետո՝ լրագրողների հետ զրույցում այս մասին նշեց ՀՀ առողջապահության նախարար Անահիտ Ավանեսյանը: Նախարարը նկատեց, որ դա պայմանավորված է ճամփորդությունների ակտիվացմամբ: «Ինչպես գիտեք եվրոպական երկրներում ալիքը բավական ակտիվ բարձրանում է, և մենք կանխատեսում էինք, որ ճամփորդությունների ակտիվացմանը զուգահեռ վարակի որոշակի ներթափանցում կարող է լինել մեր երկիր: Մենք ուշադիր հետևում ենք զարգացումներին և մեր առողջապահական համակարգը պատրաստ է ցանկացած զարգացման»,-ասաց նախարարը: Առաջին երկու շաբաթվա ընթացքում պարզ կլինի՝այս վարակի ալիքը տարածվելու միտում ունի, թե կգնա դեպի կայունացում: Նախարարը չբացառեց, որ համաճարակային իրավիճակի սրացմանը զուգահեռ սահմանափակումների կարիք լինի: «Մեր խորհուրդն է՝ բժշկական կենտրոններ այցելելիս կրել դիմակ: Այն անձանց, ովքեր ստացել են երկու դեղաչափ պատվաստանյութ, խորհուրդ ենք տալիս մինչև սեպտեմբեր ստանան խթանիչ դեղաչափը, որպեսզի օրգանիզմն աշնան ալիքներին պատրաստ լինի: Շոգ եղանակը հակացուցում չէ պատվաստման համար»,-ասաց Անահիտ Ավանեսյանը:

14:45 - 21 հուլիսի, 2022

Հուլիսի 11-17-ը հաստատվել է կորոնավիրուսի 629 նոր դեպք, մահվան դեպք չի գրանցվել

Հուլիսի 11-ից հուլիսի 17-ն ընկած ժամանակահատվածում Հայաստանում կատարվել է 5681 թեստավորում, հաստատվել է կորոնավիրուսի 629 նոր դեպք, առողջացել է 311 մարդ։ Մահվան դեպք չի գրանցվել։ Այս մասին հայտնում են Առողջապահության նախարարությունից։ Այսպիսով, հաստատվել է կորոնավիրուսային հիվանդության ընդհանուր 424 400 դեպք, որոնցից 413 354-ը՝ առողջացած։ Ընդհանուր առմամբ, կորոնավիրուսի հետևանքով մահվան 8626 դեպք է արձանագրվել: Ընդհանուր կատարվել է 3 148 390 թեստավորում:

12:33 - 18 հուլիսի, 2022

Հուլիսի 18-ի դրությամբ Հայաստանում պատվաստումների ընդհանուր թիվը 2 222 607 է

ՀՀ-ում պատվաստումային գործընթացը շարունակվում է: Առողջապահության նախարարությունը թարմացված վիճակագրություն է ներկայացրել, համաձայն որի` հուլիսի 18-ի դրությամբ` պատվաստումների ընդհանուր թիվը 2 222 607 է, առաջին դեղաչափ ստացածների թիվը` 1 140 321, ամբողջապես պատվաստվածներինը` 1 016 801: Խթանիչ պատվաստումների թիվը 60747 է:

10:24 - 18 հուլիսի, 2022

Ճապոնիայում կորոնավիրուսի նոր ռեկորդային թիվ է գրանցվել |armenpress.am|

armenpress.am: Ճապոնիայում մեկ օրվա ընթացքում գրանցվել է կորոնավիրուսով վարակման 110 հազար 675 նոր դեպք: Այս մասին հայտնում է Japan Times-ը։ Սա ռեկորդային ցուցանիշ է երկրի համար՝ նախկին առավելագույն թիվը սահմանվել էր փետրվարի 5-ին (104 հազար 168 դեպք)։ Պարբերականի տվյալներով՝ հուլիսի 16-ին Տոկիոյում հայտնաբերվել է 18 հազար 919 նոր դեպք՝ գրեթե կրկնակի ավել նախորդ շաբաթ գրանցված ցուցանիշից: Ճապոնիայի մայրաքաղաքում երկու մարդ մահացել է վիրուսից։

17:25 - 16 հուլիսի, 2022

Հաշվի առնելով կորոնավիրուսային հիվանդությամբ պայմանավորված իրավիճակը՝ ԱՆ-ն հորդորում է պահպանել անվտանգության կանոնները

Ինչպես ամբողջ աշխարհում, այնպես էլ Հայաստանում արձանագրվում է COVID-19-ի դեպքերի աճ, հաղորդում է Հիվանդությունների վերահսկման և կանխարգելման Ազգային կենտրոնը: Վերջին 14 օրվա ընթացքում դիտվել է հիվանդացության 6,8% աճ, նախորդ 14 օրվա համեմատ աճել է 2,6 անգամ: Վերջին 7 օրվա ընթացքում արձանագրվել է 506 նոր դեպք, ինչը նախորդ 7 օրվա համեմատ աճել է 107%-ով: Վարակի վերարտադրողականության ցուցանիշը 1,56 է, ինչը ցույց է տալիս, որ առկա է հիվանդացության աճի շարունակական միտում: «Հաշվի առնելով կորոնավիրուսային հիվանդությամբ պայմանավորված իրավիճակը՝ առողջապահության նախարարությունը հորդորում է հետևողականորեն պահպանել հիվանդության կանխարգելմանն ուղղված անվտանգության կանոնները. պատվաստվել COVID-19-ի դեմ, ժամանակին ստանալ բուստեր դեղաչափը, հատկապես, եթե ռիսկի խմբում եք, կրել դիմակ, հաճախակի օճառով լվանալ ձեռքերը կամ ախտահանել, խուսափել զանգվածային միջոցառումներից, հատկապես, եթե ունեք որևէ ախտանշան, պահպանել սոցիալական հեռավորություն, հաճախակի օդափոխել փակ տարածքները: Առանձնապես կարևոր է դիմակների կիրառումը փակ տարածքներում, տրանսպորտում և բժշկական կազմակերպություններում: Կորոնավիրուսային հիվանդությանը բնորոշ ախտանշանների դեպքում անհրաժեշտ է դիմել բժշկի՝ համապատասխան հետազոտություններ իրականացնելու, բուժում ու խորհրդատվություն ստանալու համար»,-նշվում է հաղորդագրությունում:

14:41 - 16 հուլիսի, 2022

Չեխիայում COVID-19-ով հիվանդացությունը շաբաթվա ընթացքում քառակի աճել է |armenpress.am|

armenpress.am: Հուլիսի 12-ին Չեխիայում կորոնավիրուսով հիվանդացած բնակիչների թիվը կազմել է 1980, ինչը մոտավորապես քառապատիկ գերազանցում է նախորդ երեքշաբթի օրվա (հուլիսի 5-ի) ցուցանիշը: «Նրանցից, ում մոտ կորոնավիրուս է հայտնաբերվել, 364-ը հոսպիտալացվել է, 13 հիվանդ գտնվում է ծանր վիճակում»,- ասված է հաղորդագրության մեջ։ Առողջապահության նախարարությունը նշում է, որ վերջին մի քանի շաբաթվա ընթացքում երկրում համավարկը կրկին սկսել է ընդլայնվել, 100 հազար բնակչին բաժին է ընկնում 78 ախտահարված, ինչը դարձել է ամենաբարձր ցուցանիշը մայիսի սկզբից ի վեր: Ամենից շատ հիվանդացածներ են Պրահայում՝ 155 մարդ 100 հազար բնակչի հաշվով: Համավարակի սկզբից Չեխիայում COVID-19-ով է հիվանդացել ավելի քան 3,9 միլիոն մարդ: Մահվան դեպքեի քանակը կազմել է 40340, հաղորդել է ՏԱՍՍ-ը:

12:51 - 13 հուլիսի, 2022

Հուլիսի 4-ից 10-ը հաստատվել է կորոնավիրուսի 354 նոր դեպք, առողջացել 226 քաղաքացի

Հուլիսի 4-ից 10-ը Հայաստանում իրականացվել է 5256 թեստավորում, հաստատվել է կորոնավիրուսի 354 նոր դեպք, առողջացել է 226 քաղաքացի, մահվան դեպք չի գրանցվել: Այսպիսով, հաստատվել է կորոնավիրուսային հիվանդության ընդհանուր 423771 դեպք, որոնցից 413043-ը՝ առողջացած: Փաստացի բուժում է ստանում 418 պացիենտ: Ընդհանուր առմամբ, կորոնավիրուսի հետևանքով մահվան 8626 դեպք է արձանագրվել: Ընդհանուր կատարվել է 3 142 709 թեստավորում:

12:15 - 11 հուլիսի, 2022

COVID-19-ի դեպքերն աճում են գրեթե ամենուր ամբողջ աշխարհում. ԱՀԿ

Հիվանդությունների վերահսկման և կանխարգելման ազգային կենտրոնից հայտնում են, որ ըստ Առողջապահության համաշխարհային կազմակերպության տվյալների՝ հունիս ամսվա վերջին շաբաթվա ընթացքում կորոնավիրուսի նոր դեպքերի թիվն աճել է 18%-ով, ընդ որում աշխարհում գրանցվել է ավելի քան 4,1 միլիոն դեպք։ Համաձայն ԱՀԿ տվյալների՝ COVID-19-ի նոր դեպքերի ամենամեծ շաբաթական աճը գրանցվել է Մերձավոր Արևելքում, որտեղ դրանք աճել են 47%-ով, Եվրոպայում և Հարավարևելյան Ասիայում՝ մոտ 32%-ով, իսկ Ամերիկայում՝ մոտ 14%-ով։ Խորհուրդ է տրվում առավել խոցելի բնակչությանը, այդ թվում բուժաշխատողներին և 60-ից բարձր տարիքի անձանց պատվաստվել, քանի որ միլիոնավոր մարդիկ դեռևս պատվաստված չեն և գտնվում են հիվանդության ծանր ընթացքի և մահվան վտանգի տակ: Մասնագետները խորհուրդ են տալիս մեծահասակներին՝ ստանալ խթանիչ (բուստեր) պատվաստում` կորոնավիրուսի վերջին տարբերակներից պաշտպանվելու համար:

15:49 - 10 հուլիսի, 2022

Հունիսի 27-ից հուլիսի 3-ը հաստատվել է կորոնավիրուսի 174 նոր դեպք, առողջացել 62 քաղաքացի

Հունիսի 27-ից հուլիսի 3-ը Հայաստանում իրականացվել է 4992 թեստավորում, հաստատվել է կորոնավիրուսի 174 նոր դեպք, առողջացել է 62 քաղաքացի, մահվան դեպք չի գրանցվել: Այսպիսով, հաստատվել է կորոնավիրուսային հիվանդության ընդհանուր 423417 դեպք, որոնցից 412817-ը՝ առողջացած: Փաստացի բուժում է ստանում 290 պացիենտ: Ընդհանուր առմամբ, կորոնավիրուսի հետևանքով մահվան 8626 դեպք է արձանագրվել: Ընդհանուր կատարվել է 3 137 453 թեստավորում:

12:36 - 04 հուլիսի, 2022

Հուլիսի 3-ի դրությամբ Հայաստանում պատվաստումների ընդհանուր թիվը 2 217 031 է

ՀՀ-ում պատվաստումային գործընթացը շարունակվում է: Առողջապահության նախարարությունը թարմացված վիճակագրություն է ներկայացրել, համաձայն որի հուլիսի 3-ի դրությամբ` պատվաստումների ընդհանուր թիվը 2 217 031 է, առաջին դեղաչափ ստացածների թիվը` 1 138 845, ամբողջապես պատվաստվածներինը` 1 014 534: Խթանիչ պատվաստումների թիվը 59052 է:

10:41 - 04 հուլիսի, 2022

Մեկ օրում Ռուսաստանում հայտնաբերվել է COVID-19-ի 3285 նոր դեպք |factor.am|

factor.am: Մեկ օրում Ռուսաստանում հայտնաբերվել է COVID-19-ի 3285 նոր դեպք, մահացել է 51 մարդ, հոսպիտալացվել՝ 1112-ը, հայտնել են ՌԴ կորոնավիրուսի տարածման դեմ պայքարի օպերատիվ շտաբից։ «Օրական հոսպիտալացումների թիվը կազմել է 1112 մարդ, նախորդ օրվա համեմատ նվազել է 3.1%-ով, հոսպիտալացումների թվի աճ է գրանցվել ՌԴ 35 մարզում, հոսպիտալացումների նվազում է գրանցվել 40 մարզում, 10 մարզում իրավիճակը մնացել է անփոփոխ»,- ասվում է հաղորդագրության մեջ։

14:47 - 02 հուլիսի, 2022

«Ռոսպոտրեբնադզոր»-ը ՌԴ-ում չեղարկել է բոլոր COVID-սահմանափակումները |armenpress.am|

armenpress.am: Ռուսաստանում համաճարակաբանական իրադրության բարելավման ֆոնին հանվում են ավելի վաղ կորոնավիրուսի համավարակի պատճառով մտցված սահմանափակումները, մասնավորապես, չեղարկվում է դիմակի ռեժիմը: Այդ մասին հաղորդել են «Ռոսպոտրեբնադզոր»-ում: «Համաճարակաբանական գործընթացի շարունակվող նվազման ինտենսիվության կապակցությամբ «Ռոսպոտրեբնադզոր»-ը կասեցնում է ավելի վաղ մտցված սահմանափակումները, այդ թվում՝ դիմակի ռեժիմի, ինչպես նաեւ գիշերային ժամերին հասարակական սննդի աշխատանքի եւ մի շարք այլ միջոցառումների արգելքները»,- ասվում է գերատեսչության մամուլի ծառայության հաղորդագրության մեջ: Այսպիսով, չեղարկվում է դիմակների պարտադիր կրումը, զանգածային միջոցառումների անցկացման արգելքը եւ հասարակական սննդի վայրերում սահմանափակումները, որոնք ավելի վաղ մտցվել էին «Ռոսպոտրեբնադզոր»-ի ղեկավար Աննա Պոպովայի կողմից: Դրա հետ մեկտեղ գերատեսչությունում ընդգծել են, որ COVID-19-ի հետ կապված իրադրության վատանալու դեպքում սահմանափակիչ միջոցները կարող են վերականգնել»: Նաեւ պահպանվում են հակահամաճարակային միջոցները հիվանդացած անձանց ժամանակին հայտնաբերելու համար եւ այն միջոցառումները, որոնք ապահովում են համաճարակային գործընթացի մոնիթորինգը, հաղորդել է «Ինտերֆաքս»-ը:

11:33 - 01 հուլիսի, 2022

Կառավարությունը որոշեց վերականգնել ՀՀ պետական սահմանին մուտքի վիզա ստանալու հնարավորությունը

ՀՀ կառավարությունը այսօր չզեկուցվող հարցերի փաթեթով որոշեց վերականգնել ՀՀ պետական սահմանին մուտքի վիզա ստանալու հնարավորությունը, վերացնել հրավերի պահանջը Եգիպտոսի, Սաուդյան Արաբիայի, Մարոկկոյի, Թունիսի, Ալժիրի և Վիետնամի քաղաքացիների համար։ Կորոնավիրուսի համավարակով պայմանավորված 2020թ.-ին կառավարությունը պետական սահմանի անցման կետերում ՀՀ մուտքի վիզա ստանալու հնարավորությունը ՀՀ մուտք գործող բոլոր անձանց համար վերացրել էր՝ բացառությամբ ՀՀ քաղաքացու ընտանիքի անդամ և ազգությամբ հայ հանդիսացող անձանց համար։ Գործադիրը որոշեց նաև ՀՀ մուտքի վիզան միայն հրավերի հիման վրա՝ ՀՀ դիվանագիտական ներկայացուցչություններում և հյուպատոսական հիմնարկներում ստանալու իրավունք ունեցող պետությունների ցանկից հանել Եգիպտոսը, Սաուդյան Արաբիան, Մարոկկոն, Թունիսը, Ալժիրը և Վիետնամը։

13:51 - 30 հունիսի, 2022

Հունիսի 20-26-ը հաստատվել է կորոնավիրուսի 139 նոր դեպք, առողջացել է 62 քաղաքացի

Հունիսի 20-26-ը Հայաստանում կատարվել է 4780 թեստավորում, հաստատվել է կորոնավիրուսային հիվանդության 139 նոր դեպք, առողջացել է 62 քաղաքացի: Գրանցվել է մահվան 1 դեպք: Այսպիսով, հաստատվել է կորոնավիրուսային հիվանդության ընդհանուր 423243 դեպք, որոնցից 412755-ը՝ առողջացած: Փաստացի բուժում է ստանում 178 պացիենտ: Ընդհանուր կատարվել է 3132461 թեստավորում:

12:32 - 27 հունիսի, 2022