Ինֆոթեգեր Մեր մասին
hy en ru
Նվիրաբերել

Երեւան

ՀՀ մայրաքաղաքն է ու խոշորագույն բնակավայրը, վարչաքաղաքական, տնտեսական կենտրոնը: Համաձայն Հայաստանի պաշտոնական տեղեկատվության՝ 2014 թվականի հունվարի մեկի դրությամբ ունի 1.068.000 բնակիչ։ Տարածքը 227 կմ² է, բարձրությունը ծովի մակարդակից 1000մ։ 1995 թվականի ՀՀ նոր վարչատարածքային բաժանմամբ՝ Երեւանն ստացել է մարզի (Երեւանի քաղաքապետին նշանակում էր ՀՀ նախագահը), սահմանադրական փոփոխություններից հետո (2005)՝ համայնքի (հոդված 108) կարգավիճակ, ունի դրոշ, զինանշան եւ օրհներգ: Տեղական ինքնակառավարումը Երեւանում իրագործվում է «Տեղական ինքնակառավարման մասին» (2002) եւ «Երեւան քաղաքում տեղական ինքնակառավարման մասին» (2008) ՀՀ օրենքներին համապատասխան։ Երեւանի տեղական ինքնակառավարման մարմիններն են ավագանին եւ քաղաքապետը: Գործող քաղաքապետը Հայկ Մարությանն է՝ ընտրված «Իմ քայլը» դաշինքից։ Ավագանիում ներկայացված են նաեւ «Բարգավաճ Հայաստան» եւ «Լույս» խմբակցությունները։

+374 11 514-000
Երեւանում եւս 6 մանկապարտեզ կհիմնանորոգվի. Հայկ Մարության

Երեւանում եւս 6 մանկապարտեզ կհիմնանորոգվի. Հայկ Մարության

Երեւանում եւս 6 մանկապարտեզ կհիմնանորոգվի: Այս մասին ֆեյսբուքյան իր էջում գրել է Երեւանի քաղաքապետ Հայկ Մարությանը: «Եվս 6 մանկապարտեզ կհիմնանորոգվի: Կապալառու ընկերությունների հետ կնքեցի երևանյան ևս 6 մանկապարտեզի հիմնանորոգման պայմանագրերը։ Ուզում եմ շեշտել, որ մենք հենց հիմնանորոգո՛ւմ ենք մանկապարտեզները, ոչ թե կոսմետիկ կամ մասնակի աշխատանքներ ենք կատարում: Ծրագրի կարևոր բաղադրիչներն են սեյսմակայունությունը, էներգախնայողությունը և մեր մանուկների հարմարավետությունը: Ծրագիրը ֆինանսավորվում է եվրոպական կառույցների և Երևանի քաղաքային բյուջեի միջոցներով: Ուզում եմ հիշեցնել, որ նախորդ տարի հիմնանորոգված 12 մանկապարտեզ ենք հանձնել, քաղաքապետարանի ծրագրով 8 մանկապարտեզ այս պահին հիմնանորոգվում է, 8 մանկապարտեզ մեր դոնոր կառույցների հետ ենք հիմնանորոգում և ևս 6 մանկապարտեզ կհիմնանորոգվի այս պայմանագրերի կնքման արդյունքում, ընդհանուր՝ 34 մանկապարտեզ»,- գրել է քաղաքապետը։
11:26 - 23 հոկտեմբերի, 2021
Երեւանը միշտ եւ բոլոր պարագաներում կշարունակի լինել մեր քաղցր հայրենիքի զարգացման ու բարգավաճման առաջամարտիկը․ Հայկ Մարության

Երեւանը միշտ եւ բոլոր պարագաներում կշարունակի լինել մեր քաղցր հայրենիքի զարգացման ու բարգավաճման առաջամարտիկը․ Հայկ Մարության

Երեւանի քաղաքապետ Հայկ Մարությանը ֆեյսբուքյան իր էջում գրում է. «Սիրելի երեւանցիներ, սիրելի հայրենակիցներ, Այսօր, ավանդույթի համաձայն, նշում ենք Էրեբունի-Երեւանի օրը։ Արդեն տեղյակ եք, որ այս տարի, հայտնի հանգամանքների բերումով, տոնական միջոցառումներ չեն լինի, իսկ դրա համար նախատեսված բյուջեն կփոխանցվի Էրեբունի պատմահնագիտական արգելոց-թանգարանի ու այլ մշակութային հաստատությունների վերազինման, ինչպես նաեւ Արցախում ընթացող բնակարանաշինության ծրագրերին։  Այդուհանդերձ, մենք քաղաքային կյանքի բազմաթիվ ոլորտներում ունենք բավական լավ նորություններ, ավարտուն ձեռքբերումներ ու նորընթաց ծրագրեր։ Դրանք վերաբերում են հանրային կյանքի ամենատարբեր ոլորտներին՝ քաղաքային ենթակառուցվածքների զարգացմանը, մշակութին ու հատկապես, տրանսպորտային բարեփոխումներին։ Այդ ծրագրերը Ձեր դատին կներկայացնենք առաջիկա շաբաթներին՝ երեւանյան օրերի ընթացքում։  Մեր հազարամյա մայրաքաղաքը՝ մշտադալար Երեւանը, միշտ եւ բոլոր պարագաներում կշարունակի լինել մեր քաղցր հայրենիքի զարգացման ու բարգավաճման առաջամարտիկը։ Վստահ եմ, որ այս գիտակցությամբ հաջորդ տարիներին մենք կտոնենք մեր քաղաքի օրը։  Տոնդ շնորհավոր, Երեւա՛ն»։
11:53 - 09 հոկտեմբերի, 2021
ՀՀ տարածքում առաջիկա օրերին ջերմաստիճանը կնվազի ևս 3-4 աստիճանով․ առանձին շրջաններում սպասվում է անձրև

ՀՀ տարածքում առաջիկա օրերին ջերմաստիճանը կնվազի ևս 3-4 աստիճանով․ առանձին շրջաններում սպասվում է անձրև

Հանրապետության տարածքում` սեպտեմբերի 25-ի ցերեկը, 27-28-ը, 29-ի գիշերը սպասվում է առանց տեղումների եղանակ, 26-ի գիշերը, 29-ի ցերեկը, 30-ին առանձին շրջաններում սպասվում է անձրև: Քամին` հարավ-արևմտյան՝ 5-10 մ/վ, առանձին վայրերում սպասվում է քամու ուժգնացում՝ 15-20 մ/վ արագությամբ: Օդի ջերմաստիճանը լույս 27-ի գիշերը կնվազի ևս 3-4 աստիճանով: Երևան քաղաքում՝ սեպտեմբերի 25-ի և 26-ի ցերեկը, 27-30-ը սպասվում է առանց տեղումների եղանակ, 26-ի գիշերը առանձին հատվածներում սպասվում է կարճատև անձրև:
15:28 - 25 սեպտեմբերի, 2021
Երևանի կանաչապատման հիմնարկը համալրվել է նոր տեխնիկայով

Երևանի կանաչապատման հիմնարկը համալրվել է նոր տեխնիկայով

Երևանի կանաչապատման հիմնարկի նոր տեխնիկայով է համալրվել՝ 13 միավոր մեքենասարքավորումներ, որոնք իրենց տեսակով առաջինն են ու առայժմ միակը քաղաքում. ջրցան, աղբատար, 2 տեսակի ինքնաթափեր: Այս մասին հայտնում է Երևանի քաղաքապետարանը։ «Բոլորը նախատեսված են քաղաքի պայմաններում աշխատելու համար: Իրենց ձևում դրանք յուրահատուկ են, որովհետև ինքնաթափերից մեկն, օրինակ, եռակողմ է, աղբատար մեքենան շատ պրակտիկ է, նախատեսված թափոնները տեսակավորելու համար: Ունենք նաև 1 միավոր ջրցան մեքենա՝ 9 խմ տարողությամբ, որի նմանը դեռ Երևանում չկա. ջրի շիթը կարգավորելու համար այն հատուկ ջրային ատրճանակ ունի: Հարմար է լանջերի ոռոգման համար»,- ասում է «Կանաչապատում և շրջակա միջավայրի պահպանություն» ՀՈԱԿ-ի տեխնիկատրանսպորտային հավաքակայանի պետ Աշոտ Բաղդասարյանը: Համայնքի միջոցներով ձեռք բերված նոր տեխնիկան մի քանի օր է, ինչ Երևան է հասել, առաջիկայում, փաստաթղթային վերջին ձևակերպումներից հետո, այն արդեն գործի կանցնի: Մեծ ինքնաթափերը միանգամից կներգրավեն էտի աշխատանքներին: «Չնայած ՀՈԱԿ-ը բավականին երիտասարդ է, այնուամենայնիվ, մինչ օրս կատարվել է մեծ աշխատանք: Ձեռք է բերվել մոտ 40 միավոր նոր, արդիական տեխնիկա: Իհարկե, մենք չենք բավարարվելու այդքանով և պետք է ամեն ինչ անենք հիմանդրի օգնությամբ, որ էլ ավելի համալրենք»,- ընդգծում է «Կանաչապատում և շրջակա միջավայրի պահպանություն» ՀՈԱԿ-ի տնօրենի ժ.պ. Տիգրան Հակոբյանը: Մայրաքաղաքի կանաչապատման համար շահագործվող մեքենաները վաղուց արդեն հնամաշ էին և անարդյունավետ: Հիմա արդեն դրանց զգալի մասը փոխված է: Այս տարի ՀՈԱԿ-ն արդեն 2-րդ անգամ է համալրվում նոր տեխնիկայով. գարնանը բերված ուղևորափոխադրող մեքենաներն արդեն հարմարեցվել ու գործի դրվել: «Մենք ունենք նաև վարորդների խնդիր և պետք է հիմնարկն այս ընթացքում համալրենք նոր աշխատակիցներով», - նկատում է Տիգրան Հակոբյանը: Նոր տեխնիկան էապես կարագացնի և ավելի արդյունավետ կդարձնի կանաչապատման գործը:
11:43 - 25 սեպտեմբերի, 2021
Դադարեցվել են Երևանի ավագանու ՔՊ խմբակցության ղեկավարի լիազորությունները |armtimes.com|

Դադարեցվել են Երևանի ավագանու ՔՊ խմբակցության ղեկավարի լիազորությունները |armtimes.com|

armtimes.com: Երևանի ավագանու «Իմ քայլը» խմբակցության անդամ Սուրեն Էյրամջյանի լիազորությունները դադարեցվել են, որի մասին կազմվել է արձանագրություն: «Հիմք ընդունելով «Երևան քաղաքում տեղական ինքնակառավարման մասին» օրենքի 20-րդ հոդվածի 1-ին մասի 6-րդ կետը և 4-րդ մասը՝ դադարեցնել «Իմ քայլը» կուսակցությունների դաշինքի՝ Երևան քաղաքի ընտրական ցուցակով ընտրված Երևան քաղաքի ավագանու անդամ Սուրեն Էյրամջյանի՝ ավագանու անդամի լիազորությունները»,- ասված է արձանագրության մեջ: Այս տարվա փետրվարին Էյրամջյանը ավագանու նիստի ժամանակ հայտարարել էր, որ ունի առողջական խնդիր և 2019-ի մի ամբողջ նստաշրջան ստիպված էր բացակայել նիստերից:   Սուրեն Էյրամջյանը Երևանի ավագանու ՔՊ խմբակցության ղեկավարն էր:
11:16 - 14 սեպտեմբերի, 2021
Հենց հիմա ջարդում ու վերացնում են ծառերը, կանաչ տարածքը․ ահազանգ «Ֆիզգորոդոկից»

Հենց հիմա ջարդում ու վերացնում են ծառերը, կանաչ տարածքը․ ահազանգ «Ֆիզգորոդոկից»

Ֆիզգորոդոկ Երևան ֆեյսբուքյան էջում բնակիչներն ահազանգել են և համապատասխան տեսանյութ տեղադրել․ «Հենց հիմա Ռատկո ՍՊԸ-ն ջարդում ու վերացնում է ծառերը, կանաչ տարածքը ֆիզիկայի գիտավանում, այն հատվածում, որի սեփականության օրինականությունը այս պահին քննվում է քրեական գործի շրջանակում, այն հատվածում, որը հանրային է եղել, զավթել է ապօրինաբար և պետք է վերադարձվի հանրությանը։ Պահանջում ենք կասեցնել աշխատանքները մինչև գործի քննության ավարտը: Անհապաղ»։
11:28 - 10 սեպտեմբերի, 2021
Էլեկտրական ինքնագնացների վարձույթի ծառայություն` Երևանում |panarmenian.net|

Էլեկտրական ինքնագնացների վարձույթի ծառայություն` Երևանում |panarmenian.net|

panarmenian.net: Էլեկտրական ինքնագնացների վարձույթի BusyFly ծառայությունը դուրս է եկել Հայաստանի շուկա՝ աշխատանքը սկսելով Երևանում։ Ընկերությունը ներդրել է մոտ $100,000 և մտադիր է վարձույթ բացել նաև այլ քաղաքներում։ Այդ մասին հայտնել է ընկերության ներկայացուցիչը, գրում է RB.ru-ն։ Սկզբնական փուլում Երևանում հասանելի կլինի Ninebot Kickscooter MAX տիպի 100 ինքնագնաց։ Ընկերությունը մտադիր է առաջիկայում դրանց քանակն ավելացնել մինչև 500։ Օգտատերերին կառաջարկվի սակագների առնվազն 5 տարբերակ, գինը կախված կլինի արագությունից և ժամանակից՝ հասանելի են կես ժամ և 1 ժամ տևողությամբ տարբերակներ։ Վարձույթի նվազագույն գինը կկազմի սկսած 30 դրամից մեկ րոպեի համար։ Ինքնագնացի միանգամյա ակտիվացումը կարժենա 100 դրամ: Երթևեկության առավելագույն թույլատրելի արագությունը 25 կմ/ժ է: Ինքնագնացները կարելի է կայանել քաղաքային և մասնավոր հեծանվակայանատեղիներում։ Երևանում ծառայությունից հնարավոր կլինի օգտվել հավելվածի միջոցով, որը կարելի է ներբեռնել AppStore-ից և GooglePlay-ից:
11:30 - 07 սեպտեմբերի, 2021
Երևան-Սևան մայրուղում սահմանվել են շտապօգնության ծառայության հերթապահություններ

Երևան-Սևան մայրուղում սահմանվել են շտապօգնության ծառայության հերթապահություններ

Ամռանը Երևան-Սևան-Երևան մայրուղին գերծանրաբեռնված է լինում, ինչպես նաև այդ ժամանակահատվածում առավել հաճախ են արձանագրվում ճանապարհատրանսպորտային պատահարներ: Առողջապահության նախարարի հրամանով շտապ բժշկական օգնության ծառայության լրացուցիչ հերթապահություններ են սահմանվել նշված ճանապարհահատվածում: 4 կետում` սեպտեմբերի 5-ը ներառյալ, ուրբաթ օրերին՝ ժամը 16:00-22:00-ը, իսկ շաբաթ և կիրակի օրերին՝ ժամը 08:00-22:00-ը, սահմանվել է հերթապահություն` Կոտայքի մարզի «Աբովյանի բժշկական կենտրոնի», «Չարենցավանի բժշկական կենտրոնի», «Հրազդանի բժշկական կենտրոնի» և Գեղարքունիքի մարզի «Սևանի բժշկական կենտրոնի» շտապ բժշկական օգնության ծառայությունների միջոցով:
12:48 - 27 հուլիսի, 2021
Ընտրական գործընթացի ողջ ժամանակահատվածում բերման է ենթարկվել 110 անձ |armenpress.am|

Ընտրական գործընթացի ողջ ժամանակահատվածում բերման է ենթարկվել 110 անձ |armenpress.am|

armenpress.am: Ընտրական գործընթացի ողջ ժամանակահատվածում՝ ընտրություններ նշանակելու օրվանից մինչև քվեարկության օրը, բերման է ենթարկվել 110 անձ: Սահմանադրական դատարանում արտահերթ խորհրդարանական ընտրությունների արդյունքները վիճարկող դիմումների քննության ժամանակ այս մասին ասաց Երևան քաղաքի դատախազ Սևակ Հովհաննիսյանը: Դատախազը հայտնեց, որ բերման ենթարկվածներից 20-ը «Հայաստան» դաշինքի ներկայացուցիչներն են, համակիրներն են, վստահված անձինք և այս կամ այն կերպ դաշինքի հետ ասոցացվող անձինք, 39-ը «Պատիվ ունեմ» դաշինքից, իսկ մնացած 51-ը եղել են կամ այլ կուսակցությունից, կամ ընտրական գործընթացի մասնակիցներ: Երևանի դատախազի խոսքով` ընտրական գործընթացի ժամանակահատվածում կատարվել է 29 խուզարկություն, որոնցի 7-ը կատարվել է «Հայաստան» դաշինքին առնչվող անձանց բնակարաններում կամ շինություններում, 20-ը «Պատիվ ունեմ» դաշինքի, իսկ 2-ը՝ այլ: «Այդ խուզարկությունները կատարվել են իրավական և փաստական հիմքերի վերաբերյալ պատշաճ հիմնավորված միջնորդությունների հիման վրա, դատարանների կողմից կայացված դատական ակտերով, որոնց օրինականության վերաբերյալ վերադաս դատական ատյաններ ներկայացված բողոքների առկայության մասին տեղեկություններ չունենք: Մեր կարծիքով «Հայաստան» և «Պատիվ ունեմ» դաշինքների բերման ենթարկված համակիրների և նրանց բնակարաններում ու շինություններում կատարված խուզարկությունների թիվը համաչափ է նրանց կողմից կատարված առերևույթ ընտրական հանցագործությունների վերաբերյալ հաղորդումների թվին»,-ասաց Սևակ Հովհաննիսյանը:
17:13 - 12 հուլիսի, 2021
Լույս չի լինի Երևանի ու 3 մարզերի մի շարք հացեներում

Լույս չի լինի Երևանի ու 3 մարզերի մի շարք հացեներում

«Հայաստանի էլեկտրական ցանցեր» ընկերությունը տեղեկացնում է, որ հուլիսի 2-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`  Երևան քաղաքում՝ 10:00-16:00 Աբովյան փ. 36 շենք և հարակից ոչ բնակիչ-բաժանորդներ, 11:00-15:00 Արցախի փ. 8, 8Ա, 8Բ շենքեր, 11:00-17:00 Գոգոլի փողոց և Գոգոլի փակուղու սեփական տներ, Պարույր Սևակի փողոց սեփական տներ և հարակից ոչ բնակիչ-բաժանորդներ, «Աբգարյան» ԱՁ-ն և հարակից ոչ բնակիչ-բաժանորդներ, «Ար և Ար Դիզայն Քնսթրաքշն», «Ադամիուն», «Դիօկսիդ» և «Էմ Ջի գրուպ» ՍՊԸ-ներ, քաղ․ «Զ․Բաղդասարյան», Շիրակի փ․ 66, 68, 70, 72 շենքեր և հարակից ոչ բնակիչ-բաժանորդներ, Արցախի փ. 8, 8ա, 8բ շենքեր և հարակից ոչ բնակիչ-բաժանորդներ,  Կոտայքի մարզում՝ 11։00-17։00 Գեղաշեն և Բալահովիտ գյուղեր, Գառնի գյուղ մասնակի, Ջրվեժ՝ «Ա» թաղամաս մասնակի, 12։00-13։00 Կոտայք, Նոր Գյուղ գյուղեր և հարակից տարածքներ,  Արարատի մարզում՝ 10։00-13։00 Սիսավան գյուղ մասնակի, 10։30-13։00 և 13։30-16։00 Մխչյան գյուղ՝ մասնակի, 10։00-16։00 Արարատ քաղաք՝ Մուրացան և Ղուկասյան փողոցներ մասնակի,  Սյունիքի մարզում՝ 09:10-11:10 Քաջարան քաղաք` Խանջյան փ. 4, Բակունցի փ. 3, 4, 5, 7 շենքեր, 11:00-16:00 Վերիշեն գյուղ և հարակից ոչ բնակիչ-բաժանորդներ:  Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:
09:48 - 02 հուլիսի, 2021
Վաղը Երևանի Աջափնյակ համայնքում ջուր չի լինի

Վաղը Երևանի Աջափնյակ համայնքում ջուր չի լինի

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված ս.թ. հունիսի 29-ին ժամը 00.00-24.00 կդադարեցվի Երևանի Աջափնյակ վարչական շրջանի՝ հետևյալ տարածքների ջրամատակարարումը. Աբելյան, Հասմիկի, Էստոնական, Արզումանյան, Շինարարներ, Առաքելյան, Ջանիբեկյան, Ա.Սարգսյան, Սպորտի, Մելիքյան, Թերլեմեզյան, Չուխաջյան, Գր.Զոհրապի, Լևոնյան, Եղիազարյան, Միրաքյան, Լուկաշինի, Հակոբյանց, Շահումյանի 18-րդ փողոցներ, Վշտունի փողոց և նրբանցքներ, Խ.Խաչատրյան փողոց և նրբանցքներ, Շահումյանի 17-րդ փողոցի նրբանցք, Բաշինջաղյան փողոցի անհատական տներ, Լենինգրադյան 2-52 զույգ համարներ, Հալաբյան 3-39 կենտ համարներ, Հասրաթյան 4, 6, 8, 10 համարներ, Ֆուչիկի 1/3 համար, Ռուստամյան 1-35 անհատական տներ, Սիսակյան 2, 3, 4, 6, 8, 10, 16, 20, 22 համարներ: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
13:59 - 28 հունիսի, 2021
Երևանում և մարզերում էլեկտրաէներգիայի պլանային անջատումներ կլինեն

Երևանում և մարզերում էլեկտրաէներգիայի պլանային անջատումներ կլինեն

«Հայաստանի էլեկտրական ցանցեր» ընկերությունը տեղեկացնում է, որ հունիսի 18-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը․ Երևան քաղաքում՝ 10:00-16:00 Նոր Նորք 2-րդ զանգ.՝ Մոլդովական փ. 48/4, 50/3, 50/5, 50/6, 60 շենքեր, Գայի պող. 21, 23, 27, 28, 31, 52 շենքեր, Բագրևանդ թաղամասի սեփական տներ, թիվ 250 մսուր-մանկապարտեզ և հարակից ոչ բնակիչ-բաժանորդներ, 11:00-16:00 Նոր Արեշ 22փ. 13-64; 24փ. 31-54 սեփական տներ, Էրեբունի փ. 22 շենքի 1-45 բնակարաններ և 26 շենքի 1-45 բնակարաններ, 11:00-17:00 «Լիդիա» արտադրական կոպերատիվ, «Կարմիր Բլուր» ՍՊԸ, քաղ․«Մ․Զաքարյան», քաղ․ «Մ․Փոլադյան», «Ա-Ս-ինվեսթմենթս», «Արկոմպ», «Յուքոմ» ընկերություններ, Կիրառական քիմիայի ինստիտուտ, «Արիակ» ՓԲԸ, «Վեոն Արմենիա», «Ռեգնուս», «Սպայկա», «Էկոֆորմ», «Յունիքիմ», «Սպայկա», «Լեքս տոբակո քոմփանի» ՍՊԸ-ներ, «Արարատ» արտադրական կոոպերատիվ, Արշակունյաց պող․ 296, 302 շենքեր, Արշակունյաց պողոտա, Շիրակի փողոցի սեփական տներ, Արշակունյաց պող․ 135ա, 135բ, 135գ, 135դ, 135ե, 135վ շենքեր, Արշակունյաց պողոտայի սեփական տներ, Արշակունյաց պող․ 44/1, 44/2, 44/3, 46, 46/1, 46/2, 135, 292ա, 330 շենքեր, Մանանդյան փ․ 1, 1Ա, 1/2, 3 շենքեր, Մայիսի 9-ի փ․15, Նիզամի փ․1, 55 շենքեր, Կաշեգործների փողոցի սեփական տներ, Արտաշիսյան փ․ 55/13, 53/14, 53/15, 57/12, 59, 61, 63, 63ա, 63բ, 65, 67, 69 շենքերը, Չեխովի փ․ 27, 29, 31, 31/1, 33, 35 շենքեր և հարակից ոչ բնակիչ-բաժանորդներ, Բաղրամյան 1-ին փակ. 2 շենք և հարակից ոչ բնակիչ-բաժանորդներ, Դավթաշեն 4-րդ թաղ․ 11 շենք, Շերամի, Րաֆֆու (Ռոբոտներ տարածք) փողոցների սեփական տներ և հարակից ոչ բնակիչ-բաժանորդներ, Արագածոտնի մարզում՝ 11:00-17:00 Գետափ, Արագածավան և Թլիկ գյուղեր, Արարատի մարզում՝ 10:00-12:00 Հովտաշատ գյուղ մասնակի, 10:00-13:00 Խաչփառ և Այգավան գյուղեր մասնակի, 10:30-16:00 Արաքսավան գյուղ մասնակի, 13:00-16:00 Մասիս քաղաք 1, 2 փողոցներ մասնակի, Նոր թաղամաս մասնակի, 14:00-16:00 Զորակ գյուղ մասնակի, Վայոց Ձորի մարզում՝ 10:30-13:30 Ջերմուկ քաղաք` Ձախափնյա թաղամաս և Երևանյան խճուղի մասնակի, 10:00-15:00 Արտաբույնք գյուղ մասնակի, Կոտայքի մարզում՝ 10։00-16։00 Քասախ գյուղ և հարակից ոչ բնակիչ-բաժանորդներ, Քասախի «Լուսին» ՍՊԸ, Նևրոզների կլինիկա, Զինմաս, Մուշ և Ծիրանանոց թաղամասեր, «Վեոլիա Ջուր» և «Գրանիտ» ընկերություններ, 11։00-14։00 Մայակովսկի գյուղ և հարակից տարածքներ, 11։00-16։30 Պռոշյան գյուղ մասնակի, Պռոշյանի Գոմեր թաղամաս, 1-2 թաղամաս, ՊՆ զորամաս, «Ա․Լ․Լ ԳԱԶ», «ԱԻՍԱ» ՍՊԸ-ներ, «Հ․ Բալայան», «Արթին Զակարի» ոչ բնակիչ-բաժանորդներ, Զովունի գյուղ՝ ԱԻՆ, «Վարազդատ» ՍՊԸ, «ԼՍԱԳ» գազալցակայան, ԱԱԾ զորամաս, ԿՈՈՊ «Ույուտ», ԿՈՈՊ «Լիլիթ», «Ունիվերսալ» ՍՊԸ, «Թամարա և Անի», «Տրանսգազ», «Լիվա–Դեկոլ», «Ֆարե-Դար», «Զովունի» ՍՊԸ-ներ, 11։00-17։00 Գեղաշեն, Բալահովիտ, Ներքին Պտղնի գյուղեր մասնակի, Ջրվեժ՝ Մայակ թաղամաս մասնակի, Գառնի գյուղ մասնակի, Եղվարդ քաղաք՝ Սաֆարյան, Արա Գեղեցիկի, Նոր Թաղ, Նար-Դոսի փողոցներ և հարակից ոչ բնակիչ-բաժանորդներ, Գեղարքունիքի մարզում՝ 10։00-16։00 Մարտունի քաղաք՝ Մյասնիկյան փողոցն ամբողջությամբ և հարակից ոչ բնակիչ- բաժանորդներ, 11։00-16։30 Լանջաղբյուր, Գեղարքունիք, Սարուխան, Գանձակ, Կարմիր գյուղեր, Գավառ քաղաք՝ Հացառատ թաղամասի վերջնամասի բնակիչ-բաժանորդներ, Ծաղկաշեն գյուղն ամբողջությամբ, Հացառատի թիվ 8 նոր դպրոց, Կարմիր գյուղ՝ «Յուքոմ» ընկերության բջջային կայան, «Կարիշ» գազալցակայան, Սարուխանի թիվ 1 դպրոց, ջրային տնտեսությունից սնվող բոլոր բնակիչ-բաժանորդներ և «Վեոն Արմենիա» բջջային կայան, Լոռու մարզում՝ 11:00-14:00 Տաշիր քաղաք՝ 1-14 թաղամասեր, Երևանյան, Էրեբունի, Պուշկինի, Աբովյան, Դեմիրճյան, Գագարինի, Նաիրի, Կրուպսկայա, Շիրազի, Գետափնյա, Դպրոցականների, Լճափնյա, Օրջոնոկիձե, Արևային, Լատիշական, Խուդյակովի, Օրբելի, Գորկի, Խանջյան, Գրիբաեդովի, Թումանյան, Ջահուկյան փողոցներ, Լեռնահովիտ, Մեդովկա, Կրուգլայա Շիշկա գյուղեր:
09:11 - 18 հունիսի, 2021
Էլեկտրաէներգիայի պլանային անջատումներ կլինեն Երևանի և մարզերի մի շարք հասցեներում

Էլեկտրաէներգիայի պլանային անջատումներ կլինեն Երևանի և մարզերի մի շարք հասցեներում

«Հայաստանի էլեկտրական ցանցեր» ընկերությունը տեղեկացնում է, որ հունիսի 15-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`   Երևան քաղաքում՝ 10:00-16:00 Համբարձումյան փ. 6, 8 շենքեր, Նոր Նորք 2-րդ զանգ.՝ Դավիթ Մալյան նրբ․ 5, 6, 7, 8, 9, 10, 11 շենքեր, Դավիթ Մալյան փ. 20, 22 շենքեր, թիվ 96 դպրոց և հարակից ոչ բնակիչ-բաժանորդներ, Դավիթ Մալյան փող. 8 և 10 շենքեր, Սարի Թաղ 13 փողոցի սեփական տներ և Սարի Թաղ 19 փողոցի սեփական տներ և հարակից ոչ բնակիչ-բաժանորդներ, 11:00-16:00 Էրեբունի փ. 20, 22 շենքեր (46-90բն.) Դիմիտրովի փ. 96-135 սեփական տներ; 1-ին նրբ. 1-15 սեփական տներ և 2-րդ նրբ. 1-15 սեփական տներ, 11:00-17:00 Հ․Հովհաննիսյան, Մարկվարտի փողոցների սեփական տներ, Աէրացիա թաղ. 1, 1/1ա, 2, 2/1ա, 3, 3/1 շենքեր և հարակից ոչ բնակիչ-բաժանորդներ, Անտառային փ. 138, 140/3, 150/17, 178/2, 186/14 շենքեր և հարակից ոչ բնակիչ-բաժանորդներ, Մյասնիկյան պողոտա, Գերցենի, Էմինեսկու, Բուսաբանական փողոցների սեփական տներ և հարակից ոչ բնակիչ-բաժանորդներ, Լեփսիուսի փ. 25 շենք, Արաբկիր 25 փողոցի սեփական տներ և հարակից ոչ բնակիչ-բաժանորդներ, Հաղթանակ թաղ․ 1 փողոց և հարակից ոչ բնակիչ-բաժանորդներ,   Արարատի մարզում՝ 10:00-12:00 Ռանչպար գյուղ մասնակի, 10:00-13:00 Մասիս քաղաք` Կայարանի և 2-րդ թաղամասները մասնակի, հարակից ոչ բնակիչ-բաժանորդներ, Արալեզ, Սուրենավան Լանջառ և Ուրցալանջ գյուղեր մասնակի, Զանգակատուն և Վարդաշատ գյուղեր, 10:00-15:00 Նորամարգ և Սայաթ-Նովա գյուղեր մասնակի, 10:30-16:00 Հովտաշեն գյուղ մասնակի, 10:30-16:30 Դարակերտ գյուղ, Խաչփառ, Ղուկասավան և Նորաբաց գյուղեր մասնակի, 13:00-16:00 Մասիս քաղաք՝ Նոր և 3-րդ թաղամասներ մասնակի, Քաղաքապետարան, “Վեոն Արմենիա” ընկերության գրասենյակ, թիվ 2-րդ դպրոց, Հիվանդանոց և հարակից ոչ բնակիչ-բաժանորդներ,   Վայոց Ձորի մարզում՝ 10:00-15:00 Արտաբույնք գյուղ մասնակի,   Կոտայքի մարզում՝ 11։00-17։00 Եղվարդ քաղաք` Սաֆարյան, Արա Գեղեցիկի, Նոր Թաղ, Նար Դոսի փողոցներ և հարակից ոչ բնակիչ-բաժանորդներ, Ձորաղբյուր, Գեղաշեն, Բալահովիտ և Ներքին Պտղնի գյուղեր մասնակի, Ջրվեժ՝ Մայակ թաղամաս մասնակի, Գառնի գյուղ մասնակի,   Գեղարքունիքի մարզում՝ 11։00-14։00 Վարդենիս համայնք՝ Վ․Համբարձումյան, Վ․Սարգսյան, Չարենցի, Արզոյան, Տիգրան Մեծի, Թումանյան, Իսակովի փողոցներ և հարակից ոչ բնակիչ-բաժանորդներ, “Մակվիչ” ՍՊԸ, “Վեոն Արմենիա”, “Յուքոմ” ընկերությունների բջջային կայաներ, 11։00-12։00 Գավառ քաղաք՝ Սայադյան փողոց մասնակի, “Վարսենիկ Շահինյան” ԱՁ, “Հայէկոնոմբանկ” ընկերություն, Գավառի արվեստի դպրոց, Գավառի կենտրոնական հրապարակ և հարակից բնակիչ-բաժանորդներ, 14:00-15:00 Գավառ քաղաք՝ Մշակույթի տուն, “Վեոն Արմենիա” ՓԲԸ, Գավառի կենտրոնական հրապարակ և հարակից տարածքի բնակիչ-բաժանորդներ մասնակի, “Վարսենիկ Շահինյան” ԱՁ, “Հայէկոնոմբանկ” ընկերություն, Գավառի արվեստի դպրոց, Գավառի կենտրոնական հրապարակ և հարակից բնակիչ-բաժանորդներ, 15:30-16:30 Գավառ քաղաք` Քաղաքապետարան և հարակից բնակիչ- բաժանորդներ, Հերոս քաղաք՝ Նովորոսիյսկ փողոցի բնակիչ-բաժանորդներ, կենցաղի տուն, “Կ․ՈՒ․Լ․Ռ․Ո” ՍՊԸ, “Արմեն Հովեյան” ԱՁ, Արծրուն եղբայրներ փողոցի բնակիչ-բաժանորդներ մասնակի, 14։30-16։30 Հրազդան քաղաք՝ Հակակոռոզիոն ձեռնարկություն, Գագարինավանին հարակից “Գարչինո”, “ՇԽՄՎԳ”, “Բազիս ՍԱՌ”, “ԱՄԱ Կոմպրեսոր” ՍՊԸ-ներ և հարակից ոչ բնակիչ-բաժանորդներ,   Լոռու մարզում՝ 11:00-15:30 Գետավան և Օդանավակայան գյուղեր, 11:00-17:00 Շահումյան գյուղ,   Սյունիքի մարզում՝ 11:00-17:00 Տեղ և Մուծք գյուղեր մասնակի:
09:19 - 15 հունիսի, 2021
Էլեկտրաէներգիայի մինչև 6-ժամյա անջատումներ կլինեն 8 մարզերի ու Երևանի որոշ հասցեներում

Էլեկտրաէներգիայի մինչև 6-ժամյա անջատումներ կլինեն 8 մարզերի ու Երևանի որոշ հասցեներում

«Հայաստանի էլեկտրական ցանցեր» ընկերությունը տեղեկացնում է, որ հունիսի 14-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`    Երևան քաղաքում՝ 10:00-16:00 Արամի փ. 64, 82-84 շենքեր, Էկոնոմիկայի նախարարություն, Ամիրյան փ. 27 շենք և հարակից ոչ բնակիչ- բաժանորդներ, Ֆրունզեի, Թ․Սարյան, Լ․Խաչիկյան փողոցների սեփական տներ և հարակից ոչ բնակիչ-բաժանորդներ, 11:00-17:00 Գերցենի, Բուսաբանական, Էմինեսկու փողոցների սեփական տներ և հարակից ոչ բնակիչ-բաժանորդներ, Մամիկոնյանց փ. 2 շենք, Նոր Արեշ 2փ. 1-30; 29-62; 4փ. 1-46; 45-59; 11փ. 13-40 սեփական տներ, Մուրացան փ. 125-184; 130-138 /զույգ/ սեփական տներ,  Արագածոտնի մարզում՝ 11:00-17:00 Կարբի, Արտաշավան, Սաղմոսավանք, Ուշի և Բազմաղբյուր գյուղեր,  Արարատի մարզում՝ 10:00-15:00 Նորամարգ գյուղ մասնակի, 10:00-16:00 Մասիս քաղաք` 2-րդ և Կայարան թաղամասներ մասնակի, “Գոլդեն ֆիշ”, “Հայջրմուղկոյուղի”, “Տրանսշին” ՓԲԸ-ներ, “Բերմա” ԲԲԸ, ԱՁ “Գրետա Ավագյան”, “Սեփականատեր Լաֆիկ” ՍՊԸ, “Խոր Գագ” ՍՊԸ և հարակից ոչ բնակիչ-բաժանորդներ, Լուսառատ և Լանջառ գյուղեր մասնակի, 10:30-14:30 Մասիս գյուղ մասնակի, 10:30-16:00 Դիմիտրով գյուղ մասնակի, 13:00-15:00 Հովտաշատ գյուղ մասնակի,  Վայոց Ձորի մարզում՝ 10:00-14:00 Հերմոն գյուղ մասնակի,  Կոտայքի մարզում՝ 11։00-16։00 Եղվարդ քաղաք՝ թիվ 3, 5, 8 շենքեր, Երևանյան փողոցի բաժանորդներ, Համայնքապետարան, “Վեոլիա Ջուր” ընկերություն, Անշարժ Գույքի Կադաստրի Կոմիտե, ՔԿԱԳ տարածքային բաժին, ԱԱԾ, Ազգային արխիվ, Ընտրական թիվ-26 ընտրատարածք, ԴԱՀԿ, Մարզային ներկայացուցչություն, 11։00-17։00 Ձորաղբյուր, Գեղաշեն, Բալահովիտ, Ներքին Պտղնի գյուղեր մասնակի, Ջրվեժ՝ Մայակ թաղամաս մասնակի, Գառնի գյուղ մասնակի,  Գեղարքունիքի մարզում՝ 14։30-16։30 Գեղամավան, Ծաղկունք, Գագարին, Դդմաշեն, Զովաբեր համնայնքներն ամբողջությամբ, Ծաղկունքի ոռոգման պոմպ, “Գագարին” ՍՍԿ, “Պահուստ” ՊՈԱԿ, Գագարինի արտադրական բազա, «ՀԿՀ-ԱԳՐՈՍՊԱՍԱՐԿՈՒՄ» Սևանի միջշրջանային միավորում ՍՊԸ, “ՇԽՄՎ”, Սեդամի, “Տելեմակ”, “Անանուխ”, “Գրին Ֆարմեր” ՍՊԸ-ները, «Վիվասել-ՄՏՍ», «Յուքոմ» ընկերությունների բջջային կայաններ և հարակից ոչ բնակիչ-բաժանորդներ, Լոռու մարզում՝ 11:00-17:00 Կաթնառատ, Կաթնաղբյուր, Ուրասար և Արմանիս գյուղեր,  Տավուշի մարզում՝ 13:00-14:00 Իջևան քաղաք՝ Օհանյան, Մյասնիկյան, Մեհրաբյան, Ասլանյան փողոցներ, Երևանյան, Բլբուլյան փողոցներ մասնակի և հարակից ոչ բնակիչ-բաժանորդներ,  Սյունիքի մարզում՝ 11:00-17:00 Գորիս քաղաք՝ Մաշտոցի փողոց մասնակի, Մուծք և Տեղ գյուղեր մասնակի, 16:00-17:00 Սիսիան քաղաք՝ Որոտան փ. 2 շենք, Չարենցի փ. 2, 4 շենքեր: 
09:51 - 14 հունիսի, 2021
Մայրաքաղաքում և մարզերում էլեկտրաէներգիայի պլանային անջատումներ կլինեն

Մայրաքաղաքում և մարզերում էլեկտրաէներգիայի պլանային անջատումներ կլինեն

«Հայաստանի էլեկտրական ցանցեր» ընկերությունը տեղեկացնում է, որ հունիսի 11-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`   Երևան քաղաքում՝ 10:00-16:00 Այգեստան 11 փողոց 11-61 սեփական տներ, Հերացի փ. 10-16 շենքեր և հարակից ոչ բնակիչ-բաժանորդներ, Նոր Նորք 2-րդ զանգ.՝ Դ․ Մալյան նրբանցք 2, 3 շենքեր, Մոլդովական փ. 1, 3, 7 շենքեր, Գայի պող. 1, 1/1 շենքեր, Ավան Առինջ՝ 1-ին միկրո.՝ Բաբաջանյան փ. 8 (4) շենք և հարակից ոչ բնակիչ-բաժանորդներ, Ֆրունզեի, Թ.Սարյան, Լ․Խաչիկյան փողոցների սեփական տներ և հարակից ոչ բնակիչ- բաժանորդներ, 11:00-15:00 Նոր Արեշ 26փ. 13-34 սեփական տներ, Էրեբունի փ. 25, 27 շենքեր, 11:00-17:00 Նորք Մարաշ՝ Նորքի 7-րդ փողոցի և 7-րդ փողոցի 1-ին նրբանցքի սեփական տներ, թիվ 124 մսուր-մանկապարտեզ, հարակից ոչ բնակիչ-բաժանորդներ, Կոմիտասի պող. 20 շենք, Երզնկյան փ. 31, 31/1 շենքեր, Բաղրամյան պող. 79 շենք,   Արմավիրի մարզում՝ 11:00-17:00 Մարգարա, Արազափ, Արգավանդ և Տանձուտ գյուղեր,   Արարատի մարզում՝ 10:00-12:00 Նորամարգ, Երասխ գյուղեր մասնակի, Արմաշ գյուղ, 10:00-15:00 Գինեվետ գյուղ մասնակի, 10:00-16:00 Մասիս քաղաք` թիվ 2-րդ, 3-րդ, Կայարան և Նոր թաղամասներ մասնակի, Դպրոցականների, Ազատամարտիկների, Հանրապետության, Երևանյան և 3-10 փողոցներ մասնակի, թիվ 6, 7, 9 նրբանցքներ մասնակի, Նորամարգ գյուղ, Ռանչպար գյուղ մասնակի և հարակից ոչ բնակիչ-բաժանորդներ, Սիսավան, Վանաշեն գյուղեր և Լանջառ գյուղ մասնակի, 10:30-16:00 Դիմիտրով գյուղ մասնակի,   Վայոց Ձորի մարզում՝ 11:00-15:00 Գլաձոր գյուղ մասնակի,   Կոտայքի մարզում՝ 10։00-16։00 Եղվարդ քաղաք՝ Սաֆարյան, Արա Գեղեցիկի, Նոր Թաղ, Նար-Դոսի փողոցներ և հարակից ոչ բնակիչ-բաժանորդներ մասնակի, 11:00-17:00 Ձորաղբյուր, Գեղաշեն, Բալահովիտ, Ներքին Պտղնի գյուղեր մասնակի, Ջրվեժ` Մայակ թաղամաս մասնակի,   Գեղարքունիքի մարզում՝ 12։00-14։00 Լանջաղբյուր, Գեղարքունիք, Սարուխան, Գանձակ, Կարմիր գյուղեր և բնակիչ-բաժանորդներ, Հացառատ թաղամասի վերջնամասի բնակիչ-բաժանորդներ, Ծաղկաշեն գյուղն ամբողջությամբ, Հացառատի թիվ 8 նոր դպրոց, Կարմիր գյուղ՝ «Յուքոմ» ընկերության բջջային կայան, «Կարիշ» ՍՊԸ գազալցակայան, Սարուխան N 1 դպրոց և «Վեոն Արմենիա» ընկերության բջջային կայան, 11։00-13։00 Սոթքի զորամաս, 13։00-15։00 Սոթք, Կութ, Ազատ գյուղեր և հարակից ոչ բնակիչ-բաժանորդներ, «Վեոն Արմենիա», «Վիվասել-ՄՏՍ», «Յուքոմ» ընկերությունների բջջային կայաններ, 14։30-16։30 Գեղամավան, Ծաղկունք, Գագարին, Դդմաշեն, Զովաբեր համայնքներն ամբողջությամբ, Ծաղկունքի ոռոգման պոմպ, «Գագարին» ՍՍԿ, «Պահուստ» ՊՈԱԿ, «Գագարինի արտադրական բազա» ՓԲԸ, «ՀԿՀ-ԱԳՐՈՍՊԱՍԱՐԿՈՒՄ» Սևանի միջշրջանային միավորում ՍՊԸ, «ՇԽՄՎ», «Սեդամի», «Տելեմակ», «Անանուխ», «Գրին Ֆարմեր» ՍՊԸ-ներ, «Վիվասել-ՄՏՍ», «Յուքոմ» ընկերությունների բջջային կայաններ և հարակից ոչ բնակիչ-բաժանորդներ,   Լոռու մարզում՝ 11:00-17:00 Շահումյան գյուղ,   Սյունիքի մարզում՝ 10:30-13:30 Սիսիան քաղաք` Տիգրան Մեծի փողոցներ, Գայի փ. 1, 2, 3, 4, 5 շենքեր, Առուստամյան, Պարույր Սևակի փողոց մասնակի, 14:00-16:00 Սիսիան քաղաք՝ Պարույր Սևակի, Սյունիքի, Շահումյան փողոցներ մասնակի, 10:30-16:30 Գորիս քաղաք՝ Այգեստան, Քրիստափորի, Մանուշակաձոր, Սյունիքի, Սալքար փողոցներ և Կապանի խճուղի:
09:37 - 11 հունիսի, 2021
Երևանը և Դոնի Ռոստովը համագործակցության հնգամյա ծրագիր են ստորագրել

Երևանը և Դոնի Ռոստովը համագործակցության հնգամյա ծրագիր են ստորագրել

Պաշտոնական այցով Ռուսաստանի Դաշնության հարավային մայրաքաղաք` Դոնի Ռոստով է այցելել Երևանի պատվիրակությունը` քաղաքապետ Հայկ Մարությանի գլխավորությամբ: Պաշտոնական այցի առաջին օրը ռոստովյան գործընկերների ուղեկցությամբ երևանյան պատվիրակության անդամները ծաղիկներ են դրել Հայրենական մեծ պատերազմում զոհված զինվորների հիշատակը հավերժացնող հուշահամալիրի անմար կրակի մոտ: Այնուհետև Երևանի քաղաքապետն ու պատվիրակության անդամները, Նոր Նախիջևանի հայ համայնքի ներկայացուցիչների հետ հարգանքի տուրք են մատուցել նաև Հայոց ցեղասպանության զոհերի հիշատակին: Այս մասին հայտնում են Երևանի քաղաքապետարանից։ՌԴ հարավային մայրաքաղաքի վարչակազմի նստավայրում` քաղաքապետարանում կայացավ Երևանի և Դոնի Ռոստովի ղեկավարների պաշտոնական ձևաչափով հանդիպումը: Երևանի քաղաքապետ Հայկ Մարությանն ու Դոնի Ռոստովի վարչակազմի ղեկավար, քաղաքապետ Ալեքսեյ Լոգվինենկոն ստորագրեցին երկու քաղաքների միջև համագործակցության հնգամյա ծրագիրը: Ըստ փաստաթղթի՝ կողմերը պարտավորվեցին 2021-2025թթ. ընթացքում զարգացնել փոխգործակցությունը քաղաքային տնտեսության տարբեր ոլորտներում: Դոնի Ռոստովի վարչակազմի ղեկավար Ալեքսեյ Լոգվինենկոն նկատել է, որ ստորագրված փաստաթուղթը նոր որակ կհաղորդի երկու քաղաքների միջև կառուցողական ծրագրերի իրականացմանը:«Արդեն 15 տարի է, ինչ Երևանն ու Դոնի Ռոստովը եղբայր քաղաքներ են: Վստահ եմ, որ ստորագրված ծրագիրը նոր աշխուժություն կհաղորդի երկու քաղաքների փոխգործակցությանը, հաշվի առնելով նաև այն հանգամանքը, որ երկու կողմերի հարաբերությունների ներուժը զարգացման և ընդլայնման մեծ հնարավորություն ունի: Փորձի փոխանակման տեսանկյունից՝ շատ կարևոր են նաև փոխայցելությունները»,-նշել է Ալեքսեյ Լոգվինենկոն:  Շնորհակալություն հայտնելով ջերմ ընդունելության համար` Երևանի քաղաքապետ Հայկ Մարությանն իր հերթին համոզմունք է հայտնել, որ երկու քաղաքների եղբայրական հարաբերությունները լրացուցիչ կխթանեն բազմակողմ կապերի ընդլայնումը:«Վստահաբար կարող եմ նշել, որ Ռոստովը և Ռոստովի երկրամասը երկու քաղաքների համագործակցության առումով կարող են օրինակ ծառայել: Այն ուղղությունները, որոնք տեղ են գտել ծրագրում, երկուստեք հետաքրքրություն են ներկայացնում, և ես իմ հերթին կներդնեմ իմ բոլոր ջանքերը դրանք կյանքի կոչելու համար: Իսկապես կա լայն դաշտ գործակցություն ծավալելու կրթության, առողջապահության, քաղաքաշինական, սոցիալական ու քաղաքային տնտեսության մի շարք այլ ոլորտներում»,- նշել է Հայկ Մարությանը:Երևանի պատվիրակության անդամները եղել են նաև Հայ առաքելական Սուրբ Հարություն եկեղեցում: Վարդագույն տուֆով կառուցված տաճարը Դոնի Ռոստովի (Նոր Նախիջևանի) հայերի հոգևոր կենտրոնն է և կարևոր նշանակություն ունի հայապահպանության գործում:1970-ական թվականներից Դոնի Ռոստովում գործում է նաև հայ-ռուսական բարեկամության թանգարանը: Մշակութային կենտրոն այցելած Երևանի քաղաքապետ Հայկ Մարությանն ու պատվիրակության անդամները շրջել են ցուցասրահներում, ծանոթացել արժեքավոր հավաքածուին: Թանգարանը մինչև 2011 թվականը գտնվել է Սուրբ Խաչ եկեղեցու շենքում, հետագայում` Հայրապետովների տանը։ Ցուցանմուշների մեջ կան հայերեն գրքեր, 18-րդ դարի կենցաղային իրեր, որոնցից առավել արժեքավորը պղնձե 47 առարկաների հավաքածուն է, որը Ղրիմից վերաբնակեցվելու ժամանակ իրենց հետ Դոնի Ռոստով են բերել թերակղզու բնակիչները։
13:11 - 09 հունիսի, 2021