Կորոնավիրուս

Շվեյցարիայում և Կատալոնիայիում արձանագրվել է կորոնավիրուսով վարակման առաջին դեպքը |armenpress.am|

armenpress.am: Կատալոնիայում և Շվեցարիայում հաստատել են կորոնավիրուսով վարակման առաջին դեպքը: Իսպանիայի տարածքում կորոնավիրուսով վարակման արդեն չորրորդ դեպքն է արձանագրվում: Նախկինում վարակվածներից երկուսն արդեն բուժվել են:

20:59 - 25 փետրվարի, 2020

Իրանի առողջապահության փոխնախարարն ու պատգամավորը վարակվել են կորոնավիրուսով |news.am|

news.am: Իրանի առողջապահության նախարարի տեղակալ Իրաջ Հարիրչիի մոտ կորոնավիրուսի թեստը դրական արդյունք է տվել: Նման հայտարարություն է այսօր արել պաշտոնյան։ «Ցանկանում եմ հայտնել, որ իմ մոտ կորոնավիրուս է: Երեկվանից ջերմություն ունեմ, նախնական անալիզը դրական արդյունք է տվել: Երեկվանից ես ինքնս ինձ մեկուսացրել եմ»,- նրա խոսքը մեջբերում է IRNA գործակալությունը: Պաշտոնյայի խոսքով՝ Իրանը կհաղթահարի վիրուսը առաջիկա մի քանի շաբաթվա ընթացքում: «Վիճակս վատ չէ, միայն ջերմութոյւն ունեմ»,- հավելել է նա: Բացի այդ, կորոնավիրուսով վարակման մասին հայտնել է պատգամավոր Մահմուդ Սադեկին: «Ինձ մոտ կորոնավիրուսի թեստը դրական է եղել: Այս մասին ես հայտնում եմ այն ժամանակ, երբ որեւէ հույս չունեմ, որ կկարողանամ ապրել»,- գրել է նա Twitter-ում։ Իրանի առողջապահության նախարարությունը փետրվարի 19-ին հայտնել է երկրում կորոնավիրուսով վարակման առաջին դեպքերի մասին: Վերջին տվյալների համաձայն՝ վարակվել է մոտ 95 մարդ, 15 մահվան դեպք է գրանցվել:

18:54 - 25 փետրվարի, 2020

Իրանի հետ ՀՀ սահմանին շարժը կտրուկ նվազել է.բեռնատարների վարորդներն ուժեղացված հսկողություն են անցել

Իրանի հետ ՀՀ սահմանին փետրվարի 25-ի կեսօրից սկսած շարժը կտրուկ նվազել է։ Ժամը 17:30-ի դրությամբ՝ 45 բեռնատար է հատել Իրան-Հայաստան սահմանը, ու բոլորի վարորդներն ուժեղացված հսկողություն են անցել։ «ԱԱՏՄ Մեղրիի բժշկասանիտարական հսկիչ կետով նաեւ ՀՀ 10 քաղաքացի է մուտք գործել երկիր՝ անցնելով ջերմաչափում, վարակիչ հիվանդություններին բնորոշ ախտանշանների զննում։ Որեւէ անձի մոտ կասկածելի նշաններ չեն արձանագրվել։ Նախորդ օրերին՝ մինչ Իրանի հետ հաղորդակցությունը ժամանակավորապես սահմանափակելը, Մեղրիի հսկիչ կետով երկիր է եկել ու բուժզննում անցել օրական 800-1100 մարդ»,-հայտնում է ՀՀ առողջապահական և աշխատանքի տեսչական մարմինը:

18:35 - 25 փետրվարի, 2020

Փետրվարի 26-ին նախատեսվում է չվերթ՝ Իրանում գտնվող ՀՀ քաղաքացիներին հայրենիք վերադարձնելու համար. ՀՀ ԱԳՆ ներկայացուցիչ |aysor.am|

aysor.am: Փետրվարի 24-ի դրությամբ, ըստ Իրանի առողջապահության նախարարության տվյալների, այդ երկրում գրանցվել է կորոնավիրուսի վարակի 61 դեպք՝ 14 մահվան ելքով, ասաց ՀՀ արտաքին գործերի նախարարության Սահմանակից երկրների վարչության պետ Արսեն Ավագյանը։ «Համաձայն ԻԻՀ-ում ՀՀ դեսպանության ֆեյսբուքյան էջում հրապարակված հայտարարության՝ դեսպանությունում գործում է թեժ գիծ, պահպանվում է մշտական կապ Իրանում գտնվող ՀՀ քաղաքացիների հետ: Դեսպանությունը մշտական կապի մեջ է ՀՀ քաղաքացիների հետ և ձեռնարկում է բոլոր անհրաժեշտ քայլերը ՀՀ քաղաքացիների կողմից բարձրացվող հարցերի արագ հասցեագրման ուղղությամբ», - ասաց Արսեն Ավագյանը։ Հարցին՝ եթե Իրանում գտնվող ՀՀ քաղաքացիները ցանկություն հայտնեն վերադառնալ Հայաստան, ի՞նչ քայլեր կձեռնարկվեն, կամ եղե՞լ են քաղաքացիներ, ովքեր դիմել են դեսպանատուն հայրենիք վերադառնալու պահանջով, ԱԳՆ Սահմանակից երկրների վարչության պետը պատասխանեց. «Արձագանքելով ԻԻՀ-ում ՀՀ դեսպանության հայտարարություններին՝ դեսպանություն է դիմել 65 ՀՀ քաղաքացի, այդ թվում նաև՝ երկքաղաքացիներ: Փետրվարի 26-ին նախատեսվում է չվերթ՝ Իրանում գտնվող ՀՀ քաղաքացիներին հայրենիք վերադարձնելու համար»։ Կորոնավիրուսի կանխարգելման նպատակով ՀՀ կառավարությունը երեկ որոշեց երկու շաբաթով դադարեցնել ցամաքային հաղորդակցությունն Իրանի հետ, իսկ օդային հաղորդակցության նկատմամբ կիրառել ոչ ամբողջական սահմանափակումներ: «Armenia Airways» ավիաընկերությունը հայտարարել էր, որ այս շաբաթ, մինչև փետրվարի վերջ, Հայաստանից Իրան երկու չվերթ կիրականացնի՝ չորեքշաբթի, փետրվարի 26-ին, և ուրբաթ, փետրվարի 28-ին: Ավիաընկերությունը տեղեկացրել էր, որ այդ երկու թռիչքով Հայաստանից դեպի Իրան կարող են փոխադրվել Իրանի քաղաքացիները, իսկ Իրանից դեպի Հայաստան՝ Հայաստանի քաղաքացիները և Հայաստանի կացության կարգավիճակ ունեցող քաղաքացիները:

13:29 - 25 փետրվարի, 2020

Դադարեցվել են Ստամբուլ- Թեհրան և Թեհրան-Ստամբուլ ամենօրյա չվերթները |ermenihaber.am|

ermenihaber.am: Թուրքական «Pegasus Airlines» ավիաընկերությունը կորոնավիրուսի հնարավոր տարածումից խուսափելու նպատակով ժամանակավորապես դադարեցրել է Իրանի Իսլամական Հանրաօետության (ԻԻՀ) հետ օդային հաղորդակցությունը: Ավիաընկերության հայտարարության մեջ մասնավորապես ասվում է. «Իրանում կորոնավիրուսի տարածման պատճառով, «Pegasus» ավիաընկերությունը մինչև մարտի 11-ը դադարեցնում է Ստամբուլ- Թեհրան և Թեհրան-Ստամբուլ ամենօրյա չվերթները»: Նշվում է, որ այս պահից սկսած մինչև մարտի 11-ի չվերթների համար վճարված բոլոր ավիատոմսերի գումարները փոխհատուցվելու են:

12:35 - 25 փետրվարի, 2020

Աշխարհը պետք է պատրաստ լինի կորոնավիրուսի համավարակի. Առողջապահության համաշխարհային կազմակերպություն |tert.am|

tert.am: Առողջապահության համաշխարհային կազմակերպությունը (ԱՀԿ) հայտնել է, որ թեև դեռևս վաղ է կորոնավիրուսի համավարակի (պանդեմիայի) մասին հայտարարել, սակայն երկրները պետք է պատրաստ լինեն ցանկացած զարգացման, հայտնում է BBC-կայքը՝ մանրամասնելով, որ համավարակը բնորոշվում է աշխարհի բազմաթիվ երկրներում վարակիչ հիվանդությունների արագ տարածմամբ։Covid-19 տեսակի կորոնավիրուսի հարուցիչով պայմանավորված հիվանդությունը շարունակվում է արագորեն տարածվել մի շարք երկրներում: ԱՀԿ ղեկավարի խոսքով` առավել անհանգստացնող են վերջին օրերին Հարավային Կորեայում, Իտալիայում, Իրանում գրանցված դեպքերը: Այնուամենայնիվ ամենաշատ դեպքերը գրանցվել են համաճարակի օջախ դարձած Չինաստանում, որտեղ գրանցվել է վարակի 77 000 դեպք, որից` 2600-ը մահվան ելքով:Չինաստանի սահմաններից դուրս 30 երկրում հաստատվել է վարակման 1200 դեպք, որից 20-ը` մահվան ելքով: Covid-19 կորոնավիրուսից մահացության տոկոսը տատանվում է 1-2-ի միջև` չնայած ԱՀԿ-ն զգուշացնում է, որ այս տվյալների մասին ամենայն վստահությամբ չի կարելի խոսել:

11:20 - 25 փետրվարի, 2020

Ֆրանսիայում բուժել են կորոնավիրուսով վարակված բոլոր հիվանդներին |armenpress.am|

armenpress.am: Ֆրանսիայի առողջապահության նախարար Օլիվիե Վերանը հայտարարել Է, որ երկրում բոլորը, ում ավելի վաղ կորոնավիրուս Էին ախտորոշել, ապաքինվել են: Այդ մասին հայտնել Է BFMTV հեռուստաալիքը: Ֆրանսիայում, Առողջապահության համաշխարհային կազմակերպության տվյալներով՝ արձանագրվել Է վարակման 12 դեպք, հիվադացածներից մեկը մահացել Է: «Ֆրանսիայի տարածքում կորոնավիրուսով հիվանդանալու դեպքեր այլեւս չկան … վիրուսն այլեւս չի տարածվում: Վերջին հիվանդը, որը հոսպիտալացվել Էր Լիոնում, բուժվել Է: Նա այլեւս վարակիչ չԷ, ուստիեւ կարողացել Է վերադառնալ տուն»,- ասել Է Վերանը, հաղորդել Է ՌԻԱ Նովոստին:

10:38 - 25 փետրվարի, 2020

ՀՀ դեսպանատունը Իտալիայում գտնվող ՀՀ քաղաքացիներին կոչ է անում փոխանցել Իտալիայում գտնվելու ժամանակահատվածը և կոնտակտային տվյալները

Իտալիայում նոր տիպի կորոնավիրուսով/COVID-19/ վարակվածների թվի կտրուկ աճով պայմանավորված՝ ներկայումս Իտալիայում գտնվող և այցով Իտալիա մեկնել ցանկացող ՀՀ քաղաքացիներին կոչ ենք անում կապ հաստատել Իտալիայում ՀՀ դեսպանության հետ՝ փոխանցելով Իտալիայում գտնվելու ժամանակահատվածը և կոնտակտային տվյալները, այս մասին տեղեկացնում է Իտալիայում ՀՀ դեսպանատունը։«Իտալիայում գտնվող ՀՀ քաղաքացիներին հորդորում ենք խուսափել կարանտինային գոտում գտնվող Լոմբարդիայի Codogno, Castiglione d’Adda, Casalpusterlengo, Fombio, Maleo, Somaglia, Bertonico, Terranova dei Passerini, Castelgerundo e San Fiorano և Վենետոյի Vo’ Euganeo համայնքներ այցելությունից և առհասարակ հյուսիսային շրջաններում մարդաշատ վայրերում գտնվելուց։Խորհուրդ ենք տալիս հետեւել ՀՀ առողջապահության նախարարության և Իտալիայի համապատասխան իշխանությունների ցուցումներին»,– ասվում է հայտարարությունում։Իտալիայի կառավարության կողմից մշակվել են նոր տիպի կորոնավիրուսի դեպ պայքարին ուղղված հետևյալ խորհուրդները՝• Հաճախակի լվանալ ձեռքերը• Խոսափել սուր շնչառական հիվանդություններ ունեցողմարդկանց հետ սերտշփումներից:• Չընդունել հակավիրուսային դեղեր կամ հակաբիոտիկներառանց բժշկի նշանակման• Դիմակ օգտագործել միայն վարակ ունենալու կասկածիդեպքում կամ վարակված մարդուն խնամելիսՄշտապես թարմացվող պաշտոնական տեղեկատվություն կարելի է ստանալ Իտալիայի Քաղաքացիական պաշտպանության ծառայության պաշտոնական կայքից։Դեսպանության կոնտակտային տվյալներն են՝ք․ Հռոմ, Via XX Settembre 98/EՀեռ. 06 3296638E-mail: [email protected]

10:15 - 25 փետրվարի, 2020

Թրամփը Կոնգրեսից 2,5 մլրդ դոլար է պահանջել կորոնավիրուսի դեմ պայքարելու համար |tert.am|

tert.am: ԱՄՆ նախագահ Դոնալդ Թրամփի վարչակազմը լրացուցիչ 2,5 մլրդ դոլար է պահանջել ԱՄՆ Կոնգրեսից՝ կորոնավիրուսի դեմ պայքարելու համար: Այս մասին իր հայտարարության մեջ նշել է Սպիտակ տան վարչաբյուջետային վարչությունը, գրում է The Hill-ը: «Այսօր վարչակազմը 2,5 մլրդ դոլարի լրացուցիչ ֆինանսավորման ծրագիր է ուղարկում Կոնգրես, որը կարագացնի պատվաստանյութի մշակման գործընթացը, կաջակցի պատրաստմանը և արձագանքմանը, ինչպես նաև անհրաժեշտ նյութերի և սարքավորութմների ձեռքբերմանը»,- պարբերականը մեջբերում է վարչության ներկայացուցչի հայտարարությունը: Թրամփն, իր հերթին, հայտարարել է, որ ԱՄՆ-ում կորոնավիրուսի հետ կապված իրավիճակը վերահսկողության տակ է։ «ԱՄՆ-ում կորոնավիրուսի հետ կապված իրավիճակը վերահսկողության տակ է: Մենք կապի մեջ ենք բոլոր երկրների հետ»,-Twitter-ում գրել է ԱՄՆ նախագահը: Պետության ղեկավարը հավելել է, որ Հիվանդությունների վերահսկման և կանխարգելման կենտրոնը ԱՀԿ-ի հետ աշխատում է այդ հարցի շուրջ: Փետրվարի 24-ի դրությամբ ԱՄՆ ժամանած 14 մարդու մոտ հայտանբերվել է կորոնավիրուս:

09:45 - 25 փետրվարի, 2020

Իրանի կառավարության ներկայացուցիչը կոչ է արել չքաղաքականացնել կորոնավիրուսի խնդիրը |news.am|

news.am: Իրանի կառավարության ներկայացուցիչ Ալի Ռաբիեն կոչ է արել չքաղաքականացնել կորոնավիրուսի խնդիրը, հաղորդում է Mehr-ը: Նա հայտնել է, որ Իրանի նախագահ Հասան Ռոհանին գլխավորել է կորոնավիրուսի դեմ պայքարի եւ կանխարգելման կոմիտեն: Նշելով, որ այժմ կորոնավիրուսը գլոբալ խնդիր է, նա խնդրել է իրանցիներին միասնական լինել եւ հետեւել առողջապահության նախարարության ցուցումներին: Նա վստահեցրել է, որ կառավարությունը կարող է պայքարել վիրուսի դեմ եւ ունի դրա համար բոլոր հնարավորությունները: Ավելի վաղ հայտնի է դարձել, որ Իրանում գրանցվել է վարակման 64 դեպք, 12 մարդ մահացել է:

21:38 - 24 փետրվարի, 2020

Հայաստանից դեպի Իրան կարող են փոխադրվել Հայաստանում գտնվող Իրանաբնակ քաղաքացիները

Հայաստանից դեպի Իրան կարող են փոխադրվել Հայաստանում գտնվող Իրանաբնակ քաղաքացիները, իսկ Իրանից դեպի Հայաստան՝ Հայաստանաբնակ քաղաքացիները: Այս մասին հայտարարություն է տարածել Քաղաքացիական ավիացիայի կոմիտեն: «Հարգելի քաղաքացիներ, Տեղեկացնում ենք, որ Հայաստանի Հանրապետության կառավարության կողմից կորոնավիրուսի համաճարակի տարածման կանխարգելման միջոցառումների շրջանակներում որոշում է կայացվել մասնակի սահմանափակել Հայաստանի Հանրապետությունից (այսուհետ՝ Հայաստան) դեպի Իրանի Իսլամական Հանրապետություն (այսուհետ՝ Իրան) օդային փոխադրումները երկշաբաթյա ժամկետով՝ սկսած 2020 թվականի փետրվարի 24-ից։ Մասնավորապես, Հայաստանից դեպի Իրան կարող են փոխադրվել Հայաստանում գտնվող Իրանաբնակ քաղաքացիները, իսկ Իրանից դեպի Հայաստան՝ Հայաստանաբնակ քաղաքացիները։ Հարգանքով, Քաղաքացիական ավիացիայի կոմիտե»:

21:24 - 24 փետրվարի, 2020

Բաքվում երկու մարդ Է հոսպիտալացվել կորոնավիրուսի կասկածանքով |armenpress.am|

armenpress.am: Ադրբեջանում երկու մարդ Է հոսպիտալացվել կորոնավիրուսի կասկածանքով, նրանցից մեկն Իրանի քաղաքացի Է: Այդ մասին ասված Է Ադրբեջանի առողջապահության նախարարության եւ պարտադիր բժշկական ապահովագրության պետական գործակալության համատեղ հայտարարության մեջ: «Կլինիկական բժշկական կենտրոնից առողջապահության նախարարությանը փոխանցված տեղեկատվության համաձայն, փետրվարի 24-ին ինֆեկցիոն բաժանմունք Է տեղափոխվել երկու մարդ՝ Ադրբեջանի եւ Իրանի քաղաքացիներ: Նշենք, որ հոսպիտալացվածները ժամանել են Իրանի մի տարածաշրջանից, որտեղ կորոնավիրուսը տարածված չԷ: Հիվանդները ոչ ոքի հետ չեն շփվել, երկիր մուտք գործելիս նրանց ջերմությունը փոքր-ինչ գերազանցել Է նորման: Ինչպես հայտնել են ինֆեկցիոն բաժանմունքում, ներկայում երկու պացիենտների ջերմությունը նորմալ Է, նրանց առողջության հետ կապված խնդիրներ չկան: Բժշկական հսկողությունը շարունակվում Է»,-ասված Է հայտարարության մեջ:

17:59 - 24 փետրվարի, 2020

Եթե կորոնավիրուսի դեպքեր ունենանք, այսօր լիարժեք պատրաստ ենք դրան. ԱՆ ներկայացուցիչ |tert.am|

tert.am: Եթե կորոնավիրուսի դեպքեր ունենանք, այսօր լիարժեք պատրաստ ենք դրանք: Այս մասին լրագրողների հետ հանդիպմանը հայտարարեց ԱՆ հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանը: Նրա խոսքով՝ ըստ Առողջապահության համաշխարհային կազմակերպության՝ ժամի 15:00-ի դրությամբ 78,811 լաբորատոր հաստատված դեպք, որից Չինաստանում՝ 77,042:«Չինաստանի առողջապահական պետական հանձնաժողովի ամենօրյա զեկույցի համաձայն էլ՝ ժամը 15:00-ի դրությամբ կա 77,262 դեպք, նախորդ օրվա համեմատ՝ դեպքերն աճել են 416-ով՝ 0,5 տոկոս: Կասկածելի դեպքերի թիվը 3434 է: Հաստատված դեպքերից առողջացածների թիվը 24,898 է՝ 32,3 տոկոս: Աշխարհում գրանցվել է 2596 մահ՝ 3,3 տոկոս, որը նախորդ օրվանից աճել է 151 դեպքով: Աշխարհում գրանցված է 79,436 հաստատված դեպք, դեպքերի աճը մեկ օրում 617 է կամ 0,8 տոկոս: Չինաստանից դուրս աշխարհի 30 երկրում գրանցվել է 2174 դեպք»,- ներկայացրեց Վանյանը:Նա ուշադրություն հրավիրեց Չինաստանում դեպքերի տոկոսային փոփոխությանը՝ եթե հունվարի և փետրվարի սկզբին կար օրական մոտ 25.6, 21,6, 19,6 տոկոսով աճ, ապա այսօր արձանագրվում է 0,5, 0,4 տոկոսով աճ: «Այսինքն՝ կա հստակ կայունացում, ինչը դրական է, որը չենք կարող ասել մյուս երկրների վերաբերյալ: Մի քանի երկրում, օրինակ՝ Իտալիայում, Ճապոնիայում, Իրանում, միանգամից եղավ աճ»,- նշեց նա: Նյութն ամբողջությամբ՝ այստեղ։

17:36 - 24 փետրվարի, 2020

Հայաստանում 83 անձի հետազոտության արդյունքում կորոնավիրուս չի հայտնաբերվել |armenpress.am|

armenpress.am: Հայաստանում թեթևակի նախանշաններ ունեցող 83 անձինք անցել են կորոնավիրուսի ախտորոշման լաբորատոր թեստ, բոլորի դեպքերում պատասխանները եղել են բացասական: Այս մասին հրավիրված ասուլիսում հայտնեց ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանը: «Հունվարի 24-ից մոտ 2000-ից ավելի անձանց հսկել ենք, ունեցել ենք 83 հոսպիտալացում: Այսինքն՝ անձինք, որոնք Չինաստանից են եկել և ունեցել ենք անգամ թեթևակի նախանշաններ, օրինակ՝ 37 աստիճան ջերմություն, անմիջապես հոսպիտալացվել են, կազմակերպվել է զննումը, բոլորը թեստավորվել են: Բոլորի պատասխանները եղել են բացասական»,-ասաց Վանյանը: Նա նաև նշեց, որ այս պահին կան հսկողության տակ գտնվող անձինք:

17:31 - 24 փետրվարի, 2020

Նոր կորոնավիրուսով պայմանավորված իրավիճակին և կանխարգելման միջոցառումներին նվիրված ասուլիս. Ուղիղ |factor.am|

factor.am:

16:27 - 24 փետրվարի, 2020

Իտալիայում հինգերորդ մարդն է մահացել կորոնավիրուսից |aysor.am|

aysor.am: Իտալիայում կորոնավիրուսի հետևանքով մահացածների թիվը հասել է հինգի, հայտնում է ANSA-ն: COVID-19-ով վարակվածների թիվը երկրում գերազանցել է 200-ը:

16:16 - 24 փետրվարի, 2020