Ինֆոթեգեր Մեր մասին
hy en ru
Նվիրաբերել

Պաղեստին

Դե յուրե ինքնիշխան պետություն Միջին Արեւելքում՝ Հորդանան գետի արեւմտյան ափին (սահմանակցում է Իսրայելին եւ Հորդանանին) եւ Գազայի հատվածին (սահմանակցում է Իսրայելին եւ Եգիպտոսին), որի մայրաքաղաքն է համարվում Արեւելյան Երուսաղեմը՝ չնայած վարչական կենտրոնը Ռամալլահում է: Պաղեստին պետության մեծ հատվածն, ըստ համացանցի աղբյուրների, օկուպացված է Իսրայելի կողմից՝ 1967 թվականի Վեցօրյա պատերազմից հետո: 

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական եւ հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով: Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ: Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը: Այն շուտով ճանաչվեց Արաբական լիգայի անդամ բոլոր պետությունների կողմից՝ բացառությամբ Հորդանանի: Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով: Իսրայելը ավելի ուշ նվաճեց Գազայի հատվածը եւ Սինայի թերակղզին Եգիպտոսից, Հորդանանի գետի արեւմտյան ափը Հորդանանից եւ Գոլանի բարձունքները՝ Սիրայից՝ Վեցօրյա պատերազմի ընթացքում:

Պաղեստինցիներն ունեն պետականության իրավունք․ Ֆրանսիայի ԱԳ նախարար |factor.am|

Պաղեստինցիներն ունեն պետականության իրավունք․ Ֆրանսիայի ԱԳ նախարար |factor.am|

factor.am: «Պաղեստինցիներն ունեն ինքնիշխանություն և պետականություն ունենալու իրավունք»,- այս մասին X-ի իր էջում գրել է Ֆրանսիայի արտաքին գործերի նախարար Ստեֆան Սեժուրնեն։ Նախարարը հայտարարել է, որ Ֆրանսիան հավատարիմ կմնա այս նպատակին հասնելու իր հանձնառությանը:
16:50 - 21 հունվարի, 2024
ԵՄ-ն Մերձավոր Արևելքում իրավիճակի կարգավորման ծրագիր է մշակել. Euractiv |tert.am|

ԵՄ-ն Մերձավոր Արևելքում իրավիճակի կարգավորման ծրագիր է մշակել. Euractiv |tert.am|

tert.am: Եվրամիությունը մշակել է Իսրայելի և Պաղեստինի միջև հակամարտության համապարփակ կարգավորման ծրագիր։  Այս մասին հայտնում է «Euractiv» պորտալը՝ հղում անելով ԵՄ արտաքին քաղաքականության ծառայության պատրաստած փաստաթղթի նախագծին։ «Հաշվի առնելով ներկա իրավիճակը և, չնայած ակնհայտ դժվարություններին ու անորոշություններին, եկել է ժամանակը պատրաստվելու իսրայելա-պաղեստինյան համապարփակ խաղաղությանը»,-ասվում է փաստաթղթի նախագծի ներածությունում։ Տասը կետից բաղկացած ծրագիրը նախանշում է մի քանի քայլ, որ կարող են ի վերջո խաղաղություն բերել Գազայի հատվածին, ստեղծել անկախ Պաղեստին պետություն, կարգավորել հարաբերությունները Իսրայելի և արաբական աշխարհի միջև և երաշխավորել երկարաժամկետ անվտանգությունը տարածաշրջանում։ Շարունակությունը՝ սկզբնաղբյուր կայքում 
17:52 - 20 հունվարի, 2024
Պաղեստինի «Կարմիր մահիկ»-ը հայտարարել է, որ իսրայելական ԱԹՍ-ները հարվածներ են հասցրել Գազայում հիվանդանոցին |armenpress.am|

Պաղեստինի «Կարմիր մահիկ»-ը հայտարարել է, որ իսրայելական ԱԹՍ-ները հարվածներ են հասցրել Գազայում հիվանդանոցին |armenpress.am|

armenpress.am: Պաղեստինյան «Կարմիր մահիկ»-ը Իսրայելին մեղադրել է Խան Յունիս քաղաքի հիվանդանոցին հարվածներ հասցնելու մեջ: Այս մասին հայտնում է Reuters-ը:  «Կարմիր մահիկ»-ը հայտնել է, որ տեղահանված մարդիկ վիրավորվել են իսրայելական անօդաչու թռչող սարքերի ինտենսիվ հարվածների հետևանքով, որոնք ուղղված են եղել Ալ-Ամալ հիվանդանոցում եղած անձանց, ինչպես նաև փրկարարական գործակալության բազային: Զինվորականները հայտնել են, որ ստուգում են զեկույցը: Նույն քաղաքի մոտակայքում իսրայելական տանկերը մոտենում են Գազայի ամենամեծ գործող հիվանդանոցին՝ Նասերին, որտեղ մարդիկ հայտնել են, որ կրակոցներ են լսում: Իսրայելը այս շաբաթ նոր առաջխաղացում է ձեռնարկել Խան Յունիսում՝ քաղաքը գրավելու համար: 
15:55 - 20 հունվարի, 2024
Նեթանյահուն ասել է, որ միշտ դիմադրելու է Պաղեստին պետության ստեղծմանը |tert.am|

Նեթանյահուն ասել է, որ միշտ դիմադրելու է Պաղեստին պետության ստեղծմանը |tert.am|

tert.am: Իսրայելի վարչապետ Բենիամին Նեթանյահուն մերժել է Պաղեստինի պետականության հեռանկարը Գազայում Իսրայել-ՀԱՄԱՍ պատերազմի ավարտից հետո՝ խոստանալով այդ հարցում դիմակայել Միացյալ Նահանգներին, որի ղեկավարությունը հրապարակավ հայտարարություններում նշել է, որ Իսրայելի կողքին պետք է նաև Պաղեստին պետություն ստեղծվի, գրում է timesofisrael.com-ը:Նեթանյահուն հայտարարել է, որ ինքը Միացյալ Նահանգներին ասել է, որ դեմ է Գազայում հակամարտության ավարտից հետո Պաղեստին պետության ստեղծմանը:Նրա խոսքով՝ Իսրայելի քաղաքացիների մեծ մասը դեմ է պաղեստինյան պետության ստեղծմանը, և ինքը միշտ կդիմադրի դրան:Մամուլի ասուլիսում Նեթանյահուն խոստացել է շարունակել հարձակումը Գազայում «մինչև լիակատար հաղթանակ»՝ ՀԱՄԱՍ-ի ոչնչացումը և մնացած իսրայելցի պատանդների վերադարձը, ավելացնելով, որ դա կարող է տևել «ավելի շատ ամիսներ»:
13:07 - 19 հունվարի, 2024
Իսրայելն ու ՀԱՄԱՍ-ը պայմանավորվածություն են ձեռք բերել |factor.am|

Իսրայելն ու ՀԱՄԱՍ-ը պայմանավորվածություն են ձեռք բերել |factor.am|

factor.am: ՀԱՄԱՍ-ը բժշկական պարագաներ կընդունի իսրայելցի պատանդների համար՝ Գազայի համար հավելյալ մարդասիրական օգնության դիմաց։ BBC-ի փոխանցմամբ՝ կողմերի միջև նման համաձայնության մասին հայտնել են Կատարի միջնորդները։ Համաձայնությունը ձեռք է բերվել Կատարի և Ֆրանսիայի միջնորդությամբ։ Իսրայելը թույլ կտա ավելի շատ հումանիտար մատակարարումներ հասցնել Գազա։ Կատարի արտաքին գործերի նախարարության խոսնակ Մաջեդ ալ-Անսարիի խոսքով՝ չորեքշաբթի օրը մարդասիրական բեռով բարձված ինքնաթիռ կթռչի Կատարից Եգիպտոս։ Բեռը կներառի սնունդ, որը կբաժանվի Գազայի խաղաղ բնակիչներին և դեղորայք՝ պատանդների համար։ Ենթադրվում է, որ հոկտեմբերի 7-ին Իսրայելի վրա հարձակման ժամանակ պատանդառվածներից 132-ը շարունակում է մնալ ՀԱՄԱՍ-ի ձեռքում։ Ընդհանուր առմամբ, առևանգվել է մոտ 240 մարդ, ավելի քան 1200 մարդ սպանվել է, որոնցից շատերը խաղաղ բնակիչներ են։ Պատանդներից ոմանք հետագայում ազատ են արձակվել: ԱՄՆ-ը հույս ունի, որ համաձայնագիրը կհանգեցնի պատանդների ազատ արձակման հետագա բանակցությունների։ Մերձավոր Արևելքի հարցերով ԱՄՆ հատուկ ներկայացուցիչը եղել է Կատարում՝ քննարկելու գործարքը։
12:03 - 17 հունվարի, 2024
Միացյալ Նահանգները նոր հարված է հասցրել Եմենին․ Պենտագոն |tert.am|

Միացյալ Նահանգները նոր հարված է հասցրել Եմենին․ Պենտագոն |tert.am|

tert.am: ԱՄՆ-ն նոր հարված է հասցրել Եմենին: Այս մասին, ինչպես գրում է ՌԻԱ Նովոստին, հայտնում է Պենտագոնի կենտրոնական հրամանատարությունը: «Հունվարի 13-ին՝ Սանայի ժամանակով 03:45-ին (Երևանի ժամանակով՝ 04:45) ԱՄՆ ուժերը հարված են հասցրել Եմենում հուսիների ռադարային կայանքին», - ասված է հայտարարության մեջ: Նշվում է, որ հարվածն իրականացվել է ամերիկյան ականակիր «Tomahawk» հրթիռով։ Հիշեցնենք, որ ԱՄՆ-ի և Մեծ Բրիտանիայի զինված ուժերը հունվարի լույս 12-ի գիշերը հարվածներ են հասցրել Եմենի «Անսար Ալլահ» (հութիներ) ապստամբական շարժման օբյեկտներին: Պաղեստինա-իսրայելական հակամարտության սրումից ի վեր հութիները հայտարարել էին, որ հարվածներ կհասցնեն Իսրայելի տարածքին և թույլ չեն տա, որ նավերն անցնեն Կարմիր ծովի և Բաբ-Էլ-Մանդեբի նեղուցի ջրերով:  Հարվածներից հետո Հութիները խոստացել են պատասխանել Եմենում ԱՄՆ-ի և Մեծ Բրիտանիայի գործողություններին։ Իրանը խստորեն դատապարտել է ԱՄՆ-ի և Միացյալ Թագավորության կողմից Եմենի դեմ հարձակումները։  
12:45 - 13 հունվարի, 2024
Գազայի հատվածում զոհերի թիվը մոտեցել է 23,5 հազարի |news.am|

Գազայի հատվածում զոհերի թիվը մոտեցել է 23,5 հազարի |news.am|

news.am: Գազայի հատվածում զոհերի թիվը հասել է 23469-ի։ Այս մասին հայտնել են տեղական իշխանությունները։Եվս 59604 մարդ վիրավորվել է։Ավելի քան 6 հազար քաղաքացի շտապ բուժման կարիք ունի:
21:16 - 12 հունվարի, 2024
Իսրայելը չի ​​հասնի տարածաշրջանին լիարժեք ինտեգրման առանց Պաղեստին պետության ստեղծմանն աջակցելու. Բլինկեն |tert.am|

Իսրայելը չի ​​հասնի տարածաշրջանին լիարժեք ինտեգրման առանց Պաղեստին պետության ստեղծմանն աջակցելու. Բլինկեն |tert.am|

tert.am: Իսրայելը չի հասնի տարածաշրջանին լիարժեք ինտեգրման՝ առանց պաղեստինյան պետության ստեղծմանն աջակցելու, Թել Ավիվում կայացած մամուլի ասուլիսի ժամանակ ասել է ԱՄՆ պետքարտուղար Էնթոնի Բլինկենը։ Այս մասին գրում է timesofisrael.com-ը:Ըստ նրա՝ տարածաշրջանում ԱՄՆ-ի բոլոր դաշնակիցները համակարծիք են, որ խաղաղությունը կարող է գալ միայն ինտեգրված, տարածաշրջանային մոտեցման միջոցով, որը ներառում է ճանապարհ դեպի պաղեստինյան պետություն:«Այս նպատակին հասնելու համար Իսրայելը պետք է գործընկեր լինի պաղեստինյան առաջնորդների համար, որոնք պատրաստ են առաջնորդել իրենց ժողովրդին Իսրայելի հետ որպես հարևաններ խաղաղության մեջ կողք կողքի ապրելու համար: Իսրայելը պետք է դադարեցնի ձեռնարկել քայլեր, որոնք խաթարում են պաղեստինցիների՝ արդյունավետ կառավարելու կարողությունը», - ասել է Բլինկենը:Նա նշել է, որ Պաղեստինի ինքնավարությունը նույնպես պետք է «բարեփոխի ինքն իրեն՝ բարելավելու իր կառավարումը», և որ ինքը չորեքշաբթի կբարձրացնի այդ հարցերը Պաղեստինի նախագահ Մահմուդ Աբասի հետ: «Եթե Իսրայելը ցանկանում է, որ իր արաբ հարևանները կոշտ որոշումներ կայացնեն, որոնք անհրաժեշտ են իր կայուն անվտանգությունն ապահովելու համար, Իսրայելի առաջնորդները ևս ստիպված կլինեն իրենք ծանր որոշումներ կայացնել», - ասել է Բլինկենը:
12:45 - 10 հունվարի, 2024
Գազայի հարցով Բլինքենը կլինի ԱՄԷ-ում, Սաուդյան Արաբիայում, Իսրայելում |azatutyun.am|

Գազայի հարցով Բլինքենը կլինի ԱՄԷ-ում, Սաուդյան Արաբիայում, Իսրայելում |azatutyun.am|

azatutyun.am: ԱՄՆ պետքարտուղար Էնթոնի Բլինքենը, նախքան Իսրայել մեկնելը, այսօր նախ բանակցություններ կվարի Արաբական Միացյալ Էմիրություններում և Սաուդյան Արաբիայում՝ ձգտելով կանխել Մերձավոր Արևելքի պատերազմի ընդլայնումը, հաղորդում է Reuters-ը։ Բլինքենը կիրակի օրը Հորդանանում և Քաթարում էր։ Նա նաև կայցելի Արևմտյան ափ և Եգիպտոս: «Սա տարածաշրջանի համար խորը լարվածության պահ է: Սա հակամարտություն է, որը կարող է հեշտությամբ մետաստազներ տալ՝ պատճառելով ավելի մեծ անապահովություն և տառապանք», - ասել է Բլինքենը՝ նշելով, որ կհորդորի Իսրայելի իշխանություններին՝ ավելին անելու՝ Գազայում քաղաքացիական զոհերը կանխելու, պաղեստինցի խաղաղ բնակիչների տուն վերադարձն ապահովելու համար։ Հորդանանի թագավոր Աբդուլլահը հորդորել է Բլինքենին՝ օգտագործել Իսրայելի վրա Վաշինգտոնի ազդեցությունը և անհապաղ հրադադար հաստատել՝ զգուշացնելով Իսրայելին շարունակվող ռազմական արշավի «աղետալի հետևանքների» մասին: Իսրայելի վարչապետ Բենիամին Նեթանյահուն խոստացել է շարունակել մարտերը։ «Պատերազմը չպետք է դադարեցվի այնքան ժամանակ, քանի դեռ չենք հասել բոլոր նպատակներին՝ «Համաս»-ի (ԱՄՆ-ի և ԵՄ-ի կողմից ահաբեկչական ճանաչված կազմակերպություն) վերացում, մեր բոլոր պատանդների վերադարձ և երաշխավորում, որ Գազայի հատվածն այլևս վտանգ չի ներկայացնի Իսրայելի համար»,- ասել է Իսրայելի վարչապետը։
09:43 - 08 հունվարի, 2024
Իսրայելը պատրաստ է քաղաքական միջոցներով կարգավորել «Հըզբոլլահի» հետ հակամարտությունը. Նաթանյահու |armenpress.am|

Իսրայելը պատրաստ է քաղաքական միջոցներով կարգավորել «Հըզբոլլահի» հետ հակամարտությունը. Նաթանյահու |armenpress.am|

armenpress.am: Իսրայելը պատրաստ է «Հեզբոլլահ»-ի հետ հակամարտությունը լուծել քաղաքական ճանապարհով, բայց եթե նրանք չօգնեն, ապա «այլ» տարբերակները կօգտագործվեն, կիրակի հայտարարել է Իսրայելի վարչապետ Բենիամին Նեթանյահուն։ Այս մասին գրում է ՌԻԱ «Նովոստի»-ն:«Ես առաջարկում եմ «Հեզբոլլահ»-ին քաղել այն դասը, որը ՀԱՄԱՍ-ն արդեն քաղել է վերջին ամիսներին. ոչ մի ահաբեկիչ ապահովագրված չէ: Մենք վճռական ենք պաշտպանելու մեր քաղաքացիներին և հյուսիսային բնակիչներին անվտանգ վերադարձնելու իրենց տները: Սա ազգային նպատակ է, որը կիսում են բոլորը, և մենք պատասխանատու ենք դրան հասնելու համար: Եթե ստացվի, մենք դա կանենք քաղաքական ճանապարհով, իսկ եթե ոչ, ապա կգործենք այլ կերպ»,- ասել է Իսրայելի վարչապետը՝ բացելով նախարարների կաբինետի նիստը։
16:36 - 07 հունվարի, 2024
Բլինքենն ու Էրդողանը քննարկել են Գազայի հակամարտությունը |azatutyun.am|

Բլինքենն ու Էրդողանը քննարկել են Գազայի հակամարտությունը |azatutyun.am|

azatutyun.am: Միացյալ Նահանգների պետքարտուղար Էնթոնի Բլինքենը Ստամբուլում հանդիպել է Թուրքիայի նախագահ Ռեջեփ Թայիփ Էրդողանի հետ։ Նրանք խոսել են Գազայի հակամարտության մասին, հաղորդում է Պետդեպարտամենտը։ Բլինքենն ընդգծել է հակամարտությունների տարածումը կանխելու, պատանդների ազատ արձակման, մարդասիրական օգնության ընդլայնման և քաղաքացիական զոհերի թվի նվազման անհրաժեշտությունը, ինչպես նաև աշխատելու դեպի ավելի լայն, կայուն տարածաշրջանային խաղաղություն, որը կապահովի Իսրայելի անվտանգությունը և կնպաստի պաղեստինյան պետության ստեղծմանը։ Պետքարտուղար Բլինքենը և նախագահ Էրդողանը նաև քննարկել են եվրոպական անվտանգության առաջնահերթությունները, ներառյալ Ուկրաինայի ինքնիշխանության և տարածքային ամբողջականության պաշտպանությունը, ՆԱՏՕ-ին Շվեդիայի անդամակցության ավարտը և Միացյալ Նահանգների և Թուրքիայի միջև առևտրի և ներդրումների ամրապնդումը:  
10:09 - 07 հունվարի, 2024
Բորելը դատապարտել է Գազայի սահմաններից դուրս պաղեստինցիների վերաբնակեցման մասին հայտարարությունները |1lurer.am|

Բորելը դատապարտել է Գազայի սահմաններից դուրս պաղեստինցիների վերաբնակեցման մասին հայտարարությունները |1lurer.am|

1lurer.am: Խստորեն դատապարտում եմ  Իսրայելի ֆինանսների նախարար Բեցալել Սմոդրիչի և ազգային անվտանգության նախարար Իտամար Բեն Գվիրի սադրիչ և անպատասխանատու հայտարարությունները, որոնք զրպարտում են Գազայի Պաղեստինյան բնակչությանը և կոչ անում մշակել իրենց արտագաղթի ծրագիրը: Այդ մասին հայտարարել է ԵՄ արտաքին քաղաքականության հարցերով բարձր ներկայացուցիչ Ժոզեպ Բորելը: Հարկադիր տեղաշարժերը խստիվ արգելվում են որպես միջազգային մարդասիրական իրավունքի լուրջ խախտում, և բառերը կարևոր են»,- նշված է Բորելի X-ի միկրոբլոգում:
13:15 - 04 հունվարի, 2024
Գազայի հատվածում զոհերի թիվը անցել է 22 հազարից |1lurer.am|

Գազայի հատվածում զոհերի թիվը անցել է 22 հազարից |1lurer.am|

1lurer.am: Գազայի հատվածում բախումները չեն դադարում, ՑԱՀԱԼ-ի տվյալով՝ բանակը խորացնում է մարտական գործողությունները Գազայի հատվածի հարավում գտնվող Խան Յունիս շրջանում: Շարունակվում են զորաշարժերը նաև Հորդանան գետի արևմտյան ափին: ՑԱՀԱԼ-ի տվյալով՝ նպատակն է բացահայտել ահաբեկչական գործունեություն իրականացնող անձանց, հոկտեմբերի 7-ից ի վեր արևմտյան ափին ձերբակալվել է 2570 անձ: Գազայի հատվածում զոհերի թիվը հատել է 22 հազարը, ավելի քան 57 հազար մարդ վիրավորվել է: Իսրայելական կողմը հայտնում է 1100-ից ավելի զոհի մասին, պաշտոնական տվյալով՝ զինվորականների շրջանում էլ զոհերի թիվը հասնում է 509-ի: Հակամարտության ընդլայնման հետ կապված մտահոգություն է հայտնել Թուրքիայի արտգործնախարարը: Հաքան Ֆիդանի խոսքով՝ Գազայում ճգնաժամը սրվելու միտում ունի: Նրա ձևակերպմամբ՝ ԱՄՆ-ի և արևմտյան մի շարք երկրների անգործությունն ու Իսրայելին աջակցությունը բարդացնում են իրավիճակը:
21:19 - 03 հունվարի, 2024
Գազայում զոհերի թիվը գերազանցել է 22,3 հազարը. առողջապահության նախարարություն |armeniasputnik.am|

Գազայում զոհերի թիվը գերազանցել է 22,3 հազարը. առողջապահության նախարարություն |armeniasputnik.am|

armeniasputnik.am: Գազայի հատվածում իսրայելական հարվածների հետևանքով մահացածների թիվը գերազանցել է 22,3 հազարը, տուժել է ավելի քան 57,2 հազար մարդ։ Տեղեկությունը հայտնում է Գազայի առողջապահության նախարարությունը: Նախարարության տվյալներով՝ հոկտեմբերի 7–ից ի վեր Գազայի հատվածում զոհվել է 22 313 մարդ, որից 128-ը՝ վերջին 24 ժամվա ընթացքում: Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին։
15:27 - 03 հունվարի, 2024
«Հեզբոլլահ»-ը խոստացել է պատասխանել Բեյրութում ՀԱՄԱՍ-ի ղեկավարի տեղակալի սպանությանը |armenpress.am|

«Հեզբոլլահ»-ը խոստացել է պատասխանել Բեյրութում ՀԱՄԱՍ-ի ղեկավարի տեղակալի սպանությանը |armenpress.am|

armenpress.am: Բեյրութի հարավային արվարձանի վրա իրականացված հարձակման հետևանքով զոհվել է պաղեստինյան արմատական ՀԱՄԱՍ շարժման քաղբյուրոյի ղեկավարի տեղակալ Սալեհ ալ Արուրին։ Շիա իսլամիստական «Հեզբոլլահ» կազմակերպությունը հայտարարել է, որ հարձակումն իրենից ներկայացնում է վտանգավոր ոտնձգություն Լիբանանի ինքնիշխանության վրա, որը չի կարող անպատիժ մնալ: «Իսլամական դիմադրությունն անպատասխան չի թողնի իսրայելական այս հանցագործությունը: Սալեհ ալ Արուրիի սպանության համար հատուցումը կհետևի անհրաժեշտ ժամանակին, հարմար վայրում», - Telegram-ում «Հեզբոլլահ»-ի հրապարակած հայտարարությունից հատված է մեջբերում ՏԱՍՍ-ը։ «Հեզբոլլահ»-ի ռազմական թևի մարտիկները վերահսկում են Բեյրութի հարավային Դահիյայի շրջանը, որտեղ հունվարի 2-ին անօդաչու թռչող սարքը հարված է հասցրել եռահարկ շենքին, որտեղ գտնվում էր ՀԱՄԱՍ-ի կենտրոնակայանը: Դրա հետևանքով զոհվել են ալ Արուրին և ևս վեց մարդ, այդ թվում՝ ՀԱՄԱՍ-ի ռազմական թևի երկու հրամանատարներ։ Այս հարձակման համար Լիբանանը մեղադրել է Իսրայելին։ Ինչպես նշվում է շիաների կուսակցության հայտարարության մեջ, «Իսրայելը դիմել է քաղաքական սպանությունների այն բանից հետո, երբ ակնհայտ է դարձել Գազայի հատվածում պաղեստինցիների դեմ նրա զինված ագրեսիայի ձախողումը»:
11:35 - 03 հունվարի, 2024
Բեյրութում Իսրայելի հարվածից սպանվել է «Համաս»-ի փոխղեկավար Սալեհ ալ-Արուրին․ Reuters |azatutyun.am|

Բեյրութում Իսրայելի հարվածից սպանվել է «Համաս»-ի փոխղեկավար Սալեհ ալ-Արուրին․ Reuters |azatutyun.am|

azatutyun.am: Երեքշաբթի օրը Լիբանանի մայրաքաղաք Բեյրութում Իսրայելի անօդաչու թռչող սարքի հարվածից սպանվել է ԱՄՆ-ի և ԵՄ-ի կողմից ահաբեկչական կազմակերպություն ճանաչված «Համաս»-ի փոխղեկավար Սալեհ ալ-Արուրին, հաղորդում է Reuters-ը՝ վկայակոչելով լիբանանյան և պաղեստինյան անվտանգության աղբյուրները։ Ըստ Reuters-ի՝ «57-ամյա Արուրին ծայրահեղական «Համաս»-ի առաջին բարձրաստիճան առաջնորդն էր, ով սպանվեց խմբավորման դեմ Իսրայելի գրեթե երեք ամիս առաջ մեկնարկած ջախջախիչ օդային և ցամաքային հարձակումից հետո»։ Աղբյուրը նախազգուշացնում է պատերազմի տարածման վտանգի մասին։ «Հեզբոլլահ» շարժման առաջնորդ Հասան Նասրալլան նախազգուշացրել է Իսրայելին, որ Լիբանանում որևէ սպանություն արժանանալու է «խիստ արձագանքի»: Երեքշաբթի օրը «Հեզբոլլահ»-ը հայտարարել է, որ Արուրիի սպանությունից հետո Մարջի մերձակայքում հրթիռային հարվածներ է հասցրել իսրայելցի զինվորների ուղղությամբ։ Իսրայելը երկար ժամանակ մեղադրում էր Արուրիին իր քաղաքացիների դեմ մահաբեր հարձակումների համար։ Հոկտեմբերի 7-ին վաղ առավոտյան «Համաս»-ի զինյալները Գազայի գոտուց սկսել են հազարավոր հրթիռներ արձակել իսրայելյան բնակավայրերի վրա: Իսրայելի ղեկավարները հայտարարել են, թե «պաղեստինցիները պատերազմ են սկսել Իսրայելի դեմ»: Իսրայելը պատասխան գործողությունների է դիմել և հայտարարել է, որ կհաղթի։    
09:25 - 03 հունվարի, 2024