Վահան Քերոբյան

ՀՀ էկոնոմիկայի նախարար։ Ծնվել է 1976թ. հոկտեմբերի 1-ին ՀՀ մայրաքաղաք Երևանում։

1996-1997թթ` «Արմինկո» ՍՊԸ` համակարգչային համակարգերի ինժեներ

1997-1998թթ՝ ՀՀ կառավարությանն առընթեր տեղեկատվության և գրահրատարակչության վարչություն, ցանցային տեղեկատվության բաժնի գլխավոր մասնագետ

1998թ․՝ «Հայաստան» համահայկական հիմնադրամի գործադիր վարչություն` համակարգչային բաժնի գլխավոր մասնագետ

1998-1999թթ․՝ «Տրաստբանկ» ՓԲԸ` տեխնոլոգիաների զարգացման և վերլուծության բաժնի մասնագետ

1999-2004թթ․՝ «Էյչ Էս Բի Սի բանկ Հայաստան»` առևտրավարկային վարչության մասնագետ, ավագ մասնագետ, վարիչ

2005-2006թթ․՝ «Վալլետա» ՍՊԸ` «Սթար» պրոյեկտի մենեջեր

2006-2012թթ․՝ «Սթար Դիվայդ» ՓԲԸ` գործադիր տնօրեն

2012-2020թթ․՝ «Menu Group – Menu Group UK Ltd»` հիմնադիր, տնօրեն

2020թ․ նոյեմբերի 26-ից ՀՀ էկոնոմիկայի նախարար

ԱԺ հանձնաժողովը հավանություն տվեց նախագծին, ըստ որի՝ մինչև 1 մլն դրամի ապրանք արտահանելու դեպքում մաքսատուրք չի վճարվի |armenpress.am|

ԱԺ հանձնաժողովը հավանություն տվեց նախագծին, ըստ որի՝ մինչև 1 մլն դրամի ապրանք արտահանելու դեպքում մաքսատուրք չի վճարվի |armenpress.am|

armenpress.am: ՀՀ ազգային ժողովի տնտեսական հարցերի մշտական հանձնաժողովը հավանություն տվեց կառավարության ներկայացրած օրենքի նախագծին, որը նպատակ ունի Հայաստանից փոքր արտահանողների համար հնարավոր խոչընդոտները վերացնել, մինչև 1 մլն դրամի ապրանքներ արտահանելու դեպքում մաքսավճար չգանձել: «Պետական տուրքի մասին» օրենքում փոփոխություն կատարելու մասին օրենքի նախագիծը ԱԺ հանձնաժողովի նիստում ներկայացրեց ՀՀ էկոնոմիկայի նախարար Վահան Քերոբյանը: Ի թիվս այլ փոփոխությունների՝ նախագծով սահմանվում է, որ պետական տուրքից ազատվում են մեկ առաքողից մեկ ստացողին մեկ տրանսպորտային փաստաթղթով ՀՀ սահմանով տեղափոխվող (բացառությամբ՝ արտահանվող, այդ թվում՝ ԵԱՏՄ անդամ երկիր)՝ ընդհանուր մաքսային արժեքը 200 եվրոյին համարժեք գումարը չգերազանցող ապրանքները, մեկ առաքողից մեկ ստացողին մեկ տրանսպորտային փաստաթղթով ՀՀ սահմանով արտահանվող, այդ թվում՝ ԵԱՏՄ անդամ երկիր՝ ընդհանուր մաքսային արժեքը 1 միլիոն ՀՀ դրամը չգերազանցող ապրանքները և այլն: «Բազմաթիվ ընկերություններ ինտերնետով ապրանք վաճառելիս և Հայաստանից ապրանք արտահանելիս բախվում են այն խնդրին, որ նույնիսկ շատ փոքր գումարի ապրանքների արտահանման ժամանակ ստիպված մաքսավճար են վճարում, որը որոշ դեպքերում կարող է նույնիսկ գերազանցել ապրանքի արժեքը, և զբաղեցնում է շատ ժամանակ: Օրինակ, Volterman դրամապանակները, որոնց միջին արժեքը համարժեք է 250 դոլարին, մի քանի օր է տևում, մինչև մաքսային ձևակերպումներն անցկացնեն: Ըստ էության՝ Հայաստանից բիզնես անելն աշխարհում և մանրածախ վաճառք իրականացնելը պրոբլեմատիկ է: Ուստի, առաջարկեցինք, և Կառավարությունն էլ պաշտպանեց այն տեսակետը, որ մինչև 1 մլն դրամ գումարի ապրանքների արտահանման ժամանակ ոչ մի մաքսավճար չվճարվի»,-ասաց նախարարը: Այս փոփոխության արդյունքում պետբյուջեի եկամուտներից շուրջ 100 մլն դրամի նվազում կլինի, բյուջեի վրա կունենա բացասական ազդեցություն, սակայն, նախարարի խոսքով, այս արգելքը վերացնելով՝ էապես կլավացնեն Հայաստանից փոքր արտահանումների ծավալը: Քերոբյանը, պատասխանելով հնարավոր ռիսկի վերաբերյալ հարցին, ասաց՝ բացարձակ անտրամաբանական է համարում, որ որևէ մեկը, երբ պետք է արտահանի 1.5 մլն դրամի ապրանք, մի բեռնափոխադրման փաստաթուղթը դարձնի 2 բեռնափոխադրման, մի ստացողին դարձնի երկու, երկու անգամ անի բոլոր գործողությունները, որ մի քանի հազար դրամ գումար խնայի: Փոփոխությունը բացառապես ուղղված է փոքր արտահանողների համար արգելքը վերացնելուն:
12:23 - 16 մարտի, 2022
Ներդրումային կոմիտեն գնահատելու է հանրային ներդրումների առաջնահերթությունները. վարչապետ

Ներդրումային կոմիտեն գնահատելու է հանրային ներդրումների առաջնահերթությունները. վարչապետ

Վարչապետ Նիկոլ Փաշինյանի գլխավորությամբ այսօր տեղի է ունեցել Ներդրումային կոմիտեի առաջին նիստը: Նիստին մասնակցել են ՀՀ փոխվարչապետերը, Վարչապետի աշխատակազմի ղեկավարը, Էկոնոմիկայի և Ֆինանսների նախարարները, Արդարադատության, Էկոնոմիկայի և Արտակարգ իրավիճակների նախարարների տեղակալները, պաշտոնատար այլ անձինք: Բացելով քննարկումը՝ վարչապետը նշել է. «Հարգելի գործընկերներ, սկսում ենք հանրային ներդրումների կառավարման Ներդրումային կոմիտեի առաջին նիստը: Հիշեցնեմ՝ այս մարմինն ստեղծվել է, որպեսզի գնահատենք հանրային ներդրումների, կապիտալ ներդրումների առաջնահերթությունները և որոշումներ կայացնելիս կարողանանք առաջնորդվել ըստ օգտակար գործողության առավելագույն գործակցի, ինչպես նաև բյուջեի պլանավորման համատեքստում տեղավորենք այս աշխատանքը»: Ներդրումային կոմիտեի նիստի շրջանակում քննարկվել են օրակարգում ընդգրկված մի շարք հարցեր:
15:34 - 14 մարտի, 2022
Կոչ ենք անում խուճապային տրամադրություններ չառաջացնել ու անհարկի գնումներ չկատարել․ Վահան Քերոբյանը՝ պարենային պաշարների մասին

Կոչ ենք անում խուճապային տրամադրություններ չառաջացնել ու անհարկի գնումներ չկատարել․ Վահան Քերոբյանը՝ պարենային պաշարների մասին

Էկոնոմիկայի նախարար Վահան Քերոբյանը մեկնաբանել է Հայաստանի Հանրապետության պարենային անվտանգության վերաբերյալ տարածվող լուրերը։ «Ռուսաստանյան, ինչպես նաև հայաստանյան ԶԼՄ-ներում վերջին երկու օրերին տարածվող տեղեկատվության վերաբերյալ, համաձայն որի նախատեսվում է սահմանափակել ՌԴ-ից մի շարք պարենային ապրանքատեսակների արտահանումը ԵԱՏՄ երկրներ, տեղեկացնում եմ, որ Հայաստանի պարենային անվտանգության խնդիրները գտնվում են ՀՀ կառավարության ուշադրության և անմիջական վերահսկողության տակ։ Մինչ այս պահը, ՌԴ կառավարության կողմից չկա հաստատված որոշում պարենային ապրանքների արտահանման արգելքի վերաբերյալ, հետևաբար Հայաստան ապրանքների ներմուծումն իրականացվում է բնականոն կերպով։ Հայաստանի Հանրապետությունում ներկայումս նվազագույն պարենային զամբյուղում ներառված ապրանքների մասով կանխատեսվող դեֆիցիտ չկա։ Մենք կապի մեջ ենք ռուսաստանյան մեր գործընկերների հետ, և նույնիսկ արտահանման հնարավոր սահմանափակումների վերաբերյալ ՌԴ կառավարության որոշման պարագայում՝ Հայաստանի Հանրապետությունն ունի բնակչության պարենային անվտանգությունն ապահովելու բոլոր անհրաժեշտ ռեսուրսները։ Ռուսաստանի Դաշնության հացահատիկի ինքնաբավությունը կազմում է շուրջ 150 տոկոս, ինչը նշանակում է, որ ՌԴ-ն ունի բավարար պաշարներ ներքին սպառման և արտահանման համար։ Կոչ ենք անում քաղաքացիներին խուճապային տրամադրություններ չառաջացնել եւ անհարկի գնումներ չկատարել»։
20:17 - 11 մարտի, 2022
Կառավարությունն արձագանքում է պարարտանյութերի գնաճին. փոքր ֆերմերները կստանան աջակցություն |armenpress.am|

Կառավարությունն արձագանքում է պարարտանյութերի գնաճին. փոքր ֆերմերները կստանան աջակցություն |armenpress.am|

armenpress.am: ՀՀ կառավարությունը հաստատեց հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագիրը: ՀՀ էկոնոմիկայի նախարար Վահան Քերոբյանը նշեց, որ տարվա սկզբից պարարտանյութերի շուկայում կտրուկ գնաճ է գրանցվել՝ 2.5-3 անգամ: «Փոքր ֆերմերները հայտնվել են խոցելի պայմաններում: Մենք խոսեցինք գյուղացիների, ֆերմերների հետ, որոշեցինք հանդես գալ փոքր ֆերմերներին աջակցելու ծրագրով: Մասնավորապես, մինչև 3 հա տարածքում մշակություն իրականացնող ֆերմերային տնտեսություններին սուբսիդավորել պարարտանյութի վաճառքի գնի 50 տոկոսի չափով, բայց ոչ ավելի, քան 9 հազար դրամը»,-ասաց նախարարը: Վահան Քերոբյանը տեղեկացրեց, որ առավել խոշոր հողօգտագործողներն իրենց արտադրողականության հաշվին նվազեցնում են պարարտանյութի գնի ազդեցությունը վերջնական ապրանքի վրա: Հետևաբար, աջակցության կարիք ունեն փոքր ֆերմերները: «Օգտվեմ առիթից և կոչ անեմ գյուղացիներին մաքսիմալ մշակել հողերը: Բազմաթիվ խնդիրներ հաշվի առնելով՝ տեսնում ենք, որ ակնկալվում են պարենային անվտանգության լուրջ մարտահրավերներ: Մյուս կողմից տեսնում ենք, որ սննդամթերքի գները աճում են և գյուղատնտեսությունը դառնալու է ավելի հրապուրիչ»,-ասաց նախարարը: ՀՀ վարչապետ Նիկոլ Փաշինյանը նշեց, որ այս որոշմամբ արձագանքում են գնաճին: Նրա խոսքով, վերջին տարիներին, պայմանական ասած, գնաճային երկրաշարժեր են տեղի ունենում: Առաջին պատճառը կորոնավիրուսն էր, երկրորդը՝ ուկրաինական զարգացումները: «Շատ դժվար է լավատեսական բան գտնել, բայց, մյուս կողմից տեսնում ենք, որ աճում են գյուղատնտեսական արտադրանքի գները և այդ առումով հողերի մշակման շահութաբերություն կարող է գոյանալ, որը նախկինում չկար: Մենք հասկանում ենք, որ կա մեկ այլ խնդիր: Կլիմայի փոփոխության հետևանքով մենք ամեն տարի ջրի հետ կապված լուրջ խնդիրներ ենք ունենում, մանավանդ, որ առկա է ջրային համակարգի մաշվածություն: Մենք ձևավորել ենք օպերատիվ շտաբ փոխվարչապետ Մաթևոսյանի գլխավորությամբ, որ հնարավորինս արձագանքի խնդիրներին»,-ասաց վարչապետը: Նիկոլ Փաշինյանի խոսքով՝ ցավալի է, որ օրգանական պարարտանյութերի արտադրությունը երկրում չի զարգացել, իսկ աշխարհում այդ տեսանկյունից այլ միտումներ են: Նա նկատեց, որ զարգացման ծրագրերն ամբողջ ծավալով չեն իրականացվում՝  ընդգծելով ինտենսիվ գյուղատնտեսությանն անցնելու հրամայականը:
12:02 - 03 մարտի, 2022
Շիրակի մարզպետը և էկոնոմիկայի նախարարը քննարկել են մարզի տնտեսությանը և արդյունաբերությանը վերաբերող հարցեր

Շիրակի մարզպետը և էկոնոմիկայի նախարարը քննարկել են մարզի տնտեսությանը և արդյունաբերությանը վերաբերող հարցեր

Շիրակի մարզպետ Նազելի Բաղդասարյանն այսօր ընդունել է ՀՀ էկոնոմիկայի նախարար Վահան Քերոբյանին։ Հանդիպման ժամանակ քննարկվել են մարզի տնտեսությանը, արդյունաբերությանը վերաբերող հարցեր։ Մասնավորապես, կարևորվել են պետություն-մասնավոր հատված համագործակցության խորացումն ու Շիրակի ներուժն ու առկա հնարավորությունների զարգացումը։ Անդրադարձ է կատարվել նաև զբոսաշրջությանը, մարզի ուժեղ կողմերին ու զբոսաշրջային առավելությունների օգտագործմանը։ Շիրակի մարզպետը ներկայացրել է նաև գյուղատնտեսական հիմնահարցերն ու առաջիկա գյուղատնտեսական տարվան ընդառաջ մարզի առջև ծառացած հիմնախնդիրները։ Էկոնոմիկայի նախարարը տեղեկացրել է, որ գյուղատնտեսական տարվա մեկնարկից առաջ Կառավարության հաջորդ նիստով պարարտանյութի սուբսիդավորման հարցը լուծում կստանա։
16:16 - 26 փետրվարի, 2022
Նշվել է գերմանական և հայկական բանկերի միջև կապերի անհրաժեշտությունը

Նշվել է գերմանական և հայկական բանկերի միջև կապերի անհրաժեշտությունը

Փետրվարի 25-ին Վահան Քերոբյանն ընդունել է Հայաստանի Հանրապետությունում Գերմանիայի Դաշնային Հանրապետության արտակարգ և լիազոր դեսպան Վիկտոր Ռիխտերին: Այդ մասին հայտնում են ՀՀ էկոնոմիկայի նախարարությունից։ Ողջունելով դեսպանին՝ էկոնոմիկայի նախարարը կարևորել է հայ-գերմանական տնտեսական համագործակցությունը և նշել, որ Հայաստանն այն ընդլայնելու լայն օրակարգ ունի։ Շեշտելով Գերմանիայի մեծ փորձը՝ Վահան Քերոբյանն առանձնացրել է մի շարք ոլորտներ, որտեղ Գերմանիան կարող է խորհրդատվական և փորձագիտական աջակցություն ցուցաբերել Հայաստանին։ Դրանք են՝ փոքր և միջին ձեռնարկատիրության, նորարարությունների, զբոսաշրջության, արդյունաբերության ոլորտները, կրթություն-գիտություն-տնտեսություն կապի հաստատումը:    Հանդիպման ընթացքում որպես հայ-գերմանական համագործակցությունն ընդլայնելու ներուժ ունեցող ոլորտներ՝ Վահան Քերոբյանը նշել է արդյունաբերությունը՝ շեշտադրելով քիմիական արդյունաբերությունը և տեղեկացրել, որ Հայաստանում կան նաև վերագործարկման կարիք ունեցող շատ գործարաններ։  Կարևորվել է նաև ֆինանսական շուկաների՝ հատկապես գերմանական և հայկական բանկերի միջև կապերի անհրաժեշտությունը։   Նախարարը նաև տեղեկացրել է, որ ներկայումս պետական ծրագրեր են իրականացվում Հայաստանի հին ավտոպարկը թարմացնելու ուղղությամբ և քննարկվում են Հայաստանում էլեկտրական մեքենաների արտադրության հնարավորությունները։  Նա նաև նշել է, որ Հայաստանը հետաքրքրված է այս ոլորտի գերմանական առաջադեմ ընկերություններին Հայաստան բերելով։ Այս համատեքստում նախարարը հավելել է, որ Հայաստանում արդեն գործում է «Թրեյդ-ին» համակարգը, որը նոր մշակույթ է Հայաստանի համար և հնարավորություն կտա հին մեքենաները փոխարինել նորերով՝ նպաստելով ավտոպարկի թարմացմանը։ Նախարարի տեղակալ Ռաֆայել Գևորգյանն անդրադարձել է տեքստիլ արդյունաբերության զարգացման ծրագրերին, Գերմանիայի միջազգային համագործակցության ընկերության (GIZ) հետ արդյունավետ համագործակցությանը։ Նա խոսել է նաև կրեատիվ արդյունաբերության զարգացման մասին և  նշել, որ այսօր մեծ ուշադրություն է դարձվում տեքստիլ արդյունաբերության և նորաձևության զարգացմանը Հայաստանում։ Այս համատեքստում նա նաև հետաքրքրություն է հայտնել դիտարկելու «Mercedes-Benz Fashion Week»-ը Հայաստան բերելու հնարավորությունը, ինչը կնպաստի զբոսաշրջության և նորաձևության զարգացմանը։   Դեսպան Վիկտոր Ռիխտերը բարձր է գնահատել հայ-գերմանական համագործակցությունը և նշել, որ  Գերմանիան հետաքրքրված է շարունակելու համագործակցությունը բոլոր նշված ուղղություններով և պատրաստակամ է աջակցություն ցուցաբերել Հայաստանին իր որդեգրած ճանապարհը սահուն անցնելու համար։ Նա ասել է նաև, որ, չնայած 2 մեծ շոկերին՝ պատերազմին և Covid 19-ին, Հայաստանի մակրոտնտեսական ցուցանիշները բավականին տպավորիչ են։  Հանդիպման ավարտին կողմերը պատրաստակամություն են հայտնել շարունակելու ակտիվ համագարծակցությունը։
11:25 - 26 փետրվարի, 2022
Հայաստանում արտադրվող «Սպուտնիկ Լայթ»-ը այդպես էլ չի արտահանվում
 |civilnet.am|

Հայաստանում արտադրվող «Սպուտնիկ Լայթ»-ը այդպես էլ չի արտահանվում |civilnet.am|

civilnet.am: v class="entry-content"> Էկոնոմիկայի նախարար Վահան Քերոբյանը 2021թ. դեկտեմբերի 6-ին լրագրողների հետ հանդիպման ժամանակ հայտնել է, թե մի շարք երկրների հետ բանակցություններ են գնում Հայաստանում արտադրված «Սպուտնիկ Լայթ» պատվաստանյութը արտահանելու համար։ Հրավիրված մամուլի ասուլիսը նվիրված էր Հայաստանում «Սպուտնիկ Լայթ» պատվաստանյութի արտադրությանը։ «Հայաստանի շուկան բավական փոքր է սպառման անհրաժեշտ ծավալն ապահովելու համար։ Հիմա արդեն մի շարք մերձավորարևելյան երկրների հետ բանակցություններ գնում են, նաև քննարկվում են որոշ աֆրիկյան երկրներ։ Այս ամեն ինչը [պատվաստանյութի արտահանումը – խմբ.] ռուսական գործընկերների հետ համատեղ աշխատանքի շնորհիվ, վստահ ենք, որ շուտով հնարավոր կդառնա»,- ասել է նախարարը՝ նշելով, որ դեռ արտահանման պայմանագրեր չկան։ Դեռ 2021-ի սեպտեմբերին Էկոնոմիկայի նախարարությունը և հայկակական «Լիկվոր» դեղագործական ընկերությունը հայտարարել էին կորոնավիրուսի դեմ Հայաստանում «Սպուտնիկ Լայթ» պատվաստանյութի առաջին խմբաքանակների արտադրության մասին: Նշվում էր, որ նմուշները ուղարկվել էին Ռուսաստան՝ Գամալեայի ինստիտուտ՝ որակի վերջնական հաստատման նպատակով։ Պատվաստանյութի մասին «Լիկվոր» ընկերությունը միայն իրականացնում է պատվաստանյութի շշալցումը՝ ՌԴ-ից ներկրված հումքի հիման վրա, իսկ դրա վաճառքով և արտահանմամբ զբաղվում է ռուսական Human Vaccine ՍՊԸ-ն։ 2022-ի հունվարի 4-ին առողջապահության նախարարությունը հայտնեց, որ Հայաստանում «Սպուտնիկ Լայթ»-ն այլևս օգտագործվելու է որպես երրորդ՝ բուստեր դեղաչափ։ Պատվաստանյութը գնվել էր ռուսական Human Vaccine ՍՊԸ-ից 25 հազար դեղաչափով՝ հատը մոտ երեք հազար դրամով, իսկ պայմանագրի ընդհանուր արժեքը կազմել է 73,6 մլն դրամ։ «Լիկվոր» ընկերությունից հայտնեցին, որ խմբաքանակն արտադրվել է իրենց կողմից և փոխանցվել ԱՆ-ին, իսկ արտահանման և արտադրության հարցերը որոշվում են ռուսական ընկերության և Հայաստանի կառավարության կողմից։ «Խմբաքանակն ամբողջապես արտադրվել է Հայաստանում և փոխանցվել առողջապահության նախարարությանը»,- հայտեցին ընկերությունից՝ հավելելով, որ ներկայում նոր խմբաքանակի արտադրության հայտ չեն ստացել։ Պատվաստանյութը դեռ չի արտահանվել CivilnetCheck-ին էկոնոմիկայի նախարարությունից հայտնեցին, որ արտահանման պայմանավորվածություններ այդպես էլ չկան, և բանակցությունները դեռ շարունակվում են։ «Արտահանումը այս պահին չի իրականացվում, սակայն բանակցություններ էին գնում այդ ուղղությամբ, իսկ թե որ երկրների հետ են բանակցություններ գնում, չենք կարող հայտնել, քանի որ դա առևտրային գաղտնիք է։ Մինչև հստակեցված վերջնական պայամանագրերը չլինեն, ընկերության անունից չենք կարող դրանք բացահայտել»,- փոխանցեցին էկոնոմիկայի նախարարությունից։ Այսպիսով՝ էկոնոմիկայի նախարար Վահան Քերոբյանի հայտարարությունը՝ Հայաստանում արտադրվող պատվաստանյութի՝ առաջիկայում արտահանման մասին, փաստացի, դեռևս իրականություն չի դարձել։  
18:23 - 16 փետրվարի, 2022
Վահան Քերոբյանը մասնակցել է «Բուխտա Յուգ» մանրածախ և մեծածախ առևտրի կենտրոնի շնորհանդեսին

Վահան Քերոբյանը մասնակցել է «Բուխտա Յուգ» մանրածախ և մեծածախ առևտրի կենտրոնի շնորհանդեսին

Էկոնոմիկայի նախարար Վահան Քերոբյանը փետրվարի 15-ին մասնակցել է Հայ գործարարների ասոցիացիայի և ՀՀ Էկոնոմիկայի նախարարության հետ համատեղ կազմակերպված «Բուխտա Յուգ» մանրածախ և մեծածախ բազմապրոֆիլային առևտրի կենտրոնի շնորհանդեսին։ Միջոցառմանը մասնակցել են նաև նախարարի տեղակալներ Արշակ Ասլանյանը և Նարեկ Տերյանը։  Այս մասին հայտնում են ՀՀ էկոնոմիկայի նախարարությունից։ «Շնորհանդեսին ներկա էին նաև հայկական այն ընկերություները, որոնք ներկայացված են կամ մտադրություն ունեն դուրս գալ ռուսաստանյան շուկա։  «Բուխտա Յուգ» առևտրի կենտրոնի ստեղծման հիմնական նպատակը հայկական արտադրատեսակների արտահանման զարգացումն է։ Առևտրի կենտրոնը գտնվում է Մոսկվայի հարավային գլխավոր մայրուղիների և ծայրամասային երկաթգծերի հարևանությամբ։ Կենտրոնի պաշտոնական բացումը նախատեսվում է 2022 թվականի երկրորդ եռամսյակի վերջում։  Առևտրի կենտրոնում տեղակայված են լինելու շուրջ 1802 խանութներ և տաղավարներ, որտեղ կարող են ներկայացվել անմիջապես մատակարարներից տարատեսակ ապրանքներ՝ սննդամթերք, հագուստ, շինանյութ, գործվածքներ:   Միջոցառմանը ողջույնի խոսքով հանդես են եկել ՀՀ էկոնոմիկայի նախարար Վահան Քերոբյանն ու «Տաշիր» ընկերությունների խմբի առաջին փոխնախագահ Նարեկ Կարապետյանը։  Նախարարը ողջունել է «Բուխտա Յուգ» առևտրի կենտրոնի ստեղծումը և նշել․ ««Բուխտա Յուգ» առևտրի կենտրոնում հայկական ապրանքները կարող են առանց ավելորդ քաղաքական ռիսկերի վաճառվել ռուսական շուկայում, մասնավորապես Մոսկվա քաղաքում։ Էկոնոմիկայի նախարարությունը պատրաստ է օժանդակել, որպեսզի այս ենթակառուցվածքը լինի շատ պահանջված ու հաջողված։  Դեռևս մեկումես տարի առաջ մենք չունեինք նման ենթակառուցվածք, ինչի արդյունքում որոշակի պահի մեր արտադրողները լոգիստիկ խնդիրների առջև կանգնեցին․ այժմ ավելի անկաշկանդ, շատ ավելի անկախ կարող ենք աշխատել արտահանման մեր ամենամեծ շուկայում»։    «2020 թվականի հուլիսյան դեպքերի ժամանակ մենք կանգնեցիք մի փաստի առաջ, որ հայ արտադրողները սկսեցին խնդիրներ ունենալ  իրենց գյուղմթերքն իրացնելու հարցում։ «Տաշիր» ընկերությունների խմբի կողմից որոշում ընդունվեց ստեղծել հայկական արտադրողների համար բաց և առաջնային իրավունքներով օժտված առևտրային գոտի, և այսօր մենք հավաքվել ենք տեսնելու այդ նախագծի իրագործումը», - ասել է «Տաշիր» ընկերությունների խմբի առաջին փոխնախագահ Նարեկ Կարապետյանը։    Հայ ձեռներեցների ասոցիացիայի գործադիր տնօրեն Գոհար Ղումաշյանն իր հերթին համառոտ անդրադարձել է ասոցիացիայի գործունեությանն ու զարգացման ռազմավարությանը։  Միջոցառման ընթացքում «Բուխտա Յուգ» առևտրի կենտրոնների գլխավոր տնօրենը ներկայացրել է կենտրոնի առավելությունները, գրանցված կոմերցիոն հաջողությունները և տարածքի վարձակալության պայմանները:  Հայ գործարարների ասոցիացիան ստեղծվել է հայազգի գործարարների կողմից՝ Հայաստանի և Ռուսաստանի գործարար համայնքի հզորացման, երկու երկրների շուկաները միմյանց համար առավել հասանելի դարձնելու նպատակով։ Հայ գործարարների ասոցիացիայի նախագահն ու համահիմնադիրը «Տաշիր» ընկերությունների խմբի սեփականատեր Սամվել Կարապետյանն է»,- նշված է նախարարության հաղորդագրության մեջ։
21:26 - 15 փետրվարի, 2022
Վահան Քերոբյանն ընդունել է Հայաստանում Ղազախստանի դեսպանին

Վահան Քերոբյանն ընդունել է Հայաստանում Ղազախստանի դեսպանին

ՀՀ էկոնոմիկայի նախարար Վահան Քերոբյանը փետրվարի 14-ին ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևին։   Նախարարը կարևորվել է հայ-ղազախական առևտրատնտեսական համագործակցության զարգացումը, նշել, որ երկու երկրների միջև կա համագործակցությունն ակտիվացնելու մեծ ներուժ, որը պետք է լիարժեք օգտագործել։   Շնորհակալություն հայտնելով ընդունելության համար` դեսպան Բոլատ Իմանբաևը նշել է, որ Ղազախստանի կառավարության առջև դրված են նոր մարտահրավերներ, այդ թվում՝ սոցիալ-տնտեսական բարեփոխումների իրականացման, տնտեսվարողների համար հավասար պայմաններ ստեղծելու մասով։   Կողմերը քննարկել են արդյունաբերության, մասնավորապես արդյունաբերական կոոպերացիայի, քիմիական արդյունաբերության, գյուղատնտեսության բնագավառում համագործակցության հնարավորությունները, նաև արտահանմանը, բեռնափոխադրումների իրականացման գործընթացին,  էլեկտրոնային առևտրին, երկու երկրներում գործող հարկման մեխանիզմներին, ուղիղ ավիաչվերթների վերաբացմանն առնչվող հարցեր։     Հստակեցվել են նաև Հայաստանի և Ղազախստանի միջև տնտեսական համագործակցության միջկառավարական հանձնաժողովի համատեղ նիստի անցկացման ժամկետները, քննարկվել օրակարգային հարցերը։   Անդրադառնալով Հայաստանի և Ղազախստանի գործարար շրջանակների, առանձին ընկերությունների միջև համագործակցության ամրապնդման ու ընդլայնման հարցերին՝ զրուցակիցները կարևորել են համատեղ գործարար համաժողովների, գործարարների հանդիպումների  կազմակերպումը։     Քննարկվել է նաև առաջիկայում Ղազախստանում ագրոարդյունաբերական համաժողովի կազմակերպման հնարավորությունը, Հայաստանի և Ղազախստանի առևտրային ցանցերի միջև համագործակցության ձևաչափը։      Երկուստեք կարևորվել է ինչպես ԵԱՏՄ շրջանակներում, այնպես էլ երկկողմ փոխշահավետ համագործակցության ակտիվացումը։   Հանդիպման ավարտին պայմանավորվածություն է ձեռք բերվել շարունակական աշխատանքներ իրականացնել առևտրատնտեսական համագործակցությունն ավելի ակտիվացնելու ուղղությամբ։ Վահան Քերոբյանը և Բոլատ Իմանբաևը մեկ անգամ ևս շեշտել են իրենց պատրաստակամությունը  նպաստելու  երկու երկրների միջև արդյունավետ և ակտիվ համագործակցությանը։   Հանդիպման ավարտին դեսպան Բոլատ Իմանբաևը Վահան Քերոբյանին է հանձնել Ղազախստանի նախագահի կողմից շնորհված մեդալը` նվիրված Ղազախստանի անկախության 30-ամյակին։
21:50 - 14 փետրվարի, 2022
Մարտի 15-ից հանրային սննդի բաց եւ փակ տարածքներում ծխելը կարգելվի |hetq.am|

Մարտի 15-ից հանրային սննդի բաց եւ փակ տարածքներում ծխելը կարգելվի |hetq.am|

hetq.am: Այսուհետ ծխախոտային արտադրատեսակների փոխարինիչների ցուցադրումը, շրջանառությունը և օգտագործումը կսահմանափակվի։ Որոշումն ընդունվեց Կառավարության փետրվարի 10-ի նիստում։ «Կարծում ենք, որ սա կարևորագույն ներդրում է Հայաստանում մարդկային կապիտալի և, մասնավորապես, մարդկանց առողջության մեջ»,- նախագծի քննարկման ժամանակ հայտնեց Էկոնոմիկայի նախարար Վահան Քերոբյանը։ Որոշման նախագծով նոր արտադրատեսակի (նիկոտին պարունակող արտադրանք՝ ծխախոտային արտադրատեսակների փոխարինիչներ) շուկայահանման, արտադրության, փոխադրման, պահպանման պարտադիր պահանջներ կսահմանվեն, ինչը կկանոնակարգի այդ ոլորտը և կնվազեցնի մարդու առողջության համար վտանգի ռիսկերը: Վարչապետ Նիկոլ Փաշինյանը հարցի քննարկման ժամանակ հիշեցրեց, որ առևտրի կետերում ծխախոտի ցուցադրությունը հունվարի 1-ից արգելվել է։ Տեսչական մարմինների աշխատանքների համակարգման գրասենյակի ղեկավար Արթուր Ասոյանի խոսքով՝ խախտումների դեպքում բարձր տուգանքներ են սահմանված։ Առողջապահության նախարար Անահիտ Ավանեսյանն էլ տեղեկացրեց, որ մարտի 15-ից ծխելը կարգելվի նաև հանրային սննդի և՛ բաց, և՛ փակ տարածքներում։
13:05 - 10 փետրվարի, 2022
Վահան Քերոբյանը և Նիկոլաս Սխերմերսը քննարկել են համատեղ ծրագրերի իրականացման հնարավորությունները

Վահան Քերոբյանը և Նիկոլաս Սխերմերսը քննարկել են համատեղ ծրագրերի իրականացման հնարավորությունները

Վահան Քերոբյանը փետրվարի 3-ին ընդունել է Հայաստանի Հանրապետությունում Նիդերլանդների Թագավորության արտակարգ և լիազոր դեսպան Նիկոլաս Յակոբ Սխերմերսին: Հանդիպմանը մասնակցել են նաև նախարարի տեղակալներ Արշակ Ասլանյանը և Արման Խոջոյանը:  Հանդիպման ընթացքում քննարկվել են Հայաստանի և Նիդերլանդների միջև տնտեսական կապերի ամրապնդմանն առնչվող հարցեր: Կողմերը համակարծիք են եղել, որ տնտեսական համագործակցությունը Հայաստանի և Նիդերլանդների միջև զարգանալու լուրջ ներուժ ունի, և պատրաստակամություն են հայտնել ակտիվ աշխատել հայ-նիդերլանդական տնտեսական կապերի խորացման և ընդլայնման ուղղությամբ: Քննարկվել են երկու երկրների պետական և մասնավոր կառույցների համագործակցությամբ համատեղ ծրագրերի իրականացման հնարավորությունները: Որպես համագործակցության ոլորտներ առանձնացվել են արդյունաբերությունը, քիմիական արդյունաբերությունը, տեքստիլ արդյունաբերությունը, գյուղատնտեսությունը, բարձր տեխնոլոգիաների ոլորտը, դեղագործությունը, մեքենաշինությունը, զբոսաշրջությունը: Հանդիպման ընթացքում կարևորվել է նաև կազմակերպությունների արդիականացման խնդիրը, փոքր և միջին ձեռնարկությունների զարգացումը: Անդրադարձ է արվել նաև Հայաստանի Կառավարության կողմից իրականացվող բարեփոխումներին:
12:48 - 04 փետրվարի, 2022
Expo 2020 Dubai-ում Հայաստանի ազգային օրվա շրջանակում քննարկվել են օտարերկրյա ուղղակի ներդրումների ներգրավման հարցեր

Expo 2020 Dubai-ում Հայաստանի ազգային օրվա շրջանակում քննարկվել են օտարերկրյա ուղղակի ներդրումների ներգրավման հարցեր

Expo 2020 Dubai ցուցահանդեսում Հայաստանի ազգային օրվա շրջանակում «Էնթերփրայզ Արմենիայի» (Ներդրումների աջակցման կենտրոն հիմնադրամ) ներկայացուցիչները ԱՄԷ պետական հատվածի և գործարար համայնքի ներկայացուցիչների հետ քննարկել են առևտրատնտեսական կապերը զարգացնելու, նոր օտարերկրյա ուղղակի ներդրումների ներգրավման հարցեր։   Լեհ-արաբական առևտրի պալատի հիմնադիր նախագահ Ռոբերտ Ջրեյսաթիի հետ հանդիպման ընթացքում քննարկվել են գործընկերային կապերն ամրապնդելու և ինստիտուցիոնալ հիմքերի վրա դնելու, գործարար շրջանակներին օժանդակելու աշխատանքներում փոխգործակցության հնարավորությունները:   Շեյխ Ահմեդ Բին Ահմեդ Բին Համադան Ալ Նահյանի մասնավոր գրասենյակի գործադիր տնօրեն Ահմեդ Էլմեթվալիի, EURASIA Gulf Unique Group Hotels Remax ձեռնարկության հիմնադիր Աբդո Կայալի, Richman House-ի տնօրեն Վազգեն Եղիազարյանի, Ziba Foods-ի համահիմնադիր Գրեգ Օհանեսյանի, Րաֆֆի Վարդանյանի հետ հանդիպումների ընթացքում ներկայացվել են Հայաստանի ներդրումային գրավչությունը, տնտեսության առաջընթաց ճյուղերն ու դրանց ընձեռած հնարավորությունները, «Էնթերփրայզ Արմենիայի» կողմից ներդրողներին տրամադրվող ծառայությունների ամբողջական շրջանակը:   Գործարարները ներկայացրել են Հայաստանում հավանական ներդրումներ իրականացնելու առնչությամբ իրենց հետաքրքրության ոլորտները։     «Ամենամյա ներդրումային համաժողով 2022» (Annual Investment Meeting 2022) միջոցառման գլխավոր տնօրեն Վալիդ Ֆարգհալի հետ հանդիպմանը քննարկվել են համաժողովին Հայաստանի մասնակցության ձևաչափին և կազմակերպչական աշխատանքներին նվիրված հարցեր:  
20:17 - 03 փետրվարի, 2022
Հայաստանը ԵԱՏՄ-ում արձանագրել է ամենաբարձր տնտեսական աճն ու ամենացածր գնաճը. Վահան Քերոբյան |armenpress.am|

Հայաստանը ԵԱՏՄ-ում արձանագրել է ամենաբարձր տնտեսական աճն ու ամենացածր գնաճը. Վահան Քերոբյան |armenpress.am|

armenpress.am: Կառավարության նիստի ժամանակ Էկոնոմիկայի նախարար Վահան Քերոբյանը ներկայացրեց ԵԱՏՄ անդամ երկրների տնտեսական ակտիվության և գնաճի ցուցանիշները՝ ընդգծելով, որ Հայաստանը ԵԱՏՄ-ում արձանագրել է ամենաբարձր տնտեսական աճն ու ամենացածր գնաճը: «Ռուսաստանում տնտեսական ակտիվության աճը եղել է 4.4-4.5 տոկոս, իսկ գնաճը 8.4-8.5, Բելառուսում տնտեսական ակտիվության աճը եղել է 3.3 տոկոս, իսկ գնաճը` 10 տոկոս, Ղազախստանում համապատասխանաբար 3.5 տոկոս և  8.4 տոկոս, Ղրղզստանում 3.6 տոկոս և 11.2 տոկոս,իսկ Հայաստանում արձանագրվել է 5.8 տոկոս տնտեսական աճ, իսկ գնաճը՝ 7.7 տոկոս: Մենք մեր Միության երկրների մեջ  ունենք ամենաբարձր տնտեսական աճը և ամենացածր գնաճը: Եվ սա ևս կարևոր է ընդգծել, որ մեր քաղաքականությամբ կարողացել ենք երկու առումով էլ դրականորեն առանձնանալ ԵԱՏՄ-ի շարքում»,- ասաց Քերոբյանը: Կենտրոնական բանկի նախագահ Մարտին Գալստյանն իր հերթին ընդգծեց, որ գնաճը միջազգային խնդիր է, և Քերոբյանի հնչեցրած թվերը ապացուցում են, որ ոչ միայն զարգացող, այլ նաև զարգացած երկրներում կա գնաճի բավականին բարձր մակարդակ: «Օրինակ` ԱՄՆ-ում տարեկան գնաճը կարող է հասնել մինչև 7 տոկոսի, որը 1982 թվականից հետո գրանցված ամենաբարձ ցուցանիշն է: Ինչ վերաբերվում է ապագա անելիքներին, մեր գնահատականները թույլ են տալիս մեզ լիահույս լինել, որ այս տարվա վերջում կվերադառնանք միջակայք գնաճի առումով ու մեր գործողությունները և տրամաբանությունը միտված է դրան»,- շեշտեց Գալստյանը: ՀՀ վարչապետ Նիկոլ Փաշինյանի դիտարկմամբ` 2019 թվականին ամբողջ աշխարհում արձանագրվել էր պարենային ապրանքների աճ, իսկ Հայաստանի Հանրապետությունը այն բացառիկ երկրներից էր, որտեղ ընդհակառակը, պարենային ապրանքների գնի նվազում էր արձանագրվել:
15:06 - 03 փետրվարի, 2022
Հայաստանում թուրքերն անշարժ գույք ունեն, ռազմավարական կարևոր օբյեկտներ այդ ցանկում չկան. Վահան Քերոբյան |armenpress.am|

Հայաստանում թուրքերն անշարժ գույք ունեն, ռազմավարական կարևոր օբյեկտներ այդ ցանկում չկան. Վահան Քերոբյան |armenpress.am|

armenpress.am: Հայաստանում թուրքերն անշարժ գույք ունեն։ «Արմենպրես»-ի հաղորդմամբ` այս մասին ՀՀ կառավարության նիստից հետո լրագրողների հետ ճեպազրույցում հայտարարեց Էկոնոմիկայի նախարար Վահան Քերոբյանը` անդրադառնալով լուրերին, թե վերջին շրջանում թուրքերը Հայաստանում կապիտալ են ձեռք բերում: «Միշտ եղել է, օրինակ` անշարժ գույք, ընկերություններ»,– ասաց Քերոբյանը։ Ավելի կոնկրետ տեղեկատվության համար, թե Թուրքիայի քաղաքացիներն ինչ գույք ունեն Հայաստանում, նախարարը լրագրողներին առաջարկեց դիմել Կադաստրի կոմիտե, պետռեգիստր և Կենտրոնական դեպոզիտարիա։ Միևնույն ժամանակ, Էկոնոմիկայի նախարարը վստահեցրեց, որ ռազմավարական կարևոր օբյեկտներ այդ ցանկում չկան։ Վահան Քերոբյանը հայտարարեց, որ Հայաստանի տնտեսությունն այդ առումով Թուրքիայի համար միշտ բաց է եղել, բացի 2021 թվականից, երբ կառավարությունը թուրքական ապրանքների ներմուծման նկատմամբ էմբարգո կիրառեց։ «Եթե գնաք «Փեթակ», այնտեղ ժողովուրդը 10 տարի առաջ էլ բավական գործնական հարաբերություններ է ունեցել իրենց թուրք գործընկերների հետ»,– ասաց Քերոբյանը:
14:08 - 03 փետրվարի, 2022
Expo 2020-ում Հայաստանի տաղավարը գրավել է շատ երկրների ներկայացուցիչների ուշադրությունը․ Քերոբյանը մանրամասներ է հայտնել |armenpress.am|

Expo 2020-ում Հայաստանի տաղավարը գրավել է շատ երկրների ներկայացուցիչների ուշադրությունը․ Քերոբյանը մանրամասներ է հայտնել |armenpress.am|

armenpress.am: Expo 2020-ում Հայաստանի տաղավարն իր առանձնահատկությամբ գրավել է շատ հյուրերի, տարբեր երկրների ներկայացուցիչների ուշադրությունը, դրա շրջանակում կապեր են ստեղծվել տարբեր երկրների հետ։  Expo 2025-ը կայանալու է Ճապոնիայի Օսակա քաղաքում, որտեղ Հայաստանը հավակնում է ներկայանալ ավելի բարձր կատեգորիայում։ Այս մասին ասաց ՀՀ Էկոնոմիկայի նախարար Վահան Քերոբյանը։ Վերջինս առանձնացրեց, որ Օսակայում Հայաստանը առանձին շենք է ունենալու, որի դիզայնն ու բովանդակությունը ներկայացնելու է մեր երկիրը։   «Օսակայի համար ուրիշ պլաններ ունենք՝ վերցնել առանձին շենք , սեփական հայեցակարգով մշակել։ Ասիական շուկայի համար պետք է նոր բան մտածել։ Այլ հարց է արաբական երկրի հետ առևտրային ոլորտում համագործակցելու եզրեր գտնելը, մեկ այլ բան պետք է մտածել Ճապոնիայում ներկայանալու համար։ Լեզուն և ուղերձը պետք է ուրիշ լինի»,- ընդգծեց Քերոբյանը։  Նա նշեց, որ Expo 2020-ի Ազգային օրվա պաշտոնական բացման իր ելույթում առանձնացրել է աշխարհում գիտության, մշակույթի և տեխնոլոգիաների զարգացման գործում հայ գիտնականների և նորարարների անգնահատելի ներդրումը՝ ներկայացնելով նորարարություններ, որոնք բեկումնային են եղել մարդկության առաջընթացի համար։  «Մեր երկու ամենագրավիչ առավելությունները այս պահին բիզնես միջավայրն ու ՏՏ ոլորտն են։ Այդ երկուսը առավելություններ ունեն մեր տնտեսության մեջ։ Expo 2020-ին հավուր պատշաճի ներկայացրել ենք ՏՏ ոլորտը։ Ի տարբերություն այլ ոլորտների՝ մեր արտադրողականությունը ոլորտում չի զիջում այլ երկրներին, ինչքան, օրինակ մյուս ոլորտները։ Այստեղ մենք կարող ենք մրցունակ լինել։ Ելույթում շեշտը դրել եմ նաև ՏՏ ոլորտի վրա»,- ասաց Քերոբյանը։ Ինչպես ընդգծեց Քերոբյանը՝ Դուբայում Expo 2020 ցուցահանդեսի կազմկոմիտեի գործադիր տնօրեն Նաջիբ Մոհամմեդ Ալ Ալին իր ելույթում ընդգծել է, որ Հայաստանը մեծ ներուժ ունի նորարարությունների, արհեստական բանականության և մի շարք այլ ոլորտներում՝ մատնանշելով այն մեծ ինտելեկտուալ ռեսուրսը, որ ունի Հայաստանը տեխնոլոգիաների ստեղծման ոլորտում։ Քերոբյանը նաև կարևորեց Հայաստանի դերը Expo 2020-ում, ընդգծելով, որ ստեղծվել են կապեր տարբեր երկրների՝ Պորտուգալիայի, Ռուսաստանի, Ղասախստանի, Սլովենիայի և այլ երկրների հետ։ «ՆԱԿ-ը (enterprise armenia) կնքեց փոխըմբռնման հուշագիր Աբուդաբիի առևտրա-արդյունաբերկան պալատի հետ։Կարևոր եմ համարում, որ հետևողական լինենք,  իրագործենք  հուշագրի մեջ գրվածը»,- նշեց Քերոբյանը։ Նա պատմեց, որ Նաջիբ Մոհամմեդ Ալ Ալին շնորհակալություն է հայտնել Հայաստանին այս գլոբալ միջոցառմանը մասնակցության համար և ընդգծել, որ դա վկայում է երկու երկրների միջև ձևավորված սերտ բարեկամական հարաբերությունների մասին։ Նա վստահություն է հայտնել, որ ցուցահանդեսը նոր հաջողություններ և համագործակցության նոր հնարավորություններ կստեղծի մասնակից երկրների համար, քանի որ հատկապես հիմա այս խոշորագույն ցուցահանդեսը հիանալի հարթակ է՝ միանալու ավելի կայուն ապագա կերտելու գլոբալ քննարկումներին։ Քերոբյանը վստահեցրեց՝ Հայաստանի տաղավարի առանձնահատկությունը գրավել է շատ հյուրերի և երկրների ներկայացուցիչների։ Շարունակությունը՝ armenpress.am-ում
13:00 - 03 փետրվարի, 2022