ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

Միշտ պատրաստ ենք ադրբեջանցի և հայ մեր ընկերներին ընդունել Ռուսաստանի տարածքում․ Զախարովա
 |azatutyun.am|

Միշտ պատրաստ ենք ադրբեջանցի և հայ մեր ընկերներին ընդունել Ռուսաստանի տարածքում․ Զախարովա |azatutyun.am|

azatutyun.am: Ռուսաստանը կշարունակի աջակցություն ցուցաբերել Ադրբեջանին և Հայաստանին սահմանների սահմանագծման և սահմանազատման հարցերում։ Օգոստոսի 2-ին կայացած ճեպազրույցում ասել է Ռուսաստանի արտգործնախարարության պաշտոնական ներկայացուցիչ Մարիա Զախարովան։ «Մենք միշտ պատրաստ ենք ադրբեջանցի և հայ մեր ընկերներին ընդունել Ռուսաստանի տարածքում։ Համոզված ենք, որ մեր երկրի եզակի պրոֆեսիոնալ հնարավորությունները, սահմանագծման և սահմանազատման հարցերում մեր երկրի իրավասությունները հետխորհրդային տարածքում ունակ են էապես ամրապնդելու անվտանգությունը հայ-ադրբեջանական սահմանին և ողջ տարածաշրջանում»,- նշել է Զախարովան։ Նա ասել է, որ Ռուսաստանը ակտիվ ներդրում է կատարում նախապատրաստելու «հայ-ադրբեջանական խաղաղ համաձայնագիրը»։ Զախարովայի խոսքերով՝ այս կամ այն միջոցառում անցկացնելու կոնկրետ ժամկետները պետք է որոշեն Բաքուն և Երևանը։ «Մենք մեր կողմից նույնպես կտեղեկացնենք, երբ նրանք ընդունեն այդ որոշումը»,- ասել է Ռուսաստանի ԱԳ նախարարության խոսնակը։ Ավելի մանրամասն՝ azatutyun.am-ում։ 
18:40 - 02 օգոստոսի, 2022
Նիկոլ Փաշինյանը հեռախոսազրույց է ունեցել Վլադիմիր Պուտինի հետ
 |azatutyun.am|

Նիկոլ Փաշինյանը հեռախոսազրույց է ունեցել Վլադիմիր Պուտինի հետ |azatutyun.am|

azatutyun.am: Հեռախոսազրույց են ունեցել Հայաստանի վարչապետ Նիկոլ Փաշինյանը և Ռուսաստանի նախագահ Վլադիմիր Պուտինը: Այս մասին հայտնում է Կրեմլի մամուլի ծառայությունը: Փաշինյանն ու Պուտինը քննարկել են 2020թ. նոյեմբերի 9-ի, 2021թ. հունվարի 11-ի և նոյեմբերի 26-ի Ռուսաստանի, Հայաստանի և Ադրբեջանի ղեկավարների միջև եռակողմ պայմանավորվածությունների իրականացման որոշակի գործնական ասպեկտներ։ Ըստ հաղորդագրության, պայմանավորվածություն է ձեռք բերվել շարունակել շփումները տարբեր մակարդակներում։ Հեռախոսազրույցի մասին հայկական կողմը դեռ չի հաղորդում: Այսօր՝ ավելի վաղ հեռախոսազրույց են ունեցել նաև Հայաստանի և Ռուսաստանի արտգործնախարարները: Արարատ Միրզոյանն ու Սերգեյ Լավրովը ևս քննարկել են եռակողմ հայտարարություններով ձեռք բերված պայմանավորվածությունների կատարման ընթացքը, ինչպես նաև տարածաշրջանում տիրող անվտանգային իրավիճակը, միջազգային օրակարգի այլ հարցեր:
17:38 - 02 օգոստոսի, 2022
Զախարովան՝ հայ-ադրբեջանական սահմանի դեմարկացիայի, ինչպես նաև խաղաղության պայմանագրի մասին

Զախարովան՝ հայ-ադրբեջանական սահմանի դեմարկացիայի, ինչպես նաև խաղաղության պայմանագրի մասին

Ռուսաստանը շարունակելու է Հայաստանին և Ադրբեջանին աջակցություն ցուցաբերել սահմանների դելիմիտացիայի ու դեմարկացիայի հարցում։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։ «Մենք մեր կողմից միշտ պատրաստ ենք Ռուսաստանի տարածքում ընդունել մեր հայ և ադրբեջանցի ընկերներին։ Համոզված ենք, որ հետխորհրդային տարածքում դելիմիտացիայի ու դեմարկացիայի մասով մեր երկրի եզակի մասնագիտական ​​կարողություններն ու իրավասությունները կարող են էականորեն ամրապնդել հայ-ադրբեջանական սահմանի անվտանգությունը և, ընդհանուր առմամբ, տարածաշրջանու նույնպես»,- ասել է Զախարովան։ Նա նշել է, որ Ռուսաստանն ակտիվ ներդրում ունի հայ-ադրբեջանական խաղաղության պայմանագրի նախապատրաստման գործում։ Զախարովան հիշեցրել է, որ Հայաստանի ու Ադրբեջանի միջև հարաբերությունների կարգավորման հարցով ՌԴ ԱԳ նախարարի հատուկ ներկայացուցիչ Իգոր Խովաևը պարբերական խորհրդակցություններ է անցկացնում կողմերի հետ՝ ընդհանուր կետեր գտնելու՝ հասնելու խաղաղության համաձայնագրի փոխընդունելի հիմնարար սկզբունքներին։ Զախարովայի խոսքով՝ ՌԴ ԱԳՆ-ն ելնում է նրանից, որ «այս կամ այն միջոցառումների անցկացման կոնկրետ ժամկետները որոշելու են Բաքուն ու Երևանը»։
17:24 - 02 օգոստոսի, 2022
Միրզոյանն ու Լավրովը քննարկել են եռակողմ պայմանավորվածությունների կյանքի կոչման ընթացքը

 |armenpress.am|

Միրզոյանն ու Լավրովը քննարկել են եռակողմ պայմանավորվածությունների կյանքի կոչման ընթացքը |armenpress.am|

armenpress.am: Հայաստանի արտաքին գործերի նախարար Արարատ Միրզոյանը օգոստոսի 2-ին հեռախոսազրույց է ունեցել Ռուսաստանի արտգործնախարար Սերգեյ Լավրովի հետ: Այս մասին հայտնում է ՌԴ արտաքին քաղաքական գերատեսչությունը: Հեռախոսազրույցի ընթացքում քննարկվել է 2020 թվականի նոյեմբերի 9-ի, 2021 թվականի հունվարի 11-ի և նոյեմբերի 26-ի բարձր մակարդակի եռակողմ պայմանավորվածությունների իրականացման ընթացքը: Վերահաստատվել է հանձնառությունը համապարփակ և արդյունավետ կերպով կյանքի կոչելու դրանք, մասնավորապես՝ Հարավային Կովկասում տրանսպորտային և տնտեսական կապերի ապաշրջափակման, հայ-ադրբեջանական սահմանի դելիմիտացիայի, Երևանի և Բաքվի միջև հարաբերությունների կարգավորման հարցերում: Երկկողմ հարաբերությունների համատեքստում հատուկ ուշադրություն է հատկացվել ռուս-հայկական կապերի ներկա վիճակին ու հետագա սերտացման հեռանկարներին, այդ թվում և Հայաստանի վարչապետ Նիկոլ Փաշինյանի՝ ապրիլի 19-20-ը ՌԴ կատարած պաշտոնական այցի, ինչպես նաև մայիսի 16-ին ՀԱՊԿ գագաթնաժողովի շրջանակում ձեռք բերված պայմանավորվածությունների իրականացման համատեքստում: Գոհունակությամբ ընդգծվել է Երևանի և Մոսկվայի միջև փոխգործակցության բարձր մակարդակն ընդհանուր եվրասիական ինտեգրացիոն կառույցների շրջանակում: Քննարկվել են առաջիկայում կայանալիք երկկողմ միջոցառումների ծրագրերը:  
16:01 - 02 օգոստոսի, 2022
Օգոստոսի 1-ին ռուսական խաղաղապահների պատասխանատվության գոտում խախտումներ չեն արձանագրվել․ ՌԴ ՊՆ

Օգոստոսի 1-ին ռուսական խաղաղապահների պատասխանատվության գոտում խախտումներ չեն արձանագրվել․ ՌԴ ՊՆ

Ռուսաստանի Դաշնության պաշտպանության նախարարության պաշտոնական կայքում այսօր երեկոյան 20:00-ի մոտակայքում հրապարակվել է հաղորդագրություն՝ օգոստոսի 1-ի դրությամբ Լեռնային Ղարաբաղի հակամարտության գոտում ռուսական խաղաղապահ զորախմբի գործունեության մասին։ Հաղորդագրության մեջ ասված է, որ ռուսական խաղաղապահ զորախումբը շարունակում է իրականացնել առաջադրանքները Լեռնային Ղարաբաղի տարածքում․ «27 դիտակետերում ռուսական խաղաղապահներն իրականացնում են իրավիճակի շուրջօրյա դիտարկում եւ վերահսկում հրադադարի ռեժիմի պահպանումը»,- ասված է հաղորդագրության մեջ՝ նշումով, թե ռուսական խաղաղապահների պատասխանատվության գոտում խախտումներ չեն արձանագրվել։ «Ռուսական խաղաղապահ ստորաբաժանումները 74 ուխտավորների ուղեկցել են Ամարասի եւ Գանձասարի վանքեր։ Մարտակերտի, Մարտունու, Շուշիի շրջաններում չորս երթուղիներով իրականացվել է պարեկություն։ Ապահովվել է Ադրբեջանի զինված ուժերի երկու ավտոշարասյան ուղեկցում, մեկը՝ Մատաղիս-Գետավան-Վանք, մյուսը՝ հակառակ ուղղությամբ։ Ընդհանուր առմամբ 2020թ․ նոյեմբերի 23-ից մինչ օրս չպայթած ականներից ու արկերից մաքրվել է 2441,3 հա տարածք, 689,5 կմ ճանապարհ, 1939 շինություն, հայտնաբերվել եւ վնասազերծվել է 26587 պայթուցիկ առարկա։ Ռուսական խաղաղապահների անվտանգությունն ապահովելու եւ հնարավոր միջադեպերը կանխելու համար անընդմեջ փոխգործակցություն է պահպանվում Ադրբեջանի եւ Հայաստանի զինված ուժերի գլխավոր շտաբների հետ»,- ասված է ՌԴ ՊՆ պաշտոնական հաղորդագրության մեջ։ Նշենք, որ այսօր երեկոյան ժամը վեցին Արցախի նախագահի գրասենյակը հաղորդագրություն տարածեց, որ նախագահ Հարությունյանը ուժային կառույցների պատասխանատուների մասնակցությամբ խորհրդակցություն է հրավիրել, ապա ներկաներին մի շարք անհետաձգելի հանձնարարականներ է տվել: Այս հաղորդագրությունից հետո՝ երեկոյան ժամը ութի շրջանակներում Արցախի պաշտպանության նախարարության մամուլի ծառայությունը հաղորդեց, որ այսօր՝ օգոստոսի 1-ին, ժամը 09:00-ից սկսած, Արցախի Հանրապետության հյուսիսային և հյուսիս-արևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով: Այս հաղորդագրության մեջ ԱՀ ՊՆ-ն այդ ժամին նշել է, որ իրադրությունը շարունակում է մնալ լարված, իսկ կատարվածի մասին հանգամանալից տեղեկատվություն է տրամադրվել ռուսական խաղաղապահ զորակազմի հրամանատարությանը։
23:24 - 01 օգոստոսի, 2022
Անցկացվել են հայ-ռուսական միջգերատեսչական խորհրդակցություններ

Անցկացվել են հայ-ռուսական միջգերատեսչական խորհրդակցություններ

Երևանում օգոստոսի 1-ին  ՀՀ ԱԳ նախարարի տեղակալներ Պարույր Հովհաննիսյանի և Վահե Գևորգյանի ու ՌԴ ԱԳ նախարարի տեղակալ Ալեքսանդր Գրուշկոյի գլխավորությամբ կայացել են եվրոպական տարածաշրջանում  գործող միջազգային կառույցների թեմայով հայ-ռուսական միջգերատեսչական խորհրդակցություններ:  ՀՀ ԱԳ նախարարությունը տեղեկացնում է, որ քննարկվել է միջազգային կառույցների գործունեությանը վերաբերող հարցերի լայն շրջանակ։ Կողմերը կարևորել են փոխադարձ հետաքրքրություն ներկայացնող հարցերի շուրջ հետագա փոխգործակցությունը: Արձանագրվել է դաշնակցային համագործակցությանը համահունչ՝ ԱԳՆ-ների  միջև խորհրդակցություններ անցկացնելու պրակտիկան շարունակելու փոխադարձ պատրաստակամությունը: Խորհրդակցությունների ավարտից հետո ՌԴ ԱԳ նախարարի տեղակալ Ալեքսանդր Գրուշկոյին ընդունել է ՀՀ արտաքին գործերի նախարար Արարատ Միրզոյանը։ Նախարար Միրզոյանը գոհունակություն է հայտնել ավանդական բարեկամական և վստահության մթնոլորտում խորհրդակցությունների հաջող անցկացման կապակցությամբ: Անդրադառնալով Լեռնային Ղարաբաղի հակամարտության խաղաղ կարգավորմանը՝ ՀՀ ԱԳ նախարարն ընդգծել է ԵԱՀԿ Մինսկի խմբի համանախագահության ինստիտուտի ներուժն ու փորձն օգտագործելու կարևորությունը՝ իր միջազգային մանդատին համապատասխան:
18:38 - 01 օգոստոսի, 2022
Տեղի են ունեցել հայ-ռուսական միջգերատեսչական խորհրդակցություններ

Տեղի են ունեցել հայ-ռուսական միջգերատեսչական խորհրդակցություններ

Օգոստոսի 1-ին, Երևանում,  ՀՀ ԱԳ նախարարի տեղակալներ Պարույր Հովհաննիսյանի և Վահե Գևորգյանի ու ՌԴ ԱԳ նախարարի տեղակալ Ալեքսանդր Գրուշկոյի գլխավորությամբ կայացել են եվրոպական տարածաշրջանում գործող միջազգային կառույցների թեմայով հայ-ռուսական միջգերատեսչական խորհրդակցություններ:  Քննարկվել է միջազգային կառույցների գործունեությանը վերաբերող հարցեր։ Կողմերը կարևորել են փոխադարձ հետաքրքրություն ներկայացնող հարցերի շուրջ հետագա փոխգործակցությունը: Արձանագրվել է դաշնակցային համագործակցությանը համահունչ՝ ԱԳՆ-ների միջև խորհրդակցություններ անցկացնելու պրակտիկան շարունակելու փոխադարձ պատրաստակամությունը: Խորհրդակցությունների ավարտից հետո ՌԴ ԱԳ նախարարի տեղակալ Ալեքսանդր Գրուշկոյին ընդունել է ՀՀ արտաքին գործերի նախարար Արարատ Միրզոյանը։  Նախարար Միրզոյանը գոհունակություն է հայտնել ավանդական բարեկամական և վստահության մթնոլորտում խորհրդակցությունների հաջող անցկացման կապակցությամբ: Անդրադառնալով Լեռնային Ղարաբաղի հակամարտության խաղաղ կարգավորմանը՝ ՀՀ ԱԳ նախարարն ընդգծել է ԵԱՀԿ Մինսկի խմբի համանախագահության ինստիտուտի ներուժն ու փորձը օգտագործելու կարևորությունը՝ իր միջազգային մանդատին համապատասխան:
17:53 - 01 օգոստոսի, 2022
Մոսկվան Կոսովոյի շուրջ ստեղծված իրավիճակում միանշանակ աջակցում է Սերբիային․ Պեսկով |1lurer.am|

Մոսկվան Կոսովոյի շուրջ ստեղծված իրավիճակում միանշանակ աջակցում է Սերբիային․ Պեսկով |1lurer.am|

1lurer.am: Չճանաչված Կոսովոյի շուրջ ստեղծված իրավիճակում Ռուսաստանը միանշանակ աջակցում է Սերբիային։ Այդ մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։ Նրա խոսքով՝ Մոսկվան անհիմն է համարում Կոսովոյի իշխանությունների պահանջները սերբերի նկատմամբ, որոնք բնակվում են երկրամասի հյուսիսում։ Կրեմլի խոսնակը կարծիք է հայտնել, որ Կոսովոյի անկախությունը ճանաչած արևմտյան երկրները պետք է Պրիշտինայի իշխանություններին հետ պահեն չմտածված քայլերից։ Պեսկովը նաև հայտարարել է, որ ՀԱՊԿ-ին Սերբիայի անդամակցության հարց օրակարգում չկա։ «Օրակարգում նման հարց չկա։ Սերբիայի հետ մեզ միավորում են դաշնակցային, շատ անկեղծ և խոր հարաբերություններ, և դրանք, անշուշտ, պետք է զարգանան։ Թե ապագայում արդյոք կլինի՞ նման հարց՝ այժմ չեմ կարող ասել»,- հավելել է Պեսկովը։
15:00 - 01 օգոստոսի, 2022
Վերջին օրերի ընթացքում հրադադարի ռեժիմի մեկ խախտում է արձանագրվել Թաղավարդի տարածքում. ՌԴ ՊՆ
 |azatutyun.am|

Վերջին օրերի ընթացքում հրադադարի ռեժիմի մեկ խախտում է արձանագրվել Թաղավարդի տարածքում. ՌԴ ՊՆ |azatutyun.am|

azatutyun.am: Ռուսական խաղաղապահ զորակազմը հաստատում է օրերս ադրբեջանական կողմից Թաղավարդի ուղղությամբ կրակոցների մասին տեղեկությունը: Ռուսաստանի պաշտպանության նախարարությունը տարածած հաղորդագրությունում նշում է, որ վերջին օրերի ընթացքում հրադադարի ռեժիմի մեկ խախտում է արձանագրվել Թաղավարդի տարածքում: Ադրբեջանի զինված ուժերը հրաձգային զինատեսակներից կրակ են բացել Լեռնային Ղարաբաղի զինված ստորաբաժանումների դիրքերի ուղղությամբ, զոհեր ու վիրավորներ չկան։ Ռուսական խաղաղապահ զորախմբի հրամանատարությունը, ըստ հաղորդագրության, ադրբեջանական և հայկական կողմերի ներկայացուցիչների հետ համագործակցությամբ հարթել է միջադեպը։ Հուլիսի 28-ին Արցախի ՆԳՆ-ը հաղորդեց, որ ադրբեջանական կողմից մոտ 20 րոպե տևողությամբ հրաձգային տարբեր զինատեսակներից ինտենսիվ կրակ են վարել Թաղավարդ և Կարմիր Շուկա համայնքների ուղղությամբ: Ադրբեջանի պաշտպանության նախարարությունը հերքել է հաղորդումը՝ այն համարելով «սուտ և իրականությանը չհամապատասխանող»։
18:50 - 30 հուլիսի, 2022
Մոսկվան փոփոխություններ չի տեսնում Արևմուտքի դիրքորոշման մեջ Ուկրաինայի հարցում. Պեսկով
 |1lurer.am|

Մոսկվան փոփոխություններ չի տեսնում Արևմուտքի դիրքորոշման մեջ Ուկրաինայի հարցում. Պեսկով |1lurer.am|

1lurer.am: Արևմուտքի դիրքորոշման և ուկրաինական ճգնաժամի հարցում զիջումների գնալու պատրաստակամության մեջ փոփոխություններ չկան։ Այդ մասին հուլիսի 29-ին հայտնել է ՌԴ նախագահի մամուլի քարտուղար Դմիտրի Պեսկովը։ Ավելի վաղ Ուկրաինայի արտգործնախարար Դմիտրո Կուլեբան հայտարարել էր, որ որոշ արևմտյան գործընկերներ մոտեցող ձմռան հետ կապված Կիևին առաջարկել են Մոսկվայի հետ խաղաղ բանակցություններ սկսել։ Սակայն, ըստ Պեսկովի, այդ հարցում առաջընթաց չկա։ EADaily-ն հաղորդում է, որ ռուս-ուկրաինական բանակցությունները մայիսին դադարեցվել են Կիևի նախաձեռնությամբ։ Ուկրաինական կողմը բազմիցս հայտարարել է, որ Մոսկվայի հետ կբանակցի միայն բոլոր «օկուպացված տարածքների» վերադարձից հետո, ինչը բացառում է դիվանագիտական ​​լուծման ցանկացած հնարավորություն։ Նախօրեին ԱՄՆ պետքարտուղարության խոսնակ Նեդ Փրայսը հայտարարել էր, որ Ռուսաստանի և Ուկրաինայի միջև բանակցությունները ներկայումս անհնարին են։
19:42 - 29 հուլիսի, 2022
Անկարան կարծում է՝ Օդեսայի նավահանգստի հրթիռակոծումը չի անդրադառնա հացահատիկային համաձայնագրի իրականացման վրա
 |factor.am|

Անկարան կարծում է՝ Օդեսայի նավահանգստի հրթիռակոծումը չի անդրադառնա հացահատիկային համաձայնագրի իրականացման վրա |factor.am|

factor.am: Օդեսայի առևտրային նավահանգստի վերջին հրթիռային հարձակումը չի անդրադառնա հացահատիկային համաձայնագրի վրա, որը ստորագրվել է հուլիսի 22-ին Ստամբուլում։ Այս մասին իսպանական El Mundo-ի հետ հարցազրույցում հայտնել է Թուրքիայի նախագահի աշխատակազմի հաղորդակցության բաժնի ղեկավար Ֆահրեթին Ալթունը, գրում է Անադոլու գործակալությունը։   Նա նշել է, որ Օդեսայում տեղի ունեցած պայթյունները չեն վնասել նավահանգստի ենթակառուցվածքը, և նավերը կարող են ամբողջությամբ բեռնվել։  «Անկարան կշարունակի սերտ շփումները ինչպես Ուկրաինայի, այնպես էլ Ռուսաստանի հետ»,- ասել է Ալթունը։  Ուկրաինայի երեք նավահանգիստներից հացահատիկի անվտանգ փոխադրման մասին համաձայնագիրը, որը ստորագրվել է Թուրքիայի ղեկավարի և ՄԱԿ-ի գլխավոր քարտուղարի ներկայությամբ, հնարավորություն է տվել նվազեցնել պարենային ապրանքների գներն աշխարհում։ Անկարան կշարունակի ջանքեր գործադրել տարածաշրջանում խաղաղություն ապահովելու համար»,-նշել է Ալթունը։   ՄԱԿ-ի գլխավոր քարտուղարի մարդասիրական հարցերով տեղակալ Մարտին Գրիֆիթսը հայտարարել էր, որ հնարավոր է՝ այսօր  նավահանգստից շարժվի ուկրաինական հացահատիկով առաջին նավը։
17:02 - 29 հուլիսի, 2022
Ուկրաինան պատրաստ է սկսել հացահատիկի առաքումները. Զելենսկի
 |azatutyun.am|

Ուկրաինան պատրաստ է սկսել հացահատիկի առաքումները. Զելենսկի |azatutyun.am|

azatutyun.am: Վլադիմիր Զելենսկին հայտարարում է՝ Ուկրաինան պատրաստ է սկսել հացահատիկի առաքումները։ «Մենք պատրաստ ենք ուկրաինական հացահատիկի առաքումներին։ Մեզ համար կարևոր է մնալ համաշխարհային պարենային անվտանգության երաշխավոր։ Մինչ ինչ-որ մեկը Սև ծովն արգելափակելով այլ պետություններից կյանքեր է խլում, մենք ապրելու հնարավորություն ենք տալիս», - Օդեսայի նավահանգիստ այցելության ընթացքում հայտարարել է Ուկրաինայի նախագահը: «Հենց թուրքական կողմը և ՄԱԿ-ը ազդանշան տան, որ պատրաստ են ընդունել բեռները, ամեն ինչ կսկսվի։ Կարծում՝ եմ այսօր-վաղը կսկսվի», - ասել է Զելենսկին: Մեկ շաբաթ առաջ Կիևն ու Մոսկվան համաձայնագիր են ստորագրել սևծովյան նավահանգիստներում արգելափակված ուկրաինական հացահատիկի անվտանգ դուրսբերման վերաբերյալ: Գործարքի համաձայն, ուկրաինական հացահատիկն արտահանվելու է Սև ծովով երեք՝ Օդեսայի, Չերնոմորսկի և Յուժնիյ նավահանգիստներից, նավերն անցնելու են նախապես համաձայնեցված անվտանգ միջանցքներով: Նավահանգիստներում հացահատիկի բեռնմանը կհետևեն ՄԱԿ-ի, Թուրքիայի և Ուկրաինայի ներկայացուցիչները։
16:13 - 29 հուլիսի, 2022
ԵԱՀԿ-ն կուսումնասիրի Ռուսաստանում մարդու իրավունքների խախտման դեպքերը

 |factor.am|

ԵԱՀԿ-ն կուսումնասիրի Ռուսաստանում մարդու իրավունքների խախտման դեպքերը |factor.am|

factor.am: Եվրոպայում անվտանգության և համագործակցության կազմակերպության (ԵԱՀԿ) անդամ 57 պետություններից 38-ն աջակցել է փորձագետների հատուկ խմբի ստեղծմանը, որը կուսումնասիրի Ռուսաստանում մարդու իրավունքների խախտման դեպքերը, հինգշաբթի հայտարարել է Ֆրանսիայի ԱԳՆ-ն, գրում է DW-ի ռուսական ծառայությունը։ Որոշումն ընդունվել է «Ռուսաստանում մարդու իրավունքների տագնապալի իրավիճակի կապակցությամբ, որը նշանավորվել է վերջին տարիներին բազմաթիվ սահմանափակող և ռեպրեսիվ միջոցների ներդրմամբ», – նշում է գերատեսչությունը։ Խախտումների հնարավոր դեպքերը հետաքննելու համար ԵԱՀԿ-ն կկիրառի, այսպես կոչված, «Մոսկվայի մեխանիզմը». այս մեթոդի համաձայն՝ կազմակերպությունը կընտրի 45 անկախ փորձագետներից բաղկացած խումբ, որը «կգնահատի Ռուսաստանի կողմից իր պարտավորությունների կատարման վիճակը և կբացահայտի Ռուսաստանի կառավարության կողմից իրականացված գործողությունները, որոնք հանգեցրել են մարդու իրավունքների և հիմնարար ազատությունների ներկայիս իրավիճակին»: Միևնույն ժամանակ, խմբում չպետք է ընդգրկվեն փորձագետներ ինչպես այն երկրից, որի նկատմամբ իրականացվում է վարույթը, այնպես էլ այն երկրներից, որոնք նախաձեռնել են գործընթացը։ 
13:48 - 29 հուլիսի, 2022
Լավրովը ուշադրություն կդարձնի Բլինքենի՝ հեռախոսազրույցի խնդրանքին, «երբ ժամանակը թույլ կտա»․ Զախարովա |azatutyun.am|

Լավրովը ուշադրություն կդարձնի Բլինքենի՝ հեռախոսազրույցի խնդրանքին, «երբ ժամանակը թույլ կտա»․ Զախարովա |azatutyun.am|

azatutyun.am: Ռուսաստանի արտաքին գործերի նախարար Սերգեյ Լավրովն ուշադրություն կհատկացնի հեռախոսազրույցի մասին Միացյալ Նահանգների պետքարտուղար Էնթոնի Բլինքենի խնդրանքին, երբ նրա ժամանակը թույլ կտա, երեկ ասել է ՌԴ ԱԳՆ պաշտոնական ներկայացուցիչ Մարիա Զախարովան։ «Ռուսաստանի արտգործնախարար Սերգեյ Լավրովը ուշադրություն կհատկացնի այդ խնդրանքին, երբ ժամանակը թույլ կտա: Այժմ նա ունի միջազգային շփումների զբաղված գրաֆիկ», - ասել է Զախարովան «Ինտերֆաքս»-ին տված մեկնաբանությունում: ԱՄՆ Պետդեպարտամենտի ներկայացուցիչ Նեդ Փրայսը երեկ ավելի վաղ ասել էր, որ ամերիկյան կողմն աշխատում է Բլինքենի և Լավրովի միջև հեռախոսազրույց կազմակերպելու ուղղությամբ: «Ես նոր տվյալներ չունեմ, թե երբ նրանք կկարողանան խոսել, բայց մենք շարունակում ենք դա քննարկել համապատասխան խողովակներով», - նշել է նա։ Միաժամանակ, Փրայսն ընդգծել է, որ Բլինքենը մտադիր է շոշափել միայն մի շարք թեմաներ, և զրույցը բանակցություն չի լինելու Ուկրաինայի ճգնաժամի վերաբերյալ և չի կարող համարվել նաև ԱՄՆ-ի և Ռուսաստանի միջև փոխգործակցության նորմալացում։ Բլինքենը նախօրեին ասել էր, որ մտադիր է մոտ օրերս զրույց ունենալ Լավրովի հետ։ Նա ակնկալում է, մասնավորապես, քննարկել Ռուսաստանում պահվող ամերիկացիներ Բրիթնի Գրեյների և Փոլ Ուիլանի ճակատագիրը։
11:52 - 29 հուլիսի, 2022