Ուկրաինա

Ուկրաինան  գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

Ուկրաինական պատերազմը կարող է տարիներ տևել․ Ստոլտենբերգ

Ուկրաինական պատերազմը կարող է տարիներ տևել․ Ստոլտենբերգ

Ուկրաինական պատերազմը «կարող է տարիներ տևել», ասել է Հյուսիսատլանտյան դաշինքի գլխավոր քարտուղար Յենս Ստոլտենբերգը, հայտնում է DW-ն։ «Մենք պետք է պատրաստ լինենք նրան, որ այն [պատերազմը] կարող է տարիներ տևել։ Մենք չպետք է թուլացնենք մեր օգնություննն Ուկրաինային, անգամ եթե ծախսերը շատ են ոչ միայն ռազմական օգնության, այլև էներգակիրների և պարենի աճող գների պատճառով», - ասել է նա։ Ստոլտենբերգը վստահություն է հայտնել, որ, եթե Կիևն ավելի ժամանակակից զենք ստանա, կաճի այն բանի հավանականությունը, որը «Ուկրաինան կկարողանա կրկին հետ մղել Պուտինի զորքերը Դոնբասից»։ Ստոլտենբերգն ասել է, որ ՆԱՏՕ-ն շարունակելու է աջակցել Ուկրաինային «նրա ինքնապաշտպանության հարցում», սակայն հակամարտության կողմ չի դառնալու և իր զորքերն Ուկրաինա չի ուղարկելու։ «Մենք ամրապնդել ենք մեր պաշտպանությունը՝ ՆԱՏՕ-ի հրամանատարության տակ գտնվող զինորականների թիվը հասցնելով 40 հազարի։ Մենք ապահովում ենք դաշինքի տարածքի անվտանգությունը ցամաքում, ծովում և օդում։ Սա հստակ ազդակ է Մոսկվային, որ նրա մոտ թյուրըմբռնում չառաջանա պաշտպանվելու մեր պատրաստության մասին», - հավելել է նա։ Նորա Վանյան
18:52 - 19 հունիսի, 2022
«Մեծ յոթնյակի» 2023 թ-ի գագաթնաժողովը պլանավորվում է անցկացնել Ճապոնիայի Հիրոսիմա քաղաքում

«Մեծ յոթնյակի» 2023 թ-ի գագաթնաժողովը պլանավորվում է անցկացնել Ճապոնիայի Հիրոսիմա քաղաքում

Ճապոնիան, որն ընդունելու է «Մեծ յոթնյակի» (G7) 2023 թ-ի գագաթնաժողովը, մտադիր է այն անցկացնել Հիրոսիմա քաղաքում մայիսի երկրորդ կեսին, հայտնում է Kyodo պարբերականը՝ վկայակոչելով կառավարությունում իր աղբյուրները։ Ճապոնիայի կառավարությունը G7-ի երկրներին արդեն հայտնել է գագաթնաժողովը մայիսի վերջին անցկացնելու մտադրության մասին։ Երկիրը կներկայացնի դրա ժամանակացույցը այս տարի հունիսի 26-28-ը Գերմանիայի Էլմաու ամրոցում «Մեծ յոթնյակի» կայանալիք  գագաթնաժողովին։ Ճապոնիայի վարչապետ Ֆումիո Կիսիդան ցանկանում է ցուցադրել ապամիջուկայնացման հարցերում G7-ի առաջնորդների հետ միասին ակտիվ մասնակցություն ունենալու իր վճռականությունը։ Հիրոսիմա քաղաքն աշխարհում առաջինն էր, որը միջուկային ռմբակոծման է ենթարկվել։ Այս քաղաքում գագաթնաժողովն անցկացնելու որոշումը կապված է Ուկրաինայում Ռուսաստանի տևական ներխուժման և վերջինիս կողմից միջուկային զենքի կիրառման սպառնալիքի հետ։ Նորա Վանյան
18:36 - 19 հունիսի, 2022
ՆԱՏՕ-ն Ռուսաստանը կհայտարարի անվտանգության համար սպառնալիք |azatutyun.am|

ՆԱՏՕ-ն Ռուսաստանը կհայտարարի անվտանգության համար սպառնալիք |azatutyun.am|

azatutyun.am: ՆԱՏՕ-ի առաջիկա գագաթնաժողովում Ռուսաստանը կհայտարարվի անվտանգության, խաղաղության և կայունության համար սպառնալիք, հայտարարել է կազմակերպության գլխավոր քարտուղար Յենս Ստոլտենբերգը: Բացի այդ, հավելել է գլխավոր քարտուղարը, նոր ռազմավարական հայեցակարգում նշվելու է նաև Չինաստանը, որի ամրապնդումը «մարտահրավեր է նետում դաշինքի շահերին, արժեքներին և անվտանգությանը»։ Ստոլտենբերգը նաև ընդգծել է, որ ՆԱՏՕ-ն կշարունակի աջակցել Ուկրաինային, սակայն այնտեղ իր զորքերը չի ուղարկի։ Նա վստահություն է հայտնել, որ զենքի մատակարարումների ավելացման հետ մեկտեղ մեծանում է հավանականությունը, որ Ուկրաինան կկարողանա դուրս բերել ռուսական զորքերը Դոնբասից, սակայն հորդորել է պատրաստ լինել, որ հակամարտությունը կձգձգվի տարիներով։ ՆԱՏՕ-ի գագաթնաժողովը նախատեսված է հունիսի վերջին Մադրիդում։ Հետևե՛ք մեզ նաև Telegram-ում։
14:20 - 19 հունիսի, 2022
ԵՄ-ն պատրաստ է աշխատել ՄԱԿ-ի հետ՝ պարենային ճգնաժամը կանխելու համար․ Բորել |news.am|

ԵՄ-ն պատրաստ է աշխատել ՄԱԿ-ի հետ՝ պարենային ճգնաժամը կանխելու համար․ Բորել |news.am|

news.am: ԵՄ դիվանագիտության ղեկավար Ժոզեպ Բորելի կարծիքով՝ ուկրաինական իրադարձությունները «սպառնում են սովի համաշխարհային ալիքով», և ԵՄ-ն պատրաստ է աշխատել ՄԱԿ-ի հետ՝ պարենային աղետը կանխելու համար։ «Ես իմ բոլոր զրուցակիցներին հավաստիացրեցի, որ մենք պատրաստ ենք աշխատել ՄԱԿ-ի և գործընկերների հետ՝ պարենային գլոբալ անվտանգության վրա մեր պատժամիջոցների ցանկացած անցանկալի ազդեցություն կանխելու համար։ Մենք սերտ կապի մեջ ենք ՄԱԿ-ի հետ, որպեսզի լուծենք այնպիսի հարցեր, ինչպիսիք են սակարկումներից խուսափելը և պահանջների չափից ավելի պահպանումը, որոնք կարող են ազդել ռուսական հացահատիկի կամ պարարտանյութի գնումների վրա»,- շաբաթ օրն իր բլոգում գրել է ԵՄ արտաքին գործերի գերագույն ներկայացուցիչը: Նրա խոսքով՝ եվրոպական պատժամիջոցները չեն տարածվում այս արտահանման վրա։ «Մենք պատրաստ ենք այդ հարցերը քննարկել փորձագետների հետ՝ կոնկրետ խոչընդոտները, այդ թվում՝ վճարումների հետ կապված հնարավոր դժվարությունները բացահայտելու և դրանց լուծման ուղղությամբ աշխատելու համար»,- վստահեցրել է Բորելը։ Միաժամանակ նա խոստովանել է, որ նույնիսկ Ուկրաինայում ռուսական օպերացիայից առաջ սովի դեմ գլոբալ պայքարում դիրքերը թուլանում էին։ Բայց ուկրաինական հակամարտությունը, ըստ Բորելի, զգալիորեն սրել է իրավիճակը։ «Սննդամթերքի գները, որոնց վրա արդեն ազդել են համավարակն ու կլիմայի փոփոխությունը, իրականում երբեք այնքան բարձր չեն եղել, որքան այսօր, և շատ փորձագետներ զգուշացնում են, որ վատագույնը դեռ առջևում է»,- ասել է Եվրոպական դիվանագիտության ղեկավարը։ «Մենք պետք է շտապ Ուկրաինային իր հացահատիկը Սև ծովով արտահանելու հնարավորություն տանք»,- գրել է Բորելը։
19:48 - 18 հունիսի, 2022
Ուկրաինան այլևս գոյություն չունի իր նախկին սահմաններով. Զախարովա
 |1lurer.am|

Ուկրաինան այլևս գոյություն չունի իր նախկին սահմաններով. Զախարովա |1lurer.am|

1lurer.am: ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Ուկրաինան այլևս գոյություն չունի իր նախկին սահմաններով, հայտնում է «Ռիա Նովոստին»։ «Ուկրաինան, որը դուք և մենք գիտեինք նախկինում եղած սահմաններով, այլևս գոյություն չունի և չի լինի: Դա ակնհայտ է»,- ասել է դիվանագետը։ Ավելի վաղ Զախարովան քննադատել էր Ուկրաինայի իշխանություններին Դոնեցկի գնդակոծման հարցով Ռուսաստանին մեղադրելու փորձի համար։ Նա նաև նշել է, որ ուկրաինական բանակին զենք մատակարարելու որոշումը Եվրոպայի համար ինքնասպանություն է։ Զախարովան պարզաբանել է, որ Կիևի ռեժիմին զենքի առաքումներն իրականացվում են՝ չհաշվարկելով այդ զենքի հետագա ճակատագիրը։ Մայիսին ԱԳՆ ներկայացուցիչն անդրադարձել էր Լեհաստանի և Ուկրաինայի հարաբերություններին։ «Չի կարելի բացառել, որ Վարշավան, իհարկե, ծրագրեր է մշակում հարևան պետության տարածքում «սողացող» ընդլայնման համար։ Համենայն դեպս, փաստերը դա են վկայում»,- ասել է Զախարովան: Հետևե՛ք մեզ նաև Telegram-ում
15:19 - 18 հունիսի, 2022
Ուկրաինան կարող է դառնալ ԵՄ անդամի թեկնածու․ ի՞նչ է սա նշանակում․ Meduza

Ուկրաինան կարող է դառնալ ԵՄ անդամի թեկնածու․ ի՞նչ է սա նշանակում․ Meduza

Եվրահանձնաժողովը կողմ է արտահայտվել Ուկրաինային Եվրամիության անդամի թեկնածուի կարգավիճակ շնորհելուն։ Եվրամիության երկրները դեռ պետք է քննարկեն կարգավիճակի հարցը եկող շաբաթ։ Երեկ՝ հունիսի 16-ին Ֆրանսիայի նախագահ Էմանուել Մակրոնը Կիև կատարած այցի ընթացքում հայտարարել է, որ Ֆրանսիան, Գերմանիան, Իտալիա և Ռումինիան կողմ են Ուկրաինային ԵՄ անդամակցության թեկնածուի կարգավիճակ շնորհելուն։ Meduza-ն գրում է այն մասին, թե ինչ է նշանակում այս կարգավիճակը, երբ սպասել Ուկրաինայի անդամակցությանը, և թե ինչպես կարձագանքի Ռուսաստանը։ Հոդվածը ներկայացնում ենք կրճատումներով․ Մակրոնի խոսքերից հետո Ուկրաինայի ճանապարհը դեպի Եվրամիություն բա՞ց է Ոչ, ԵՄ անդամակցությանը դեռ շատ կա։ Խոսքը դեռևս միայն թեկնածու պետության կարգավիճակի տրամադրման մասին է։ Ավելին, նույնիսկ այդ հարցում վերջնական որոշում կայացնողը ոչ Մակրոնն է, ոչ էլ Եվրահանձնաժողովը։ Անհրաժեշտ է ԵՄ 27 անդամ երկրների միասնականությունը։ Պատերազմի մեկնարկից անմիջապես հետո Ուկրաինան ԵՄ անդամակցության հայտ է ներկայացրել։ Այնուհետև՝ լրացրել ԵՄ հարցաշարը, դա տևել է բառացիորեն մեկ ամիս։ Սա աննախադեպ արագություն է նման ընթացակարգերի համար։ Օրինակ՝ Բոսնիան ու Հերցեգովինան հարցաշարը լրացրել են մեկ տարուց ավելի։ Եվրահանձնաժողովի «կանաչ լույսից» հետո հունիսի 23-ին կայանալու է ամենակարևոր և լարված ընթացակարգը․ ԵՄ բոլոր երկրները քվեարկելու են Բրյուսելում կայանալիք գագաթնաժողովի ժամանակ։ Որոշումը պետք է միաձայն լինի։ Թեկնածուի կարգավիճակը երաշխավորո՞ւմ է, որ որոշ ժամանակ անց Ուկրաինային կընդունեն ԵՄ Իրականում՝ ոչ։ Այս մասին լավագույնս գիտի Թուրքիան, որը ԵՄ անդամ-երկրի թեկնածու է դարձել դեռևս 1999 թ-ին և մինչ օրս բավականին հեռու է կազմակերպությանն անդամակցելուց։ Ուկրաինային բարեփոխումների մեծ ճանապարհ է սպասվում, որոնցից որոշները կարող են բավականին ցավոտ լինել, քանի որ հարվածելու են երկրում առկա հարաբերությունների համակարգին։ Հյուսիսային Մակեդոնիան թեկնածու է հայտարարվել դեռևս 2005 թ-ին, Չեռնոգորիան՝ 2008-ին, Սերբիան ու Ալբանիան՝ 2009-ին։ Նրանցից ոչ մեկը դեռ ԵՄ անդամ չէ։ Ըստ ամենաիրատեսական գնահատականի՝ թեկնածուի կարգավիճակի վերաբերյալ դրական որոշման դեպքում Ուկրաինայի եվրաինտեգրման համար 10-20 տարի կպահանջվի։ Ֆրանսիայի ԱԳՆ-ն մայիսին հայտարարել էր, որ Ուկրաինայի անդամակցությունը Եվրամիությանը «կտևի 15-20 տարի»։ Այնպիսի տպավորություն է, որ ԵՄ-ն ուզում է պարզապես ազատվել Ուկրաինայից։ Մի՞թե հնարավոր չէր նրան ուղղակի ընդունել կազմակերպություն Ոչ։ Ներկայիս կարգավիճակով Ուկրաինան չի կարող ԵՄ մտնել․ նա պարզապես պատրաստ չէ շատ հստակ չափանիշներով, և եվրոպացի քաղաքական գործիչները բացահայտ խոսում են այդ մասին։ Այլ բան է թեկնածուի կարգավիճակը։ Այս կարգավիճակի շնորհումն Ուկրաինային գրեթե ոչ մի ջանք չի խլելու եվրոպացիներից, սակայն թույլ է տալու Կիևին դրական ազդակ հղել։ Եվ սա առաջընթաց է։ Չէ՞ որ նախկինում նույնսիկ այսպիսի խորհրդանշական ժեստը ԵՄ-ում կոշտ դիմադրության էր արժանանում։ Ռուսաստանի ներխուժումն Ուկրաինա ամեն ինչ փոխել է։ Եթե հինգ տարի առաջ ԵՄ-ին Ուկրաինայի անդամակցությանը կողմ էր եվրոպացիների պակաս, քան 50%-ն, ապա փետրվարի 24-ից հետո այս թիվը հասել է 66%-ի։ Եվրոպացիները նախկինի պես հասկանում են, որ Ուկրաինան պատրաստ չէ անդամակցելու ԵՄ-ին, սակայն հիմա, հավանաբար, պատրաստ են նրան «կանխավճար» տալ՝ թեկնածության տեսքով։ Ապագայում Կիևից կպահանջեն բոլոր անհրաժեշտ բարեփոխումները, սակայն պատերազմական դրությունում կարևոր է աջակցության ցուցաբերումը։ Ո՞ր երկրներն են կողմ և դեմ Ուկրաինային թեկնածուի կարգավիճակ տալուն Վերջին օրերին խոսքը կասկածող երեք երկրների մասին էր, որոնց անունը բացահայտ չէր նշվում։ Սակայն կարելի է ենթադրել, որ դրանք Նիդերլանդները, Դանինան են և Ֆրանսիայի կամ Իտալիայի պես խոշոր մի երկիր։ Դեմ արտահայտվողների շարքում նշվում էր նաև Պորտուգալիան։ Ֆրանսիան ու Իտալիան հաստատ փոխել են իրենց դիրքորոշումը (եթե, իհարկե, նախկինում դեմ էին)։ Ավելի բարդ էր Գերմանիայի հարցը․ կանցլեր Օլաֆ Շոլցը ոչ միանշանակ քաղաքականություն է վարում Ուկրաինային զենքի մատակարարման հարցում։ Ուկրաինայի եվրոպական հեռանկարների առումով նա ձգտում էր խուսափել հստակությունից։ Սակայն Ուկրաինային, ըստ գերմանացի պատգամավոր Յոհաննես Շրապսի, աջակցություն է հայտնել գերմանական խորհրդարանը։ Այն, որ պատգամավորների ձայնը տեղ է հասել, պարզ է դառնում Մակրոնի կիևյան հայտարարությունից հետո․ Գերմանիան քվեարկության ժամանակ կսատարի Կիևին։ Թեկնածուի կարգավիճակի տրամադրման դեմ լուրջ փաստարկ կարող է լինել Բալկանյան երկրների դիրքորոշումը։ Նրանցից շատերը թեկնածուի կարգավիճակ ունեն մեկ տասնամյակից ավելի և այն ստացել են իրենց տարածքում արյունահեղ պատերազմների ավարտից բնավ ոչ անմիջապես հետո։ Այս ուղղությունը ԵՄ համար մինչև վերջերս առաջնահերթություն էր, քաղաքականության ուղղության կտրուկ փոփոխումը կարող է այնտեղ դժգոհություն առաջացնել։  Ի՞նչ է մտածում Մոսկվան Ուկրաինայի անդամակցության հեռանկարների մասին Նախկինում Ռուսաստանն Ուկրաինայի եվրաինտեգրմանը քիչ թե շատ չեզոք էր նայում։ Համենայնդեպս, շատ ավելի մեղմ, քան ՆԱՏՕ-ին անդամակցությանը (որը ներխուժման առիթներից մեկն էր)։ Մարտին ռուսական պատվիրակության ներկայացուցիչները Կիևի հետ բանակցությունների ընթացքում ասել էին, որ Ռուսաստանը դեմ չի լինի երկրի անդամակցությանը ԵՄ-ին։ Սակայն մայիսին՝ Ուկրաինային զենքի մատակարարման և պատժամիջոցների խստացման ֆոնին, Ռուսաստանի դիրքորոշումը փոխվեց՝ դատելով դիվանագետների կտրուկ հայտարարություններից։ Այսպես, ՄԱԿ-ում Ռուսաստանի մշտական ներկայացուցչի տեղակալ Դմիտրի Պոլյանսկին հայտարարել է, որ Ռուսաստանն այլևս տարբերություն չի տեսնում Եվրամիությանը, թե ՆԱՏՕ-ին Ուկրաինայի անդամակցության միջև։ Իսկ ՌԴ արտգործնախարար Սերգեյ Լավրովը հայտարարել է, որ ԵՄ-ն կառուցողական տնտեսական հարթակից «վերածվել է ագրեսիվ, ռազմատենչ խաղացողի, որն արդեն հայտարարում է իր նկրտումների մասին Եվրոպական աշխարհամասի սահմաններից դուրս»։  Հաշվի առնելով, որ Մոսկվան հակված է փոխելու իր հռետորաբանությունն ու հայտարարված նպատակները՝ դժվար է ասել, թե թեկնածուի կարգավիճակ ստանալն ինչպես կանդրադառնա ռազմական գործողությունների և դիվանագիտական բանակցությունների ընթացքի վրա»։Նորա Վանյան Հետևե՛ք մեզ նաև Telegram-ում
10:02 - 18 հունիսի, 2022
Զելենսկին ողջունել է Ուկրաինային ԵՄ անդամակցության թեկնածուի կարգավիճակ տրամադրելու ԵՀ-ի որոշումը |1lurer.am|

Զելենսկին ողջունել է Ուկրաինային ԵՄ անդամակցության թեկնածուի կարգավիճակ տրամադրելու ԵՀ-ի որոշումը |1lurer.am|

1lurer.am: Ուկրաինայի նախագահ Վոլոդիմիր Զելենսկին գոհ է Եվրահանձնաժողովի մոտեցումից՝ Ուկրաինային տրամադրել ԵՄ անդամակցության թեկնածուի կարգավիճակ: Նա շնորհակալություն է հայտնել եվրոպական այդ կառույցի ղեկավար Ուրսուլա ֆոն դեր Լայենին և մյուս ներկայացուցիչներին, որոշումն անվանել է պատմական: Կիևի՝ թեկնածուի կարգավիճակ տրամադրելու հարցը դեռ պետք է միաձայն հաստատվի Եվրամիությունում: Կան ենթադրություններ, որ այն կհաստատվի: Դա են վկայում Ֆրանսիայի, Գերմանիայի և Իտալիայի ղեկավարների աջակցող հայտարարությունները: Եվրամիությունը պատրաստ է Ուկրաինային տրամադրել ԵՄ-ի թեկնածուի կարգավիճակ, քանի որ այժմ այդ երկրի տարածքում ռազմական գործողություններ են ընթանում՝ հայտարարել է Ֆրանսիայի նախագահ Էմանուել Մակրոնը։ «Ուկրաինան չէր կարող դառնալ ԵՄ անդամության թեկնածու: Բայց մենք դա անում ենք, քանի որ այնտեղ պատերազմ է ընթանում»,- նրա խոսքերը մեջբերում է BFMTV-ն: Մակրոնը նշել է, որ Կիևը պետք է երկար ճանապարհ անցնի Եվրամիության լիարժեք անդամ դառնալու համար։ Ուրսուլա ֆոն դեր Լայենն էլ ընդգծել է, որ ամբողջ գործընթացը կիրականացվի՝ «խստորեն հետևելով հրահանգներին»։ Այսօրվա հայտարարությանը կցված են որոշակի պայմաններ՝ մասնավորապես, հետագա իրավական և հակակոռուպցիոն բարեփոխումների անհրաժեշտությունը։
19:21 - 17 հունիսի, 2022
Ուկրաինան հուլիսի 1-ից վիզային ռեժիմ է սահմանում Ռուսաստանի քաղաքացիների համար
 |news.am|

Ուկրաինան հուլիսի 1-ից վիզային ռեժիմ է սահմանում Ռուսաստանի քաղաքացիների համար |news.am|

news.am: Ուկրաինան հուլիսի 1-ից վիզային ռեժիմ է սահմանում Ռուսաստանի Դաշնության քաղաքացիների մուտքի համար։ Այս մասին Telegram-ի իր ալիքում հայտնել է Ուկրաինայի նախագահ Վլադիմիր Զելենսկին։ Մեր պետության ազգային անվտանգությանը, ինքնիշխանությանը եւ տարածքային ամբողջականությանը սպառնացող աննախադեպ սպառնալիքներին դիմակայելու շրջանակներում նախարարների կաբինետին առաջարկել եմ մշակել Ուկրաինայի տարածք Ռուսաստանի քաղաքացիների մուտքի ռեժիմի վերանայման հարցը, ընդգծել է երկրի ղեկավարը։ Նրա խոսքով, այսօր կառավարությունը պետք է ընդունի այդ կարեւոր որոշումը՝ «Ուկրաինայի կառավարության եւ Ռուսաստանի Դաշնության կառավարության միջեւ Ուկրաինայի եւ Ռուսաստանի Դաշնության քաղաքացիների համար առանց վիզայի ռեժիմի մասին համաձայնագրի եւ Ուկրաինայի ու Ռուսաստանի Դաշնության միջեւ որոշակի միջազգային պայմանագրեր դադարեցման մասին» որոշումը: Նախարարների կաբինետի ծրագրված որոշման կապակցությամբ Ուկրաինան 2022 թվականի հուլիսի 1-ից մուտքի վիզային ռեժիմ կսահմանի Ռուսաստանի Դաշնության քաղաքացիների համար, ընդգծել է Զելենսկին։   Հետևե՛ք մեզ նաև Telegram-ում
16:54 - 17 հունիսի, 2022
Ուկրաինան զրկվեց «Եվրատեսիլ 2023» մրցույթն անցկացնելու իրավունքից
 |azatutyun.am|

Ուկրաինան զրկվեց «Եվրատեսիլ 2023» մրցույթն անցկացնելու իրավունքից |azatutyun.am|

azatutyun.am: «Եվրատեսիլ 2023» մրցույթը Ուկրաինայի տարածքում անցկացվել չի կարող՝ այդ երկրում ընթացող ռազմական գործողությունների պատճառով, այսօր նման հայտարարությամբ է հանդես եկել երաժշտական մրցույթի կազմակերպիչ հանդիսացող Հեռարձակողների եվրոպական միությունը (EBU)։ Կառույցը նաև նշել է, որ այս պահին բանակցություններ են ընթանում Մեծ Բրիտանիայի հետ՝ հաջորդ տարվա «Եվրատեսիլն» այդ երկրի տարածքում անցկացնելու հնարավորությունները քննարկելու նպատակով։ «Խոր ցավով պետք է արձանագրենք, որ համակողմանի վերլուծությունից հետո եկել ենք եզրակացության, որ, հաշվի առնելով ստեղծված իրավիճակը, մրցույթի անցկացումը [Ուկրաինայում] առկա կանոնների համապատասխան անհնարին է», - նշված է Հեռարձակողների եվրոպական միության հայտարարության մեջ։ Ուկրաինան «Եվրատեսիլ 2023» անցկացնելու իրավունք էր ստացել այս տարվա մայիսին՝ Թուրինում կայացած մրցույթից հետո, որի ընթացքում հաղթող էր ճանաչվել Kalush Orchestra ուկրաինական խումբը։
16:16 - 17 հունիսի, 2022
Եվրահանձնաժողովը սատարել է Ուկրաինային ԵՄ անդամակցության թեկնածուի կարգավիճակի տրամադրումը

Եվրահանձնաժողովը սատարել է Ուկրաինային ԵՄ անդամակցության թեկնածուի կարգավիճակի տրամադրումը

Եվրամիության գործադիր մարմինը՝ Եվրահանձնաժողովը, սատարել է Ուկրաինային անդամակցության թեկնածուի կարգավիճակի շնորհումը, գրում է AP-ն։ Սա առաջին քայլն է անդամակցության երկար ճանապարհին։ Հանձնաժողովի այս հորդորը Եվրամիության 27 երկրների առաջնորդները կքննարկեն հաջորդ շաբաթ Բրյուսելում։ Անդամակցության շուրջ բանակցությունների մեկնարկի համար պահանջվում է ԵՄ բոլոր անդամ պետությունների համաձայնությունը։ «Ուկրաինան հստակ ցույց է տվել եվրոպական արժեքներին և չափանիշներին համապատասխանելու ձգտումն ու վճռականությունը», - Եվրահանձնաժողովի նախագահ Ուրսուլա ֆոն դեր Լյայենի խոսքերն է մեջբերում Reuters-ը։ Ուկրաինան ԵՄ անդամակցության հայտ էր ներկայացրել այն բանից չորս օր անց, երբ ռուսական զորքերը հատել էին նրա սահմանը փետրվարին։ Չորս օր անց հայտ էին ներկայացրել նաև Մոլդովան ու Վրաստանը։ Եվրահաձնաժողովը հորդորել է թեկնածուի կարգավիճակ տրամադրել նաև Մոլդովային, իսկ Վրաստանին մերժել է՝ նշելով, որ նա մի շարք պահանջներ պետք է կատարի։ Բարձրաստիճան դիվանագետների մեկի խոսքով՝ պատճառը Վրաստանում բարեփոխումների անցկացման ձախողումն է։   Նորա Վանյան
15:59 - 17 հունիսի, 2022
Մակրոնի, Շոլցի և Դրագիի պատմական այցը Կիև․ Politico

Մակրոնի, Շոլցի և Դրագիի պատմական այցը Կիև․ Politico

Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցն ու Իտալիայի վարչապետ Մարիո Դրագին օրերս Կիև են ժամանել Ռուսաստանի կողմից Ուկրաինա ներխուժումից հետո առաջին անգամ։ Politico-ն այս այցը «պատմական» է անվանում և մանրամասներ ներկայացնում։ Հոդվածը հրապարակում ենք կրճատումներով․ «Առաջնորդները գիշերը գնացքով Կիև են ուղևորվել, որտեղ նրանց «դիմավորել է» օդային տագնապի ազդանշանը՝ շարունակվող ռուսական ներխուժման ֆոնին։ Նրանք Ուկրաինայի սահմանը հատել են Լեհաստանի կողմից։ «Մենք պատրաստվում ենք հանդիպել նախագահ Զելենսկուն և այցելել ռազմական գործողությունների վայր, որտեղ զանգվածային սպանություններ են տեղի ունեցել, այնուհետև պլանավորված շփումներ ենք ունենալու նախագահ Զելենսկու հետ», - լրագրողներին ասել էր Մակրոնը Կիևի երկաթուղային կայրանում։ Այս այցը «եվրոպական միասնության և աջակցության ուղերձն է ուկրաինացիներին», հավելել էր Ֆրանսիայի նախագահը։ Եվրոպացի առաջնորդներն այցելել են Կիևից դեպի հյուսիս-արևմուտք տեղակայված Իրպեն քաղաք, որտեղ ռուսաստանցի զավթիչներն ավերել են շենքեր և ենթադրաբար խոշտանգել և սպանել են խաղաղ բնակիչներին շաբաթներ տևած օկուպացիայի ընթացքում՝ նախքան այն պահը, երբ ուկրաինական  ուժերը նրանց դուրս են մղել այդ տարածքից։ Երկրների առաջնորդները քաղաքի վերականգնման հարցերը քննարկել են Ուկրաինայի տարածքային զարգացման նախարար Ալեքսեյ Չեռնիշովի հետ։ «Մենք ամեն ինչ կվերականգնենք», - ասել է Դրագին մամուլի ներկայացուցիչներին։ Մակրոնն Իրպենում ասել է․ «Սա միաժամանակ հերոսական քաղաք է, որովհետև հենց այստեղ, ի թիվս այլ վայրերի, ուկրաինացիները կանգնեցրել են Կիևը գրոհող ռուսական բանակը»։ Շոլցը հավելել է, որ Իրպենը «ռուսական ագրեսիվ պատերազմի դաժանության օրինակն է, որը պարզապես ուղղված է ոչնչացմանը և զավթմանը»։ Ֆրանսիացի դիվանագետներից մեկը լրագրողներին հայտարարել է, որ պատերազմի ավարտից հետո Մոսկվայի և Կիևի միջև «անհրաժեշտ է երկխոսություն՝ պարզելու համար, թե ինչպես ենք կառուցելու կայուն խաղաղություն»՝ Ուկրաինայի անվտանգության երաշխիքներով և Ուկրաինա-ՆԱՏՕ հարաբերությունների բնույթի որոշմամբ։ Նա հավելել է․ «Զելենսկին պետք է որոշի, թե ինչն է իր համար ռազմական հաղթանակ համարվելու․․․ մենք կողմ ենք լիակատար հաղթանակին և [Ուկրաինայի] տարածքային ամբողջականության վերականգնմանը, ներառյալ այն տարածքները, որոնք գրավել են ռուսաստանցիները, այդ թվում՝ Ղրիմը»։ Եվրամիության երեք առաջատար երկրների առաջնորդների համատեղ այցը կարևոր խորհրդանշական կշիռ ունի, հատկապես՝ հաջորդ շաբաթ ԵՄ առաջնորդների կայանալիք հանդիպման նախաշեմին, որի ընթացքում նրանք որոշելու են Ուկրաինային անդամակցության թեկնածուի կարգավիճակ շնորհելու հարցը։ Թե ինչ կասեն այս հարցի մասին Մակրոնը, Շոլցն ու Դրագին, դեռևս հայտնի չէ։ «Թեկնածուի կարգավիճակի վերաբերյալ փոխհամաձայնություն չկա, թեկնածուի կարգավիճակ չշնորհելու շուրջ նույնպես փոխհամաձայնություն չկա։ Բայց, կարծես, երրորդ տարբերակի շուրջ կա՝ թեկնածուի կարգավիճակ՝ որոշակի պայմաններով», - ասել է թեմային լավատեղյալ դիվանագետներից մեկը։ Ռումինիայի նախագահ Կլաուս Յոհաննիսը միացել էր երեք երկրների առաջնորդներին արդեն Կիևում»։   Նորա Վանյան  
14:56 - 17 հունիսի, 2022
Զելենսկի․ «Եվրոպացի առաջնորդների այցը Կիև պատմական իրադարձություն էր»
 |azatutyun.am|

Զելենսկի․ «Եվրոպացի առաջնորդների այցը Կիև պատմական իրադարձություն էր» |azatutyun.am|

azatutyun.am: Ուկրաինայի նախագահ Վլադիմիր Զելենսկու համոզմամբ՝ Ֆրանսիայի, Գերմանիայի և Իտալիայի ղեկավարների համատեղ այցը Ուկրաինա, ինչպես նաև Ռումինիայի նախագահի ժամանումը Կիև պատմական իրադարձություններ էին։ Ուկրաինայի ղեկավարն այս մասին հայտարարել է իր ամենօրյա կեսգիշերային ուղերձում՝ նշելով, որ Եվրամիության առաջատար պետությունները կողմ են Կիևին դաշինքի անդամակցության թեկնածուի պաշտոնական կարգավիճակի շնորհմանը։ «Ուկրաինան զգաց եվրոպական չորս ազդեցիկ պետությունների աջակցությունը՝ մասնավորաբար Եվրամիությանն անդամակցելու հարցում։ Բոլոր չորս առաջնորդներն էլ՝ պարոնայք Դրագին, Յոհաննիսը, Մակրոնը և Շոլցը, աջակցում են Ուկրաինային ԵՄ անդամակցության թեկնածուի կարգավիճակ շնորհելուն։ Բնականաբար, բոլոր անհրաժեշտ ընթացակարգերը պետք է պահպանվեն, սակայն մեր այսօրվա հանդիպումը մի մեծ քայլ էր առաջ», - նշում էր Զելենսկին։ «Ինձ համար շատ կարևոր էր նաև մեկ այլ հիմնարար հայտարարություն, որ հնչեց այսօրվա հանդիպման ընթացքում։ Եվրոպացի առաջնորդները համակարծիք են, որ պատերազմի ավարտն ու խաղաղությունը պետք է համապատասխանեն Ուկրաինայի պատկերացումներին», - նաև ասել է Ուկրաինայի նախագահը։   Հետևե՛ք մեզ նաև Telegram-ում
14:00 - 17 հունիսի, 2022