Նաիրա Զոհրաբյան

«Բարգավաճ Հայաստան» կուսակցության ցուցակով ընտրված ԱԺ յոթերորդ գումարման պատգամավոր։ 1982 թ.  գերազանցությամբ ավարտել է Երևանի թիվ 21 միջնակարգ դպրոցը 1982-1987  սովորել և գերազանցությամբ ավարտել է Երևանի Գեղարվեստա-թատերական ինստիտուտի թատերագիտության բաժինը։ Ավարտել է միջազգային ժուռնալիստիկայի երկամյա դասընթացներ։ Մասնագիտական վերապատրաստում է անցել է Մոսկվայի Թատերական Արվեստի պետական ինստիտուտում, Մոսկվայի Կինոյի միութենական պետական ինստիտուտում, Մոսկվայի առաջատար թատրոններում։

1992-1999 «Ար», «Առավոտ», «Հայոց աշխարհ», «Հայք» թերթերի լրագրող։ 1999-2006  «Հայկական ժամանակ» օրաթերթի քաղաքական մեկնաբան։ 2007-ին «Կենտրոն» հեռուստաընկերության «Վերելք» քաղաքական հաղորդաշարի հեղինակ-վարող։ 2007 թ. մայիսի 12-ին ընտրվել է ՀՀ Ազգային ժողովի 4-րդ գումարման պատգամավոր «Բարգավաճ Հայաստան» կուսակցության համամասնական ընտրացուցակով։ 19.06.2007-08.06.2009 թթ. - Ազգային ժողովի գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահի տեղակալ։

16.06.2008-15.09.2009 թթ. - 2008 թվականի մարտի 1-2 Երևան քաղաքում տեղի ունեցած իրադարձությունների և դրանց պատճառների ուսումնասիրության Ազգային ժողովի ժամանակավոր հանձնաժողովի անդամ։ 2009 թ. հունիսի 8-ին ընտրվել է Ազգային ժողովի եվրոպական ինտեգրման հարցերի մշտական հանձնաժողովի նախագահ[1]։ 2012 թ. մայիսի 6-ին ընտրվել է ՀՀ Ազգային ժողովի 5-րդ գումարման պատգամավոր «Բարգավաճ Հայաստան» կուսակցության համամասնական ընտրացուցակով։ 2012 թ. մայիսի 31-ին վերընտրվել է Ազգային ժողովի եվրոպական ինտեգրման հարցերի մշտական հանձնաժողովի նախագահ։ 2012 թ. մայիսի 31-ին ընտրվել է ՀՀ Ազգային ժողովի «Բարգավաճ Հայաստան» խմբակցության քարտուղար։ 2015 թ. մարտի 5-ին ընտրվել է «Բարգավաճ Հայաստան» կուսակցության նախագահ։

2017թ. մայիսի 18-ին ընտրվել է Ազգային ժողովի եվրոպական ինտեգրման հարցերի մշտական հանձնաժողովի նախագահ: 2018թ․ դեկտեմբերի 9-ին ընտրվել է ՀՀ ԱԺ պատգամավոր ԲՀԿ վարկանիշային ցուցակով Սյունիքի մարզից։ Դեկտեմբերի 29-ին հեռացվել է ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնից։


Ինչո՞ւ է պահպանվում ռազմական դրությունը, երբ իշխանությունը ռազմագերիների խնդրով զբաղվում է «գալչկայի» համար․ Նաիրա Զոհրաբյան |tert.am|

Ինչո՞ւ է պահպանվում ռազմական դրությունը, երբ իշխանությունը ռազմագերիների խնդրով զբաղվում է «գալչկայի» համար․ Նաիրա Զոհրաբյան |tert.am|

tert.am: Ինչ-որ մեկը կարո՞ղ է ասել՝ ինչու է առ այս պահը ՀՀ-ում պահպանվում ռազմական դրությունը, ինչու ռազմական դրությունը չի հանվում․ ի վերջո, Ադրբեջանն ինչ ուզում , անում է։ Այս հարցն ԱԺ հայտարարությունների ժամին հնչեցրեց «Բարգավաճ Հայաստան» խմբակցության պատգամավոր Նաիրա Զոհրաբյանը։«Ադրբեջանցի զինվորականները GPS-ը գրկած Սյունիքը ոնց ուզում, ձևում են, գնացեք Ներքին Խնձորեսկ, ոնց ուզում, քանի մետր, քանի կիլոմետր, աջ-ձախ, հյուսիս-հարավ, գալիս են, նույնը Կապանի հարակից բնակավայրերում։ Ինչո՞ւ է պահպանվում ռազմական դրությունը, երբ այս իշխանությունը ռազմագերիների խնդրով, անհետ կորածների խնդրով, զբաղվում է ընդամենը «գալչկայի» համար»,- հայտարարեց պատգամավորը։Նա նշեց, թե ռազմագերիների ծնողներից շատերը, հավատալով այն տեղեկությանը, որ իրենց որդիներն Արցախի հարավային հատվածից անցել են Իրան, անցել են Իրանի հատված․ «Մի քանի ծնողներ գնացել են Իրան, Թավրիզ, հանդիպել են մեր սրբազանի հետ և փորձել են կառչել գոնե այդ վերջին հույսից»,- ասաց նա՝ նշելով, թե զրուցել է Իրանում ՀՀ դեսպան Արտաշես Թումանյանի հետ, քանի որ ծնողները դիմել են Զոհրաբյանին, խնդրել հասկանալ՝ զինծառայողների՝ Իրան անցնելու մասին տեղեկությունը համապատասխանու՞մ է իրականությանը։ «ՀՀ յուրաքանչյուր քաղաքացի այս իշխանության փոխարեն կատարում է այս իշխանության պարտականությունները»,-նշեց նա։  
17:37 - 09 փետրվարի, 2021
«ԶԼՄ մասին» օրենքում փոփոխությունների հարցով դիմել եմ Վենետիկի հանձնաժողովի նախագահին. Նաիրա Զոհրաբյան

«ԶԼՄ մասին» օրենքում փոփոխությունների հարցով դիմել եմ Վենետիկի հանձնաժողովի նախագահին. Նաիրա Զոհրաբյան

Հենց այսօր դիմել եմ Վենետիկի հանձնաժողովի նախագահ Ջիանի Բուքիքյոյին ու իմ գործընկեր լրատվամիջոցների հետ պատրաստ եմ հնարավոր բոլոր գործիքներով պայքարել Նիկոլի վախերի դեմ։ Այս մասին ֆեյսբուքյան իր էջում գրել է ԱԺ «Բարգավաճ Հայաստան» խմբակցության  պատգամավոր Նաիրա Զոհրաբյանը՝ անդրադառնալով «Իմ քայլը» խմբակցության մի խումբ պատգամավորների առաջարկությանը, ըստ որի՝ հարկավոր է փոփոխություններ կատարել «Զանգվածային լրատվության մասին» օրենքում՝ անանուն աղբյուրներին հղում անելն արգելելու նպատակով: «Նիկոլ Փաշինյանի վախերը Նիկոլ Փաշինյանի լրագրողական եւ պատգամավորական գործունեության ալֆան եւ օմեգան «օդում կախված լուրերն» էին։ Ըստ օդում կախված լուրերի՝ նա մարդկանց մեղադրում էր սպանությունների, թալանի, կոռուպցիայի, մարդ առեւագնելու եւ մարդ խոշտանգելու մեջ։ Ըստ օդում կախված լուրերի` նա մարդու անձնական կյանքը գցում էր հանրության բերանն ու ասում էր՝ ծամեք»,- գրել է Զոհրաբյանը և հավելել, որ հիմա, Նիկոլ Փաշինյանը ԶԼՄ մասին օրենքով ուզում է Հայաստանում ազատ խոսքը եւս ձեւել իր ճաշակով, որպեսզի «ազատ խոսք» համարվի, իր խոսքով՝ «բացառապես իր ՊՈԱԿ-ի երկնած ֆեյքաաղբը»: «Եւ այսպես՝ այն, ինչ անելու է Նիկոլ Փաշինյանը՝ հակասահմանադրական է. Որովհետեւ 100-ից ավել երկրների օրենսդրությամբ անանուն աղբյուրին հղում անելը պաշտպանված է հենց Սահմանադրությամբ։ Որովհետեւ լրագրողական աղբյուրների պաշտպանությանը անդրադարձ կատարել են ոչ միայն ներպետական օրենսդրությունները, այլ նաև միջազգային ամենատարբեր կառույցներ, օրինակ՝ Եվրոպայի Խորհրդի խորհրդարանական վեհաժողովն ու Եվրոպայի Խորհրդի նախարարների կոմիտեն, անանուն աղբյուրների բացահայտման հետ կապված բազմաթիվ որոշումներ ունի Մարդու իրավունքների եվրոպական դատարանը, օրինակ՝ «Financial Times»-ն ընդդեմ Միացյալ Թագավորության, «Goodwin»-ն ընդդեմ Միացյալ Թագավորության, որտեղ հստակ նշվում է, որ լրագրողական աղբյուրները պետք է պաշտպանվեն, լրագրողական աղբյուրները հենց անանուն լինելու համար են եւ լրագրողն իրավունք ունի չմատնանշել լրագրողական աղբյուրը։ Որովհետեւ ըստ միջազգային իրավունքի` անանունությունը ևս մարդու իրավունք է եւ լրատվամիջոցը պարտականություն չունի իր լրատվական աղբյուրները բացահայտելու։ Եւ վերջին «Որովհետեւը». Նիկոլը հերթական հակասահմանադրական շարժումներն անում է բացառապես որոշ «Տելեգրամ» ալիքների տրամադրած տեղեկությունների տարածումը լրատվամիջոցներով կանխելու համար։ Հենց այսօր դիմել եմ Վենետիկի հանձնաժողովի նախագահ Ջիանի Բուքիքյոյին ու իմ գործընկեր լրատվամիջոցների հետ պատրաստ եմ հնարավոր բոլոր գործիքներով պայքարել Նիկոլի վախերի դեմ»,- գրել է Զոհրաբյանը։
10:11 - 04 փետրվարի, 2021
Եթե Շուշին մնար մերը, ապա որեւէ անվտանգության երաշխիքի դեպքում մեկ ադրբեջանցի անգամ Շուշի չէր վերադառնա․ Նաիրա Զոհրաբյան

Եթե Շուշին մնար մերը, ապա որեւէ անվտանգության երաշխիքի դեպքում մեկ ադրբեջանցի անգամ Շուշի չէր վերադառնա․ Նաիրա Զոհրաբյան

ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը ֆեյսբուքյան իր էջում անդրադարձել է Շուշիի հայկականության մասին Նիկոլ Փաշինյանի այսօրվա պարզաբանմանը։ Գրառումը ներկայացնում ենք ստորև․ «Եթե Նիկոլ Փաշինյանը ընդուներ Վլադիմիր Պուտինի առաջարկն ու հոկտեմբերի 19-ին կանգնեցներ պատերազմը, ինչին, ի դեպ, համաձայնել էր Ալիեւը, ապա Շուշին կմնար հայկական վերահսկողության տակ, զոհերի թիվը չէր լինի այսքան աղետալի, որովհետեւ ըստ պաշտոնական թվերի, հոկտեմբերի 19-ի դրությամբ մենք ունեինք 729 զոհ, Արցախի տարածքի զգալի մասը չէինք կորցնի, որովհետեւ հոկտեմբերի 19-ի դրությամբ թուրքը գրավել էր Արցախի հարավից դեռ որոշակի հատվածներ միայն։ Եթե Նիկոլը ընդուներ Պուտինի առաջարկն ու պատերազմը կանգներ՝ հազարավոր պայծառ տղաներ այսօր ողջ կլինեին։ Իսկ Շուշի ադրբեջանցի փախստականների հնարավոր վերադարձը, որով Նիկոլը հիմա փորձում է արդարացնել Շուշիի հանձնումը, ընդամենը գավառական բլեֆ է։ Եթե Շուշին մնար մերը, ապա որեւէ անվտանգության երաշխիքի դեպքում մեկ ադրբեջանցի անգամ Շուշի չէր վերադառնա։ Դա նույնն է, որ հիմա Ալիեւը հայտարարի, թե տալիս է անվտանգության երաշխիքներ եւ Շուշիի հայ բնակչությունը կարող է վերադառնալ թուրքի վերահսկողության տակ գտնվող քաղաք։ Մեկ հայ անգամ չի վերադառնա։ Ու դա փաստ է։ Փաստ է նաեւ, որ հոկտեմբերի 19-ին պատերազմը կարող էր կանգնել եւ մեկ մարդ դա թույլ չտվեց։ Ու այդ մեկ մարդու անունը Նիկոլ է։ Ի դեպ, օրերս Շուշիի քաղաքապետը հայտարարեց, որ 2008 թվականից Շուշիի բնակֆոնդը սպառված է եղել և որևէ ադրբեջանցի, անգամ տեխնիկապես, չէր կարող վերադառնալ Շուշի»:
12:31 - 30 հունվարի, 2021
Զոհրաբյանը Եվրոպայի Խորհրդին կոչ է արել անել առավելագույնը հայ գերիներին հայրենիք վերադարձնելու համար

Զոհրաբյանը Եվրոպայի Խորհրդին կոչ է արել անել առավելագույնը հայ գերիներին հայրենիք վերադարձնելու համար

Ազգային ժողովի ԲՀԿ խմբակցության անդամ Նաիրա Զոհրաբյանը, որը ԵԽԽՎ հայաստանյան պատվիրակության անդամ է, ելույթ է ունեցել ԵԽԽՎ ձմեռային նստաշրջանի նիստում։ Ստորեւ՝ պատգամավորի ելույթի տեքստը։ «Այսօր ես չեմ խոսելու արցախյան վերջին պատերազմում հայկական կողմի պարտության մասին։ Դա մենք քննարկելու ենք մեր երկրում եւ բոլոր մեղավորների դատավճիռները հնչելու են մեր երկրում։ Այսօր ես խոսելու եմ հումանիտար այն ճգնաժամի մասին, որն արդյունք էր Ադրբեջանի հրահրած նախադեպը չունեցող պատերազմի։ Ադրբեջանը, ՆԱՏՕ-ի ամենախոշոր բանակներից մեկն ունեցող Թուրքիայի անմիջական մասնակցությամբ եւ միջազգային ահաբեկչական խմբավորումների ներգավմամբ սեպտեմբերի  27-ին սկսեց  պատերազմ, որն աննախադեպ էր միազգային բոլոր կոնվենցիաներով արգելված զինատեսակների օգտագործմամբ, քաղաքացիական բնակավայրերի,  ենթակառուցվածքների եւ մշակութային օբյեկտների հստակ թիրախավորմամբ, քիմիական զենքի օգտագործմամբ, աննախադեպ էր ռազմագերիների հանդեպ անմարդկային դաժանությամբ։ Ես կարող եմ հիմա, հենց այս պահին ձեզ ցուցադրել կադրեր, որոնք վերցված են հենց ադրբեջանական մեդիա ռեսուրսներից, թե ինչպիսի  կտտանքների եւ նվաստացումների են ենթարկում մեր գերեվարված զինվորներին, բայց ես ձեր հանդեպ այդքան դաժան չեմ լինի եւ կխնայեմ ձեզ։ Սակայն, ես հարց ունեմ ձեզ, հարգելի գործընկերներ, ձեզանից որեւէ մեկը փորձե՞լ է իրեն պատկերացնել այն զինվորի ծնողի փոխարեն, ում որդուն գլխատում են թուրք-ադրբեջանական ահաբեկիչներն ու գլխատված որդու նկարն ուղարկում մերձավորներին։ Ադրբեջանի սանձազերծած պատերազմի արդյունքում մի քանի տասնյակ արցախահայեր տեղահանվեցին իրենց բնակավայրերից, եւ ի՞նչ է սա, եթե ոչ հումանիտար աղետ։ Այն, ինչ այս պատերազմում արեց Ալիեւ-Էրդողան երկյակը,  միջազգային բոլոր իրավավակարգավորումներով հստակ ռազմական հանցագործություն է եւ պիտի ճանաչվի այդպիսին։  Դեկտեմբերի 31-ին Ադրբեջանի նախագահը, խոսելով իր երկրում գերության մեջ գտնվող հայ զինծառայողների մասին, հայտարարեց, որ նրանք ոչ թե  ռազմագերիներ են, այլ ահաբեկիչներ։  Այս կարգի անմեղսունակ  հայտարարությունները կոպտորեն խախտում են հետպատերազմյան մարդասիրական գործընթացը և մարդու իրավունքները պաշտպանող միջազգային պահանջները: Գերեվարված հայ զինծառայողները պետք է անհապաղ ազատ արձակվեն և վերադարձվեն Հայաստան եւ դա պետք է արվի առանց որևէ նախապայմանի։ Ինչպես պատերազմական գործողությունների ընթացքում, այնպես էլ դրանց դադարից հետո Ադրբեջանը հետեւողականորեն խախտում է  մարդու իրավունքների միջազգային պահանջները, մարդասիրական պայմանավորվածությունները. ձգձգվում է գերիների վերադարձը, չի հայտնում նրանց իրական թիվը, այս ողջ ընթացքում շարունակվում են գերիների նկատմամբ խոշտանգումներն ու անմարդկային վերաբերմունքը, այդ մասին վկայող տեսանյութերի նպատակային հրապարակումը: Ես խնդրում եմ Եվրոպայի Խորհրդին՝ օգտագործել իր մանդատն ու անել առավելագույնը՝ հայ  ռազմագերիներին հայրենիք վերադարձնելու համար։ Մի պահ ձեզ պատկերացրեք այն հայ մոր  փոխարեն, ով այս ամիսներին  դժոխքի միջով է անցնում՝ փնտրելով ու սպասելով իր որդուն։  Այսօր իմ միակ խնդրանքը ձեզ դա է։ Եթե խոսում ենք այս պատերազմի հումանիտար հետեւանքների մասին, ապա օգնեք վերադարձնել մեր զինվորներին։ Ես ձեզ դիմում եմ հազարավոր հայ մայրերի անունից։ Ադրբեջանական գերության մեջ յուրաքանչյուր օրը նվազեցնում է ողջ մնալու հայ զինվորի շանսը, որովհետեւ մենք գործ ունենք դահիճ եւ մարդասպան պետության հետ»։  
22:56 - 25 հունվարի, 2021
Ուղղակի ուզում են իրենց մտերիմ մարդուն ուղարկել. Գորգիսյանը՝ Մակունցին դեսպան նշանակելու մասին |news.am|

Ուղղակի ուզում են իրենց մտերիմ մարդուն ուղարկել. Գորգիսյանը՝ Մակունցին դեսպան նշանակելու մասին |news.am|

news.am: Արդեն սովորել եմ ոչ մի տրամաբանություն չփնտրել իշխանության արած որևէ քայլում, չփնտրեմ կապ իրողությունների, առկա խնդիրների ու նրանց կատարած քայլերի մեջ, որովհետև դրանք կրկին կապ չունեն իրար հետ։ Այս մասին այսօր՝ հունվարի 25-ին, լրագրողների հետ զրույցում ասաց «Լուսավոր Հայաստան» կուսակցության պատգամավոր Գևորգ Գորգիսյանը՝ անդրադառնալով Լիլիթ Մակունցին ԱՄՆ-ում ՀՀ դեսպան նշանակելուն։ «Ցավոք, մենք ականատես ենք լինում այն նույն հին ու բարի ավանդույթներին, որոնք Փաշինյանը խոստացել էր փոխել, որը հերթական անգամ խաբեց։ Երբ այդպիսի բան է քննարկվում, առաջին հերթին պետք է քննարկվեն խնդիրները, որոնք  պիտի լուծվեն այդ երկրում մեր դեսպանի կողմից, հետո այդ խնդիրներից բխող արդեն թե ով կարող է այդ խնդիրները լուծել։ Երբ քննարկվում է անձը, ենթադրվում է, որ որևէ խնդիր, հարաբերությունների որևէ փոփոխություն չի քննարկվել, ուղղակի ուզում են իրենց մտերիմ մարդուն իրենց կարծիքով ուղարկել եւ»,- նշեց նա։ Անդրադառնալով ԲՀԿ պատգամավոր Նաիրա Զոհրաբյանի այն խոսքին, թե իշխանության ներկայացուցիչները գիտեն, որ «դատվելու են», այդ պատճառով արտերկրում նշանակումներ են արվում, Գորգիսյանն ասաց. «Ցանկացած վարկած գոյություն ունենալու իրավունք ունի, բայց ես այդ կարծիքին չեմ, որովհետև եթե մեկին պիտի դատենք, կապ չունի նա դեսպան է, նախարար է, նրան պիտի բերենք ու դատենք։ Եթե մեր նախատեսված ճանապարհով գնա ամեն ինչ, կստեղծվի փաստահավաք խումբ, որը վեր կհանի փաստեր, որոնց հիման վրա, հնարավոր է հարուցել քրեական գործեր, բարեփոխումներից հետո կունենանք անկախ դատական իշխանություն»։ Հարցին՝ ինչո՞ւ է ընդդիմությունը հակված, որ Մակունցն այդ առաքելությունը չի կարող լավ իրականացնել, Գորգիսյանն ասաց. «Ես չասացի՝ նա լավ կամ վատ դեսպան կլինի, ժամանակը ցույց կտա։ Փորձը ցույց է տվել, որ մենք ունեցել ենք լավ դեսպաններ, որոնք որևէ կապ չեն ունեցել դիվանագիտության հետ, բայց հետո դարձել են։ Ես վիճարկում եմ սկզբունքը, չկա խնդիր, որը լուծելու համար պետք էր հենց տիկին Մակունցը։ Հաշվի առնելով, որ նա չունի դիվանագիտական գործ, ես կասկածում եմ, որ նա կկարողանա լավագույնս կատարել դիվանագիտական խնդիրները, բայց չգիտեմ՝ ինչ խնդիր են նրա առաջ դրել, գուցե նրա առաջ դրված է ամեն օր գնալ և կոկտեյլ խմել։ Դեսպանը դիվանագիտական թիմի մի օղակ է»։ Անդրադառնալով վերլուծաբանների այն խոսքին, թե Մակունցին դեսպան նշանակելով պաշտոնական Երևանը Վաշինգտոնին հասկացնում է, որ մեզ համար միևնույն է հայ-ամերիկյան հարաբերությունները, Գորգիսյանն ասաց. «Հայաստանն ունի արտաքին գերատեսչություն ի դեմս՝ ԱԳՆ-ի, եթե մենք այստեղ փոփոխություն չունենք, եթե մենք ռեակտիվից չենք դարձել նախաձեռնող, չենք սկսել ակտիվ գործողություններ, եթե տեսլականը չի փոխվել, ում ուր ուզում ես տար, միևնույն է։ Անդրադառնալով Ներքին գործերի նախարարություն ստեղծելու նախագծին՝ ԼՀԿ-ական պատգամավորն ասաց. «Դեռ 2019 թվականին իշխանությունը շրջանառության մեջ էր դրել մի հայեցակարգային փաստաթուղթ, որով նման բան նախատեսվում էր։ Սովորույթ է դարձել, մենք մի բան ասում ենք, իրենք մերժում են, հետո բերում ու նույն բանն անում են։ Վստահ չեմ, որ հենց հիմա դրա ժամանակն է, բայց կյանքը չի կանգնել, շարունակվում է, պետությունը պիտի շարունակի զարգանալ։ Ցանկացած պարագայում երբ իրավապահ մարմինները հաշվետու են լինում Ազգային ժողովում, դա լավ է։ Բազմաթիվ խնդիրներ կան, որոնք վերաբերում են Ոստիկանությանը, չկա հասցեատեր, որին պտի տանք։ Միակ պատասխանող մարդը վարչապետն է, որի միակ պատասխանը լինում է՝ դե ես խնդրին մանրամասն տեղյակ չեմ, գրավոր գրեք, կիմանանք»։
15:38 - 25 հունվարի, 2021
Նման նշանակմամբ Հայաստանի միջազգային հեղինակությունն ուղղակիորեն զրոյացվում է. Նաիրա Զոհրաբյանը՝ Լիլիթ Մակունցի՝ ԱՄՆ-ում դեսպան նշանակվելու տեղեկության մասին  |tert.am|

Նման նշանակմամբ Հայաստանի միջազգային հեղինակությունն ուղղակիորեն զրոյացվում է. Նաիրա Զոհրաբյանը՝ Լիլիթ Մակունցի՝ ԱՄՆ-ում դեսպան նշանակվելու տեղեկության մասին |tert.am|

tert.am: Ընդդիմադիր Նիկոլ Փաշինյանը բողոքում էր, որ նախկինում դեսպաններ նշանակվում էին ծանոթ-բարեկամ սկզբունքով, և երբ դարձավ վարչապետ, ասում էր՝ պետք է պրոֆեսիոնալ դիվանագետները լինեն դեսպաններ, և հիմա ամենակարևոր երկրներից մեկում՝ ԵԱՀԿ Մինսկի խմբի համանախագահող  երկրներից, աշխարհի խոշորագույն գերտերություններից մեկում դեսպան է նշանակվում է մի կին, որն ընդամենը գիտի լավ կամ վատ անգլերեն, սա աղետ է. այսօր լրագրողներին հետ հանդիպման ժամանակ ասաց «Բարգավաճ Հայաստան» խմբակցության պատգամավոր Նաիրա Զոհրաբյանը՝ անդրադառնալով Լիլիթ Մակունցին ԱՄՆ-ում դեսպան նշանակելու մասին լուրերին: «Ես արդեն հրաժարվում եմ խոսել այն հետևանքների մասին, որոնք կարող են լինել Հայաստանի համար: Մենք ունենք կազմաքանդված պետություն, և ամեն մի նման որոշում ուղղակիորեն հարված է մեր պետությանը: Ինձ մոտ տպավորություն է, որ նիկոլ Փաշինյանը ցանկանում է շատ ապահով տեղաբաշխել իր յուրայիններին, որովհետև շատ լավ հասկանում է, որ եթե ոչ այսօր, ապա վաղը գալու է քաղաքական և իրավական պատասխանատվության ժամանակը, և ինքը ցանկանում է  իր յուրայիններին հեռացնել Հայաստանից: Եթե իշխանափոխություն լինի, այս կադրերը մեկ րոպե հետո, չկասկածեք, որ հետ են կանչվելու, բայց նրանք կարող են մնալ տվյալ երկրում, չվերադառնալ Հայաստան և դա ներկայացնել որպես քաղաքական խնդիր և ուղղակիորեն խուսափել  իրավական պատասխանատվությունից»,- նշեց նա: Դիտարկմանը, թե ԱԳՆ-ում էլ են մտահոգված Մակունցին դեսպան նշանակելու համար, քանի որ պրոֆեսիոնալներ կան, Զոհրաբյանը պատասխանեց, ԱԳՆ-ում ճանաչում է լուրջ պրոֆեսիոնալների, և այն քաղաքականությունը, որ վարում է ԱԳՆ ներկայիս նախարարը, «վախեցած, հեզաճկուն» կատարում է Նիկոլ Փաշինյանի բոլոր հրահանգները՝ չխորանալով այդ հրահանգների օրինականության, բարոյականության և ճշգրտության մեջ: Շարունակությունը՝ tert.am-ում։   
13:40 - 25 հունվարի, 2021
Նաիրա Զոհրաբյանը ԵԽԽՎ հանձնաժողովի նիստում խոսել է ռազմագերիների անհապաղ վերադարձի մասին

Նաիրա Զոհրաբյանը ԵԽԽՎ հանձնաժողովի նիստում խոսել է ռազմագերիների անհապաղ վերադարձի մասին

Հայաստանի Ազգային ժողովի «Բարգավաճ Հայաստան» խմբակցության պատգամավոր, Եվրոպայի խորհրդի խորհրդարանական վեհաժողովի հայաստանյան պատվիրակության անդամ Նաիրա Զոհրաբյանը Վեհաժողովի միգրացիայի եւ տեղահանված անձանց նիստում խոսել է ռազմագերիների անհապաղ վերադարձի մասին: Այս մասին Զոհրաբյանը գրել է Ֆեյսբուքի իր էջում: «Այսօր ԵԽԽՎ միգրացիայի, փախստականների եւ տեղահանված անձանց հանձնաժողովի նիստում քննարկվեց հումանիտար ճգնաժամի հարցը Հայաստանի եւ Ադրբեջանի միջեւ, որն առաջիկայում պիտի դառնա ԵԽԽՎ զեկույց։ Զեկույցի հեղինակը կլինի Հայաստանում եւ Ադրբեջանում եւ նաեւ մեր առաջարկով կփորձի լինել Արցախում։ Իհարկե, քննարկման ընթացքում Ադրբեջանի պատվիրակը մի քանի անգամ հատուկ շեշտեց, որ զեկուցողն Արցախ գնալու համար անպայման պիտի ստանա Ադրբեջանի իշխանությունների թույլտվությունը։ Եւ քանի որ զեկույցը վերաբերելու է բացառապես պատերազմի հումանիտար ասպեկտին, ես խոսել եմ երկու կարեւոր խնդրի մասին, ինչը համարում եմ անհետաձգելի լուծման հիմնախնդիրներ։ Առաջինը, բնականաբար, ռազմագերիների հարցն է, ովքեր պատերազմի ավարտից անմիջապես հետո պետք է վերադարձվեին հայկական կողմին, ինչը մինչ օրս չի արվել եւ զեկուցողի ուշադրությունն եմ հրավիրել, որ Ադրբեջանը ոչ միայն հրաժարվում է վերադարձնել հայ ռազմագերիներին եւ գերի ընկած քաղաքացիական անձանց, այլեւ նրանց հայտարարում է դիվերսանտներ, ինչը միջազգային բոլոր իրավակարգավորումների կոպտագույն խախտում է։ Երկրորդ խնդիրը, որին անդրադարձել եմ, Արցախից տեղահանված եւ իրենց բնակավայրն ու տունը կորցրած արցախցիների հարցն է, որը եւս այս աղետալի պատերազմի հումանիտար հետեւանքներից է, ինչը անպայմանորեն պիտի լինի միջազգային հանրության ուշադրության կենտրոնում։ Եւ, բնականաբար, քանի որ թուրք-ադրբեջանական տանդեմի «լավագույն ավանդույթները» շարունակվում են, Ադրբեջանի եւ Թուրքիայի պատվիրակները հերթական անգամ փորձեցին խեղաթյուրել իրենց իսկ կողմից սանձազերծված պատերազմի բնույթն ու բովանդակությունը, այն փորձելով ներկայացնել որպես հայերի կողմից 90-ականներին սկսված ցեղասպանության շարունակություն, ես իմ ելույթում նշել եմ նման հայտարարությունների կատարյալ տխմարություն լինելը, պնդելով, որ Թուրքիան եւ Ադրբեջանը պատերազմի հանցագործներ են եւ որպես այդպիսին պիտի ենթարկվեն պատասխանատվության միջազգային իրավունքի առաջ»,- գրել է Զոհրաբյանը։
16:57 - 21 հունվարի, 2021
Չեմ հրաժարվի «ժեխ» բառն օգտագործելուց. Զոհրաբյան |1lurer.am|

Չեմ հրաժարվի «ժեխ» բառն օգտագործելուց. Զոհրաբյան |1lurer.am|

1lurer.am: Ես միանում եմ Գագիկ Ծառուկյանի գնահատականին՝ Վազգեն Մանուկյանի՝ Գյումրիում արած արտահայտության վերաբերյալ: Այդ մասին ԱԺ-ում լրագրողների հետ ճեպազրույցում ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը:  Նշենք՝ Վազգեն Մանուկյանն իր և կողմնակիցների ճանապարհը փակած գյումրեցիներին «բոմժ» էր անվանել, որոնց, ըստ նրա, փող բաժանելու դիմաց ուղարկել էր իշխանությունը: «Ես հասկանում եմ, որ էմոցիաները երբեմն այնպես են խտանում, և այնպիսի իրավիճակներ են ստեղծվում, որ չես կարողանում մնալ ադեկվատ լեքսիկոնի շրջանակում: Մենք քաղաքական գործիչներ ենք և չպետք է տրվենք սադրանքների»,- ասաց Զոհրաբյանը՝ հավելելով, որ այս իրավիճակում, իհարկե, դժվար է պահպանել ինքնատիրապետումը:  Հարցին՝ «ժեխ» բառն այլևս չե՞ք օգտագործելու, պատգամավորը պատասխանեց. «Ես չեմ հրաժարվի «ժեխ» բառն օգտագործելուց, իմ ասածը բոլորովին այլ կոնտեքստով է եղել...»: Դիտարկմանը, թե ԲՀԿ-ում տարաձայնություններ կան Վազգեն Մանուկյանի թեկնածության շուրջ, Ն.Զոհրաբյանը դժվարացավ պատասխանել՝ նշելով, որ ամբողջական տեղեկություն չունի, քանի որ ներկայումս զբաղված է ռազմագերիների խնդիրներով: Նա հորդորեց այդ հարցով դիմել խմբակցության քարտուղարին: Զոհրաբյանն ասաց, որ ինչ-ինչ հարցերի շուրջ ԲՀԿ-ն կարող է անհամաձայնություն ունենալ մյուս 16 կուսակցությունների հետ, բայց իրենց օրակարգը շարունակում է նույնը մնալ՝ Նիկոլ Փաշինյանի հրաժարականը:
14:02 - 19 հունվարի, 2021
Նաիրա Զոհրաբյանը չի կարող լինել մի հանձնաժողովի նախագահ, որի գործունեության առանցքը մարդու իրավունքների պաշտպանությունն է․ Արթուր Հովհաննիսյան |hetq.am|

Նաիրա Զոհրաբյանը չի կարող լինել մի հանձնաժողովի նախագահ, որի գործունեության առանցքը մարդու իրավունքների պաշտպանությունն է․ Արթուր Հովհաննիսյան |hetq.am|

hetq.am: Խորհրդարանի արտահերթ նիստում քննարկվում է ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանի լիազորությունները դադարեցնելու հարցը: Նախագիծը հեղինակել է «Իմ քայլը» խմբակցությունը, այն ներկայացրեց խմբակցության պատգամավոր Արթուր Հովհաննիսյանը: Պատգամավորը մինչ հիմնավորումները ներկայացնելն ասաց, որ հանձնաժողովների նախագահների թեկնածությունները խմբակցությունների քաղաքական որոշումների կայացման և կազմակերպման տիրույթում են, և չկան առանձին պահանջներ, որոնց պետք է բավարարի թեկնածուն: Այնուհետև Հովհաննիսյանը սկսեց ընթերցել Նաիրա Զոհրաբյանի ֆեյսբուքյան գրառումներից, օրինակ դեկտեմբերի 17-ի գրառումը, որում մասնավորապես ասված է` «Ես ատում եմ քեզ ժեխ, որ իշխանության բերեցիր քո նմանին, ով դանդաղ փակում է մեր պետականության էջը»: Հովհաննիսյանի խոսքով` Նաիրա Զոհրաբյանը չի կարող լինել մի հանձնաժողովի նախագահը, որի գործունեության առանցքը մարդու իրավունքների պաշտպանությունն է: Տեղեկացնենք, որ քննարկմանը «Բարգավաճ Հայաստան» խմբակցությունը ներկա չէ: ԲՀԿ-ական պատգամավորները դեկտեմբերի 28-ին հրավիրված ասուլիսին հայտնել են, որ նոր թեկնածու չեն առաջադրելու, եթե նրանք երկշաբաթյա ժամկետում թեկնածու չառաջադրեն, հանձնաժողովի նախագահի քվոտան անցնելու է իշխող մեծամասնությանը: «Լուսավոր Հայաստան» խմբակցությունը գրանցվելուց հետո լքել է նիստերի դահլիճը:
11:40 - 29 դեկտեմբերի, 2020
Զոհրաբյանին հանձնաժողովի նախագահի լիազորությունից զրկելու դեպքում ԲՀԿ-ն նոր թեկնածու չի առաջադրի

 |armenpress.am|

Զոհրաբյանին հանձնաժողովի նախագահի լիազորությունից զրկելու դեպքում ԲՀԿ-ն նոր թեկնածու չի առաջադրի |armenpress.am|

armenpress.am: ՀՀ ազգային ժողովի «Բարգավաճ Հայաստան» խմբակցությունը Նաիրա Զոհրաբյանին Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնից զրկելու վերաբերյալ «Իմ քայլը»-ի նախագիծը համարում է հակասահմանադրական՝ որակելով քաղաքական հետապնդում: Այս մասին ասաց «Բարգավաճ Հայաստան»-ի պատգամավոր Արման Աբովյանը ԱԺ արտահերթ նիստում: Նա մեջբերեց Սահմանադրության 96-րդ հոդվածը, ըստ որի՝ պատգամավորն իր լիազորությունների ժամկետում և դրանից հետո չի կարող հետապնդվել և պատասխանատվության ենթարկվել պատգամավորական գործունեության շրջանակներում հայտնած կարծիքի կամ քվեարկության համար: Աբովյանը նաև մեջբերում արեց ԱԺ կանոնակարգ օրենքի 11-րդ հոդվածից. «Հանձնաժողովի անդամի լիազորությունները դադարեցվում են, եթե նրա պատգամավորական լիազորությունները դադարում կամ դադարեցվում են, նա դուրս է գալիս հանձնաժողովից, նա դուրս է գալիս կամ հեռացվում է խմբակցությունից, եթե այդ խմբակցությունը նրա տեղում նշանակում է խմբակցության անդամի»,-ասաց պատգամավորն ու հավելեց՝ բացառապես այս երեք դրույթները գոյություն ունեն: «Իմ քայլը» նախագծի հիմնավորումներում նշել է, որ գործնականում առկա է պատգամավոր Նաիրա Զոհրաբյանի կողմից Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում հետագա պաշտոնավարման անհնարինություն: Դեկտեմբերի 17-ին Նաիրա Զոհրաբյանը «Ֆեյսբուք» սոցիալական կայքում կատարել է գրառում, որն իր մեջ պարունակում է նաև հետևյալ հատվածը. «Ես ատում եմ քեզ ժեխ, որ իշխանության բերեցիր քո նմանին, ով դանդաղ փակում է մեր պետականության էջը»: «Այդ հիմքով նման հակասահմանադրական նախագիծ բերելը ոչ այլ ինչ է, քան քաղաքական հետապնդում Նաիրա Զոհրաբյանի հանդեպ»,-ասաց Արման Աբովյանը: Պատգամավորը նշեց, որ համաձայն՝ Դոնթի բանաձևի Մարդու իրավունքների պաշտպանության և հանրային հարցերի մշտական  հանձնաժողովի նախագահի քվոտան պատկանում է «Բարգավաճ Հայաստան» խմբակցությանը: «Եվ մենք հայտարարում ենք, որ եթե դուք ձեր անօրինական քվեարկությամբ տիկին Զոհրաբյանին զրկեք հանձնաժողովի նախագահի լիազորություններից, ապա «Բարգավաճ Հայաստան» կուսակցությունը և  խմբակցությունը որևէ մեկին չի առաջադրելու այդ պաշտոնի համար: Մտածեք վաղվա ձեր պատասխանատվության մասին»,-ասաց նա ու հավելեց, որ իրենք չեն մասնակցելու այդ հարցով քննարկմանը: «Բարգավաճ Հայաստան» խմբակցության պատգամավորները այս ելույթից հետո լքեցին նիստերի դահլիճը:
12:57 - 28 դեկտեմբերի, 2020
Սիրելի հայրենակիցներ, հանձնաժողովի նախագահի պաշտոնը ոչինչ է ձեր վստահության դիմաց, խոստանում եմ ձեր տված վստահության քվեով շարունակել պայքարել Նիկոլի ու նիկոլականության դեմ. Նաիրա Զոհրաբյան

Սիրելի հայրենակիցներ, հանձնաժողովի նախագահի պաշտոնը ոչինչ է ձեր վստահության դիմաց, խոստանում եմ ձեր տված վստահության քվեով շարունակել պայքարել Նիկոլի ու նիկոլականության դեմ. Նաիրա Զոհրաբյան

Ինձ համար պատիվ է մերժված լինել դավաճանի եւ հայրենադավի կողմից: Այս մասին ֆեյսբուքյան իր էջում գրել է ԱԺ «Բարգավաճ Հայաստան» խմբակցության պատգամավոր, Մարդու իրավունքների պաշտպանության եւ հանրային հարցերի մշտական հանձնաժողովի նախագահ Նաիրա Զոհրաբյանը: «Սիրելի հայրենակիցներ,    Փոքրիկ եւ քինախնդիր մարդը`Նիկոլը, հրահանգել է իր խորհրդարանական կամակատարներին երկուշաբթի օրը ինձ զրկել ԱԺ մարդու իրավունքների պաշտպանության եւ հանրային հարցերի մշտական հանձնաժողովի նախագահի պաշտոնից: Փոքրիկ քինախնդիրը երկար տանջվեց, ԱԱԾ-ներին ու իրավապահներին կեղեքեց, որ իմ հանդեպ գոնե մի ինչ-որ քրեական գործ հորինեն` չստացվեց: Բայց քանի որ ինքը շատ փոքր մարդ է, եւ իրեն թվում է, թե հանձնաժողովի նախագահի պաշտոնից հանելն ինձ համար դաժանագույն ողբերգություն կլինի, իր հրաժարականից առաջ որոշել է իր կարծիքով ինձ պատժել: Փոքրիկ քինախնդիրը կառչել է իմ ասած «ժեխ» բառից: Ժեխ, որի հոմանիշներից մեկը «անմաքուրն» է։  Եվ այո, ես պնդում եմ, որ բոլոր նրանք, ովքեր արդարացնում են Արցախի հանձնումը թուրքին, ովքեր արդարացնում են 5000 զինվորի սպանությունը, ովքեր հենց հիմա արդարացնում են Սյունիքից մաս-մաս հանձնումը ու վաղը արդարացնելու են Սեւանի ափամերձ որոշ շրջանների հանձնումը, ինձ համար, շատ մեղմ ասած`անմաքուր մարդիկ են եւ այո՛, ես էդպիսի մադկանց հայրենիք չեմ հանձնելու: Եվ այո՛, էդպիսի մարդիկ իրավունք չպիտի ունենան որոշելու իմ երկրի ճակատագիրը։ Որովհետեւ մի անգամ որոշեցին ու էդ որոշման արդյունքում մենք հանձնեցին Արցախն ու Հայաստանը կանգնեցրեցինք պետականության կորստի առաջ: Ես ոչինչ չունեմ ասելու «Իմ քայլի» պատգամավորներին. նրանք ընդամենը կատարողներ են, ովքեր երկուշաբթի խելոք կքվեարկեն ու կկատարեն փոքրիկ քինախնդիրի հրահանգը: Եսնրանցանկեղծորենխղճումեմ։ Սիրելի հայրենակիցներ, հանձնաժողովի նախագահի պաշտոնը ոչինչ է ձեր վստահության հանդեպ: Ես խոստանում եմ ձեզ, որ վստահության այն քվեն, որ տվել եք ինձ որպես պատգամավորի, ահա այդ քվեով շարունակելու եմ պայքարել Նիկոլի ու նիկոլականության դեմ, ինչը համարում եմ մեր պետության ու պետականության ամենամեծ ողբերգությունը` Ցեղասպանությունից հետո: Որպես պատգամավոր շարունակելու եմ իմ բազմաթիվ ազնիվ համախոհների հետ միասին պայքարել երիտհայերի այս իշխանության դեմ, որոնք ջարդեցին մեր պետության ողնաշարն ու հողին հավասարեցրեցին մեր արժանապատվությունը: Իմ կամքը կոտրել հնարավոր չէ, ինձ որեւէ բանով վախեցնել հնարավոր չէ։ Որպես հանձնաժողովի նախագահ միշտ, այդ թվում պատերազմի օրերին, արել եմ շատ ավելին, քան երիտհայերի այս իշխանության արտաքին գործերի նախարարությունն ու միջազգային կառույցների հետ աշխատող ինստիտուտները, բացառությամբ Մարդու իրավունքների պաշտպանի գրասենյակի, որի կատարած աշխատանքը անգնահատելի է: Որպես միջազգային կառույցներում հեղինակություն եւ ազդեցություն ունեցող պատգամավոր, շարունակելու եմ իմ  համառ աշխատանքը` Ադրբեջանին ռազմական հանցագործ ճանաչելու համար, շարունակելու եմ զբաղվել ռազմագերիների եւ սոցիալական բոլոր այն խմբերի խնդիրներով, ովքեր դրա կարիքն ունեն: Ու դրա համար պարտադիր չէ լինել հանձնաժողովի նախագահ: Ես պատգամավոր եմ, ով ունի ամենակարեւոր մանդատը`ձեր վստահությունը: Իսկ փոքրիկ  քինախնդիրը անպայման հեռանալու է եւ մեկ րոպե անգամ չկասկածեք՝ կանգնելու է դատարանի առաջ ու դա  անխուսափելի է: Երկուշաբթի օրը ես չեմ մասնակցելու փոքրիկ քինախնդիրի եւ նրա կամակատարների կազմակերպած նիստին: Ես նրանց ասելիք չունեմ: Իմ խոսքը ուղղված է ձեզ, իրապես արժանապատիվ հայեր ու ձեզ հետ միասին, ձեր աջակցությամբ,  մենք ուղղելու ենք մեր պետության ճկված ողնաշարը, որովհետեւ Նիկոլի եւ նիկոլականության աղետի արդյունքում Հայաստանն ու Արցախը կանգնել են ծանրագույն խնդիրների առաջ:  Իսկ փոքրիկ քինախնդրին ես անկեղծորեն խղճում եմ: Նրա ճակատին այլեւս սեպագիր դաջվել է դավաճանի խարանը, ինչը հայ ժողովրդի պատմության  որեւէ էջում այլեւ հնարավոր չի լինելու մաքրել:  Դրանից մեծ խարան հայի համար չկա: Իսկ ինձ համար պատիվ է մերժված լինել դավաճանի եւ հայրենադավի կողմից»,- գրել է Զոհրաբյանը։ Հիշեցնենք, որ «Իմ քայլը» Նաիրա Զոհրաբյանին Մարդու իրավունքների հանձնաժողովի նախագահի պաշտոնից ազատելու նախագիծ է մշակել:
15:02 - 26 դեկտեմբերի, 2020
Մանրախնդիր մոտեցում է, քաղաքական հաշվեհարդար. Մ. Մելքումյանը՝ Ն. Զոհրաբյանին հանձնաժողովի նախագահի պաշտոնից ազատելու «Իմ քայլի» մտադրության մասին |tert.am|

Մանրախնդիր մոտեցում է, քաղաքական հաշվեհարդար. Մ. Մելքումյանը՝ Ն. Զոհրաբյանին հանձնաժողովի նախագահի պաշտոնից ազատելու «Իմ քայլի» մտադրության մասին |tert.am|

tert.am։ Սա մանրախնդիր մոտեցում է, դա անարդար, ակնհայտ քաղաքական հաշվեհարդար է: Այս մասին ասել է «Բարգավաճ Հայաստան» խմբակցության պատգամավոր Միքայել Մելքումյանը` անդրադառնալով  «Իմ քայլի» կողմից Նաիրա Զոհրաբյանին Մարդու իրավունքների հանձնաժողովի նախագահի պաշտոնից ազատելու նախագծի մշակմանը: «Նաիրա Զոհրաբյանն այն քաղաքական գործիչն է, որը բարձր մակարդակով կատարում է ինչպես իր` որպես հանձնաժողովի նախագահի, այնպես էլ ոչ միայն խորհրդարանում, նաև խորհրդարանից դուրս մարդու իրավունքների հետ կապված պարտականությունները։ Մարդու իրավունքներին վերաբերող ցանկացած միջոցառման ամենաակտիվ գործիչներից է: Նրա ձայնը լսելի է և դրա համար նրան փորձում են լռեցնել, սակայն միևնույն է, չի ստացվելու, քանի որ նա կլինի հանձնաժողովի նախագահ, թե չի լինի, իր պայքարը շարունակելու է, հակառակը՝ դրանով նրա վարկանիշն ավելի կբարձրացնեն»,-ասաց Միքայել Մելքումյանը: Ըստ նրա` նաև միջազգային կառույցներից արձագանք կլինի, քանի որ Նաիրա Զոհրաբյանը նաև Եվրոպայի խորհրդի խորհրդարանական վեհաժողովի մեր պատվիրակության մշտական անդամ է: «Այն հիմնավորումը, որը նրանք ներկայացնում են, զավեշտալի է: Պատգամավորի քաղաքական հռետորաբանությունը չի կարելի շփոթել պետական գործունեության հետ, նրանք պետական մտածողության բացակայություն են ցուցաբերում»,-ասաց նա:
12:51 - 26 դեկտեմբերի, 2020
«Իմ քայլը» Զոհրաբյանին Մարդու իրավունքների հանձնաժողովի նախագահի պաշտոնից ազատելու նախագիծ է մշակել |armenpress.am|

«Իմ քայլը» Զոհրաբյանին Մարդու իրավունքների հանձնաժողովի նախագահի պաշտոնից ազատելու նախագիծ է մշակել |armenpress.am|

armenpress.am:  Ազգային ժողովի «Իմ քայլը» խմբակցությունը նախագիծ է ներկայացրել, որով առաջարկում է դադարեցնել Նաիրա Զոհրաբյանի լիազորություններն ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում: Նախագիծը ներկայացված է Ազգային ժողովի պաշտոնական կայքում:  «Գործնականում առկա է պատգամավոր Նաիրա Զոհրաբյանի կողմից Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում հետագա պաշտոնավարման անհնարինություն: Դեկտեմբերի 17-ին Նաիրա Զոհրաբյանը «Ֆեյսբուք» սոցիալական կայքում կատարել է գրառում, որն իր մեջ պարունակում է նաև հետևյալ հատվածը. «Ես ատում եմ քեզ ժեխ, որ իշխանության բերեցիր քո նմանին, ով դանդաղ փակում է մեր պետականության էջը»»,- ասված է ներկայացված նախագծում: «Իմ քայլը» խմբակցությունը նախագծում նշել է, որ նման բառապաշարով հանդես եկող անձը չի կարտող կատարել Մարդու իրավունքների պաշտպանության և հանրային հարցերի մշտական հանձնաժողովի նախագահի պարտականությունները:
17:01 - 25 դեկտեմբերի, 2020