Դմիտրի Պեսկով

Դմիտրի Սերգեւիչ Պեսկով, 2012 թվականից ՌԴ նախագահ Վլադիմիր Պուտինի մամուլի քարտուղար:

Ծնվել է 1967 թվականի հոկտեմբերի 17-ին Մոսկվայում, ուսանող, հետագայում ռուս դիվանագետ Սերգեյ Պեսկովի (1948-2014) ընտանիքում:

1989 թվականին Պեսկովն ավարտել է Լոմոնոսովի անվան Մոսկվայի պետական համալսարանի Ասիայի եւ Աֆրիկայի երկրների ինստիտուտը՝ «արեւելագետ-պատմաբան» եւ «թարգմանիչ» մասնագիտություններով:

1989 թվականին աշխատել է ԽՍՀՄ Արտաքին գործերի նախարարությունում:

1990-ից 1994 թվականներին եղել է հերթապահ ռեֆերենտ, կցորդ, ԽՍՀՄ-ի երրորդ, ապա Թուրքիայում ՌԴ-ի դեսպանատան քարտուղար: 1994-ից 1996 թվականներին աշխատել է Ռուսաստանի Արտաքին գործերի նախարարության կենտրոնական ապարատում: 1996-ից 2000 թվականներին Թուրքիայում ռուսական դեսպանության երկրորդ, ապա առաջին քարտուղար:

2003 թվականին ղեկավարել է Սանկտ Պետերբուրգի 300 ամյակին նվիրված տոնակատարությունը:

2004 թվականի ապրիլի 9-ին նշանակվել է Ալեքսեյ Գրոմովի առաջին քարտուղար (որն այդ ժամանակ ՌԴ աշխատակազմի մամլո խոսնակն էր):

2008 թվականի փետրվարին նշանակվել է «Միր (հեռուստառադիոընկերության)» տնօրեն:

Պեսկովն արձագանքել է Նիկոլ Փաշինյանի՝ The Wall Street Journal-ին տված հարցազրույցում հնչեցրած հայտարարություններին |factor.am|

factor.am: Մոսկվան Երևանի հետ շփումներում ակնկալում է տեղեկատվություն ստանալ այն մասին, թե ինչ նկատի ունի Հայաստանի վարչապետ Նիկոլ Փաշինյանը, երբ խոսում է «անվտանգության ոլորտում հարաբերությունները դիվերսիֆիկացնելու» անհրաժեշտության մասին։ Այս մասին լրագրողների հետ զրույցում ասել է ՌԴ նախագահի մամուլի խոսնակ Դմիտրի Պեսկովը՝ խոսելով ՀՀ վարչապետի՝ ամերիկյան The Wall Street Journal պարբերականին տված հարցազրույցին, գրում է ՏԱՍՍ-ը։ «Այս դեպքում մենք հակված չենք The Wall Street Journal-ին ընկալել որպես առաջնային աղբյուր, ուստի դեռ պետք է հստակ հասկանանք, թե ինչի մասին էր խոսում պարոն Փաշինյանը։ Եվ իհարկե, մեր հայ ընկերների հետ զրույցում ակնկալում ենք ստանալ ամբողջ տեղեկատվությունն ամենի վերաբերյալ: Եվ, իհարկե, Ռուսաստանի և Հայաստանի համար լավ չէ շփվել թերթերի, հատկապես՝ Wall Street Journal-ի միջոցով: Ուստի մենք շարունակում ենք զրույցը, երկխոսությունը մեր հայ ընկերների հետ, և մենք շարունակելու ենք դա անել, մենք ունենք շատ ծավալուն օրակարգ»,- ասել է Պեսկովը։ Կրեմլի ներկայացուցիչը նաև ընդգծել է, որ ռուսական կողմը շարունակում է ջանքերը, «փորձում է օգնել Բաքվին և Երևանին վերջապես հասնել խաղաղության պայմանագրի կնքման»։ «Դա անհրաժեշտ է տարածաշրջանում իրավիճակը կայունացնելու և ամբողջ տարածաշրջանում ավելի դրական, ստեղծագործ կենսամակարդակի հասնելու համար»,- ասել է Դմիտրի Պեսկովը։

14:35 - 26 հոկտեմբերի, 2023

Աշխարհի ոչ մի երկիր չի կարող համեմատվել Հայաստանի հետ տնտեսական աճի տեմպերով․ Պեսկով

ԱՊՀ-ն պահպանում է իր արդիականությունը։ Այս մասին հայտարարել է Կրեմլի խոսնակ Դմիտրի Պեսկովը։ «Տեսեք Հայաստանի տնտեսության աճի տեմպերը։ Այո, աշխարհի ոչ մի երկիր չի կարող համեմատվել Հայաստանի հետ տնտեսական աճի տեմպերով․ այնտեղ, ես ինչքան գիտեմ, 15 տոկոս է։ Ավելի լավ ժամանակներում միայն Չինաստանն է դա [նման արդյունք] ցույց տվել։ Դուք կարծում եք՝ դա հենց այնպե՞ս է։ Ոչ, դրանք ինտեգրացիայի արտադրանք են»,- ասել է Պեսկովը։

17:36 - 13 հոկտեմբերի, 2023

Տրամաբանական կլիներ, եթե Հայաստանի ու Ադրբեջանի բանակցությունները տեղի ունենային ռուսական հարթակում․ Պեսկով

Տրամաբանական կլիներ, եթե Հայաստանի եւ Ադրբեջանի միջև բանակցությունները տեղի ունենային ռուսական հարթակում։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։ «Ռուսաստանը շարունակում է երկխոսությունը Հայաստանի հետ՝ չնայած նրան, որ վարչապետ Նիկոլ Փաշինյանը չի մեկնել Բիշքեկ՝ ԱՊՀ գագաթնաժողովին»,-ասել է Պեսկովը։ Նրա խոսքով՝ Մոսկվան մնում է շատ կարևոր միջնորդ՝ Ադրբեջանի և Հայաստանի միջև կարգավորման համար։ «Դուք լսեցիք [Ռուսաստանի նախագահ Վլադիմիր Պուտինի] խոսքերը, մենք պատրաստ ենք հարթակ տրամադրել»։

17:33 - 13 հոկտեմբերի, 2023

Պուտինն ու Ալիևը հանդիպման բաց հատվածում չեն քննարկել Ռուբեն Վարդանյանի «հարցը». Պեսկով

Պուտինն ու Ալիևը հանդիպման բաց հատվածում չեն քննարկել Ռուբեն Վարդանյանի «հարցը»։ Այս մասին հայտարարել է Կրեմլի խոսնակ Դմիտրի Պեսկովը։ Առանձին զրույցի հատված է եղել, որը բավականին երկար է տևել: Ես չգիտեմ, թե ինչի մասին են խոսել նրանք (Վլադիմիր Պուտինն ու Իլհամ Ալիևը - խմբ․)։

17:28 - 13 հոկտեմբերի, 2023

Ղարաբաղում ռուս խաղաղապահների հետագա ճակատագիրը կքննարկվի Ադրբեջանի հետ․ Պեսկով |azatutyun.am|

azatutyun.am: Ղարաբաղում ռուս խաղաղապահների հետագա ճակատագիրը կքննարկվի Ադրբեջանի հետ, լրագրողների հետ ճեպազրույցում ասել է Կրեմլի մամուլի խոսնակ Դմիտրի Պեսկովը։ Անդրադառնալով Հայաստանի վարչապետ Նիկոլ Փաշինյանի երեկվա հայտարարությանը, թե «Լեռնային Ղարաբաղից դուրս գալու դեպքում, ռուսաստանյան զորախումբը պետք է հեռանա Ռուսաստան, այլ ոչ թե տեղակայվի Հայաստանում», Կրեմլի խոսնակն ասել է՝ Լեռնային Ղարաբաղում գտնվող ռուսաստանցի խաղաղապահների՝ Հայաստան վերատեղակայման հարց չի քննարկվել։ «[Պուտին-Փաշինյան] վերջին հեռախոսազրույցի ընթացքում այս հարցը չի քննարկվել։ Դե-ֆակտո և դե-յուրե մեր խաղաղապահները գտնվում են Ադրբեջանի տարածքում, և դա ընդունում է նաև Հայաստանի վարչապետ Փաշինյանը», - նշել է Պեսկովը։ Ռուսաստանի նախագահի խոսնակի պնդմամբ, խաղաղապահների՝ Լեռնային Ղարաբաղում հետագա տեղակայման հարցը քննարկելու են Մոսկվայի և Բաքվի ներկայացուցիչները։ «Խաղաղապահների այնտեղ մնալու հետագա ռեժիմի, հարակից բոլոր խնդիրներին վերաբերող հարցերը մենք, իհարկե, քննարկելու ենք ադրբեջանական կողմի հետ։ Մենք, իհարկե, կշարունակենք մեր շփումները նաև մեր հայ բարեկամների հետ», նշել է Դմիտրի Պեսկովը։

14:25 - 11 հոկտեմբերի, 2023

Կարծում եմ՝ Հայաստանում մեծամասնությունը հասկանում է, որ ՀԱՊԿ-ի գործիքներն ու հայ-ռուսական գործընկերությունը այս պահին բացարձակապես անփոխարինելի են․ Պեսկով

Մոսկվան հերքում է Երևանի մեղադրանքները, թե երկկողմ գործընկերությունը և ՀԱՊԿ մեխանիզմները բավարար չեն Հայաստանի պաշտպանության համար։ Այս մասին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը։ «Մենք բացարձակապես համաձայն չենք Հայաստանի վարչապետ Փաշինյանի այն խոսքերի հետ, որ Հայաստանի որոշումը՝ միանալ Հռոմի ստատուտին, կապված է ՀԱՊԿ գործիքների «անբավարարությամբ» և հայ-ռուսական գործընկերությամբ՝ ապահովելու երկրի [Հայաստանի] անվտանգությունը։ Դա այդպես չէ։ Եվ ես կարծում եմ, որ, այնուամենայնիվ, Հայաստանում մեծամասնությունը հասկանում է, որ ՀԱՊԿ-ի գործիքներն ու հայ-ռուսական գործընկերությունը այս պահին բացարձակապես անփոխարինելի են»,- ասել է Դմիտրի Պեսկովը։

16:14 - 03 հոկտեմբերի, 2023

Ռուսական կողմը չէր ցանկանա, որ ՌԴ նախագահ Վլադիմիր Պուտինը երբևէ ստիպված լինի հրաժարվել Հայաստան այցից․ Պեսկովը՝ Հայաստանի կողմից Հռոմի ստատուտի վավերացման մասին

ՌԴ նախագահի մամուլի քարտուղար Դմիտրի Պեսկովը մեկնաբանել է Հայաստանի կողմից Հռոմի ստատուտի վավերացումը. «Հայաստանը մեզ բարեկամ պետություն է, մեր գործընկերն է։ Իհարկե, մենք շատ ընդհանրություններ ունենք եղբայրական հայ ժողովրդի հետ և չենք կասկածում, որ այն մեզ ընդմիշտ կմիավորի, բայց միևնույն ժամանակ, իհարկե, մեզ մոտ հարցեր են առաջացել Հայաստանի ներկայիս ղեկավարությանը։ Դրանք նախապես փոխանցվել են հայկական կողմին»։ Պեսկովը նշել է, որ Հայաստանի կողմից Հռոմի ստատուտի վավերացումը Կրեմլը համարում է ոչ ճիշտ քայլ երկկողմ հարաբերությունների տեսանկյունից»։ Նրա խոսքով ռուսական կողմը չէր ցանկանա, որ ՌԴ նախագահ Վլադիմիր Պուտինը երբևէ ստիպված լինի հրաժարվել Հայաստան այցից։

16:00 - 03 հոկտեմբերի, 2023

ԼՂ-ում ռուս խաղաղապահ առաքելության երկարաձգման հնարավորությունը կքննարկվի Ադրբեջանի հետ․ Պեսկով

Լեռնային Ղարաբաղում ռուս խաղաղապահ առաքելության երկարաձգման հնարավորությունը կքննարկվի ադրբեջանական կողմի հետ։ Լրագրողների հետ զրույցում հայտնել է ՌԴ նախագահի մամուլի քարտուղար Դմիտրի Պեսկովը։ «Խոսքն այս պահին առաքելության մասին է, որը գտնվում է Ադրբեջանի տարածքում։ Դա ադրբեջանական կողմի հետ քննարկմանն առարկա է»,- ասել է Պեսկովը։ Նա նաև նշել է, որ Բաքվի և Երևանի միջև խաղաղության պայմանագրի կնքման հարցը մնում է արդիական։ «Բացի այդ՝ ծրագրեր կան, իհարկե, ինչպես տարածաշրջանում տրանսպորտային հաղորդակցության զարգացումն ու լոգիստիկայի ապահովումը։ Սա չափազանց կարևոր է Ադրբեջանի, Հայաստանի և Ռուսաստանի համար։ Հուսով ենք, որ այդ աշխատանքը կշարունակվի»,- հայտնել է Պեսկովը։

14:44 - 29 սեպտեմբերի, 2023

Դժվար թե հնարավոր լինի խոսել այն մասին, թե ով է մեղավոր, քանի որ նման գործողությունների անմիջական պատճառ չկա․ Պեսկովը՝ հայերի՝ ԼՂ-ից դուրս գալու պատճառի մասին

Այժմ գլխավոր խնդիրն է ապահովել նորմալ կենսապայմաններ նրանց համար, ովքեր որոշել են լքել Լեռնային Ղարաբաղը։ Այս մասին ասել է ՌԴ նախագահի մամուլի քարտուղար Դմիտրի Պեսկովը։ «Հավանաբար, դժվար թե հնարավոր լինի խոսել այն մասին, թե ով է մեղավոր, քանի որ նման գործողությունների անմիջական պատճառ չկա, բայց, այնուամենայնիվ, մարդիկ ցանկություն են հայտնում լքել Ղարաբաղի տարածքը։ Նրանցից ոմանք կարող են ցանկություն հայտնել դա անել ընդմիշտ, ոմանք՝ ժամանակավորապես՝ տրանսֆորմացիայի ժամանակաշրջանում», - ասել է Պեսկովը՝ պատասխանելով լրագրողների այն հարցին, թե իր կարծիքով ով է մեղավոր և որն է ԼՂ-ից հարյերի դուրս գալու հիմնական պատճառը։ «Այստեղ գլխավորն այն է, որ նրանք, ովքեր նման որոշում են կայացրել, ապահովված լինեն նորմալ կենսապայմաններով, այս խնդրի զուտ հումանիտար ասպեկտը մեզ ամենաշատն է հուզում»,- հավելել է Պեսկովը։

17:39 - 28 սեպտեմբերի, 2023

Պեսկովը Հռոմի ստատուտը վավերացնելու ՀՀ մտադրությունը անվանել է «ծայրահեղ թշնամական որոշում ՌԴ նկատմամբ»

Մոսկվան չի ողջունում Հռոմի ստատուտին միանալու Երևանի մտադրությունը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։ Պեսկովը Հռոմի ստատուտը վավերացնելու Հայաստանի որոշումը անվանել է «ծայրահեղ թշնամական» Ռուսաստանի Դաշնության նկատմամբ։ «Հայաստանը լավ գիտի, որ մենք կողմ չենք [Հռոմի ստատուտին], և Հայաստանը քաջատեղյակ է դրա հիման վրա ընդունված անհեթեթ որոշման մասին [Միջազգային քրեական դատարանը Վլադիմիր Պուտինին ձերբակալելու օրդեր է տվել]։ Մենք գիտենք, որ Երևանում այս մասին շատ լավ գիտեն, սա մի բան է, որ մենք չենք ողջունում»,- ասել է Կրեմլի խոսնակը։ Հիշեցնենք, որ ԱԺ պետաիրավական հանձնաժողովը այսօր միաձայն ընդունել է Հռոմի ստատուտը վավերացնելու նախագիծը։ Այն կընդգրկվի հաջորդ շաբաթ կայանալիք լիագումար նիստի օրակարգում։

15:02 - 28 սեպտեմբերի, 2023

Տեղեկություն չունեմ Ռուբեն Վարդանյանի ձերբակալության մասին, բայց եթե նա ունի ՌԴ քաղաքացիություն, ապա Ռուսաստանը կպաշտպանի նրա իրավունքները․ Պեսկով

ՌԴ նախագահի մամուլի քարտուղար Դմիտրի Պեսկովը, մեկնաբանելով Ռուբեն Վարդանյանի ձերբակալության մասին լուրերը, ասել է, որ ինքը նման տեղեկություն չունի և միաժամանակ նշել, որ եթե Վարդանյանը ունի ՌԴ քաղաքացիություն, ապա Ռուսաստանը կպաշտպանի նրա իրավունքները։ «Ես նման տեղեկություն չունեմ այդ պատճառով ոչինչ ասել չեմ կարող։ Ինձ հայտնի չէ նրա [Վարդանյանի] ձերբակալության մասին, ես չգիտեմ, թե ում կողմից է նա ձերբակալվել, ձերբակալվե՞լ է արդյոք․ թե՞ ոչ, ունի՞ նա ՌԴ քաղաքացիություն»,- ասել է Պեսկովը՝ հավելելով, որ եթե Վարդանյանը ունի ՌԴ քաղաքացիություն, ապա Ռուսաստանը կպաշտպանի նրա իրավունքները։ Նշենք, որ Ռուբեն Վարդանյանը հրաժարվել էր Ռուսաստանի քաղաքացիությունից 2022-ին Արցախ տեղափոխվելուց առաջ։ Հիշեցենք, որ, ըստ Վարդանյանի կնոջ, վերջինս ձերբակալվել է սահմանին, երբ փորձել է Արցախից գալ Հայաստան։ Ըստ Ադրբեջանի պետական սահմանային ծառայության՝ Ռուբեն Վարդանյանը տարվել է Բաքու։ Նրան հանձնել են պետական համապատասխան մարմիններին՝ համապատասխան որոշում կայացնելու համար։ Նորությունները հակիրճ և օպերատիվ ստանալու համար հետևեք մեր ալիքներին՝WhatsApp-ում և Telegram-ում:

15:13 - 27 սեպտեմբերի, 2023

Մոսկվայի եւ Երեւանի միջեւ տնտեսական համագործակցությունը անհամեմատելի է Երեւանի եւ Վաշինգտոնի համագործակցության մակարդակի հետ․ Պեսկով

Մոսկվայի եւ Երեւանի միջեւ տնտեսական համագործակցությունը էական ներդրում ունի Հայաստանի զարգացման հարցում եւ անհամեմատելի է Երեւանի եւ Վաշինգտոնի համագործակցության մակարդակի հետ, ասել է Դմիտրի Պեսկովը։ «Իհարկե, ԱՄՆ-ն եւ Հայաստանը ինքնիշխան երկներ են, նրանք ունեն իրենց ուղղությունները, որոնցով նրանք զարգացնում են փոխգործակցությունն ու երկխոսությունը։ Մենք զարգանում ենք մեր սեփական ուղղություններով»,- ասել է Պեսկովը։ Խոսելով էներգետիկայի եւ այլ ոլորտների մասին՝ նա նշել է, որ «դժվար թե ինչ-որ բան համեմատել լինի այն խոր ինտեգրացիայի հետ, որը կա [Հայաստանի մոտ] ռուսական տնտեսության հետ․ «Դժվար թե ինչ-որ բան համեմատվի հայկական տնտեսության անուղղակի սուբսիդավորման հետ։ Եկեք չմոռանանք տարբեր բնական ռեսուրսների բավականին արտոնյալ մատակարարումները, [չմոռանանք] օգնությունը, որը ցուցաբերում է Ռուսաստանը։ Դա շատ նշանակալի ներդրում է Հայաստանի եւ հայ ժողովրդի զարգացման հարցում։ Ռուսաստանը դա արել է եւ կշարունակի անել»,- նշել է Պեսկովը։ «Ուստի, իհարկե, դժվար թե հնարավոր լինի համեմատել մեր փոխգործակցության մակարդակը, մեր ներգրավվածությունն այդ փոխգործակցության մեջ ամերիկացիների ներգրավվածության հետ»,- շարունակել է նա։ Ավելի վաղ հաղորդվել էր, որ ԱՄՆ նախագահ Ջո Բայդենը նամակ էր հղել Հայաստանի վարչապետ Նիկոլ Փաշինյանին, որում ասված էր, որ Վաշինգտոնն ու Երեւանը շարունակում են ամրապնդել համագործակցությունը անվտանգության, ինչպես նաեւ «էներգետիկ դիվերսիֆիկացիայի, կայունության եւ անվտանգության» ոլորտում։

16:18 - 26 սեպտեմբերի, 2023

Կրեմլը որևէ կոնկրետություն չի տեսնում ԼՂ-ում միջազգային դիտորդական առաքելություն ստեղծելու վերաբերյալ ԱՄՆ գաղափարում

Կրեմլը որևէ կոնկրետություն չի տեսնում Ղարաբաղում միջազգային դիտորդական առաքելություն ստեղծելու վերաբերյալ ԱՄՆ գաղափարում։ Այս մասին, ինչպես փոխանցում է ռուսական ՏԱՍՍ-ը, հայտարարել է ՌԴ նախագահի խոսնակ Դմիտրի Պեսկովը։ «Ոչ, այստեղ մենք որևէ կոնկրետություն չենք տեսնում։ Եվ հետո ցանկացած առաքելություն կարող է գոյություն ունենալ միայն ադրբեջանական կողմի համաձայնությամբ»,- ասել է Պեսկովը՝ պատասխանելով հարցին, թե արդյո՞ք այս հարցով քննարկումներ կան ՌԴ-ի հետ՝ որպես ԵԱՀԿ համանախագ երկրի։ Պեսկովը նշել է, որ ռուս խաղաղապահները մտադիր են շարունակել աջակցել ղարաբաղյան հակամարտության կարգավորմանը՝ իրենց գործող մանդատի համաձայն։ Պեսկովը նաև նշել է, որ Ռուսաստանը շարունակում է շփումները Ադրբեջանի եւ Հայաստանի հետ՝ կապված Լեռնային Ղարաբաղի շուրջ ստեղծված իրավիճակի հետ։ «Մենք մեր հերթին շարունակում ենք մեր շփումները Երեւանի հետ, Բաքվի հետ, ինչպես նաեւ Ղարաբաղի էթնիկ հայերի հետ»,- ասել է նա։ Հիշեցնենք, որ ԱՄՆ պետքարտուղարության խոսնակը այսօր հայտարարել է․ «Մենք միանշանակ հավատացած ենք, որ միջազգային առաքելություն պետք է լինի, որը ԼՂ բնակիչների ու միջազգային հանրության համար կապահովի թափանցիկություն, վստահություն և երաշխիքներ, որ նրանց իրավունքներն ու անվտանգությունը կպաշտպանվի Ադրբեջանի հայտարարություններին հապատասխան»։

14:56 - 26 սեպտեմբերի, 2023

Պեսկովը հայտնել է, որ հիմա դժվար թե հնարավոր լինի խոսել Ղարաբաղում ռուս խաղաղապահների մնալու ժամկետների մասին

ՌԴ նախագահի մամուլի քարտուղար Դմիտրի Պեսկովը լրագրողների հետ զրույցում անդրադարձել է Լեռնային Ղարաբաղում ռուս խաղաղապահների գործունեությանը՝ նշելով, որ ռուս խաղաղապահները Ղարաբաղում ցուցաբերում են իսկական հերոսություն, և ոչ ոք չի կարող նրանց մեղադրել իրենց պարտականությունները չկատարելու մեջ։ Նա նշել է, որ հիմա դժվար թե հնարավոր լինի խոսել Ղարաբաղում ռուս խաղաղապահների մնալու ժամկետների մասին՝ ընդգծելով, որ ՌԴ-ն կտրականապես դեմ է Ղարաբաղի շուրջ ստեղծված իրավիճակի պատասխանատվությունը Մոսկվայի ու ռուս խաղաղապահների վրա դնելու փորձերին։ Պեսկովը հայտնել է, որ ՌԴ-ն կշարունակի շփումները Նիկոլ Փաշինյանի հետ եւ իր գործունեությունը՝ ուղղված Ղարաբաղի հայերի բոլոր իրավունքներին հետևելուն։ Կրեմլի խոսնակը նաև ասել է, որ ՌԴ-ն դեմ է Ղարաբաղի հարցով միջնորդական ներուժ չունեցող երկրների՝ տարածաշրջանում իրենց ներկայությունն ամրապնդելու փորձերին։ Խոսելով Հայաստանի, Ռուսաստանի ու Ադրբեջանի ղեկավարների հնարավոր հանդիպումների մասին՝ Պեսկովն ասել է, որ եռակողմ հանդիպման կազմակերպման հարցում հստակ ուրվագծեր չկան։ Նա նաև հույս է հայտնել, որ Ալիեւի հանդիպումները, այդ թվում՝ Էրդողանի հետ, կօգնեն ապահովել անվտանգությունն ու նորմալացնել կյանքը Ղարաբաղում։

14:14 - 25 սեպտեմբերի, 2023

Այսօր դժվար թե որեւէ մեկը Երեւանի եւ Բաքվի միջեւ խաղաղության համաձայնագրի կնքման ժամկետներ նշի․ Պեսկով

Այսօր դժվար թե որեւէ մեկը Երեւանի եւ Բաքվի միջեւ խաղաղության համաձայնագրի կնքման ժամկետներ նշի, կարծում է ՌԴ նախագահի խոսնակ Դմիտրի Պեսկովը։ «Այսօր դժվար թե ինչ-որ մեկը կարողանա ժամկետներ նշել, բայց, հաշվի առնելով, որ Ղարաբաղի պատկանելության մասին հիմնական հարցը որպես այդպիսին լուծված է՝ այն լուծվել եւ կարգավորվել է Ղարաբաղի պատկանելության ճանաչման Հայաստանի որոշմամբ, ուստի կարելի է ասել, որ զգալի առաջընթաց է ապահովվել»։

20:27 - 21 սեպտեմբերի, 2023

Ռուսաստանը ընդունում է, որ այժմ Ղարաբաղում տիրող իրավիճակը Ադրբեջանի ներքին խնդիրն է. Պեսկով

Ռուսաստանի Դաշնությունը ընդունում է, որ այժմ Ղարաբաղում տիրող իրավիճակը Ադրբեջանի ներքին խնդիրն է։ Ասել է Պեսկովը՝ պատասխանելով լրագրողների հարցին։ «Իհարկե, Ղարաբաղը Ադրբեջանի ներքին խնդիրն է։ Իսկ Ադրբեջանը գործում է իր տարածքում, որը ճանաչված է Հայաստանի ղեկավարության կողմից»,- հավելել է Պեսկովը։ Պեսկովը նշել է նաև, որ Էթնիկ զտումների մասին խոսելու պատճառ դեռ չկա։ Եվ դրա համար կան ուղիղ շփումներ, որոնց ընթացքում մենք փոխանցում ենք մեր հնարավոր մտահոգությունները։ «Մենք Բաքվից հայտարարություններ ենք լսում, որ թիրախում են միայն ռազմական օբյեկտները: Եվ որ նրանք չեն թիրախավորում քաղաքացիականները: Մենք ցանկանում ենք հուսալ, որ դա ճիշտ է»,- ասել է Կրեմլի խոսնակը:

19:45 - 20 սեպտեմբերի, 2023