Գյումրի

Հայաստանի մեծությամբ երկրորդ քաղաքն է, որը գտնվում է հյուսիսարևմտյան մասում՝ Շիրակի մարզում, Ախուրյան գետի ձախ ափին, Երևանից 126 կմ հեռավորության վրա։ Տարածքը՝ 3626 հեկտար։ 2015 թ. դրությամբ ունեցել է 118,6 հազար բնակիչ, ծովի մակարդակից բարձր է ավելի քան 1500 մետր։ Քաղաքի կարգավիճակ ունի 1837 թ․-ից։ Գործող քաղաքապետը Սամվել Բալասանյանն է։

Վարդգես Սամսոնյանը պաշտոնապես ստանձնեց Գյումրու քաղաքապետի պաշտոնը   |armenpress.am|

Վարդգես Սամսոնյանը պաշտոնապես ստանձնեց Գյումրու քաղաքապետի պաշտոնը |armenpress.am|

armenpress.am: Վարդգես Սամսոնյանը պաշտոնապես ստանձնեց Գյումրու քաղաքապետի պաշտոնը: Նոյեմբերի 4-ին քաղաքապետարանի նիստերի դահլիճում տեղի ունեցավ նորընտիր քաղաքապետի երդմնակալությունը: Ձեռքը՝ Աստվածաշնչին ու Սահմանադրությանը՝ Վարդգես Սամսոնյանը երդվեց ծառայել համայնքի բարգավաճմանը:  «Ստանձնելով Գյումրի համայնքի ղեկավարի պաշտոնը երդվում եմ. պահպանել ՀՀ սահմանադրությունը, օրենքները, համայնքի ավագանու որոշումները, ազնվորեն և բարեխղճորեն կատարել համայնքի ղեկավարի լիազորությունները: Ծառայել համայնքի բարգավաճմանը, գործել ի բարօրություն բնակիչների: Պարտավորվում եմ պաշտպանել համայնքի իրավունքները, օրինական շահերը և սեփականությունը: Ուժերիս անմնացորդ նվիրումով սատարել ժողովրդի հավատին, նպաստել նրա նյութական և հոգևոր վերելքին»,- իր երդման խոսքում նշեց Վարդգես Սամսոնյանը: Քաղաքապետի երդման խոսքն ի պահ տրվեց քաղաքի պատմության թանգարանին:  Նորընտիր քաղաքապետին հանձնվեց քաղաքի խորհրդանշական բանալին և Գյումրիի զինանշանը պատկերող լանջաշղթան: Վարդգես Սամսոնյանին Շիրակի թեմի առաջնորդի անունից օրհնության խոսք հղեց Տեր Վարուժան քահանա Տերտերյանը՝  քաղաքապետին անսպառ ուժ, եռանդ, քաջառողջություն մաղթելով: «Թող այն բարեկարգումների ու բարեփոխումների շարունակողը լինեք, ինչն այսօր բոլորս տեսնում ենք քաղաքում: Ցանկանում եմ, որ Ձեր քաղաքապետության տարիներին ամեն մի գյումրեցի զգա, գիտակցի ու ազնիվ մտածում ունենա, որ օր ու գիշեր իրենց մասին մտածող ու մտահոգվող կա: Վստահ եմ՝ Ձեր գիշերը ցերեկ կդարձնեք քաղաքն առավել լուսավոր պայծառ և բարեկարգ դարձնելու համար»,-իր խոսքում նշեց Տեր Վարուժան քահանան:  
14:36 - 04 նոյեմբերի, 2021
Գյումրիի քաղաքապետի թեկնածուն ներկայացրեց լուծում պահանջող առաջնահերթ խնդիրները |armenpress.am|

Գյումրիի քաղաքապետի թեկնածուն ներկայացրեց լուծում պահանջող առաջնահերթ խնդիրները |armenpress.am|

armenpress.am: Գյումրիի քաղաքապետի թեկնածու Վարդգես Սամսոնյանը ներկայացրեց այն խնդիրները, որոնց հետամուտ է լինելու՝ քաղաքապետի պաշտոնում ընտրվելու դեպքում: Գյումրիի քաղաքապետի ընտրության հարցի քննարկման ժամանակ Սամսոնյանն ընդգծեց, որ Գյումրիում կա 3000 տնակ, 70 կմ ներքաղաքային դեռևս անբարեկարգ փողոց, աշխատատեղերի պակաս, զբոսաշրջային ենթակառուցվածքների դեռևս ոչ բավարար վիճակ, Գյումրիին վայել և արժանապատիվ տրանսպորտային համակարգի բացակայություն, քաղաքի ծայրամասերում երիտասարդական և ընտանեկան ժամանցի հարմարավետ հանգստի, աղբի վերամշակման ժամանակակից համակարգի բացակայություն: «Սրանք այն խնդիրների մի մասն են, որոնց որպես քաղաքապետ ամենօրյա իմ աշխատանքում հետամուտ եմ լինելու, եթե, հարգելի ավագանու անդամներ, ստանամ վստահության ձեր քվեն»,- ասաց Սամսոնյանը: Նա նշեց, թե ինչպիսի քաղաք է ցանկանում տեսնել 5 տարի անց: «Կարծում եմ՝ իմ երազանքները շատ չեն տարբերվում մեր մյուս քաղաքացիների երազանքներից՝ բարեկարգ, կանաչապատ, հանգիստ, համախմբված, մաքուր, զարգացող և իր ապագային վստահ նայող քաղաք: Շատ ավելի կարևոր են ճանապարհները և միջոցների ընտրությունն այս երազանքներին հասնելու համար: Խնդիրները, որոնք ունի Գյումրին, մեզ չի տալիս այլընտրանք, քան միասնական և համերաշխ մթնոլորտում բոլոր կարող ուժերի օգտագործմամբ քաղաքի զարգացման ընթացքն էլ ավելի արագացնելը»,- նշեց Սամսոնյանը:   Հարգելի՛ ընթերցողներ, մենք հետազոտություն ենք իրականացնում՝ պարզելու ձեր նախասիրությունները և առաջարկելու ձեր կարիքներին առավել համապատասխան մեդիա բովանդակություն։ Խնդրում ենք տրամադրել 5-10 րոպե այս առցանց հարցմանը մասնակցելու համար։ Ձեր տրամադրած տեղեկությունն անանուն է և կօգտագործվի միայն հետազոտական նպատակներով։
12:43 - 01 նոյեմբերի, 2021
Ընթանում է Գյումրիի նորընտիր ավագանու առաջին նիստը. քաղաքապետի միակ թեկնածուն Վարդգես Սամսոնյանն է |armenpress.am|

Ընթանում է Գյումրիի նորընտիր ավագանու առաջին նիստը. քաղաքապետի միակ թեկնածուն Վարդգես Սամսոնյանն է |armenpress.am|

armenpress.am: Գյումրիում մեկնարկել է նորընտիր ավագանու առաջին նիստը: Նիստի օրակարգի առաջին հարցով ավագանին ընտրեց ժամանակավոր հաշվիչ հանձնաժողով, որում ներառված է յուրաքանչյուր կուսակցությունից մեկական ներկայացուցիչ: Երկրորդ հարցը համայնքի ղեկավարի ընտրություն է՝ բաց քվեարկության միջոցով: Ընտրական շեմը հաղթահարած կուսակցությունները յուրաքանչյուրը պետք է ներկայացներ Գյումրու քաղաքապետի  թեկնածու, բայց ինչպես և սպասվում էր, թեկնածու ներկայացրեց միայն «Բալասանյան դաշինք» սոցիալական կուսակցությունը. Նրանց թեկնածուն Վարդգես Սամսոնյանն է, մյուս կուսակցությունները թեկնածու չներկայացրին: ՔՊ ավագանու անդամ Քնարիկ Հարությունյանը իր խոսքում նշեց «ՔՊ-ն թեկնածու չի առաջադրում, մենք կողմ ենք քվեարկելու Վարդգես Սամսոնյանի թեկնածությանը, ունենք այդպիսի քաղաքական որոշում: Սա անում ենք, որպեսզի քաղաքի կառավարումը անցնի անցնցում»:  Հաշվիչ հանձնաժողովը որոշում է քվեարկության կարգը: «Բալասանյան» դաշինքը և «Քաղաքացիական պայմանագիր» կուսակցությունը հոկտեմբերի 30-ին համագործակցության մասին հուշագիր են ստորագրել, որի համաձայն համատեղ ստանձնում են Գյումրի քաղաքի կառավարման պատասխանատվությունը: Հուշագրի համաձայն՝ Գյումրիի քաղաքապետ կընտրվի «Բալասանյան» դաշինքի ներկայացուցիչ Վարդգես Սամսոնյանը, իսկ փոխքաղաքապետերը կլինի «Քաղաքացիական պայմանագիր կուսակցությունից: Հարգելի՛ ընթերցողներ, մենք հետազոտություն ենք իրականացնում՝ պարզելու ձեր նախասիրությունները և առաջարկելու ձեր կարիքներին առավել համապատասխան մեդիա բովանդակություն։ Խնդրում ենք տրամադրել 5-10 րոպե այս առցանց հարցմանը մասնակցելու համար։ Ձեր տրամադրած տեղեկությունն անանուն է և կօգտագործվի միայն հետազոտական նպատակներով։
11:53 - 01 նոյեմբերի, 2021
«Բալասանյան» դաշինքը և ՔՊ-ն հուշագիր ստորագրեցին. Գյումրիի քաղաքապետ կդառնա Վարդգես Սամսոնյանը |armenpress.am|

«Բալասանյան» դաշինքը և ՔՊ-ն հուշագիր ստորագրեցին. Գյումրիի քաղաքապետ կդառնա Վարդգես Սամսոնյանը |armenpress.am|

armenpress.am: «Բալասանյան» դաշինքը և «Քաղաքացիական պայմանագիր»-ը համագործակցության մասին հուշագիր ստորագրեցին: Համագործակցության հուշագրի համաձայն՝ Գյումրիի քաղաքապետի պաշտոնում կառաջադրվի «Բալասանյան» դաշինքի թեկնածու Վարդգես Սամսոնյանը, իսկ երկու փոխքաղաքապետերը կլինեն «Քաղաքացական պայմանագիր» կուսակցությունից: Փոխքաղաքապետի թեկնածուների անուններ կհայտարարվեն նոյեմբերի 1-ին: Հուշագրով կողմերը պարտավորվում են իրականացնել համատեղ կադրային քաղաքականություն՝ ստանձնելով համատեղ պատասխանատվություն քաղաքի կառավարման համար: Հուշագիրը ստորագրեցին «Բալասանյան» դաշինքից Սոնա Առաքելյանը և «Քաղաքացիական պայմանագիր» կուսակցությունից Քնարիկ Հարությունյանը: Հիշեցնենք, որ հոկտեմբերի 17-ին Գյումրիում ՏԻՄ ընտրություններ են անցկացվել՝ համամասնական ընտրակարգով։  Վերջնական արդյունքների համաձայն՝ ավագանիում ներկայացված կլինի 5 քաղաքական ուժ. առավելագույն թվով մանդատներ ունի «Բալասանյան դաշինք» կուսակցությունը՝ 14 մանդատ, այնուհետև՝ «Քաղաքացիական պայմանագիր» կուսակցություն՝ 11 մանդատ, «Զարթոնք» ազգային քրիստոնեական կուսակցություն՝ 4 մանդատ, Հանրապետական կուսակցություն` 2 մանդատ, «Ապրելու երկիր» կուսակցություն` 2 մանդատ:
14:56 - 30 հոկտեմբերի, 2021
Թիվ 31 ՏԸՀ-ն ինքնաբացարկի չորս դիմում է ստացել |armenpress.am|

Թիվ 31 ՏԸՀ-ն ինքնաբացարկի չորս դիմում է ստացել |armenpress.am|

armenpress.am: Գյումրու ՏԻՄ ընտրությունները համակարգող թիվ 31 ՏԸՀ-ն ինքնաբացարկի դիմում ստացել է չորս թեկնածուներից: Ըստ ընտրական օրենսգրքի, հոկտեմբերի 27-ին 14:00-ին լրանում է Գյումրու ավագանու թեկնածուների ինքնաբացարկի ժամանակը:  Թեկնածուներից 2-ը ներկայացնում են «Քաղաքացիական պայմանագիր» կուսակցությունը, ընդ որում նրանցից մեկը ՔՊ-ի առաջին համար Շիրակի մարզպետ Հովհաննես Հարությունյանն է: Այս մասին տեղեկացրեց թիվ 31 ՏԸՀ նախագահ Տիգրան Ղազարյանը: «Ինքնաբացարկ է ներկայացրել նաև ՀՀԿ ավագանիների  ցուցակը գլխավորող Արտյոմ Ղուկասյանը: Մեկ ինքնաբացարկի դիմում էլ ներկայացվել է «Բալասանյան դաշինք» կուսակցությունից»,- նշեց նա:  Հոկտեմբերի 28-ին Գյումրու ավագանու ընտրությունների անցողիկ շեմը հաղթահարած կուսակցությունների լիազոր ներկայացուցիչները տարածքային ընտրական հանձնաժողովից կստանան իրենց քաղաքական ուժի ավագանիների անվանական մանդատները։
16:01 - 27 հոկտեմբերի, 2021
«Բալասանյան դաշինք»-ն այլ քաղաքական ուժի հետ կոալիցիա կազմելու որոշում դեռ չի ընդունել |armenpress.am|

«Բալասանյան դաշինք»-ն այլ քաղաքական ուժի հետ կոալիցիա կազմելու որոշում դեռ չի ընդունել |armenpress.am|

armenpress.am: «Բալասանյան դաշինք» սոցիալական կուսակցությունն  այլ քաղաքական ուժի հետ կոալիցիա կազմելու որոշում այս պահին դեռ չի ընդունել: Հոկտեմբերի 17-ին Գյումրիում ՏԻՄ ընտրություններին առավելագույն ձայներ հավաքած «Բալասանյան դաշինք»-ի ՝ այլ քաղաքական ուժերի հետ կոալիցիա  կազմելու հնարավոր տարբերակներ արդեն քննարկվում է սոցիալական ցանցերում: ««Բալասանյան դաշինք»-ի՝ այլ քաղաքական ուժերի հետ միանալու ու կոալիցիա կազմելու որոշում այս պահին չկա, բայց ներթիմային քննարկումներ ընթանում են»,- այդ մասին  տեղեկացրեց «Բալասանյան դաշինք»  կուսակցության թիմի անդամ Սոնա Առաքելյանը՝ նշելով, որ իրենց ցուցակը գլխավորող Վարդգես Սամսոնյանը, ով COVID ախտանիշով տեղափոխվել էր հիվանդանոց, արդեն դուրս է գրվել:   «Առաջիկա օրերին Սամսոնյանը դեռ կմնա տանը: Այս պահին ընթանում են ներթիմային քննարկումներ, հուսով ենք Սամսոնյանը ևս շուտով կմիանա այս քննարկումներին, որից հետո մենք նոր հանդես կգանք հայտարարությամբ»,-նշեց Սոնա Առաքելյանը:
17:21 - 19 հոկտեմբերի, 2021
Այս ընտրություններում վարչական ռեսուրս կիրառել են թե՛ ընդդիմությունը, թե՛ իշխանությունը, որովհետեւ երկուսն էլ ունեն այդ հնարավորությունները․ Վահրամ Թոքմաջյան

Այս ընտրություններում վարչական ռեսուրս կիրառել են թե՛ ընդդիմությունը, թե՛ իշխանությունը, որովհետեւ երկուսն էլ ունեն այդ հնարավորությունները․ Վահրամ Թոքմաջյան

Նախօրեին տեղի ունեցած ՏԻՄ ընտրությունները բավականին մրցակցային էին։ Այս մասին այսօր հրավիրված ասուլիսի ժամանակ ասաց ընտրությունների ժամանակ դիտորդական առաքելություն իրականացրած «Անկախ դիտորդ» հասարակական դաշինքի համակարգող Վարդինե Գրիգորյանը։ Դաշինքի ներկայացուցիչ Վահրամ Թոքմաջյանը, թեեւ համաձայնեց Գրիգորյանի այս դիտարկման հետ, սակայն արձանագրեց, որ քարոզարշավը բավականին թույլ էր՝ հատկապես Գյումրիի պարագայում։ Նրա դիտարկմամբ՝ Գյումրիում առաջադրված հիմնական ուժերն առաջին հայացքից ջանք ու եռանք չեն ներդրել՝ իրենց ծրագրերն ընտրողներին ներկայացնելու հարցում․ «Նախընտրական քարոզչության փուլում արձանագրված հիմնական խախտումներն առնչվում են վարչական ռեսուրսի կիրառմանը, որը միահյուսվում է աշխատանքային իրավունքին առնչվող խնդիրներին։ Ի տարբերություն 2018-ից առաջ եղած ընտրությունների՝ այս ընտրություններում վարչական ռեսուրս կիրառել են թե՛ ընդդիմությունը, թե՛ իշխանությունը, որովհետեւ երկուսն էլ ունեն այդ հնարավորությունները՝ մեկ՝ ՏԻՄ մակարդակում, մեկը՝ պետական մակարդակում»,- ասաց Թոքմաջյանը՝ հավելելով, որ շատ մարզերում, քաղաքներում, գյուղերում գործատուները հիմնականում ընդդիմություն ներկայացող կամ ընդդիմության հետ աղերս ունեցող մարդիկ են, որոնք ունեն բիզնեսներ, իսկ այդ հանգամանքը, բանախոսի կարծիքով, դերակատարում ունեցավ Գյումրու, Գորիսի, Մեղրիի պարագայում․ «Վարչական ռեսուրսին, բիզնեսին, աշխատանքային իրավունքին առնչվող խնդիրների սահմանը շատ է խախտվել։ Հետաքրքրական է, որ գործում էր կամավոր-պարտադիր սկզբունքը՝ թե՛ հավաքներին մասնակցելու, թե՛ ընտրելու մասով։ Եթե նախկինում «տասովշիկների» զգալի մասն աշխատում էր մեկ-երկու քաղուժի համար, այս ու նախորդ ընտրություններին նրանք այլեւս ունեն ընտրության հնարավորություն՝ ում համար աշխատել։ Փողը մեծ դերակատարում ունեցավ՝ ոչ ընտրակաշառքի ձեւով․ այն կուսակցությունները կամ դաշինքները հաջողեցին, որոնք ֆինանսապես կայուն էին, կարող էին ռեսուրս դնել, դրա շուրջ կառուցել քարոզարշավ, եւ այլն։ Իսկ այն ուժերը, որոնք փող չունեին կամ փող չդրեցին, հաջողություն չգրանցեցին, եւ, կարծում եմ, ապագայում էլ չեն գրանցի»,- ասաց Վահրամ Թոքմաջյանը՝ շեշտելով, որ եթե արեւմտյան ժողովրդավարական երկրներում առկա մոդելը՝ նաեւ կուսակցությունների դրամահավքաների մասով, չկայանա, այդ կուսակցությունները դարձյալ չեն հաջողելու։
17:47 - 18 հոկտեմբերի, 2021
Նախնական արդյունքներով՝ ՔՊ կուսակցությունը Գյումրու ավագանիում կունենա 11 մանդատ. Սարուխանյան

Նախնական արդյունքներով՝ ՔՊ կուսակցությունը Գյումրու ավագանիում կունենա 11 մանդատ. Սարուխանյան

Նախնական արդյունքներով «Քաղաքացիական պայմանագիր» կուսակցությունը Գյումրու ավագանիում կունենա 11 մանդատ: Այս մասին ֆեյսբուքյան իր էջում գրել է «Քաղաքացիական պայմանագիր» կուսակցության Գյումրու տարածքային խորհրդի նախագահ Կարեն Սարուխանյանը՝ շնորհակալություն հայտնելով կուսակցությանը ձայն տված բոլոր քաղաքացիներին: Կարեն Սարուխանյանի գրառումը ներկայացնում ենք ստորև. «Սիրելի՛ Գյումրեցիներ Դե ինչ, կարելի է փաստել, որ Գյումրու ՏԻՄ ընտրություններն արդեն անցյալում են։ Ցանկանում եմ շնորհակալություն հայտնել այն քաղաքացիներին, ովքեր իրենց վստահության քվեն տվեցին «Քաղաքացիական պայմանագիր» կուսակցությանը և հավաստիացնել, որ Ձեր տված քվեն պարտավորեցնող է մեր քաղաքական թիմի համար։ Նախնական արդյունքներով՝ «Քաղաքացիական պայմանագիր» կուսակցությունը Գյումրու ավագանիում կունենա 11 մանդատ, որը կծառայի Գյումրեցու, մեր քաղաքի շահին։ Շնորհավորում եմ բոլոր այն քաղաքական ուժերին, որոնք հաղթահարեցին անցողիկ շեմը և ներգրավածություն են ունենալու Գյումրու համայնքի զարգացման պրոցեսում»։ Հիշեցնենք՝ ՏԻՄ ընտրությունները Գյումրիում տեղի են ունեցել երեկ: Ընտրությունների նախնական արդյունքներով՝ «Քաղաքացիական պայմանագիր» կուսակցությունը հավաքել է 7785 ձայն, «Բալասանյան դաշինք» սոցիալական կուսակցությունը՝ 9637 ձայն:
14:20 - 18 հոկտեմբերի, 2021
«Հայրաքաղաք» դաշինքը ընդունում է իր պարտությունը Գյումրիում

«Հայրաքաղաք» դաշինքը ընդունում է իր պարտությունը Գյումրիում

 Գյումրու ավագանու հոկտեմբերի 17-ի ընտրություններում թեկնածու «Հայրաքաղաք» դաշինքը հայտարարություն է տարածել, որում ասվում է. «Գյումրու ավագանու հոկտեմբերի 17-ի ընտրություններում թեկնածու «Հայրաքաղաք» դաշինքը, ուսումնասիրելով ընտրությունների արդյունքները, հասկանալով, որ գյումրեցիները չուզեցին օգտվել մեր ծառայությունից, հայտարարում է, որ հարգում է քաղաքացիների կամքը եւ ընդունում է իր պարտությունը:  Շնորհակալություն ենք հայտնում մեզ քվե տված 1142 ընտրողներին վստահության համար: Շնորհակալություն ենք հայտնում նաեւ մրցակից քաղաքական ուժերին քվե տված բոլոր ընտրողներին՝ նոր քաղաքային իշխանություն ձեւավորելու համար:  Շնորհավորում ենք ընտրություններին մասնակցած եւ ավագանու կազմ անցած բոլոր քաղաքական ուժերին, մաղթելով նրանց արդյունավետ աշխատանք:  «Հայրաքաղաք» դաշինքի անդամ քաղաքական ուժերը եւ անհատ թեկնածուները շարունակելու են իրենց աշխատանքը, կարեցածի չափով օգտակար լինելով քաղաքին եւ մարդկանց»։
09:56 - 18 հոկտեմբերի, 2021
Նախնական տվյալներով Գյումրիում հաղթել է «Բալասանյան» դաշինքը․ անցողիկ շեմը հաղթահարել է 5 ուժ |armenpress.am|

Նախնական տվյալներով Գյումրիում հաղթել է «Բալասանյան» դաշինքը․ անցողիկ շեմը հաղթահարել է 5 ուժ |armenpress.am|

armenpress.am: Ըստ նախնական տվյալների` հայտնի են այն 5 ուժերը, որոնք հաղթահարել են Գյումրիի ՏԻՄ ընտրությունների անցողիկ շեմը: Կուսակցությունների համար անցողիկ շեմը 4 տոկոսն է, իսկ դաշինքների համար՝ 6: Ընտրություններին մասնակցում էր 10 քաղաքական ուժ։ Ըստ բոլոր տեղամասերից ստացված նախնական արդյունքների՝ ձայները բաշխվել են հետևյալ կերպ․ 1․ «Հայրաքաղաք» դաշինք –1162 ձայն (4,41%) 2․« Արժանապատիվ ուղի» կուսակցություն– 388 ձայն (1,47 %) 3․ Հայաստանի հանրապետական կուսակցություն- 1333 ձայն (5,06%) 4․ Քաղաքացիական պայմանագիր կուսակցություն– 7785 ձայն (29,56 %) 5․«Զարթոնք» ազգային քրիստոնեական կուսակցություն–2793 ձայն (10,60%) 6․ Հայաստանի կոմունիստական կուսակցություն– 260 ձայն (0,99%) 7․« Գյումրին կռնա» դաշինք –904 ձայն (3,43%) 8․« Բալասանյան դաշինք» սոցիալական կուսակցություն– 9637 ձայն (36,59%) 9․« Թասիբով» դաշինք– 586 ձայն (2,23%) 10․«Ապրելու երկիր» կուսակցություն –1489 ձայն (5,65%): Այսպիսով, Գյումրի ՏԻՄ ընտրություններում անցողջիկ շեմը հաղթահարել են «Բալասանյան» դաշինքը, «Քաղաքացիական պայմանագիր» կուսակցությունը, Հայաստանի Հանրապետական կուսակցությունը, «Զարթոնք» կուսակցությունը և «Ապրելու երկիր» կուսակցությունը: Գյումրիում գործել է 82 ընտրատեղամաս։ Ընտրողների թիվը 109․453-ն է։ Նրանցից ընտրությանը մասնակցել են 26․417 ընտրող` ընտրելու իրավունք ունեցող քաղաքացիների 24․14%-ը։
09:42 - 18 հոկտեմբերի, 2021
Ահազանգ է ստացվել, թե Գյումրիի թիվ 2 պոլիկլինիկայի աշխատակցին պահանջել են քվեարկել ՔՊ թեկնածուի օգտին․ «Անկախ դիտորդ» դաշինք

Ահազանգ է ստացվել, թե Գյումրիի թիվ 2 պոլիկլինիկայի աշխատակցին պահանջել են քվեարկել ՔՊ թեկնածուի օգտին․ «Անկախ դիտորդ» դաշինք

Անկախ դիտորդ դաշինքն ահազանգ է ստացել, որ Գյումրիի թիվ 2 պոլիկլինիկայի կադրերի բաժնից զանգահարել են նույն պոլիկլինիկայի աշխատակցին և պահանջել, որ ներկայանա քվեարկության և քվեարկի Շիրակի մարզպետ, համայնքի ղեկավարի ՔՊ թեկնածու Հովհաննես Հարությունյանի օգտին։ Քաղաքացուն զգուշացրել են, թե իբր կպարզեն՝ ում օգտին է քվեարկել։ «Ի գիտություն, Ընտրողին այս կամ այն կերպ քվեարկելուն հարկադրելը և ընտրողի քվեարկության գաղտնիությունը խախտելը պատժվում են Քրեական Օրենսգրքի համապատասխանաբար 154․2 և 154 հոդվածներով»,- նշված է դաշինքի հայտարարության մեջ։ Հիշեցնենք, որ այսօր՝ հոկտեմբերի 17-ին, Գյումրիում, Գորիսում, Մեղրիում, Տաթևում և Դիլիջանում անցկացվում են տեղական ինքնակառավարման մարմինների համամասնական ընտրություններ։ 
18:39 - 17 հոկտեմբերի, 2021
«ՔՊ»-ի գովազդային պաստառներ են փակցվել Գյումրիի մի շարք կառույցների վրա․ քաղաքապետի թեկնածու Վարդևան Հակոբյան

«ՔՊ»-ի գովազդային պաստառներ են փակցվել Գյումրիի մի շարք կառույցների վրա․ քաղաքապետի թեկնածու Վարդևան Հակոբյան

2021 թվականի հոկտեմբերի 16-ի լույս 17-ի գիշերը թիվ 4, 37, 40, 41 դպրոցների, «Ընտանիք» հասարակական կազմակերպության, «Անի» մանկապարտեզի և ընտրատեղամաս հանդիսացող այլ տարածքների մերձակայքում, խախտելով ընտրական օրենսգրքի 19-րդ հոդվածի 6-րդ կետով սահմանված քարոզչություն իրականացնելու արգելքը, փակցրել են Քաղաքացիական Պայմանագիր կուսակցության ներկայացուցիչ՝ քաղաքապետի թեկնածու Հովհաննես Հարությունյանի և թիվ 4 քվեաթերթիկի լուսանկարներով գովազդային պաստառներ: Այս մասին իր ֆեյսբուքյան էջում հայտնել է քաղաքապետի թեկնածու Վարդևան Հակոբյանը։    «Թույլ տրված օրինախախտման մասին 17.10.2021թ. ժամը 09.30-ի սահմաններում իրազեկում է ներկայացվել ՀՀ Ոստիկանության Շիրակի մարզային վարչություն»,- ասված է գրառման մեջ։ 
16:05 - 17 հոկտեմբերի, 2021