Մհեր Գրիգորյան

Մհեր Գրիգորյանը (փետրվարի 15, 1972, Աշտարակ) ՀՀ փոխվարչապետն է (2018 թ., մայիսի 12), ֆինանսաբանկային համակարգի մասնագետ, իրավաբան: 1989-1991 թթ. սովորել է Լոմոնոսովի անվան Մոսկվայի պետական համալսարանի իրավագիտության ֆակուլտետում: 1991-1994 թթ․ սովորել է ԵՊՀ իրավագիտության ֆակուլտետը։ 1997-1998 թթ. անցել է Մեծ Բրիտանիայի Լիդսի համալսարանի բիզնես դպրոցի 6-ամսյա որակավորման դասընթաց:

Մասնագիտական գործունեությունը սկսել է 1996 թ․ ՀՀ Կենտրոնական բանկում՝ որպես իրավաբան։ 1999-2005 թթ․ աշխատել է «Հայներարտբանկ» ՓԲԸ-ում (հետագայում՝ «Ամերիաբանկ» ՓԲԸ), 2002-2006 թթ. մատուցել է իրավաբանական-խորհրդատվական ծառայություններ Համաշխարհային բանկին: 2004-2005 թթ. համատեղության կարգով աշխատել է HSBC Բանկ Հայաստանի իրավաբանական ծառայության ղեկավարի պաշտոնում:

2005 թ․ նշանակվել է «Ինեկոբանկ» ՓԲԸ-ի գործադիր տնօրեն։ 2007-2011 թթ․ զբաղեցրել է «ՎՏԲ Բանկ-Հայաստան» ՓԲԸ-ի գլխավոր տնօրենի տեղակալի պաշտոնը: 2011 թ․ նշանակվել է «Արդշինբանկ» ՓԲԸ-ի վարչության նախագահ և աշխատել մինչև 2018 թ․ մայիսի 12-ը:

Փոխվարչապետ Մհեր Գրիգորյանը հանդես է եկել բացման խոսքով ԵԱՏՄ բարձրագույն հաշվեքննիչ մարմինների կոլեգիայի համատեղ նիստին

Փոխվարչապետ Մհեր Գրիգորյանը մասնակցել է Երևանում կազմակերպված ԵԱՏՄ բարձրագույն հաշվեքննիչ մարմինների կոլեգիայի համատեղ նիստին և հանդես եկել բացման խոսքով, որում մասնավորապես նշել է. «Եվրասիական տնտեսական միության ֆինանսական վերահսկողության բարձրագույն մարմինների հարգելի նախագահողներ, Համատեղ նիստի հարգելի մասնակիցներ և հյուրեր, Ողջունում եմ Ձեզ Հայաստանի Հանրապետության կառավարության անունից:Եվրասիական տնտեսական միությունը արդյունավետ ինտեգրացիոն միավորում է՝ ստեղծված անդամ պետությունների կայուն տնտեսական աճն ու զարգացումը ապահովելու համար: Միությունն արդեն իսկ ապացուցել է իր կենսունակությունն ու արդյունավետությունը, ինչի մասին վկայում են ներքին առևտրաշրջանառության ցուցանիշները, արտաքին առևտրի ծավալները, ինչպես նաև կհավելեմ, բազում երկրների ցանկությունը ունենալու գործնական և ինստիտուցիոնալ հարաբերություններ ԵԱՏՄ-ի հետ, մասնավորապես՝ առևտրի մասով: Անհրաժեշտ է ընդգծել, որ Եվրասիական միությունը մեծ, ընդհանուր և միաժամանակ բարդ օրգանիզմ է, որում մեր երկրները փոխադարձ հարգանքի վրա հենվելով և բոլոր կողմերի շահերը հաշվի առնելով, ամենօրյա և նպատակաուղղված աշխատանքով լուծում են արդիական խնդիրները: Այստեղ, իհարկե, կցանկանայի կանգ առնել Միության մարմինների աշխատանքի շարժունակության և արդյունավետության վրա: Մի կողմից, այո, իսկապես դա միություն է, որտեղ որոշումներն ընդունվում են կոնսենսուսի միջոցով, ինչը Միության ինստիտուցիոնալության տեսանկյունից, իհարկե, շատ լավ է: Մյուս կողմից՝ դա ունի որոշակի ազդեցություն որոշումների կայացման արագության վրա, բայց ես ձեզ վսհատեցնում եմ, որ ամեն դեպքում ամեն օր կամ ամեն տարի գուցե լուծումների քննարկումը և ընդունումը տեղի է ունենում ավելի արդյունավետ և օպերատիվ կերպով, և այս առումով միության և գործընթացների կառավարման հեռանկարները ամեն տարի զարգանում են, և մենք կարծում ենք, որ դառնում են գործուն և օպերատիվ: Ինչպես գիտեք, Հայաստանն այս տարի նախագահում է ԵԱՏՄ-ում, և մենք մեր կողմից առավելագույն ջանքերն ենք գործադրել Միության լիարժեք գործառնության, ինչպես նաև արտաքին տնտեսական կապերի դիվերսիֆիկացման և ազատ առևտրի համաձայնագրերի աշխարհագրության ընդլայնման համար: Այս տարի մենք վերջնականացրել և անցել ենք Միության և Իրանի Իսլամական Հանրապետության միջև կնքված համաձայնագրի կիրարկմանը և Սերբիայի հետ կնքել ենք համաձայնագիր: Ես կարծում եմ, որ դրանք բավականին նշանակալի արդյունքներ են, քանի որ առևտրի ծավալը և հարաբերությունների ծավալը, որոնք կարգավորվում են այս համաձայնագրերով բավականին մեծ են: Կարծում եմ, որ մեր երկրների բիզնեսների համար դրանք առևտրային կապերը զարգացնելու լավ և նոր հարթակներ են: Նիստի հարգելի մասնակիցներ, Կցանկանայի նշել, որ Միության շրջանակներում ինտենսիվ համագործակցում են ոչ միայն գործադիր իշխանության ներկայացուցիչները, այլև ֆինանսական վերահսկողության բարձրագույն մարմինները: Կարծում եմ, որ ձեր համագործակցությունը Միության շրջանակներում ամեն տարի ամրապնդվում է, իսկ այն փաստը, որ Հաշվեքննիչ պալատի նախագահ Ալեքսեյ Լեոնիդի Կուդրինը հանդիսանում է Ֆինանսական վերահսկողության բարձրագույն մարմինների միջազգային կազմակերպության նախագահ, իր հերթին թույլ կտա զարգացնել և ամրապնդել փոխգործակցությունը միջազգային կազմակերպությունների հետ: Անխոս, մարմինների համագործակցությունը շատ կարևոր թեմա է: Ընդհանրապես դժվար է պատկերացնել տնտեսական միության զարգացում առանց պետությունների բոլոր մարմինների ընդհանրական համագործակցության: Այս իմաստով և՛ այսօրվա նիստի փաստը, և՛ այն փաստը, որ հաշվեքննիչ պալատների միջև կա ինստիտուցիոնալ համագործակցություն այսօր, ուրախացնում է և կարևոր նշանակություն ունի մեր տնտեսական համայնքների զարգացման համար: Այսօր հերթական միջոցառումն է, որը վկայում է, որ ինտեգրման զարգացումն անցնում է ընդհանրական, ինչը շատ կարևոր է: Որպես Եվրասիական տնտեսական հանձնաժողովի նախագահ կարող եմ վստահեցնել, որ մենք բարձր ենք գնահատում և ուշադրությամբ ենք վերաբերվում Ֆինանսական վերահսկողության բարձրագույն մարմինների կողմից իրականացվող համատեղ վերահսկիչ միջոցառումների արդյունքներին: Ձեր առաջարկություններն ու խորհրդատվությունները մեզ ներկայացնում են օբյեկտիվ տեղեկատվություն Միության բյուջեի արդյունավետ ծրագրման և ծախսման, ինչպես նաև ներմուծման մաքսատուրքերի վճարների ժամանակին և ճիշտ բաշխման համար: Սա նույնպես բավականին բարդ թեմա է, քանի որ մաքսատուրքերի վճարների բաշխումը, ինչպես գիտեք, ուղղակի մաթեմատիկական բանաձև չէ: Մենք այդ թեմայի մեջ ներդրել ենք հիմնական տնտեսական սկզբունքները: Այս թեման քննարկվել է շատ երկար և շատ մանրամասն: Եվ գրեթե մեկ տարի այն քննարկվել ք: Այս տարի մենք հանգել ենք որոշակի բանաձևի, որն իր մեջ ներառում է, կկրկնեմ, ոչ միայն մաթեմատիկական հետևանքներ, այլ իրապես մասնակիցների տնտեսական զարգացման մակարդակ: Այսինքն մեր երկրների տնտեսությունների համար նշանակություն ունեցող շատ գործոններ այս իմաստով հաշվի են առնվել: Հարգելի հյուրեր, Ամփոփելով ցանկանում եմ մաղթել բոլորիս արգասաբեր և հաջող աշխատանք և, իհարկե, հաճելի ժամանց Հայաստանում: Ավարտելով խոսքս՝ ցանկանում եմ ձեզ ևս մեկ անգամ շնորհակալություն հայտնել մասնակցության համար և մաղթել ամենայն բարիք: Շնորհակալություն ուշադրության համար»:

10:13 - 28 նոյեմբերի, 2019

Մհեր Գրիգորյանը մասնակցել է ԱՊՀ պետությունների կառավարությունների ղեկավարների խորհրդի նիստին

Փոխվարչապետ Մհեր Գրիգորյանը Մոսկվայում մասնակցել է ԱՊՀ պետությունների կառավարությունների ղեկավարների խորհրդի նիստին: Նիստի ընթացքում քննարկվել են ԱՊՀ շրջանակներում տնտեսական փոխգործակցության արդիական հարցերը: Խորհրդի նիստի մասնակիցները մտքեր են փոխանակել հասարակության թվային զարգացման ոլորտում ԱՊՀ մասնակից պետությունների համագործակցության վերաբերյալ հայեցակարգի և միջոցառումների ծրագրի, ԱՊՀ մասնակից պետությունների տեղեկատվական անվտանգության ապահովման ռազմավարության շուրջ: Նիստի արդյունքներով ստորագրվել են ԱՊՀ տարածքում համագործակցության վերաբերյալ մեկ տասնյակից ավել փաստաթղթեր: Փոխվարչապետ Մհեր Գրիգորյանը նիստի ընթացքում հանդես է եկել ելույթով: *** Հարգելի Դմիտրի Անատոլիի, միանում եմ այսօրվա հանդիպման լավ կազմակերպման և ջերմ ընդունելության համար մեր ռուս գործընկերներին ուղղված երախտագիտության խոսքերին: Ուզում եմ անկեղծ շնորհակալություն հայտնել Սերգեյ Նիկոլայի Լեբեդևին գործադիր կոմիտեի արդյունավետ աշխատանքի համար: Ընթացիկ հանդիպման ժամանակ քննարկման են դրված առողջապահության, կրթության, տեղեկատվական և այլ բնագավառներում համագործակցության ընդլայնման և խորացման հնարավորություններին առնչվող հարցերի շրջանակ:Հայաստանը ողջունում է նշված ոլորտներում համագործակցության և փոխգործակցության նախաձեռնությունները և հաստատում է ցանկությունը լիարժեք մասնակցելու դրանց: Մենք հետաքրքրված ենք թվային զարգացման ոլորտում փոխշահավետ համագործակցության ակտիվացմամբ և ընդլայնմամբ: Հասարակության թվային զարգացման ոլորտում ԱՊՀ մասնակից պետությունների համագործակցության հայեցակարգում, ինչպես նաև դրա իրականացման ուղղությամբ առաջնային միջոցառումների ծրագրում արտացոլված են ԱՊՀ մասնակից պետությունների համաձայնեցված մոտեցումները այս ոլորտում միջպետական փոխգործության հիմնական խնդիրների, սկզբունքների, առանցքային ուղղությունների, ինչպես նաև մեխանիզմների վերաբերյալ: Շահագրգիռ պետությունների միջև բազմակողմ ռազմական և ռազմատեխնիկական համագործակցությունը, այդ թվում նաև՝ ԱՊՀ միասնական հակաօդային համակարգի ամրապնդումն ու զարգացումը, դիտարկում ենք որպես զգալի ներդրում անվտանգության ապահովման գործում և այդ առումով պատրաստ ենք աջակցել 2020 թվականին Անկախ պետությունների համագործակցության մասնակից պետությունների հակաօդային պաշտպանության միավորված համակարգի ստեղծմանն ու զարգացմանը հատկացումներ տրամադրելու վերաբերյալ որոշմանը: Հայկական կողմը նաև աջակցում է նիստին ներկայացված՝ տեղեկատվական անվտանգության, ռադիոնավիգացիայի և այլ ոլորտներում փոխգործակցությունը կանոնակարգող կամ առկա մեխանիզմների կատարելագործմանը միտված փաստաթղթերի ընդունմանը: Աջակցում ենք ԱՊՀ մասնակից պետությունների տեղեկատվական անվտանգության ապահովման ռազմավարության ընդունմանը: Դիտարկում ենք ռազմավարությունը որպես համալիր փաստաթուղթ, որն իրենից ներկայացնում է փոխգործակցության զարգացման ընդհանուր նպատակների, առաջնայնությունների և հեռանկարի վերաբերյալ ԱՊՀ մասնակից պետությունների հայացքների համաձայնեցված համակարգ: ԱՊՀ շրջանակներում համագործակցությանը մեծ նշանակություն տալով՝ Հայաստանը հետաքրքրված է ԱՊՀ-ի՝ որպես միջազգային տարածաշրջանային կազմակերպության ամրապնդմամբ: Ընդհանուր կարծիք կարտահայտեմ, եթե նշեմ, որ Համագործակցության հիմնական խնդիրը ԱՊՀ-ում տնտեսության, հումանիտար, անվտանգության ոլորտում և քաղաքական փոխգործակցության շրջանակում միջպետական համագործակցության հետագա զարգացման համար բարենպաստ պայմանների ապահովումն է: Վստահ եմ, որ առկա պայմանավորվածությունները որոշակի բովանդակությամբ լրացնելու մեր հետագա ջանքերը կավելացնեն Անկախ պետությունների համագործակցության ներդրումը ԱՊՀ տարածքում մեր պետությունների բազմակողմ փոխգործակցության ամրապնդման և ընդլայնման հարցում: Ամփոփելով ցանկանում եմ հաստատել մեր մտադրությունն այսուհետ ևս մեր ներդումն ունենալու ԱՊՀ պետությունների միջև համագործակցության զարգացման գործում: Պատրաստ ենք ԱՊՀ շրջանակներում ջանքեր գործադրել ԱՊՀ կառույների և ոլորտային համագործակցության մարմինների գործնական արդյունավետությունը բարձրացնելու համար:

13:28 - 25 հոկտեմբերի, 2019