«Քաղաքացիական պայմանագիր» կուսակցություն - ՔՊ

2021 թվականի հունիսին տեղի ունեցած խորհրդարանական արտահերթ ընտրությունների արդյունքում ՀՀ-ում կառավարություն ձեւավորած եւ խորհրդարանական մեծամասնություն դարձած քաղաքական կուսակցություն է։ 8-րդ գումարման խորհրդարանում՝ «Քաղաքացիական պայմանագիր» խմբակցություն։

Որպես միավոր՝ ձեւավորվել է 2013 թվականին։ Կուսակցությունը պաշտոնապես ստեղծվել է 2015 թվականին։

Կուսակցությունը «Իմ քայլը» դաշինքի կազմով բացարձակ մեծամասնություն է եղել նաեւ ՀՀ 7-րդ գումարման Ազգային ժողովում։

Իսկ 2017 թվականի խորհրդարանական ընտրություններին կուսակցությունը դաշինքով էր հանդես եկել «Հանրապետություն» եւ «Լուսավոր Հայաստան» կուսակցութունների հետ, ԱԺ-ում «Ելք» խմբակցություն ձեւավորել՝ 9 պատգամավորով։ Նույն դաշինքով կուսակցությունը մասնակցել էր նաեւ 2017թ․ Երեւանի քաղաքապետի եւ ավագանու ընտրություններին՝ ունենալով 14 հոգանոց խմբակցություն։

2018 թվականին Երեւանի քաղաքապետի ու ավագանու արտահերթ ընտրությունների ժամանակ կուսակցությունը մասնակցել էր «Առաքելություն» կուսակցության հետ՝ «Իմ քայլը» դաշինքով․ դաշինքի ցուցակը գլխավորող Հայկ Մարությանը դարձավ Երեւանի քաղաքապետ` ստանալով 80%-ից ավել քվե։

Երևանը շարունակում է պնդել՝ Հայաստան-Թուրքիա հարաբերությունների «նորմալացման գործընթացը պիտի տեղի ունենա առանց նախապայմանների» |azatutyun.am|

azatutyun.am: Երևանը շարունակում է պնդել՝ Հայաստան-Թուրքիա հարաբերությունների նորմալացման գործընթացը պիտի տեղի ունենա առանց նախապայմանների։ Պրահայում հոկտեմբերի 7-ին Հայաստանի վարչապետ Նիկոլ Փաշինյանի հետ հանդիպումից հետո, Թուրքիայի նախագահ Ռեջեփ Էրդողանն էր հայտարարել, թե Թուրքիան Հայաստանի հետ սահմանները կբացի, հենց Հայաստանի ու Ադրբեջանի միջև խաղաղության պայմանագիր ստորագրվի։ Հայաստանի Ազգային ժողովի իշխող «Քաղաքացիական պայմանագիր» խմբակցության ղեկավար Հայկ Կոնջորյանը վերահաստատեց Երևանի դիրքորոշումը՝ կարգավորման գործընթացը տեսնում են առանց նախապայմանների։ «Թույլ տվեք ինքս չմեկնաբանեմ Էրդողանի հայտարարությունները, ես կարող եմ մեկնաբանել Հայաստանի իշխանությունների հայտարարությունները և այդ հայտարարությունները մնում են նույնը՝ մենք նախապայմաններով չենք մտնելու էդ գործընթացի մեջ», - ասաց Կոնջորյանը։ Անդրադառնալով հայաստանյան ընդդիմադիր խմբակցությունների՝ բանակցողին փոխելու պահանջին՝ իշխանական պատգամավորը նախ դա քաղաքական ինֆանտիլության հետևանք համարեց՝ նկատելով՝ նոյեմբերի 9-ից հետո էլ մանտրայի պես կրկնում էի, որ պետք է փոխել բանակցողին, ապա շեշտեց՝ ժողովրդավարական հասարակության մեջ բանակցողին փոխելու կամ չփոխելու որոշումը կայացնում է ժողովուրդը, իսկ ժողովուրդը, նրա համոզմամբ, արտահերթ խորհրդարանական ընտրությունների միջոցով գնացել է և մանդատը բանակցելու տվել է Նիկոլ Փաշինյանին և գործող իշխանությանը։ Ընդդիմության դիտարկմանը, թե այդ մանդատն իշխանությունները կորցրել են, որովհետև ժամանակին ասում էին՝ «անջատում հանուն փրկության, արցախահայերի իրավունքներից բխող կարգավիճակ», հիմա ընդհանրապես այլ բան են ասում՝ «Ստեփանակերտ-Բաքու երկխոսություն», իշխանական պատգամավորն այսպես արձագանքեց․ - «Թող էդ խորհրդարանական ընդդիմությունը վերադառնա խորհրդարան, և բոլոր այդ հարցերով բանավիճի մեզ հետ, բանավիճի վարչապետի հետ»։ Ազգային ժողովի ընդդիմադիր «Հայաստան» և «Պատիվ ունեմ» խմբակցությունները մայիսից բոյկոտել են ԱԺ նիստերը Արցախի կարգավիճակի նշաձողը իջեցնելու մասին՝ վարչապետ Փաշինյանի հայտարարությունից հետո։ Վրաններ տեղադրեցին Ֆրանսիայի հրապարակում և ամենօրյա փողոցային պայքար սկսեցին։ Մեկուկես ամիս հետո հայտարարեցին մարտավարությունը փոխելու մասին և դադարեցրին նստացույցը։ Աշնանային նստաշրջանի մեկնարկին Ազգային ժողովի նախագահ Ալեն Սիմոնյանը վստահեցրեց, որ բացակայությունների շարունակական լինելու դեպքում այս անգամ իշխանությունը մինչև վերջ կգնա և նիստերից բացակայող ընդդիմադիրներին կզրկի մանդատից։

11:17 - 11 հոկտեմբերի, 2022

Մեխանիզմները հայտնի չեն, քննարկումներ են գնում. պատգամավորը՝ Ստեփանակերտի և Բաքվի միջև հնարավոր քննարկումների մասին |armenpress.am|

armenpress.am: Ստեփանակերտի և Բաքվի միջև հնարավոր ուղիղ քննարկումները հայտնի չէ, թե ինչ մեխանիզմով կարող են իրականացվել, այս մասին քննարկումներ են ընթանում միջազգային գործընկերների հետ: Այս մասին ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը խորհրդարանական ճեպազրույցում՝ անդրադառնալով հարցին, թե միջազգային ի՞նչ մեխանիզմներով են Ստեփանակերտն ու Բաքուն բանակցելու: «Այս պահին դեռ որևէ մեկին վերջնական հայտնի չեն այդ մեխանիզմները: Դրանք քննարկման առարկա են: Այս մասին դեռևս քննարկումներ են գնում մեր միջազգային գործընկերների հետ: Բայց, բնականաբար, խոսակցությունը գնում է հնարավորինս արդյունավետ մեխանիզմների համար, որպեսզի այդ երկխոսությունը հնարավորինս ստացվի, և մենք կարողանանք այս առումով քայլ առաջ անել և ապահովել արցախահայության իրավունքներն իրենց հողում»,-ասաց Հովհաննիսյանը: Անդրադառնալով հարցին՝ կարո՞ղ է լինել ԵԱՀԿ Մինսկի խմբի ձևաչափում, թե՞ նոր ձևաչափ է լինելու՝ նա պատասխանեց, որ հնարավորինս ճկուն քաղաքականություն են վարում, և չի բացառվում, որ նոր ձևաչափ լինի, չի բացառվում, որ ԵԱՀԿ տիրույթում լինի: Դեռ քննարկումներ են գնում, կոնկրետություններ չկան:

12:53 - 10 հոկտեմբերի, 2022

Հայ-ադրբեջանական սահմանին ԵՄ առաքելությունը Ադրբեջանի հնարավոր ագրեսիան զսպող գործոն կլինի. Վահագն Ալեքսանյան |armenpress.am|

armenpress.am: Հայ-ադրբեջանական սահմանի երկայնքով Եվրամիության քաղաքացիական առաքելության տեղակայումը կնպաստի կայունացմանը և ադրբեջանական հնարավոր ագրեսիայի համար ևս մեկ լրացուցիչ զսպող գործոն կլինի: Խորհրդարանական ճեպազրույցում նման տեսակետ հայտնեց ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը: «Մեր դիրքորոշումը միանշանակ է և աներկբա՝ Ադրբեջանը պետք է դուրս գա մեր տարածքներից, որովհետև ՀՀ տարածքային ամբողջականությունը սակարկման ենթակա չէ ոչ մի պայմանով: Այդ առաքելությունը, մեր կարծիքով, միանշանակ կնպաստի կայունացմանը և ևս մեկ լրացուցիչ զսպող գործոն կլինի ադրբեջանական հնարավոր ագրեսիայի համար»,-ասաց Վահագն Ալեքսանյանը: Իսկ թե քաղաքացիական առաքելությունը ե՞րբ է տեղակայվելու՝ պատգամավոր Հռիփսիմե Գրիգորյանն ասաց, որ այս պահին պարզ չէ, թե կոնկրետ ո՞ր օրը կլինի տեղակայումը, որովհետև քննարկման փուլում է: «Սակայն, ինչպես նշված էր հաղորդագրության մեջ, պետք է տեղի ունենա հոկտեմբերին: Ակնկալում ենք՝ մինչև ամսվա վերջ»,-նշեց պատգամավորը:

12:22 - 10 հոկտեմբերի, 2022

Շարունակում ենք ՌԴ-ի հետ մեր դաշնակցային հարաբերությունները. Արթուր Հովհաննիսյան |1lurer.am|

1lurer.am: Նախօրոք պլանավորած այց էր: Այս մասին ԱԺ ճեպազրույցների ընթացքում ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը՝ անդրադառնալով հոկտեմբերի 7-ին վարչապետի ՌԴ կատարած այցին: «Ինչ վերաբերում է հայ-ռուսական գործակցությանը, ապա մենք դաշնակցային երկրներ ենք, բարեկամ ժողովուրդներ ենք, շարունակում ենք մեր դաշնակցային հարաբերությունները: Այո՛, կան որոշակի խնդիրներ, մենք արձանագրել ենք այդ խնդիրները և մեր գործընկերների հետ աշխատում ենք ու դեռևս սպասում հստակ քայլերի ու գործողությունների, որոնք վերաբերում են մեր հանրապետության տարածքային ամբողջականության վերականգնմանը և պայմանագրային մեխանիզմների գործարկմանը»,- ասաց Հովհաննիսյանը:

12:07 - 10 հոկտեմբերի, 2022

ՔՊ-ն ԿԸՀ նախագահի պաշտոնում առաջադրել է Վահագն Հովակիմյանի թեկնածությունը

«Քաղաքացիական պայմանագիր» խմբակցությունը ՀՀ Կենտրոնական ընտրական հանձնաժողովի նախագահի պաշտոնում առաջադրել է նույն խմբակցության պատգամավոր Վահագն Հովակիմյանի թեկնածությունը։ Այդ մասին պատգամավորը գրառում է կատարել իր ֆեյսբուքյան էջում։ «ՀՀ Սահմանադրության 195-րդ հոդվածի 5-րդ մասի համաձայն՝ ԿԸՀ անդամներն իրենց լիազորություններն իրականացնելիս չեն կարող լինել որևէ կուսակցության անդամ կամ որևէ այլ կերպ զբաղվել քաղաքական գործունեությամբ։ Ըստ այդմ, տեղեկացնում եմ, որ «Քաղաքացիական պայմանագիր» կուսակցությանն, ի դեմս վարչության նախագահ Սուրեն Պապիկյանի, դիմում եմ ներկայացրել կուսակցության անդամակցությունս դադարեցնելու մասին։ Այսպիսով, «Քաղաքացիական պայմանագիր» կուսակցությանն անդամակցությունս այլև դադարեցված է։ Տեղեկացնեմ նաև, որ այսօր նաև ՀՀ Ազգային ժողովի նախագահ Ալեն Սիմոնյանին եմ ներկայացրել ՀՀ Ազգային ժողովի պետական-իրավական հարցերի մշտական հանձնաժողովի նախագահի տեղակալի պաշտոնից և պատգամավորի պաշտոնից հրաժարականիս դիմումները»,- գրել է Վ. Հովակիմյանը:

16:38 - 03 հոկտեմբերի, 2022

Հայաստանը պետք է իր սպառազինության հարցերը լուծի և կլուծի․ Անդրանիկ Քոչարյան |azatutyun.am|

10:28 - 03 հոկտեմբերի, 2022

ՔՊ-ն առաջատար է 9 համայնքներում․ ՏԻՄ ընտրությունների նախնական արդյունքները

11:23 - 26 սեպտեմբերի, 2022

ՔՊ-ն արդարադատության նախարարի թեկնածությունն առաջադրել է ԲԴԽ անդամի պաշտոնում

Ազգային ժողովի «Քաղաքացիական պայմանագիր» խմբակցությունը արդարադատության նախարար Կարեն Անդրեասյանի թեկնածությունն առաջադրել է Բարձրագույն դատական խորհրդի (ԲԴԽ) անդամի պաշտոնում։ Բարձրագույն դատական խորհրդի անդամների թեկնածուների առաջադրման մասին ԱԺ նախագահի հայտարարությունը տեղադրված է խորհրդարանի պաշտոնական կայքում։ «Ազգային ժողովի «Քաղաքացիական պայմանագիր» խմբակցությունը Բարձրագույն դատական խորհրդի անդամի պաշտոնում առաջացած երկու թափուր տեղերի համար թեկնածուներ է առաջադրել Կարեն Անդրեասյանին և Երանուհի Թումանյանցին»,- ասված է հայտարարությունում։

10:16 - 26 սեպտեմբերի, 2022

Որևէ հողամաս Մեղրիի Շվանիձոր, Նռնաձոր հատվածում չի օտարվել, ՌԴ սահմանապահները որևէ տարածք չեն գնել և չեն էլ կարող. ՔՊ-ական պատգամավոր

Վերջին շրջանում տեղեկություններ են տարածվում այն մասին, որ Մեղրի համայնքի Շվանիձոր բնակավայրի սահմանային գոտում գտնվող այգիները, հողամասերն օտարվում են և գնվում Ռուսաստանի Դաշնության սահմանապահ զորքերի կողմից։ Այս մասին ֆեյսբուքյան իր էջում գրել է ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանը: «Կատարված ուսումնասիրություններով պարզվել է, որ տեղեկությունները չեն համապատասխանում իրականությանը, որևէ հողամաս Շվանիձոր, Նռնաձոր հատվածում չի օտարվել, ՌԴ սահմանապահները որևէ տարածք չեն գնել և չեն էլ կարող գնել։ Պարզվել է, որ խոսակցությունների համար առիթ է հանդիսացել այն հանգամանքը, որ Շվանիձոր համայնքին պատկանող այգեգործական մի շարք հողամասեր գտնվում են սահմանային գոտում, իսկ սահմանային գոտի մուտք գործելու համար անհրաժեշտ է սահմանապահ ծառայությունից ստանալ անցագրեր։ Մեղրի համայնքի ղեկավարի կողմից կազմակերպվել է այդ գործընթացը, այգիների, հողամասերի սեփականատերերի, այգեգործների անձնագրերի և այլ փաստաթղթերի պատճենները վերցվել, համապատասխան ստուգումներ կատարելուց հետո ներկայացվել են ՌԴ սահմանապահ ծառայությանը՝ նոր անցագրեր ստանալու համար։ Անցագրերը տրվում են մեկ տարի ժամկետով, և այս գործընթացն ամեն տարի կրկնվում է։ Փաստորեն ամեն տարի կրկնվող նոր անցագրերի ստացման գործընթացը տեղիք է տվել տարաբնույթ խոսակցությունների և տեղեկությունների տարածմանը։ Հ.Գ. Մեղրեցիները ոչ մի գումարի դիմաց ոչ մի թիզ հող չեն պատրաստվում վաճառել ոչ մեկին. սա ապացուցված է տասնամյակների պատմությամբ։ Բացի այդ, նման գործընթացները գտնվում են պետության խիստ հսկողության ներքո»,- գրել է նա։

12:45 - 22 սեպտեմբերի, 2022

Նիկոլ Փաշինյանը Նենսի Փելոսիի հետ քննարկել է հայ-ամերիկյան հարաբերությունները և երկուստեք հետաքրքրության հարցեր

ՀՀ վարչապետ Նիկոլ Փաշինյանն ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի հետ քննարկել է հայ-ամերիկյան հարաբերությունների օրակարգին վերաբերող, ինչպես նաև երկուստեք հետաքրքրություն ներկայացնող մի շարք հարցեր։ Այս մասին տեղեկանում ենք «Քաղաքացիական պայմանագիր» կուսակցության ֆեյսբուքյան էջից։

18:59 - 18 սեպտեմբերի, 2022

ՔՊ խմբակցության անդամներն Արցախի պատգամավորների հետ քննարկել են ադրբեջանական ագրեսիայի հետևանքով ստեղծված իրավիճակը

ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը խմբակցության քարտուղար Արթուր Հովհաննիսյանի, Պետական-իրավական հարցերի մշտական հանձնաժողովի նախագահ Վլադիմիր Վարդանյանի, Պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանի հետ ընդունել է Արցախի Ազգային ժողովի պատգամավորներին: Այս մասին հայտնում են ՀՀ ազգային ժողովից: Հանդիպման ընթացքում քննարկվել են ՀՀ սուվերեն տարածքի նկատմամբ ադրբեջանական ագրեսիայի հետեւանքով ստեղծված իրավիճակը, Հայաստանի եւ Արցախի շուրջ առկա մարտահրավերները: Կարեւորվել են արտաքին մարտահրավերներին դիմակայելու գործում համաժողովրդական համախմբվածությունն ու համերաշխությունը:

14:52 - 16 սեպտեմբերի, 2022

ՔՊ պատգամավորի և լրագրողի միջև վիճաբանություն սկսեց․ Սիմոնյանը ՊՊԾ աշխատակիցներին հանձնարարեց լրագրողին դուրս հանել ԱԺ-ից

Ազգային ժողովում այսօր վիճաբանություն է սկսվել ԱԺ «Քաղաքացիական պայմանագիր» խմբակցության պատգամավոր Քրիստինե Պողոսյանի և լրագրող Անի Գևորգյանի միջև։Վիճաբանությունը տեղի է ունեցել ՍԴ դատավորների փակ գաղտնի քվեարկության ընթացքում։ Վիճաբանության ընթացքում Քրիստինե Պողոսյանը փորձեց հարվածել լրագրողին, սակայն գործընկերները վերջինիս հեռացրին տարածքից։Քիչ հետ ԱԺ նախագահ Ալեն Սիմոնյանը պետական պահպանության ծառայության աշխատակիցներին հանձնարարեց ԱԺ շենքից դուրս հանել Անի Գևորգյանին և Սյուզի Բադոյանին։ Անի Գևորգյանը պնդեց ցույց տալ ԱԺ շենքից իրեն հանելու իրավական հիմքերը, սակայն աշխատակիցները հեռացրին նրան։ Վիճաբանություն սկսեց նաև ՊՊԾ աշխատակիցների և օպերատորների միջև։Ավելի ուշ ԱԺ նախագահ Ալեն Սիմոնյանը, անդրադառնալով միջադեպին, ասաց, որ չի պատրաստվում պատգամավորի վարքագիծը քննության առարկա դարձնել․ «Ես վարվել եմ ԱԺ կանոնակարգ օրենքի նոր ընդունված դրույթներին համապատասխան, որով Ազգային ժողովի գործունեությունը խաթարող լրագրողը պետք է հեռացվի, և այն, ինչ արվել է Հաշվիչ հանձնախմբի անդամի նկատմամբ, խաթարել է հանձնախմբի աշխատանքը, և հաշվիչ հանձնախմբի անդամը ստիպված է եղել լքել և փոխարինվել այլ անդամով։ Դա ի՞նչ է, եթե ոչ գործունեությունը խաթարել։ Կոնկրետ այդ լրագրողները վաղուց էին սպառել իրենց վարվելակերպի և խոսելաոճի լիմիտը, և իրենց շատ վատ էին դրսևորում, պատգամավորներին վիրավորում էին»։

17:43 - 15 սեպտեմբերի, 2022

Երեկվա հավաքի ժամանակ այն կարգի հանցավոր վարքագիծ է եղել, որ իրավապահ մարմինները պետք է զբաղվեն ձեզանով․ Վարդանյանը՝ Մանուկյանին

Երեկվա իրադարձությունները ևս մեկ անգամ ապացուցեցին մի հայտնի ճշմարտություն․ ինչքան փխրուն է և միաժամանակ ինչքան ամուր է ժողովրդավարությունը, ինչքան մարտահրավերներ կան ժողովորդավարության առջև և ինչքան հնարավորություններ կան՝ այդ մարտահրավերները հաղթահարելու։ Ազգային ժողովի նիստի ընթացքում, անդրադառնալով երեկ Ազգային ժողովի դիմաց տեղի ունեցած բողոքի ակցիային, ասաց «Քաղաքացիական պայմանագիր» խմբակցության անդամ, պետական-իրավական հարցերի մշտական հանձնաժողովի նախագահ Վլադիմիր Վարդանյանը։ «Այսօր առավոտը լուսացավ, և մենք հանգիստ նորմալ եկանք աշխատանքի՝ առանց խղճի խայթի և առանց որևիցե եղանակով մեզ մեղադրելով։ Ցավոք, մարտի 1-ին այդպես չէր։ Կարո՞ղ էր կրկնվել Մարտի 1-ը։ Այո, եթե չլիներ ժողովրդավարություն, եթե չլիներ թափանցիկություն, եթե չլիներ անկեղծություն։ ՀՀ իշխանությունները փորձում են խոսել ՀՀ քաղաքացու հետ առավել անկեղծ, առավել պարզ»։ Անդրադառնալով «Հայաստան» խմբակցության պատգամավոր Գեղամ Մանուկյանի այսօր ԱԺ-ում ունեցած ելույթին`Վարդանյանն ասաց․ «Ցավում եմ, որ Գեղամ Մանուկյանը այստեղ չէ, որովհետև հարցադրումներ ունեմ ձեզ։ Ես ձեզ շատ լավ եմ հասկանում, որ դուք ասում եք՝ հավաքը ինքնաբուխ էր, մի քանի անգամ կրկնեցիք։ Շատ լավ հասկանում եք, որ այդ հավաքի ժամանակ այն կարգի հանցավոր վարքագիծ է եղել, որ մենք չէ, իրավապահ մարմինները պետք է զբաղվեն ձեզանով։ Դուք այստեղ էիք, որպեսզի ասեք՝ ժողովուրդ ջան, դա մենք չէինք։ Ասում են՝ գնացեք, պատգամավորին այս ինչ հասցեից բերման ենթարկեք։ Ըստ էության, քրեորեն պատժելի արարք է։ Ասում են՝ բերեք, պարտադրեք, որ ստորագրի, և դրանից հետո դուրս է գալիս Արման Թաթոյանը, որը ինձ վերջին երկու տարին համոզում է, որ ինքը քաղաքականացված չէ ու մասնագիտական գործունեություն է իրականացնում, և ասում է՝ իրավունքի գերակայությունը ինձ համար Աստված է, և ասում են՝ գնացեք Վլադիմիր Վարդանյանի ձեռքերից քաշեք, թող ստորագրի, դու ասում ես՝ այո, հայրենիքը օրհասական վիճակում է»։ Վարդանյանն ընդգծեց՝ երեկ բողոքի ակցիա իրականացնող քաղաքացիներից ճնշող մեծամասնությունը անկեղծ էին․ «Այլ բան է, որ որոշ անձիք, որոնցից ոմանք հայրենասիրությամբ տոգորված ինչ-որ ձևակերպումներով նույնիսկ հայերեն չեն խոսում, գոնե հայերեն երկու բառ ասեին, փորձում են այդ ամենը համակարգել։ Բայց ես սիրում եմ այն մարդկանց, ովքեր երեկ գտնվել են այնտեղ, որովհետև նրանք կարողացան մեր ընդդիմադիր գործընկերներին վերադարձնել այնտեղ, որտեղ պետք է լինեն»։ Պատգամավորը շեշտեց՝ ժողովրդավարությունը պահանջում է հանդուրժողականություն․ «Մեծամասնության կարծիքը մշտապես լինելու է հիմնական, փոքրամասնության կարծիքը պետք է հարգվի, այստեղ արտահայտվի։ Եթե փոքրամասնության կարծիքը այստեղ չարտահայատվի, այն վերածվելու է բողոքի դրսում»։ Ելույթի վերջում Վարդանյանը բոլորին միասնականության կոչ արեց։Հիշեցնենք, որ երեկ ԱԺ դիմաց բողոքի ակցիա իրականացնող քաղաքացիները պահանջում էին, որ պատգամավորները վարչապետին անվստահություն հայտնելու գործընթաց սկսեն։ Գործընթացի համար կային ընդդիմադիր 35 պատգամավորների ստորագրությունները, սակայն պակասում էր 18 ստորագրություն։ Ակցիայի մասնակիցները պահանջեցին, որ ՔՊ 18 պատգամավոր գա և ստորագրի փաստաթղթի տակ, որով անվստահություն հայտնելու գործընթացը կսկսվի։ Ակցիայի հրապարակեցին ՔՊ պատգամավորների հասցեները՝ քաղաքացիներին կոչ անելով գնալ այնտեղ, սակայն, քիչ հետո վերադառնալով հայտարարեցին, որ պատգամավորները իրենց տներում չեն եղել։

13:20 - 15 սեպտեմբերի, 2022

Ադրբեջանի հարձակման վերաբերյալ ԱԺ հայտարարությունն ընդունվեց 65 կողմ ձայնով

Ադրբեջանի հարձակման վերաբերյալ ԱԺ հայտարարությունն ընդունվեց 65 կողմ, 0 դեմ, 0 ձեռնպահ ձայներով։ Ընդդիմությունը, ինչպես ավելի վաղ հայտնել էինք, չի մասնակցել քվեարկությանը։ Հիշեցնենք, որ հայտարարությունն ԱԺ ամբիոնից ներկայացրել էր ՔՊ պատգամավոր Վլադիմիր Վարդանյանը՝ նշելով, որ ընդդիմության առաջարկները ավելացնելու մասով համաձայնության չեն եկել։ Այնուհետև «Հայաստան» խմբակցության պատգամավոր Արծվիկ Մինասյանը ներկայացրել է խմբակցության առաջարկները, որոնք չեն ներառվել ԱԺ հայտարարության մեջ։ ԱԺ հայտարարությունը՝ ստորև․ «Սեպտեմբերի 13-ին՝ ժամը 00:05-ին, Ադրբեջանի զինված ուժերի ստորաբաժանումները, հրետանային միջոցների, ականանետերի ու ԱԹՍ-ների կիրառմամբ ինտենսիվ կրակ են բացել հայ-ադրբեջանական սահմանի միանգամից մի քանի հատվածում տեղակայված հայկական դիրքերի ուղղությամբ: Մասնավորապես` հրետակոծման են ենթարկվել Սոթքի, Վարդենիսի, Գորիսի, Կապանի, Արտանիշի եւ Իշխանասարի ուղղությամբ տեղակայված դիրքերը: Հարվածներ են հասցվում ինչպես ռազմական, այնպես էլ քաղաքացիական ենթակառուցվածքներին: Որոշ ուղղություններով ադրբեջանական ստորաբաժանումները ձեռնարկել են դիրքային առաջխաղացման գործողություններ Հայաստանի Հանրապետության ինքնիշխան տարածքում:Ստեղծված իրավիճակում մեր լիակատար աջակցությունն ենք հայտնում ՀՀ Զինված ուժերին` Հայաստանի Հանրապետության տարածքային ամբողջականության եւ ինքնիշխանության պահպանման սուրբ գործում: Բոլոր քաղաքական ուժերին, մեր բոլոր հայրենակիցներին` անկախ քաղաքական դիրքորոշումներից, կոչ ենք անում պահպանել հանգստություն եւ համախմբվել պետականության շուրջ: Մեր բոլորի հայրենիքը միասնական եւ կուռ պաշտպանության կարիք ունի: Միջազգային հանրությանը կոչ ենք անում խստորեն եւ հասցեական կերպով դատապարտել ՀՀ դեմ Ադրբեջանի ռազմաքաղաքական ղեկավարության կողմից սանձազերծված ագրեսիան, ՄԱԿ-ի Կանոնադրությամբ ամրագրված` տարածքային ամբողջականության դեմ ուժի եւ ուժի կիրառման սպառնալիքի արգելման սկզբունքի կոպտագույն խախտումները: ՄԱԿ ԱԽ-ից ակնկալում ենք ստեղծված իրավիճակի անհապաղ քննարկում եւ իրավիճակից բխող գործողությունների իրականացում: ՀԱՊԿ-ից պահանջում ենք Հավաքական անվտանգության պայմանագրով ստանձնված պարտավորություններից բխող անհապաղ միջոցառումների իրականացում ուղղված ՀՀ տարածքային ամբողջականության պահպանմանը: Դիմում ենք Ռուսաստանի Դաշնությանը` շուտափույթ իրագործելու Հայաստանի Հանրապետության եւ Ռուսաստանի Դաշնության միջեւ բարեկամության, համագործակցության եւ փոխադարձ օգնության մասին պայմանագրում ամրագրված պարտավորությունները` ի պաշտպանություն ՀՀ տարածքային ամբողջականության»։

15:35 - 13 սեպտեմբերի, 2022

ԱԺ-ում ներկայացվեց ադրբեջանական հարձակման վերաբերյալ հայտարարությունը․ ընդդիմության հետ համաձայնության գալ չի ստացվել

Վլադիմիր Վարդանյանն ԱԺ ամբիոնից ներկայացրեց ԱԺ հայտարարության տեքստը՝ Ադրբեջանի սանձազերծած ագրեսիայի մասին․ «Սեպտեմբերի 13-ին՝ ժամը 00։05-ին, Ադրբեջանի ԶՈՒ ստորաբաժանումները հրետանային միջոցների, ականանետերի և ԱԹՍ-ների կիրառմամբ ինտենսիվ կրակ են բացել հայ-ադրբեջանական սահմանի միանգամից մի քանի հատվածում տեղակայված հայկական դիրքերի ուղղությամբ։ Մասնավորապես, հրետակոծման են ենթարկվել Սոթքի, Վարդենիսի, Գորիսի, Կապանի, Արտանիշի և Իշխանասարի ուղղությամբ տեղակայված դիրքերը։ Հարվածներ են հասցվում ինչպես ռազմական, այնպես էլ քաղաքացիական ենթակառուցվածքներին։ Որոշ ուղղություններով ադրբեջանական ստորաբաժանումները ձեռնարկել են դիրքային առաջխաղացման գործողություններ ՀՀ ինքնիշխան տարածքում։ Ստեղծված իրավիճակում մեր լիակատար աջակցությունն ենք հայտնում ՀՀ ԶՈՒ-ին ՀՀ տարածքային ամբողջականության և ինքնիշխանության պահպանման սուրբ գործում։ Բոլոր քաղաքական ուժերին, մեր բոլոր հայրենակիցներին, անկախ քաղաքական դիրքորոշումներից, կոչ ենք անում պահպանել հանգստություն և համախմբվել պետականության շուրջ։ Մեր բոլորի հայրենիքը միասնական է և կուռ պաշտպանության կարիք ունի։ Միջազգային հանրությանը կոչ ենք անում խստորեն և հասցեական կերպով դատապարտել ՀՀ դեմ Ադրբեջանի ռազմաքաղաքական ղեկավարության կողմից սանձազերծված ագրեսիան՝ ՄԱԿ կանոնադրությամբ ամրագրված տարածքային ամբողջականության դեմ, և ուժի կիրառման սպառնալիքի արգելման սկզբունքի կոպտագույն խախտումները։ ՄԱԿ ԱԽ-ից ակնկալում ենք ստեղծված իրավիճակի անհապաղ քննարկում և իրավիճակից բխող գործողությունների իրականացում։ ՀԱՊԿ-ից պահանջում ենք Հավաքական անվտանգության պայմանագրով ստանձնած պարտավորություններից բխող անհապաղ միջոցառումների իրականացում՝ ուղղված ՀՀ տարածքային ամբողջականության պահպանմանը։ Դիմում ենք ՌԴ-ին՝ շուտափույթ իրագործելու ՀՀ և ՌԴ միջև բարեկամության, համագործակցության և փոխադարձ օգնության մասին պայմանագրում ամրագրված պարտավորությունները՝ ի պաշտպանություն ՀՀ տարածքային ամբողջականության»։ Արփինե Դավոյանը հետաքրքրվեց, թե արդյոք ընդդիմադիր պատգամավորները ներկայացրել են առաջարկներ, և ինչ ընթացք է տրվել դրանց։ Վլադիմիրի Վարդանյանն արձագանքեց․ «Առավոտյան՝ 09։40-ից սկսած, գրեթե անընդհատ մենք աշխատանք ենք տարել մեր ընդդիմադիր գործընկերների հետ։ Բանակցություններում զրոյական արդյունքը ևս դիտարկվում է որպես զրոյական արդյունք։ «Պատիվ ունեմ» և «Հայաստան» խմբակցությունները ներկայացրել էին առանձին առաջարկների փաթեթներ։ «Հայաստան» խմբակցության կողմից ներկայացված առաջարկների փաթեթը ուղղակիորեն կամ անուղղակիորեն վերաբերելի չէր երեկ սանձազերծած ագրեսիվ գործողություններին, ինչի մասին ես իմ գործընկերներին տեղեկացրել եմ։ «Պատիվ ունեմ» խմբակցության կողմից ներկայացված առաջարկների մի մասը վերաբերելի էր որոշ մասով ստեղծված իրավիճակին, և մենք պատրաստ էինք մասնակիորեն հաշվի առնել այդ առաջարկները նշված հայտարարության մեջ։ Ընդ որում, ուզում եմ հստակ նշել, որ մեզ համար չափազանց կարևոր էր այսօր դահլիճում ունենալ միասկանակություն՝ խորհրդարանի բոլոր խմբակցությունների միջև։ Ցավոք, դա չհաջողվեց։ Պարոն Մամիջանյանի հետ երկարատև քննարկումների ընթացքում հնարավոր չեղավ համաձայնեցնել առաջարկների այնպիսի փաթեթ, որոնք կընդգրկեին նրանց կողմից ներկայացված առաջարկների մի մասը։ Մի մասը անընդունելի էր»։

15:14 - 13 սեպտեմբերի, 2022

Առաջարկվում է կարգավորել զենքի և ռազմամթերքի շրջանառությունը. ԱԺ-ն քննարկեց նախագիծը

Ազգային ժողովն այսօր քննարկեց «Զենքի շրջանառության կարգավորման մասին» օրենքում փոփոխություններ կատարելու նախագիծը, որը հեղինակել են ՔՊ խմբակցության պատագմավորներ Վիլեն Գաբրիելյանը, Անդրանիկ Քոչարյանը և Արմեն Խաչատրյանը։ Վիլեն Գաբրիելյանի խոսքով՝ նախագծի հիմնական նպատակը Հայաuտանում քաղաքացիական, ծառայողական, ինչպեu նաև մարտական հրաձգային ձեռքի զենքի, մարտական և նետողական uառը զենքի շրջանառության և արտադրության կապակցությամբ ծագող հարաբերություններն են, որոնք ուղղված են քաղաքացու ինքնապաշտպանության իրավունքի օրենսդրական կարգավորմանը՝ պատշաճ պաշտպանական միջոցների հասանելիության միջոցով, սեփականության իրավունքի, ինչպես նաև ֆիզիկական և իրավաբանական անձանց կողմից քաղաքացիական զենքի օգտագործման պայմանների իրավական կարգավորմամբ: «Նախագծով ակնկալվում է ՀՀ-ում կարգավորել զենքի և ռազմամթերքի շրջանառությունը, նպաստել որսորդության, սիրողական ու սպորտային հրաձգության, ինչպես նաև ռազմամարզության զարգացմանը, ներդնել զենքի հետ վարվելու մշակույթ, որն ուղղված կլինի քաղաքացիների ինքնապաշտպանության և մարտունակության բարձրացմանը»,- ասաց նախագծի համահեղինակ Վիլեն Գաբրիելյանը: Գաբրիելյանն պարզաբանեց՝ սա ոչ թե ազատականացում է, այլ կարգավորում․ «Օրենքը չի փոփոխվել 24 տարի և որոշ դրույթներով, այո, դա խստացում է, իսկ որպես հիմնավորում, թե ինչպես է ստացվում, որ սա կարգավորում է և ինչ -ր չափով խստացում, կարող եմ մի օրինակ բերել։ Մտնում է քննական կարգ, որը իրենից ենթադրում է, որ քննական կարգի միջոցով ստուգվելու է տվյալ քաղաքացու գիտակցության մակարդակը, արդյոք այդ մարդուն կարելի է տրամադրել հրազեն, թե ոչ, դրանով իսկ արդեն կարգավորում և խստացում է»։

16:17 - 12 սեպտեմբերի, 2022