Երեւան

ՀՀ մայրաքաղաքն է ու խոշորագույն բնակավայրը, վարչաքաղաքական, տնտեսական կենտրոնը: Համաձայն Հայաստանի պաշտոնական տեղեկատվության՝ 2014 թվականի հունվարի մեկի դրությամբ ունի 1.068.000 բնակիչ։ Տարածքը 227 կմ² է, բարձրությունը ծովի մակարդակից 1000մ։ 1995 թվականի ՀՀ նոր վարչատարածքային բաժանմամբ՝ Երեւանն ստացել է մարզի (Երեւանի քաղաքապետին նշանակում էր ՀՀ նախագահը), սահմանադրական փոփոխություններից հետո (2005)՝ համայնքի (հոդված 108) կարգավիճակ, ունի դրոշ, զինանշան եւ օրհներգ: Տեղական ինքնակառավարումը Երեւանում իրագործվում է «Տեղական ինքնակառավարման մասին» (2002) եւ «Երեւան քաղաքում տեղական ինքնակառավարման մասին» (2008) ՀՀ օրենքներին համապատասխան։ Երեւանի տեղական ինքնակառավարման մարմիններն են ավագանին եւ քաղաքապետը: Գործող քաղաքապետը Հայկ Մարությանն է՝ ընտրված «Իմ քայլը» դաշինքից։ Ավագանիում ներկայացված են նաեւ «Բարգավաճ Հայաստան» եւ «Լույս» խմբակցությունները։

Ամփոփվել են մայրաքաղաքում հանցավորության դեմ պայքարի և Երևան քաղաքի դատախազության 2019թ. գործունեության արդյունքները

Ամփոփվել են մայրաքաղաքում հանցավորության դեմ պայքարի և Երևան քաղաքի դատախազության 2019թ. գործունեության արդյունքները

ՀՀ գլխավոր դատախազ Արթուր Դավթյանն այցելել է Երևան քաղաքի դատախազություն՝ ամփոփելու 2019թ. ընթացում մայրաքաղաքում հանցավորության ընդհանուր շարժընթացի, դրա դեմ պայքարի, ինչպես նաև Երևան քաղաքի և Երևան քաղաքի վարչական շրջանների դատախազությունների կատարած աշխատանքի արդյունքները: Հետաքննության և նախաքննության մարմինների՝ Երևան քաղաքի ստորաբաժանումների ղեկավարների, Երևան քաղաքի վարչական շրջանների դատախազների մասնակցությամբ անցկացված խորհրդակցության ընթացքում Երևան քաղաքի դատախազ Գևորգ Բաղդասարյանը ներկայացրել է առանձին հանցատեսակներով արձանագրված միտումները, քրեական հետապնդման մարմինների կողմից դրանց դեմ տարվող աշխատանքներում արձանագրվող թերությունները վերացնելու ուղղությամբ ձեռնարկված միջոցները: Ըստ այդմ՝ 2019թ. Երևան քաղաքում գրանցվել է հանցագործության 14961 դեպք՝ նախորդ տարվա 13067 դեպքի փոխարեն, այսինքն հանցագործության դեպքերն ավելացել են 1894-ով կամ 14.5 տոկոսով: 2019թ. Երևան քաղաքում արձանագրվել է սպանության 17 դեպք, նախորդ տարվա 12-ի դիմաց, բացահայտվել է դրանց 86.4%-ը՝, նախորդ տարվա 85․7%-ի դիմաց: 25 տոկոսով կամ 3 դեպքով (12-9) նվազել են սպանության փորձի դեպքերը: Հաշվետու տարում 10 դեպքով կամ 2․3%-ով աճել են դիտավորությամբ առողջությանը վնաս պատճառելու դեպքերը, ինչին զուգահեռ, սակայն, մոտ 5 տոկոսային կետով աճել է նաև այս հանցատեսակով բացահայտման ցուցանիշը՝ կազմելով 74,1 %: 8 դեպքով կամ 32%-ով ավելացել են ավազակության դեպքերը (25-33), սակայն 13 տոկոսով բարելավվել է այս հանցատեսակով բացահայտման ցուցանիշը՝ նախորդող տարվա 74.4%-ի դիմաց 2019թ. կազմելով 87.5%: Երևան քաղաքի դատախազը մտահոգիչ է համարել բնակարանային գողության դեպքերի շարունակվող աճը և բացահայտման ցուցանիշների ցածր մակարդակը: 2019թ. արձանագրվել է նման 859 դեպք, որը 58 դեպքով կամ 7․2%-ով ավելի է 2018թ. համեմատ: Նախորդ տարի բոլոր վարչական շրջաններում ձեռնարկվել են այս հանցագործության հակազդման որոշակի միջոցներ՝ հատկապես բազմաբնակարան շենքերի մուտքերը կոդավորված փականներով դռներով կահավորելու, լուսավորությամբ ապահովելու ուղղությամբ: Դրանց արդյունքում բնակարանային գողությունների բացահայտման ցուցանիշները որոշակիորեն բարելավվել են՝ կազմելով 13%՝ նախորդող տարվա 9,6%-ի դիմաց:  ՀՀ գլխավոր դատախազ Արթուր Դավթյանը, սակայն, ինչպես առկա արդյունքները, այնպես էլ կատարված կանխարգելիչ աշխատանքները գնահատեց ոչ բավարար: Գլխավոր դատախազը հանձնարարել է առավել մեծ ջանքեր գործադրել այդ ուղղությամբ՝ ինչպես  քաղաքային իշխանությունների, այնպես էլ համատիրությունների, բնակիչների հետ անմիջական համագործակցություն ծավալելու միջոցով: 2019թ. ընթացքում մայրաքաղաքում գրանցվել է ճանապարհային երթևեկության կանոնները խախտելու հետևանքով անձանց առողջությանն անզգուշությամբ վնաս պատճառելու 703 դեպք՝ նախորդ տարվա 575 դեպքի դիմաց: Այսինքն՝ դեպքերն աճել են 128-ով, կամ 22.3%-ով, ինչին զուգահեռ 3 դեպքով (67-70) ավելացել են մահվան ելքով ՃԵԿ խախտման դեպքերը: Բացահայտման տոկոսը ևս աճել է՝ կազմելով 86.4 նախորդ տարվա 82.7-ի դիմաց: ՀՀ գլխավոր դատախազն այս կապակցությմաբ հանձնարարել է քարտեզագրել մայրաքաղաքի ճանապարհային հանգույցի առավել ռիսկային գոտիները և ըստ պատահարների կամ հանցավոր դրսևորումների պատճառների՝ նախաձեռնել դրանց վերացմանն ուղղված կոնկրետ միջոցառումներ:    Նշված ժամանակահատվածում վարույթում քննվել է 272 կոռուպցիոն հանցագործության դեպքով հարուցված քրեական գործ: Երևան քաղաքում արձանագրված կոռուպցիոն հանցագործությունների զանգվածում մեծ է պաշտոնեական լիազորությունները չարաշահելու (150), կաշառք ստանալու, տալու և միջնորդության (74) տեսակարար կշիռը: ՀՀ գլխավոր դատախազն այս կապակցությամբ շեշտել է հատկապես կոռուպցիոն գործերով քննությունների արագ հանգուցալուծմանն ուղղված դատախազական ներգործության միջոցների՝ նախաքննական մարմիններին նպատակային ցուցումներ, իսկ օպերատիվ-հետախուզական միջոցառումներ իրականցնող մարմիններին կոնկրետ հանձնարարություններ տալու անհրաժեշտությունը՝ նշելով, որ դրանք չպետք է կրեն ֆորմալ բնույթ և դրանցով առարկայական արդյունքների չապահովման դեպքում պետք է դիտարկվի իրավական հետևանքների առաջացման հարցը:    Երևան քաղաքի դատախազությունը 2019թ զգալի աշխատանքներ է կատարել պետական շահերի պաշտպանության լիազորության շրջանակներում: Մասնավորապես, ուսումնասիրվել են ՀՀ շուկայի վերահսկողության տեսչական մարմնի, ՀՀ սննդամթերքի անվտանգության տեսչական մարմնի վերահսկողական լիազորությունների արդյունքները, 2017-2018թթ. ընթացքում սոցիալական ապահովության և բժշկասոցիալական փորձաքննության բնագավառում ՀՀ աշխատանքի և սոցիալական հարցերի նախարարության կողմից Երևան քաղաքի վարչական տարածքում հայտնաբերված խախտումների կապակցությամբ միջոցներ ձեռնարկելու պրակտիկան: Ուսումնասիրություններ են կատարվել նաև առանձին ոլորտներում Երևան քաղաքի վարչական տարածքում հայտնաբերված խախտումների և կիրառված պատասխանատվության միջոցների, Երևան քաղաքի մի շարք վարչական շրջանների զբոսայգներում հողամասերի օտարման կամ վարձակալության հանձնելու, դրանցում կառուցված ինքնակամ շինություններն օրինականացնելու և մի քանի այլ հարցադրումների շրջանակներում:    Ընդհանուր առմամբ 2019թ. ընթացքում հայտնաբերվել է հանցագործությամբ պետությանը պատճառված 4.712.912.421 դրամի վնաս, որից վերականգնվել է 453.053.527  դրամը: Հանցագործությամբ պատճառված վնասների հիմնական հատուցումները եղել են տեխնիկական զննության կայանների վերաբերյալ քրեական գործերով և Երևան քաղաքի դատախազության դատավարական ղեկավարման ներքո քննվող՝ Ճանապարհային երթևեկության կանոնների նկատմամբ հսկողության համակարգերի հավատարմագրային կառավարման ոլորտում չարաշահումների վերաբերյալ գործով: Արթուր Դավթյանը գոհունակություն է արտահայտել պետությանը պատճառված վնասի վերականգնման, ինչպես նաև պետական շահերի պաշտպանության գործառույթի իրացման ուղղությամբ ծավալված գործունեությունը և խնդիր դրել արձանագրված աննախադեպ արդյունքներն այս տարվա ընթացքում ավելի զարգացնել:   Ամփոփելով Երևանի քաղաքում հանցավորության դեմ պայքարում քրեական հետապնդման մարմինների աշխատանքը՝ ՀՀ գլխավոր դատախազը արժևորել է վերջիններիս կողմից կատարված մեծ ծավալի աշխատանքները և հատկապես այդ հարցում ձևավորվող համագործակցության նոր որակներն ու դրսևորումները: Այդուհանդերձ՝ նա հանձնարարել է հանցագործությունների առավել մեծ և մտահոգիչ աճ արձանագրած բոլոր ուղղություններով ակտիվացնել հանցագործությունների կանխարգելմանը և բացահայտմանը միտված աշխատանքը: Այս տեսանկյունից նա առանձնահատուկ շեշտել է յուրաքանչյուր քրեական գործով տվյալ հանցագործությանը նպաստող պայմանների ու պատճառների մանրամասն վերլուծությունը և համապատասխան միջնորդագրերով դրանց վերացմանը հետամուտ լինելը՝ ինչպես միջնորդագրերի քննարկմանը մասնակցությունն  ցուցաբերելով, այնպես էլ դրանց հիման վրա նախանշված գործողությունների կատարմանը հետամուտ լինելով: ՀՀ գլխավոր դատախազը ներկաների ուշադրությունը հրավիրել է նաև քրեական ենթամշակույթի դեմ սկսվող պայքարին նախապատրաստվելու խնդրի վրա՝ նշելով, որ այդ չարիքը պետության ունեցած իրավաչափ ողջ գործիքակազմի կիրառմամբ արմատախիլ անելուն ուղղված իրավապահ մարմինների գործունեության կոնկրետ արդյունքները հասարակությունը պետք է տեսնի հնարավորինս կարճ ժամանակահատվածում, և համապատասխան քրեական տարրերը պետք է բավարար հիմքերի առկայությամբ հնարավորինս շուտ մեկուսացվեն հասարակությունից: Արթուր Դավթյանը հատուկ ընդգծել է այդ տարրերի հետ իրավապահ մարմինների ներկայացուցիչների հնարավոր առնչությունները չեզոքացնելու խնդիրը՝ որպես  առաջնահերթություն:    
10:32 - 15 փետրվարի, 2020
Ոստիկանությունը հայտնում է Երևանի համայնքին 25 մլն դրամ վնաս պատճառելու դեպքի բացահայտման մասին

Ոստիկանությունը հայտնում է Երևանի համայնքին 25 մլն դրամ վնաս պատճառելու դեպքի բացահայտման մասին

Ոստիկանությունը բացահայտել է Երևանում շինարարական աշխատանքների իրականացման հետ կապված 25 մլն դրամից ավելի վնաս պատճառելու դեպք։ Այս մասին տեղեկացրին ՀՀ ոստիկանության հասարակայնության հետ կապերի և լրատվության վարչությունից։ «Քրեական ոստիկանության գլխավոր վարչության կոռուպցիոն և տնտեսական հանցագործությունների դեմ պայքարի վարչությունում նյութերի նախապատրաստման շրջանակներում ձեռնարկված հետախուզական միջոցառումներով փաստական տվյալներ են ձեռք բերվել, որ մի ընկերություն 2015-ից 2017 թվականների ընթացքում կապալի և ծառայությունների մատուցման մի շարք պայմանագրեր է կնքել Երևանի քաղաքապետարանի և մի հասարակական ոչ առևտրային կազմակերպության հետ։ Համաձայն Երևանի քաղաքապետարանի հետ կնքած պայմանագրի՝ ընկերությունը պետք է վերանորոգեր կենդանաբանական այգին և Էրեբունի վարչական շրջանի թաղապետարանի շենքի ու նույն վարչական շրջանի բազմաբնակարան շենքերի տանիքները, իսկ հասարակական ոչ առևտրային կազմակերպության հետ կնքած պայմանագրի համաձայն՝ պետք է պատրաստեր ու կազմակերպությանը մատակարարեր մետաղական ցուցատախտակներ։ Պարզվել է, որ ընկերությունը չարաշահել է պատվիրատուների վստահությունը և ծառայություններն իրականացրել մասնակի՝ խարդախությամբ հափշտակելով առանձնապես խոշոր չափի գումարներ։ Այս ապօրինությունների հետևանքով՝ Երևանի համայնքին պատճառվել է 17 միլիոն 680 հազար դրամից ավելի, իսկ հասարակական ոչ առևտրային կազմակերպությանը 26 միլոն 900 հազար դրամից ավելի վնաս։ Նյութերի նախապատրաստման ընթացքում պարզվել է նաև, որ հիշյալ ապօրինություններն արվել են մեկ այլ ընկերության օժանդակությամբ, որը պետք է շինարարական աշխատանքների հսկողություն իրականացներ։ Այս ընկերության աշխատակիցները չարաշահել են իրենց լիազորությունները և կազմել կեղծ կատարողական ակտեր՝ օգտվելով Երևանի քաղաքապետարանի համապատասխան պաշտոնատար անձանց կողմից իրենց աշխատանքի նկատմամբ անբարեխիղճ վերաբերմունքի և պարտականությունները ոչ պատշաճ կատարելու հետևանքով ստեղծված պայմաններից։Բացի այդ, պարզվել է, որ Էրեբունի վարչական շրջանի նախկին ղեկավարը պաշտոնեական դիրքը ծառայության շահերին հակառակ է օգտագործել ու, ելնելով հափշտակություններ կատարած ընկերության տնօրինության հետ մտերիմ հարաբերություններ ունենալու շահագրգռվածությունից, 2012-ից 2017 թվականների ընթացքում, առանց պայմանագրի, ընկերությանը անհատույց տրամադրել է թաղապետարանի վարչական շենքի երկրորդ հարկում գտնվող մոտ 88 քառակուսի մետր մակերեսով տարածքը։ Այս ապօրինության հետևանքով էլ Երևանի համայնքին պատճառվել է 8 միլիոն 800 հազար դրամից ավելի վնաս։ Դեպքերի առթիվ Քրեական ոստիկանության գլխավոր վարչությունում քրեական գործ է հարուցվել, որն ուղարկվել է Քննչական կոմիտե»,- ասվում է հաղորդագրության մեջ։  
10:22 - 15 փետրվարի, 2020
Մուկուչյանը՝ Մարությանի առաջարկի մասին. առաջիկա հանրաքվեի ժամանակ մայրաքաղաքին վերաբերող հարց հնարավոր չի լինի դնել |armtimes.com|

Մուկուչյանը՝ Մարությանի առաջարկի մասին. առաջիկա հանրաքվեի ժամանակ մայրաքաղաքին վերաբերող հարց հնարավոր չի լինի դնել |armtimes.com|

armtimes.com: Երեւանի ավագանու վերջին նիստում քաղաքապետ Հայկ Մարությանը հայտարարել էր, որ զրուցել է ՀՀ կենտրոնական ընտրական հանձնաժողովի (ԿԸՀ) նախագահ Տիգրան Մուկուչյանի հետ, որ ապրիլի 5-ին կայանալիք հանրաքվեի ժամանակ նաեւ մայրաքաղաքին վերաբերող հարց դրվի հանրաքվեի: Մարությանը նաեւ հայտնել էր, որ Մուկուչյանն ասել է, թե որոշակի բարդություններ կան: «Այնուամենայնիվ, հարցը դեռ իր հետ քննարկման փուլում է, օգտագործենք այդ հնարավորությունը, որպեսզի հավելյալ ծախս չարվի»,- ասել էր քաղաքապետը: Ապրիլի 5-ին կայանալիք սահմանադրական փոփոխությունների հանրաքվեի համար ծախսվելու է մոտ 2.5 մլրդ դրամ: ԿԸՀ նախագահ Տիգրան Մուկուչյանը հայտնեց, որ պետք է հաշվի առնվեն շատ կարեւոր տեխնիկական հարցեր, ուստիեւ հնարավոր չի լինի մայրաքաղաքին վերաբերող հարց դնել հանրաքվեի: «Ընտրական գործընթացներում, այդ թվում՝ հանրաքվեի ժամանակ, ընտրողներին գրանցում են տեխնիկական սարքավորումներով: Դրանցում նախապես ներբեռնվում է ընտրողների ցուցակը: Համապետական հանրաքվեի ընտրողների ցուցակն ու տեղական ինքնակառավարման մարմնի ընտրողների ցուցակները տարբեր են: Բացի այդ՝ կան ընտրողներ, որոնք համապետական հանրաքվեի ժամանակ չեն կարող քվեարկել, բայց կարող են քվեարկել, օրինակ, տեղական հանրաքվեի ժամանակ: Այս դեպքում խոսքը ՀՀ քաղաքացիություն չունեցող անձանց է վերաբերում, ինչպես նաեւ օտարերկրյա քաղաքացիներին»,- պարզաբանեց Մուկուչյանը: Հետեւաբար, ըստ նրա, նույն տեխնիկական սարքավորմամբ այդ գրանցման իրականացումն ուղղակիորեն անհնար կլինի, որովհետեւ պետք է լինեն երկու տարբեր ցուցակներ: Շարունակությունը՝ armtimes.com-ում
14:22 - 14 փետրվարի, 2020
Երևանում և 7 մարզերում Էլեկտրաէներգիայի անջատումներ կլինեն

Երևանում և 7 մարզերում Էլեկտրաէներգիայի անջատումներ կլինեն

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ փետրվարի 13-ին պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն` Երևան քաղաքում՝ 10։00-16։00 Տպագրիչների փ. 3, 8 շենքերը, Հանրապետության փ. 62, 62Ա շենքերը, Սարի թաղի 17-24 փողոցները մասնակի և հարակից ոչ բնակիչ-բաժանորդները, Ե․Թադևոսյան նրբ. 1, 3, 5, 7, 9, 16, 18, 20, 22 շենքերը և Ե․Թադևոսյան փ. 14 շենքերը, Ներքին Չարբախի 6, 7, 8, 9, 12, 14, 15 փողոցների առանձնատները և 3-րդ փողոցի 2-րդ նրբանցքի առանձնատները, հարակից ոչ բնակիչ-բաժանորդները, Ավան՝ Հովհաննիսյան թաղ. 24/1, 24/2, 24/3, 27, 28, 50 շենքերը, Նարեկացի թաղ. 31, 32, 33, 34, 37, 38, 39, 44 շենքերը, “Երևան Սիթի” սուպերմարկետը, թիվ 1 մարզադպրոցը, Ավանի մշակույթի տունը և հարակից ոչ բնակիչ-բաժանորդները, 11։00-17։00 Գրիգոր Արծրունի, Հ.Քոչար փողոցները սեփական տները և հարակից ոչ բնակիչ-բաժանորդները, Մամիկոնյանց փ. 27 շենքը, Անդրանիկի փ. 28 շենքի 8-րդ հարակից բարձ բնակարանները, Հաղթանակ թաղ. 37/7Ա տարածքը և հարակից ոչ բնակիչ-բաժանորդները, Նոր-Նորքի 2-րդ զանգ.՝ Թոթովենցի փ. 4 շենքը և հարակից ոչ բնակիչ-բաժանորդները, Մոլդովական փ. 43/1 շենքերը և հարակից ոչ բնակիչ-բաժանորդները, Արմավիրի մարզում՝ 11։00-17։00 Արմավիր քաղաքը մասնակի և Նորապատ թաղամասը, Արարատի մարզում՝ 10։00-12։00 Ոսկետափ գյուղը մասնակի, 10։00-13։30 Վերին Դվին գյուղը մասնակի, 10։00-14։00 Այնթափ գյուղը մասնակի, 10։30-16։00 Այգապատ, Այգազարդ գյուղերը և Վերին Արտաշատ գյուղը մասնակի, 13։30-16։00 Բարձրաշեն գյուղը մասնակի, Վայոց Ձորի մարզում՝ 10։00-13։30 Եղեգնաձոր քաղաքի Կոմիտասի, Խանջյան, Խաչատրյան, Սպանդարյան փողոցները մասնակի, 13։30-16։00 Եղեգնաձոր քաղաքի Մուրացան, Թամանցիների, Գլաձորյան, Առաքելյան փողոցները մասնակի, Կոտայքի մարզում՝ 11։00-13։00 Ակունք գյուղը և հարակից ոչ բնակիչ-բաժանորդները։ 11։00-15։00 Ջրվեժ և Ձորաղբյուր գյուղերի ամառանոցները և հարակից ոչ բնակիչ- բաժանորդներ, 11։00-17։00 Աբովյան քաղաքի 3-րդ միկրոշրջանի 16 շենքը և 7-րդ միկրոշրջանը մասնակի, Սարալանջի փ․ 28 շենքը, Գեղաշեն, Կամարիս, Զառ գյուղերը մասնակի, Ջրվեժի «Ա» թաղամասը մասնակի, Գեղարքունիքի մարզում՝ 11։00-15։00 Գավառ քաղաքի Սայաթ-Նովա և Նալբանդյան փողոցները, Շիրակի մարզում՝ 10։00-16։00 Աշոցքի տարածաշրջանի Ցողամարգ գյուղի կենտրոնական մասը, Ախուրյանի տարածաշրջանի Ախուրիկ գյուղի հյուսիսային հատվածը, Սյունիքի մարզում՝ 11:00-15:00 Վաղատնի և Ույծ գյուղերը մասնակի, 15:30-16:30 Նորավան գյուղը:
09:11 - 13 փետրվարի, 2020
Երևանի քաղաքապետարանում քննարկվել է ԵՄ ԹՈՒՄՈ համալիրի նոր նախագիծը

Երևանի քաղաքապետարանում քննարկվել է ԵՄ ԹՈՒՄՈ համալիրի նոր նախագիծը

Երևանում ԵՄ ԹՈՒՄՈ  նոր համալիրը նախագծում է հոլանդացի հայտնի ճարտարապետ Վիննի Մաաս MVRDV ստուդիան։ Այս մասին «Ֆեյսբուք»-ի իր էջում գրել է Երևանի քաղաքապետի մամուլի խոսնակ Հակոբ Կարապետյանը: «Քաղաքապետարանում քաղաքապետ Հայկ Մարությանը և գլխավոր ճարտարապետ Արթուր Մեսչյանը պարոն Մաասի և Թումոյի ղեկավարության հետ քննարկել են նախագիծը։ Քաղաքապետը պատրաստակամություն է հայտնել հնարավորինս աջակցել դրա շուտափույթ իրագործմանը։ Համալիրը գտնվում է մետրոպոլիտենի նախագծվող նոր կայարանի հարակից հատվածում։ Շենքի դիզայնը պատրաստ կլինի առաջիկա գարնանը։ Իր գործունեության 27 տարիների ընթացքում Վինի Մաասի գլխավորած ընկերությունն իրականացրել է շուրջ 322 նախագիծ, որոնցից են Ռոտերդամի Villa VPRO-ն, Mirador-ը Մադրիդում և արդեն լեգենդար դարձած Tianjin Binhai գրադարանը Չինաստանում»,- գրել է Կարապետյանը:
08:55 - 13 փետրվարի, 2020
Մոտ 19 մլն դրամի առերևույթ կոռուպցիոն չարաշահումներ՝ Երևանի թիվ 16 հատուկ դպրոցում. հարուցվել է քրգործ. Դատախազություն

Մոտ 19 մլն դրամի առերևույթ կոռուպցիոն չարաշահումներ՝ Երևանի թիվ 16 հատուկ դպրոցում. հարուցվել է քրգործ. Դատախազություն

ՀՀ գլխավոր դատախազության պետական շահերի պաշտպանության վարչությունում ուսումնասիրություն է իրականացվել «Երևանի թիվ 16 հատուկ դպրոց» ՊՈԱԿ-ում կատարված աուդիտի վերաբերյալ ՀՀ կրթության, գիտության, մշակույթի և սպորտի նախարարությունից ստացված փաստաթղթերի հիման վրա:   Ուսումնասիրությամբ պարզվել է, որ ըստ աուդիտի արդյունքների՝ չնայած նշված ՊՈԱԿ-ում հավաքարարի 6 հաստիքային միավորի առկայությանը՝ 13 աշխատակից պայմանագրային հիմունքներով իրականացնում է հավաքարարի պարտականություններ, որի դիմաց հավաքարարներին մոտ 2մլն դրամի չափով ավել գումարներ են վճարվել: Պարզվել է նաև, որ չնայած դպրոցում ուսումնական տարին ավարտվել է 2018թ. մայիսի 26-ին, սակայն ըստ ներկայացված ճաշացանկերի և հաշվառման փաստաթղթերի՝ երեխաներին սնունդ է հատկացվել նաև մայիսի 29-ից մինչև հունիսի 28-ը ներառյալ՝ օրը երկու անգամ, այդ թվում նաև կիրակի օրերին, ինչի մասով կատարվել է սննդի հավելագրում մոտ 885 հազար ՀՀ դրամի չափով: Մինչդեռ 2019թ. նույն ժամանակահատվածում՝ ուսումնական տարվա ավարտից հետո, մայիսի 27-ից հունիսի 30-ը ներառյալ, սննդի ծախսագրում չի իրականացվել: Սակայն սնունդ չստանալու կապակցությամբ երեխաների ծնողների կողմից բողոք կամ դժգոհություն չի եղել: Ընդհանուր առմամբ 2018-2019թթ. սննդի հավելագրումը կազմել է 1.6 մլն ՀՀ դրամ: Աուդիտորական խումբը ՊՈԱԿ-ի տնօրենի փոփոխությամբ պայմանավորված՝ իրականացվել է 2018թ. և 2019թ. կամայական օրերի սննդի ծախսագրման համադրություն, ինչ արդյունքում պարզվել է, որ նախկին տնօրենի պաշտոնավարման ընթացքում բոլոր օրերի համար ծախսագրվել է կրկնակի ավել սնունդ: «ՈՒսումնական հաստատություններում սովորողների համար նախատեսված մեկ չափաբաժնի օրինակելի ծավալի» վերաբերյալ ՀՀ առողջապահության նախարարի 06.06.2014թ. հրամանի խախտման արդյունքում հավելագրված սննդի արժեքը կազմում է 15.337.038 ՀՀ դրամ: Այսպիսով, ուսումնասիրությամբ փաստական տվյալներ են ձեռք բերվել այն մասին, որ «Երևանի թիվ 16 հատուկ դպրոց» ՊՈԱԿ-ի պատասխանատու պաշտոնատար անձինք, խախտելով ՊՈԱԿ-ի հաստիքացուցակով սահմանված առավելագույնը 6 հավաքարար ունենալու պահանջը, 2018-2019թթ. պայմանագրային հիմունքներով աշխատանքի են ընդունել ևս 7 հավաքարարի: Ինչպես նաև՝ 2018-2019թթ. կազմել են իրականությանը չհամապատասխանող կեղծ փաստաթղթեր՝ ճաշացանկեր, երեխաների հաշվառման փաստաթղթեր, և խախտելով ՀՀ առողջապահության նախարարի 06.06.2014թ. հրամանով սահմանված «ՈՒսումնական հաստատություններում սովորողների համար նախատեսված մեկ չափաբաժնի օրինակելի ծավալը»՝ իրականացրել են առանձնապես խոշոր չափերի պետական միջոցների առերևույթ հափշտակություններ: Բացի այդ, աուդիտի և ուսոմնասիրության արդյունքում արձանագրվել է, որ ՊՈԱԿ-ին հատկացված հողամասը՝ համաձայն անշարժ գույքի գրանցման վկայականի՝ կազմել է 13172 քմ, շենքը՝ 4111 քմ: Մինչդեռ Երևանի քաղաքապետի 30.12.2011թ. թիվ 7305-Ա որոշմամբ ՊՈԱԿ-ի հողամասի սահմանների ճշգրտման արդյունքում նոր հատակագծում, առանց հիմքի, դուրս է մնացել 350.846.400 ՀՀ դրամ շուկայական արժեքով 3692 քմ հողատարածք, որի նկատմամբ 2012-2017թթ. ընթացքում 4 անգամ իրականացվել է իրավունքների պետական գրանցում: Նկատի ունենալով, որ դատախազի կողմից իր լիազորություններն իրականացնելիս ուսումնասիրության շրջանակներում հայտնաբերվել են առանձնապես խոշոր չափերով գույքի հափշտակության, ինչպես նաև՝ պաշտոնեական կեղծիք կատարելու հատկանիշների առերևույթ առկայությունը մատնանշող բավարար տվյալներ և անհրաժեշտ է նշված հանգամանքները պարզել լրիվ, օբյեկտիվ և բազմակողմանի քննությամբ, ՀՀ գլխավոր դատախազության պետական շահերի պաշտպանության վարչությունում հարուցվել է քրեական գործ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետի և 314-րդ հոդվածի հատկանիշներով: Նախաքննության կատարումը հանձնարարվել է ՀՀ քննչական կոմիտեին:
12:50 - 12 փետրվարի, 2020
Այսօր էլեկտրաէներգիայի անջատումներ են սպասվում Երևանում և մարզում

Այսօր էլեկտրաէներգիայի անջատումներ են սպասվում Երևանում և մարզում

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ փետրվարի 12-ին պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն` Երևան քաղաքում՝10։00-16։00 Այգեստան 11փ. 34-101 սեփական տները, Հերացի փ. 2, 2Ա շենքերը և հարակից ոչ բնակիչ-բաժանորդները, Ավան՝ Քուչակ թաղ. 14-19 շենքերը, Թումանյան թաղ. 6/1, 6/2, 6/3, 7/1, 7/2, 8, 9, 10, 11, 12/1, 12/2, 13/1, 13/2, 20, 21, 22, 23, 48, 49 շենքերը, Իսահակյան թաղ. 3/1, 3/2, 5,5/5, 26/1, 26/2 շենքերը, Ավանի վարչական շենքը, թիվ 171 դպրոցը և հարակից ոչ բնակիչ-բաժանորդները,11։00-15։00 Նոր-Նորքի 2-րդ զանգ.՝ Մոլդովական փ. 4/2, 8, 8/1, 10, 10/1 սեփական տները, Բագրևանդի փողոցի սեփական տները և հարակից ոչ բնակիչ- բաժանորդները,11։00-17։00 Մամիկոնյանց փ. 27 շենքը, Գոգոլի փողոցի սեփական տները և հարակից ոչ բնակիչ-բաժանորդները, “Ադամիում” և “Դիոքսիդ” ՍՊ ընկերությունը, քաղ․ “Զոյա Բաղդասարյան”, Թ․Սարյան և Արագածի փողոցների սեփական տները, Ե․Թադևոսյան փ․ 12, 12/1, 12/2, 12/3, 12/5, 12/6, 12/7 շենքերը, Բագրատունյաց պող․ 4-րդ նրբ․ 21, 34ա, 38ա, 36/1 շենքերը և հարակից ոչ բնակիչ-բաժանորդները, Անդրանիկի փ. 28 շենքը, Կուրղինյան փ. 23 շենքը և հարակից ոչ բնակիչ- բաժանորդները,Արմավիրի մարզում՝10։00-16։00 Առատաշեն գյուղը,Արարատի մարզում՝10։00-14։00 Այնթափ գյուղը մասնակի,10։00-15։00 Մասիս քաղաքի Նոր և 3-րդ թաղամասերը մասնակի, քաղաքապետարանը, “Վեոն Արմենիա” ընկերության գրասենյակը, թիվ 2 դպրոցը, հիվանդանոցը և ոչ բնակիչ-բաժանորդները,10։00-16։00 Արարատ քաղաքի Խանջյան, Սերոբ Աղբյուրի փողոցները մասնակի,10։30-13։00 Վերին Արտաշատ գյուղը մասնակի,10։30-14։30 Նորաշեն գյուղը մասնակի,10։30-16։00 Բարձրաշեն գյուղը մասնակի,Վայոց Ձորի մարզում՝10։00-13։00 Եղեգնաձոր քաղաքի Իսրայել Օրի, Աթարբեկյան, Իսահակյան, Օրբելու փողոցները մասնակի,11։00-15։00 Շատին գյուղը մասնակի,Կոտայքի մարզում՝10։00-16։00 Աբովյան քաղաքի Բարեկամության փ. 5 շենքը և Ինտերնացիոնալ փ. 10 շենքը մասնակի,11։00-14։00 Ներքին և Վերին Պտղնի գյուղերը և հարակից ոչ բնակիչ- բաժանորդները,11։00-16։00 Արզական գյուղը, «Աշնաղ» գազալցակայանը, «Վեոն Արմենիա», «ՎիվաՍել-ՄՏՍ», «Յուքոմ» ընկերությունների բջջային օպերատորների կայանները և հարակից ոչ բնակիչ-բաժանորդները,11։00-17։00 Աբովյան քաղաքի 7-րդ միկրոշրջանը և 3-րդ միկրոշրջանի 16 շենքը, Սարալանջի փ․ 28 շենքը, Կամարիս, Զառ գյուղերը մասնակի, Ջրվեժի ՛՛Ա՛՛ թաղամասը,Գեղարքունիքի մարզում՝11:30-12:30 Ճամբարակ քաղաքը մասնակի, զին․ մասը, ՀՀՌՑ կայանը, «Վեոն Արմենիա», «ՎիվաՍել-ՄՏՍ», «Յուքոմ» ընկերությունների բջջային օպերատորների կայանները,11։00-15։00 Գավառ քաղաքի Սայաթ-Նովա և Նալբանդյան փողոցները,Շիրակի մարզում՝10։00-16։00 Աշոցքի տարածաշրջանի Թավշոտ գյուղի 2-րդ փողոցի կենտրոնական մասը, Անիի տարածաշրջանի Մարալիկ քաղաքի ուսումնարանի հարակից տարածքը,Սյունիքի մարզում՝10:00-13:00 Բռնակոթ գյուղը և հարակից ոչ բնակիչ-բաժանորդները,11:00-13:00 Շամբ գյուղը,11:00-14:00 Գորիս քաղաքի Բակունցի, Ավանգարդ, Արզումանյան, Գալստյան, Համո Սարյանի, Սաթյան փողոցները, Հ.Սարյան 1-ին նրբանցքը մասնակի,14:00-15:00 Որոտան գյուղը,15:30-16:30 Աղիտու գյուղը:
09:16 - 12 փետրվարի, 2020
Էլեկտրաէներգիայի անջատումներ Երևանում և 7 մարզում

Էլեկտրաէներգիայի անջատումներ Երևանում և 7 մարզում

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ փետրվարի 11-ին պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն` Երևան քաղաքում՝ 10։00-16։00 Իսրայելյան փ. 21, 37 շենքերը և հարակից ոչ բնակիչ-բաժանորդները, “Մանկական Երկաթուղի” ոչ բնակիչ-բաժանորդը (Ձորափի 130), Ավան՝ Իսահակյան թաղ. 1/3, 2/1, 2/2, 2/3, 4, 45 շենքերը, Թումանյան թաղ. 6/1, 6/2, 6/3, 7/1, 8, 9, 10, 11, 12/1, 12/2, 13/1, 13/2 շենքերը, Քուչակ թաղ. 47 շենքը, թիվ 170 դպրոցը, թիվ 3 մսուր-մանկապարտեզը և հարակից ոչ բնակիչ-բաժանորդները, 11։00-16։00 Խաղաղ Դոնի փ. 19 շենքի 11-13 մուտքերը, 11։00-17։00 Անդրանիկի փ. 79 շենքի 3 և 4-րդ մուտքերը, Կուրղինյան փ. 21/1 շենքը և հարակից ոչ բնակիչ-բաժանորդները, թիվ 13 պոլիկլինիկան, թիվ 137 դպրոցը, Ս․Տարոնցի փ․ 15, 28, 30, 32 շենքերը և հարակից ոչ բնակիչ-բաժանորդները, Մամիկոնյանց փ. 27ա, 29, 29ա շենքերը, Լեփսիուսի փ. 7, 8, 9, 10 շենքերը և 2-րդ փողոցի սեփական տները, Սարկավագի և Մ.Ավետիսյան փողոցների սեփական տները և հարակից ոչ բնակիչ-բաժանորդները, Իսրայելյան, Պարոնյան փողոցները, Ձորագյուղ թաղամասը, Հրազդանի կիրճի և Զորափի փողոցի ոչ բնակիչ-բաժանորդները, Լոմոնոսովի փ. 6-40 սեփական տները, Ռոստովյան փ. 19, 21, 25,27 շենքերը, Սասունցի Դավթի փ. 62, 69, 71, 73 սեփական տները, Նոր-Նորքի 2-րդ զանգ.՝ Թոթովենցի փ. 2 շենքը և հարակից ոչ բնակիչ-բաժանորդները, 14։00-17։00 Նոր-Նորքի 2-րդ զանգ.՝ Մոլդովական փ. 6/1 շենքը և հարակից ոչ բնակիչ-բաժանորդները, Արմավիրի մարզում՝ 11։00-13։00 Արմավիր քաղաքը մասնակի, 11։00-17։00 Էջմիածին քաղաքը մասնակի, Արարատի մարզում՝ 10։00-12։00 Արալեզ գյուղը մասնակի, 10։00-14։00 Այնթափ գյուղը մասնակի, 10։30-14։30 Ոստան գյուղը մասնակի, 10։00-16։00 Արարատ քաղաքի Աբովյան և Թումանյան փողոցները մասնակի, 10։30-16։00 Նորաշեն գյուղը մասնակի, Վայոց Ձորի մարզում՝ 10։00-13։00 Եղեգնաձոր քաղաքի Ավագյան, Իսակովի, Լևոնյան և Խանջյան փողոցները մասնակի, 11։00-13։00 Աղավնաձոր գյուղը, Կոտայքի մարզում՝ 10։00-16:00 Աբովյան քաղաքի Սարալանջի փ. 28 շենքը, 3-րդ միկրոշրջանի 15 շենքը, 7-րդ միկրոշրջանը մասնակի, Կապուտան, Կամարիս, Գեղաշեն, Զառ գյուղերը և Ջրվեժ գյուղի Ա թաղամասը մասնակի, Գեղարքունիքի մարզում՝ 11։00-15։00 Գավառ քաղաքի Սայաթ-Նովա, Նալբանդյան փողոցները, Սուրբ Կարապետ եկեղեցին, “Ասլիկյան Նորիկ” և “Ադելաիդա Ղարաբախցյան” ԱՁ-ները, “Արա-Նարե” և “Գևորգ Մուխսիխաչոյան” ՍՊ ընկերությունները, Մարդու իրավունքների պաշտպանի գրասենյակը, “Վիվասել-ՄՏՍ” ընկերության օպերատորի գրասենյակը, “Ֆինկա” կազմակերպությունը և հարակից ոչ բնակիչ-բաժանորդները, Շիրակի մարզում՝ 10։00-14։00 Աշոցքի տարածաշրջանի Ցողամարգ գյուղի վերին թաղամասը, 10։00-15։00 Արթիկի տարածաշրջանի Փոքր Մանթաշ գյուղի կենտրոնական մասը, Սյունիքի մարզում՝ 10:30-17:00 Գորիս քաղաքի Ավանգարդ, Խանզադյան փողոցները և Արցախյան խճուղին, 10:30-13:30 Քարահունջ գյուղը մասնակի, 14:30-16:30 Որոտան գյուղը մասնակի:
09:30 - 11 փետրվարի, 2020
Որոշ մանկապարտեզների գրանցամատյաններում առկա են եղել գրառումների վերափոխումներ

Որոշ մանկապարտեզների գրանցամատյաններում առկա են եղել գրառումների վերափոխումներ

Շենգավիթ վարչական շրջանի ղեկավար Ռազմիկ Մկրտչյանը պարզաբանում է ներկայացրել մանկապարտեզներում սննդամթերքի անվտանգության ուղղությամբ տարվող գործողությունների վերաբերյալ: Պարզաբանումն իր էջում տեղադրել է նաեւ Երեւանի քաղաքապետի մամուլի քարտուղար Հակոբ Կարապետյանը: Այն ամբողջությամբ ներկայացնում ենք ստորեւ.  «Շենգավիթ վարչական շրջանի ղեկավարի աշխատակազմի ենթակայությամբ գործում է 21 մանկապարտեզ: Դրանցում իրականացվող հսկողական գործառույթում առանձնահատուկ կարևորություն ունեն երեխաներին տրվող սննդամթերքի քանակի, որակի, անվտանգության պահպանման հարցերը: Տվյալ խնդրի շրջանակներում ակնադիտական ուսումնասիրությամբ ակնհայտ է դարձել, որ որոշ մանկապարտեզների սննդամթերքի մուտքի և ելքի հաշվառման գրանցամատյաններում առկա են գրառումների վերափոխումներ: Ուստի այդ, ինչպես նաև մյուս մանկապարտեզների գրանցամատյանները փորձաքննության ենթարկելու համար պետք էր ապահովել իրավական ընթացակարգ, ինչի անհրաժեշտութունն ի հայտ է եկել միայն այն ժամանակ, երբ արդեն իսկ տնօրենները մասնակցում էին նախապես պլանավորված և արդեն մեկնարկած խորհրդակցությանը (փետրվարի 7-ին): Այդ ժամանակ տնօրեններին առաջարկվել է բերել տալ գրանցամատյանները, ինչից հետո իրավապահ մարմինների ներկայացուցիչներն իրականացրել են իրենց գործառույթներից բխող օպերատիվ գործողություններ: Գրանցամատյանները համապատասխան արձանագրությամբ, սահմանված կարգով տարվել են ուսումնասիրության: Ընդգծելով խնդրի կարևորությունը՝ ևս մեկ անգամ հավաստում ենք նախադպրոցական կրթության և դաստիարակության ոլորտում ծառայությունների որակի բարձրացմանն ուղղված մեր ջանքերի հաստատակամությունը, մանկապարտեզների տնօրենների և աշխատակիցների հետ հարաբերությունները դիտարկվում են գործընկերային մթնոլորտում՝ ուղղված մեկ համընդհանուր նպատակին, ինչը պետք է բացառի կասկածը, առավել ևս ակամա կամ միտումնավոր անճշտությունները: Համայնքային մանկապարտեզներ հաճախող մեր երեխաները միայն եւ բացառապես որակյալ սննդամթերք պետք է ստանան, եւ ընդհանրապես՝ բնակչությանը որակյալ ծառայություն մատուցելը մեր գերխնդիրն է»:
15:33 - 10 փետրվարի, 2020
Հասել ենք նրան, որ ձեռնարկությունը պետք է փակվի. ուղևորափոխադրող ընկերության տնօրեն |aysor.am|

Հասել ենք նրան, որ ձեռնարկությունը պետք է փակվի. ուղևորափոխադրող ընկերության տնօրեն |aysor.am|

aysor.am: Ամեն ինչ գնում էր նրան, որ երթուղայինների վարորդները մի օր գործադուլ անեին։ Վերջին 2-3 ամիսներին ընկերության վրա այնքան ֆինանսական բեռ է ծանրացել, որ նման զարգացումը սպասելի էր, լրագրողների հետ զրույցում ասաց Երևանի թիվ 10 երթուղին սպասարկող ուղևորափոխադրող ընկերության տնօրենը։«Չենք իմանաում՝ որտեղից ենք հայթայթելու այդ գումարները։ Մենք նամակներով դիմել ենք պատկան մարմիններին, բանակցություններ և զրույցներ ենք ունեցել։ Օրենքներ են մտել կիրառության մեջ, որոնք պետք է կատարվեն։ Մյուս կողմից՝ ուղևորահոսքի պակասություն, քաղաքի երթևեկության անհնարինություն, ամեն ինչի գնաճ, նաև ԱՊՊԱ-ի թվերի շատ մեծ բարձրացում։Այս ամենը բերել, հանգեցրել է գործադուլի։ Վարորոդները մեզնից չեն դժգոհում, դժգոհում են ծախսերի ավելացումից։ Ծախսերն ավելանում են, մուտքերը՝ նվազում։ Քաղաքապետարանից խոսք են տվել, որ 10 օրվա մեջ մեզ կաջակցեն։ Հասել ենք նրան, որ ձեռնարկությունը պետք է փակվի։ Ճիշտն ասած՝ այսօր արդեն պատրաստվում էինք նման դիմում գրել, բայց 10 օր կսպասենք, տեսնենք՝ ինչ կլինի։ Ֆինանսական միջոցներ բացարձակ չկան», - ասաց ընկերության տնօրենը։Նա միաժամանակ նշեց, որ իրենց պարկն ամենամեծն է մայրքաղաքում, մոտ տասը օր առաջ իրենց գծերից մեկն արդեն իսկ փակվել է։«Ինչքան մեծ՝ այդքան պրոբլեմները շատ», - իր խոսքը եզրափակեց ընկերության տնօրենը։
12:35 - 10 փետրվարի, 2020
Երթուղայինների վարորդները դադարեցրին գործադուլը՝ արտոնություններ չտրամադրելու դեպքում կրկնելու սպառնալիքով |aysor.am|

Երթուղայինների վարորդները դադարեցրին գործադուլը՝ արտոնություններ չտրամադրելու դեպքում կրկնելու սպառնալիքով |aysor.am|

aysor.am: Մենք ժողովրդին շատ լավ սպասարկում ենք, ժողովրդից դժգոհ չենք։ Դժգոհ ենք «նալոգի» բարձրացումից. օրական 27 հազար դրամ մեզնից դուրս ա գալիս, որից 10 հազարը՝ վառելիքի փող, մնացածը՝ «նալոգ»։ Հիմա գծատերն ուզում ա ավելացնի, դրա համար էլ չենք աշխատում, լրագրողների հետ զրույցում հայտարարեցին այսօր առավոտից գործադուլ հայտարարած վարորդները՝ հավելելով, որ իրենց ամսական եկամուտը այնքան քիչ է, որ նույնիսկ գծատիրոջը պարտք ենք մնում։«Քաղաքապետարանի աշխատակցի հետ բանակցություններից հետո մեզ ասում են գնանք, հին պլանով քշենք։ Հիմա պայմանավորվենք, որոշենք՝ ինչ ենք անում», - ասաց վարորդներից մեկը։Քաղաքապետարանի տրանսպորտի վարչության պետը և ուղևորափոխադրող ընկերության սեփականատերն իրենց հերթին գործադուլ հայտարարած վարորդներին հորդորեցին գիծ դուրս գալ և առաջիկա 7 օրն աշխատել հին օրավարձով՝ մինչև որևէ լուծում կմտածեն։«Լավ, ժողովրդի «խաթր» էս 7 օրը կքշենք, բայց հետո մեզ թող արտոնություն տան՝ գազի ծախսի մեջ տեղավորվենք, պլանի հարցի մեջ տեղավորվենք։ Մեր հաշվին փող չպետք ա բարձրանա», - նշեց վարորդներից մեկը։
12:04 - 10 փետրվարի, 2020
Երևանում հետիոտնային կանչի ռեժիմով աշխատող լուսացույցներով կկահավորվի 37 հետիոտնային անցում

Երևանում հետիոտնային կանչի ռեժիմով աշխատող լուսացույցներով կկահավորվի 37 հետիոտնային անցում

Երևանում անվտանգ երթևեկության ապահովումը քաղաքային իշխանության առաջնահերթություններից է: Խնդրին համակարգային լուծում տալու նպատակով 2019թ. Երևանի քաղաքապետարանը մի շարք ծրագրեր իրականացրեց: Ինչպես հայտնեցին Երևանի քաղաքապետարանի տեղեկատվության և հասարակայնության հետ կապերի վարչությունից, դրանցից մեկը հետիոտնային կանչի ռեժիմով աշխատող լուսացույցներով անցումները կահավորելն էր: «Հաշվի առնելով վերջին շրջանում տրանսպորտային պատահարները, ընդհանրապես մեքենաքանակի աճը, քաղաքապետը հանձնարարեց անցած տարի գույքագրել, ուսումնասիրել հնարավոր ամենաթեժ կետերը խնդրահարույց, որտեղ մահվան ելքերով վրաերթեր են տեղի ունեցել, և միջոցառումներ ձեռնարկել: Այս դեպքում նախաձեռնվեց հետիոտնային կանչի ռեժիմով աշխատող լուսացուցային օբյեկտների տեղակայում», - նշում է Երևանի քաղաքապետարանի տրանսպորտի վարչության պետի ժ/պ Էդգար Գալստյանը:Ծրագրի շրջանակում նախորդ տարի մայրաքաղաքի տարբեր վարչական շրջաններում նման լուսացույցներով կահավորվեց 7 հետիոտնային անցում: Երևանում, ՏԻ մասին օրենքի համաձայն, ճանապարհային երթևեկության կարգավորումը, մասնավորապես լուսացույցների տեղադրումը, գծանշումները և այլն, քաղաքապետի պատվիրակված լիազորությունն է, սակայն 2009-ից կառավարության որոշմամբ այդ գործառույթները պատվիրակվել են Ճանապարհային ոստիկանության ծառայությանը: Համապատասխանաբար, բյուջեն ևս հատկացվում է ՃՈ-ին: «Սա նշանակում է, որ այս գործառույթն իրականացնելու պատասխանատուն ՃՈ-ն է: Հաշվի առնելով, որ մենք խոսում ենք մեր համայնքի բնակիչների անվտանգության, կյանքի և առողջության պահպանման անհրաժեշտության մասին, համայնքը փոխօգնության շրջանակներում կամավոր որոշակի բյուջե է հատկացնում և ՃՈ-ի հետ համագործակցությամբ ինքը ևս նախաձեռնում է հետիոտնի համար վտանգավոր վայրերում կանչի ռեժիմով լուսացույցների տեղադրում»,- նշում է Երևանի ավագանու իրավական հարցերի մշտական հանձնաժողովի նախագահ Գայանե Մելքոմ Մելքոմյանը: Ծրագրի ծավալները 2020-ին զգալիորեն աճել են: Ընթացիկ տարում հետիոտների միջամտությամբ լուսացույցի ազդանշաններով կկարգավորվի 37 հետիոտնային անցում:«Հետիոտնի կանչի ռեժիմով համալրված լուսացուցային այդ անցումներն իրենց արդյունավետությունն ունեն: Բնականաբար անհնար կլինի յուրաքանչյուր 100մ-ը մեկ տեղադրել, և կարծում եմ, որ պետք է կոչ անենք հետիոտնին, որպեսզի իրենք էլ հետիոտնի համար թույլատրելի այդ հատվածով անցնեն», - նկատում է «Ճանապարհային երթևեկության անվտանգություն և վերահսկողություն» ՀԿ ղեկավար Սերգեյ Ղահրամանյանը: Հաջորդ քայլով համայնքը հստակ մոտեցում է ցուցաբերում նաև անցումների մոտ երթևեկության կազմակերպման փոփոխության հարցում: Երևանում չպետք է լինեն հետիոտնային այնպիսի անցումներ, որտեղ թույլատրելի արագությունը 60 կմ ժամ և ավելի է ու կարգավորված չէ: «Քաղաքապետը հանձնարարեց ուսումնասիրել և գույքագրել երեք և ավել գոտի ունեցող ճանապարհներում հետիոտնային անցումները: Դրանց դիմաց արդեն իսկ նախաձեռնվել է սահմանված արագությունների նվազեցում` ոստիկանության հետ համատեղ: Նախկինում 70 կմ ժամ արագություն էր, որի արդյունքում թույլատրվում էր վարորդներին երթևեկել մինչև 80 կմ ժամ արագությամբ»,- նշում է Էդգար Գալստյանը: Մեկ շաբաթ առաջ համացանցում ակտիվ քննարկվում էր Շիրակի փողոցում տեղի ունեցած ողբերգական վթարը, որին զոհ դարձավ 10-ամյա դպրոցականը: Ցավոք, դա եզակի դեպք չէր. ճանապարհային մահերի թվով Հայաստանը Եվրոպայում տխուր առաջատարներից մեկն է: Անկախ նրանից՝ ով է կոնկրետ դեպքի մեղավորը՝ անկարգ վարորդը, անուշադիր հետիոտնը, ճանապարհի կահավորանքի պատասխանատուները, թե դժբախտ պատահականությունը, մի բան հստակ է՝ այսպես երկար շարունակվել չի կարող: «Բացի այն, որ մենք գույքագրում ենք Երևանի վտանգավոր կետերը, առանձին ևս մեկ անգամ նաև գույքագրեք բոլոր այն դպրոցները, մանկապարտեզները, ուսումնական այլ հաստատություններն ու մշակութային օջախները, որտեղ այցելում են երեխաները, և առանձին ցուցակ կազմեք, որպեսզի ըստ առաջնահերթության այդ մասն էլ փակենք: Մեր քաղաքացիների անվտանգությունը, առավել ևս երեխաների անվտանգությունը, մեր համար մեկ խնդիրն է այսօր: Դրանից առավել մենք այստեղ խնդիր չունենք լուծելու»,- ընդգծում է քաղաքապետ Հայկ Մարությանը: Հետիոտնային կանչի ռեժիմով կարգավորվող անցումների կողքին երևանյան փողոցներում քաղաքացիները կհանդիպեն նաև հատուկ մանեկեններով կահավորված անցուղիների: Գաղափարը Բյուզանդ Բաղդասարյանինն է: Նրա առաջարկը կյանքի կկոչվի Երևանի քաղաքապետի նախաձեռնած «Ակտիվ քաղաքացի» հարթակի շնորհիվ: «Գաղափարն առաջացավ այն ժամանակ, երբ Փարիզում էի: Ես մեքենայով գնում էի, և այնպիսի տպավորություն էր, որ կարծես երեխան վազելու է փողոց: Եվ այս «Ակտիվ քաղաքացի» նախաձեռնության առաջարկը, երբ եղավ քաղաքապետարանից, այդ միտքը փորձեցի օգտագործել և առաջարկեցի: Ուրախ եմ, որ ծրագիրն անցավ, կյանքի կկոչվի: Կարծում եմ, որ շուտով մեր փողոցներում արդեն դպրոցների հարևանությամբ կլինեն այդ մանեկենները»,- ասում է Բյուզանդ Բաղդասարյանը: Ճանապարհաշինություն, հետիոտնային անցումների կառուցում, գրագետ կահավորում, հասարակական տրանսպորտի նոր ցանց. սրանք դեպի անվտանգ երթևեկություն տանող ճանապարհի անհրաժեշտ քայլերն են: Սակայն նա՛խ և առաջ պետք է, որ հետիոտն ու վարորդը պարզապես հարգեն մեկը մյուսին:
08:44 - 03 փետրվարի, 2020
Երևանում անցկացվել է ԱՊՀ մասնակից պետությունների միջտարածաշրջանային և մերձսահմանային համագործակցության հարցերով խորհրդի 8-րդ նիստը

Երևանում անցկացվել է ԱՊՀ մասնակից պետությունների միջտարածաշրջանային և մերձսահմանային համագործակցության հարցերով խորհրդի 8-րդ նիստը

Երևանում այսօր տեղի է ունեցել ԱՊՀ մասնակից պետությունների միջտարածաշրջանային և մերձսահմանային համագործակցության հարցերով խորհրդի 8-րդ նիստը: ՀՀ տարածքային կառավարման և ենթակառուցվածքների նախարարի տեղակալ, ԱՊՀ մասնակից պետությունների միջտարածաշրջանային և մերձսահմանային համագործակցության հարցերով խորհրդի նախագահ Վաչե Տերտերյանը ողջունել է խորհրդի անդամներին Հայաստանում և նշել, որ արդեն երկրորդ անգամ նիստի անցկացումը Հայաստանում լավ խթան է անձնական և աշխատանքային մակարդակում նոր կապեր ստեղծելու և հներն ամրապնդելու համար: «Մենք կարևոր նշանակություն ենք տալիս այս համագործակցությանը, որովհետև սա լավ հնարավորություն է խորհրդի անդամ երկրների միջև միջտարածաշրջանային ակտիվ գործակցություն ծավալելու և համագործակցության աշխարհագրությունն ընդլայնելու համար»,-իր խոսքում նշել է Վ. Տերտերյանը: ՏԿԵ նախարարի տեղակալն առաջարկել է այս հարթակն օգտագործել համագործակցության նոր գաղափարներ քննարկելու և կյանքի կոչելու համար: ԱՊՀ գործադիր կոմիտեի ներկայացուցիչ Օլգա Պրոսկուրյակովան իր հերթին դրական է գնահատել խորհրդի աշխատանքները՝ ընդգծելով, որ խորհուրդն իր գործունեության ընթացքում մշակել է համագործակցության զարգացմանն ուղղված բազմաթիվ կարևոր փաստաթղթեր: Խորհրդի նիստում ներկայացվել են տեղեկություններ ԱՊՀ մասնակից պետությունների միջտարածաշրջանային և մերձսահմանային համագործակցության զարգացմանն ուղղված աշխատանքների, մինչև 2020թ. ընկած ժամանակահատվածում համագործակցության հայեցակարգի և միջոցառումների ծրագրի իրականացման ընթացքի վերաբերյալ, քննարկվել են միջտարածաշրջանային կապերի ամրապնդման համատեքստում առևտրաարդյունաբերական պալատների գործունեությանը վերաբերող և մի շարք այլ հարցեր: Խորհրդի նիստում ի գիտություն է ընդունվել ներկայացված տեղեկատվությունը: Նիստի արդյունքներով անդամ երկրները ստորագրել են արձանագրություն, հավանություն է տրվել խորհրդի 9-րդ նիստը Ուզբեկստանի Հանրապետությունում անցկացնելու որոշմանը:
12:09 - 13 դեկտեմբերի, 2019
Աբովյան եւ Պուշկինի փողոցների խաչմերուկում ռեստորանի տանիքում բռնկված հրդեհը մարվել է.այրվել է 250 քմ տարածք |news.am|

Աբովյան եւ Պուշկինի փողոցների խաչմերուկում ռեստորանի տանիքում բռնկված հրդեհը մարվել է.այրվել է 250 քմ տարածք |news.am|

news.am: Երեւանի կենտրոնում այսօր բռնկված հրդեհը մարվել է: Հիշեցնենք, որ նոյեմբերի 21-ին, ժամը 13:59-ին «911» ծառայություն ահազանգ է ստացվել, որ Երեւանի Աբովյան եւ Պուշկինի փողոցների խաչմերուկում՝ երկհարկանի շինության տանիքում, հրդեհ է բռնկվել: Հրդեհի բարդության «1-ԲԻՍ» կանչով դեպքի վայր են մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, ճգնաժամային կառավարման ազգային կենտրոնի արտակարգ իրավիճակների արձագանքման եւ օպերատիվ խմբերը, ինչպես նաեւ հոգեբանական աջակցության բաժնի հոգեբանական խորհրդատվության գծով հրահանգիչը: Ժամը 14:10-ին հայտարարվել է հրդեհի բարդության «Թիվ-2» աստիճան: Դեպքի վայր են մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատներից եւս երկու մարտական հաշվարկ եւ մեկ ավտոսանդուղք: Ժամը 14:19-ին հրդեհի բարդության աստիճանը բարձրացվել է «Թիվ-3» կանչի: Դեպքի վայր են մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատներից եւս չորս մարտական հաշվարկ եւ մեկ ավտոսանդուղք: Պարզվել է, որ հրդեհը բռնկվել է Աբովյան 10 հասցեում գտնվող ռեստորանի տանիքում: Այրվում են տանիքի փայտյա կառուցատարրերը: Դեպքի վայրում է գտնվում ԱԻ նախարար Ֆելիքս Ցոլակյանը: Ժամը 16:08-ին հրդեհը մեկուսացվել է, 17:00-ին՝ մարվել:
13:34 - 21 նոյեմբերի, 2019