Ջեյհուն Բայրամով

2020 թվականի հուլիսից՝ Ադրբեջանի արտագին գործերի նախարար։

Ջեյհուն Բայրամովը ծնվել է 1973 թվականին Բաքվում: Ավարտել է Ադրբեջանի պետական տնտեսական ինստիտուտի տնտեսագիտության ֆակուլտետը: Հետագայում նա ավարտել է Ադրբեջանի համալսարանի իրավագիտության ֆակուլտետը:

1996-2000 թվականներին աշխատել է Ադրբեջանի ֆինանսների նախարարությունում՝ տարբեր պաշտոններում։ 2018-2020 թվականներին եղել է Ադրբեջանի կրթության նախարարը։

«Ադրբեջանի և Հայաստանի միջև բարիդրացիական հարաբերություններին այլընտրանք չկա». Ջեյհուն Բայրամով |hetq.am|

hetq.am։ Ղարաբաղյան հակամարտությունն ավարտվել է, և տարածաշրջանի երկրները պետք է կենտրոնանան ապագայի վրա։ Այդ մասին Անթալիայի դիվանագիտական ֆորումի «Հարավային Կովկաս. տարածաշրջանային խաղաղության և համագործակցության նոր հնարավորություններ» պանելային քննարկման ժամանակ հայտարարել է Ադրբեջանի արտաքին գործերի նախարար Ջեյհուն Բայրամովը, գրում է trend.az-ը։ «Հայաստանի քաղաքական ղեկավարությունը պետք է հասկանա, որ լավ, բարիդրացիական հարաբերություններին այլընտրանք չկա։ Սա այսօր ամենալավ տարբերակն է»,- ասել է Ադրբեջանի արտաքին քաղաքական գերատեսչության ղեկավարը։ Վերջինիս խոսքերով՝ Ադրբեջանի կողմից հարաբերությունների կարգավորման առաջարկը ակտուալ է, բայց հայկական կողմը չի ընդունում այն։ Բայրամովն ընդգծել է, որ Հայաստանի իշխանությունները պետք է ցուցաբերեն քաղաքական կամք։ Շարունակությունը՝ hetq.am-ում։

19:00 - 19 հունիսի, 2021

Բայրամովը Հայաստանին մեղադրել է «նոյեմբերի 10-ի հայտարարության պայմանները խախտելու համար» |tert.am|

tert.am: Ադրբեջանի արտգործնախարար Ջեյհուն Բայրամովը Եվրոպայի Խորհրդի Նախարարների կոմիտեի 131-րդ նիստում ելույթի ժամանակ հայտարարել է, որ «Ռուսաստանի, Հայաստանի և Ադրբեջանի ղեկավարների կողմից 2020 թվականի նոյեմբերի 10-ին ստորագրված եռակողմ հայտարարությունը վերջ է դրել գրեթե 30 տարի Հայաստանի և Ադրբեջանի միջև շարունակվող զինված հակամարտությանը», գրում են ադրբեջանական ԶԼՄ-ները։ Ինչպես նշվում է, «Բայրամովը նիստի մասնակիցներին տեղեկացվել է, որ հիշյալ փաստաթուղթը անհրաժեշտ պայմաններ է ստեղծում Հայաստանի և Ադրբեջանի միջև հարաբերությունների կարգավորման համար՝ հիմնված երկու երկրների ինքնիշխանության, տարածքային ամբողջականության և միջազգային մակարդակով ճանաչված սահմանների անձեռնմխելիության վրա»: Իր ելույթում Բայրամովը նաև «ափսոսանքով նշել է, որ մինչ այժմ ականատես են լինում Հայաստանի կողմից նոյեմբերի 10-ի պայմանավորվածության և, ընդհանուր առմամբ, միջազգային մարդասիրական իրավունքից բխող պարտավորությունների խախտմանը»։ Ընդ որում, ըստ հաղորդման, Բայրամովն ընդգծել է՝ «այն փաստը, որ Հայաստանը հրաժարվել է տրամադրել ականապատ տարածքների քարտեզները, ինչպես նաև տեղեկություններ հայտնել 1991-1994 թվականներին անհետ կորած շուրջ 4000 ադրբեջանցիների ճակատագրի մասին, լուրջ մտահոգություն է առաջացնում»:

10:34 - 22 մայիսի, 2021

Ադրբեջանի և Ֆրանսիայի ԱԳ նախարարները քննարկել են ադրբեջանահայկական սահմանին վերջին լարվածությունը

Մայիսի 16-ին ֆրանսիական կողմի նախաձեռնությամբ հեռախոսազրույց է տեղի ունեցել Ադրբեջանի Հանրապետության արտաքին գործերի նախարար Ջեյհուն Բայրամովի և Ֆրանսիայի Հանրապետության Եվրոպայի և արտաքին գործերի նախարար Ժան-Իվ Լե Դրիանի միջեւ: Այս մասին հայտնում են Ադրբեջանի ԱԳՆ-ից։ «Նախարարները քննարկել են ադրբեջանահայկական սահմանին վերջին լարվածությունը: Բայրամովը նշել է, որ երկար ժամանակ անց միջոցառումներ են ձեռնարկվել՝ ուղղված Հայաստանի հետ սահմանի ամրապնդմանը՝ տեղեկացնելով նաև Հայաստանի հետ հետ ընթացող բանակցությունների մասին: Բայրամովը ընդգծել է նաև սահմանային լարվածության ուռճացման ու քաղաքականացման անթույլատրելիությունը և բանակցային ճանապարհով այդպիսի խնդիրների լուծման կարևորությունը: Նախարարները մտքեր են փոխանակել նաև հետկոնֆլիկտային հարցերի շուրջ»,- նշված է Ադրբեջանի ԱԳՆ հայտարարության մեջ։

10:13 - 17 մայիսի, 2021

Ադրբեջանն արձագանքել է Հայաստանի՝ ՀԱՊԿ դիմելու քայլին

Այսօր Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել իր ՀԱՊԿ ԱԳ նախարարների խորհրդի նախագահ, Տաջիկստանի Հանրապետության ԱԳ նախարար Սիրոջիդդին Մուխրիդինի հետ: Այս մասին հայտնում է apa.az-ը։ Ադրբեջանի ԱԳՆ-ից APA- ին հայտնել են, որ, կապված ադրբեջանահայկական սահմանին տիրող լարվածության հետ՝ Բայրամովը ասել է, թե ադրբեջանցի սահմանապահները գտնվում են Ադրբեջանին պատկանող դիրքերում, և այդ գործընթացն իրականացվում է կանոնավոր կերպով։ Ջեյհուն Բայրամովը Տաջիկստանի արտաքին գործերի նախարարի հետ զրույցում ասել է, որ Հայաստանի՝ Հավաքական անվտանգության պայմանագրի կազմակերպությանը ուղղած դիմումը հիմքեր չունի և ոչ այլ ինչ է, քան Հայաստանի իշխող շրջանակների կողմից այդ հարցը քաղաքականացնելու փորձ: Բայրամովը շեշտել է, որ «լարվածությունը պետք է լուծվի քաղաքական և բանակցային ճանապարհով»: Հիշեցնենք, որ երեկ ՀՀ վարչապետի պաշտոնակատար Նիկոլ Փաշինյանը պաշտոնապես դիմել է ՀԱՊԿ Հավաքական անվտանգության խորհրդի գործող նախագահ Տաջիկստանի Հանրապետության նախագահ Էմոմալի Ռահմոնին՝ 1992 թվականի մայիսի 15-ի «Հավաքական անվտանգության մասին» պայմանագրի երկրորդ հոդվածի շրջանակում ՀԱՊԿ անդամ պետությունների դիրքորոշումները համակարգելու և առաջացած սպառնալիքի վերացման համար միջոցներ ձեռնարկելու նպատակով արտակարգ խորհրդատվություններ անհապաղ սկսելու մեխանիզմը գործադրելու համար:

19:23 - 15 մայիսի, 2021

Ադրբեջանը բանակցում է Հայաստանի հետ սահմանին տիրող իրավիճակի շուրջ. Բայրամով |tert.am|

tert.am: Ադրբեջանը հավատարիմ է տարածաշրջանում լարվածության վերացմանը և բանակցում է Հայաստանի հետ սահմանին տիրող իրավիճակի շուրջ: Այս մասին ուրբաթ հայտարարել է Ադրբեջանի արտգործնախարար Ջեյհուն Բայրամովն ԱՄՆ պետքարտուղարի օգնականի պաշտոնակատար Ֆիլիպ Ռիկերի հետ հեռախոսազրույցի ընթացքում, գրում է ՏԱՍՍ գործակալությունը:«Կողմերը քննարկել են տարածաշրջանում առկա իրավիճակը, մտքեր փոխանակել Ադրբեջանի և Հայաստանի միջև սահմանին տիրող լարվածության վերաբերյալ: Նախարար Ջեյհուն Բայրամովն ընդգծել է, որ Ադրբեջանը հավատարիմ է տարածաշրջանում լարվածությունը վերացնելուն: Նա զրուցակցի ուշադրությունը հրավիրել է այն բանի վրա, որ սահմանում լարված իրավիճակը հնարավորինս շուտ լուծելու համար ԱՀ պետական սահմանապահ ծառայության ղեկավարությունը մի քանի ժամով ուղարկվել է տարածաշրջան և բանակցություններ են տարվում հակառակ կողմի հետ»,-ասված է Ադրբեջանի ԱԳՆ հաղորդագրության մեջ:

17:11 - 14 մայիսի, 2021

Սերգեյ Լավրովը Ջեյհուն Բայրամովի հետ քննարկել է հայ-ադրբեջանական սահմանին տեղի ունեցած միջադեպը |armenpress.am|

armenpress.am: Ռուսաստանի արտաքին գործերի նախարար Սերգեյ Լավրովը մայիսի 13-ին հեռախոսազրույց է ունեցել Ադրբեջանի արտաքին գործերի նախարար Ջեյհուն Բայրամովի հետ: Այս մասին հաղորդագրություն է տարածել Ռուսաստանի ԱԳՆ-ն: «Հայ-ադրբեջանական սահմանին իրավիճակի սրման կապակցությամբ Ռուսաստանի կողմից, ինչպես եւ ավելի վաղ Հայաստանի արտգործնախարարի պաշտոնակատար Արա Այվազյանի հետ Լավրովի հեռախոսազրույցի ընթացքում, հաստատվել է հրադադարի ռեժիմի խիստ պահպանման, ինչպես նաև Ադրբեջանի, Հայաստանի եւ Ռուսաստանի ղեկավարների 2020 թվականի նոյեմբերի 9-ի եւ 2021 թվականի հունվարի 11-ի հայտարարությունների դրույթների անշեղ կատարման անհրաժեշտությունը: Կարևորվել է բացառապես քաղաքական-դիվանագիտական մեթոդներով նման բոլոր միջադեպերը լուծումը: Պատրաստակամություն է հայտնվել աջակցել Հարավային Կովկասում իրադրության հետեւողական կարգավորմանը»- նշված է հաղորդագրության մեջ:

20:14 - 13 մայիսի, 2021

Հուսով ենք, որ Հայաստանը Ադրբեջանին կփոխանցի ականապատ տարածքների քարտեզները․ Սերգեյ Լավրով |hetq.am|

hetq.am: Մոսկվան ակնկալում է մոտ ապագայում տեսնել Լեռնային Ղարաբաղում տնտեսական և տրանսպորտային բոլոր կապերի ապաշրջափակման հարցերով զբաղվող եռակողմ աշխատանքային խմբի գործունեության առաջին արդյունքները։ Այս մասին մայիսի 11-ին՝ Ադրբեջանի մայրաքաղաք Բավքում հայտարարել է Ռուսաստանի Դաշնության արտաքին գործերի նախարար (ՌԴ ԱԳՆ) Սերգեյ Լավրովը։ «Մենք բարձր ենք գնահատում երեք երկրների փոխվարչապետների գլխավորած եռակողմ խմբի աշխատանքը, որը, չեմ ցանկանում առաջ ընկնել և նրանց փոխարեն գնահատականներ տալ, բայց արդյունավետ է գործում։ Մենք ունենք բոլոր հիմքերը ենթադրելու, որ մոտ ապագայում կտեսնենք այդ աշխատանքի առաջին արդյունքները»,- ասել է Լավրովը։ ՌԴ արտաքին քաղաքական գերատեսչության ղեկավարն ասել է՝ Մոսկվան հույս ունի, որ Հայաստանը Ադրբեջանին կփոխանցի Լեռնային Ղարաբաղում ականապատ տարածքների քարտեզները։ «Մի քանի օր առաջ Երևանում քննարկել էինք այս հարցը։ Իմ պատկերացմամբ՝ Հայաստանի իշխանությունները հասկացել են այս հարցի լուծման անհրաժեշտությունը։ Այս ուղղությամբ առաջին նախնական քայլերն արդեն իսկ արվել են, ես այդ մասին տեղեկացրել եմ Ադրբեջանի ղեկավարությանը։ Հույս ունենք, որ այս գործընթացը զգալիորեն կարագացվի և թույլ կտա ամբողջությամբ լուծել այս խնդիրը»,- նշել է Ռուսաստանի արտգործնախարարը։ Լավրովտ շեշտել է՝ Ռուսաստանը կողմ է, որ մարդասիրական բոլոր հարցերը լուծվեն առավալեգույնս օպերատիվ կերպով՝ առանց որևէ նախապայմանների, մասնավորապես զոհվածների աճյունների փոխանակումը, ռազմագերիների վերադարձը, անհետ կորածների ճակատագրերը պարզելը, ինչպես նաև ականապատ տարածքների հարցը։

15:55 - 11 մայիսի, 2021

Բայրամովը խոսել է Հայաստանի հետ հարաբերությունների կարգավորման հնարավորության մասին |factor.am|

factor.am: Ադրբեջանի ԱԳ նախարար Ջեյհուն Բայրամովը կրկին խոսել է Հայաստանի հետ հարաբերությունների կարգավորման մասին։ Բաքվում ՌԴ ԱԳ նախարար Սերգեյ Լավրովի հետ համատեղ ասուլիսում նա նշել է, որ Ադրբեջանը հետաքրքրված է Հայաստանի հետ հարաբերությունների կարգավորմամբ։ «Հիմա, երբ Ադրբեջանն իրագործել է ՄԱԿ-ի Անվտանգության խորհրդի բանաձևերը և ազատագրել իր հողերը, վերադարձրել է պետական սահմանի հսկողությունը, կարելի է խոսել Հայաստանի հետ հարաբերությունների կարգավորման հնարավորության մասին։ Ադրբեջանը հետաքրքրված է դրանում»,- ասել է Բայրամովը։

14:50 - 11 մայիսի, 2021

Բայրամովը հայտնել է, որ Ադրբեջանում գտնվող հայ զինծառայողներին վերաբերվում են միջազգային մարդասիրական իրավունքի նորմերին և սկզբունքներին համապատասխան |tert.am|

tert.am: Հայ զինծառայողներին վերաբերվում են միջազգային մարդասիրական իրավունքի նորմերին և սկզբունքներին համապատասխան, կալանքի պայմանները ևս համապատասխանում են այդ նորմերին:Այս մասին այսօր այցով Բաքվում գտնվող ՌԴ արտգործնախարար Սերգեյ Լավրովի հետ համատեղ մամուլի ասուլիսի ժամանակ հայտարարել է Ադրբեջանի ԱԳ նախարար Ջեյհուն Բայրամովը, գրում է apa.az-ը:«Այդ հայ զինծառայողների հետ վերաբերվում են միջազգային հումանիտար իրավունքի նորմերին և սկզբունքներին համապատասխան, կալանքի պայմանները նույնպես համապատասխանում են այդ նորմերին: Կարմիր խաչի միջազգային կոմիտեի, Ադրբեջանի մարդու իրավունքների պաշտպանի գրասենյակի աշխատակիցները պարբերաբար այցելում են նրանց»,- ասել է Բայրամովը:Իր խոսքում պաշտոնյան նշել է նաև, որ Ադրբեջանը շատ հաճախ Հայաստանի կողմից ոչ կառուցողական մոտեցումներ է տեսնում և, որ հայկական կողմի նման պահվածքն ավելորդ բեռ է գործընթացի համար:

14:29 - 11 մայիսի, 2021

Լավրովը Բաքվում կհանդիպի Ալիևի և Բայրամովի հետ. կքննարկվի Լեռնային Ղարաբաղում տիրող իրավիճակը |tert.am|

tert.am: Ռուսաստանի արտգործնախարար Սերգեյ Լավրովը մայիսի 10-11-ն Ադրբեջան կատարելիք աշխատանքային այցի շրջանակում հանդիպումներ կունենա երկրի նախագահ Իլհամ Ալիևի և ԱԳ նախարար Ջեյհուն Բարամովի հետ: Այս մասին հայտնում է ՏԱՍՍ գործակալությունը` հղում անելով ՌԴ ԱԳՆ հայտարարությանը:«Հատուկ ուշադրություն կդարձվի Ռուսաստանի, Ադրբեջանի և Հայաստանի առաջնորդների` 2020 թվականի նոյեմբերի 9-ի և 2021 թվականի հունվարի 11-ի համատեղ հայտարարությունների իրագործմանը: Նախատեսվում է քննարկել Լեռնային Ղարաբաղում տիրող իրավիճակը, ղարաբաղյան հակամարտության կարգավորման հումանիտար հայեցակետերը, հետպատերազմական վերականգնմանը և խաղաղ կյանքի հաստատմանն առնչվող հարցերը»,- ասվում է գերատեսչության հաղորդագրության մեջ:

13:05 - 10 մայիսի, 2021

Այսօր Հայաստան է ժամանում Ռուսաստանի արտգործնախարարը |azatutyun.am|

azatutyun.am: Ռուսաստանի արտգործնախարար Սերգեյ Լավրովն այսօր կժամանի Երևան: Վաղը՝ մայիսի 6-ին նախատեսված են հանդիպումներ Հայաստանի ղեկավարության հետ: Մայիսի 10-11-ը Ռուսաստանի արտաքին քաղաքական գերատեսչության ղեկավարն աշխատանքային այցով կմեկնի Բաքու: Ռուսաստանի ԱԳՆ պաշտոնական ներկայացուցիչ Մարիա Զախարովայի խոսքով՝ հանդիպումների ընթացքում նախատեսվում է «մանրակրկիտ քննարկել երկկողմ և տարածաշրջանային համագործակցության, ինչպես նաև միջազգային ասպարեզում փոխգործակցության հարցերի լայն շրջանակ»: Բանակցությունների առաջնային թեման, այդուհանդերձ, կլինի Լեռնային Ղարաբաղի վերաբերյալ առկա համաձայնագրերի իրականացումը: «Առաջնահերթ ուշադրություն է դարձվելու Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի և 2021-ի հունվարի 11-ի Լեռնային Ղարաբաղի վերաբերյալ հայտարարությունների իրականացման գործնական ուղղություններին», - ասել է Զախարովան: Ապրիլի 1-ին Լավրովը Մոսկվայում առանձին հանդիպումներ էր ունեցել Հայաստանի և Ադրբեջանի արտգործնախարարներ Արա Այվազյանի և Ջեյհուն Բայրամովի հետ:

09:44 - 05 մայիսի, 2021

Լավրովը և Բայրամովը քննարկել են եռակողմ պայմանավորվածությունների կատարման ընթացքը |armenpress.am|

armenpress.am: Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ: Կողմերը քննարկել են երկկողմ հարաբերությունների ակտուալ հարցերը, այդ թվում՝ առաջիկա բարձր մակարդակի շփումները: Մտքեր են փոխանակվել Ռուսաստանի, Հայաստանի և Ադրբեջանի առաջնորդների՝ 2020 թվականի նոյեմբերի 9-ի և 2011 թվականի հունվարի 11-ի պայմանավորվածությունների իրականացման, այդ թվում՝ երեք երկրների փոխվարչապետների համանախագահությամբ տարածաշրջանային տնտեսական և տրանսպորտային կապերի ապաշրջափակման ուղղությամբ աշխատանքային խմբերի գործունեության ընթացքի վերաբերյալ:

20:37 - 27 ապրիլի, 2021

Ադրբեջանը բաց է տարածաշրջանում համագործակցության նոր ձևաչափի համար, բայց այդ ֆոնին տեսնում ենք Հայաստանի ապակառուցողական քայլերը. Ադրբեջանի ԱԳ նախարար |tert.am|

tert.am: Եռակողմ հայտարարության ստորագրումը նպաստել է տարածաշրջանում անվտանգության և զարգացման նոր ձևաչափի ի հայտ գալուն: Այս մասին Իսլամական համագործակցության կազմակերպության գլխավոր քարտուղար Յուսեֆ Բեն Ահմեդ ալ Ուսայմինի հետ համատեղ մամուլի ասուլիսի ժամանակ հայտարարել է Ադրբեջանի արտգործնախարար Ջեյհուն Բայրամովը, գրում է minval.az կայքը:«Սրան զուգահեռ, հայտարարելով տարածաշրջանում համագործակցության նոր ձևաչափի ձևավորման մասին, Ադրբեջանը բաց է դրա համար: Սակայն Ադրբեջանի նման կառուցողական դիրքորոշման ֆոնին մենք տեսնում ենք Հայաստանի ապակառուցողական քայլերն ու հայտարարությունները»,-ասել է Ջեյհուն Բայրամովը:

10:38 - 09 ապրիլի, 2021

Ըստ Բայրամովի՝ «գերիների հարցը լուծված է, Ադրբեջանում գտնվողները ռազմագերիներ չեն» |civilnet.am|

civilnet.am: Գերիների հարցը լուծված է: 1news.az- ի փոխանցմամբ՝ այս մասին Ադրբեջանի արտգործնախարար Ջեյհուն Բայրամովը ասել է Իսլամական համագործակցության կազմակերպության գլխավոր քարտուղար Յուսեֆ բին Ահմեդ ալ-Ուսայմինի հետ համատեղ մամուլի ասուլիսի ժամանակ: «Ադրբեջանը մի երկիր է, որը պատասխանատվություն է կրում իր ստանձնած պարտավորությունների համար: Նոյեմբերի վերջին, համաձայն եռակողմ հայտարարության, Ադրբեջանը Հայաստանին է հանձնել շուրջ 70 ռազմագերիներ »,- ասել է նա: Բայրամովի բնորոշմամբ՝ «հայկական կողմը փորձում է եռակողմ հայտարարության խախտումը արդարացնել բանտարկյալների մասին շահարկումներով»։ «Ադրբեջանում գտնվողները ռազմագերիներ չեն, նրանք ռազմական գործողությունների ավարտից հետո մուտք են գործել հանրապետության տարածք», – ասել է նա:

01:03 - 09 ապրիլի, 2021

Սերգեյ Լավրովն ու Ջեյհուն Բայրամովը քննարկել են ԼՂ-ում տնտեսական կապերի և տրանսպորտային հաղորդակցության ապաշրջափակման հարցը |tert.am|

tert.am: Այսօր ԱՊՀ արտաքին գործերի նախարարների հավաքի շրջանակներում Մոսկվայում կայացել է ՌԴ ԱԳ նախարար Սերգեյ Լավրովի և Ադրբեջանի ԱԳ նախարար Ջեյհուն Բայրամովի հանդիպումը: Այս մասին հաղորդում է ՌԴ ԱԳՆ մամուլի ծառայությունը:«Արտաքին քաղաքականության գերատեսչությունների ղեկավարները քննարկել են Ռուսաստանի, Ադրբեջանի և Հայաստանի ղեկավարների միջև 2020 թվականի նոյեմբերի 9-ին և 2021 թվականի հունվարի 11-ին ձեռք բերված պայմանավորվածությունների իրագործման ընթացքը, որոնք, մասնավորապես, առնչվում են Լեռնային Ղարաբաղում հումանիտար խնդիրների կարգավորմանը և տնտեսական կապերի և տրանսպորտային հաղորդակցության ապաշրջափակմանը տարածաշրջանում»,- ասվում է ՌԴ ԱԳՆ հաղորդագրության մեջ:Նշվում է նաև, որ մտքերի փոխանակում է տեղի ունեցել երկկողմ հարաբերությունների արդիական հարցերի, այդ թվում՝ բարձր մակարդակով կայանալիք հանդիպումների վերաբերյալ:

19:46 - 01 ապրիլի, 2021

Մոսկվայում տեղի կունենան Այվազյան-Լավրով և Այվազյան-Բայրամով երկկողմ հանդիպումները |1lurer.am|

1lurer.am: ՌԴ արտգործնախարար Սերգեյ Լավրովը Անկախ պետությունների համագործակցության անդամ երկրների արտաքին գործերի նախարարների խորհրդի նիստի շրջանակում երկկողմ հանդիպումներ կունենա Հայաստանի և Ադրբեջանի արտգործնախարարների հետ: Այվազյան-Լավրով և Լավրով-Բայրամով երկկողմ ձևաչափով փակ հանդիպումները նախատեսվում են ապրիլի 1-ին՝ այս մասին այսօր արտասահմանյան լրատվամիջոցների հետ հանդիպմանը տեղեկացրել է ՌԴ ԱԳՆ պաշտոնական ներկայացուցիչ Մարիա Զախարովան: Ըստ նրա` Լավրով-Այվազյան-Բայրամով եռակողմ հանդիպում նախատեսված չէ: ԱՊՀ ԱԳՆ Խորհրդի նիստը տեղի կունենա հաջորդ օրը: Նախարարները կհանդիպեն նախ նեղ ձևաչափով, ապա՝ ընդլայնված կազմով: Օրակարգում ներառվել են ԱՊՀ-ում փոխգործակցության հիմնական ուղղություններն ընդգրկող հարցեր: Նիստի մասնակիցները կարծիքներ կփոխանակեն տարածաշրջանային, միջազգային արդիական թեմաների վերաբերյալ։ Հանդիպման ընթացքում կքննարկվեն կազմակերպության ձևաչափով բազմակողմանի համագործակցության խորացման հեռանկարները, այդ թվում՝ իրավապահ և հումանիտար ոլորտներում:

13:53 - 31 մարտի, 2021