Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։

ԱՀԿ-ն զեկույց է հրապարակել COVID-19-ի ծագումը պարզելու համար Չինաստան կատարած այցի արդյունքների վերաբերյալ |shantnews.am|

shantnews.am: Առողջապահության համաշխարհային կազմակերպության (ԱՀԿ) փորձագետները, որոնք հունվար-փետրվարին այցելել էին չինական Ուհան, չեն կարողացել միանշանակ եզրակացության գալ COVID-19-ի ծագման մասին: Ինչպես հետևում է Ժնևում հրապարակված առաքելության ամփոփիչ զեկույցից, առավել հավանական են համարում այն սցենարը, որի համաձայն՝ տեղի է ունեցել կորոնավիրուսի փոխանցումը կենդանուց այլ կենդանու, այնուհետև անցել է մարդուն, իսկ ամենաքիչ հավանական է SARS- CoV-2-ի լաբորատոր ծագումը: Ինչպես նշում են զեկույցի հեղինակները, միջանկյալ կրիչով վարակվելու ուղին գնահատվում է «հավանականից մինչև շատ հավանական», կենդանուց մարդուն վարակի ուղիղ փոխանցման տարբերակը գիտնականները գնահատել են «հնարավորից մինչև հավանական» սանդղակով: Նրանք «հնարավոր» են համարում Ուհանում կորոնավիրուսի առաջացման տարբերակը սառեցված ապրանքների մատակարարման միջոցով: Միևնույն ժամանակ, նրանց խոսքերով, չափազանց քիչ հավանական է լաբորատորիայում տեղի ունեցած միջադեպի հետևանքով մարդկանց վարակման սցենարը: Մասնագետները կոչ են արել շարունակել գիտական աշխատանքը կորոնավիրուսի ծագումը պարզելու ուղղությամբ:

22:18 - 30 մարտի, 2021

Չինաստանի ԱԳ նախարարը ժամանել է Թեհրան |tert.am|

tert.am: Չինաստանի արտաքին գործերի նախարար Վան Ին ժամանել է Թեհրան, հայտնում է իրանական Tehran Times-ը և հավելում, որ չինացի դիվանագետը հանդիպելու է Իրանի արտգործնախարար Մոհամադ Ջավադ Զարիֆի հետ։ Իրանի արտգործնախարարությունը հայտարարել է, որ բանակցություններում կարևոր է ռազմավարական գործընկերության ամրապնդման ուղիների գնահատումն ու տարածաշրջանային և միջազգային հարցերի շուրջ կարծիքների փոխանակումը և հավելել, որ Չինաստանի արտգործնախարարի այցը «երկու երկրների միջև համապարփակ ռազմավարական գործընկերության ամրապնդմանն ուղղված քայլ է»: Զարիֆի և Իի բանակցությունների հիմնական հարցերը լինելու են երկարաժամկետ համագործակցության հեռանկարներն ու համապարփակ ռազմավարական գործընկերության իրականացման ուղիները։ Երկու երկրների միջև դիվանագիտական հարաբերությունների 50-ամյակին զուգահեռ երկու դիվանագետները երկու երկրների համագործակցությանը վերաբերվող փաստաթղթերի ցուցահանդես են բացելու, ինչպես նաև նախատեսում են ստորագրել համագործակցության համապարփակ փաստաթուղթ՝ Իրանի Իսլամական Հանրապետության և Չինաստանի Ժողովրդական Հանրապետության միջև։ 2016 թվականից ի վեր սա Չինաստանի կողմից առաջին բարձրաստիճան պաշտոնյայի այցն է Իրան, հայտնել է Իրանում Չինաստանի նախկին դեսպան Հուա Լիմինը և հավելել, որ Իրանը «Մեկ գոտի, մեկ ճանապարհ» նախաձեռնության (2013 թվականին Չինաստանի կառավարության կողմից ընդունված ենթակառուցվածքների զարգացման գլոբալ ռազմավարություն է) շրջանակներում կարևոր նշանակություն ունեցող երկիր է։ Ըստ դիվանագետի, այս այցի ընթացքում առանցքային կլինի նաև Թեհրանի միջուկային խնդիրը։ Ավելի վաղ Չինաստանի արտգործնախարարը Al Arabiya հեռուստաընկերությանը տված հարցազրույցի ընթացքում նշել էր, որ Արևմտյան Ասիայում կայունության ապահովման և քաոսի վերացման համար պետք է ազատվել գերտերությունների միջև աշխարհաքաղաքական մրցակցությունից։ Նա նշել էր, որ միջազգային հանրությունը պետք աջակցություն ցուցաբերի միջուկային և զանգվածային ոչնչացման այլ զենքերից զերծ Արևմտյան Ասիայի գոտի ստեղծելու համար և շեշտել Իրանի միջուկային համաձայնագրի վերսկսման երթուղու և ժամանակացույցի քննարկմանն ու ձևավորմանը բոլոր կողմերի մասնակցության անհրաժեշտությունը։ Մինչև Թեհրան մեկնելը Վան Ին հանդիպում էր ունեցել Ռուսաստանի Դաշնության արտգործնախարար Սեգեյ Լավրովի հետ, որի ընթացքում դիվանագետներն ասել են, որ Միացյալ Նահանգները պետք է անհապաղ վերադառնա Իրանի միջուկային համաձայնագրին և չեղարկի Իրանի դեմ միակողմանի պատժամիջոցները։

11:31 - 27 մարտի, 2021

ԱՄՆ պետքարտուղարը հայտարարել է Ռուսաստանի և Չինաստանի կողմից ռազմական սպառնալիքների մասին |tert.am|

tert.am: ԱՄՆ պետքարտուղար Էնթոնի Բլինկենը հայտարարել է Ռուսաստանից և Չինաստանից բխող ռազմական սպառնալիքների մասին՝ ելույթ ունենալով Բրյուսելում գտնվող ՆԱՏՕ-ի շտաբ-բնակարանում: Այս մասին տեղեկացնում է «ՌԻԱ Նովոստի» գործակալությունը: Բլինկենը առաջարկել է ԱՄՆ-ի և նրա դաշնակիցների առջև ծառացած սպառնալիքների սեփական դասակարգումը: Առաջինը նա նշել է ռազմականը: «Մենք դա տեսնում ենք (աճող սպառնալիքը) նոր ռազմական կարողությունների և ռազմավարության մեջ, որը Ռուսաստանը մշակել է մեր դաշինքներին մարտահրավեր նետելու և մեր ընդհանուր անվտանգությունն ապահովող գործող աշխարհակարգը խարխլելու համար»,-ասել է ԱՄՆ պետքարտուղարը: Որպես օրինակ՝ նա մեղադրել է Մոսկվային «Ուկրաինայի արևելքում ագրեսիայի, Բալթիկ և Սև ծովերում, ինչպես նաև Արևելյան Միջերկրական ծովում ռազմական կուտակման, լայնածավալ զորավարժությունների և սպառնալիքների համար», ինչպես նաև նշել է «միջուկային հնարավորությունների մոդերնիզացումը և քիմիական զենքի օգտագործումը ՆԱՏՕ-ի տարածքում իր քննադատների դեմ»: Ռուսաստանը հերքում է այս բոլոր մեղադրանքները: Պետքարտուղարի գնահատականով ՝ «Պեկինի ռազմական հավակնությունները նույնպես տարեցտարի աճում են»: Նա նշել է, որ Վաշինգտոնը դա տեսնում է նավարկության ազատության, Հարավչինական ծովի ռազմականացման, ինչպես նաև «Հնդկա-խաղաղօվկիանոսյան տարածաշրջանի երկրների վրա հարձակումների» Չինաստանի «սպառնալիքներում»:

22:53 - 24 մարտի, 2021

ԵՄ-ն 30 տարվա ընթացքում առաջին անգամ պատժամիջոցներ է սահմանում Չինաստանի նկատմամբ |1lurer.am|

1lurer.am: ԵՄ արտաքին գործերի նախարարների խորհուրդը համաձայնության է եկել Չինաստանի նկատմամբ պատժամիջոցներ սահմանելու հարցում՝ մարդու իրավունքների համակարգված խախտումների համար: Սա պատժամիջոցների առաջին փաթեթն է վերջին 30 տարվա ընթացքում՝ գրում է Deutsche Welle-ն: Եվրամիությունը Պեկինին զենք մատակարարելու արգելքը հաստատել էր 1989 թվականին, երբ Չինաստանի իշխանությունները ճնշեցին բողոքի ցույցերը Պեկինի Տիանանմեն հրապարակում: Բրյուսելը իր այս քայլը կապում է ույղուրների և Սինցզյան-Ույղուրական ինքնավար շրջանի այլ էթնիկ ու կրոնական փոքրամասնությունների ներկայացուցիչների սպանությունների հետ: Պատժամիջոցների նոր ցուցակում ներառված են չորս ֆիզիկական և մեկ իրավաբանական անձինք: ԵՄ-ում նրանց ակտիվները սառեցված են, նրանց մուտքը Եվրամիություն արգելված է: Պեկինը «կոշտ ձեռքով» կիրականացնի պատասխան միջոցառումներ Բրյուսելի դեմ: ԵՄ անունից որոշումը մեկնաբանել է Սլովակիայի արտաքին և եվրոպական գործերի նախարար Իվան Կորչոկը. «Սա շատ կարևոր քայլ է, որն ապացուցում է մեր նվիրվածությունը Չինաստանի հարցում ընտրված կուրսին: Իրավապաշտպան կազմակերպությունների տվյալներով՝ ավելի քան 1 միլիոն ույղուր և այլ մահմեդական փոքրամասնություններ գտնվում են այսպես կոչված «վերադաստիարակման ճամբարներում», որտեղ նրանք ստիպված են հրաժարվել իրենց դավանանքից, մշակույթից և լեզվից:

20:01 - 22 մարտի, 2021

ՀՀ ուսանողները բակալավրիական և մագիստրոսական կրթություն կստանան Չինաստանի բուհերում

Չինաստանի Ժողովրդական Հանրապետության բարձրագույն ուսումնական հաստատություններում բարձրագույն և հետբուհական մասնագիտական կրթություն ստանալու նպատակով ՀՀ 16 քաղաքացի մեկնելու է Չինաստան: Այս մասին հայտնում են ԿԳՄՍՆ-ից։ Չինաստանի բուհերում 7 քաղաքացիներ բակալավրիական կրթություն կստանան «Բժշկություն», «Տնտեսագիտություն», «Համակարգչային գիտություն և տեխնոլոգիա» և «Տեսական ֆիզիկա» մասնագիտությունների գծով: 9 քաղաքացիներ մագիստրոսական կրթություն են ստանալու «Չինարեն լեզու և գրականություն», «Համակարգչային գիտություն և տեխնոլոգիա», «Մեքենաշինություն», «Տնտեսագիտություն», «Բիզնես կառավարում», «Արվեստ և դիզայն», «Միջազգային հարաբերություններ», «Իրավագիտություն» մասնագիտությունների գծով: Գործուղման համար հիմք են հանդիսացել «Օտարերկրյա պետությունների բարձրագույն ուսումնական հաստատություններում միջպետական համաձայնագրերով Հայաստանի Հանրապետության կրթության և գիտության նախարարությանը հատկացված կրթաթոշակային տեղերի մրցույթի անցկացման (բակալավրի, դիպլոմավորված մասնագետի, մագիստրոսի, ասպիրանտուրայի /ինտերնատուրա, օրդինատուրա/ և դոկտորանտուրայի կրթական ծրագրերով) կարգը», «Հայաստանի Հանրապետության կրթության և գիտության նախարարության և Չինաստանի Ժողովրդական Հանրապետության կրթության նախարարության միջև կրթության բնագավառում» համաձայնագիրը, ՀՀ կրթության, գիտության, մշակույթի և սպորտի նախարարի հրամանով ստեղծված հանձնաժողովի որոշումը:

10:20 - 22 մարտի, 2021

ԱՄՆ-ի՝ Իրանի հետ միջուկային գործարքին վերադարձը բարդ է, բայց ոչ անհնարին. ՄԱԳԱՏԷ-ի գլխավոր տնօրեն |tert.am|

tert.am: Ամերիկայի Միացյալ Նահանգների՝ Գործողությունների համատեղ համապարփակ ծրագրին (JCPOA) վերադարձը դժվար է, բայց ոչ անհնար:Այս մասին այսօր հայտարարել է Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսին, գրում է «ՌԻԱ Նովոստի»-ն:«Ինչ վերաբերում է Միացյալ Նահանգների որոշմանը, ես կասեի, որ տեսնում եմ նրանց վերադարձն Իրանի միջուկային գործարքին: Սա այն է, ինչ նրանք են ասում ինձ, երբ ես խոսում եմ նրանց պետքարտուղարի և Իրանում նրանց դեսպանի հետ (նշենք՝ ԱՄՆ-ն Իրանի հետ դիվանագիտական հարաբերություններ չունի, որի հետևանքով երկրի շահերն իսլամական պետությունում ներկայացնում է Շվեյցարիայի դեսպանությունը,- Tert.am): Նրանք ինձ ասում են, որ ցանկանում են վերադառնալ: Բայց, իհարկե, կան մի շարք խնդիրներ, որոնք դեռ պետք է պարզաբանվեն: Գործարքին վերադարձն անհնարին չէ, դժվար է, բայց և անհնարին էլ չէ»,- պատասխանելով եվրապատգամավորների հարցերին՝ նշել է Գրոսին:Հիշեցնենք՝ ավելի վաղ ԱՄՆ նախագահ Ջո Բայդենը հայտարարել էր, որ Վաշինգտոնը պատրաստ է վերադառնալ միջուկային համաձայնագրին, որից երկիրը դուրս էր եկել 2018 թվականին նախկին նախագահ Դոնալդ Թրամփի օրոք:Միևնույն ժամանակ ԱՄՆ նախագահը մանրամասնել էր, որ նման բան տեղի կունենա միայն այն պարագայում, եթե Թեհրանը առաջինը վերսկսի համաձայնագրի դրույթների լիակատար կատարումը: Գործողությունների համատեղ համապարփակ ծրագիրը (միջուկային գործարք) քաղաքական համաձայնագիր է, որը ստորագրվել է 2015 թվականի հուլիսի 15-ին Իրանի և մի խումբ պետությունների միջև՝ Իրանի միջուկային ծրագրի վերաբերյալ:Խումբը բաղկացած է ԱՄՆ-ից, Ռուսաստանից, ՉԺՀ-ից, Մեծ Բրիտանիայից, Ֆրանսիայից, Գերմանիայից:

17:44 - 16 մարտի, 2021

ԿԳՄՍ նախարարը ՉԺՀ դեսպանի հետ քննարկել է համագործակցության զարգացմանն առնչվող հարցեր

ՀՀ կրթության, գիտության, մշակույթի և սպորտի նախարար Վահրամ Դումանյանն այսօր ընդունել է ՀՀ-ում Չինաստանի Ժողովրդական Հանրապետության նորանշանակ արտակարգ և լիազոր դեսպան Ֆան Յոնգին: Հանդիպմանը ներկա է եղել նաև նախարարի տեղակալ Արթուր Մարտիրոսյանը: Ողջունելով դիվանագետի այցը ԿԳՄՍՆ՝ նախարար Վահրամ Դումանյանը շնորհավորել է նշանակման կապակցությամբ և մաղթել արդյունավետ աշխատանք՝ ի շահ հայ-չինական հարաբերությունների զարգացման: ԿԳՄՍ նախարարը խոսել է համատեղ ծրագրերի կարևորությունից և դրանք հետևողականորեն խորացնելու պատրաստակամություն հայտնել. «Հաշվի առնելով կորոնավիրուսի և հետպատերազմական շրջանի հարուցած դժվարությունները՝ այժմ ավելի է ընդգծվում միջպետական ծրագրի շրջանակում ՀՀ քաղաքացիների՝ Չինաստանի լավագույն բուհերում բարձրագույն և հետբուհական կրթություն ստանալու հնարավորությունը: Մասնագիտական պահանջարկով և առաջնահերթություններով պայմանավորված՝ համապատասխան մասնագետների պատրաստումը կարևոր է Հայաստանի տնտեսության զարգացման համար: Մեր երկրների արդյունավետ փոխգործակցության հիանալի դրսևորում են նաև Վ. Բրյուսովի անվան պետական համալսարանում Կոնֆուցիուսի ինստիտուտը և Հայ-չինական բարեկամության դպրոցը, որը միջպետական համագործակցությամբ նմանատիպ հաստատությունների ստեղծման գերազանց օրինակ է»: Դեսպան Ֆան Յոնգը, շնորհակալություն հայտնելով ընդունելության և ջերմ խոսքերի համար, վստահեցրել է, որ կներդնի առավելագույն ջանքեր երկկողմ հարաբերությունների զարգացման գործում: «Հայ-չինական հարաբերությունները զարգանում են կայուն և առողջ ուղով, մեր երկրներին կապում է դարավոր պատմությունը: Պատրաստ եմ համագործակցության և վստահ եմ, որ կստանամ Ձեր աջակցությունը»,- ասել է ՉԺՀ դեսպանը և նշել, որ համատեղ ծրագրերն ընդլայնելու համար կան անհրաժեշտ նախադրյալներ: Կողմերը քննարկել են նաև սպորտի ոլորտում համագործակցելու հնարավորությունները: Նախարար Վահրամ Դումանյանն առաջարկել է դիտարկել Հայաստանում հայ-չինական բարեկամության մարզահամալիր ստեղծելու, ինչպես նաև մարզիկների և մարզիչների համար փոխանակման ծրագրեր իրականացնելու հնարավորությունը, ինչին ՉԺՀ դեսպանը դրական է արձագանքել՝ նշելով, որ պատրաստ են առավել կոնկրետ քննարկումների: Հանդիպմանը մտքեր են փոխանակվել նաև Արցախյան պատերազմից հետո ստեղծված իրավիճակի և Ադրբեջանի վերահսկողության ներքո անցած տարածքներում հայկական մշակութային ժառանգության պահպանության վերաբերյալ: Դեսպան Ֆան Յոնգը նշել է, որ Չինաստանը սատարում է տարածաշրջանում անվտանգության և խաղաղության կայացմանը:

16:37 - 15 մարտի, 2021

Վաղարշակ Հարությունյանը ՀՀ-ում Չինաստանի դեսպանի հետ քննարկել է համատեղ գործունեության զարգացման ուղիները

Մարտի 11-ին ՀՀ պաշտպանության նախարար Վաղարշակ Հարությունյանն ընդունել է Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Ֆան Յունին: Հանդիպմանը մասնակցել է նաև ՀՀ-ում ՉԺՀ դեսպանության պաշտպանական հարցերով ռազմական կցորդ, ավագ գնդապետ Սուն Ցզիլունը: Զրուցակիցները բարձր են գնահատել հայ-չինական փոխգործակցությունը քաղաքական, տնտեսական, հումանիտար, կրթական և այլ ոլորտներում, ինչպես նաև սերտ համագործակցությունը պաշտպանական բնագավառում: Քննարկվել են համատեղ գործունեության հետագա զարգացման ուղիները և նախատեսվող միջոցառումները, կարծիքներ են փոխանակվել միջազգային և տարածաշրջանային անվտանգության խնդիրների շուրջ: ՀՀ պաշտպանության նախարարը վստահություն է հայտնել, որ նորանշանակ դեսպանի ակտիվ և արդյունավետ աշխատանքի շնորհիվ հայ-չինական միջպետական հարաբերություններն ու քաղաքական երկխոսությունն էլ ավելի կամրապնդվեն ու կստանան նոր որակ:

19:20 - 11 մարտի, 2021

Չինաստանն անհատույց հակակորոնավիրուսային պատվաստանյութ է մատակարարում 69 երկրների |tert.am|

tert.am: Չինաստանի իշխանություններն անհատույց պատվաստանյութեր են մատակարարում 69 պետությունների և ևս 43 երկրի վաճառում են դեղամիջոցը:Ինչպես փոխանցում է «ՏԱՍՍ» գործակալությունը՝ հղում անելով երկրի ԱԳ նախարար Վան Իին, այս մասին կիրակի հայտարարվել է Ազգային ներկայացուցիչների համաչինական ժողովի նիստի ավարտին կայացած ամենամյա ասուլիսի ժամանակ:«COVAX նախաձեռնության շրջանակներում մենք խոստացել ենք 10 մլն չափաբաժին պատվաստանյութ մատակարարել՝ նախևառաջ զարգացող երկրների պահանջարկը բավարարելու համար: Չինաստանն անհատույց պատվաստանյութ է տրամադրում 69 զարգացող երկրների և արտահանում է 43 երկրների համար»,- ասել է չինացի պաշտոնյան:

16:58 - 07 մարտի, 2021

ՍԴ նախագահն ընդունել է Չինաստանի նորանշանակ դեսպանին

Մարտի 4-ին Սահմանադրական դատարանի նախագահ Արման Դիլանյանը քաղաքավարական հանդիպման ձևաչափով ընդունել է Հայաստանի Հանրապետությունում Չինաստանի Ժողովրդական Հանրապետության նորանշանակ արտակարգ և լիազոր դեսպան Ֆան Յոնգին: Ողջունելով հյուրին՝ Արման Դիլանյանը շնորհավորել է դեսպանին մեր երկրում դիվանագիտական ծառայության անցնելու կապակցությամբ և արդյունավետ գործունեություն մաղթել՝ ի շահ հայ-չինական կապերի հետագա խորացման: Դեսպան Յոնգը շնորհակալություն է հայտնել ջերմ ընդունելության համար և հավելել է, որ պատրաստ է իր աջակցությունը ցուցաբերել Հայաստանի և Չինաստանի փոխադարձ կապերի և երկխոսության ամրապնդմանը դատաիրավական ոլորտում։ Զրուցակիցները երկուստեք կարևորել են շարունակական աշխատանքային շփումների պահպանումը։

19:17 - 04 մարտի, 2021

Անահիտ Ավանեսյանը ՀՀ-ում Չինաստանի դեսպանի հետ քննարկել է համագործակցության շրջանակները

Առողջապահության նախարար Անահիտ Ավանեսյանն ընդունել է Հայաստանի Հանրապետությունում Չինաստանի Ժողովրդական Հանրապետության արտակարգ և լիազոր դեսպան Ֆան Յունին: Այս մասին հայտնեցին ՀՀ առողջապահության նախարարությունից: Կողմերը քննարկել են հետագա գործակցության շրջանակները, կորոնավիրուսային իրավիճակի և պատվաստանյութերի ձեռքբերման վերաբերյալ հարցեր: Անահիտ Ավանեսյանն անդրադարձել է Չինաստանի կառավարության կողմից առողջապահության նախարարությանը ցուցաբերված աջակցությանն ու նշել. «Բժշկական սարքեր, ՊՇՌ թեստեր, դիմակներ... բայց առանձնահատուկ շնորհակալ ենք Հայաստանին տրամադրված շտապօգնության մեքենաների և ռեանիմոբիլների համար, որոնց շնորհիվ հնարավոր դարձավ պատերազմի և համավարակի թեժ օրերին` երկրի համար ծանր պայմաններում կազմակերպել վիրավորների ու հիվանդների ժամանակին և պատշաճ սպասարկումը»: Նախարարը հույս է հայտնել, որ պատվաստանյութերի բավարար խմբաքանակի առկայության դեպքում հնարավոր կլինի խուսափել համավարակի ավելի լայն տարածումից: Դեսպան Ֆան Յունը ևս շնորհակալություն է հայտնել կորոնավիրուսային հիվանդության առաջին բռնկման ընթացքում Հայաստանից ստացած օգնության համար և պատրաստակամություն հայտնել շարունակել համատեղ աշխատանքը կորոնավիրուսային հիվանդության դեմ պայքարում: Հանդիպման վերջում երկուստեք փաստել են` երկրների միջև բազմամյա բարեկամական հարաբերությունները հիմք են շարունակական համագործակցության համար, որն ուղղված է առողջապահության համակարգի զարգացմանն ու բարելամանը:

17:50 - 03 մարտի, 2021

Պեկինը Նավալնիի շուրջ ստեղծված իրավիճակը Մոսկվայի «ներքին գործ» է անվանել |tert.am|

tert.am: Չինաստանը կարծում է, որ ընդդիմադիր գործիչ Ալեքսեյ Նավալնիի գործը բացառապես Ռուսաստանի ներքին գործն է, արտաքին միջամտությունն անընդունելի է: Այս մասին հայտարարել է Չինաստանի ԱԳՆ պաշտոնական ներկայացուցիչ Վան Վենբինը, գրում է «ՌԻԱ Նովոստի» գործակալությունը:«Մենք արդեն բազմիցս հայտնել ենք Չինաստանի դիրքորոշումը: Նավալնիի գործը բացառապես Ռուսաստանի ներքին գործն է, արտաքին ուժերն իրավունք չունեն միջամտել»,-ասել է դիվանագետը:Երեկ` մարտի 2-ին ԵՄ-ն և ԱՄՆ ֆինանսների նախարարությունը հայտարարել էր ռուսաստանցի պաշտոնյաների և ռուսական կազմակերպությունների նկատմամբ պատժամիջոցներ սահմանելու մասին` կապված ռուս ընդդիմադիր գործիչ Ալեքսեյ Նավալնիի շուրջ ստեղծված իրավիճակի հետ:Ալեքսեյ Նավալնին Գերմանիայից Ռուսաստան էր վերադարձել հունվարի 17-ին և հենց օդանավակայանից բերման էր ենթարկվել: Նա այժմ բանտում է:

13:19 - 03 մարտի, 2021

Ստոլտենբերգը նշել Է ՆԱՏՕ-ի եւ ԵՄ-ի գլխավոր սպառնալիքները |armenpress.am|

armenpress.am: Ռուսաստանը, Չինաստանը, ահաբեկչությունը, կիբեռգրոհները եւ կլիմայական փոփոխությունները ՆԱՏՕ-ի եւ Եվրամիության գլխավոր սպառնալիքներն են: Փետրվարի 26-ին այս պնդմամբ հանդես Է եկել Հյուսիսատլանտյան դաշինքի գլխավոր քարտուղար Ենս Ստոլտենբերգը՝ ժամանելով Բրյուսելում ԵՄ-ի 27 երկրների ղեկավարների գագաթնաժովին: «ՆԱՏՕ-ի համար գլխավոր խնդիրն Է եղել, որպեսզի առողջապահության ճգնաժամը չդառնա անվտանգության ճգնաժամ, որովհետեւ այն բոլոր սպառնալիքները, որոնք եղել են մինչեւ համավարակը, մնացել են: Դրանք են Ռուսաստանի ագրեսիան, ահաբեկչությունը, կիբեռգրոհները, Չինաստանի վերելքը եւ կլիմայական փոփոխությունները: Մեկ երկիրը կամ մայր ցամաքը չեն կարող հաղթահարել, բայց միասին կկարողանան»,- ասել Է գլխավոր քարտուղարը: Ստոլտենբերգը հերթական անգամ ողջունել Է ԱՄՆ-ի նոր նախագահ Ջո Բայդենի «համզոզիչ կոչն այն մասին, որ անհրաժեշտ Է ուժեղացնել կապը Եվրոպայի եւ Հյուսիսային Ամերիկայի հետ»: «Դա կլինի ՆԱՏՕ-ի ղեկավարների գլխավոր թեման, որոնք այս տարի ավելի ուշ կհանդիպեն Բրյուսելում»,- հավելել Է նա: Եվրամիության ղեկավար Շառլ Միշելը ՆԱՏՕ-ի գլխավոր քարտուղարին հրավիրել Է ԵՄ-ի առցանց գավաթնաժողովի երկրորդ օրվան, որպեսզի քննարկեն, թե ինչպես բարձրացնեն «մարտահրավերների եւ անվտանգության սպառնալիքների հակազդման կոլեկտիվ ներուժը: Ինչպես սպասվում Է, ԵՄ-ի ղեկավարները եւ ՆԱՏՕ-ի գլխավոր քարտուղարը կօգտվեն հնարավորությունից, որպեսզի քննարկեն եւ որոշեն ԱՄՆ-ի նոր նախագահ Ջո Բայդենին համատեղ Բրյուսել հրավիրելու հարցը՝ ԵՄ – ԱՄՆ եւ ՆԱՏՕ – ԱՄՆ գադաթնաժողովների անցկացման համար: Թե՛ միությունը եւ թե՛ դաշինքը մտադիր են դա անել տարվա առաջին կեսին, սակայն մինչ օրս պաշտոնական հրավեր չի եղել, հաղորդել Է ՏԱՍՍ-ը:

15:06 - 26 փետրվարի, 2021

Տարաձայնությունները պետք է լուծվեն խաղաղ ճանապարհով. ՀՀ-ում Չինաստանի դեսպան

ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահ Միքայել Մելքումյանը փետրվարի 24-ին հանդիպել է Հայաստանում Չինաստանի Ժողովրդական Հանրապետության նորանշանակ արտակարգ և լիազոր դեսպան Ֆան Յոնգի հետ: Մելքումյանը շնորհավորել է դեսպանին պաշտոնն ստանձնելու կապակցությամբ: Նա ներկայացրել է հետպատերազմական իրավիճակը, կարևորել է նոյեմբերի 9-ին ստորագրված եռակողմ հայտարարությամբ ամրագրված պայմանավորվածությունների իրականացումը՝ ռազմագերիների և այլ գերեվարված անձանց փոխանակումը «բոլորը բոլորի դիմաց» սկզբունքով:Դեսպան Ֆան Յոնգը կարևորել է եռակողմ հայտարարության ստորագրումը և հույս հայտնել, որ տարաձայնությունները կլուծվեն խաղաղ ճանապարհով և երկխոսության միջոցով: Հանձնաժողովի նախագահը խոսել է մի շարք ոլորտներում հայ-չինական համագործակցությունն ընդլայնելու անհրաժեշտության մասին: Նշվել է, որ չնայած համավարակային անբարենպաստ իրավիճակին, Չինաստանի հետ առևտրաշրջանառությունն ավելացել է. 2020 թվականի ընթացքում այն կազմել է շուրջ 1 մլրդ դոլար: Անդրադառնալով խորհրդարանների միջև համագործակցությանը՝ զրուցակիցները համակարծիք էին, որ համավարակի ավարտից հետո անհրաժեշտ է ակտիվացնել շփումները համանուն հանձնաժողովների և բարեկամական խմբերի միջև:

15:59 - 24 փետրվարի, 2021

Հնդկաստանն ու Չինաստանը կմիանան ռուս-իրանական համատեղ զորավարժություններին |tert.am|

tert.am: Հնդկաստանի ռազմածովային ուժերը պատրաստվում է միանալ իրանական և ռուսական ուժերի համատեղ զորավարժություններին, որոնք նախօրեին մեկնարկել են Հնդկական օվկիանոսի հյուսիսային հատվածում:Ինչպես փոխանցում է «Թանսիմ» գործակալությունը, այս մասին հայտնել է Իրանի ռազմածովային ուժերի հրամանատար, կոնտրծովակալ Հոսեյն Խանզադին՝ շեշտելով, որ իրանական նավատորմն ուժեղագույններից մեկն է տարածաշրջանում:Խանզադին նշել է նաև, որ Չինաստանի ռազմածովային ուժերից հայտարարել են, որ չինական Նոր տարվա տոնակատարությունից հետո իրենք ևս կմիանան ընթացիկ զորավարժություններին:Կոնտրծովակալի խոսքով՝ այս օրերին ընթացող զորավարժությունների նպատակը տարածաշրջանում հավաքական անվտանգություն, ինչպես նաև Հնդկական օվկիանոսի հյուսիսում կայուն անվտանգություն ապահովելն է:

10:23 - 17 փետրվարի, 2021

Մակրոնը կոչ է արել համագործակցել Ռուսաստանի և Չինաստանի հետ կորոնավիրուսի դեմ պայքարում |tert.am|

tert.am: Ֆրանսիայի նախագահ Էմանուել Մակրոնը վստահ է, որ կարևոր է փոխգործակցել Ռուսաստանի և Չինաստանի հետ, որպեսզի այդ պետություններում արտադրված պատվաստանյութերը մասնակցեն կորոնավիրուսի համավարակի դեմ պայքարին: Այս մասին գրում է radiosputnik.ria.ru կայքը:«Մենք պետք է աշխատենք չինացիների և ռուսների հետ` ապահովելու, որ իրենց գիտնականների կողմից մշակված պատվաստանյութերը ներառվեն համաճարակի դեմ պայքարի նշանակալի բազմակողմանի ջանքերում`ԱՀԿ-ի կողմից հաստատվելուց հետո»,- ասել է Մակրոնը:Ֆրանսիայի նախագահը վստահ է, որ վիրուսի դեմ «համաշխարհային պատերազմը» կարելի է հաղթել միայն միջազգային լայն համագործակցության միջոցով:

19:06 - 14 փետրվարի, 2021