Վլադիմիր Զելենսկի

Վլադիմիր Ալեքսանդրովիչ Զելենսկին Ուկրաինայի նախագահ, քաղաքական գործիչ, շոումեն, արտիստ, կատակերգու, «Թաղամաս-95» ստուդիայի գեղարվեստական ղեկավար և մշտական առաջնորդ, պրոդյուսեր և սցենարիստ:

Ծնվել է 1978 թվականի հունվարի 25-ին Կրիվոյ Ռոգ քաղաքում:

1998-2003 թվականներին «95-րդ թաղամասը» ելույթ է ունեցել ՈւՀԱ-ի բարձրագույն լիգայում։ Եղել է Ուկրաինայի Հանրապետության կառավարության անդամ և «Ինտեր» հեռուստաալիքի գլխավոր պրոդյուսեր

2019 թվականի հունվարի 21-ին «Ժողովրդի ծառա» կուսակցությունն առաջարկել է Վլադիմիր Զելենսկու թեկնածությունը որպես նախագահ։ Ուկրաինայի նախագահական ընտրությունների երկու փուլերի հաղթել է։

Զելենսկին և Պուտինը Մերկելի և Մակրոնի հետ քննարկել են Դոնբասում հակամարտության կարգավորման քայլերը |armenpress.am|

armenpress.am: Ուկրաինայի նախագահ Վլադիմիր Զելենսկին հայտնել է, որ հեռախոսազրույց է ունեցել Գերմանիայի կանցլեր Անգելա Մերկելի և Ֆրանսիայի նախագահ Էմանուել Մակրոնի հետ: Այս մասին Զելենսկին գրառում է կատարել «Թվիթեր»-ում: Ինչպես տեղեկացնում է ՏԱՍՍ-ը, նա նշել է, որ հեռախոսազրույցի ընթացքում քննարկել են Դոնբասում առկա իրավիճակի կարգավորմանն ուղղված հարցեր, ինչպես նաև «Նորմանդական քառյակ»-ի (Գերմանիա, Ֆրանսիա, Ռուսաստան և Ուկրաինա) գագաթնաժողովի նախապատրաստական ընթացքը: Զելենսկին հայտնել է, որ Գերմանիան ու Ֆրանսիան կողմ են հաջորդական քայլերի շուրջ համաձայնության հասնելուն, որը կարող է ապահովել խաղաղություն երկրի արևելքում: ՌԴ նախագահ Վլադիմիր Պուտինը նույնպես հեռախոսազրույց է ունեցել Գերմանիայի կանցլեր Անգելա Մերկելի ու Ֆրանսիայի նախագահ Էմանուել Մակրոնի հետ: «Նորմանդական քառյակի» առաջնորդների գագաթնաժողովի անցկացման հնարավորության քննարկումը կշարունակվի: Այս մասին երկուշաբթի հայտնել Է Կրեմլի մամուլի ծառայությունը ՝ ամփոփելով ՌԴ նախագահ Վլադիմիր Պուտինի ՝ Գերմանիայի կանցլեր Անգելա Մերկելի և Ֆրանսիայի նախագահ Էմանուել Մակրոնի հետ հեռախոսազրույցի արդյունքները։ «Քառյակի երկրների արտգործնախարարները գործը կվարեն դեպի այդ ձևաչափով իրենց մակարդակով հանդիպման անցկացումը։ Պայմանավորվածություն է ձեռք բերվել նաև նպատակահարմարության դեպքում շարունակել համապատասխան խողովակներով «նորմանդական գագաթաժողովի» հնարավոր կազմակերպման նախադրյալների ուսումնասիրությունը», - ասված է հաղորդագրության մեջ:

22:06 - 11 հոկտեմբերի, 2021

Պեսկովը հաստատել է Պուտինի և Զելենսկու հանդիպման շուրջ բանակցությունները |tert.am|

tert.am: Ռուսաստանի Դաշնության նախագահի մամուլի քարտուղար Դմիտրի Պեսկովը հոկտեմբերի 7-ին հաստատել է Ուկրաինայի և Ռուսաստանի ղեկավարների հանդիպում կազմակերպելու շուրջ բանակցությունների մասին տեղեկատվությունը, գրում է korrespondent.net-ը:«Իրոք, Ուկրաինայի նախագահի աշխատակազմի և մեր երկրի նախագահի վարչակազմի միջև շփումներ են հաստատվում` քննարկվելիք հարցերի ցանկը հասկանալու համար: Հնչել ու ձևակերպվել են տարբեր առաջարկներ, սակայն առայժմ չկա ընդհանուր հասկացություն և պատրաստակամություն ՝ հնարավոր հանդիպման օրակարգ ձևակերպելու համար», - ասել է Պեսկովը:

15:24 - 07 հոկտեմբերի, 2021

Զելենսկին անժամկետ պատժամիջոցներ է սահմանել Ղրիմում ՌԴ Պետդումայի ընտրություններին առնչություն ունեցած 95 անձանց դեմ |azatutyun.am|

azatutyun.am: Ուկրաինայի նախագահ Վլադիմիր Զելենսկին անժամկետ անձնական պատժամիջոցներ է սահմանել Ղրիմի տարածքում Ռուսաստանի Դաշնության Պետդումայի ընտրություններին առնչություն ունեցած 95 անձանց նկատմամբ: Նշվում է, որ նրանց թվում ինչպես Ռուսաստանի, այնպես էլ Ուկրաինայի քաղաքացիներ են: Այդ անձանցից շատերն ընտրություններին մասնակցել են որպես թեկնածուներ:

12:02 - 06 հոկտեմբերի, 2021

Զելենսկին Էրդողանին շնորհակալություն է հայտնել ՄԱԿ-ի ԳՎ ամբիոնից Ղրիմի «բռնակցման» մասին խոսքերի համար և նրան Ուկրաինա հրավիրել |tert.am|

tert.am: Ուկրաինայի նախագահ Վլադիմիր Զելենսկին ԱՄՆ-ում Թուրքիայի նախագահ Ռեջեփ Թայիփ Էրդողանի հետ հանդիպմանը շնորհակալություն է հայտնել նրան Ղրիմի «բռնակցման» մասին խոսքերի համար, գրում է «ՌԻԱ Նովոստի»-ն՝ մանրամասնելով, որ այս մասին հայտնել է պետության ղեկավարի գրասենյակի մամուլի ծառայությունը: Էրդողանը, ելույթ ունենալով ՄԱԿ-ի Գլխավոր վեհաժողովում, ասել է, որ կարևոր է պահպանել Ուկրաինայի տարածքային ամբողջականությունը, ներառյալ «բռնակցված» Ղրիմի տարածքը: Էրդողանը նաև նշել է Ղրիմի թաթարների իրավունքների պաշտպանության համար ավելի մեծ ջանքեր գործադրելու անհրաժեշտությունը:«Ուկրաինայի ղեկավարը շնորհակալություն է հայտնել Թուրքիայի առաջնորդին` Ռուսաստանի Դաշնության կողմից Ղրիմի բռնակցումը չճանաչելու վերաբերյալ իր հաստատակամ դիրքորոշման համար ... Զելենսկին նշել է ուկրաինա-թուրքական հարաբերությունների ռազմավարական բնույթը և քաղաքական, առևտրատնտեսական, ռազմատեխնիկական և հումանիտար ոլորտներում երկկողմ համագործակցության տեմպերի ամրապնդման կարևորությունը», - հավելել է Ուկրաինայի նախագահի մամուլի ծառայությունը:

12:11 - 22 սեպտեմբերի, 2021

Լավրովը մեկնաբանել է հնարավոր պատերազմի մասին Զելենսկու հայտարարությունը |armenpress.am|

armenpress.am: Ռուսաստանի Դաշնության արտաքին գործերի նախարար Սերգեյ Լավրովի կարծիքով` Ռուսաստանի հետ պատերազմի սկսելու վտանգի մասին Ուկրաինայի նախագահ Վլադիմիր Զելենսկու հայտարարությունը արժանի չէ նույնիսկ ուշադրության: «Կարծում եմ, որ այդ հայտարարությունը նույնիսկ արժանի չէ ուշադրության: Մենք սովոր ենք այդ գռեհիկ հայտարարություններին, որոնք ռուսատյացությամբ են լցված»,- Լավրովի խոսքերը մեջբերում է «ՌԻԱ Նովոստի»-ն: Նախարարը ափսոսանք է հայտնել, որ Զելենսկին, ով իշխանության է եկել բոլորովին այլ կարգախոսների ներքո և աջակցություն է ստացել նաև Ուկրաինայի արևելքում, այժմ հայտարարում է, որ նա, ով ապրում է Ուկրաինայում և իրեն ռուս է համարում, պետք է մեկնի Ռուսաստան: Ավելի վաղ, Ուկրաինայի նախագահ Վլադիմիր Զելենսկին հայտարարել է, որ հավանական է համարում Ռուսաստանի հետ լայնամասշտաբ պատերազմի սկսումը:

20:53 - 10 սեպտեմբերի, 2021

Զելենսկին հայտարարել է Ռուսաստանի հետ լայնամասշտաբ պատերազմի վտանգի մասին |armenpress.am|

armenpress.am: Ուկրաինայի նախագահ Վլադիմիր Զելենսկին հավանական է համարում Ռուսաստանի հետ լայնամասշտաբ պատերազմի սկսումը: Զելենսկին այս մասին ասել է «YES Brainstorming» ֆորումի ժամանակ: «Կարծում եմ ՝ այն կարող է լինել, պոտենցիալ այդ թեմայի մեջ կա: Դա կլինի Ռուսաստանի ամենամեծ սխալը, դրանից հետո երբեք գոյություն չի ունենա հարևանական հարաբերություն Ռուսաստանի, Ուկրաինայի և Բելառուսի միջև», - ասել է Զելենսկին: Նրա կարծիքով ՝ պետությունները թշնամիներ են դարձել Մոսկվայի գործողությունների պատճառով։ «Խնդիրն այն է, որ Ռուսաստանի տեղեկատվական քաղաքականությունը Ուկրաինայի ինքնուրույնության հանդեպ անհարգալից վերաբերմունք է ցուցաբերում: Եվ խնդիրը ոչ թե այս կամ այն քաղտեխնոլոգի ընտրության մեջ է, որոնք մտցրել են այդ «ռուսական աշխարհ» եզրույթը և այլն, այլ այն, որ ուկրաինացի ժողովրդի վերաբերմունքը ռուսների հանդեպ դրանից հետո կոտրվեց», - պնդում է Զելենսկին:

20:17 - 10 սեպտեմբերի, 2021

Ուկրաինայի նախագահը Վաշինգտոնում կհանդիպի Ջո Բայդենի հետ |armenpress.am|

armenpress.am: Միացյալ Նահանգների նախագահ Ջո Բայդենը օգոստոսի 30-ին Սպիտակ տանը կընդունի Ուկրաինայի նախագահ Վլադիմիր Զելենսկիին: Այս մասին ասել է ԱՄՆ նախագահի մամուլի քարտուղար Ջեն Պսակին՝ իր տարածած հայտարարության մեջ: «Նախագահ Բայդենն անհամբերությամբ է սպասում օգոստոսի 30-ին՝ Սպիտակ տանը ողջունելու Ուկրաինայի նախագահ Վլադիմիր Զելենսկիին: Այս այցը կհաստատի ԱՄՆ աներեր աջակցությունը Ուկրաինայի ինքնիշխանությանն ու տարածքային ամբողջականությանը, ինչպես նաև մեր սերտ համագործակցությունը էներգետիկ անվտանգության ոլորտում»,- հայտարարել է Պսակին:

21:51 - 21 հուլիսի, 2021

Վրաստան, Թուրքիա, Ադրբեջան...Զելենսկին նշել է` որ երկրների հետ է Կիևը զարգացնելու հարաբերությունը |tert.am|

tert.am: Ուկրաինայի նախագահ Վլադիմիր Զելենսկին ելույթ է ունեցել «Ուկրաինա 30. Միջազգային քաղաքականություն» համաժողովում`նշելով այն երկրները, որոնց հետ Ուկրաինայի համար ձեռնտու է լինել ընկերներ, գրում է lenta.ru-ն:Ուկրաինայի ղեկավարն այդ երկրների շարքն է դասել՝ ԱՄՆ-ն, Գերմանիան, Ֆրանսիան, Մեծ Բրիտանիան, Կանադան, Թուրքիան, Չինաստանը, Լատվիան, Լիտվան, Էստոնիան, Ադրբեջանը, Վրաստանը և Ռումինիան: Զելենսկին կոչ է արել նաև պահպանել հարաբերությունները Բրազիլիայի, Հնդկաստանի և Ճապոնիայի հետ:

17:11 - 05 հուլիսի, 2021

Ուկրաինան շարունակում է հզորացնել երկրի ռազմածովային ուժերը․ Զելենսկի |azatutyun.am|

azatutyun.am: «Ուկրաինան շարունակում է ամրապնդել երկրի ռազմածովային ուժերի կարողությունները՝ այդ թվում սեփական արտադրության սպառազինությունը զորքերին մատակարարելով», - հայտարարել է Վլադիմիր Զելենսկին։ Ուկրաինայի նախագահն այդ մասին հայտարարել է Sea Breeze-2021 զորավարժություններին մասնակցելու նպատակով Օդեսայի նավահանգիստ ժամանած ամերիկյան Ross ռազմանավի անձնակազմի հետ նախօրեին կայացած հանդիպման ընթացքում։ «Մենք շարունակում ենք հզորացնել ուկրաինական նավատորմի մարտական հզորությունները հայրենական արտադրության սպառազինության և տեխնոլոգիաների կիրառման միջոցով։ Օրերս հաջողությամբ ավարտին են հասցվել ուկրաինական արտադրության «Նեպտուն» տեսակի հրթիռային համակարգերի պետական փորձարկումները։ Դա հնարավորության կտա մեզ Սև և Ազովի ծովերում հաջողությամբ դիմակայել ռուսական ագրեսիային», - ասել է Զելենսկին։

12:53 - 05 հուլիսի, 2021

Ուկրաինացիներն ու ռուսները մեկ ժողովուրդ չեն․ Զելենսկին պատասխանել է Պուտինին |azatutyun.am|

azatutyun.am: Վլադիմիր Զելենսկին արձագանքել է Վլադիմիր Պուտինի Ուկրաինայի և ուկրաինացիների մասին մի քանի արտահայտություններին, որ Ռուսաստանի նախագահն արել էր երկրի բնակիչների հետ ուղիղ կապով ամենամյա հարց-պատասխանի ժամանակ։ Զելենսկին ասել է, թե ուկրաինացիներն ու ռուսները մեկ ժողովուրդ չեն, ինչը պնդել էր Պուտինը։ «Չնայած նրանք պատմական ընդհանուր հատվածներ ունեն, հիշողություն, հարևանություն, ազգականներ, ֆաշիզի դեմ ընդհանուր հաղթանակ և ընդհանուր ողբերգություններ, բայց մենք, ևս մեկ անգամ կրկնում եմ՝ մեկ ժողովուրդը չենք։ Եթե մեկ ժողովուրդ լինեինք, ապա Մոսկվայում պետդումայի շենքի վրա կծածանվեր դեղնա-երկնագույն դրոշը», - ասել է Զելենսկին, նկատի ունենալով Ուկրաինայի պետական դրոշը և մեկ ժողովուրդ լինելու մասին ևս մեկ նկատառում ներկայացրել․ «Հնարավոր չէ միաժամանակ խոսել մեկ ժողովրդի մասին և բացեիբաց գրավել մեր տարածքներն ու շարունակել սպանդը Դոնբասում»։ Հունիսի 30-ին անցկացված ուղիղ կապի ընթացքում Պուտինը նաև ասել էր, թե Ուկրաիանայի նախագահի հետ հանդիպելու իմաստը չի տեսնում, քանի որ Ուկրաինայի համար կենսական նշանակություն ունեցող առանցքային հարցերը լուծվում են Վաշինգտոնում, մասամբ Բեռլինում և Փարիզում։ Զելենսկու խոսքերով՝ հասկանալի է, որ արտաքին կառավարման թեզերը պարզ քարոզչական մանտրա է Ռուսաստանում ներքին օգտագործման համար։ Նա ասել է, որ Ուկրաինաին վերաբերող բոլոր հարցերը բացառապես լուծվում են Ուկրաինայում և Ուկրաինայի պետության կողմից, այլ ոչ թե հարևան երկրում և հաստատ ոչ ստվերային միջնորդների կողմից, որոնք հիմա տնային կալանքի տակ են, կամ գտնվում են հետախուզման մեջ։ Զելենսկիի ակնարկը ենթադրաբար վերաբերում է ուկրաինացի ռուսամետ գործիչ Վիկտոր Մեդվեդչուկին։ Պետական դավաճանության և ազգային հարստության յուրացման մեջ մեղադրվող Մեդվեդչուկը Ռուսաստանի նախագահի հետ անձնական սերտ կապեր ունի, նրա դստեր կնքահայրը Վլադիմիր Պուտինն է։ Ուկրաինայի արտաքին կառավարման Պուտինի պնդումներին ի պատասխան Զելենսկին ասել է, թե «դա նույնն է, եթե ես օրինակի համար ասեի իսկ ռուսաստանցիներին ինչո՞ւ են պետք ընտրությունները, եթե ամեն ինչ որոշվում է բացառապես Կրեմլում»։ Ամեն դեպքում Զելենսկին ասել է, որ «պատրաստ է հանդիպել Պուտինին, եթե Ռուսաստանի նախագահին իսկապես հետաքրքրում է մի շարք ճգնաժամային հարցերի լուծումը, որոնք օբյեկտիվորեն առկա են Ուկրաինայի և Ռուսաստանի երկկողմ հարաբերություններում»։

22:09 - 01 հուլիսի, 2021

Կիևն արևմտյան գործընկերներից հստակ ազդակների է սպասում՝ ՆԱՏՕ-ին անդամակցելու հեռանկարների մասին. Զելենսկի |azatutyun.am|

azatutyun.am: Պաշտոնական Կիևն արևմտյան գործընկերներից հստակ ազդակների է սպասում՝ ՆԱՏՕ-ին անդամակցելու հեռանկարների մասին, հայտարարել է նախագահ Վլադիմիր Զելենսկին՝ ՄԲ վարչապետ Բորիս Ջոնսոնի հետ հեռախոսազրույցում։ «Մենք ամեն ինչ արել ենք անդամակցության ծրագիրը ստանալու համար, և հիմա եկել է ժամանակը, որ մեր գործընկերներն ու դաշնակիցներն աջակցեն Ուկարինային՝ հստակ քայլերով ու որոշումներով», - ըստ նախագահական նստավայրի, ասել է Զելենսկին։ Վերջինս նաև պնդել է, թե լավ կլիներ, որ ԱՄՆ նախագահ Ջո Բայդենը Ռուսաստանի առաջնորդի հետ առաջիկա չորեքշաբթի կայանալիք բանակցություններից առաջ նախ իր հետ հանդիպեր։ «Ուկրաինան ամեն օր է ապացուցում, որ մենք ավելի պատրաստ ենք լինել ՆԱՏՕ-ում, քան եվրոպական երկրներից շատերը», - ասել է Զելենսկին։

09:31 - 15 հունիսի, 2021

Բայդենը Զելենսկուն հրավիրել է Վաշինգտոն |armenpress.am|

armenpress.am: ԱՄՆ նախագահ Ջո Բայդենը երկուշաբթի հեռախոսազրույց է ունեցել իր ուկրաինացի գործընկերոջ՝ Վլադիմիր Զելենսկու հետ և նրան հրավիրել Վաշինգտոն: Ինչպես հաղորդում է «ՌԻԱ Նովոստի»-ն, այս մասին լրագրողների հետ ճեպազրույցում հայտնել է ԱՄՆ նախագահի ազգային անվտանգության հարցերով օգնական Ջեյք Սալիվանը: Նրա խոսքով՝ Բայդենը Զելենսկուն հավաստիացրել է, որ կպաշտպանի Ուկրաինայի շահերը հունիսի 16-ին Ժնևում Ռուսաստանի նախագահ Վլադիմիր Պուտինի հետ կայանալիք հանդիպմանը: «Դա հեռախոսազրույց էր, որը նրանք ծրագրել էին անցկացնել նախագահ Բայդենի՝ Եվրոպա ուղևորվելու և ՌԴ նախագահ Վլադիմիր Պուտինի հետ նրա հանդիպման նախաշեմին: Նրանք հնարավորություն ունեին բավական երկար խոսել ԱՄՆ-ի և Ուկրաինայի հարաբերությունների բոլոր հարցերի մասին։ Նախագահ Բայդենը կարողացել է նախագահ Զելենսկուն ասել, որ հաստատակամորեն կպաշտպանի Ուկրաինայի ինքնիշխանությունն ու տարածքային ամբողջականությունը, ինչպես նաև նրա ապագա ձգտումները: Նա նաև հայտնել է նախագահ Զելենսկուն, որ անհամբերությամբ սպասում է Սպիտակ տանը, Վաշինգտոնում, այս ամռանը, Եվրոպայից վերադառնալուց հետո»,- հայտնել է Սալիվանը: Ավելի վաղ Զելենսկին Axios պորտալին տված հարցազրույցում հայտարարել էր, որ պատրաստ է Բայդենի հետ հանդիպել Ժնևում՝ Պուտինի հետ հանդիպումից առաջ, սակայն նման առաջարկ չի ստացել: Ռուսաստանի և ԱՄՆ-ի նախագահներ Վլադիմիր Պուտինն ու Ջո Բայդենը կհանդիպեն հունիսի 16-ին Ժնևում:

21:55 - 07 հունիսի, 2021

Ուկրաինան ամեն ինչ անում է Ղրիմը վերադարձնելու համար. Զելենսկի |tert.am|

tert.am: Ուկրաինայի նախագահ Վլադիմիր Զելենսկին հայտարարել է, որ երկիրն ամեն ինչ անում է Ղրիմը Կիևի վերահսկողության տակ վերադարձնելու համար:Հայրենական մեծ պատերազմի տարիներին Ղրիմի ժողովուրդների տեղահանության զոհերի հիշատակի օրը նշվում է մայիսի 18-ին: Այս օրը թերակղզում անցկացվում են հիշատակի միջոցառումներ:«77 տարի առաջ Ղրիմի ամբողջ թաթարական բնակչությունն արտաքսվեց Ղրիմից: Դրա պատճառով նրանք կորցրել են մարդկանց 50% -ը: 7 տարի առաջ Ղրիմը բռնազավթվել է Ռուսաստանի կողմից: Ուկրաինան ամեն ինչ անում է թերակղզին վերադարձնելու համար: Այդ պատճառով ենք մենք գործարկել Ղրիմի պլատֆորմը», - գրել է Զելենսկին իր թվիթերյան օգտահաշվում:

13:16 - 18 մայիսի, 2021

Զելենսկին Մեծ յոթնյակի և ԵՄ դեսպանների հետ այցելել է Լուգանսկի մարզ |1lurer.am|

1lurer.am: Ուկրաինայի նախագահ Վլադիմիր Զելենսկին Լուգանսկի մարզ է այցելել Մեծ յոթնյակի և Եվրամիության անդամ երկրների դեսպանների հետ: Այս մասին տեղեկացնում են Ուկրաինայի ղեկավարի մամուլի ծառայությունից: «Ուկրաինայի նախագահն աշխատանքային այցով մեկնել է Լուգանսկի մարզ: Վոլոդիմիր Զելենսկու հետ ժամանել են նաև Մեծ յոթնյակի և ԵՄ անդամ երկրների դեսպանները»,- նշվում է հաղորդագրության մեջ: Ուկրաինայի նախագահը մտադիր է մասնակցել Երկրորդ աշխարհամարտի զոհերի հիշատակին նվիրված արարողությանը:

18:59 - 08 մայիսի, 2021

Պեսկովը հայտնել է Պուտինի և Զելենսկիի միջև բանակցությունների անցկացման պայմանները |tert.am|

tert.am: Մոսկվան Կիևից կոնկրետ առաջարկների է սպասում Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի հնարավոր բանակցությունների վերաբերյալ, սակայն մինչ այժմ ոչինչ չկա:Այս մասին այսօր հայտարարել է ՌԴ նախագահի մամուլի քարտուղար Դմիտրի Պեսկովը, գրում է «ՌԻԱ Նովոստի»-ն։ Ավելի վաղ Զելենսկին, իտալական la Repubblica թերթին տված հարցազրույցում, ասել էր, որ Վատիկանը ռուսական կողմի հետ Դոնբասում իրավիճակի կարգավորման բանակցությունների համար կարող է «օպտիմալ վայր» դառնալ։«Առայժմ, ցավոք, ես չեմ կարող որևէ հստակ տեղեկատվություն հայտնել այս հարցի վերաբերյալ: Պետք է, հավանաբար, աշխատանքային կամ պաշտոնական կարգով մեզ ինչ-որ բան փոխանցվի ու կոնկրետ առաջարկներ հնչեցվեն: Մինչ այժմ օրակարգում ոչինչ չկա: Փաստն այն է, որ թերևս նախագահ Զելենսկին կայացնում է անձնական որոշում, արագ ձևակերպում է դրանք, բայց, այնուամենայնիվ, մենք ունենք որոշակի ընթացակարգեր։ Եվ, իհարկե, այս գործընթացը շատ դժվար է անցնել մեկ գիշերում», - ասել է Պեսկովը։ Բացի այդ, ռուս պաշտոնյան հավելել է՝ ընդունված է, որ կողմերը նախապես փոխանակեն որոշ գաղափարներ, ապա պաշտոնական դիրքորոշումները ձևակերպելուց հետո հանդիպեն։«Այս առումով, այնուամենայնիվ, մենք սպասում ենք որոշակի կոնկրետ առաջարկների ստացմանը»,- ընդգծել է Պեսկովը։

15:19 - 30 ապրիլի, 2021

Ուկրաինական բանակը պետք է ցանկացած պահի պատրաստ լինի հետ մղել հարձակումը․ Վլադիմիր Զելենսկի |azatutyun.am|

azatutyun.am: Ուկրաինական բանակը պետք է ցանկացած պահի պատրաստ լինի հետ մղել հարձակումը։ Նախօրեին՝ Ղրիմի թերակղզուն սահմանակից շրջաններ այցի ժամանակ, նման հայտարարությամբ է հանդես եկել Ուկրաինայի նախագահ Վլադիմիր Զելենսկին։ Այցի ընթացքում նա շփվել է Խերսոնի մարզում՝ Ղրիմի վարչական սահմանի երկայնքով տեղակայված ուկրաինական ստորաբաժանումների զինծառայողների հետ։ «Առաջնագծում գտնվող ստորաբաժանումների, ինչպես նաև պահեստազորի զինծառայողների կարողությունների ստուգումը շատ կարևոր է։ Խոսքը նաև զորքերի տեխնիկական կարողությունների և զինվորականների հոգեվիճակի մասին է։ Թեև [ռուսական] զորքերը սկսել են հետ քաշվել, այնուհանդերձ, մեր ստորաբաժանումները պետք է պատրաստ լինեն ցանկացած պահի վերադառնալ սահմանների պաշտպանությանը», - հայտարարում էր Զելենսկին։ Ուկրաինայի նախագահի այցը երկրի հարավային շրջաններ մեկնարկել է ռուսական զորքերի՝ Ուկրաինայի սահմանից հետքաշմանը զուգահեռ։

13:18 - 28 ապրիլի, 2021